|
|
|
 Re: يجب عمل حملة ضخمة من اجل رفع الحظر الامريك (Re: MOHAMMED ELSHEIKH)
|
لو فى الشعب طاقه يجب تركيزها على توحيد وترتيب البيت من الداخل والتركيز على الانتاج حسب المتاح
اما الحديث عن رفع اى شكل من العقوبات الدوليه قبل انتخابات ديمقراطيه شفافه تسلم الحكم لممثلى الشعب وتوارى العسكر عن المشهد اعتبره كلام سابق لاوانه واذا حدث ورفع الحظر الان فهو هديه وحافز لقوى اجهاض الثوره (الانقاذ2)
| |
 
|
|
|
|
|
|
|
 Re: يجب عمل حملة ضخمة من اجل رفع الحظر الامريك (Re: mekki)
|
| Quote: وتوارى العسكر عن المشهد |
عاصم اخوي عشان نقفل الباب امام العسكر ويتوارو فعلا بعيدا عن المشهد لابد من ترسيخ وتدعيم الحكم المدنى القائم وذلك لا يتأتى الا برفع الحظر الامريكى،،
العكس يا عاصم لو استمر الحظر واستمرت الضائقة الشايفا في السودان سيفتح الباب امام (السيسنة) على مصراعيه، المحيط الاقليمي يضغط في هذا الاتجاه ،ممكن تنضخ فلوس وممكن الامور تستقر لكن باي باي المدنية،،
الشايفو الموضوع عبارة عن فترة زمنية لا تتعدي الاسبوعين من اليوم،،اما نجحنا رفعنا الحظر الامريكي
واما،،،،،،،
لا قدر الله
تحياتي
| |
|
|
|
|
|
|
|
|
Re: يجب عمل حملة ضخمة من اجل رفع الحظر الامريك (Re: خالد العبيد)
|
كدي أول حاجة وقفوا كاريكاتيرات عمر دفع الله التي تصرخ مخبرة بأن السوداني
والسودان لا زال مليء بدعاة الإرهاب والدواعش
والشي الثاني العراك الحزبي والعراك مع العسكر مضاف للحركات المسلحة المحرشة من أحزاب معلومة
هذا كله بعكس صورة لأمريكا بأن السودان غير مستقر ومهيأ في أي لحظة
لإنفجار يهيء للإرهاب ولنشاط محتمل للجماعات الإرهابية
قبل كدا الإمريكان اشترطوا على حكومة الكيزان إنهاء أزمة الجنوب وتوقيع اتفاق مع الحركة الشعبية
لإعادة التطبيع مع الولايات المتحدة قاموا عملو نيفاشا قبل ما يجف حبر التوقيع اندلعت ازمة دارفور وأوقفت
مشروع التطبيع مع أمريكا لكن لخير لو كان أمريكا طبعت مع الكيزان لأصبحوا في الحكم من الخالدين
أمريكا لا تضع يدها مع الأنظمة الهشة
حتى في أيام الديمقراطيات الأكثر استقرارً من هذه الفترة أمريكا كانت علاقتها فاترة وشبه منعدمة مع السودان
مطلوب مننا توحيد بيتنا الداخلي بتنازلات مُرة المذاق حلوة النتائج بعدها سترون
كيف تسرع أمريكا للتطبيع مع دولة السودان المستقرة
نحن بلسان مقالنا نقول شيء ولسان الحال يقول العكس!!!
بعدين مظاهرات شنو هي بلا المظاهرات دي الجايب الهوا شنو ؟!
الحاجات دي ممكن الأوربين يجاملو فيها شوية
لكن الأمريكان بعتبرها فوضى وبتكون وحدها سبب لحجب يدهم عن مجرد مصافحة قادتنا
ماشفتو البرود الواجوهو بيهو الأمريكان حمدوك ؟؟؟!!!
| |
|
|
|
|
|
|
|
|
|
Re: يجب عمل حملة ضخمة من اجل رفع الحظر الامريك (Re: tabaldy)
|
الحظر ده يا مكيخاص بالسودان كبلد
ما عنده دخل بي شيوعيين او كيزان
الحظر يعتبر مرفوع لكن لن يتم تفعيله كواقع
يعني امريكا حتفضل كده
حتى لو ذهب العسكر وجاءت حكومة منتخبة
وفقا لانتخابات حرة ونزيهة
اسباب الامر ده كثيرة ومتعددة ومتشابكة
واغلبها امور استخباراتيه وسرية
المهم والاولى ان تركز حكومتنا على النهوض بالانتاج
الزراعي بالتحديد وتهتم بالمزارعين وتتنازل
عن حكاية الجبايات والقبانات والضرائب
لانه الزراعة كانت سبب اساس لاستقرار الاقتصاد
هذا بجانب الانتاج الحيواني وعدم تصدير المواشي حيه
وان يتم تصديرها كلحوم مبرده ومجمدة هذا افضل
انا حكاية التعويل على رفع الحظر من عدمه والاعتماد
على الشحدة من العالم الاول والاقتراض من صندوق النقد
ده قلة حيلة وهوان ليس اكثر استنهاض همم السودانيين
للنهوض باقتصاد بلدهم وتشجعيهم على الاتجاه للزراعة
| |
|
|
|
|
|
|
|
|
|
Re: يجب عمل حملة ضخمة من اجل رفع الحظر الامريك (Re: tabaldy)
|
الحظر الإقتصادي الأمريكي إترفع في إكتوبر 2017
المصيبة هي إستمرار إسم السودان في لائحة
الدول الراعية للإرهاب.. ودي مرتبطة بي تسوية
ملفات قضائية وحقوق أسر ضحايا التفجيرات
الإرهابية للمدمرة كول وسافرتي أمريكا في نيروبي ودار السلام
أول حاجة مفروض الناس تعرف موضوع التسويات
مع أسر الضحايا في المحاكم الأمريكية وصل وين
آخر مرة بتذكر مفروض السودان يدفع 300 مليون دولار
بدون رفع إسم السودان من لائحة الإرهاب الحكم المدني
ما حيمشي أي خطوة.. الأوضاع الإقتصادية سوف
تجبر الناس بالخروج للشارع وإسقاط الحكومة
| |
|
|
|
|
|
|
|
|
|
Re: يجب عمل حملة ضخمة من اجل رفع الحظر الامريك (Re: عبدالعظيم عثمان)
|
السلاك عليكم يا شباب
الاخ جعفر | Quote: هل ممكن توضيح ما لايستطيع السودان فعله في ظل الحظر الامريكي والفرص المتاحة بعد رفع الحظر عشان نفهم اهميته |
طيب بسبب الاحظر الامريكي الان كل الدولار موجود خارج النظام البنكى السوداني، ودى لا تحصل الا فى النشاطات غير الشرعية مثل المخدرات وانت طالع
حتي الحكومة تشترى دولار من خارج النظام البنكى (مما ادى للتضخم المريع الحاصل)
طيب خذ معي دورة استيراد سلعة استراتيجية كالدواء كما وضحها لى تاجر دواء:
1. يشترى 3 الف دولار من السوق الاسود يختها في جيبوا
2. يدفع لتاجر عملة بالجنية السوداني المبلغ الذي يحتاجه لشراء الدواء
3. يسافر دبى عشان يستلم معادل المبلغ بالدرهم الاماراتي
4. يحول المبلغ من الدرهم للدولار من الصرافات
5. يسافر للدولة المنتجة للدواء عشان يجيب الدواء المطلوب
لاحظ كمية التتضخم الحا تحصل عبر هذه الدورة،،
وهكذا دواليك لكل السلع
لاحظ ايضا ان سمسارة الدولار يضعون ربحهم من التجارة في العملة
طيب السؤال ماذا سيحدث عند رفع الحظر الامريكي
1. سيدخل كل الدولار الي النظام البنكي
2. ستتم كل المعاملات للاستيراد عبر النظام البنكي وسينعدم ربح سماسرة الدولار
3. كل السودانيين الذين يودون الاستثمار في السودان سيحولون عبر النظام البنكي
4. الشركات العالمية تعطي عمولة بالدولار للذين يساعدونها في التسويق وهذه ايضا تتحول عبر النظام البنكى (كانت تحصل لكل التجار) مما يساهم في الحاجة لشراء الدولار
5. الذين يودون دعم الوطن او المحفظة ايضا يمكنهم التحويل
6. اضمحلال تجارة الدولار لادني مستوي
يعني مع رفع الحظر وشطبنا من قائمة الارهاب ستدخل بنوكنا النظام البنكى العالمي واتوقع انخفاض سعر الدولار في حدود 70 او 80 جنية وهذا كافى لانخفاض الاسعار واستقرارها واستمرار دولاب الحياة
مع تحياتي
| |
|
|
|
|
|
|
|
|
|
Re: يجب عمل حملة ضخمة من اجل رفع الحظر الامريك (Re: mekki)
|
الزميل مكي ود ناس الاحمدي
من الاخر كدا
من هنا حتي شهر نوفمير ٢٠٢٠ امريكا وشعبها و قياداتها حا تكون مشغولة بموضوع الانتخابات و من ديسمبر ٢٠٢٠ الي يناير ٢٠٢١ حا تجي قيادة جديدة دا اذا ما كسح عمك ترمب .....واذا جاءت قيادة جديدة في البيت الابيض ...علشان ترتب امورها دايرة ليها ستة شهور ل سنة يعني الحظر لا يمكن ان يكون قريب.....وكمان مع تعقيدات الكرونا ...الله اعلم يكون قريب....حقوا حكومتنا ما تعول علي موضوع رفع الحظر دا كثيرا........
| |
|
|
|
|
|
|
|
|
|
Re: يجب عمل حملة ضخمة من اجل رفع الحظر الامريك (Re: بكرى ابوبكر)
|
سلامات الاخ بكري اشكرك علي المساهمة
| Quote: حا تكون مشغولة بموضوع الانتخابات |
بالعكس بفتكر انها فرصة الجالية السودانية تضغط مستفيدة من السباق الانتخابى، خصوصا اذا نجحنا عكسنا الجانب الانساني للامر،،وايضا التغيير الثوري الحصل ودعم الحكم المدنى
كما اشكر الزملاء خالد العبيد،منتصر عبد الباسط، tabaldy،جمال ود القوز عبدالعظيم عثمان عل المداخلات الثرة
يجب التحرك الفورى
| |
|
|
|
|
|
|
| |
mekki
MOHAMMED ELSHEIKH
Asim Ali
خالد العبيد
منتصر عبد الباسط
جمال ود القوز
عبدالعظيم عثمان
بكرى ابوبكر
فيس بوك
تويتر
انستقرام
يوتيوب
بنتيريست