بتاريخ 26 فبراير 2020 تم نقل السيد عثمان خليل عثمان
من الإدارة العامة للشؤون الإدارية بمجلس الوزراء للعمل في مكتب رئيس الوزراء عشان يعمل شنو الزول دا : متابعة الإجراءات المالية لسفر رئيس الوزراء وطاقمه الإداري والفني والأمني استلام النثرية الشهرية التنسيق مع وزارة المالية...
الزول دا كان ساعد محمد طاهر ايلا وحايم معاو كل السودان في النهاية قرشه في مجلس الوزراء...
يعني إدارة مجلس الوزراء ما لقت غير الزول دا
تتم عملية تصفية للثورة بطريقة ممنهجة للأسف في حكومة موازية تعمل في جهاز الدولة ما يمهد المصالحة التاريخية مع الكيزان
ولا عزاء لكم في ثورتكم
03-28-2020, 09:25 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
على السيد رئيس الوزراء ان يتحلى ب الشجاعة ويكشف للرأي العام الآلية التي يختار بها الأشخاص للوظائف وان يطلع الثوار على الجهة التي تدير الحكومة والتي تأتي بالكيزان إلى الوظائف القيادية
ثورة عظيمة انتهت بإختطاف مجموعة صغيرة للدولة
الله يعوضكم في ثورتكم
03-28-2020, 09:44 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
هل معقول كل مرة الناس تكتشف خازوق جوة جهاز الدولة.. هل معقول كل التعيينات دي صدفة حتى لو شلته برا ياحمدوك يظل السؤال قائم عن الجهة العليا التي تاتي بالترشيحات اكشفها للرأي العام عشان ما تحملك كل المسؤلية
طلعت عينا يااخ
03-28-2020, 10:01 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
كمان ما لى دا كلو يا عبد العظيم .. صحيح في أخطاء وتجاوزات وعدم دقة .. بس معروف انو حمدوك ليه سنوات بعيد عن الخدمة الديوانية في السودان .. إذا في تقصير تتحملو قحت باعتبارها الجهة الاستشارية أو التنويرية لمجلس الوزراء.. أنا قبل كده اقترحت حقو ناس قحت يشكلوا لجنة استشارية زي لجنة الفحص الامني زمن الانقاذ تراجع الترشيحات المقدمة للوظائف .
03-28-2020, 10:07 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
مولانا الملك سلام.. يعني حمدوك بعين ساااااي بدون سيرة زاتية؟؟ يااخ الناس للعرس بتسال عن العريس منو ههههههه. بيني وبينك حمدوك ما داقي فيها حجر دغش.. وولدهم بتاع رئاسة المجلس شغال يمرر تحت كرعين حمدوك ساااي.
Quote: بس معروف انو حمدوك ليه سنوات بعيد عن الخدمة الديوانية في السودان .. إذا في تقصير تتحملو قحت باعتبارها الجهة الاستشارية أو التنويرية لمجلس الوزراء..
عبدالعظيم ازيك.. الله يعوضنا في الشوط الاول من الثورة.. 6/صفر.. ح نعوض والله وقادرين.
03-28-2020, 11:18 PM
Arif Nashed Arif Nashed
تاريخ التسجيل: 05-12-2014
مجموع المشاركات: 12692
أنا يشهد هذا المنبر أنني كنت من المتحمسين جدا لترشيح حمدوك ونافحت عنه لكن من لقيت عبارة (شكراً حمدوك) حايمة ويتناقلها الناس بالرضى بطني طمت وعلمت أن الفشل صار لا محالة. عبارة شكراً حمدوك صنعها الكيزان وتلغفها الحمقى والمغفلين لسيدوا أي باب للمشورة والمراقبة والتصحيح ليختطفوا الرجل ويحسنوا في عين الناس كل خطأ يرتكبه دون الجروءة في مواجهته ومراجعته وتصويبه الكيزان يعملون في كل مكان بقوة وذكاء وعمل مدروس.
03-29-2020, 07:11 AM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
الله يدينا الصبر مع الزول الماسورة دا يا عارف كل يوم نكتشف كمية العبث والفوضى البيعمل فيها الزول التعبان دا.. بدل ما يسعى لي تحقيق أهداف الثورة شغال يفتح الأبواب للكيزان
غايتو قصة ما بتتبلع كله كله
03-29-2020, 08:56 AM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
بعض مناصري الثورة بحسن نية صنعوا صنماً من العجوة وأسموه حمدوك يتحسسوا من كل نقد لرئيس الوزراء يدافعوا عنه في الحق وفي الباطل دون أن يشعروا تحولوا الي جداد إلكتروني يا سادة النقد هو ما يحتاجه حمدوك الآن تقويم المسار واعادته لجادة الصواب هو ما يفيد الثورة ترك الحبل على القارب لحمدوك واصحابه سيوردنا مورد الهلاك
03-29-2020, 09:33 AM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
على قوى الحرية والتغيير عقد إجتماع عاجل لمناقشة أداء الحكومة، وتقيم أداء رئيس الوزراء وتحديد آلية المحاسبة على الخروقات الدستورية التي قام بها.. ومحاسبته على الأخطاء وتحميله مسؤلية القرارات الخاطئة التي ارتكبها
والا مافيش فائدة من هذا التحالف وفضوها سيرة إذا كان التحالف الذي أتى برئيس الوزراء غير قادر على محاسبته او تقويمه.. فائدة التحالف شنو
03-29-2020, 09:47 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
فرق بين النقد الحادب وبين خدمة اجندات ما بوعي او بدون من سرب القرار اليوم بعد مضي قرابة الشهر و من اقتطع فيديو الرشيد ومن ادعى شراكة صلاح مناع مع قوش و من اتهم صغيرون بالانتماء للمؤتمر الوطني و غيرها من الاشاعات و التسريبات المحسوبة بخبث يعمل لخدمة هدف واضح وهو خلق ارضية و قناعة لدى الشعب بفشل حكومة الفترة الانتقالية و ان الوضع كان افضل في النظام السابق و يهيئ لقبول خيارات اخفّها الانتخابات المبكّرة ويتصاعد اسوأها حتى يصل السيناريو المصري و كلها تعمل على توجيه و اختطاف الثورة لذا يا عظمة على الناس التسامي عن المماحكات الحزبية و صراعات المثقف السوداني التاريخية حول المناصب و التعامل مع الفترة كما هي انتقالية ومؤقتة و المناصب فيها ليست دائمة ليتم التنازع عليها بهذا الشكل الفج و الانتباه لاصحاب الاجندة وعدم التماهي معهم و اهدافهم
03-29-2020, 10:01 AM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
المشكلة يا ود البشرى حمدوك ماسك الناس من اليد البتوجع واليد البتوجع هي إستقرار الفترة الإنتقالية ما معقول يستمر في الأخطاء بتكرار عجيب قفل الطرق للتواصل مع قوى الحرية والتغيير بل ذهب ابعد من كدا يتغيب عمدا من بعض الاجتماعات المشتركة.. الزول دا ما حريص على إستقرار الفترة الإنتقالية شغال ينسج تحالفاته بعيداً عن القوى التي أتت به من إثيوبيا لرئاسة الوزراء.. هو طبعا نايم على أنه مهما عمل ناس قحت ما حيعزلوه.. صبر الناس باقي فيه شوية
03-29-2020, 11:07 AM
محمد بدرالدين محمد بدرالدين
تاريخ التسجيل: 01-15-2018
مجموع المشاركات: 2185
عظمة يا عظمة راكز و حادب ربنا يقويك و ينصرك .. المسالة بقت اكبر و ممكن تكون مسئولية جنائية و يشترك فيه كل المكونات الحكومة .. سيادى على وزراء قحت + الحركات المسلحة ... قبل الكورونا --حمى الله الوطن منه-- الكلام كان لاحقاق الحق و توطين الديمقراطية الان اصبح الكلام عن كيان الوطن و وجوده و موت الملايين بسبب هذا الوباء و عدم قدرتنا على مواجهته .. لو كانت الحكومة بشقيها انجزت و ساعدتهم فيها الحركات المسلحة لكان استعدادنا و قدرتنا لمواجهة هذا الوباء اكبر ... لكن مع هذا التلكؤ فالتتحمل الحكومة بشقيها و الحركات المسلحة مسئوليتها التاريخية امام الله و الوطن و الشعب . و باذن الله النصر لهذا الشعب الصابر
مودتى و تقديرى
03-29-2020, 11:53 AM
adil amin adil amin
تاريخ التسجيل: 08-01-2002
مجموع المشاركات: 36896
نوديك الضل يا عبدالعظيم ولي نخرجك بي مقبول في العلوم السياسية دي ما ثورة من الاساس يا مواطن الثورة لمن تجي بحدث بريقا ضجة الضو في المكان مش بعاعيت وعلم مايو 1969 القصة ما شخص او اشخاص القصة وعي وقف في سنة 1964 مش قال ليكم د منصور خالد رايح ليكم درب لو كان في دماغك في مشروع ديمقراطي فدرالي اشتراكي حقيقي كنت عرفت الناس البوصلو ليك ليه
ده ما بحلكم يا قحاتة البورد https://top4top.io/
ده انقلاب مدعوم من المخابرات المصرية السعودية الاماراتية لحراسة مصالحهم في السودان وقحت مجرد تيس مستعارللجنرالات ديل عشان يبقو السودان في ذات الوحل القديم مشاريع الصرف الصحي المصرية والانقلابات الثورة ما جات يا مرجف عشان تزحنا من مصر والعرب وترجع جنوب السودان
محاسن جيبي بندول .....
03-29-2020, 04:57 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
Quote: فرق بين النقد الحادب وبين خدمة اجندات ما بوعي او بدون من سرب القرار اليوم بعد مضي قرابة الشهر و من اقتطع فيديو الرشيد ومن ادعى شراكة صلاح مناع مع قوش و من اتهم صغيرون بالانتماء للمؤتمر الوطني و غيرها من الاشاعات و التسريبات المحسوبة بخبث يعمل لخدمة هدف واضح وهو خلق ارضية و قناعة لدى الشعب بفشل حكومة الفترة الانتقالية و ان الوضع كان افضل في النظام السابق و يهيئ لقبول خيارات اخفّها الانتخابات المبكّرة ويتصاعد اسوأها حتى يصل السيناريو المصري و كلها تعمل على توجيه و اختطاف الثورة
مقابلة حمدوك للكوز دا في مكتبه ترقي للخيانة العظمي. غازي صلاح الدين العتباني معروف منو. بعدين مالك نسيت (منيس) ما جبتو هنا.. لو عاوزين الناس تسكت في الخرمجة دي وتقولوا شغالين للكيزان فاااا اهو قدامك نحن بس (بنقول) لكن ماااا تغض الطرف عن الناس اللي (بعملوا) للكيزان عديييل. الطلس دا بقي ما جايب تمنه.. حمدوك اتزرع في الثورة دي وافشلها دي الحقيقة.
03-29-2020, 05:07 PM
كمال عباس كمال عباس
تاريخ التسجيل: 03-06-2009
مجموع المشاركات: 17134
كتبت في احد البوستات ( المهم الآن هو قيام مجلس تشريعي - وصياغة قانون إنتخابات وعمل كافة الترتيبات - التي تهئيي الجو لإنتخابات حرة ونزيهة - - تبقي عامان وبضعة أشهر لإنتهاء الفترة الإنتقالية - والوقت يمضي -وقد نجد أنفسنا أمام إنتخابات عامة يتصدرها من يملك المال والإعلام والسند الإقليمي إي أمراء النفط والتواصل القوي التقليدية = حميدتي ! حميدتي الذي يغري المهدي بذهب المعز ويتواصل مع الميرغني وبعد الأرزقية وفي يسمي بالإدارة الأهلية - ودعاوي الإنتخابات التي يرفعها البعض لن يستفيدمنها سوي حميدتي وسيتجرع المهدي سم هذا الدعوي ! * الأحزاب كلها محتاجة لبناء ومؤتمرات قاعدية - ووسيطة وصولا لمؤتمرات عامة وطرح برامج .. * الوضع حرج ويحتاج لمباصرة ..دعم الإيجابي -= الوضع ليس وضع يسمه فساد ممنهج ولا إستبداد وإنما تشوبه نواقص وأوجه قصور-وكذلك نقد السلبي- - الوضع يحتاج لمباصرة - دفرة ياشباب -إكسر شمال ميل يمين -وأرمي الصاجة ونهرة للسواق والمساعدية الحادب الحقيقي لا يكتفي بطق الحنك والتشنيف وخلف كراع كراع وإنما يقوم بالدفر والمعافرة والتوجيه ! - حتي نصل لمرحلة الإنتخابات
03-29-2020, 05:27 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
هلا معتصم بدون ما اخش في تفاصيل و افتي في حاجات ما عندي معرفة او معلومات دقيقة بشأنها كمبدأ كدا لا أخوّن أحد من طاقم الحكومة الانتقالية ولاازايد على وطنيتهم يبقى ملاحظاتي على الاداء ونقدي وحتى ما لم افهمه مثل تعيين مانيس وزي الشخص موضوع البوست لا أتسّرع و افترض خيانة حمدوك وسعيه لافشال الثورة وكذا خاصة وأنا بعيد وليست لي صلة بحزب او دوائر صنع القرار دي الفكرة الرئيسة يا معتصم انت لست اكثر وطينة ولا اصدق من الاخرين لتقع فيهم تخوين بالمجانية دي! توجد اختلافات وجهات النظر و الافكار لكن تحت مظلة كبيرة اسمها الثورة و اهدافها
03-29-2020, 05:30 PM
كمال عباس كمال عباس
تاريخ التسجيل: 03-06-2009
مجموع المشاركات: 17134
وطبعا عادل امين الذي كان يقف ضد الثورة ويحط من قد الشعب السوداني الثائر في ديسمبر وبعده ويقتبس مقولة حسين خوجلي بان الثوار يمثلون ٢٪ويبشر بانتخابات الإنقاذ في ٢٠٢٠ ،طبعا عادل امين يجد في مثل. هذا البوست متنفسا ومرتعا وفرصة للاصطياد فيما يظنه مياه عكرة !
ولاهم له سوي حمل ذات اللافتة في كل وأي بوست بل وفي كل صينيةً حركةُ وهو يظن انه عسكري مرور ينظم الحركة !
* المهم النقد الموضوعي والهادف مطلوب ومرغوب ،طالما كان يصب في مجري الثورة ويسعي لتحقيق أهدافها وهو يفرق تماما عن. اجندة الفلول وان ارتدي قناع الثوار وادعوا الحرص. علي الثورة ،مهما اظهروا الحرص علي. النقاء الثوري وسكبوا دموع التماسيح بكاء بكاء علي قصور الحكم الانتقالي ، يظهرون هذا ويبطنون اجندة. الكيزان المعادية للثورة والمناهضة للثوار - المشارك منهم في الحكم الانتقالي والناقد لسلبياته ! * فليعلم هولاء. ان ذهاب حكم حمدوك. يعني. قدوم حكم مدني اكثر ثورية تسنده ذات القوي التي قادت الثورة ولاعزاء للفلول !
ان ذهب حمدوك فسيذهب غير مدموغ بفساد واستبداد وان دمغ بالقصور وشاب عهده نواقص عدة او حتي وصف بانه اقل من قامة الثورة ومن تطلعات الثوار !
اقول هذا وأنا كنت ولازلت ممن وقفوا ضد الاتفاق السياسي وخطل الوثيقة الدستورية ومشاركة قيادة المجلس. العسكري في الحكم. بعد مجزرة القيادة !
ولكن ستظل معركتي الأساسية ضد الفلول والسلفية المتكوزنة والمكون العسكري في مجلس السيادة وسا أظل ناقداً ورافضا لسلبيات الحكومة المدنية داعما إيجابياتها وواقفا في الخندق الأمامي. ضد أعداء الثورة .. ويقيني ان الحكم الانتقالي الحالي ليس غاية او سدرة منتهي وانما مجرد وسيلة وكبري يعبر بنا لحكم ديموقراطي منتخب ومؤسسات حكم راسخة ودولة القانون والعدالة وصيانة حقوق المواطنة والحريات العامة والسلام والتنمية والاستقرار والعيش. الكريم !
03-29-2020, 09:37 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4133
Quote: بدون ما اخش في تفاصيل و افتي في حاجات ما عندي معرفة او معلومات دقيقة بشأنها كمبدأ كدا لا أخوّن أحد من طاقم الحكومة الانتقالية ولاازايد على وطنيتهم يبقى ملاحظاتي على الاداء ونقدي وحتى ما لم افهمه مثل تعيين مانيس وزي الشخص موضوع البوست لا أتسّرع و افترض خيانة حمدوك وسعيه لافشال الثورة
حتي ما لاتعلمه عن تعيين منيس ما بعني حمدوك صح بتعينه ليه. وكمان تعيين بتاعت القضاة وبتاع النثريات الجديد في مجلس الوزراء.. ديل كيزان عدييييل قامت ثورة لاقتلاعهم. زمااان سألنا هل نحن في ثورة تغيير كاملة ام ثورة تصحيح للكيزان. فاا افتكر البحصل دا ثورة تصحيح من وجهة نظري علي الاقل وبالتالي خيانة.
Quote: دي الفكرة الرئيسة يا معتصم انت لست اكثر وطينة ولا اصدق من الاخرين لتقع فيهم تخوين بالمجانية دي! توجد اختلافات وجهات النظر و الافكار لكن تحت مظلة كبيرة اسمها الثورة و اهدافها
مافي مقياس للوطنية عشان نقول دا وطني ودا اقل. اما اصدق دي انا بدلل علي كل حرف اكتبه هنا او في اي مكان بصورة وفيديو قد اصيب أو اخطئ لكن ما (بتبلي علي حد أو اعمل رايح). المظلة الاسمها الثورة دي بقت (كيمان) ولكل وجهة نظره وطرحه ولطالما في ثورات اتسرقت في التاريخ وعندنا انا بالنسبة لي دي اتسرقت.
03-30-2020, 01:44 AM
Asim Ali Asim Ali
تاريخ التسجيل: 01-25-2017
مجموع المشاركات: 13492
سلام عليكم ما اعتقد بعد دا الكلام حينفع والله يستر من الطبخه الشغاله على نار هاديه الايام دى. الجماعه نظمو صفوفهم وشمو نفسهم وشركات التنظيم (غير شركات الامن) بمختلف انشطتها شغاله عادى وكوادرهم لاعبين هنا وهناك . اذا الحاضنه السياسيه عملت تسويهمع الكيزان او شله حول حمدزك بيندور الموضوع خارج سيطره الحاضنه السياسيه فى النهايه الموضوع ماشى لمصلحه الكيزان ومن وزيرهم الذراع الايمن ودينمو الحكومه الى يومنا هذا والشخصيه موضوع البوستكم الشخصيات تسرح وتمرح داحل جسد الدوله (ماف زول يقول كوز شعبى ولا اصلاح وشارك فى الثوره لانو مشاركتهم بسوء نيه فى حق الثوره وجزء من مخطط سرقتها) وضع الثوره الان بقت زى البقت فى رمال متحركه فى كل الاحوال مشكله وكل يوم بتغرس زياده. وناس كتيره مادايره حتى زول يتكلم يقول انى ارى شجرا يسير
03-30-2020, 04:01 AM
adil amin adil amin
تاريخ التسجيل: 08-01-2002
مجموع المشاركات: 36896
Quote: وطبعا عادل امين الذي كان يقف ضد الثورة ويحط من قد الشعب السوداني الثائر في ديسمبر وبعده ويقتبس مقولة حسين خوجلي بان الثوار يمثلون ٢٪ويبشر بانتخابات الإنقاذ في ٢٠٢٠ ،طبعا عادل امين يجد في مثل. هذا البوست متنفسا ومرتعا وفرصة للاصطياد فيما يظنه مياه عكرة !
ولاهم له سوي حمل ذات اللافتة في كل وأي بوست بل وفي كل صينيةً حركةُ وهو يظن انه عسكري مرور ينظم الحركة !
كويس يا كمال عباس شفتني هنا الباقين ديل ديرين بندول محاسن عبدالعظيم ده انا بودي الضل ,,,انت بس اللهث
هسة انت ذاتك تبشر بالانتخابات ايضا 2020 بي سيرك ق ح ت وجنرالات زمن الكورونا وانتهازييين الجبهة الثورة المتسكعين بين قطر والامارات الارزقية وعفن السودان القديم الدولة المركزية التي تدور في فلك مصر والعالم العربي ناس ساطع والسنهوري وصديق يوسف من ناحية بعاعيت مايو 1969 وعلم مايو من ناحية وايتام الترابي المنافقين في المؤتمر الشعبي ناس علي الحاج وغازي صلاح الدين التحول الديمقراطي حقي مؤسس بي دستور وبرؤى سودانية محترمة مش تسكع في الخارج واضيع سنة كاملة حاصل فارغ المحاصصة فشلت علي مستوي الحكومة المركزية وحنفشل علي مستوي تعيين الولاة في الاقاليم وحتفشل في تعيين برلملن مركزي كمان دع في كوريا الشمالية ما في والمؤتمر الدستوري البتنعق بيه ده عندك ليه شنو يا بتاع عبدالناصر وصدام حسين والقرضاوي والسديس ديل بشكلو في السودان 5% بس وضجيجكم بس في الخرطوم\ الشباب مرق قرفان من الكيزان ولقاكم قدامو اديتو علم مايو وقلتو ليه امرق وانعق تسقط بس لمن سقطت بس ما لقي الي سراب حرية وتغيير قال الاتحرر منو هسة موسي هلال في السجن والمجرم الدولي حميدتي دوريل الامارات في القصر الجمهوري الاتغيير شنو نفس هياكل الانقاذ القبيحة ونفس اعلاما ومسارا القبيح ولازال الجنود يموتون حاصل فارغ في ليبيا واليمن انت لو عندك فكر او رؤية او برنامج بشرشح بيك حسين خوجلي وصلاح عبدالخالق يا تعيس كلكم بي جنرلاتكم وبي الجبهة الثورية جزء من المخطط لاقليمي الدولي لتفكيك السودان بيعو بي القطاعي والابتزال بتاعكم بدو يوشوفو الناس بعد ذهبت السكرة وجاءت الفكرة ده الوعي الما وصلتو انت لسه ولا بتصلو الزول البمكسو الدرب ما يمسكو واحد من اثنين اما غبي معذور او ارزقي رخيص الحوامة في الدول دي بتفيد السودان والسودانيين بي شنو مصر السعودية الامارات او قطر وا تركيا او الاتحاد الاروروبي او امريكا والبنك الدولي ؟؟ حمدوك ضيع سنة حوامة حاصل فارغ مع شلته البليدة وحكومتو فاشلة في جميع الاصعدة حتي الان https://top4top.io/
03-30-2020, 04:17 AM
adil amin adil amin
تاريخ التسجيل: 08-01-2002
مجموع المشاركات: 36896
Quote: * الوضع حرج ويحتاج لمباصرة ..دعم الإيجابي -= الوضع ليس وضع يسمه فساد ممنهج ولا إستبداد وإنما تشوبه نواقص وأوجه قصور-وكذلك نقد السلبي- - الوضع يحتاج لمباصرة - دفرة ياشباب -إكسر شمال ميل يمين -وأرمي الصاجة ونهرة للسواق والمساعدية الحادب الحقيقي لا يكتفي بطق الحنك والتشنيف وخلف كراع كراع وإنما يقوم بالدفر والمعافرة والتوجيه ! حتي نصل لمرحلة الإنتخابات-
شوفو الهذيان وقلة العقل هسة في خارطة طريق لتحول ديمقراطي هنا ولي ديل سايقين لوري في صحراء العتمور انت ذاتك يا كمال يودوك الضل حتي تصل مرحلة الانتخابات بي حمدوك وحميدتي ما اظن بي شيوعيين وبعثيين ناصريين وكيزان وسلفيين كلاب الحر الخمسة ديل البعاعيت المنتهين الصلاحية ما اظن الانتخابات دي مش وصلناها في 2010 وصلناها كيف وبي ياتو برنامج الخربا منو وليه ؟؟؟ اhttps://top4top.io/ لانتخابات دي بنعرفا قبل يجي الصاغ صلاح سالم يرقص مع الجنوبيين 1955 بي وثيقة استقلال السودان 1953 حزب الامة وطلعنا الانجليز بي الانتخابات 1954 سنة بس من الوثيقة والناس 80% منها امييت اذكياء وانت عايز تقعد راسنا 4 سنة ليه شنو وحايم ساكت من بلد لي بلد وتنعق في البث المباشر وتتقعر وتتنطع ...والنرجسية وصلت مرحلت الهذيان
انت قبل تجيب سيرة الانتخابات ورينا كانت الانتخابات وين في عراق صدام ومصر عبدالناصر وسعودية سديس ومصر القرضاوي العرب الجرب شن عرفهم بي الديمقراطية والفدرالية واشتراكية من الاساس ؟؟؟ المحاصصة بس البتقعدكم في راس الناس والتمديد بعد داك شفت اذكي متذاكي في ق ح ت بتاعتك دي بي ذكاء د جون قرنق ود منصور خالد وابيل الير احمق من بعير تلهث بس قربت تلحق عبدالعظيم (الانتخابات ليها طريق واحد بس ) خارطة طريق جقود adil amin ام ستة محاور وبي دستور 2005 والمحكمة الدستورية بس والي تاكل نيم ...
محاسن ...جيبي بندول لي عبدالعظيم
03-30-2020, 06:27 AM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
عادل امين شغال تحاحي يمكن تقبض ليك شئ لكن هنا نقد مباشر لرئيس الوزراء لتصحيح مسار الثورة دي أعظم ثورة في تاريخ السودان يا عادل ما بتقدر تبخس منها وما بتقدر تنال منها لأنها محروسة بي بنات وأولاد الشعب السوداني
03-30-2020, 06:57 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
اذن يا معتصم طالما دي قناعتك يبقى اي نقاش و محاججة ح يكن ضياع زمن طيب نمش خطوة للأمام, الثورة اتسرقت أوكي! لعنت الظلام بما فيه الكفاية, لنبدا في اشعال الشموع بعد دا! ما الخطوة التالية و المطلوب لمحاولة استعادتها ما بتكلم عنك انت في شخصك لكن بصورة عامة تصورك شنو للخطوات الصحيحة التي يجب على الجميع اتباعها لاصلاح الوضع
03-30-2020, 07:33 AM
adil amin adil amin
تاريخ التسجيل: 08-01-2002
مجموع المشاركات: 36896
Quote: عادل امين شغال تحاحي يمكن تقبض ليك شئ لكن هنا نقد مباشر لرئيس الوزراء لتصحيح مسار الثورة دي أعظم ثورة في تاريخ السودان يا عادل ما بتقدر تبخس منها وما بتقدر تنال منها لأنها محروسة بي بنات وأولاد الشعب السوداني
انا جيت اعزيك في روضة هناك سكن النغم سكت الكنار جابني الريد بس القصة خلااس اتعرفت لي في ثورة ولي في رئيس وزراء يا مواطن عمنا الرباطابي مكانيكي ماهر جاهو ود اختو بي عربية مهكعة ما فيها حاجة قاعدة صاح يصلحا وقعد ينظر زيك العربية دايرة ترفع طارة الكلتش وتقرط الشكمان والبطارية دايرة والمقنيتا دي كمان وعليك الله الرفرف الورا وو...ووووووو...... عمنا قنطر لي سفة كاربة وعاين لي ود اختو في رثاء شديد وقال ليه يا ود اختي عربيتك دي دايرة عربية وهذبت مثلا وهسة ثورتك العاجباك دي دايرة ثورة تاني من جديد لا بنفعك حمدوك ولي حميدتي الثورة حامل فكري ورؤية ومسار وبدايات ومالات المهدية 1 طلعت الاتراك والمصريين المهدية 2 طلعت الانجليز المهدية الثالثة ما جات لسه ....شوف ليك شغلة تانية الشباب دي مرقو زعلانين من الكيزان وليس لانه عندك مشروع ثورة الثقافية وقعدت في راسهم حاصل فارغ وتصفية الانقاذ بالمحكمة الدستورية ما بي اللجان والاجرام والانتقائية بتاعة ابعثيين والناصريين هسة لا صلحتو السودان ولا وصلتونا الانتخابات نجيب حابيبنا الختمية والانصار والحركة الشعبية الاصل و نحن بنعرف الانتخابات كويس والفدرالية البتحررنا من شخاليت الخلا في الداخل والخارج ظو النون وحمدوك اختلاف مقدار الاول انكشف والثاني مسالة زمن بس https://top4top.io/ محاسن جيبي بندول لي عظموت
03-30-2020, 04:52 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
Quote: ما الخطوة التالية و المطلوب لمحاولة استعادتها ما بتكلم عنك انت في شخصك لكن بصورة عامة تصورك شنو للخطوات الصحيحة التي يجب على الجميع اتباعها لاصلاح الوضع
ببساطة شديدة جدااا يقدم استقالة حكومته وينكشح.. اللي ح يحصل: * ح نرجع حدود 30يونيو والعساكر مستلمنها. * الحرية والتغيير ح تكون في وضعية الشمس لن تشرق مرتين.. يعالجوا اخطائهم الكارثية مع بعض او يتساقط منهم من يتساقط.. يا لموا بعضهم يا لحقوا حمدوك. * الشارع ح ترجع ليه ثورته ووحدته بعد شتاته وتفرقه. النتائج: العسكر عارفين انهم لن يحكموا السودان تاني وحميدتي للاسف بعد تمدده ح يكون الواجهة في اي تفاوض تاني. الكيزان ح يرجعوا جحورهم ويعرفوا أنه للدار ست والمولد خلص والحساب ازف. قوي الحرية والتغيير وحركاتهم الموقعين بمساراتهم يرجعوا يعرفوننا بنفسهم من جديد (عرفنا قدرهم) ويفهموننا برنامجهم شنو (واطماعهم). حقيقة رؤوسهم بدون اجساد عرفناها خلاص. رئيس الوزراء الجديد من رحم الشارع وحواء السودان ولدت قادة قادرين يواجهوا العسكر ويقعدوهم في علبهم. قصة ح يحصل فراغ والعساكر ح يستلموها والكيزان ح يرجعوا دا بالضبط الحاصل هسي العساكر مستلمنها والكيزان رجعوا. يا محمد توجه العسكر معروف (امارة ثامنة) والكيزان عرفوا ما ح تعود ليهم تاني وحمدوك وفر ليهم غطاء يتوالدو من جديد.
03-31-2020, 04:13 AM
adil amin adil amin
تاريخ التسجيل: 08-01-2002
مجموع المشاركات: 36896
انت يا عبدالعظيم عندي معاك تار كبير قلت ايام طايرة ليك ثورة تسقط في راسك قبل سنة 2019 من الان ذى الملاريا الخبيثة يجيبو حبل يربطوني في كراع العنقريب (مجنون يعني )مش كده هسة جيتك مع حبلي عشان اربطك واديك من بندول محاسن ده المختصر المفيد لثورتك دي اعادة تدوير النخبة السودانية وادمان الفشل وما واجهت القضايا الاستراتيجية في السودان من الاساس
Quote: بسم الله الرحمن الرحيم
وَلَقَدْ صَدَّقَ عَلَيْهِمْ إِبْلِيسُ ظَنَّهُ فَاتَّبَعُوهُ إِلَّا فَرِيقًا مِّنَ الْمُؤْمِنِينَ (20) حكيم القرية مشنوق...والقردة تلهو في السوق شوف لجان السجم والرماد بتعمل شنو في المناقل ثوورتم المخستكة دي تصفية حسابات واعادة وندوير الدولة البوليسية وبعاعيت مايو 1969 وبنفس البلادة المؤدلجة قلنا ليهم من 2018 تصفية مشروع الانقاذ المجرم من 30 يونيو 1989 -2019 يتم عبر الدستور الموجود 2005وبواسطة ثلاثة حاجات بس 1- تفعيل المحكمة الدستورية ورفدها بتسعة قضاة رجال الرجال عديل كده مش زي قضاة الدرك الاسفل من النار الانقاذيين الفيها ديل قالو كو جدعو الدستور والمحكمة الدستورية وبقو في شالو السيدة وخلو حرم والتراهات الانت شايفا دي 2- الاعلام الحر المسؤل الذي يواجه الاخطا الاستراتيجية الثلاثة نفسها الفصلت الجنوب واوصلت السودان الحضيض النحن فيه أ- حشر السودان في جامعة الدول العربية بواسطة الازهري 1957 دون مشورة شعبية ب- عدم احترام الفدرالية التي قاد الي انفصال الجنوب 2011واقرو كتاب ابيل الير المعروف السودان التمادي في نقض المواثيق والعهود ومستمر لحدي هسة ولحدي الليلة كمان 31 مارس 2020 ج حشر السودان في حلف النجاسة المصري الخليجي وجحيم البنك الدولي وبيع الجنود مرتزقة في حرب اليمن وليبيا والوضع المخزي للسودان الان في مخيلة العرب هل اعلام ق ح ت القبيح جه بعالج الحاجات دي او يواجها ويعرضا للشعب ؟؟؟ 3= قلنا ترجع الاقاليم وانتخابات اقليمية وثم مركزية ثم راسية قالو كو نحن الغزالة الفوق في السلم البنتخبنا منو ؟؟؟ هسة من الشعب الجاهل الما واعي نحن دكاترة بروفسرات مش متخلفين ذى السيد علي والسيد عبدالرحمن ومحمود محمد طه ومش عبيد ذى جون قرنق نحن (اولاد عرب) بعثيين وناصريين وشيوعيين ,,,الزينا منو في السودان كمان ؟؟؟؟ دي قصة رجرجة ق ح ت وهسة الثورة بتاعتهم انتهت ماتت وينتهي العزاء بالدفن ((بسبب الكرونة وحظر التجول ))) محاسن جيبي بندول ....
https://top4top.io/ الخيل االحرة بتظهر في اللفة
03-31-2020, 06:15 AM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
هو بالله انا قلت يربطوك في كراع عنقريب ما متذكر لكن مافي مشكلة إن شاء الله يكون في زول ربطك
إذا الكلام الفوق دا صح اكيد بتكون اتقاطعت بي الفرمالة بتاعتك وعملت إزعاج المهم اذا لسة مربوط كلم الزول الربطك يفكك خلاص البشير سقط وقاعد في كوبر.. تحياتي
03-31-2020, 06:31 AM
adil amin adil amin
تاريخ التسجيل: 08-01-2002
مجموع المشاركات: 36896
Quote: المهم اذا لسة مربوط كلم الزول الربطك يفكك خلاص البشير سقط وقاعد في كوبر.. تحياتي
الانقاذ ما سقطت وقاعدة في راسك لحدي هسة لو مشكلتك كانت البشير بس هسة بتولول مالك ؟؟؟
.... الارشيف قاعد يا عبد العظيم شد السلك بس نجي نشر غسيلك البائس هنا تسقط بس .....قال ... بعد نربطك يا عبدالعظيم اختار نوديك الشيخ الجعلي ولي شيخ العيير ؟؟؟ احسن تقرا الكلام بالنكتبو ليك هنا ما عندك ثورة من الاساس دي لعبة مخابرات اقليمية ودولية وديل مجرد ادوات بس والنتائج قدامك
04-04-2020, 01:24 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
أنباء عن إعفاء السيد عثمان خليل عثمان الكلام دا ما كافي يا حمدوك عاوزين تصريح رسمي من رئاسة مجلس الوزراء الكوز دا وصل مكتبك كيف ما ممكن كل مرة بعد ما الناس تكورك تتخلصوا من الفضيحة من سكات بدون توضيح الجاب عثمان خليل دا مكتبك حيكون شغال ويسكن الكيزان في المناصب
مجلس تحقيق او تصريح رسمي يا حمدوك
04-04-2020, 02:30 PM
عبدالمنعم الطيب حسن عبدالمنعم الطيب حسن
تاريخ التسجيل: 11-15-2012
مجموع المشاركات: 4468
عظمة يا حبيب ازيك زمان قنا الكلام دا مع بداية الوثيقة الدستورية والبيع الحصل وكانت بداية الهبوط الناعم والخطوة الاكثر وضوحا في بيع الثورة انت شخصيا يا صديقي قتا لا ما معقول وقربتا تطلعنا كيزان تلك كانت البداية ولسا القادم اسوأ اعتقد الحزب الشيوعي كانت قرايتو صحيحة وانتا زعلتا ساكت وابناء الشعب الثورة مثلك يا عظمة يرجعوا لقواعدهم الشعبية حال بيان الظلم وحال تمكن التنطع شكرا لعودتك والعود ثورة عموما لسا جذوة الثورة لا تزال متقدة في الشارع الذي فجرها تعالوا كلنا من او جديد نفجرها داوية هذه المرة تحاسب القدامى والجدد وتطبق شعارات الثورة حرية سلام وعدالة والا الشارع سيتجاوز الاحزاب مرة اخرى واعتقد في شغل زي دا ماشي سرا وعلانية... فقط لك ان تعلم ان انبوبة غاز الطبخ من 160 جنيه قفزت ل 1200 ومافي والرغيفة في واوسي ب5 جنيه ومافي برضو وصفوف البنزين والجاز ممتدة وطويلة والاطباء ما عندهم معينات يشتروا كمامات وقلوفز من جيبم وووووو ..... الثورة مستمرة و شعبي سينتصر وتلك حتمية
04-05-2020, 11:39 AM
adil amin adil amin
تاريخ التسجيل: 08-01-2002
مجموع المشاركات: 36896
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالعظيم عثمان
محمد البشرى الخضر
محمد على طه الملك
Mutasim Idris
Arif Nashed
منتصر عبد الباسط
محمد بدرالدين
adil amin
كمال عباس
Asim Ali
عبدالمنعم الطيب حسن
فيس بوك
تويتر
انستقرام
يوتيوب
بنتيريست