اولآ: أنا متفق مع الرؤية بتاعة د.صديق تاور. فالرجل رفض الإجراء المتبع في تنفيذ الإتفاق. من غير المعقول والمقبول ان تتخذ قرار مهم متعلق بالعلاقات الخارجية دون التشاور مع المجلس السيادي او القيادة السياسية. انا متفق معه تمامآ لمحاولته تثبيت فهم ديمقراطي في التعاطي مع القضايا المماثلة. وهي إشارة(عدم رضا) مبطنه الى الجانب العسكري في المجلس.
السؤال هنا يا حيدرنا ..وين ناس "ق ح ت" ؟؟ نايمين نوم في العسل وسايبين الجمل بما حمل للمكون العسكري. وضع (قحت) مشين ..ما ممكن يكونو بالتبعية المذلة دي.
يا خي انت بدل ما تشكر الراجل تجي تلوم فيه وتساله وتقول ليه القرار جاي من وين!! ما.هو وضح ليك وقال القرار اتخذه ثلاثة اشخاص فقط وهم البرهان وحميدتي وحمدوك ودون مشورة احد... انا بعتبر ان صديق تاور هو اشجع عضو في المجلس السيادي لان الباقين صمتوا للحفاظ على مناصبهم السيادية الرفيعة ولكنه قال الحقيقة المرة وهو يعلم ان تصريحه هذا ربما يغضب الثلاثة الكبار ويكيدوا له ليفقد منصبه السيادي الرفيع.... .وما تنسى ان ناس قحت سمعوا بخبر التطبيع من قناة الجزيرة...ومن تغريدة ترامب..
Quote: انا بعتبر ان صديق تاور هو اشجع عضو في المجلس السيادي
بالعكس يا امتثال هو اجبن عضو داخل مجلس السيادة و معه الناصريين و الشيوعيين الذين يعملون وفق ايدلوجيات خارجية اندثرت منذ سنين طويلة هذا الخازوق تاور ينتمي لحزب البعث الذي شعاره ( امة عربية واحدة ذات رسالة خالدة) لو قام ميشيل عفلق و صدام حسين من مقابرهم لماتو بالسكتة القلبية من هول صدمة انتماء تاور لحزب البعث و الآن هو قد قرر انه سيعمل ضد المجلس السيادي , عليه يجب اعفائه هو و ممثل الحزب الناصري و الحزب الشيوعي و كل الرافضين للتطبيع .. لما تجي الانتخابات بعدها ممكن يقرروا .. تباً لهم فاسدين
10-26-2020, 06:46 AM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
كلامه دا صدى وترديد للوهم وكلام الفلول بتاع البرهان وحميدتي هم السايقين قطيع التطبيع..
في حيـن انه السيادي والوزراء واغلب المجتمع والشعب السوداني مع التطبيع وليهم علم بيهو.. إلا وزير الاعلام :)
Quote: وين ناس "ق ح ت" ؟؟
Quote: وما تنسى ان ناس قحت سمعوا بخبر التطبيع من قناة الجزيرة...ومن تغريدة ترامب..
يا الشيخ والاخت امتثال
ق ح ت دي هي شنو البينسأل منها ؟
دا عبارة عن تحالف .. وفي اللغة المواكبة قال ليــك هي اسمها حاضنة.. حاضنة بيَاضة لتفريـخ الوزراء والمسئولين ليس إلا :) :)
المهم .. البعرفو كل مكونات وتحالفات ق ح ت وغيـر ق ح ت من احزاب ومنظمات عبرت وبينت رأيها في قصة التطبيع ومنذ لقاء اوغندا مع اخونا بنيامين .. فقصة سمعو وما سمعو وكان وراء ضهرهم دا ما كلام ..
اغلبيـة حزبية ومنظمات واعضاء في ق ح ت موافقين على التطبيع ومعاهم الشق التاني المتحالف معاهم بموجب الوثيقة الدستورية موافق على التطبيع والحلف الثالث الخاشي في الحكومة حديثاص والبيتكون من الموقعين على إتفاق سلام جوبا موافق على التطبيع ورأيه إيجابي وجزء عريـض من الشعب السوداني موافق على التطبيـع
مين هي ق ح ت دي الما موافقة على التطبيع ومعترضة وما سمعت وباقي النضم دا؟
هل ق ح ت هي ستي مريم وابوها ام ق ح ت دي الشيوعيين ولموم العروبيين؟؟
مافي حاجة اسمها ق ح ت ما موافقة في شئ اسمه جزء من تحالف ق ح ت - الإتفرتق بالمناسبة صامولة صامولة - ما موافق .. وفي شئ اسمه تلاتة اربعة تنفار واحزاب قايلين نفسهم هم ق ح ت وورثة ق ح ت وهم الثورة وهم الشعب
Quote: عفائه هو و ممثل الحزب الناصري و الحزب الشيوعي
ممثل الحزب الشيوعي الفي مجلس السيادة!!! منو دا ما كلمونا والله، تصدق اول مرة اعرف منك يا خضر، على العموم،، اعفي طوالي طال عمرك مافي اي مشكلة،، ........ بعدين يا خضر شنو عبارات ايدولوجيات عفا عليها الزمن واندثرت، هذه افكار ليست مربوطة بزمان ولا مكان، عابرة للقارات.. الايدولوجيا الحاكمة منذ ٥٦ هي الوصلتنا مانحن فيها الان نتسول القمح من دويلة عمرا ٧٠ سنة ونحن اهل حضارة ٧ الف سنة، دولة مساحتا قدر الحاجي يوسف وعدد سكانا لا يتجاوز ضاحية امبدة ومغتصبة وظالمة، ما هذا الهوان،، عموما تحياتنا....
10-26-2020, 07:50 AM
عبدالمنعم الطيب حسن
عبدالمنعم الطيب حسن
تاريخ التسجيل: 11-15-2012
مجموع المشاركات: 4468
كدي يا خضر شوف كتاب ك ك براحة كدة وبلا انفعالات، وورينا الافكار الفيهو عفا عليها الزمن ول لسع حية وطازجة تسعى بين الناس بالحق والعدالة الاجتماعية،، ........ قمح إماراتي ..دقيق صهيوني أ. كمال كرار ٢٥ أكتوبر ٢٠٢٠م
في أنباء الأمس أن بلادنا المنكوبة بنقص الرغيف استلمت 67 ألف طن قمح عبارة عن منحة من الإمارات العربية ..وغض النظر عن بعض التفاصيل الغائبة،فإن السودان وبمساحة 1.88 مليون كيلومتر،يتسول الغذاء من دولة مساحتها 83600 كيلومتر (4.5% من مساحة السودان)،ولا تتجاوز الأرض الزراعية فيها 3800 كيلومتر مربع،وتستورد في المتوسط 1.8 مليون طن من القمح سنويا لتغطية الإستهلاك .. ولكنها اكتشفت في السنوات القليلة الماضية وبحكم موقعها الجغرافي،أنها يمكن أن تربح من استيراد القمح وإعادة تصديره (للداقسين) ..وفق فوائد سياسية واقتصادية معتبرة .. ونأمل ألا نكون من ضمن هؤلاء ..ولكن التوقيت يشي بالكثير .. وقريب من هذا الأمر تصريح لنتنياهو بالأمس أعرب فيه عن أمله في إقامة سلام دافئ مع السودان،مضيفا ( أننا سنرسل إلي أصدقائنا الجدد طحينا بمبلغ 5 مليون دولار)..وربما قصد أن يرسله لنا عبر الإمارات (حليفته)،فنصدق أنها منحة والثمن دفعته تل أبيب .. ولو كان الإستنتاج خاطئا ..دعونا نذكر القائمين بأمر الاقتصاد في بلادنا أن يقولوا للإمارات (كملي جميلك)،واطحنيه لنا وغربليه ..لأن اللوبي الطاحوني عندنا يفرض سعرا على طحن القمح أعلى من ثمن شراء القمح ذاتو .. ونشحد القمح في عهد ثورة ديسمبر لأن الزراعة والمزارع لا يجدون حظهم من الاهتمام ..ولأن مطالب المزارعين معطلة بفعل فاعل ..وتكاليف الزراعة يزيدها التضخم ورفع أسعار الجازولين (بحجة رفع الدعم)،وقانون 2005 لم يلغ،ولم تسترد الأصول التي سرقت من مشروع الجزيرة ..ولا بد أن نستنتج أن ما يحدث بفعل فاعل ولفائدة موردي القمح..والطاحنين ..وليس للمطحونين من أمثالنا خيار للبقاء على قيد الحياة إلا العيش التجاري ..بسعر 15 جنيه للرغيفة ..ودعونا نذكر الذين (هللوا) للبدوي وزيادة الأجور واعتبروا أن ال 3000 جنيه وهي الحد الأدني للأجور إحدي كراماته ..دعونا نذكرهم بأنها تساوي الآن 200 عيشة تجارية،بينما الحد الأدنى للأجور..(قبل الزيادة) والبالغ 426 جنيه،كان يساوي 426 عيشة بسعر واحد جنيه للرغيفة ..ولا مقارنة بين الرقمين ..ولا مقارنة بين وزن العيشة القديمة،ووزن الجديدة ( في حجم اللقيمات).. وغير بعيد عن موضوعنا هذا الخبر الثاني عن مساعدات إنسانية بقيمة 81 مليون دولار قدمتها أميركا للسودان (ربما مكافأة للتطبيع)،وقبل أن يصفق البعض للكرم الحاتمي الأمريكي،فإن المبلغ مقسوما على عدد سكان السودان يساوي أقل من دولارين للفرد الواحد ..يعني أقل من 500 جنيه بسعر السوق الأسود..تأكل بها صحن (كمونية) في السوق العربي،وتشرب حاجة باردة وكباية شاي..وتمسح (شنبك)،وتدعو لترامب بالتوفيق في الانتخابات الجاية .. الموية ديك ..والأرض دي ..ما تلفي في الكون تشحدي ...والضمير المستتر للأسف الحكومة المدنية .. وأي ....مالو ؟
10-26-2020, 07:59 AM
عبدالمنعم الطيب حسن
عبدالمنعم الطيب حسن
تاريخ التسجيل: 11-15-2012
مجموع المشاركات: 4468
على تاور بعد الكلام والتهميش دا امن يستقيل طوالي، اها الانتقاد وما كلمونا وهمشونا، وقاعد في نفس المنصب ومستمتع بالمميزات فدا اسمو لعب على الشعب، ويتبعه ب الاستقالة كل ممثلي حزب الست مريم وهار داد في الحكومة والولايات، ومعاهم الاخ الكيوت فيصل م ص واي عروبي وبعثي وانصاري، وكدة يعني،
10-26-2020, 09:42 AM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12477
الاحباب الكرام خبر عاجل قبل قليل خبر وفاة الامين العام لحزب البعث العربي العراقي (( عزت الدوري )) الحزب محظور في العراق .. تولى المنصب بعد اعدام صدام حسين
رحم الله السيد الدوري على حزب البعث السوداني اعلاه الحداد واصدار نعي
اول مرة أعرف وزير الاعلام فيصل محمد صالح بعثي سبحان الله كان ينادي بالقيم والحرية وحقوق الانسان .. مع أن تاريخ البعث صدام ، وحافظ الاسد اكثر من زهقوا الارواح
ياجماعة السودان ده غريب جداً .. كل واحد عايز مصعد للوظيفة والسلطة حتى لو كان بعث
حبيبنا حيدر تحياتي .. عندنا قروبات الشبابنا في اشتباك مع البعث أورد أحدهم عبارة ( منقولة ) عجبتني جداً
Quote: أحزاب البعث في السودان منقسم علي نفسها ، حزب البعث العربي الإشتراكي الأصل ، حزب البعث السوداني ، حزب البعث القومي ، حزب البعث القيادة القطرية ، حزب البعث العربي الإشتراكي . وكل حزب من هؤلاء عدد إعضاءه اقل من خمسة إشخاص ويمكن ترحيلهم في ركشات . وبالعدم إمجاد أو هايس واحد فقط .
10-26-2020, 10:33 AM
عبدالمنعم الطيب حسن
عبدالمنعم الطيب حسن
تاريخ التسجيل: 11-15-2012
مجموع المشاركات: 4468
الناس الأنا شايفاهم واقفين بالساعات في صفوف العيش،
لو إسرائيل خبزت دقيقها ( بيغل) و رسلته، برضو ح يأكلوه
و لا مهتمين جاي من وين.
اهلنا بقولوا (المنتطر حلتو النبيلة) ما كتبتيهو معلوم بالضرورة، نحن احتجاجنا على الهوان والذل الوصلونا ليهو اولئك وهؤلاء الاراذل، كشعب كريم وعريق... ياخ الموسم الشتوي الفات السودان انتج ما يعادل ٦٠% من احتياجاته السنوية من القمح، هل هنالك خطة وبرنامج لرفع الانتاجية هذا العام والموسم الشتوي على الابواب، .............. بلد عظيمة يتقدمها اقزام...
10-26-2020, 10:56 AM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12477
Quote: هل هنالك خطة وبرنامج لرفع الانتاجية هذا العام والموسم الشتوي على الابواب،
مع التحية لحبيبنا حيدر .. لحين عودتك الى البوست
حبيبنا عبدالمنعم .. تحياتي التسعيرة لشوال القمح معقولة ( 9 آلاف ) صدرت من البنك يوم امس ولكن المشكلة في المدخلات اليوم نحن في أواخر شهر اكتوبر بعد كده الزراعة على الطول المشكلة في الجازولين ، والسماد ، والتقاوي ..
يا ريت ناس حبيبنا نتنياهو كان يرسلوا لينا سماد وجازولين .. بدل القمح الوقت ضيق جداً ولا بد من توفير هذه المعينات على وجه السرعة أنا واحد من الناس أزرع القمح كل سنة .. والزراعة مجزية ومربحة ولكن المشكلة في المدخلات والتوقيت .. وعندنا في الشمالية فصل بارد والانتاج عالي جداً
وكمان حبيبنا عبدالمنعم أولادنا اليوم ما زي زمان .. لا يحبوا الحركة .. شابكين اعتصام وخيام واجتماعات ( الكلام ده هناك في البلد في ضواحي الدنيا) ثقافة العمل انحسرت مرة .. الكهرباء جابت لينا مشاكل ( برشلونا وريال مدريد ) وجوالات تعرف الايدي العاملة أحياناً تكون مشكلة رئيسية وخاصة في زراعة الخضار ( البطاطس وغيره )
أكرر ثقافة العمل مشكلة رئيسية .. ما زي زمان كنا نرجع من المدرسة للحواشة أوالساقيةعلى طول
أتمنى أن يتم اكتشاف زراعة من البعد بالتكنولوجيا موبايلات ولاب توب .. يا ريت .. مودتي الحبيب منعم
تحياتي الحبيب حيدر معليش احتلال للبوست ..
10-26-2020, 11:02 AM
Nasser Amin
Nasser Amin
تاريخ التسجيل: 02-07-2017
مجموع المشاركات: 3562
Quote: اول مرة أعرف وزير الاعلام فيصل محمد صالح بعثيسبحان الله كان ينادي بالقيم والحرية وحقوق الانسان .. مع أن تاريخ البعثصدام ، وحافظ الاسد اكثر من زهقوا الارواح
سلام يا على اننقافيصل محمد صالح وزير الاعلام كان نـاصـرى وصرح بذلك اكثر من مرة خلال الفترات السابقة وذكر انه ترك الحزب بعد ان وضع الديمقراطية كأولوية وان العمل الحزبي يحد من حريته فى الكتابة الصحفية والآن هو بدون حزب .وقد تم تعيينه فى المنصب حسب الكفاءة .
Quote: اهلنا بقولوا (المنتطر حلتو النبيلة) ما كتبتيهو معلوم بالضرورة، نحن احتجاجنا على الهوان والذل الوصلونا ليهو اولئك وهؤلاء الاراذل، كشعب كريم وعريق... ياخ الموسم الشتوي الفات السودان انتج ما يعادل ٦٠% من احتياجاته السنوية من القمح، هل هنالك خطة وبرنامج لرفع الانتاجية هذا العام والموسم الشتوي على الابواب،
السلام عليكم الخطاب السائد فى الميديا تعبر عن نفسيه المتسول وعقليه السمسار . علينا ان نعرف كيف نوظف وندير مواردنا عشان نحثل على عائد يسهم فى تنميه الاقتصاد بدل انتظار المنح وفتح البلد للخواجه وشركاتو ينهب موارد البلد باسم الاستثمار مثال الكونقو من اهم مصدرى الكوبالت اللى يعتبر مهم فى صناعه بطاريات الهواتف النقاله (الطاريات القابله للشحن) . والان انظرو حال الكونغو لايتناسب مع مع قيمه مواردو المسروقه منو فى شكل خام وهو مكبل بالفقر والجهل والصراعات .ونحنا فى السودان عقليات السماسره السائده بتقدم البلد ومواردو فى طبق من ذهب للخواجه وشركاتو السودان غنى بموارد تحتاج تزظيف طاقات بدل انتظار صدقات من برا
10-26-2020, 12:32 PM
اخلاص عبدالرحمن المشرف
اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
السلام عليكم اتمني الاخت الاستاذة ستي نور تاور ما تدخل البوست ده أولاً. صدر الان من الدكتور عبدالله حمدوك ما يفيد انه لم يوافق علي التطبيع التفاصيل ما اتحصلت عليها وهي تؤيد ما قاله بروف تاور.
احاول اجد ما قاله حمدوك وهو مطمئن و متوازن
10-26-2020, 01:09 PM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
الاستاذة نور تاور لها التحية دخلت البوست او مادخلت البوست لا يعنيها بشئ إلا في أطار نسمع رأيها حول الشأن العام البيدور حوله وحول موقف السيد عضو المجلس السيادي صديق تـاور ..
Quote: صدر الان من الدكتور عبدالله حمدوك ما يفيد انه لم يوافق علي التطبيع التفاصيل ما اتحصلت عليها وهي تؤيد ما قاله بروف تاور.
طيب هل وافق السيد حمدوك على البيـان دا أم لم يوافق ؟؟
Quote: بيان من رئاسة مجلس الوزراء 25 أكتوبر 2020 شعبنا الكريم... تحية الثورة والصمود إيماناً منا بأن شعبنا العزيز يستحق العيش الكريم والسيادة الكاملة على قراره وأرضه التي رواها بدماء الشهداء، فقد توّجت حكومتكم عاماً كاملاً من التفاوض المضني والذي أدى إلى رفع اسم السودان من قائمة الدول الراعية للإرهاب. إن رفع اسم السودان من هذه القائمة يطوي صفحة ثلاثة عقود من العزلة الدولية ويفتح فرصاً كبيرة لبلادنا خاصة في الجانب الاقتصادي ومنها ما هو اتي: البدء في عملية إعفاء السودان من الديون الخارجية المتراكمة عبر مبادرة إعفاء الدول الأكثر فقراً والمثقلة بالديون، وهو عبء أثقل كاهل الاقتصاد السوداني إذ يبلغ أكثر من 60 مليار دولار معظمها من فوائد ومتأخرات الديون التي تجاهل النظام البائد تسديدها في إطار برنامج إصلاحي اقتصادي شامل قامت الحكومة بإعداده وإجازته. تسمح إزالة اسم السودان من قائمة الدول الراعية للإرهاب بعودة السودان للتعامل مع المؤسسات المالية الدولية والاستفادة الكاملة من المنح التنموية والعون العالمي. كما ترسل إزالة السودان من هذه القائمة إشارة قوية لعودة الاستثمارات المالية العالمية وفق عقود منصفة وشفافة لتطوير البنى التحتية والقطاع الزراعي والصناعي والاستفادة الكاملة من ثروات البلاد. وتسمح كذلك بعودة السودان إلى النظام المصرفي العالمي، وهو ما سيسهل التحويلات البنكية ويزيل القيود المفروضة على حسابات السودانيين البنكية. وستسمح إزالة اسم السودان من هذه القائمة برفع كافة القيود وإنهاء المصاعب المفروضة على سفر وتنقل السودانيين حول العالم باعتبارهم مواطنين لدولة راعية للإرهاب. وتتيح أيضاً إزالة السودان من هذه القائمة وصول السودانيين إلى كافة المنتجات التقنية والتكنولوجيا بصورة مباشرة ودون وسطاء التي كانت محظورة من السودان والسودانيين. لقد كان جلياً لنا منذ أن حملتمونا هذه الأمانة، إن الشعب السوداني يستحق الانعتاق من إسار هذه القائمة والتي أعاقت إكمال عودته لحاضنة المجتمع الدولي، ولذلك كانت أولوياتنا السلام والاقتصاد ورفع اسم السودان من هذه القائمة ضمن الأولويات الأخرى. في أغسطس الماضي، أرسلت الولايات المتحدة الامريكية وزير خارجيتها السيد: مايك بومبيو في زيارة للخرطوم، وقدم السيد بومبيو خلال هذه الزيارة عرض الولايات المتحدة القاضي بالاعتراف والتطبيع مع إسرائيل كشرط لرفع اسم السودان من قائمة الدول الراعية للإرهاب. رفض رئيس الوزراء هذا الشرط وطالب حكومة الولايات المتحدة بفصل القضيتين، وبرفع اسم السودان من القائمة، حيث أننا استوفينا جميع الشروط اللازمة لإتمام العملية، والحكومة ترى أن من حق الشعب السوداني البت في أمر العلاقة مع إسرائيل من خلال مؤسساته الدستورية والتي لم تكتمل بعد. واصلنا التفاوض مع الحكومة الامريكية على هدى قناعاتنا بأن المسارين منفصلان تماماً، وتوصلنا لاتفاق بأن يتم رفع اسم السودان من قائمة الدول الراعية للإرهاب وأن يخطر الرئيس ترامب الكونغرس الأمريكي لإكمال استعادة السودان للحصانة السيادية التي تحميه من أي مطالبات أخرى بالتعويض أمام المحاكم الامريكية، وقد تم الإعلان عن ذلك الاتفاق في 23 أكتوبر 2020. اقترح الجانب الأمريكي على حكومة السودان أن تتم مكالمة هاتفية رباعية يقوم فيها الرئيس ترامب ورئيس الوزراء الإسرائيلي بنيامين نتنياهو بتهنئة السيد رئيس مجلس السيادة الفريق أول ركن عبد الفتاح البرهان، والسيد رئيس مجلس الوزراء دكتور عبد الله حمدوك برفع اسم السودان من قائمة الدول الراعية للإرهاب والاعلان عن اتفاق مبادئ بين السودان وإسرائيل على تطبيع العلاقات. علماً بأنه تم الاتفاق على إعداد اتفاقية بين الطرفين حول موضوع إعادة العلاقات السودانية الإسرائيلية وسيتم البت فيها بواسطة المجلس التشريعي. تود رئاسة مجلس الوزراء أن تؤكد على إصرار السودان على أن انفصال المسارين يقوم على القناعة الراسخة ببراءة السودان وشعبه من تهمة الإرهاب، وأن تطوير علاقاته مع دول العالم على أساس مصلحة السودان والسودانيين هو شأن تضمنته وثائق الثورة وأقرت به قواها كلازمة للتحول الديمقراطي والانفتاح على العالم، وأن علاقات السودان الخارجية هي من صميم مكتسبات الشعب السوداني التي لا تهاون فيها ولا مساومة في عهد الثورة والتغيير. رئاسة مجلس الوزراء
10-26-2020, 01:13 PM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
حبيبنا علي عبدالوهاب سلامات ورحم الله عزت الدوري واحسن اليه ..
البوست حقك يا حبيب .. نحن مشكلتنا من بدت ياها في جنس خرمجات فيصل وشتارة صديق تاور وجعير حيدر بدوي.. البلد يمكن الوحيد في العالم البتتخذ فيهو الحكومة موقف رسمي صادر من مؤسساتها ثم ينط وزير او عضو بمنصب رسمي ويشاتر قرار الجماعة تحت مسمى - حفظ موقف - تضامناً مع حزبه "ورهطه " ..
لو احترمنا موقف الصادق المهدي ورأي بنته كيف نتغاضى عن مواقف امثال تاور او فيصل اوزعيط ومعيط من الوزراء
الكويس انه شغلة احزاب الفكة واحزاب البركة والبيوتات ماشية مندثرة زيها وزي الآلة الكتابة وشرائط الكاسيت ..
ملح الارض، ماعندهم الحبة في الحكومة دي لا للمحاصصات الحزبية، نعم للكفاءات ،، والكلام المعلن انو الحزب ما مشترك باي عضو في الحكومة المركزية والولايات، معقول الحزب يشترك في حكومة تافهة زي دي شوف المرفق دا مكتوب اليوم بواسطة زملينا ناذر الخليفة من الخرطوم،،
Quote: 🔴🇸🇩⛽🔥🚘
تعديل سعر لتر البنزين الى 120 جنيه والجالون 540 جنيه
لو عربيتك صغيرة وبتشيل 8 جالون، اسعار الفل تانك كالآتي: - في ابريل 2020= 216 جنيه - اكتوبر 2020= 1008 جنيه - نوفمبر 2020= 4320 جنيه.
وهذا الأمر لم يحدث في تاريخ البشرية.
#وهكذا_يعني #بركات_المدنيااااااو✌🏿
10-26-2020, 03:11 PM
اخلاص عبدالرحمن المشرف
اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
من كلام البرهان دا وانو شاور كل القوى السياسيه والمدنيه بمافبها الرافضه الان وسمى تحديدا الصادق المهدى والسنهورى كقيادات للاحزاب اها البرهان كان شاور الخلق دى كلها معقول تاور زول البيت السيادى معقول يقول يطرشنى ؟؟ الناس دى يتلعب توازنات راى عام بواسطه الخطاب الاعلامى ولا شنو ؟
10-26-2020, 07:38 PM
كمال عباس
كمال عباس
تاريخ التسجيل: 03-06-2009
مجموع المشاركات: 17135
دي قضية ما أساسية العاوز يطبع حُر والرافض التطبيع دا خيارو! بس حكاية رفض إقامة علاقات مع إسرائيل إنطلاقا العروبة والإسلام ما مهضومة ... أما الذي يستند علي إعتبارات المبادئ والإنسانية فموقفه مفهوم ولكن قابل للإختلاف ... مسألة التخوين والتجريم والتعارك بسب إسرائيل وفلسطين دي ماجايبة حقها! .......
عبد المنعم اذا انتو كنتو بتملوا التنك ب ٢١٦ جنيه معناه البنزين عندكم كان شبه مجان.. نحن بنملأ التنك هنا بي ٨٠ دولار... واذا كان الدولار سعره ٢٤٠ جنيه زي ما بنسمع فاضرب ٨٠×٢٤٠ =١٩٢٠٠ جنيه...
10-26-2020, 09:27 PM
عبدالمنعم الطيب حسن
عبدالمنعم الطيب حسن
تاريخ التسجيل: 11-15-2012
مجموع المشاركات: 4468
والله يا امتثال انا جني وجن مقارنة بين الجنيه والعملات الحرة برة السودان حيث اعمل الحد الادنى لاجور اهل البلد ٥ الف ريال وهي تعادل ٣٠٠ مليون ١.٤٣ ريال للتر لا تعني شيئا من ٥ الف ريال والحد الادني في بلدي مليون عندها المقارنة انو لتر البنزين بما يعادل ١٢٠ الف جنيه ١٢٠ الف من مليون تعني اشياء بالله المليون وكت يشيلو منها ١٢٠ الف ان فضل فيها، وكونها رخيصة لا تعني شيئا،، اصلا الناس في بلدي يستلمون ملاليم لا يعقل ان تعطيهم مرتب بالجنيه وتحسب لهم الخدمات والسلع بالسعر العالمى تلك معادلة مختلة من الاساس تحياتي يا امتثال،
10-26-2020, 09:40 PM
Asim Ali
Asim Ali
تاريخ التسجيل: 01-25-2017
مجموع المشاركات: 13492
اغتقد المقارنات ممكن تكون معقوله لما تكون بين ومنصرف شخص فى وظيفه معينه والمقابل ليها فى دوله تانيه مع اعتبار الغوامل الاقتصاديه لكل بلد نمو اقتصادى وقوه العمله الى اخره . ممكن عندها تحدث مقارنه مفاضله لامقارنه مكافئه مرتب كم ؟ صرف كذا كم ونسبتو من المرتب فى البلدين مثلا (الايجارات ....الخ) ؟
10-26-2020, 09:41 PM
Asim Ali
Asim Ali
تاريخ التسجيل: 01-25-2017
مجموع المشاركات: 13492
اغتقد المقارنات ممكن تكون معقوله لما تكون بين ومنصرف شخص فى وظيفه معينه والمقابل ليها فى دوله تانيه مع اعتبار الغوامل الاقتصاديه لكل بلد نمو اقتصادى وقوه العمله الى اخره . ممكن عندها تحدث مقارنه مفاضله لامقارنه مكافئه مرتب كم ؟ صرف كذا كم ونسبتو من المرتب فى البلدين مثلا (الايجارات ....الخ) ؟
10-26-2020, 10:03 PM
عبدالمنعم الطيب حسن
عبدالمنعم الطيب حسن
تاريخ التسجيل: 11-15-2012
مجموع المشاركات: 4468
استاذ عاصم تحياتي المقارنة هنا بين سلعة واحدة في تلانة بلدان مختلفة من حيث النمو الاقتصادي، ومن حيث الحد الادنى للاجور ومن حيث استهلاك السلعة.... هنا ٤ خبزات بريال وهنالك ٤ خبزات ب ٨الف جنيه الريال من ٥ الف لا يقارن ب ٨ الف من مليون تلك فكرتي،، مثلا ولدي في الروضة يدرس السنة ب١٢ الف ريال، وهي تعادل تقريبا ٨٠٠ مليون، في السودان، المنصرف على حسب الدخل والبلد وكذلك السلعة المقارنات لا تجوز ابدا ولا ينبغي لها ولا لنا،، شكرا يا دكتور ،،،،، حيظر ياخ معليش، هههههههها احتلينا البوست، شايف جماعتك عاملين عزاء لعزت الدوري في دار الحزب، وعمك السنهوري قاعد بعبايتو، وكل عضوية الحزب قاعدين، غايتو السودان دا محنو كتير،😳
10-27-2020, 04:01 AM
adil amin
adil amin
تاريخ التسجيل: 08-01-2002
مجموع المشاركات: 36905
قحت لمة بلا مشروع عاش ابو هاشم وابي احمد السوا لي ترامب وللسفير الامريكي في اديس ابابا وذكرني ايام المحجوب القوى الرجعية المرتبطة بالاستعمار https://top4top.io/
فصك يا حيدر الزين
10-30-2020, 06:42 AM
adil amin
adil amin
تاريخ التسجيل: 08-01-2002
مجموع المشاركات: 36905
فعلا يا حيدر الزين الدنيا مقلوبة من خراب سوبا لكن بالقطاعي كده ما تبنفع الجاب ديل منو وختاهم في راسنا بي المحاصصة عليكم الله كان ودينو الفيدو ده للبعثيين في بيت البكا انتو السبب في صرف الشباب عن حاجاتم السودانية الفرق شنو اصلا بين صدام حسين وعبدالناصر وسيد قطب وسديس كلكم ملة واحدة
10-30-2020, 06:42 AM
adil amin
adil amin
تاريخ التسجيل: 08-01-2002
مجموع المشاركات: 36905
فعلا يا حيدر الزين الدنيا مقلوبة من خراب سوبا لكن بالقطاعي كده ما تبنفع الجاب ديل منو وختاهم في راسنا بي المحاصصة عليكم الله كان ودينو الفيدو ده للبعثيين في بيت البكا انتو السبب في صرف الشباب عن حاجاتم السودانية الفرق شنو اصلا بين صدام حسين وعبدالناصر وسيد قطب وسديس كلكم ملة واحدة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة