♧عاسِمةُ ال[لَوْلَوَاتِ] و العفونيات التَّلَاتَةِ£

[ألَّا كهربة-لا موية-لاأمنَ و لاأمانَ و لاهم يحزنون]

▪خدوري يا فردة ما أنت سيد العارفين أنو
التلاتة ديل حيشاني أنا و أخوك قاعد في السهلة
و أنتو ضاربين لي الجداد الكويتي المبغبغ في غتر
الفتية ، لقمتكم الدهن سايل للكوع. و نحن جينا بجاي
لينا الله و عيشة السوق. ماسكانا الضبابين وردية نهار
تخمش اللقمة من جوة لهاتك و البعوض هليكوبتر بس
برضو ما مقصر وردية ليل صباحي عضعيض نضيف.
.

▪واااا أسفاي على حال بلدٍ بلا ولاء و فاقدةٌ
لأي شعورٍ بالانتماء..و تظل منهوبة بأيدي الأبناء.
على رأي عمنا الشاعر الراحل/ محمد مفتاح الفيتوري
و الذي أفنى عمره هائماً يجسد مأساة فرعونٍ عاشقٍ يتغنى
ب{معزوفة درويــش متجــول). عاش درويشاً إفريقياً ساحراً
ظل يقرض لنا الشعر ليُلْقيه على عواهنه ، هكذا حراً بلا قافيةٍ و لا
تفعليةٍ حتى و هو يلفظ آخر زفرةٍ من أنفاسه و يغادرنا و قد أشعل
لنا أصابعه شموعاً في عتمات عالمٍ خَرِفٍ تعودنا منه ألا يصون وداً
أبداً لأي مبدعٍ مهما كانت له من صولات و جولاتٍ في: دنيا ليست
بدار قرارٍ و بقاءٍ ؛ و لا يملكها من يملكها؛ أغني أهليها سادتها الفقراء.
الخاسر من لم يأخذ منها شيئاً ، مما تعطيه علي استيحاء.و الغافل
من ظنّ الأشياء كما تبدو لناظره هي طببعة الأشياء!

▪ رحل عنا ناظمُ تلك الطلاسم ، و هو ذلك البحر بالا
شطآنٍ و نفائس الدر في قيعانه كامنةٌ، أديبنا القرعاني الضخم/
محمد مفتاح الفيتورى، رحل في المغرب بعد رحله مرضٍ مريرةٍ ،
و قد اختتمها بسكتةٍ دماغية لم تُمهٍلْهُ إلا قليلاً. و قد خلف برحيله
حزنا ًد فيناً و أسَى عميقاً بنفوس محبيه في أوطانه وحول العـــالم
أجمع.. شاعر بلاد العُرب أوطاني و ساحر مجاهل أفريقيا ، ظلت تتناكره
مساقط رأسه و مراتعصباه في كل الأوطان.فيما احتواه العاشقونيفردون
له مصاريع الأحضان. ليعيش طِوَالَ عُمُرِهِ هائماً على وجهه ، مرتحلاً بين
مطالع الشمس و منازل القمر، يتأبط وطناً كانوهماً كبيراً بلا خارطةَ
لوجوده إلا بين ثنايا جوانحه. و كلما حطَّ علي غصن لألفٍ ليلة و
ليلة ربيعيةٍ عربيةٍ من مدلهمات الليالي ، راح يُحطِّمُ أصنام
الجبابرة الطغاه ولا يبالي. ثم يخرج منها مغاضباً ، يهيم
على وجهه وعلى رأسه ريشُ غرابٍ و تويج كرامةٍ،
و بيده صولجانٌ كما لو كان سلطاناً للعاشقين.

♧ عرضُ حالٍ عاجلٍ للجنة إطالةِ التَّمْكين£
( دفع الله ود الأصيل)

♧كلَّ عامٍ تُرذَلون و أنم صامتون£
《بلد تعج شوارعها بالبوكو حرامة》
كلو واد ليبيا بدون لوحات و لا إسبيرات
♧ وضعنا المقلوز حالياً لدرجة يقرف الليمون ؛
حتى لم يعد يسرُّ عدواً ولا صليحاً. فدا ذكرني ذات
مرة من ذوات المرارات : كنا ماشين لينا لي عزا (بكا)
في أم طرقن عوراض ديك المي هنا ؛ تراها جيهة
شلعوها الجعليين و حشروه العباساب . و راكبين
لينا هوستن زبالة داوودي موديل تقول من يوم
حفرو البحر {سنة أم دقنوس مجاعة ستة}.

● قام وحلنا في ترس حُقنة و وقف بينا حومار
الشيخ في العقبة .أها قام للتسود ختوتو اللوري كطع
سير مروحة؛ فما لقينا أي حل. قام مساعدي الحَلَّة قال لينا:
يا جماعة الخير ما يتحير علا مغير. دحين ما عندنا دَبارة
غايتو علا واحد منكم يتبرع لينا بي (تكة) سروالو نشغلا
إسيير لسير مروحتنا نمشي بيها حالنا. شب واحد أخو
فاطنة ظق سدرو: أبشر وأناخوك، و حل تكتو ربطنابا
سير الجن ، درَّجتنا شوية ترس ترسين و حتها
انكطعت ؛ قمنا استلغنا تكة واحد تاني ملصا
لينا ثم هكذا دواليك و هلم جرا .

● يلا الشاهد: ترعة ورا ترعة ترس ورا ترس؛
و نحن نتمولص تكة تلو الأخرى ؛ لامن كملنا تِكَكنا
كلهن ؛ و لحدما أخوان فاطنة تشت علينا بقينا حزاماتنا
ناصلات و قاعدين أم فكو ساااه ؛ حتين يا الله ربك رب
الخير وصلنا بكان أهل الفراش: من فوق هلًّا هلًّا
و من تحت يشهد الله (مولانا كما خلقتنا).

●هناك بقينا ممحنين. قلنا : ياخوانا،
يا ربي هسة بس شن نسوي؟!! يعني ننزل
نواجب الناس ديل نرفع معاهم الفاتحة ولا
نفضل ماسكين لباساتنا بخشومنا كدي
لامن نرجع مقبلين شايلين أهلنا؟!!
توقيع/
☆ ود ال ح ش ا ن ال ت ل ا ت ة
مرمنٌ نلدوغٌ من جحرٍ مرتين،حالياً
مؤذنٌ محجورٌ منزلياً بجزيرة مالطا.

[}لازم تعرفو الظلم جاى من وين عليك
و افتح عينيك على زهور الغابة و الأدغال
و براءة الأطفال وعشان يكون الحق ليك
تعبر بحور ..تهدم جبال..
الحـــــق هـــو النضـــال
و الحق فى ساحة مجزرة
و النصر للفاس والرجال
و لي سواقى مدورة
*****(((((+)))))*****
▪و حيث لا تكفي قوة البأس (العضلي)
و الهتافات لوحدها لإشعال ثورة ، فلا بد
أن تأتي هنا ، أهمية وعينا تماماً ب(من أين
تؤكل كتوفنا.) حيث أن المؤمن كَيِّسٌ فَطِنٌ
و ليس مجرد (كِيْسُ قُطْنٍ). لذا ، كان لا بد
من (عين مفتوحة) حارسة لمقدسات الدين
و مقدرات الأرض؛ و صائنة العرض على
نطاق جغرافيا تراب الوطن ما بين
(الغابة) و الصحراء.
[]*****(((((+)))))****

▪و لا بأس بركوب الصعاب و بذل
النفس و المال في سبيل ( النضال )
دفعاً للظلم و صوناً (للحق) و لا بد أن
النصر آتٍ إن عاجلاً أم آجلاً للفاس كما
كان للمطرقةوالمنجل(شعار ثورة العمال،
على يد البلاشفة الروس) ، و حيث :
إنه لا يسلم الرفيع من الأذىو؛
حتى يراق على جوانبه الدم
***(((((+)))))***

••••• مرحب عمو جقود ظافنشي••••••
▪على طاري اليمن قالو أب سن يضخك على أب سنين،
أخونا يمني ضحكني حتى أسال ريالتي ثم أجشني بعبرة
البكاء، حين أطلق لي ملاحظةً لا تخطئها عين ملاحظٍ قال:
مستغرب فينا السوادنة في سوق أم دفسو بنفرش نعلات
الشقيانة و تموت تخلي فوق طربيظة و لكن البانضورة
و الججير و البصل اللخداااور فوق واطات الله دي.

▪ يلا هاك دا نداء ايتغاثة عاجل لعناية اللصين/
القحاطي وجدي صالح و الكوز جبريل و من يلف لفهما.
لا بد في المية من تبديل لجنة لإطالة التمكين ومحاربة
الفساد بالسفارات و القنصليات. وكتين غلبكم فتح المجاري
و رغيف الخبز الحجاري و البنزين التجاري و الرحيح كداري.
••○••○••
▪ بالمناسبة مستشفي السرطان بتاع الأطفال خبرو شنو؟
كان عملو ليه سوق خبري على هامش وهمة توزبع أراضي الوادي
اللخدااااور. و طبعن صاحبي الأهبل طوالي أخذتو هاشمية العزة
يالإثم و تبرع لبهم ب 50ريال بس، لكن في واحدبن أهبل منو
زمن الناس حنان أول ما يشوفولم شافع هزيل صوفو منحت
في الدعاية بختو الف ريال طوالي ويرمو معاها كم دمعة و
تكبيرات، هيعلات وهيللات "هي لله و ما لدنيا قد عملنا"
•••••○○•••••
•》ألو الجاليات السودانية بالخارج (حول ) هل تسمعني
(حول) بالله..هل حدس لكم مثل ما حدس و لا حرج لجاليتنا
السودانية بالسعودية و صويحباتها في الخليج ؟! يلا (حول)
نحن في انتظار الجواب الشافي .و هكذا أسدل الستار علي
(عملية نصب القنصلية في النملية )

《ضرب نار في قلبا》
☆ يشهد الله كنا في قلب المعمعة إذ بدأ الرصاص
الحي يلعلع فوق رؤوسنا من ناحية تقاطع جمارك الحاويات
كان حينئذٍ قريباً لي في طريقه إليَّ فمرقت جاري أجيبو.أتاريه
فوجئ برهبة المشهد فارتبك لدرجة أن فقد البوصلة و ضل طريقه
إلى ساحة أم المعارك . قام كبسلو باب و دخل على نسوان لقاهن
بهدوم المهنة فآوينه و قمن تجاهه بالواجب كما ينبغي و هدأن
من روعه إلى أن استتب الوضع قليلاً ثم جئت لأخذه معي.
الشاهد: لعَمرُك ، أمةٌ لا تزال نساؤها تضرب الأمثال في
غوث الملهوف بكل هذه العفوية والأريحية لهي خير أمةٍ
أُخرِجت للناس إلى أن يرث الله أرضه ومن عليها.

🌸 قصة حكاها عريف بوليس من امدرمان اترفد من الشرطة سنة ١٩٥١م
عن جريمة عالقة بالذهن وكان متحري قال كنت عسكري مستجد ايام القلشين
والكسكتة ام ريش موزع بتمنة الموردة ليلا عندك مربوعين تلاتة تلفهم وبيدك
دفتر خدمة كل ساعتين الشاويش يجي لافي عليك ب عجلة بدون ليك
مرورو بالزمن في دفترك ويتعرف علي احوال دائرتك و يسجل بنوتته.
🌸قال سمعت صوت كلاب نبيحها زاد جنب كوشة قربت لقيت
طفل حديث الولاده ومعه بشكير وقطن وبزة لبن مليانة نهرت الكلاب
وبقيت اضوي بطاريتي للشاويش لانو زمن مرورو. قرب صفر سمعتو
ضويت شافني جا وريتو الحاصل عاين الطفل ولاحظ الكرتونة وضوا
النور علي اثار الاقدام وقالي انتظر هنا واسرع للتمنة
ودقائق جاني مع الظابط بالكومر.
🌸شلنا الطفل علي القسم ودونو البلاغ ومشينا الدايات سلمهم
الطفل وشال الظابط الكرتونة وكان مكتوب عليها راديو فيليبس!+
🌸 اتصل الظابط علي اتنين من التجار الاقباط الذين يبيعون اجهزة
الراديو كانت تلفوناتهم مسجلة بالقسم وطلبهم وجوا بالليل ومشي
معاهم فتحوا دكاكينهم وراجعوا بالنمرة اسم الزول الإشترى
الراديو فيليبس وعنوانه طلع شاويش جيش بالابيض.

🌸 بالشفرة اتصلوا بمباحث الابيض ذهب ظابط
نبطشي الابيض بالليل داك لنبطشي الجيش بالابيض.
سالو الشاويش انت يوم كدا مشيت الخرطوم واشتريت
راديو فيليبس من القبطي فلان قال نعم سالوه وين الكرتونة
نادى زوجتو سألها قالت جارتنا فلانة جاتا قالت عايزا كرتونة
زوادة ادتا ليها وسافرت بيها يوم كدا للخرطوم .
وصلت الإفتدادة من الاأيض بعد ساعة من البلاغ بالاشارة
بالليل مشي الظابط للمراة طبمنزلهم في الموردة ومعه الطفل
حديث الولاده وانهجمت الفتاة النفساء وامها ولم يصبح
الصبح إلا و الطفل يرضع من ثدي امه ولم يمس البزازة.
التعليق:
دي شرطة زمان لا نت ولا امكانات
وهسي تخش المخدرات بالحاويات
ولا متهم ولا بينات!
الشرطة ايام زمان !!

《 تلاتة مطيرات》
▪المتعافي والي الخرطوم في عهد
(الأنقاض ) البايظ، الله لا طراهم و لا
جاب باقيهم، لامن جاء يخطط لبناء الطرق
و الجسور و سفلتة الشوارع، نصحه الشرفاء من
خبراء الهندسة المدنية و المعمار بأنو لو ما اتعملت
بنية تحتية لتسليك مجاري الصرف الصحي ، شغلو
دا كولو حيكون مهدداً بمياه الطمل و الانهيار على أيدي
القوارض و الجقور، فكانت ردة فعله بكل صلفٍ و عنجهيةٍ
أنو قال : أنا كل البهمني أبني إن شاء الله بالدكوة، معالمَ
تنشاف للغاشي و الماشي و بس، ثم أردف قائلاً لهم :
هو خريفكم دا زاتو من يجي لامن يفوت ماهو
زايد ليه على خمسة مطيرات خفاف.
{قُلْ أَتَّخَذْتُمْ عِندَ اللَّهِ عَهْدًا فَلَن يُخْلِفَ اللَّهُ
عَهْدَهُ ۖ أَمْ تَقُولُونَ عَلَى اللَّهِ مَا لَا تَعْلَمُونَ}

شايف زولك كيسو فعلن فضى و بدا يشتغل نجر أخدر.
علا ينصر دينك جنابو/ Muntasir تحين قت لي خبراء
أجانب عدييل كدي. والاه بردو تريقة ؛ و دا حل تطبيعي و
كمان منطقي و ناعم.برضو خليت البيوض جنب الحجار .
برضو جوة جك الزون. ما أشان كدا بنحب السيادي .
برا مدنياااااو برا هرجلة ثورات و بنبان فاضي .

😂😂😂😂😂😂

♧ ياخي بالموناصبة، و احد عيال ميكي ماوس ببحكي بحرقة قال :
أول أمبارح مشينا عفراء مول للتسوق نتبضع و نشتري حاجات كوتارات.
شوية كداو يدخل واحد طويل و ضخم .. عريض المنكبين متر في مترين.
وأفطس المنخرين شبه متلاشي تمامن مابين (الجبهة) و الشفتين و طالق ليه
لحية كبيرة كده بالراحة تجيب شبرين و صوتو يرعد بس نترة مرفعين..و يلا
بدأ ليك هتاف : تهليييل و نحنا وراو قعدنا نهلل حتنا: لا إله إلا الله😦😦
و هو تاتي : تكبير . و نحنا الغبيانين طوالي وراه نكبر :اللاااااااااهو أكبر ؛
يلا و هو: هيللة😭 و نحن لسة مواصلين وراه: هي لله : لا لدنيا قد
عملنا نحن للدين فداء فليعد للدين مجدُه أو تُرق منا الدماء
أو تُرق منهم دماء أو تُرق كلالدماء فلتُرق كل الدماء😱

