ساظل ادعو لفكرة مركزية أراها السبيل الممكن الوحيد للوصول لدولة التحول المدني الديمقراطي الكامل (دولة الثورة التي لم تأتي بعد)
والفكرة هي وحدة وقوة المكون المدني لثورة ديسمبر .. حزب ونقابة ولجنة مقاومة ومجتمع مدني ..
وهي الفكرة الفوقية الوحيدة التي تمكن من امتلاك عمق اجتماعي قاعدي فاعل وقوي لصناعة التغيير (بمعنى فعل وإنجاز التغيير في الواقع) وذلك في مقابل الأفكار الأخرى للتبارات الثورية المنفردة
من يحاجج بأن من طبيعة الأشياء ان تختلف وتتباين هذه المكونات لا يفهم طبيعة المرحلة الانتقالية بصورتها الكلية واهدافها القصوى والبسيطة جدا في تكاتف الجميع بصورة ملحمية في صناعة وعاء صالح لإدارة اختلافاتنا الفكرية والسياسية والبرامجية.. الوعاء ده اسمو دولة الثورة (التي لم تأتي بعد) .. وهي ديمقراطية ومدنية و راشدة وصحيحة وصالحة لإدارة التنوع والاختلاف
المسيح موش كان بقول مملكتي في السماء .. اها انا بقول انو مملكة الثورة لم تأتي بعد لنختلف فيها ونتناضح فكريا وسياسيا في انائها السليم المعافي .. وليست في السماء وإنما على بعد خطوات قليلة عند نهاية هذه الدولة الانتقالية
مركزية فكرة وحدة وقوة المكون المدني تأتي من مركزية فكرة امتلاك القدرة على صناعة التغيير بصورة واقعية ونضالية تدريجية مستمرة ضد طموحات العسكر والسلوك الاستعلائي لحركات النضال المسلح ومؤامرات الدولة العميقة..
امتلاك القوة المحركة للتغيير ليس تنافسا حزبيا بقدر ماهو قدرة على إنتاج رؤى تأسيسية لمشاريع كبيرة كالعدالة الانتقالية المطلوبة في ذاتها والقادرة على جعل مسألة كاعادة بناء وهيكلة الجيش وادماج المليشيات.. جعلها ممكنة..
ده على سبيل المثال ليس إلا..
فهذا الهدف الثوري غير ممكن بصورة عملية قبل الوصول لتصورات نهائية لمشروع عدالة انتقالي بنسخة سودانية .. والأشياء تتداعي!!
امتلاك القوة المحركة للتغيير ليست مجرد امتلاك افكار صالحة وصحيحة وإنما امتلاك عمق سياسي وقاعدي ومجتمعي لهذه الأفكار الصحيحة.. والفرق واضح.. ودي ياها مهمة المكون المدني لثورة ديسمبر .. ودي لا تتحقق الا بوحدة كاملة وواعية وموجهة لخدمة هدف واحد في نهاية الفترة الانتقالية وهو الوصول لدولة الثورة الفيها يتنافس الرفاق مع السنابل مع الرجعيين من أحزاب السادة الخ الخ .. ويحكم الشعب
وما بنبنيهو فرادي ولا بالضجة في الرادي ولا الخطب الحماسية
07-01-2021, 09:00 AM
adil amin adil amin
تاريخ التسجيل: 08-01-2002
مجموع المشاركات: 36811
كويس قفزة في الوعي تستاهل عليها اوسكار بتقصد الثورة الثقافية مش كده وانه دي ما ثورة من الاساس وطلعت من سيرك المهرجين في البورد رجرجة منصور خالد تمام ثورات الالوان جات 1989 بسقوط جدار برلين وقادتها المحكمة الدستورية من الاول وهي القادت التعديلات الدستورية وتحويل النظام الشمولي الي نظام تعددي والانتخابات في اكثر من 50 دولة في العالم الا في بلاد العرب والعربان ونحن عندنا ناس مخهم وقف في اكتوبر 1964 بدل يودو الشباب المحكمة الدستورية او الساحة الخضراء ودوهم لي الجنجويد وجيش الابادة \والجنراات الساقطين ديل يبقى من اولويات الثورة نرجع لدستور 2005 والمحكمة الدستورية قوة القانون المحكمة الدستورية في موجهة قانون القوة الجيش والجنجويد https://top4top.io/
07-01-2021, 10:48 AM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20357
قاصد الثورة العميقة وهى ثقافية وسياسية وفلسفية ومعرفية شاملة, وبسريان عنيد ومثابر داخل المجتمعات السودانية.
الفلسفة الماركسية يا عادل لمن قالت ان وحدة المتناقضات قانون من قوانين المادية التاريخية كانت تشير لطبيعة حركة التاريخ وكيفية انتاج تأريخ جديد بمفاهيم جديدة طالعة من داخل اطار وحدة التناقضات بنفي النفي كما تعلم.
اها وحدة التناقضات دي مرحلة ضرورية .. ونحنا عاوزنها تتحد وتقوم تتناضح وتلد اشتراكية او ليبرالية او ذاك الهجين السوداني الرحيم والممكن وحتى يتحول الوطن لامر كان مفعولا بحكم الوعي بحركة التاريخ
07-01-2021, 12:17 PM
adil amin adil amin
تاريخ التسجيل: 08-01-2002
مجموع المشاركات: 36811
ما تكبر اللفة يا بطة وانت وعيك من فتيح للخور لي المغالق...ماركس هسة ده ما وقتو ركز علي الحزب الشيوعي الصيني وتجربته ال100 البحتلفو بيها عالميا الايام دي وخليك في اطار سودان 1يناير 1956 وضع افضل اطار دستوري لنظام الحكم في السودان ده هو الثورة وعي الشباب ايضا بي البرنامج دي الثورة محتاج الناس تعرف محمود محمد طه وجون قرنق قالو شنو الجمهورييين كتاب اسس دستور السودان 1955 الحركة الشعبية دستور 2005 والمحكمة الدستورية اوبرنامج الحكم الاقليمي دستور 1973 وقوانين 1974 ده رسلانه مليون مرة في تويتر حمدوك والبرهان عشان تعرف الراي بصل لي اي شخص حتي لو قاعد في اليمن المشكلة ....هل هم متقتنعين بالتحول الديمقراطي او بحترمو اعلام الفكر السوداني المعاصر جون قرنق ومحمود محمد طه الانقاذ بي زواحفا متمددة في 18 ولاية غبية قرار جمهوري بس باعادة الاقليم واسقاط الولايات وانتخابات اقليمية بالاسس المشروحة دي بتنتهي الانقاذ الي مذبلة التاريخ في كل الاقاليم بي نهاية هياكلها المجرمة ده رسلانه مليون مرة في تويتر حمدوك والبرهان من 2018 عشان تعرف الراي بصل لي اي شخص حتي لو قاعد في اليمن
Quote: ترجع الاقاليم بمرجعية دستور1973 وقوانين 1974 ودستور2005 وكل ناس اقليم ينتخبو حاكم اقليمهم مجلس تشريعي اقليمهم المجالس المحلية من الشباب والكندكات الادارة الاهلية ومراجعة الجنسية الخضراء وبي كده تؤل مسؤلية كل الاقليم الي ابناءه في اطار الدولة السودانية الحديثة اولا من هسة https://[/QUOTEhttps://[/QUOTE]
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد حيدر المشرف
adil amin
فيس بوك
تويتر
انستقرام
يوتيوب
بنتيريست