|
|
|
 Re: يا سلام على النظام والترتيب قنصلية السودا (Re: Dr. Ahmed Amin)
|
المهم ...
حجزت من الموقع .. وتم ارسال رسالة تاكيد للمواعيد في البريد الإلكتروني ..
وصلت قبل المواعيد ب دقايق ..
ثم اتى موظف في المكتب الخارجي .. للتاكد من حجزك من الكشوفات.
حجز ما عندك ما في طريقة ولا واسطة بتدخلكـ .. وهذا حدث امامي .
المهم يتم التاكد من حجزك وتدخل مباشرة للصالة لتكملة الإجراءات ..
شباك (3) يقوم الضتبط بالتصديق على صورة الجواز . لذلك مهم جدا ان تحمل الجواز وصورة واضحة منه.
ثم تنتقل بسهولة للشباك (2) لدفع الرسوم واستلام الايصال ..
ومنها مباشرة لصالة الجوازات في الطابق الثاني ..
| |
 
|
|
|
|
|
|
|
|
Re: يا سلام على النظام والترتيب قنصلية السودا (Re: Dr. Ahmed Amin)
|
بس بصراحة في صالة الجواز الامور مرتبة جدا جدا ..
والشباب شغالين بروح عالية وظرافة ولطافة 
يعني ما في أي طريقة تطلع منهم زهجان ...
دقائق فقط وتكون مخلص اجراءك وتتخارج ..
إقتراح :
يتم دفع مبلغ 30 درهم على ما اعتقد نظير خدمات ..
يا ريت بس يتم نوفير قنينة موية (صغيرونة) كده ولا كباية شاي (لمن يرغب)
عشان نحلل قروش الخدمات بدرهمين تلاته
| |
|
|
|
|
|
|
|
|
|
Re: يا سلام على النظام والترتيب قنصلية السودا (Re: Dr. Ahmed Amin)
|
صباح الخيرات يا دكتور
أن تأتي متأخرا خير من ............................
هذا النظام كان يفترض ان يتم تطبيقه منذ ازمة جوازات 2015 وحكاية 70 طلب في اليوم (الجوازات الالكترونية الجديدة )
وبكل اسف عقلية ذلك الزمان لم تسمح حتى بالنظر الى الفكرة
فقد قال لي الرجل عندما قلت له في البلد دي ما في زول بيقدم بيانات بقلمه ولا بيشتغلو بورق( شعار دبي حكومة بلا اوراق )
يا ريت تنظم الاجراءات للجواز الجديد بتقديم الشخص لبياناته عبر الانترنت ثم تحديد مواعيد عبر الانترنت لتكملة الاجراءات بدلا الزحمة القافلة الشارع
فقال لي بكل يساطة البيانات حتزور ؟؟؟؟؟؟؟؟؟ قلت له البيانات المكتوبة ستظل بيانات على الهواء ما لم تعتمد من قبلك فسكت
المهم كتر خير القنصلية والشكر والتقدير لهم
| |
|
|
|
|
|
|
|
|
|
Re: يا سلام على النظام والترتيب قنصلية السودا (Re: عزالدين عباس الفحل)
|
سلام يا دكتور
سبقتني بالكلام عن القنصلية وتعاملها
الراقي والمنضبط والمنظم والمريح جدا جدا
مع العملاء من أبناء الجالية
وجهة نظرى أنه ما في أجمل وأفضل من كدا
شكرا لهم فردا فردا من أول واحد تقابلو في
الشباك قبل ما تدخل عشان يدقق في حجزك واسمك
لغاية الزول البصورك ويعمل ليك الاجراء الأخير
ويديك الورقة النهائية البتستلم بيها الجواز
أحييهم وأقدر جهودهم وأتمنى ليهو التوفيق
..............
مشيت عملت اجراءاتي والأسرة براحة وبساطة
شديدة وأكتر حاجة عجبتني مكنة التصوير المجاني
لأنو جيت ما مصور الجوازات ولو ما كانت في مكنة
كان الرماد كل حماد .
كل الأجواء والمشاهد كانت مفرحة جدا
حتى الناس الجائيين يخلصوا معاملاتهم كانوا في قمة
الرقي والذوق والفهم وكانوا يقدمون في الصف على
قصره الشديد النساء والأسر وبابتسامات عريضة كمان.
| |
|
|
|
|
|
|
|
|
|
Re: يا سلام على النظام والترتيب قنصلية السودا (Re: طلحة عبدالله)
|
كما أحب أشكر بحرارة شديدة
الاخ الاستاذ المهذب المحترم معتصم المهموم
بقضايا الجالية في العين ربنا يجزيه خيرا هذا
المتفانى وقد شاهدت وعايشت ووقفت على تعامله
مع أبناء الجالية بنفسي هذا الصبور الخلوق
الذي يتعامل مع الناس وكأنه أبوهم أو أخوهم الكبير.
ويعتبر كل مشكلة لهم هي مشكلته الشخصية و لا
يهدأ له بالا إلا بحلها ثم يسعده أن يرى راحة البال
على وجوه الناس .
| |
|
|
|
|
|
|
|
|
|
Re: يا سلام على النظام والترتيب قنصلية السودا (Re: طلحة عبدالله)
|
Quote: كما أحب أشكر بحرارة شديدة
الاخ الاستاذ المهذب المحترم معتصم المهموم
بقضايا الجالية في العين ربنا يجزيه خيرا هذا
المتفانى وقد شاهدت وعايشت ووقفت على تعامله
مع أبناء الجالية بنفسي هذا الصبور الخلوق
الذي يتعامل مع الناس وكأنه أبوهم أو أخوهم الكبير.
ويعتبر كل مشكلة لهم هي مشكلته الشخصية و لا
يهدأ له بالا إلا بحلها ثم يسعده أن يرى راحة البال
على وجوه الناس . |
يا سلاااااام يا طلحة ياخ ..
انت اليوم قلت كلام والله صادق
الأستاذ معتصم مالكـ متعه الله بالصحة والعافية وطول العمر.
هذا رجل لا يكفية بوست او مقال لإعطاءه حقه .
رجل بقامة وطن عملاق مثل السودان.
اتمنى أن نفرد له مساحات ومساحات يستحقها تماما.
وجالية العين هي المحظوظة بان يكون على رأسها رجل بقامة معتصم مالكـ
(سنأتي حتما لموضوع الجالية وقياداتها بمدينة العين.
ولا يعرف قدر الرجال الأ الرجــال.
| |
|
|
|
|
|
|
|
|
|
Re: يا سلام على النظام والترتيب قنصلية السودا (Re: طلحة عبدالله)
|
الزعــيم طلحة .. عساك ظيب ياخ 
والله من شاهد ليسي ك من سمع .. وصحيح موظفي القنصلية يقومون بواجبهم تجاه الجالية
ولكن هذا لات يمنع أن نقوم بدعم كل ما هو جميل ويصب في مصلحة الناس .
ومعك ثانيا نحييهم من راس الدبلوماسية السيد القنصل وكل التيم العامل بجد واخلاص لانجاز المعاملات بكل سهولة ويسر.
يسر الله امرهم فردا فردا.
| |
|
|
|
|
|
|
|
|
|
Re: يا سلام على النظام والترتيب قنصلية السودا (Re: Al Sunda)
|
تحيات مسائية رائعة AL Sunda
| Quote: أن تأتي متأخرا خير من ............. |
كلامكـ صحيح قد تأخر الإجراء كثيرا .. كنا نحسد الجالية الفلبينية والهندية على نظامهم
في التعامل مع سفاراتهم الدقيق .
وبالمناسبة نحن كجالية سندفع هذا الموضوع للتطور أكثر وأكثر ..
الجالية الهندية عند تجديد جوازاتهم يتم ارسالها اليهم بالبريد الد عنوان سكنهمظعملهم
لا يضطرون للذهاب مرة اخرى لاستلام الجوازات ..
وهذا ما نتمناه نحن ايضا..
