|
Re: يا حمدوك كفاءة إدارية لوزارة الصحة وأكرم � (Re: عبدالعظيم عثمان)
|
رفقاً بوزير الصحة الحالي يا حمدوك الزول دا ما عنده قدرة يتحمل العبء الثقيل في وزارة الصحة.. اشكره بي بوست كارب وخلي الزول دا يمشي فتش ليك كفاءة إدارية لاعادة الأمور الي نصابها فتش على زول مركز مع الخدمات والمرافق وتذليل العقبات للأطباء والمستشفيات فتش ليك زول إداري ما ضروري يكون طبيب
وزير الصحة الحالي اذا خليته مية سنة حليف في المكان اللافي فيه هسي وما حيقدر يحل مشاكل وزارة الصحة
العِلة في وزير الصحة يا حمدوك
خلي الزول دا يمشي
| |
|
|
|
|
|
|
Re: يا حمدوك كفاءة إدارية لوزارة الصحة وأكرم � (Re: علاء سيداحمد)
|
وزير الصحة الأمريكي الحالي( أليكس أزار) زول خريج قانون وزير الصحة السعودي 2016 خالد الفالح
يعني يا حمدوك ما ضروري وزير الصحة يكون طبيب اطلع من طريقة التفكير القديمة التقليدية الوزارة دي عاوزة كفاءة إدارية
أرحم الوزير الحالي يا حمدوك وخليه يمشي الزول دا غلبته وقرب يقول الرووب
الموضوع دا عاوز خبرة رجال دولة الزول دا ما عنده الخبرة دي... بالقوة تخليه يستمر عاوزه يتعلم الحجامة على قفى اليتامة ولا شنو الفهم
| |
|
|
|
|
|
|
Re: يا حمدوك كفاءة إدارية لوزارة الصحة وأكرم � (Re: Osman Musa)
|
كدي بالراحة يا ناس انا مستوعب كمية الاندفاع العاطفي عند بعض الناس في الدفاع عن وزير الصحة الفاشل دا.. لأنهم عاطفيين ما قادرين يشوفوا فشل الزول دا
القصة ببساطة دا إقتراح الوزارة دي توكل لي زول عنده خبرة إدارية طويلة وما ضروري يكون من عيال المنظمات خبير سوداني إداري عارف مشاكل البلد ويكون ثوري ومؤمن بالتغيير وما بالضرورة يكون طبيب دا المقترح ببساطة
اها رأيكم شنو خلونا نساهم في تخليص وزير الصحة من العبء الثقيل الماقادر يتحمله صدقوني تكونوا كسبتوا فيه خير وتكونوا كسبتوا خير في البلد الزول دا شغلة يستمر وزير للصحة صعبة عليه وغلبته تب
| |
|
|
|
|
|
|
Re: يا حمدوك كفاءة إدارية لوزارة الصحة وأكرم � (Re: عبدالعظيم عثمان)
|
Quote: القصة ببساطة دا إقتراح الوزارة دي توكل لي زول عنده خبرة إدارية طويلة وما ضروري يكون من عيال المنظمات خبير سوداني إداري عارف مشاكل البلد ويكون ثوري ومؤمن بالتغيير وما بالضرورة يكون طبيب دا المقترح ببساطة |
للأسف الشديد، هذه المواصفات لا تنطبق إلا على أبوقردة، لذا عليك بالصبر أخي عبدالعظيم حتى نهاية الفترة الانتقالية، وبشّر الصابرين!
