|
|
|
 Re: البلد ماشة لى ورا (Re: أيمن نواى على)
|
يا اخ ايمن نواي
الماشي لي ورا لي ورا
معناهو متحرك
والتحرك دليل حياة
هذه بلد لفها السكون
والسكون يعني الركود
والركود يعني أن تصبح آسناً بعد مضئ الوقت
الله يستر
| |
 
|
|
|
|
|
|
|
|
Re: البلد ماشة لى ورا (Re: Ali Alkanzi)
|
سلام على الكنزى
الماشي لي ورا لي ورا
معناهو متحرك
والتحرك دليل حياة
هذه بلد لفها السكون
والسكون يعني الركود
والركود يعني أن تصبح آسناً بعد مضئ الوقت
الله يستر
..........................
يا ريت نكون. فى حالة السكون ..
| |
|
|
|
|
|
|
|
|
|
Re: البلد ماشة لى ورا (Re: أيمن نواى على)
|
ارقوزات السياسة حا يضيعوا البلد .. الشعب ممكن يتوحد و يتفق و يعمل على نهضة البلد .. لكن الارقوزات لا يمكن ان يتفقوا او يتوحدوا إلا على الخراب و الدمار و الشتات .. هناك خياران لا ثالث لهم .. اما ان يتوحد الشعب و يلغى جميع الاحزاب .. و اما الخراب و الدمار .
| |
|
|
|
|
|
|
|
|
|
Re: البلد ماشة لى ورا (Re: أيمن نواى على)
|
كلامى دا اسمعوا كويس .. ما دام ارقوزات الاحزاب فى الساحة السياسية لا يتقدم السودان شبر واحد لى قدام .. و لا حا يكون فى سلام .. ولا الجنية يرتفع و لا استقرار و لا امن فى البلاد .. اس الداء و البلاء هذه الاحزاب .. اذا لم يتم تحجيم كل الاحزاب دون استثناء و وضعها فى علبها تكثر الفتن و المكر و الخبث .. تمزق البلاد شر ممزق .. هذه الاحزاب لا تنظر ابعد من نطاق الحزب ولا تكترث بالسودان و لا بالشعب .. همها الحزب .. السودان اخر اهتماماتها .. ايها الشعب الابى اذا كنتم تريدون للسودان ان يكون و طنا استلموا السودان من ايدى ارقوزات السياسة .. و إلا تبكوا على وطن كما تبكى النساء.
| |
|
|
|
|
|
|
|
|
|
Re: البلد ماشة لى ورا (Re: أيمن نواى على)
|
عليكم الله الحكومة الانتقالية دى حكومة ناس ممكن تودى البلد لى قدام .. دا ضياع زمن فى الفارغ .. اى واحد داير يمشى البلد على مزاجه .. وين كلمة الشعب صاحب الكلمة الاولى و الأخيرة .. حكومة لا تحترم شعبها .. يموت الشعب كما يموت الضان فى الخلاء .. شعب لا قيمة له فى نظر الساسة .. لم ارى فى حياتى سياسين يحتقرون شعوبهم مثل السياسين السودانيين .. الطلقة لا تساوى ثمن المواطن السودانى ..
| |
|
|
|
|
|
|
|
|
|
Re: البلد ماشة لى ورا (Re: أيمن نواى على)
|
قيادات الاحزاب الجبانه .. التى ولت الدبر فى ساحة القيادة العامة و تركت الشباب يواجه الموت لا تستحق ان تقود او تجلس على كرسى السلطة .. الذين يفرون من ساحة المعارك و يكثرون عند مغانم السلطة كالضباع ماذا نتوقع منهم غير الخزلان و الجحود و نكران الجميل .. من يجعل المعروف فى غير اهله يكن ذما عليه و يندم .. لا يمكن لى احزاب جبانة ضعيفة ان تقودنا و نتوقع منها ان تحقق طموحات الشعب السودانى .. لا قدر الله اذا حدث هجوم خارجى اول من يولى الدبر و يترك الشعب هؤلاء قادة الاحزاب .
| |
|
|
|
|
|
|
|
|
|
Re: البلد ماشة لى ورا (Re: ahmedona)
|
سلامات احمدونا
أها الدولار كمان وصل (95) جنية وعلي وشك التمتير.
...............................
الدولار سوف يصعد يتجاوز 150 جنية قريبا .. و اسعار المواد الغذائية يتصاعد .. كل شئ يرتفع البنزين الخبز و العلاج و التعليم .. و يتم تركيع الشعب السودانى و يتنازل عن دماء الشهداء و قتلى دارفور و كردفان و النيل الازرق و بورتسودان و كجبار .. حتى يجثوا الشعب على ركبتيه يقبل قدم جلاديه و يعلن توبته و يطالب العفو عنه و انه سوف يتبعهم ذليلا مطاطى الراس .. و يكملوا بيع ما تبقى من الوطن و يصبحوا اثريا كما فعل الموتمر الوطنى .
| |
|
|
|
|
|
|
|
|
|
Re: البلد ماشة لى ورا (Re: أيمن نواى على)
|
شهد شاهد من اهله ناس قحت
منقول
.....
اقولها الآن
ومن فم احد قيادة قحت
ان البلد يمشي علي الانهيار و الوقوع في شرك العسكر الذي وضع للثورة و سوف يتربع عليه حميدتي قريبا
كل سنه وانتو طيبين
| |
|
|
|
|
|
|
|
|
|
Re: البلد ماشة لى ورا (Re: أيمن نواى على)
|
اسمح لي بالإختلاف مع مقولتك هنا ، واقول ان البلد ماشة لي قدام وح تمشى بصورة افضل..
تم اسقاط النظام ،
تم التوافق على وثيقة دستورية لتحكم الفترة الإنتقالية ،
تم تكوين جزء كبير من هياكل الفترة الإنتقالية (المجلس السيادي + الحكومة المدنية) ،...........
------------------------------------------------------------------------------------------------------------
قول له يا كبر يا اخى اشرح له قدر ما قلنا له خليك متفائل الخراب الاصاب بلدنا بايدى الكيزان من المستحيل ازالته بين يوم وليلة يحتاج لجهد جبار من جميع مكونات الشعب فعلينا ان نتكاتف ونعمل سويا لانقاذ الوطن لكن اخونا ايمن راكب رأسه ومصر على ممارسة المكاجرة
| |
|
|
|
|
|
|
|
|
|
Re: البلد ماشة لى ورا (Re: Hassan Farah)
|
وصلنا 25 مايو 1969 ما شايف العلم القبيح ده لحدي هسة ثورة ما عندها حتي علم يرمم وجدان السودانيين من جديد
اتخيل عندنا بعاعيت زي ديل لحدي 2020
بعثي ناصري شيوعي
وبزعلو ليه
قلنا مشاريع الصرف الصحي المصرية دي ما تلزمنا في السودان المشكلة شنو
الكيزان الاسوا في السودان بس بعاعيت مايو 1969 مش افضل ناس في السودان
بعدين حوض الترسيب دائما ثلاث غرف قبل يصب في البيارة الرئيسية
الانقاذ 1989 + قحت بعاعيت مايو 1969 + كمونية الجبهة الثورية بتاعة الفاشل ياسر عرمان
جبريل الكوز الشعبي
الزول لما شايف في السودان غير ديل ...المشكلة فيهو هو مش في السودان والسودنيين اطلاقا
ديل اعمدة الحكمة السبعة الكوشية في السودان يمثلو 95% من الشعب السوداني ان فقهو
https://top4top.io/
| |
|
|
|
|
|
|
|
|
Re: البلد ماشة لى ورا (Re: adil amin)
|
ايمونلا يا حبيب
انت مش قلتا عاوز تنفصل؟
امشي انت و خالك احكمو الجبال و لو جيناكم ارجمونا بالحجار من فوق
خالك دا ذاتو بقى ذي ابن بطوطة تاني ما برجع ههههههههه
| |
|
|
|
|
|
|
|
|
|
Re: البلد ماشة لى ورا (Re: خضر الطيب)
|
ول أبا خضر،
سلام ..
Quote: انت مش قلتا عاوز تنفصل؟
امشي انت و خالك احكمو الجبال و لو جيناكم ارجمونا بالحجار من فوق
خالك دا ذاتو بقى ذي ابن بطوطة تاني ما برجع ههههههههه |
دا كلام شنو دا يا خضر .. أيمن لا ينفصل عن أرض أجداده في شمال السودان .. أرض كوش.
السودان موحد بإذن الله بفعل مجموعتين النوبة والبقارة في أرض الهامش ..
بريمة
| |
|
|
|
|
|
|
|
|
|
Re: البلد ماشة لى ورا (Re: خضر الطيب)
|
مولانا كبر
تم التوافق على وثيقة دستورية لتحكم الفترة الإنتقالية ،
تم تكوين جزء كبير من هياكل الفترة الإنتقالية (المجلس السيادي + الحكومة المدنية) ،
...... . ......................
اختلاف الرأى لا يفسد للود قضية .. اولا :- يوجد ثلاث و ثيقة. .. الوثيقة الدستورية التى تم التوقيع عليها و الوثيقة المعدلة و قانون الطوارئ الذى يسقط الوثيقتين .. و انت اعلم بى بواطن الامور .. و هذا التخبط يدل على احد من الأمرين .. اما لغياب رؤية الهدف من الدستور وهذا هو المتوقع .. او فتح ثلاث خيارات للالتفاف على الدستور و تاكيدا على عدم أهمية الدستور نفسه .. و هذا سيلقى بظلال على اى اتفاق قادم و خصوصا اتفاقية السلام القادم .. الذى يعدل الدستور فى اسبوع من توقيعه يمكن ان يلغى اى اتفاق فى اى لحظة .. الذى لا يحترم الدستور لا يحترم اى اتفاق .. و موروث نقض العهود و المواثيق مازال ماثل وجاسم فى صدر اى اتفاق.. ما لم تتغير العقلية لا يحدث اتفاق .
النقطة الثانية :- اكتمال الهيكل التنظيمى .. السلطات الثلاث تنفيذى و تشريعى و قضائى ذى موتر الركشة تمشى بثلاث لستك ..ركشة الحكومة الحالية ليها سنة ماشة بى لستكين احتمال تصل محطة الديمقراطية و احتمال ما تصل تبرك فى نص الطريق او تنقد المكنة .
| |
|
|
|
|
|
|
|
|
|
Re: البلد ماشة لى ورا (Re: أيمن نواى على)
|
مرحب حبيبنا بريمة
Quote: دا كلام شنو دا يا خضر .. أيمن لا ينفصل عن أرض أجداده في شمال السودان .. أرض كوش.
السودان موحد بإذن الله بفعل مجموعتين النوبة والبقارة في أرض الهامش .. |
ايمن و خالو الوغد انفصاليين
بالمناسبة خالو كان معاكم في اليونان و زول صاحبي
في بوست كتبو ايمن قال عاوزين ينفصلو
قلت ليهو ياخ انفصلو هههههههه
| |
|
|
|
|
|
|
|
|
|
Re: البلد ماشة لى ورا (Re: أيمن نواى على)
|
مولانا كبر
تم بدء المفاوضات لإحداث السلام باعتباره الأولوية الأولى للفترة الإنتقالية ، وتمكن رئيس الوزراء من زيارة مدينة كادوا ، المدينة المعزولة والتي تحظى لأول مرة في تأريخها بزيارة مسئول سوداني كبير بمستوى المسئول الأول (سعادة رئيس الوزراء دكتور عبد الله حمدوك)
.....................
نكون واضحين ..نلعب بالمكشوف يا اخى .. قحت لو دايرة السلام حقيقتا ما كانت ابعدث الحركات المسلحة الموقعة معها فى و ثيقة اعلان الحرية و التغير .. و ثانيا لو كانت قحت تريد السلام كانت رحبت بمفاوضى الجبهة الثورية عبر مناديبها فى الخرطوم و ليس فى اديس ابابا. .. ثالثا رفضت مطالب الجبهة الثورية و قالت عنها محاصصات و هى بذات نفسها نفذت المحاصصات .. حلال على بلابل الدوح و حرام على الطير من كل انس .. قحت لا تحقق السلام فى السودان حتى يدخل الجمل فى سم الخياط .. ارسلت قحت الوفود و المناديب للخارج للبحث عن طريق اخر لرفع العقوبات ظنا بتجاوز الحركات .. اتصدمت بعقبة السلام عادت منحسرة لطاولة المفاوضات مجبورة و ليس رغبة منها .
