اختلاف العسكرين ، اصبح واضحا وفي العلن ، حميدتي من جهه، ولجنة البشير الامنية من جهه اخري ، اضافه للسلاح المنتشر وسط اتباع النظام السابق وميليشياتهم . حتي المكون المدني ، تم شق صفهم بنجاح ، واصبحوا شيعا متفرقه ، وفي وسط هذا كله المواطن الغلبان الذي لايعرف من اي جه يلقاها . ده غير الكورونا .
05-27-2020, 05:39 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
وتقدر تربط تهديد العقيد ده بتهديد الكباشي .. المصيبة إنه الجيش السوداني تفكيره مرحلي كل مرحلة يدير التفكير فيها على حدا عكس حميدتي والحرية والتغير البتفكر وتخطط بلا مراحلية ودي الحتمكن الجيش في النهاية يستفرد بي خصم واحد وليس خصمين ( الحرية والتغيير والدعم السريع ) .. هم الآن عايزين الساحة تصفى على خصم واحد وزي ما قال تهديدا الجيش قادر يغير المشهد في أي لحظة انت شايف جوه الجيش اختلاف لكن ده ما حاصل الجيش كتلة اسلاميين وبس .. أي رتبة كبيرة في الجيش حتتفق مع برهان وكباشي في أي تحرك يحصل لاستلام السلطة الناس ما تنوم في العسل وتفتكر إنه الجيش متهيب قوة الدعم السريع لانه ممكن يسحقها في ظرف ساعات لو بقى الخصم هو حميدتي براهو أي صدام بين الجيش وحميدتي حيهيج الشارع على الجيش ودي الجهة الواضع ليها الجيش الف حساب الجيش خوفو من قوى الحرية والتغيير الممكن تألب عليهم الشارع .. يمكن البرهان زاهد لكن الخوف من البقية ناس كباشي والعطا وزي بتاع المدرعات ده كتااار ..
الخوف من الجيش ده يا قدورة لازم يتم تحييده وافشال كل خططه وتفكيره للانقضاض على الحكم لانه كانوا استلموا حيرجعوا وهم نفسهم الاسلاميين .. لكن بالوجوه غير المحروقة والصف الثاني منهم الله لا عادهم ولا عاد الكيزان الحرامية
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالقادر محمد
Hasheem Karouri
جمال ود القوز
فيس بوك
تويتر
انستقرام
يوتيوب
بنتيريست