شكرا على مشاركة تجربتكـ
| |
|
|
|
|
|
|
|
|
|
Re: يا سلام على النظام والترتيب قنصلية السودا (Re: Dr. Ahmed Amin)
|
يسعد اوقاتكم
ياريت كل السيستم الاداري في السودان ينصلح
عن تجربة (في فترة النظام البائد) تعاملت مع سفارة وقنصلية السودان في تايلند
السفيرة سناء حمد ,, وموظف اسمه احمد اسماعيل ,,,
كان تعامل مدهش وراقي (كم كنت فخورا بجوازي السوداني)
ليهم الشكر اجزله ,,
علما انى قدمت خطاب شكر للسفيرة والعاملين في السفارة عبر الخارجية (الغريب ناس الخارجية نفسهم كانوا مستغربين
ان عندهم سفارة بتقدم خدمة بمستوى راقي وانساني)
| |
|
|
|
|
|
|
|
|
|
Re: يا سلام على النظام والترتيب قنصلية السودا (Re: عمار عبدالله عبدالرحمن)
|
سلام يا د
أجدد تحياتي وشكري وتقديري للقنصلية بدبي
بداية من السيد القنصل وحتى أصغر عامل هناك
ربي يوفقهم أجمعين
وبالنسبة للأخ الاستاذ معتصم مالك فهو كما قلت
عنه وأكثر وأنا ما عايز اكتب عنو عشان شهادتي
فيهو مجروحة ( هكذا اعتقد) ربي يحفظه
وبالنسبة لي دي دحين ما عوقتنا ؟؟
خخخخخخخخخخخخ
| |
|
|
|
|
|
|
|
|
|
Re: يا سلام على النظام والترتيب قنصلية السودا (Re: طلحة عبدالله)
|
Quote: دحين ما عوقتنا ؟؟
خخخخخخخخخخخخ |
طلحه هوووي ما تنحرف لينا عن البوست
_____________________________________________
تيم الجوازات المرسل من السودان وصل الى ابوظبي كما سمعنا وسيبدأ عمله قريبا..
نتمنى ان يكون تم التحسب لكافة السيناريوهات المتوقعة .. وذلك بتسهيل الإجراءات ..
سمعنا بانهم بصدد عمل رابط للتسجيل كما يحدث في القنصلية بدبي ..
ايضا سمعنا بان الاتيام ستتحرك للاندية السودانية كمثال مدينة العين .. وهذه فكرة ممتازة وفيها تيسير على الناس ..
لقد عمل سعادة السفير الكارب ورئيس جاليتنا رفيع المقام على أن يصبح هذا الأمر ممكنا. هناك أعداد كبيرة من الناس دخلت في مخالفات بسبب انتهاء تاريخ صلاحية جوازاتهم.
نتمنى ان تعطى الأولوية لمن هم في حوجة حقيقية لتجديد جوازاتهم والبقية ستاتي.
بالتوفيق للجميع.
| |
|
|
|
|
|
|
|
|
|
Re: يا سلام على النظام والترتيب قنصلية السودا (Re: عمار عبدالله عبدالرحمن)
|
ويسعــد اوقاتكـ أخونا عمار ..
Quote: عن تجربة (في فترة النظام البائد) تعاملت مع سفارة وقنصلية السودان في تايلند
السفيرة سناء حمد ,, وموظف اسمه احمد اسماعيل ,,,
كان تعامل مدهش وراقي (كم كنت فخورا بجوازي السوداني)
|
جميل أن نسمع اخبار ايجابية عن أى وزارة خدمية سودانية.
موضوع الابداع ليس صعبا ان اخلصنا النوايا ...
| |
|
|
|
|
|
|
|
|
|
Re: يا سلام على النظام والترتيب قنصلية السودا (Re: عزالدين عباس الفحل)
|
سلام يا هندسة ..
Quote: كل الزملاء المهندسين المعاي ،
م قدروا يعملوا أي حاجة ،
مع ال System،
العولاق دا ،
Complex system |
غريبة .. ياخ السيستم ساهل لمن ساهل .
بس كل المطلوب تملأ المطلوب وهو ليس كثيرا..
الاسم رباعي (مطابق للجواز)
والخدمة المطلوبة .. (تجديد جواز لفرد - تجديد جواز لأسرة او جواز جديد او رقم وطني)
وتختار الوقت والتاريخ البريحك..
وتدخل عنوان بريدك الألكتروني..
خلال دقيقة تستلم بريد تأكيد لمواعيدك.
ومش كده وبس .. وكمان برسلوا ليك تذكير بمواعيدك أكثر من مره.
ياخي بجد ناس القنصلية ابدعوا في العمل ده... عشان كده مفروض سفارة ابوظبي
تمشي على نفس النهج.
بس نحن عندنا اقتراحات ان شاءالله تكون مفيدة لتسهيل هذا العمل اكثر واكثر سيتم طرحهــا.
فشنو ..
أوقد شمعة بدل أن تلعن الظلام ..
وخليك سوداني
| |
|
|
|
|
|
|
| |
Abureesh
هاشم عبدالله بشير
Al Sunda
عزالدين عباس الفحل
طلحة عبدالله
عمار عبدالله عبدالرحمن
فيس بوك
تويتر
انستقرام
يوتيوب
بنتيريست