اليوم بالصدفة فتحت إيميل من خرائط قوقل وعادة لا افتح هذه الإيملات.. فوجدت العجب العجاب. الدول التى زرتها فى السنين القليلة الماضية.. ومواقعها على الخريطة.. المدن التى زرتها فى كل دولة التأريخ الذى زرت فيه كل مدينة.. ومعلومات أخرى كثيرة جدا.. ونحن مبسوطين عشان نستعمل إيميل قوقل (مجاناً) ونستعمل التلفونات (الذكية).. فعلا ذكية.. شوف فى الصورة النقاط الحمراء هى التى زرتها أو أقمت فيها.. لو دست على أى نقطة يديك التفاصيل.. حتى المطاعم والمكاتب الحكومية التى زرتها يجيبها ليك بالصورة.
06-05-2022, 06:14 AM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 23401
واللاى يا بدر حاجة تحيـر.. زى ما شايف فى الخريطة.. اماكن أنا زاتى نسيتها. يقول ليك انت زرت دبى وابوطبى والسودان والصين وبولتيمور ونورث كارولاينا .. وكلها بالتواريخ يعنى الواحد شايل جاسوس فى جيبـه. والشئ المحير قال فى الصين أنا زرت الحتات دى.. 1و2و3.. وفى السودان قال لى زرت حى أزهرى وام درمان والسلمة.. وبالخارطة عشان ما تغالط. طيب لو قوقل يعرف عنك دا كله، العم سام حيكون عارف شنو عنك.. واحدة مرة مشت المستشفى للكشف طلعت حامل.. الدكتور قال ليها الحمل حصل يوم كدا شهر كدا.. جات راجعة مبهورة قالت والله ديل النـ**** زاتها يعرفوها حصلت متين.
وليه ما نكون مبسوطين؟ اول حركة تسجيل تاريخ حركتك ورحلاتك دي خدمة من قوقل لو عايز توقفها ممكن توقفها. تاني شي هسه عليك الله يا ابو الريش قوقل يتابعك يعمل بيك شنو؟ أنا غايتو لو قوقل متابعني يبقى قوقل ما عندو شغلة وما عندو موضوع وما في أي معلومة مفيدة حيطلع بيها من متابعتي.
يا سى حافظ اولا لا يهم انت ما عندك شئ خايف عليه.. ولكن مبدأ الخصوصية.. مافى زول يرضى ان يكون فى واحد ماشى وراه فى الشارع محل ما يمشى حتى لو ما عنده شئ خايف عليه.. واللا كيف؟ مفروض لا تكون مبسوط لأنك مراقب.. أعتقد سبب كافى بصرف النظر عن أى شئ. . بعدين المفروض قوقل يخلى الخاصية دى معطلة ويترك لك الخيار فى تفعيلها.. موش العكس، لأن ناس كتيرة وأنا منهم لا يعرفون انها مفعلة من المصنع. by default
06-05-2022, 08:37 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: بعدين المفروض قوقل يخلى الخاصية دى معطلة ويترك لك الخيار فى تفعيلها
ودا الحاصل فعلا, قبل تفعيل الـ location بسال أي تطبيق السماح بتفعيلها و تطبيق قوقل مابس ايضا يفعل في اول يوم تستخدم التلفون و تسجل بياناتك (الايميل و اسمك وقم الهاتف) ممكن مراجعة الاذونات الممنوحة للتطبيقات فيها التفاصيل
06-05-2022, 09:11 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8903
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abureesh
بدر الدين الأمير
Hafiz Bashir
walid taha
محمد البشرى الخضر
فيس بوك
تويتر
انستقرام
يوتيوب
بنتيريست