|
Re: يا ABUHUSSEIN إلا تشوف ليك تخصص جديد . (Re: ABUHUSSEIN)
|
Quote: حمدالله على السلامة يا عارف وربنا يسلمك انت والاسرة الكريمة لو طرمبة سمع ساي انه ابوحسين بعرفو موش بكتب عنه بس كان صفاهو وارتحنا منه صدقني لو من يوم الثلاثاء ترامب وصل لـ(269.999) برضو ما كان حيفوز دا يغطس حجر اسرائيل |
ود ياسين الله يسلمك يا ملك. ترامب باقي ليهو شهرين في البيت الأبيض ليغادر وما بعيد ينفذ عمليات انتقامية ويبدأ بالكج حاج العوض. ولهذا نناشد الأمم المتحدة بتوفير الحماية للكج الدولي حاج العوض فهو ثروة منبرية يجب المحافظة عليها. عبد العظيم متخصص وزراء وعليه نطالب حاج العوض باستغلال مواهبه ويتخصص سيادي 😂
| |
|
|
|
|
|
|
Re: يا ABUHUSSEIN إلا تشوف ليك تخصص جديد . (Re: Arif Nashed)
|
Quote: مشكلة العالم الان كيفية اقناع الزول العكليتة ده ، منو ال بقنع الديك. استطلاعات الرأي المضللة ادت فرق كبير والحقيقة مختلفة ، فرسا رهان Won by neck وده سبب ربكة عند ترمب ما مستعد لها. لو من الاول كان متوقع ان الفرق صغير كان ح يتابع للنهاية ويتقبل الهزيمة.
الاولاد يحفزونه للرفض كوشنر الذي يفكر في انتخابات 2024 وميلانيا يحثانه علي الرحيل ، ويحتاج وقت للاقرار بالنتيجة. ليندسي جرهام دفع حق المحامين . هل سيتنازل قبل الميعاد.
واخيراً نتانياهو وشكر ترمب ابو حسين غطس حجرو |
بت المشرف انزيك دي فنجطة مضبوح وكراعو فوق رقبتو يلم قشو ويتخارج الراجل شكلو متأثر بالخليجيين وافتكر نفسو ولي عهد او أمير النتيجة اتحسمت وعليه ان يحفظ ماء وجه ويغادر بهدؤ. ابو حسين مسميهو طرمبة دا ما الكج زاتو😂
| |
|
|
|
|
|
|
Re: يا ABUHUSSEIN إلا تشوف ليك تخصص جديد . (Re: Arif Nashed)
|
Quote: عارف يا حبيب بركة الجيت وبركة الشوفناك كتر خير ابوحسين الطيّر الزمزاغ ترامب
مشكلة تشبث ترامب بالكرسي هو : خوفه من الملاحقات القضائية . |
علاء تحياتي. في دولة القانون والمؤسسات مافي حاجة اسمها تشبث بالكرسي. صناديق الاقتراع حسمت الأمر وعليه ان يسلم العهدة. حنسو حاج العوض يتخصص في البرهان وحميرتي 😂😂
| |
|
|
|
|
|
|
Re: يا ABUHUSSEIN إلا تشوف ليك تخصص جديد . (Re: Arif Nashed)
|
Quote: يا عارف يا امبراااا .. سلام مربع على الجدعان
وحمديلا على السلامة ... ثم مشتاقين ...
وابوحسين دا لما يخت ايدو في شي بتبووظ .... اشتر يااخ
عاالم بطاالـــــــــــــــــــة ,,
|
سعادة اللواء مجيدو الله يسلمك يااااخي ذكرتنا ايام أمبرا وعشة ام تفة 😂
أبو حسين أصبح ليهو مريدين وحواريين زي شيخ اللمين سمعنا تحت تحت عندو مشروع قبة وزريبة بس شيخ البرعي 😂😂😂
| |
|
|
|
|
|
|
Re: يا ABUHUSSEIN إلا تشوف ليك تخصص جديد . (Re: Arif Nashed)
|
Quote: غايتو البعمل فيكم خير أصلو ما بتحفظو ليه جميلو ..... عالم ناكرة جميل ....
|
بختك باضت ليك في قفص في ليلة وضحاها بقت كج عالمي تحت تحت قالوا صلاح الزبير ومنتصر لابسين الاخدر وشايلين السبح وود البشري شايل النوبا وحي ياقيوم وحافظ مدير اعمالك وود الامير شغال دعاية ماشية معاك باسطة يا عمك 😂😂😂.
| |
|
|
|
|
|
|
Re: يا ABUHUSSEIN إلا تشوف ليك تخصص جديد . (Re: Arif Nashed)
|
Quote: بختك باضت ليك في قفص في ليلة وضحاها بقت كج عالمي تحت تحت قالوا صلاح الزبير ومنتصر لابسين الاخدر وشايلين السبح وود البشري شايل النوبا وحي ياقيوم وحافظ مدير اعمالك وود الامير شغال دعاية ماشية معاك باسطة يا عمك 😂😂😂. |
آمنت بالله .... ياخي لكن ما انتهيت مني عديل .... الأسماء الذكرتها فوق دي إتعوذ منها ابليس عايز تلصقا فيني انا المسكين دا ....
| |
|
|
|
|
|
|
Re: يا ABUHUSSEIN إلا تشوف ليك تخصص جديد . (Re: ABUHUSSEIN)
|
Quote: آمنت بالله .... ياخي لكن ما انتهيت مني عديل .... الأسماء الذكرتها فوق دي إتعوذ منها ابليس عايز تلصقا فيني انا المسكين دا .... |
ابو حسين الطريفي شايل المبخر وجاري قدامك يردد (حي يالطيف) ويزح في الناس. وابشرك بت المشرف، بت تاور، د. نعمات، قرروا يدقوا ليك ظار ويفتحوا ليك علبة 😂😂😂 يا عمك ماشية معاك باسطة بس ماتنسانا من البقلاوة.
| |
|
|
|
|
|
|
Re: يا ABUHUSSEIN إلا تشوف ليك تخصص جديد . (Re: Arif Nashed)
|
Quote: لمعلومية الجميع ..... طرمبة أنا ما هبشتو و لا حتى قلت فيه كلام يسيئ ليه .... طرمبة طيروه ناس جواً و بحراً و براً .....
|
إقالة وزير الدفاع خوفتك والا شنو يا زول ما تخاف بايدن وضعك تحت حمايته. ناس جواً و بحراً و براً مسكوا ضنب الككو 😂
| |
|
|
|
|
|
|
Re: يا ABUHUSSEIN إلا تشوف ليك تخصص جديد . (Re: ABUHUSSEIN)
|
Quote: والله يا حاج العوض اتمنيتك حولين البيت الأبيض وطالع في الفصيحة بالبرمودا والتي شيرت وجنس هقات ... دي تعمتك ودي تفك وانتا تغمغم .... بركاتك يا جو ... |
العارض صاحب البوست قال عايزني أتلح البرهان و حميدتي البرهان OK لكن حميدتي كيف معاك ...؟؟؟؟
| |
|
|
|
|
|
|
Re: يا ABUHUSSEIN إلا تشوف ليك تخصص جديد . (Re: ABUHUSSEIN)
|
Quote: ترامب باقي ليهو شهرين في البيت الأبيض ليغادر وما بعيد ينفذ عمليات انتقامية ويبدأ بالكج حاج العوض. ولهذا نناشد الأمم المتحدة بتوفير الحماية للكج الدولي حاج العوض فهو ثروة منبرية يجب المحافظة عليها. عبد العظيم متخصص وزراء وعليه نطالب حاج العوض باستغلال مواهبه ويتخصص سيادي |
فهمتوها غلط و أنا بدفع تمن غلطتكم .... كنت وش السعد على أغلبية الشعب الأمريكي ...
| |
|
|
|
|
|
|
Re: يا ABUHUSSEIN إلا تشوف ليك تخصص جديد . (Re: Salah Zubeir)
|
Quote: مقدراتي التحليلية و رؤيتي الثاقبة و نظرتي للمواضيع من كل الجوانب قبل إتخاذ أي قرار .... |
دي شنو القليله دي يا الطريفي ... اهو صدق الحاجات القاعد تقولا ليهو قلهدا ... امنتو بالله ... ههههه ... دا حا يتخذ قرارات ... شنطة النووي دسوها منو ... 😛😛😛😛😛
| |
|
|
|
|
|
|
Re: يا ABUHUSSEIN إلا تشوف ليك تخصص جديد . (Re: ABUHUSSEIN)
|
Quote: ذنبهم جابو ليهم واحد عوير عوقة .... و الله من ما شفت شعرو العامل زي بوخ الحلة دا قنعت من خيرا فيهو .... 😂😂😂 |
طيب نحن زاتو كان عندنا اظرط من طرمبة الرقاص والليمبي وطرحة وشنو ما عارف كانوا هم العورا والا نحن العورا. عاش طرمبة 😂😂😂
| |
|
|
|
|
|
|
|