حبيبنا يحيى قباني ياخ إنت زول أضانك دي نجيييييضة ،،، زمن طويل كنت قايل الأغنية حقت وردي حتى إنتبهت لأن الكلمات لا تشبه جيل وردي وقعدت أبحت لأعرف إنها حقت كرومة ،،،، وردي قام بالتوزيع للموسيقى وأبدع فيها وأضاف لها الكثير حتى إنك قد لا تعجبك عند صاحبها الأصلي ،،، وكمان أغنية بعد إيه لها سحرها الخاص . طبعاً حكاية أخذ الفنان مقطع من فنان آخر كان شيئ عادي في زمن الحقيبة ،، وحتى مرات أغنية كاملة يتم أداءها بكلمات أخرى ،، نفس اللحن طق طرق ههههه ربما السبب هو صراع فنانين على اللحن وربما يكون تنافس بين الشعراء لقول شعر بوزن واحد وحصلت كثيييير والأغاني مرات حتى تلخبط بينهما ،،، مثلا غنى سرور (برضي ليك المولى الموالي) وأداها بعده خضر بشير ،، وغنى أبو طاقية فنان الحقيبة الرائع محمد أحمد عوض (رغم بعدي بأرسل سلامي) شوف وقوع الحافر على الحافر ده كيف ،،،،، هههههه حافر شنو ده فوتو كوبي عديييل. أغنية فسم بي محيك البدري بصوت أولاد الموردة ،،،، روعة بدون مساحيق
03-07-2020, 03:02 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: حبيبنا يحيى قباني ياخ إنت زول أضانك دي نجيييييضة ،،، زمن طويل كنت قايل الأغنية حقت وردي حتى إنتبهت لأن الكلمات لا تشبه جيل وردي وقعدت أبحت لأعرف إنها حقت كرومة ،،،، وردي قام بالتوزيع للموسيقى وأبدع فيها وأضاف لها الكثير حتى إنك قد لا تعجبك عند صاحبها الأصلي ،،، وكمان أغنية بعد إيه لها سحرها الخاص . طبعاً حكاية أخذ الفنان مقطع من فنان آخر كان شيئ عادي في زمن الحقيبة ،، وحتى مرات أغنية كاملة يتم أداءها بكلمات أخرى ،، نفس اللحن طق طرق ههههه ربما السبب هو صراع فنانين على اللحن وربما يكون تنافس بين الشعراء لقول شعر بوزن واحد وحصلت كثيييير والأغاني مرات حتى تلخبط بينهما ،،، مثلا غنى سرور (برضي ليك المولى الموالي) وأداها بعده خضر بشير ،، وغنى أبو طاقية فنان الحقيبة الرائع محمد أحمد عوض (رغم بعدي بأرسل سلامي) شوف وقوع الحافر على الحافر ده كيف ،،،،، هههههه حافر شنو ده فوتو كوبي عديييل. أغنية فسم بي محيك البدري بصوت أولاد الموردة ،،،، روعة بدون مساحيق
يا هندسة سلامات ...
الحقيقة انا بتهمني شديد مقاطع زي المقطع القبل الاغنية ده ... اثبات لي حاجتين ... انه وردي همه الاول و الاخير الفن و الابداع و الشي الاهم لكل من يتهم وردي بالغرور لو وردي مغرور ما بتكلم و يقول المقطع اللحني رسخ في ذاكرته و استخدمه في بعد ايه ...
شوف وردي قال شنو هنا على الجابري ...
و ايضا هاشم صديق ...
و في نفس اللقاء ده في حتة تاني وردي قال لما نجي نقعد و نسمع غنا بيناتنا كفنانين ما في زول بغني لينا غير سيد خليفة ... و قال لي حسين خوجلي انتو سيد خليفة ده ما بتعرفو زي ما نحنا بنعرفه ... ( طبعا غلط الاعلام )
ود قباني انت بتجيب الحاجات دي من وين!!؟؟ او بالأصح الروائع دي من وين !!؟؟ وما عندنا حاجة نقول ليك غير شكرا ياخي ... والله يديم عليك نعمة الصحة والعافية
03-07-2020, 05:03 PM
فيصل محمد خليل
فيصل محمد خليل
تاريخ التسجيل: 12-15-2005
مجموع المشاركات: 26041
حبيبنا قباني اتهام وردي بالغرور ، اتهام من العامة ، الما بعرفوا ارتباط وردي بعملو و جديتو في تنفيذ و تقديم اعمالوا كأجمل ما يكون . وردي كان كريم جدا في تقديم العون لكل زملاءه ، بل و تقديم الحان كاملة لمن يطلبها ، مثال مشتاقين التي منحها لعثمان مصطفى . من اجمل الالحان عند ابن البادية ، اغنية ايامك ، التي استمع اليها المرحوم صلاح ابن البادية و وردي يؤدي بروفاتها ، فطلب ان يغنيها ، فتنازل عنها وردي بكل أريحية. انت مكتوب لك جنة يا قلبي و ما راضيها هي في الدنيا و زهر الريد حافّيها أطيارها وديعة مسالمة و ظلالها الوارفة الحالمة همسات عشاق مع الليل و الليل راويها : لو ممكن تنزلها لينا فيديو يا هندسة ، ما قدرت مع تقنيات المنبر القاسية دي😊 تحياتي و اشواقي
03-07-2020, 08:50 PM
حسام الدين حمودة
حسام الدين حمودة
تاريخ التسجيل: 02-16-2020
مجموع المشاركات: 372
وردي ده عالم تاني خالص .. كتلة بتاعة ابداع بلا حد الاغنية دي ومعاها الخنتيلة نسخة كابلي شخصيا بشوفهم اجمل اداء بالاوركسترا لاغاني الحقيبة العايز يشوف كيف وردي بوظف ذاكرتو في التلحين والتاليف الموسيقي يشوف المقطع بتاع: ونغني لك يا وطني كما غنى الخليل ، في النشيد بتاع عرس الفداء؟ ويقارنو بي موسيقى عازة في هواك دي بالنسبة اعلى لحظة بتاعة عبقرية في تاريخ الموسيقى السودانية
03-08-2020, 00:26 AM
محمد محمود محمد
محمد محمود محمد
تاريخ التسجيل: 02-04-2013
مجموع المشاركات: 910
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة