|
|
|
 Re: يا حليلك يا الخطوط القطرية..افخم واروع خطو (Re: Abureesh)
|
مستغرب
ناس مسافرة مع الأوضاع الحالية ما عملت تقصي
لمجمل أوضاع الرحلة مع الحالة المعروفة عالميا
وما تلاها من تدابير اعتقد انكم اخطاتم في الحصول
على معلومات دقيقة تمكنكم من تفادي كل هذه
الخسائر
ربنا يعوض عليكم وكمان حظر ولا سياحة ولا تسوق
| |
 
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: ابو جهينة)
|
والله يا ابو جهينة نحن بنعرف ان السفر في زمن الكرونا مجازفة كمان مجازفة خطيرة ،حياة او موت ،
لكن كمان نزيد ليك من عندنا ان العرس في زمن الكرونا مجازفة ،،،ونحن اضطررنا للسفر للمشاركة
في عرس صديقتنا العزيزة ،،،،هسع عليك الله في بت نصيحة بتعرس في زمن الكرونل،،
مفروض يكون في قانون دولي تسنه المحكمة الجنائية الدولية بتحريم وتجريم الزواج حتى انتهاء الكرونا
نهائيا وكل من يخالف القانون يحكم عليه بالسجن ١٠ سنوات والغرامة ١٠ الف دولار بالنسبة للعريس
ويحكم على العروس بالسجن ٥ سنوات والغرامة ٥ الف دولار،،
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: ترهاقا)
|
اذا كنا بنعرف ان الخطوط القطرية بتمشي اديس ابابا كنا حنسافر بالقطرية لهناك ومن اديس ابابا
اذا ما لقينا رحلة باي خطوط للخرطوم كنا حنعبر الحدود مشيا على الاقدام ولمن ندخل الحدود السودانية
نركب اللواري لكسلا ومن هناك البص للخرطوم،،،،
ويا ناس الجالية السودانية في قطر قوموا قدموا شكوى لمدير الخطوط القطرية وطالبوا بتسيير رحلات للسودان،،،
ان شاء الله رحلة واحدة في الاسبوع ،،
| |
|
|
|
|
|
|
|
|
 Re: يا حليلك يا الخطوط القطرية..افخم واروع خطو (Re: امتثال عبدالله)
|
الفاضلة امتثال . سلاااااام
في الآونة الاخيرة .
مطار الدوحة الدولي .
اصبح مزدحما باستمرار.
رغم الاضافات المعمارية الحديثة.
في المطار الدوحة الدولي.
واسطول ضخم عتيق .
من الطائرات القطرية .
لكن السؤال ؟
من ادخل دعاء السفر .
في كل رحلاته العالمية ..؟؟
واول من ادخل دعاء السفر
في الطائرات قاطبة .
هو الطيار السوداني
كابتن طيار شيخ الدين محمد عبدالله الطيب.
من قرية ديم القراي .
ولاية نهر النيل
نمر الاجواء ..
***
،،،،
عزالدين عباس الفحل
ابوظبي
| |
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: عزالدين عباس الفحل)
|
نعمات
كيفنك
الحاجة الوحيدة الاستفدناها من الرحلة الشاقة المتعبة دي اننا اتاكدنا بانه كلنا ما عندنا كرونا
لان شركات الطيران ما بتخليك تركبي الطيارة اذا ما جبتي شهادة خلو من فيروس الكرونا من
المستشفى وتكوني عملتي الفحص قبل ٩٦ ساعة من المغادرة....وعملنا الفحص والحمد لله النتيجة
كانت سلبية ومكتوبة كبيرة NEGATIVE لكن مشكلتنا بعد التعب ده مقاومتنا للامراض حتكون قلت
والكمامات الكانت خانقانا ١٥ يوم ما بنطيق نلبسها تاني وطبعا انتي عارفة السودانيين اساسا ما بياخدوا
احتياطات وقائية ضد الكرونا، هذا المرض القاتل ...
وهل انتي سمعتي مدير منظمة الصحة العالمية قال شنو عن الكرونا ،،،،قال هذا الوباء سيستمر طويلا في
العالم وان هذا الفيروس القاتل سوف يحصد الكثير من الارواح اذا لم يلتزم الناس باستخدام الكمامات وغسيل
الايدي بالصابون مرات عديدة في اليوم وكل مرة لمدة ٢٠ ثانية وكذلك الالتزام بالتباعد الاجتماعي، ،وان اكثر
الدول اصابة بالفيروس في المرحل القادمة ستكون الدول الافريقية بصفة خاصة ودول العالم الثالث بصفة
عامة،،
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: عزالدين عباس الفحل)
|
الراكزة امتثال
حمد الله على السلامة
دولة الإمارات اعلنت قائمة بالدول منخفضة الخطورة بالنسبة للكرونا
و أمريكا ما واحدة من الدول دي لو جيتو بالقطرية ما كنتو حتقدرو تطلعو من المطار
و اذا سمحو ليكم حيتم حجركم في فنادق مخصصة لمدة 14 يوم على حسابكم
الخطوط القطرية بتمشي اثيوبيا و كينيا الانتظار في مطار نيروبي 9 ساعات
بالنسبة لتوقف الخطوط القطرية من خط السودان هو اختلاف مع النظام البائد في موضوع الدولار و البنزين
الشئ الثاني الخطوط القطرية من الدوحة للخرطوم كانت الرحلة بتستغرق 3 ساعات تقريباً عن طريق السعودية
و بعد الحصار اصبحت الرحلة بتستغرق اكثر من 6 ساعات و دي تكلفة عالية جداً رغم كدا سعر التزكرة ما اتغير
يعني سنين هم شغالين بالخسارة .
غير الخطوط القطرية في خطوط كثيرة اتوقفت منها اللوفتهانزا الالمانية الكي ال ام الهولندية و غيرها
لكن سفركم في الظروف دي مخاطرة كبيرة ربنا يكتب سلامتكم
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: دفع الله ود الأصيل)
|
سلام إمتثال
مقارنتك بين الخطوط القطرية فى ظروف ما قبل الكورونا، وبين خطوط أخرى فى زمن الكورونا، مقارنة ما موزونة
وكنى حتلاقى نفس الإشكاليات لو سافرتى بالقطرية وقت الكورونا .. وإحتمال نفس الدقسة بتاعة الدخول للمدينة
تحصل ليك فى الدوحة .. ومعظم المطارات لديها فنادق بداخل المطار لا تحتاج لفيزة دخول، بعضها المطار
بيكون بداخل صالة المغادرة نفسها .. صادفت نزلت بفندق بصالة مطار دبى، وشاهدت فندق بصالة مطار إستنبول
قبل إسبوع تقريبا الإعلامية إحسان عبد المتعال كان عندها بث حى وهى فى سفرية للخرطوم بالإمارتية وكانت
ساخطة أنه لم يسمح لهم بدخول دبى رغم الترانسيت لساعات طويلة، هسة بكلامك دا يبدو من حظها أنها لم تدخل
المدينة وإلا حظرت إسبوعبن بها .. ولكن معاناتها كانت أكبر بأنه أيضا لم يسمح لهم وعلى حسابهم من النزول
بفندق المطار فكانت معاناة إنتظار طويل. لمن لماذا لم يسمح لهم بإستخدام فندق المطار فقد يعود لأسباب
منها أن الفندق ليس به غرف خالية بسبب ظروف الكورونا التى تحول دون ترانسيت خارج المطار مما
يستوجب حجز مبكر منذ قطع التذاكر بأمريكا .. وثانيا ربما حسب الدولة القادم منها المسافر تصنيفها كورونيا
فأمريكا تعتبر (الأسوأ) .. شوفى الدنيا دى دوارا كيف .. جواز أمريكى رقم ون .. وكورونا رقم طيش!
بس أنا مستغرب ليه وخاصة أنت من سكان نيويورك والخيارات عندك كثيرة .. تختارى السفر بالقطريةظ
أو حتى الإماراتية؟ ديل أطول رحلات توصل للخرطوم يعنى مشقة سفر أطول. أنا ما شايف ليها ميزة
إلا إذا بتقسمى الرحلة لتزورى معارف ليك بالدوحة أو دبى وأبوظبى. الأثيوبية أقصر .. وعندما كانت
اللوفتهانزا شغالة خيار أفضل أذكر ركبتها قبل سنوات. والمصرية أيضا رحلتها قصيرة
سافرت بالإارتية أيام كانت الأولى عالميا ولم تعجبنى معاملة موظفى خطوطهم بلندن ودبى خاصة الإنجليز
منهم بمطار لندن ومضيافت إنجليزيات متعجرفات .. وبفى دبى موظفينهم من هنود ووطنيين غير متعاونيين.
* لو حترفعى قضية أرفعيها بأمريكا .. بالسودان مكتبهم كله موظفين سودانيين ولا يعطوا إعتبارا لأى شكوى
بيحاولوا حل أى شى بباركوها يا جماعة. أسألينى أنا عندى تجربة معهم.
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: نادر الفضلى)
|
اخبرتني صديقة قابلتها في كوستي ان اسوأ طيران للسودان هو طيران ال KLM وانها قبل الكرونا ركبت الKLM وذهبت الى امستردام ومن هناك
الى نيروبي -كينيا - حيث قضت ١٧ ساعة ترانزيت ونزلت في فندق على حسابها ودفعت رسوم ٢٠ دولار للتاشيرة ..وفي العودة كذلك من الخرطوم الى
نيروبي ،وفي نيروبي النزول في فندق والذهاب والعودة من والى المطار بتاكسي وكله على حسابك ...ومن هناك الى امستردام ومن امستردام الى شيكاغو
وقالت ان السفرية كانت متعبة تعب شديد واضافت انها ومنذ تلك السفرية طلقت الKLM طلاق نهائي ....وانه ولا شك ان السفرية بتلك الخطوط في زمن الكرونا ستكون اسوأ بكثير ...
والله يا نادر الكرونا قلبت الدنيا فوق تحت والحياة اصبحت بائسة ومملة ورتيبة ...
ولا ندري متى تعود الحياة الى طبيعتها ولا ندري متى يعود مطار الخرطوم الى استقبال طائرات العالم !!!
ولا ندري متى تنحسر الكرونا في العالم ...ولا اقول في السودان لان الكرونا في السودان تختلف ، لانه مرض غير
معدي في نظر الشعب السوداني لان السودانيين يتصرفون كانه مافي كرونا وكانهم ما سمعوا بحاجة اسمها كرونا...
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
يا أمتثال من كلام صديقتك دى يبدو سفرها بعد ال KLM ,وقفت سفرياتها المباشرة للخرطوم
وأنها تستخدم ما بين نيروبى والخرطوم وبالعكس شركة طيان أخرى غالبا الكينية.
النظام الجديد لحجوزات الطيان أونلاين من مزاياه للمسافر ليس فقط البحث عن أرخص رحلة سفر
ولكن أيضا لإختيار السفرية المريحة والراحة تكون فى عدد محطات السفرية وعدد ساعات الرحلة
متضمنة ساعات الطيران وساعات الترانسيت .. وأيضا من الراحة ساعة بدأ الرحلة بحيث تفادى
الرحلة المبكرة جدا مثل الاعة الخامسة أو السادسة صباحاً .. وحسب الظرف أيضا توقيت ساعة ويوم
الوصل النهائى حسب نوع الرحلة وإلى أى بلد .. طبعا إلى جانب أى خطوط لأى جزء من السفرية
وكمان موديل الطائرة.
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: نادر الفضلى)
|
نعم يا نادر الفضلي
قالت ان الطائرة من نيروبي الى الخرطوم كانت طائرة للخطوط الكينية وان الطيارة كانت صغيرة جدا سعتها فقط حوالي
٢٠ راكبا وان الطيارة في المطبات الهوائية اصبحت كالريشة تتجاذفها الهواء وكأنها ستقع على الارض...
..واصبحت صديقتي تتحسر وتقول بالله دولة عريقة في عظمة السودان والتاريخ يذكر لها مواقف بطولية دولية ابتداءا من مؤتمر
باندونج لعدم الانحياز ونيلها الاستقلال عنوة واقتدارا ومؤتمر اللاءات الثلاثة للعزة والكرامة بعد هزيمة العرب من الصهاينة ودحرها للنظم
الديكتاتورية عبر ثلاثة ثورات عظيمة وهي ثورة اكتوبر ١٩٦٤ وثورة ابريل ١٩٨٥م وثورة ديسمبر ٢٠١٩م ،دولة بهذه العظمة لا تهبط في مطاراتها
سوى ثلاثة او اربعة شركات طيران بائسة ومتخلفة ،ومطارها الدولي وكانها موقف بص وقالت انها ومنذ ولادتها وهي تسمع وتقرا ان الدولة بصدد
تشييد مطار حديث في امدرمان اسوة بمطارات العالم وان فساد الدولة تقف عائقا لبناء المطار الجديد ...
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
منتصر
بخصوص كلامك :" اختو المصرية وحتى التركية "قرينا كلامك لواحد من اقربائنا كثير السفر فقال كلامك صحيح بالنسبة للمصرية
وعدد لينا اسباب كثيرة ،اما بالنسبة للتركية فقال انه جانبك الصواب لان التركية خطوط طيران محترمة واسعارها معقولة بالنسبة
للسفريات الطويلة التي تاتي من امريكا الشمالية ..
..ومع اننا لم نستقل المصرية عندما اتينا للخرطوم ولكن ما ذكره لنا من سلبياتها جعلتنا فعلا نقرر ان نختا المصرية على حسب قولك ...
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
لم أجرب المصرية ولكن أعتقد ميزتها قصر الزمن سفرية مباشرة من نيويورك للقاهرة ثم الخرطوم
أما التركية فهى خطوط ضخمة وتركيا مهتمة بها مستغلة موقع إستنبول الإستراتيجى
وسط العالم. فى رأيى تركيا تستعيد سيطرة أمبراطوريتها الإستعمارية على العالم
بشبكة طيرانها المهولة عدد سفرياتها من أمريكا من مدن مختلفة رحلات مختلفة
متعددة يومياً وخطوطها تغطى كل العالم
ورغم أن مطار أتاتورك ضخم وجميل فقد أنشأوا مطار آخر أضخم. سافرت
أربعة مرات من مطار أتاتورك. وفى رأيى خدماتهم جيدة. وللمتعود على
مارثونات مطارات أمريكا فمطار اتاتورك الجكة فيه ما بطالة .. الملاحظة
الوحيدة لأن مطارهم ضخم ويستقبل رحلات من وإلى معظم العالم .. فطريقتهم
التشغيلية لا يحددوا بوابة المغادرة إلا قبل ساعتيت بالكتير من زمن إقلاع
الطائرة وتصير مسؤولية المسافر متابع شاشات مواعيد رحلات الخطوط
ليعرف بوابة سفريته ليتجه إليها فى ذاك المطار الضخم.
أيضا السفر للخرطوم عبر إسستنبول ساعات الطيران قصيرة مقارنة بعبر
مدن الخليج .. ووتبقى ساعات الترانسيت مدتها تكون الفارق بين سفرية والأخرى.
مسافر نيويورك محظوظ لأنه فى حالة ساعات الترانسييت قصيرة جدا
وربما تفوته الطائرة بإستنبول بسبب تأخر رحلة وصوله للمطار أو بسبب زحمة
دخول الكسافرين للمطار (تفتيش العفش) فما عندهم مشكلة باللحقا بطائرة
آخرى حين العودة للنيويورك. لأنهم ما مرتبطين بسفرية داخلية بأمريكا.
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
وين المدنية دي ،،،قال مدنياااوووو...هذا ما قاله لي احد الذين استطلعت اراؤهم عن رايهم في حكومة حمدوك ..
قال لي بالحرف الواحد ان حمدوك يأتمر باوامر العساكر، وخاصة البرهان وكباشي. وهو رفض الخروج من مكتبه لاستقبال المظاهرة
المليونية واستلام المذكرة وارسل موظف في رئاسة الوزراء لاستلام المذكرة ورفض قادة المظاهرة تسليم المذكرة الا لحمدوك شخصيا
وارادوا تسلق السور للدخول لرئاسة مجلس الوزراء وهنا امر وكيل نيابة الخرطوم بتفريق المتظاهرين بالقوة واستخدام البمبان...
وقال ان حمدوك كان عليه ان يرسل نيابة عنه وزير او حتى والي الخرطوم ليستلم مذكرة المتظاهرين ،ولكنه نفذ اوامر البرهان وكضباشي
بعدم استلام المذكرة منهم ...لماذا!!!؟؟؟نرجو من حمدوك ان يجيب على السؤال ،،
اما الكيزان فقد استغلوا هذه الفرصة الذهبية كي يالبوا الشعب على الحكومة الانتقالية واستغلوا شفع صغار في عمر ٦ و ٧ سنوات وادوهم قروش
وقالوا ليهم اقفلوا الشوارع بالطوب وفعلا قام هؤلاء الشفع باغلاق اهم الشوارع اليوم الاربعاء ، شارع الستين، وشارع عبيد ختم وشارع بري وشارع مدني كي يزداد
سخط الناس على تجمع المهنيين باعتبار انهم هم الذين امروا هؤلاء الاطفال باغلاق الشوارع وتعطيل اعمال الناس ..وفعلا ازداد غضب الناس وهم لا يسنطيعون العودة الى منازلهم بعد العمل، فقد كان اغلاق الشوارع خلال ساعة الذروة بعد الساعة ٢ ظهرا ...وبدا الناس يلعنون سنسفيل قحت وتجمع المهنيين وحكومة حمدوك وهم لا يدرون من امر الاطفال باغلاق الشوارع في المناطق السكنية بدلا من اغلاق الشوارع امام الوزارات والقيادة العامة...
هذا ما قاله هذا الرجل الذي بدا انه ساخط على الحكومة الانتقالية وقال اخيرا ان حكومة البشير لم تسقط ابدا ....
ولكن هل ما قاله صحيح!!؟؟
سارد على هذا السؤال لانني كنت شاهدة عيان....
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
الدولار ما وصل ١٧٨ جنيه كما هو مشار اليه لاني قبل نصف ساعة فقط استبدلت الدولار بمبلغ ١٨٠ جنيه، والساعة الان في الخرطوم
٨ وربع مساء ،،،يعني ما اشاعة ومافي زول كلمني لكن غيرت الدولار بنفسي ..غيرت ٥٠٠ دولار بمبلغ ٩٠ الف جنيه سوداني وما تفتكروا
ال ٩٠ الف جنيه مبلغ كبير هنا في السودان لان الجنيه السوداني بدون قيمة ...
وقرات في جريدة سودانية امس ان اقتصادي من ناس قحت صرح بان الدولار سوف يصل بعد اسبوعين فقط اي في اوائل شهر سبتمبر
مبلغ ٢٢٠ جنيه سوداني ..وعدد الاسباب...
كويس ما دام يا ناس قحت انتو عارفين اساس المشكلة لييه ما تعالجو المشكلة باستشارة اقتصاديين ومهنيين مؤهلين بدل تستعينوا بجهلة
وكل مؤهلاتهم انهم ينتمون لاحزاب بعينها او بقبائل بعينها ...
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
شكرا الابنة امتثل على نقل الواقع
اليومي من السودان
بالنسبة لنا الحوالة من السعودية بالريال فيهو اجحاف
مقارنة بالسعر الذي ورد في مداخلتك
السماسرة بياخذوا نسب مقدرة
اذن الافضل تغيير العملة من الداخل
كمان المشكلة كيف نرسل ريال السعودي
متابعين المزيد الاخبار ..
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: muntasir)
|
| Quote: إمتثال غيرتي في السوق الأسود معناتها شاركتي في تجارة السوق الأسود كان تغيري في البنك |
الإجابة نعم يا مونتي .. لانو فعلاً دا سعر السوق الأسود
مصيبة البلد دي انو اي واحد بنظر لمصلحتو الشخصية و لتحرق البلد و تروح في ستين داهية
انت فاكر البلد دي دمروها الكيزان بس ؟
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: خضر الطيب)
|
يا مونتي
الحكومة ذاتها ما بتغير في البنك ..في البنك الدولار بي ٥٥ جنيه.. شوف الفرق كم !!!؟؟؟
يعني اذا الفرق فرق معقول معليش!!!! الجنيه السوداني بدون قيمة ..وكان كل فرد عنده
ماكينة طباعة لطباعة القروش في بيته. ..
والحمد لله انا اذا صرفت ٩٠ الف جنيه بدي المساكين في تقاطعات المرور ٦٠ الف جنيه والباقي
٣٠ الف جنيه مواصلات ركشة وترحال ...
انا هينة حولت ٥٠٠ دولار. ..وما اظن ٥٠٠ دولار حياثر قي اقتصاد السودان قي شئ ..انت شوف
العندهم ٥٠٠ الف دولار وما بيعلنوها في المطار وبيحولوا دولاراتهم في السوق الاسود ..وبالمناسبة
سمعت ان السوق الاسود ممنوع بالقانون ولكن في الواقع الحكومة الانتقالية بتغض النظر عن تجار الدولارات
وبتسمح ليهم بالتجارة علنا.. وممكن تجد تجار الدولار في اشارات المرور يتاجرون بالعملات الصعبة امام رجال
الشرطة علنا. ....يعني مافي حاجة ممنوعة .واقرا الصحف السودانية عشان تعرف ان التجارة دي ما ممنوعة
وحلال في نظر الحكومة الرشيدة ، حكومة الثورة. ...ان السودان واقتصاد السودان في انهيار تام لان الحكومة الانتقالية
العليلة ومجلس السيادة الكسيح لا يهتمون بمصالح الشعب ولكن فقط يهتمون بمصالحهم الشخصية والفساد بدا يفوح ...
وده من اول سنة....
لسع ما سقطت....
وما ترمي انهيار الاقتصاد السوداني على تحويل ٥٠٠ دولار ما بتاكلك اسبوع في السودان ودخلك الشهري ما يعادل ٥٠ دولار
وجاياك بامثلة الفساد العلني وليس السري
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: خضر الطيب)
|
الشرطة السعودية تُلقي القبض على خمسة سودانيين قاموا بتحويل 500 مليون ريال خلال عام 2020
نشرت من قِبل الصحفي عمر الشيخنشر في الخميس, 20 أغسطس 2020, 4:431 دقيقة قراءة 0 223
تمكنت شرطة العاصمة السعودية الرياض ، من الإطاحة بتنظيمٍ عصابي مكون من (8) أشخاص، منهم (5) من الجنسية السودانية امتهنوا تحويل الأموال إلى خارج المملكة بطرق غير نظامية .
وقال مساعد المتحدث الإعلامي لشرطة منطقة الرياض الرائد خالد الكريديس، إن (3) مواطنين تستروا على السودانيين الخمسة ومكنوهم من عمليات التحويل عبر حسابات بنكية لمؤسسات فردية مسجلة بأسمائهم مقابل عمولات مالية .
وأشار إلى أن المبالغ المالية التي تم تحويلها خلال العام الحالي (2020)، تجاوزت خمسمائة مليون (500,000,000) ريال .
وأكد أنه ضبط بحوزتهم مبالغ مالية مجهولة المصدر قاربت (2,000,000) مليوني ريال، وقد جرى إيقافهم جميعاً واتخاذ الإجراءات النظامية لإحالتهم إلى النيابة العامة.
https://www.0zz0.com
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: خضر الطيب)
|
رايك شنو يا منتصر اليوم السبت الموافق ٢٢ اغسطس والساعة الان ٢ظهرا والدولار سعره ٢١٥ جنيه وامس الجمعة الساعة ٧ مساء كان سعره ١٨٠ جنيه
يعني الدولار صاعد بسرعة الصاروخ...طبعا مافي اي سبب لزيادة سعر الدولار غير الخبر المنشور في صحف اليوم بالبنط العريض ان شرطة الخرطوم
القت القبض على ثلاثة من اكبر تجار العملة في العاصمة ببنما كانوا مجتمعين في افخم فندق في الخرطوم ووجدت معهم كميات كبيرة من العملات الصعبة
من دولارات وريالات سعودية وخليجية ومليارات من الجنيهات السودانية ..
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
مرحب الراكزة امتثال العبد الله
Quote: وفعلا يا خضر البلد دي ما دمروها الكيزان بس....
عاوز تعرف البدمروا فيها الان منو !!؟؟
خليك متابع ...وما تمشي بعيد عشان تعرف اموال الشعب بتمشي وين !؟ |
متابع معاك و انتي في قلب الحدث
البلد دي الدمروها موجودين هنا في البوستر التحت دا 👇
https://www.0zz0.com
اكتر من ثلاثة و عسرين مليار دولار في السنة
اضربيها في تلاتين سنة و الى الآن ح تكون كم ترليون دولار ؟
انا ما بفهم في الدولار ثقافتي استرليني :)
كت آوت :-
قلتي لي فكيتي 500 دولار
طوالي تبقى مارقة بيها على قندهار في سوق ليبيا تنزلي ليك خروف و بعدها حق الركشة ما حيكون معاك :)
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: خضر الطيب)
|
استقر الدولار ظهر اليوم بي ٢٠٠ جنيه ...
والحكومة طلعت بيان ونكرت بانها تشتري الدولار من السوق الموازي لاستيراد الادوية
والسلع الاساسية وقالت ان لديها مصادرها من الدولار وما محتاجة للسوق الموازي..
..طبعا ممكن الحكومة تكضب وتقول ما تشاء ...مش كضباشي معاهم !!!؟؟؟
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
من امثلة الفساد التي بدات تفوح ان رئيس احدى الهيئات والذي تم تعيينه مؤخرا من قبل قحت
وعند حضوره من الخارج لاستلام وظيفته نزل هو وزوجته في جناح كامل في افخم فندق في الخرطوم
وسعر المبيت ليلة واحدة في الجناح ٦٠٠ دولار واقاما في الفندق ١٤ يوما ،هذا غير منصرفات الاكل الفخيم
في الفندق ...وهذا يعنى ان دافعي الضرائب من الشعب السوداني دفعوا للفندق ٨٤٠٠ دولار لاقامتهما ومع الوجبات
الفخمة والترحيل بالليموزين لمدة اسبوعين فمن المؤكد ان المنصرفات تكون بلغت اكثر من ١٠ الف دولار ...
وما خفي اعظم ...
هذا في الوقت الذي نجد فيه مرتب الطبيب العمومي ٢ الف جنيه سوداني ،يعني ١٠٠ دولار في الشهر ...وذاك يصرف
اكثر من ١٠ الف دولار في اسبوعين...بلد متناقضات ....اما السيارات الفخمة التي يستقلها الوزراء للذهاب الى مكاتبهم
فحدث ولا حرج...فبينما انا في ترحال وفي شارع الجامعة ومع زحمة السيارات جاءت سيارة فخمة وامامها شرطي في
موتر والصفارات تشق عنان السماء والسيارات تفسح الطريق امام السيارة فسالت سائق الترحال : الجوطة دي كلها شنو،،
ده البرهان ولا شنو !!فقال باستهزاء :يا ريت لو البرهان ما كنا حنزعل ومرارتنا تنفقع لانه راس الدولة وله مهابة واجبة لكن
للاسف ده وزير. وكمان وزير ما شايف عمله،، لانه اذا هو وزير الطاقة ،فصفوف البنزين طويلة وتقيف اليوم كله عشان تكب بنزين
واذا هو وزير التجارة فصفوف الرغيف واضحة في شوارع احياء الخرطوم والناس تشرب موية الفول بالمعلقة ،واذا هو وزير الداخلية
فلا يوجد امن في الخرطوم ، واذا هو وزير الدفاع. فحلايب ما زالت محتلة، واذا هو وزير الري ، فالنيل فاض وغرق المزارع والخسائر بمليارات
الجنيهات ،،،وعدد لي السائق مسالب كل وزير حتى كدت ان ابكي من شدة الزعل ....
وما ساحكيه لاحقا سيبكيكم فحضروا المناديل...
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
| Quote: إمتثال غيرتي في السوق الأسود معناتها شاركتي في تجارة السوق الأسود كان تغيري في البنك😂 |
😂
قت ليك يا مونتا كما داخل كل زول فينا دكتاتور صغير و عنصري صغير
ايضا يوجد فاسد صغير ...ههههه
تحويل السوق الاسود هين ... ديل زمان سعوا ورا ود الباوقه لي واسطة اراضي هههه
امتثال ازيك ... معليش و الله لسه ما قادر انسى حادثة المنتفع ود الباوقه هههههه
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: يحي قباني)
|
يحى ود قباني
اولا اريد ان اصحح معلومة سابقة وانا ساقطة في الحساب...مرتب الطبيب العمومي ١٠ دولار في الشهر ما ١٠٠ دولار والراجل رئيس الهيئة صرف على نفسه اكثر من ١٠ الف دولار في اقل من نصف شهر ...
ثانيا :يا حليل ود الباوقة ..كان رجل ذو نكتة يقابل الاساءة بالحسنة ولا يشتم ولا يسئ ..
اها شن قولك اذا انا قلت ليك لهسع انا بطلب وساطته يطلع لي قطعة في المنشية جنب قصور اللصوص من امثال علي كرتي ...والسبب انه ما سقطت والكيزان
لسع حاكمين البلد ...وانت اقرا براك الخال الرئاسي بكتب شنو كل يوم في جريدة الانتباهة ...
ولازم تعرف ان قضاء الامور بالواسطات والرشوة الان اكثر بكثير من عهد اللصوص والحرامية ...وعندي امثلة حدثت لي انا نفسي واذا عندك صبر بحكيها ليك ...لازم تحمد ربنا كثير والف مرة كل يوم انك مقيم في كندا لانك اذا جيت السودان حتعرف انه مافي حكومة ...والعيشة اصبحت صعبة شديد والامن منعدم ...
واذا مشيت امدرمان، العاصمة القومية ، او قل التي كانت العاصمة القومية زمان والبتغنوا ليها لحد الان ،ما حتعرفها ...ولا حتقول دي مدينة ،،فوضى في كل مكان...وانا صورت بالكاميرا فيديو حاجات كثيرة ممكن تفقع مرارتك في لحظة وكان ممكن انزلها هنا اذا عندي مهارات تكنلوجية زي صاحبك كوستاوي ...
..وهسع يا ود قباني الحصول على اي شى ،مش قطعة ارض بس ، ما دايرة واسطات من اصحاب النفوذ ، لكن فقط تدفع رشوة وتحصل على كل شئ ...
وتدفع كم دي!! لمن اقولها ليك عليك الله ما تضحك ...
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
لا..لا يا خضر الخرفان رخيصة في الخرطوم. ولقينا الخروف بسعر ١٥ الف جنيه ولما سألنا عن السبب قالوا لان السعودية
اعادت اعداد كبيرة من الخراف الصادرة اليها ...يعني الخروف اقل من ١٠٠ دولار ...
وفي السودان لازم تكون نباتي عشان تكون مرتاح البال...ونحن حبينا موية الفول ...
لكن القهوة التركية روعة في الخرطوم وزيها زي ستاربكس ...والمقاهي نظيفة وحاجة روعة ودي ما بننكرها .....
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
اتصلت بي احدي قريباتي التي تسكن حي المعمورة بالقرب من شارع الستين وقالت لي ان هناك اطلاق نار كثيف في الحي بدا حوالي الساعة خمسة ونصف مساء وان الناس بدات تهرول يمينا وشمالا للاختباء خوفا من ان تصيبهم الرصاصات الطائشة ...وانها عرفت فيما بعد ان اطلاق الرصاص كان بداخل منزل
نائب الرئيس المخلوع الذي تم اطلاق سراحه مؤخرا وان بعض المجهولين حاولوا قتله داخل منزله..
هذا هو حال الامن في الخرطوم ...سكانها يعيشون فزع وخوف من العصابات المسلحة ، وخطف الاطفال، والان اغتيالات السياسيين ...
هل نحن نسير نحو الصوملة...
حكومة ما في!!؟؟ اين هيبة الدولة..اين هيبة الشرطة !!؟؟بس فالحين في فض المواكب السلمية بالعنف !!!!
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: بدر الدين الأمير)
|
ويا ربي بومبيو ده حيودوهو بياتو شارع من المطار لغاية مقر اقامته ،وبالطبع هو ما حيقيم في فندق او في بيت الضيافة
واكيد حيمشي بيت السفير الامريكي المحروس بالمارينز ...ده اذا كان حيبيت. لكن ما اظنه يبيت في دولة الامن فيها مفقود
..لكن يا ود الامير اذا قرر يبيت في الخرطوم واعلن رفع جميع العقوبات عن السودان ورفعه من قائمة الدول الداعمة للارهاب
فاكيد حنعزمه في اولاد امدرمان بخروفين مشويين وكل خروف محشي بالمكرونة والاسباقيتي. ...
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
اخر اشاعة الان ان حمدوك اجتمع بالامس مع ناس قحت وناقش معهم فكرة استقالته واستقالة حكومته المؤقتة..
وناس قحت الذين كانوا بنتقدونه ويطلبون مغادرته بقوا يحنسوا فيه عشان ما يستقيل ...فقال لهم ننتظر زيارة
وزير الخارجية الامريكي وزيارة ابي احمد ، الزعيم الاثيوبي ونناقش انتو عايزين شنو ،،،
وطبعا معروف ماذا سيحصل اذا غادر حمدوك ....