●》و يلا الأنفاس قامت و ابتدينا نتوتر و ننطق بالشهادتين ..
و نستغفر الله.. الموت حق .. و الحياة باطلة. و شوية كده 😧
يظهرن ليك تلات شويفعات مبحلقات عويناتن و يتناهفن ليك:
" زي صوت طفلة وسط اللمة منسية"؛ و جن جاريات ما مصدقات
لقن أبوهن: أيوا يابابا هديل نحنا بجاي كنا نلعب في المرجبحات.
¤ثمح يا ناس آلله في داعي بالله لجنس بوظان اللعصاب و (سيلان)
اللعاب و سيحان الركبين دا😭 أسامي الدنيا كلها عدمت!بس عمك
الدولة (العميكة) دا مالقي غير المفخخات ديل بالله 😟

▪مالن ناس فاطنة و عشوشة و زينوبة والعاحبة و الزرع ولَّى؟!!
ربنا ينتقم منو جاب لينا شلل أطفال رباعي قلنا داعشي و حيفجر نفسو
و نروح معاهو أوانطة بحزام (ناشف) فأنا غايتو واحد من الراستات
الأول شيء.. وقفو قنا..علا في النهاية..رقدو دكوة بالليمون!!
😂😂😂

《 سندسٌ و إستبرقٌ 》
● صاحبن لينا من قدامي المغتربين قال جاتهم هناك
لجنة [تمكين] قبل 15/20 سنة واللجنة دى طرحت عليهم
شراء حواشات فى مشروعسندس الزراعي جنوب جبل اولياء.
قال لى : يازول اللجنة دى جاتنا جاهزة وشايلة معاها (بروجيكتر)
و مجسمات من المشروع وعرضو علينا أفلام بس ألف ليلة و ليلة
شى طرمبات وشى مخططات وحظائر تربية ابقار ودواجن و نعام
و غزلان وحكاية مبهجة..و حدايقَ غلباً ووزيتوناً و نخلاً و فاكهة
و أبأ تحس كأنك فى (عليين)..و ما ناقصة إلا بس الحور العين.

● و بدون نقاش دفقنا دم قلبنا كاش كل زول خمشة ألوف مؤلفة
من الريالات يسيلن ريالة الديك و يمرقمن من خشم ببت العدو المو صليح.
المهم ،استلمنا شهادات بحثنا و نِمَر حواشاتنا و واحدين اشترو تلاتة و أربعة
حواشات ومشينا بيوتنا ونمنا فى سعادة بالغة واليوم داك أنا للصباح ما نمت
بالفرحة و كل دقسة أحلم بالماء و الخضرة و الوجه الحسن ..و من شلاقتي
مشيت السفارة تانى يوم اشتريت حواشتين تااانى لصق بعض ناصية لظروف
الدنيا ظار الغش أم بنابت جالوص و قش مي معروفة و قلت يا ود اخير
ترمي قروشك فى البكماء دي بس؛ زيها مافي حاجة مفيدة.

● أهاااا ، فى الإجازة صاحبي رجع السودان واول مشوار عملو
طوالى لى مشروع سندس ليطمئن قلبه. قال مشيت مبانى سندس
ووريتهم ورقى وقالو لى تمشي مربع رقم (... ) وده فيهو حواشتك
حاتلقى بيت فيهو زول اسمو (محمد ودابرق)..حايوريك حواشتك طوالى
و محمد ده العِرِّيف بتاع المشروع و حافظ مداخلو شبر شبر .. و جحر جحر
صاحبي ركب عربيتو وطيران على المريع ..دق باب ودابرق لقاهو فاتح ..عاين
لى جوة لقى زول لابس فنيلة و سروال وقاعد فى عنقريب و قدامو كباية شاى
وبلف فى سجارة بنقو و كملان من لحم الدنؤا لا تعرفو ود أبرق و لا (عشوشة)
قال سلمت على الراجل (حق الله بقا الله) و قلت ليهو انا عاوز أستاذ ودابرق لو
سمحت؟ قال ليهو وصلت تب حبابك 10 برا كشرة ؛ ياهو اأا زاتي القدامك ده..
أنا حقيقة عاوز أشوف حواشتى الاشتريتا هنا في المخطط دا!!
~ ود ابرق: عاوز تشوف فيها شنو؟
~ عاوز أشوف الموقع و بعدو كم عن الترعة والخدمات الموصلة ليها
والحاجات دى يعني. ضحك ود ابرق حتى بانت نواجذه و انتفخت (لهاته).
شوف يا اخينا ياها الواطة القدامك الفاضية دى فيها حواشاتك و الترعة دى
ما وصلت و ما ظنبتا تتوصل بي قُرب.
~ ياخ انا باعو لى حواشات فى مكان مميز ودفعت قروش زيادة على الأساس ده...
وقالو الحتة دى الترعة واصلاها و ممكن تسقى من (الميجر) طوالى.
~ ود ابرق: و هسي أنا دايرني اسوى ليك شنو مسلن ؟!!!علي الطلاق يابن العم ،
إذا عاوز تسقى حواشاتك دى إلا تسقيها من البحر بى جردل ..والبحر من هنا 3كيلو
وشوية صاحبي سكريهو ارتفع وضغطو ارتفع والبولينا ارتفعت وبقى يرفع فى كراع
و يخت كراع وقال لى ودابرق عندكم حمام هنا ، دايرين نتسير ونكطع الجمار!؟
~ ودابرق : أمشي بول فى السهلة ديك ساكت حمام شنو يابن العم ..بول وتعال
تلقانا نحتاةيانا نحنا لا غيرتتا ظروف و لا هزتنا محنة و قنب أخد ليك نفسين
هدى اعصابك و روق المنقة شوية . باين عليك من شكلك مكبر الحبة قُبة
صاحبي بال ورجع لى ود أبرق وقال ليهو خلاص أنا ماشى مع السلامة.
~ ود ابرق : وبالنسبة لى ريالاتك
~صاحبي : الله يعوضنى فيهم صاحب العوض النافع ..
~ ود ابرق : والله انتو أكبر فارات خلاص...قال (ميجر)قال...( يجروك لى ورا).
المفردات الصعبة:
*ميجر :الترعة الرئيسية
* يجروك لى ورا : كناية عن الخروف
وفى رواية أخرى حينما( تنفق ) أي
تموت البهيمة تنجر رمة من ضنبا.

مين،صديقي اللدود ود مهدينا
الله يهظبك و يهدينا، إليك و إلِى
كل مَنْ قد لا يُهُمُّهُم الأَمْرُ أساسن !!

《 جـــدار الزمـــــــــــــــان 》

♧إذاَ ذات مرةٍ سألوني سائل ، و قالوا لي:
تُرى ،لو كنت تسير فى فجاج الارض سايق بالخلا
و قد بلغ بك الجهدُ ما بلغ ثم فجأةً انداحت أمامك
رقعة بحجم جدار الزمان و قد هممت بأن تتفيأ تحت
ظله و معك ريشة فماذا أنت ناقش على ذاك الجدار؟!

▪قلت: إن في كنانة سهامي بقايا شتى من
لأشياء حتى، لكي أفرغها هنا فسوف أكتب أولاً:

▪وَ قَالَتْ لِيَ الأَرْضُ - لَمَّا سَأَلْتُ أَيَـا أُمُّ هَلْ تَكْرَهِينَ البَشَر؟
"أُبَارِكُ في النَّاسِ أَهْلَ الطُّمُوحِ وَ مَنْ يَسْتَلِـذُّ رُكُوبَ الخَطَـر
وأَلْعَنُ مَنْ لا يُمَاشِي الزَّمَـانَ وَ يَقْنَعُ بِالعَيْـشِ عَيْشِ الحَجَر
هُوَ الكَوْنُ حَيٌّ ، يُحِـبُّ الحَيَاةَ وَ يَحْتَقِرُ الْمَيْتَ مَهْمَا كَـبُر
فَلا الأُفْقُ يَحْضُنُ مَيْتَ الطُّيُورِ وَ لا النَّحْلُ يَلْثِمُ مَيْتَ الزَّهَــر
وَ لَـوْلا أُمُومَةُ قَلْبِي الرَّؤُوم لَمَا ضَمَّتِ المَيْتَ تِلْكَ الحُفَـر
فَوَيْلٌ لِمَنْ لَمْ تَشُقْـهُ الحَيَـاةُ مِنْ لَعْنَةِ العَـدَمِ المُنْتَصِـر

♧ خواجة حايم في شوارع عاسمة لولواتنا التلاتة ،
لمَّ ليك فوقو شحاد في سطوبات عبيد ختم من صينية
بري معنكش فبه و هو سايق لامن فات البلابل و صل لفة
جوبا و ماسكلو في "طالب من الله"قام الخواجة فاتح الآيفون
و ماخد ليك سيلفي مع الكاين الحي دا ، و لامن رجع بلاد العم
يانكيطبع السيلفي و عمل بيه حملة لجمع التبرعات لصالح الرجل.
و قد تبرع الناس بسخاءٍ حاتميٍّ ، حتى جمعوا مية ألف دولار
عمركاني و يزيد و رسلوها بال(DHL) من بلتيمور إلى قرية
حشرو عباس، ريفي كمل نومك ، على ضفاف ترعة ود
المنسي، ملحية أم صفقن عراض بجزيرة واغ الواغ.
▪قامت السطات المختصة بالولاية خصمت من المبلغ
المعتبر دا نصو بالتمام و الكمال، و قالو كفاية النص على
شحاد؛ ويلا رسلو الباقي لناس المحلية برضهم قرمو منها
الفيها النصيب و نزل المبلغ للربع اللايح و يلا فضلت كلما
تجي لمسؤول يخمبق منها (حقو) لحد ما في النهاية
أدوها لموترجي دعامي يوصلا للمستفيد ، لكن
قالليو عمك الخواجة بسلم عليك و بقولك؛
"الله كريم ، يدينا و يديك العافية "

∆ گدي خليگم من عاسمة اللولوات التلاتة و تعالو تشوف گيف:
« الفوضى في الدنمارك !!!»

∆ زوجة رئيس وزراء الدنمارك ، لارس راسموسن ، تعمل كمعلمةفي
في إحدى مدارس الأساس ، وقد استدعاها مدير المدرسة لاجتماع طارئ
لمناقشة أخطائها في العمل كمُدرّسة عِلما أنّ القانون في الدانمارك يسمح أن
تُحضر معك مرافقا في هذه الحالة ، حتى يكون شاهدًا على أحداث الجلسة...
وبالطبع أحضرت المعلمةُ معها زوجَها والذي هو رئيس الوزراء ، ليحضر معها
الاجتماع بصفته زوجِها ، ورغم ذلك انتهى اللقاء مع المدير *بفصل المعلمة
نهائيا من العمل كمعلمة في المدرسة رغم وجود الزوج رئيس الوزراء* !!

بالطبع الصحافة لم ترحمْه والمعارضون اتّهموه بأنّ الهدف من وجوده
في الاجتماع هو للتأثير والضغط على قرار إدارة المدرسة .

في القصة *عِبَرٌ كثيرة* منها :
-كيف يتجرأ مدير المدرسة على استدعاء زوجة
رئيس الوزراء لاجتماع يناقش أخطاءها ؟!!
-والأدهى من ذلك كيف يتجرأ على إقالتها وزوجهارئيس للوزراء ؟!!
-والأكثر عجبا من ذلك كيف أن زوجة رئيس الوزراء تعمل كمعلمة أصلاً ؟!!

ياإلهي كل هذه الفوضى تعم الدنمارك ونحن لا نعلم !

® و لكن لكي يحيا العدل..ثم طظ في
ما يسمى مساواةπ (Re: دفع الله ود الأصيل»»

® و حتى لا نأخد المدردم كلو على أنو ليمونπ√
فعلى النقيض قد يحدس ما يحدس هناك في عمبراطورية
العنقليظ و التي أوشكت شمسها على الوجوب من مشرقها
بعد البريكزيت وطرد رئيس وزرائها الطفل المعجزة«أبوريش»
جونصون، و أخيرن نفوق ملكة تاجها العظيم ، غير نأسوف
عليها مع هيصة بكا و سكليب و ردحي، و الجنازة كلب.
[} بالأمسِ البعيد ، قرأتُ خبراً صادماً وردَ بصحيفةِ الديلي ميل البريطاتيةِ عن مدرسةٍ إعداديةٍ طردتْ إحدى معلماتها بسببِ فقدانِها اللياقيةِ و الأهليةِ الأخلاقيةِ ،نظراً لتحرشها جسديا ًبأحدِ تلامذتِها القُصّرِ ، إذ لم يتجاوزْ ربيعَه السادسَ عشر َ، إذ كانت تُلقنه دروساً خصوصيةً، و الذي قامتْ باصطحابِه أو الأحرَى استدراجِهبسيارتِها إلى حقولِ الحنطةِ و مروجِ الزهورِ المجاورةِ، بضواحِي مدينةِ الضبابِ . و هناك ربما عدَّلتْ المعلمةُ رأيَها ومزاجها عن "مادَّةِ الدَّرسِ" المقررةِ ، لربما سهْوَاً أو عمْداً أو حتى خُبْثاً ، سمِّها ما شئت؛ ثم لدَى مرورِ رجالِ الدَّوْريةِ فُوجؤُو ا بسيارةٍ شبهِ مهجورةٍ في العراءِ و في (سوقِ الخلاءِ) و هِي تموجُ موجاً و تترنحُ طَرباً ، على إثْرِ و وقْعِ أنَّاتِ تلك اللبوةِ (الماسُورةِ) المهببةِ تحت و طآتِ نهْزِ صبيِّ مراهقً أو بالغً لتوِّهِ. حيْثُ استسلمتْ لهُ كمدينةٍ أفلاطونيةٍ تَشرعُ أبوابَها ، و تُسلِّمُ مفاتيحَها ل" فتى" من جُهَّالِ المَغُولِ التتارِ . و لكنَّ إدارةَ التَّعليمِ هناكَ فاجأتْ الكلَّ بتفنيدِها الحكمَ، لتعيد المعلِّمةَ المتحرِّشةِبعدَ عامٍ و نيفٍ فقطْ، إلى مهنةٍ تربويةٍ كهذهِ ، في حِتَّةٍ بالغة الحساسيةو الخطورةِ.
[} فيا تُرى لو كان المغتصبُ معلِّماً و كان المغتصَبُ قاصراً أو قاصرةً، فلنا أنْ نتصورَ فقطْ،إلى أي بيتٍ أشباحٍ سوفَ ينتهِي مصيرُه الأسودُ! علماً بأنَّ القانونَ البريطانيَّ الذي نستمدُّ من روحه عيون دساتيرنا الفاشلة، في( جمهورياتِ موزنا الگضبن گاضبِ) الحاكمة في بلادنا، إنما يقضِي على الجاني لو كان ذكرا ً ، بعقوبةٍ قدْ تصلُ إلى ما فوقَ المؤبدِ ، ليقضيَها وراء القضبانِ ، و دون الإعْدامِ صعْقاً بأسلاكِ الكهاربِ. شفت كيف تكون ازدواجية المعايير ، و الكيل بلا مكاييل!؟ أو ما يسميه عاقلهم
Double Standards' Policy.

© صدرَ تحت في 9/5/2016 توقيعي
بكامل قِوايَ العقليةِ المعتبرةِ شرعاً و غانوناً,,,
ود الحيشان التلاتة
مؤذن في مالطة