♤أنا ما سرقتا..بس جيت أعاين£

مرحبا Guest
اخر زيارك لك: 03-19-2024, 08:50 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2020-2023م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
01-26-2021, 06:10 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13611

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
♤أنا ما سرقتا..بس جيت أعاين£

    05:10 AM January, 25 2021

    سودانيز اون لاين
    دفع الله ود الأصيل-
    مكتبتى
    رابط مختصر




    ☆لستٌ مجنوناً و لكن جئتُ رغم أنفي
    فِتَنُ لقطع الليل البهيم يضائل بعضها بعضاً
    حتى بات يشيب لها الولبد و بندى جبين إبليس.
    سمح و انجلختو ما قلنا حاجه بلعتو الميسيغورات
    و الجمرة الخبيسة و ركبتو موجة الدعم السريع و مفاجاة
    الجيران وناي البيت ما قلنا حاجه. ابو نجمة وحاجات تانية
    خانقاني و علمنا عصان الحاملطرشا؛ ياخي انطعنتو حُقن
    وعملتو تنجيدات للفرش ورا وقدام 😏 برضو ما ضربنا
    طناش و لا شغالين بيكم زاتو 🙊 لكن ياخي صراحة
    كدا البناطلين و الإسكيرت المحزقات قدرما نسد دي
    بطينة و دي بعجينة لامن غلبناحيلة و قسم بللاي
    مقرفة أشد من القرف زاتو 😏 و بعدين نظام
    الخطوة لنث الورك دا شنو كمان 😳

    .






                  

01-26-2021, 09:11 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13611

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ♤أنا ما سرقتا..بس جيت أعاين£ (Re: دفع الله ود الأصيل)


    ●بالله الخطوة شدة واسعة الواحدة تقدل في الشارع و صرتا هديك مشنوقة
    في الصقيعة وكل تفاصيل بيت الكلاوي مجدعة ظاهرة و من غير خجل عادي💔
    و ما تنط لي واحدة ملقوفة بهجمة مرتدة تقول لي:و إنت البوديك تعاين شنو 😕
    لأنكم اصلن بقيتو راميين عفشة لحم البطة للهر في كوشة المايقوما متل الحاجة
    الكعبة ؛ و محل ما تقبل بوشك تتصدم بذات الصورة و المشهد على قفا من يشيل.
    غايتو إلا الواحد يمشي مغمد و لا معصوب العينين 😑 عدا من رحم ربك😍

                  

01-26-2021, 11:04 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13611

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ♤أنا ما سرقتا..بس جيت أعاين£ (Re: دفع الله ود الأصيل)


    ● فمسلن إنتي عاملة حركات الهشك بشك دي لفت نظر نظام
    شوفوني صح 😳 لكن انتبهي، عين الناس من خلالصلبك الماكن
    لامن مدفق برة دا بتكون"للوراك خليتي عايش في الأسية ما حرام
    الفنرجية.. بديك وصية"كنا زمتن نقول: لو داير تخطب عطانة في
    البيت بس شوف أمحمد أخوها في الخلاء. و هسة خلاس انتكسنا
    بقى العكس تمامن.أمحمد سارح بغنم إبليس في غرف الدردشات
    و عطانة هاملة براها زي:"أم برغول الدارَّة شايلة جناها و فارة.

                  

01-26-2021, 02:43 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13611

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ♤أنا ما سرقتا..بس جيت أعاين£ (Re: دفع الله ود الأصيل)