رابعا :- الاكشن و الدراما و كوميديا القطران كثيرة فى الايامات دى .. تعال نهمس ليك فى اضانك كل ما يحدث اتفاق سلام نائب الرئيس يموت قربانا بالطيارة من الزبير و قرنق المرة دى الله يستر .
| |
|
|
|
|
|
|
|
|
|
Re: البلد ماشة لى ورا (Re: أيمن نواى على)
|
سلام فرح
قول له يا كبر يا اخى اشرح له قدر ما قلنا له خليك متفائل الخراب الاصاب بلدنا بايدى الكيزان من المستحيل ازالته بين يوم وليلة يحتاج لجهد جبار من جميع مكونات الشعب فعلينا ان نتكاتف ونعمل سويا لانقاذ الوطن لكن اخونا ايمن راكب رأسه ومصر على ممارسة المكاجرة
........................
نعم اتفق معاك الاصلاح لا يمكن ان يتم بين ليلة و ضحاها .. طريق الاصلاح واضح لكن ناس قحت فارقوا الدرب تب و دخلو فى مسالك الاكشن و تغيب المواطن و اللعب على الدقون فى الزمن الضائع .. الجفلن خلهن اقرع الواقفات .. اقرع معانا ما تجفل مع الجافلات يروح بيك الدرب .
| |
|
|
|
|
|
|
|
|
|
Re: البلد ماشة لى ورا (Re: أيمن نواى على)
|
استاذ عادل امين
وصلنا 25 مايو 1969 ما شايف العلم القبيح ده لحدي هسة ثورة ما عندها حتي علم يرمم وجدان السودانيين من جديد
اتخيل عندنا بعاعيت زي ديل لحدي 2020.
......................
الجوع بس يرمرم بطن السودانين .. العلم بقى ترف فى الزمن دا .. حليل ايام زمان بطون شبعانه و العلم يرمرم الواجدان يفر جنحينها ذى توبها .
| |
|
|
|
|
|
|
|
|
|
Re: البلد ماشة لى ورا (Re: أيمن نواى على)
|
خضر الحبوب
امشي انت و خالك احكمو الجبال و لو جيناكم ارجمونا بالحجار من فوق
...................
ما لكم ما تجونا عشان ركبنا دش .. و ال ابا بريمة رد ليك .. اعمل حسابك وال ابا بريمة ود حبوبتنا هسى يتقلب فيك .
| |
|
|
|
|
|
|
|
|
|
Re: البلد ماشة لى ورا (Re: أيمن نواى على)
|
وال ابا بريمة
السودان موحد بإذن الله بفعل مجموعتين النوبة والبقارة في أرض الهامش ..
.................
ولض امى داكو لقيتى .. كو .. ظوت بعجتها فى بكانه ولض ابوك .. تور عفين الشين انى .. طوى الكلام مجغتا مجغ فلفسة .
| |
|
|
|
|
|
|
|
|
|
Re: البلد ماشة لى ورا (Re: أيمن نواى على)
|
خضر الحبوب
بريمة قال انو عربي و جدو الرسول
علاقتكم بيهو شنو ؟
.......................
الرسول (ص) ذاتو حبوبتوا نباوية رائيك شنوا .. بريمة دا لو ما حبوبتوا نباوية كان يكون فالح ذى دا .. كان ما مصدقنى ياهو قدامك اسالوا .. الغرب دا كلوا مخلوط جنوبين على عرب نوبا فلاتة فور برقوا ذغاوة .. ما تشوف المشاكل دى ..مافى قبيلة صرفة غير مخلوطة .
| |
|
|
|
|
|
|
|
|
|
Re: البلد ماشة لى ورا (Re: أيمن نواى على)
|
مولانا كبر
القوى الوحيدة التي ترفض وجود حميدتي هي الحركة الإسلامية التي ترى ان تحييد حميدتي او عزله هو اكبر احتمالات نجاحها في خلق الفوضى ومحاولة العودة..وهذا لن يحدث يا صديقي ، والحركة الإسلامية التي تحاول جرجرة البلد للعنف والفوضى لم تدرك بعد امكانيات شباب الثورة ، لأن هذا الشباب لو اطلقت يده بالحسم الثوري المباشر ح ياكل اهل الحركة الإسلامية احياء..وهذا ليس تهديد يا صديقي وانما قراءة واقعية للواقع
.................... .............
ما يفعله اليسارين و الاسلامين هو اختلاف حول تقسيم الكيكة .. اليسارين 30 سنة كيكتهم صغيرة غصب عنهم و الان جاتم الفرصة لينالوا النصيب الاكبر من الكيكة و يتركوا الفتافت للاسلامين .. معركة الاسلامين و اليسارين مع حميدتى معركة مؤجلة بعد الرضاء بالقسمة الضيزى و الصلح .. اول هدف لهم هو حميدتى .. و كل هذه الصرعات ليست من مطالب الثورة .. حرية سلام و عدالة .. لكن هذه الاحزاب تنحرف بالثورة لتحقيق رغباتها خصما على مطالب الثوار ..اثرياء اليسارين لم يتأثر تجارتهم و لم تصادر اموالهم فى ظل حكم المؤتمر الوطنى ظلت كما هى .. الان الاسلامين يطالبوا اليسارين برد الجميل هذا هو الخلاف .. الثوار قضيتهم مختلفة تماما .. لا يفرق بين الشهيد استاذ احمد الخير شعبى و لا شهيد الحركة الشعبية و لا شهيد محجوب مستقل.. كلهم شهداء يطالبون بحقوقهم .
| |
|
|
|
|
|
|
|
|
|
Re: البلد ماشة لى ورا (Re: أيمن نواى على)
|
كل حزب شغال بى همه ان يكون له اكبر عدد من الوزراء و ولاة الولايات فى الحكومة الانتقالية ليكتسح الانتخابات القادمة .. اما برنامج الوزير او الولاة ما مهم .. المهم عندهم استخدام السلطة لتعين اعضاء الحزب و التجنيد و اقامة الندوات و الاعلان للحزب .. اما مطالب الشهداء تكاد الاحزاب تخلوا من شهيد بالتالى ليس من اهتمامتهم .. اما الغلاء المعيشى يسرع بسقوط الحكومة و اعلان انتخابات مبكرة وهذه تحسب فى صالحهم .. التدخلات الخارجية مرحب بها لانها تدر دخلا محترما للاحزاب حتى لو كان الثمن بيع جزء من ارض الوطن .. الارض شاسعة كل من بريد جزء من الارض او مواطنين لا باس ما دام يدفع المعلوم فى الخفاء.. كل شئ بى ثمنه فى سوق الله اكبر .
| |
|
|
|
|
|
|
|
|
|
Re: البلد ماشة لى ورا (Re: أيمن نواى على)
|
مولانا كبر
بالرغم من كل هذه المبررات ، يظل السؤال قائم: ماذا نحتاج لتكون البلد ماشة لي قدام؟
..................
المطلوب مجموعة قحت كلها يدخلوها السجن مع الموتمر الوطنى .. و يحكموا كل شخص خدع الشعب او استلم اموال من الخارج او كذب على الشعب .. المهم يبحثوا كل فايلتهم .. اعطاء حمدوك صلاحيات واسعة اختيار الوزراء و اضافة الجيش والامن و الشرطة .. و الجيش رئاسة الجمهورية تشريفية .. تعين المجلس التشريعى يشرف على التعين ثوار الاحياء .. اربعين شخص من الضباط المعاشين 10 من الشمال و 10 من الجنوب وعشرة من الشرق و 10من الغرب .. و 40 من القضاة و المحامين بنفس التقسيم .. و 40 من الاقتصادين و الراسمالين .. و 40 من الاساتذة .. و 40 من المزارعين و الرعاة .. المجموع عدد المجلس التشريعى 200 مقعد .. بعد ثلاث سنوات يخلى نصف المقاعد و يتم انتخاب النصف الثانى انتخابات حرة مباشرة .. تمديد فترة الحكومة الانتقالية لمدة 8 سنوات .. هذا هو الحل و ممكن البلد تمشى لى قدام و تحقيق شعارات الثورة و السلام و الحرية و العدالة .
| |
|
|
|
|
|
|
| |
أيمن نواى على
Ali Alkanzi
ahmedona
Kabar
Hassan Farah
adil amin
خضر الطيب
Biraima M Adam
فيس بوك
تويتر
انستقرام
يوتيوب
بنتيريست