| |
|
|
|
|
|
|
Re: يا حمدوك كفاءة إدارية لوزارة الصحة وأكرم � (Re: عزالدين عبدالرحمن)
|
انت عندك مشكلة شخصية مع أكرم ما شئ طبيعي كونك تكون ما شايف أي فشل في الوزارات والمجلس السيادي إلا أكرم أياً كانت مشكلتك مع أكرم أتمنى إنك تحلها بطريقة تانية غير البوستات الما عندها معنى دي بس ياها عمايل السلفية والكيزان السالين سيف الدين يتكلموا بي اسمه ويحاربوا بيه من يختلفون معه قد تكون ما شايف نفسك يا عبد العظيم لكن حالتك دي ما طبيعية تكون جاري وراء شخص واحد آناء الليل وأطراف النهار دي مشكلة شخصية .. أو في أفضل التبريرات تضارب مصالح
| |
|
|
|
|
|
|
Re: يا حمدوك كفاءة إدارية لوزارة الصحة وأكرم � (Re: محمد البشرى الخضر)
|
Quote: ديل خلال اسبوعين
وزير الصحة حالة ميئوس منها
وزير الصحة يتخلف عن السفر
يا أكرم امشي ما تننتظر الاستقالة
هل إقالة أكرم نهاية الدنيا
إقالة وزير الصحة على نفسها جنت براقش
أكرم قطره صفر
|
Quote: قد تكون ما شايف نفسك يا عبد العظيم لكن حالتك دي ما طبيعية
|
بالعكس يا أحمد طبيعية جداً الثورة ثورة تغيير شاملة . كل العقليات الرجعية و الغير مؤمنة بالتغير و الغير مهيئة له نفسياً او أخلاقياً و تتعارض مصالحها المادية بالضرورة تكون ضد التغيير و بالضرورة تعبر عن سخطها بشكل من الاشكال.
| |
|
|
|
|
|
|
Re: يا حمدوك كفاءة إدارية لوزارة الصحة وأكرم � (Re: Hamid Elsawi)
|
بالعكس يا احمد محمد عمر الغير طبيعي هو نصرتكم لي وزير الصحة ظالما ومظلوما الغير طبيعي هو عدم قبولكم لفكرة فشل الوزير الغير طبيعي هو وضع الثورة والتغيير كحزام ناسف يلف وزير الصحة.. وكلما هبشنا الوزير تصايحتوا لا الثورة حتنفجر.. لي درجة حرق اللساتك في الشوارع
الغير طبيعي هو ربط الثورة والحكومة بالشخوص وتقديسهم وعدم قبول اي نقد.. ووصف المختلف بالكوز
بالله في انتكاسة أكبر من دي
| |
|
|
|
|
|
|
Re: يا حمدوك كفاءة إدارية لوزارة الصحة وأكرم � (Re: عبدالمنعم الطيب حسن)
|
يا عبدالعظيم أنت تعطينا إحساس وكأن الدكتور أكرم مارس التمكين الشيوعي في الوزارة لدرجة أنه فرض على الأطباء تدخين السيجار الهافاني والتحدث بالبرتغالية، وحتى عيّنة فحص الكورونا منعهم من أخذها من الأنف وأصر على أخذها من الوريد حبّا في اللون الأحمر! غايتو بعد دا ما فضل ليك إلا تلجأ للفقراء وتجلب ليهم اللبان الضكر عشان يخلصوك من أكرم! كده أرفع معانا يديك للسماء تضرعا أن ينصر الله دكتور أكرم ورجاله في حربه على وباء كورونا.
| |
|
|
|
|
|
|
Re: يا حمدوك كفاءة إدارية لوزارة الصحة وأكرم � (Re: محمد الأمين موسى)
|
يا محمد الأمين صدقني انا مستوعب عدم إلمامكم بالمعلومات التفصيلية ومقدر الكلام دا عشان كدا ردود الأفعال الما بتستند للمعلومات بتكون عاطفية.. آخر زول عينه أكرم مدير طبي شيوعي من وقته الكان طالب في الثانوي وقرا طب في روسيا.. وساكن في امدرمان القديمة
قبله شيوعيين كتار عينهم أكرم مدراء السلوك دا خطير جدا وحيغطس حجر الوزارة مافي زول بيسكت وهو شغال يعين في كوادر حزبه بدون اي معاينات مفتوحة لكل الناس دا نوع التمكين الأنا بتكلم عنه... بعدين كان يختشي شوية هو وزير تم تعينه ما جابه صندوق انتخابي.. يعني يحترم شركاء الثورة ويبطل الشغل البيعمل فيه دا... وقت حزبه يفوز في الانتخابات (والكلام دا طبعا من سابع المستحيلات) بعدين يعمل العاوزه في الجهاز التنفيذي.. لانه هو عارف دي فرصته الأخيرة.. إذا ضاعت تاني ممكن ما يشمها قاعد يخرمج
| |
|
|
|
|
|
|
Re: يا حمدوك كفاءة إدارية لوزارة الصحة وأكرم � (Re: عبدالعظيم عثمان)
|
ناس الحزب الشيوعي البتهافتو ديل خلاص عرفنا عندهم التحزب للحزب أغلى من أرواح وحياة كل السودانين خلاص عرفنا وقرفنا ما مشكلة فكو يا شويعيين وزارة الصحة ويعوضوكم بوزارة أخرى حياة السودانيين أغلى من حزبكم العجوز ومن كل الأحزاب أجمعين هداكم الله لحظيرة الإنسانية وقلبها النابض حباً للناس ورعايتهم وحفظ كرامتهم وحياتهم وأمنهم يخلق الإنسان إنساناً ليختار بمحض إرادته أن يكون كأن الله لم يخلقه بقلب ينبض بين ضلوعه وهو يرى المرضى يمنع عنهم العلاج وتغلق دونهم المستشفيات بأمر هذا الوزير القاتل البارد عديم الضمير الذي همه فقط دعم المنظمات الدولية وارضائها كل يوم نرى الموت بالجلطات وكل هم الوزير تسجيل من تمكن من تسجيله في قائمة المصابين! ما عرفناه وزير صحة ولا بتاع إحصاء !
| |
|
|
|
|
|
|
Re: يا حمدوك كفاءة إدارية لوزارة الصحة وأكرم � (Re: BAKTASH)
|
ياود البشرى كدي أسهب لينا عن قصة بابكر فيصل دي لانه حاولت أقوقل جاتني مقالاته شي دفاع عن رفاعة رافع الطهطاوي وشي عن دموع حميدتي في لحظة انسانية بعد فض الاعتصام فانا عارف انه الدوافع بتاعت الهجوم على اكرم هي خلافات في التجمع بين الشيوعين وناس تانين فزائر اعرف منطلقات الهادي وعبدالعظيم الحزبية وسألت قبل كده وما لقيت رد فأفدنا أفادك الله لان العالم النحرير بقى تخصصه عالمي وغادر محطة المحليات
| |
|
|
|
|
|
|
Re: يا حمدوك كفاءة إدارية لوزارة الصحة وأكرم � (Re: muntasir)
|
(مخلب) دي اللفظ المهذب لكلمة تانية بنفس عدد الحروف وبتبدأ بالميم برضو
دة سودانيز اونلاين ما قروب فيسبوك مغلق مافي مجال تجيب معلومات عائمة زي دي وتفكها بدون ما تتقبقب وتختها صراحة بالأسماء وبخطابات التعيين حتى بعد داك نمشي لمسألة هل التعيين دة فيه مخالف للائحة ولا لأ ثم بعد ذلك ننظر في كفاءة المعين وهل هو أهل للمنصب ولا لأ علماً بإنه اتجاهه السياسي ما عندو أي وزن في الحوار دة
إذا كنت شغال في وزارة الصحة أو في شركة عندها علاقة بالوزارة وأكرم أضر بمصالحك بأي شكل من الأشكال عليك اتباع الوسائل الرسمية للاعتراض ولو عاوزها تبقى قضية رأي عام مفروض تكون بالوثائق والمستندات والأسماء بوضوح كامل عشان يتم التحقيق لكن تكون معـ.... معترض ساي كدة عشان ناس تانيين شوف قروبات الزواحف بفرحهم جنس التعـ....... التعاون دة في تحقيق أهدافهم وسحب الثقة في الحكومة الانتقالية عشان يجوا يمسكوها ناس أنس عمر
| |
|
|
|
|
|
|
Re: يا حمدوك كفاءة إدارية لوزارة الصحة وأكرم � (Re: muntasir)
|
يا منص بابكر فيص دا ينطبق عليه المواصفات الختاها عظمة كبديل للوزير, اولا ما طبيب, إداري او قانوني ما متأكد لكن الأهم انه من قيادي في التجمع الاتحادي بتاع عظمة بالنسبة للهادي ما عنده لون سياسي لكنه من زعلان من التوقيع و الشراكة مع الفتلة وشايف كل من شاركهم خاين وبايع و كان يفضل استمرار التظاهر و الاعتصامات حتى يسقط كامل النظام و يقوم العسكر بتسليم السلطة لمدنيين (بس ما يكون فيهم السيد الامام ولا المؤتمر السوداني )
| |
|
|
|
|
|
|
Re: يا حمدوك كفاءة إدارية لوزارة الصحة وأكرم � (Re: BAKTASH)
|
Quote: آخر زول عينه أكرم مدير طبي شيوعي من وقته الكان طالب في الثانوي وقرا طب في روسيا.. وساكن في امدرمان القديمة
قبله شيوعيين كتار عينهم أكرم مدراء السلوك دا خطير جدا وحيغطس حجر الوزارة مافي زول بيسكت وهو شغال يعين في كوادر حزبه بدون اي معاينات مفتوحة لكل الناس دا نوع التمكين الأنا بتكلم عنه... |
طيب يا ريت تجيب المعلومات التفصيلية عن الذين عيّنهم أكرم حتى يتضح ما إذا كانوا شيوعيين أم لا؟ وهل كلهم أو غالبيتهم شيوعيين؟ وهل هم مؤهلين للمناصب التي تقلدوها؟ وهل يحق له القانون تعيينهم؟ وكيف يجب أن تكون الممارسة السليمة من وجهة نظركم: تعيين بالقرعة أم بالمحاصصة؟ هكذا يصبح طرحكم طرحا عاما وليس خاصا يتغيّا مصلحة ذاتية.
| |
|
|
|
|
|
|
Re: يا حمدوك كفاءة إدارية لوزارة الصحة وأكرم � (Re: Salah Zubeir)
|
من أكبر أخطاء الوزير هو تعيين وكيل وزارة مؤهلها خريجة صيدلة فقط وليست لديها خبرة في الخدمة المدنية بالمطلق والمصيبة الأكبر أنها أول وظيفة لها في الخدمة المدنية ... يعني عرفت العمل الإداري بعد تعيينها وكيل لوزارة الصحة .. ومن المفترض وكيل الوزارة هو الدينمو المحرك لكل مفاصل وسياسات الوزارة الصحية والتنفيذية في كل أرجاء البلاد ... ولا يتقلد وظيفة الوكيل الا من تاهل وعمل وترقي في سلم الوزارة وعرف إدارة النظام الصحي بالبلاد …
| |
|
|
|
|
|
|
Re: يا حمدوك كفاءة إدارية لوزارة الصحة وأكرم � (Re: Salah Zubeir)
|
إثارة هذه المشاكل و الهجوم علي وزير الصحة في هذا الوقت بالذات أكرر هذا الوقت بالذات و كل المؤسسات و الوزارات الصحية في كل العالم تواجه خطر وباء عالمي يفتك بالمواطنين
إثارة هذه المشاكل في هذا الوقت هو اصطياد في الماء العكر و بالنسبة لي لا يقل علي تهمة الخيانة العظمي لحق الشعوب في الحياة. عندما تطاول ذو النون عي الوزير أكرم رد أكرم بانه مشغول و ليس له وقت لهذه المعارك.
و أقول لكم الان لكل مقام مقال ... وزارة الصحة الان لديها ما هو أهم الشرفاء هم من يقفون معها للتوعية و محاربة هذا المرض و ليس توجيه اسلحتهم ضد الوزارة.
| |
|
|
|
|
|
|
Re: يا حمدوك كفاءة إدارية لوزارة الصحة وأكرم � (Re: Hamid Elsawi)
|
يا الصاوي ليه ما تشوفها بالزاوية الثانية غض الطرف عن وزير الصحة الفاشل دا في هذا الظرف الحرج يعد خيانة كلما عجلت الحكومة باقالته كلما أدركت ما يمكن إدراكه ليه ما تشوفها من زاوية الحفاظ على الخدمات الصحية والدواء والطبيب والمستشفيات
حاول تشوفها بالحياد وحاول تتخلص من التعاطف مع الوزير حتلقى نفسك بسهولة تتقبل فكرة الاحلال في وزارة الصحة
| |
|
|
|
|
|
|
Re: يا حمدوك كفاءة إدارية لوزارة الصحة وأكرم � (Re: عبدالعظيم عثمان)
|
غايتو وزير الصحة دا حالة ميؤوس منها ساق معاه أمجد فريد المطار لاستقبال الوفد الصيني؟ هو أمجد فريد دا شغال شنو؟
دي مصيبة شنو دي الوزير دا تخلوا يتم السنة دي حيقلب الوزارة كلها شيوعين من الوزير حتى الغفير
الشيوعين ديل ورثوا الثورة ولا وقعت ليهم في كرتلة ونحن ما عارفين ديل شنو ديل الحركات دي الكيزان ما كان بسوها ظاهرة كدا الناس ديل أسوأ من الكيزان حصلوا ثورتكم يا ناس
| |
|
|
|
|
|
|
|