    ● ما لأنو ما معقولة ح تكوني لابسة بنطلون وكارينا ضيقة
    وميك اب و دهانات من بوهيات اامهندس زي ااعربية اامسروقة
    وعطور و نصايب وعواليق عشان صحباتك✋ طيب الاولاد اللنتي
    تاعبة نفسك عشانم ديل ما بعيروك نظرة احترام ؛ بتيتهويهم البنت
    المتربية و ملتزمة أكتر من بنات الليل و الشوارع 😍 حقيقة والله😊
    ✋ بناتنا المحترمات اللي لابسات الحشمة توب أبو قجيجة بياض الثلج
    والعفاف عباية سواد الليل. فنصيحة مني ليك با بت الناس و لكل مرة بت
    رجال و الله ما بالضرورة إنك تلبسي محزق أو تمشي كاسية عاريةً و لا
    لابسة مز غير هدوم عشان تعجبي زول👌 شنو يعني لبستي إسكيرتي
    فنايلي شافي بلابيطك الجوانية كولها مخليها ليك برة..😑يعني شنو
    خطوتك لحدي ركبتك و لما تجي تركبي الىكشة فخذينك ينكشفو..😳
    شنو يعني تجسدي جسمك برا..😳 شنو يعني لو بقى صدرك طامح و منشن
    لقدام زي مدفع الدلاقين..😳شنو يعني شعرك مكشوف و عامله ميج..😳
    شنو يعني تنضمي بمياعة و تطقطقي لبان بصوت يجيب الضهبان و تعملي
    حركات تجلع .. 😳 شنو يعني لامن تتعطري بأرياح صاخبة..😳
    شنو يعني بتمشي مشية و تهوززي رقاصة انتي 😏 ليطمع سيد
    اللبن وبتاع الدكان والكمساري و الشماشي و الذي في قلبه
    مرض كلهم بيعاينو فيك 🤭 كدا ح تتزوجي مثلا ؟ كدا ح
    تواكبي الموضة!؟ 😡 كدا يعني حتكوني عصرية¿😡
    كدا إنتي ح تلدي و ترضعي و تربي أجيال!؟😡
                  

01-26-2021, 04:43 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13611

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ♤أنا ما سرقتا..بس جيت أعاين£ (Re: دفع الله ود الأصيل)


    😡 رايك شنو لو إتشاغلتي؟ و إتحرشو بيك؟ قالو: المال السايب
    بيعلم السرقة و البنت السايبة مستهدفة بس أوعة بكون دا عز ااطلب 😏
    مافي حاجه اسمها فلان دا بسعر ببه زي اخوي بالظبط..و لا في حاجه اسمها
    صاحبي ..ما في حاجه اسمها زميلي ..في النهاية إنتي ( بيضة و هو حجر )
    إنتي نتاية و هو ضكر ولو اختلزناكم شديد فهو (ستقة و إنتي حتةة رنقة)
    أيوة لازم نبطل دسديس و غتغتة و نسمي الأشياء بمسمباتا حاف و كدي.

    ▪ فلو هو راجل و شايفك شايفك اختو و لا حتى زميلتو مفروض ينصحك
    وبوعيك وبوريك الطريق الصاح ما بخليك تمشي في الغلط ويمشي معاك .
    والمثل بقول البضاعه الرخيصه زباينا كتار عشان كدا أوعي ترخسي
    نفسك و ترذلي مقام أهلك؛ و ابقي غالية زي لؤلؤة حاضنة في أحشاء
    محارة حاتلة في قاع المحيط ، لا وردة فايحة في قارعة الطريق للغاشي
    و الماشي و الما يشم بتفرج.و ألف من يتمناكي و منها ترفعي راس ابوك
    وامك واخوك يفتخر بيكي يقول ديختي ما تخليه يظنقر خجلان منك؛
    و كمان إنَّ لنفسك عليك حقاً و ربنا بحاسبك بعدين. طبعن كلام حار
    بس الدين نصيحه لله و لرسوله و لعامة المؤمنين و خاصتهم
    لا شنو ولو غلطانين نحنا أوسفين.
                  

01-27-2021, 12:55 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13611

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ♤أنا ما سرقتا..بس جيت أعاين£ (Re: دفع الله ود الأصيل)


    ٢٦/‏١ ٠٦:٤٣] دفع الله ود الأصيل:
    غلطان و الله و سافي التراب ظاطو.. عارفين الخلل و الفزرة وين؟
    لأنكم لامن أنجلغو و انفسخو و ما قلتو أي حاجة. و فضلتو مدنقرين تتاوقو
    بي تحت الكارينا لامن ظهر ليكم حبل الصرة و قالو ليكم : ما تبارينا. إذن أنتو
    خليتو الأمور تنحدر لامن جاتكم الخطوة و لعلمك، الخطوة دي يا دوبك بداية المنزلق
    نحو خطوات بنات إبليس. و لسة ما شفتو حاجة. جاييكم السستم و كشف رقم و وأديني
    حقنة و درقني في النجيلة. ياخ أقول ليك حاجة الشغلانة دي زاتا ما ساي ،وراها بزينيس
    تقيل؛ ترا متل شغل واليكم العمل الرغيف بالكيلو لمجرد إنو أختمرتو عندها شركة استيراد
    و تصدير بتجيب موازي سكن هاند من الصين. فا شنو الحاجات البلبسوها الشباب دي ضيقة
    لامن محتاجة نظام تسليك و تزليق بالزبت و الصابون لامن تشابه البقر و بقو أولاد شببه
    البنات و بنات شبه الأولاد ؛ فدي غير التطبيع مع اتفاقية ( سيدااااااو) ، برضو وراها مخ
    تجاري لخلق فرص جديدة لأغرلق سوق العمل بعمالة سايبة (شركات لتوظيف جيوش
    لبيسة و مليصية) ؛ و منها برضو تخفيف ظاهرة العطالة و التسلع و جليس الجنيات
    متحلقين حول ستات الشاي الفكوهم لينا الأحباش عشان يخدرونا يبوظو أعصابنا
    بجاي ، و بهناك يحتلو مننا الفشقة بشوية شفتة و ليس جيشاً نظامياً؛ و أوااد
    لمبة بحميو لينا في الطار عشان ننسى حلايب و شلاطين .فكلها منظومة
    فوضى خلاقة و مشربكة متل و أشد من بيت العنكبوت.
    .
                  

01-27-2021, 01:00 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13611

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ♤أنا ما سرقتا..بس جيت أعاين£ (Re: دفع الله ود الأصيل)

    Quote:
    [٢٦/‏١ ٠٧:٥٥] عبد الرحمن اللمين جاد الله: وانت وين
    دورك يا ولتكن منكم امه يأمرون بالمعروف وينهون
    من المنكر.. ..... ياعشا البايتات

    [٢٦/‏١ ١٣:٢٥] دفع اللهود الأصيل:
    * ما ياهو دا دوري و دورك شرحناه. إننا نشرع
    فورن في النهي عن المنكر ( كانت فتنة بني إسرائيل
    أنهم لا يتناهونعن منكرٍ فعلوه)؛ فا شنو، مش لامن نشبع
    متاوقة و يظهر الفساد في البر و البحر بما كسبت أيدي
    الناس اللي هم أنت بالتقصير و ترك الحبال ليها على
    الغارب لحدما الهبيكة النقر تغرق في شبر موية
                  

01-27-2021, 06:32 PM

صديق مهدى على
<aصديق مهدى على
تاريخ التسجيل: 10-09-2009
مجموع المشاركات: 10108

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ♤أنا ما سرقتا..بس جيت أعاين£ (Re: دفع الله ود الأصيل)

    حباب ود الاصيل اب جيبا تقيل راجلا كريم بالحيل ربنا يحفظه من كل دخيل خاصة الكورونا ام دما تقيل امين ياحى يا جليل تشفى كل عليل
                  

01-27-2021, 08:42 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13611

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ♤أنا ما سرقتا..بس جيت أعاين£ (Re: صديق مهدى على)


    ♤ مرحبتين حبابك ود مهدي و أنت طبعن سيد بيت
    فبالله يدك معانا شوية نطرح القضية من زاية منفرجة فلا
    نردم كل مخازينا على جيل ضحايا أكثر منهم جلادين .
    (1)
    بصراحة هذا المنشور كان مولوداً في يوم مخاضه ،
    بنسخته الأصلية بعنوان:(نرجِســـيَّة تَتَمَدَّدُ عَبْرَ الأجيـال).
    حيث سبق لنا و أطلقنا صرخة استثغاثة أن : أنصفوا هذا الجيل
    المسكينيا جماعة الخير قبل أن يضيع من بين أيدينا مثلما ضعنا!
    و هناك طرفةٌ تحكى على لسان العم حجا ، بأنه عاش غاضباً
    ممن سبقوه لأنهم لم يقولوا له شيئا عما كان يدور في زمانهم
    و الآن عاتبٌ جداً على من أتوا بعد جيله لأنهم لم يسألوه.


    فما بال أقوام من ،( أمم قد خلت، لها ما كسبت و لكم ما كسبتم
    و لا تسألون عما كانوا يكسبون) ، و أجيالٌ ( ذهبيةٌ ، بل و ماسيَّةٌ) ،
    من رعيل (الزمن الجميل) ، لا يزالون يعانون من عٌقًد نًرجٍسٍيَّةٍ بغيضةٍ؛
    و لا ينفك البعض منهم يتباكون على أطلال أمجاد و مآثر متوهمة و ما
    أنزل الله بها من سلطان. يقولون: ٱننا عشناها بروحنا و كياننا في أيام
    خلت يوم أن كان الناس حنان ، و يوم كان ربع الرطل يدفس القزازة
    لي حدها و متر مصران العرنون فيه سبعة ياردات و نص ! متشدقين
    بنوافل قولهم: إنما نحن اللي خرمنا التعريفة و عملنا البحر طحينة؛
    و أننا عزفنا للقرود العمشاء كي ترقص على أيقاعات الكمبلة
    و أنغام الباليمبو، فيا لها من أضغاث أحلام و هراء!¿

    ود الأصيل
                  

01-27-2021, 09:24 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13611

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ♤أنا ما سرقتا..بس جيت أعاين£ (Re: دفع الله ود الأصيل)


    (2)
    استبيان:
    ♤ خلينا هذه المرح نطرح الموضوع للحوار
    في شكل استبيان عام ، و ذلك عملاً بنصيحة سابق
    ة لبعض ذوي الخبرة بإدارة أركان النقاش حفظهم
    الله عسى و لعلو يجيب مرسية تام زينو!

    1- ففي نظركم، هل في تفاوت الأجيال أو حتى تباين
    الجنس أو النوع العرق سبب ليفسد لِوُدِّ الثقافةِ قضيةً ؟
    2- متى يبلغ منسوب نقاشنا أن نأخذ بما نتفق عليه
    فنتقارب، و يعذر بعضنا فيما اختلفنا فيه فلا نتباعد ؟
    3- هل النقد من أجل البناء يعتبر معولاً للهدم أم
    مسطرينة و لبنة ومن ثم مداميك للبناء؟

    [} نتمنى أن يبدى كل ذي رأي رأيه بروحٍ رياضيةٍ
    فيها انفتاح ، انتفاخ ، على الآخر. و لمن لديه شهية
    التشكيك و للتنطع ، نقول: عذراً، تفضل من الباب
    الأمامي، و إلا بارحنا لك المكان من النافذة.
    و لتبقى المودة رسولاً بيننا،،،
                  

01-28-2021, 04:53 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13611

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ♤أنا ما سرقتا..بس جيت أعاين£ (Re: دفع الله ود الأصيل)

    (3)
    《 قِفا ننعِ جيلاً قضى نحبه ، و قالو عليه :
    " غبي و لمَّاح" ؛ ثم لْننصف أجيالاً لا تزال تنتظر 》
    [} ذلك بأن ملأى السنابل عادةُ ما تنحني بتواضعٍ.. و الفارغاتُ رؤوسُهن شوامخُ
    إنها جوامع كلم تجسد حالات نعيشها أونصادفها يومياً. إذ يكفينا فقط تأمل كيف أن
    سنبلة مثقلةً بقطافها، تنحني بتأدُّبٍ أمام مواكب الرياح الهوج؛ بينما الفارغات يتطاولن
    برؤوسهن برقابهن للقاء حتفهن. فما أشبه ذلك بأنصاف متثاقفين ذوي عقول أخف من
    مثقال حبة خردل ، و أفاق أضيق من سم الخياط . منهم متنطّعون و فاقدو أهلية حتى
    للاستماع . يقيسون كل شيء بمحدودية إطار ما عاشوه من تجارب بائسة. يتجلى ذلك
    عبر نشيج المحابر و ضجيج المنابر و لعلعة الحناجر و هي تعج بتشنجات بغيضة ، و
    تتشرذم إلى كُتَلٍ و شلليات منتنة. الكل يتربص الدوائر للانقضاض على كل طرحٍ لأخيه
    و حمله و تأويله على أسوأ المحامل. حتى يكاد الود النبيل أن يغدو راهباً معزولاً و ميتاً
    في صومعته، فتذوب شموعه سدًى في حنايا ظلمات ال"أنا و"أنت". بدل أن نتفرد لبعضنا
    لبعض بأذرعنا و نمد لبعضنا البعض لنمد حبال صبرنا كما المحيط الهادئ و نفائس الدر واللؤلؤ
    المكنون في أحشائنا كوامن؛ و نتنزللبعضنا البعض من علياء موج كبريائنا. فنبيح لبعضنا متعة
    إدمان التسكع على شطآن بحرنا الطويل ، لكي نمارس الاعتكاف على هوامش متصفحات
    ذوائقنا الشفيفة التي لو لها لظلت أحرفنا جامدةً لا تجود بأي معنى. تماماً كالمزن ،إن لم
    يكن لغيبة أحدنا من روعة فيكفي أنه ما يلبث أن يرحل بعيداً،إلا ليأتينا مشبعاً ببَرَدٍ و
    دُعَاشٍ وماءٍ طهورٍ و جو مطير و خير وفير .فيما تظل البقية ترقبه وقوفاً كأشجار
    التبلدي، لتشرب منه ملء جوفها ثم لتحفظه له في جزوعهاً وداً صافياً.
                  

01-28-2021, 10:14 AM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 5507

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ♤أنا ما سرقتا..بس جيت أعاين£ (Re: دفع الله ود الأصيل)

    دفع الله ودالبادية
    اعمامك العطبراوي واللحو لهما الرحمة قصدوا ان السمحة دي ..منيعة
    وانت بى لغتك الفايتانا مسافة عرجت بينا الى امرىء القيس القال في السمحة بتاعته
    و بيضة ِ خدر لا يرامُ خباؤها
    تَجَاوَزْتُ أحْرَاساً إِلَيْهَا وَمَعْشَـراً *** عَلَّي حِرَاصاً لَوْ يُشرّونَ مَقْتَلِـي

                  

01-28-2021, 04:58 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13611

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ♤أنا ما سرقتا..بس جيت أعاين£ (Re: Ahmed Yassin)


    [} مسافة، بس أوعة نكون لورا ورا٠ و لاي سهي يا أحمد يس،
    لأنو أحيان كتيرة بمقتضى الحال قاعد نلجأ للهبوط اضطرارياً
    بلغة المقال لنرفع (الجبون) إلى ما فوق مشارف (حبل السرة).

    [} فكما هو شأن الرقيص على أنغام موسيقى الراب اليوم ،
    كان حت (الجيركي) و (التوستي)، و الروگ آند رول في حقب
    سالفة من الزمن الجميل، تعتبر سيدات الموقف على سباتات الطرب
    و الردحي( الأصيل) في الدگاگينيات و على طشاتت الغسيل ؛ كما
    اشتهرت معها أغان مصاحبة و لها ايقاعاتٌ صاخبة و ترانيمُ لا تخلو
    من مغزى.گقولهم على سبيل المثال لا الحصر:
    يا حاجة دقي لينا الكاروشة؛
    يا حاجة طوّليه الجبون ده
    يا حاجة قصّريه الجبون ده
    ♤يصاحب هذا المقطع التداعي لأسفل أثناء اللعب
    ثم النهوض لأعلى؛ في كناية لا تخلو من رمزية عن مدى
    الترنح ما بين الالتزام بحشمة اللباس و بين التنصل من ذلك).
    ثم تلي ذلگ كسره لطيفة تُغنى فيها أرجوزة:
    أدونا فندقكم .. ندق ونديكم
    و كان أبيتوا تدونا ..
    الكاروشة التمسكم!!
    [} بصراحة گدا، كنت ناوي أتخذ من هذا الگوبليه الأخير بالذات
    تخريمةً من باب خلفي للنبش من طرْف خفيٍّ في حگاية مغازلات
    الشحدة على عينگ يا تاجر بين هلفوت البيت الأبيضالمخاوع ترمب
    و ابن حامي حمى الحرمين، گما بين الجارات( الهيتة بالهيتة).

    [}> و لكن نظرا لهجمة الزمهرير التي باغتتني باگرا مع أزمة منتصف
    العمر، وجدتني أتهادى مع الجيرگي تارگاً خلفي موضوع البوست على
    غرار العدول عن سياسة بسمارك الخارجية إلى سياسته الداخلية.

    ▪تاني تخربمة و نداء أخير ليك ود ياسين، إتا ليه ملاوز من
    تزورنا في عش"الدبور و النحلة" تعال بس تجد ما بسرك.
                  

01-30-2021, 09:42 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13611

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ♤أنا ما سرقتا..بس جيت أعاين£ (Re: دفع الله ود الأصيل)

     
    《4》
    ●إن عدم اعترافنا ببعضنا بعضٍ ، كابراً عن كابرٍ
    و جيلاً بعد جيلٍ ، هو تحديداً ما دفعني لتسميتها
    بالنرجسية المتمددة عبر القورن. و لا شكَّ أن الموضوع
    شائكٌ الأسوار و متشابك الأفكار و متشابه الأبقار ،
    بحيثُ يحتاج فعلن، لعقدجة ونسة في الواطة.

    [} هذا علماً بأن أمماً قد خلت من ذي قبلٍ
    و صارت بقايا منها اليوم، تتغنى لماضيها بمآثرَ
    متوهمةٍ فضفاضةٍ ، و تتمرغ على أطلال حيطان
    مبكاها أمام شباب و شابات اليوم ، بدون رافة
    و لم يكن كل ذات يومٍ سوى مسخٍ مشوهٍ لما
    كان يفاخرنا به جيل أبهاتنا و أمهاتنا على
    أيام ناس جكسا و جقدول و سبت دودو
    و صدبق منزول. لعل في كل ذلك يگون
    مصداقاً لقولنا: (كل عام ترذلون).

    [} بذكر لما ظهر الشارلستون و لبسناه 46 بوصة
    مع قميص تريفيرا بألوان الطيف المزركشة متل تقول
    صحن السلطة، أهلنا قالو علينا (كارب صليبو). و الليلة
    جاء دورنا لنسخر من ناس (مرخرخ صليبو) و تقليعات
    و صرعات ليتوات موضة جديدة لفتيان و فتيات هذا
    الجيل ما أنزل الله بها من سلطان و يندى لها جبين
    إبليس ناس(* دردقني في النجيلة • أديني حقنه بي
    ورا • إظهار رقم • فصل الدين عن الدولة• خارج
    التغطية.• شطِّفني.• أوصِّف ليك بيتنا و شارع
    بيتنا• الشريعة طرشقت) و هلم جرا.

    [} ياخ دا في واحدين و واحدات كدا شدت ما مزنقنها،
    لمان عملية (اللبس و الملص ) دي ظاطو في حالات گدا،
    قد تتطلب تدخلاً جراحياً لعمياتٍ قيصريةٍ مضمونة الفشل ؛
    أو على أحسن الفروض ممكن تتعمل بالتزليق بمساعدة زيت
    الفرامل ، يعني برضو من باب أن ربَّ ضارةٍ نافعةٌ فإن لم يكن
    لها من نفعٍ بتاتا فهي على الأقل ممكن نقول عنها مبشرة بخلق
    فرص مبتكرة ، لرفد سوق العمل و لتشغيل جيوش من العمالة
    الوافدة السائبة منها و المتشردة في وظائف مجدية، مثالاً لا
    حصرا گ(لبِّيسين و لبِّيسات و مل؟ِيصين و ملٍّيصات). مما قد
    يسهم بدوره في دفع عجلة اقتصادنا الوطني شبه المنهار
    و تحريك دولاب التنمية شبه المشلول . ثم إنو مع كل
    ذلك ، فنحن مطالبون ديمغراطياً و حضاريا ، بأن
    ننصف شباب و شابات هذا الجيل المسكين.

    [} شخصياً كنت مؤمناً و حتى عهدٍ قريبٍ
    بنظرية هزلية للعم جحا ، تلگ القائلة بأنه عاش
    غاضباً من جيل من سبقوه ، كونهم لم يحدثوه عما
    گان يحدث في سوالف عصرهم و أوانهم ؛ ثم ظل
    عاتباً أيضاً على جيل من جاءوا بعده كونهم
    لم يسألوه عما كان يجري في زمانه.

    [} و كشأن الكثيرين من أبناء جيلي،
    فها نحن بالمقابل ، جئنا نصب جام لعننا
    و سخطنا على أبناء هذا الجيل المغلوب على
    أمره ، و لا تأخذنا لومة لائم أو نتورع عن
    قذفهم بتهم و جرائر هم أبرياء منها
    كبراءة الذئب من دم ابن يعقوب.
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de