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
نرحب بيك كتير يا بنت السودان والنيل الابيض الامريكية الاستاذة امتثال
وسعيدين بعودتك للبلد لتفقد الاهل والاصحاب والمعارف والوطن الشايلنا كلنا
ويا ريت في طريقك لكوستي او العودة للخرطوم تمر على قريتنا (الشوال) يا ريت
بعدين زي ما قال اخونا ابوعلوة علي عبدالوهاب
بتحسني السرد والوصف
وكقارئ متابع لكتاباتك منذ ان اصبحت عضوا في سبتمير ٢٠١٧ فقد حدث تقدم كبير في النثر عندك
فهذه محمدة لك ولسودانيزاونلاين التي تشجعنا ان نكتب ونكتب حتى نصير احدنا كاتبا
لأن من يريد ان يصبح كاتبا فعلية بالكتابة ثم الكتابة كل يوم وسيجد ان قلمه ينساب بسهولة عن ما كان عليه وضعه من قبل
وهذا ما حدث لك
فاهلا بيك ومرحبا مرة ثانية
واجازة سعيد ان شاء الله ونورتي البلد
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: Ali Alkanzi)
|
بلدي يا حبوب عنده بوست بتساءل فيه ليه الكيزان فرحانين بخطاب البرهان ..
وفي نفس البوست تساءل علي العريفي اين المهدي والميرغني ..
وقبال ما اجاوب على السؤالين ديل عاوزة اؤكد انه من المستحيل عودة نظام اللصوص
والحرامية للسلطة ،،،فالشعب كره الكيزان كراهية شديدة ولا يمكن يسمح بعودتهم مرة ثانية
بل اقول ان معظم الشعب زهجان من حكومة حمدوك الانتقالية الضعيفة انها لم تستطع ان تقدم
حتى الان حرامي واحد للمحاكمة ..
وجاياكم عشان تعرفوا ليه المهدي والمرغني مدسين
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
اولا الكيزان فرحانين بخطاب البرهان لانهم مغشوشين ومفتكرين ان الجيش لمن يستلم السلطة حيتراجع عن شعارات
ثورة الشعب لكن هذا مستحيل لان الكيزان اوراقهم السياسية احترقت نهائيا وما ممكن يشموا السلطة الا بعد ٥٠٠ سنة
لمن الناس تنسى سرقاتهم واجرامهم الفظيع ووحشيتهم في معاملة السياسيين،ويكفي ما فعلوه مع الشهيد احمد الخير...
وبهذه المناسبة نتساءل لماذا لم يتم اعدام قتلة الشهيد احمد الخير حتى الان بعد ان صادقت المحكمة العليا على الحكم
ووقع عليه البرهان؟؟؟
اما المهدي والميرغني فمندسين هذه الايام وماسكين العصايا من النص ...لا مع الجيش ولا مع قحت ..
ليييه !!!؟؟؟
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
الصفوف سوف تستمر والمعاناة سوف تستمر والدولار سوف يستمر في التصاعد
لان وزير خارجية امريكا رجع بخفي حنين فقد كان يأمل في اعلان تطبيع الخرطوم مع
اسرائيل خلال زيارته في مقابل رفع العقوبات عن السودان وتقديم مساعدات عينية ومادية
ومعنوية للحكومة حتى تخرج من ضائقتها المالية ،ولكن الحكومة الانتقالية خيبت ظنه وامله
وقالت له انها حكومة انتقالية وقرار التطبيع مع اسرائيل ليس في يدها بل في يد الحكومة المنتخبة
والمفوضة من الشعب ، ولكن في نفس الوقت فان الجانب العسكري في مجلس السيادة كان ولا زال
يرى التطبيع مع اسرائيل ضروري من اجل تحسين معيشة المواطن السوداني والخروج من الضائقة
المالية ...
حمدوك اجتمع مع قحت ومع احزاب ومع وزرائه قبل وصول بومبيو لمناقشة مسالة التطبيع واتفقوا جميعا
على ان يقولوا لي بومبيو ان الامر ليس في يدهم وانما في يد الحكومة المنتخبة ..
واحتار وزير خارجية امريكا من يصدق :هل يصدق المجلس العسكري ورئيسه البرهان الذي اجتمع مع رئيس
الوزراء الاسرائيلي من قبل في يوغندا ووافق على التطبيع ام يصدق الحكومة الانتقالية ورئيسه حمدوك الذي
يتحفظ على مسألة التطبيع في الوقت الحاضر ..واحتار بومبيو من يحكم السودان !!!
....السودان امام خيارات صعبة....والمواطن السوداني هو الذي سوف يواجه كافة الصعوبات ...واية صعوبات!!!؟؟
صعوبات البقاء على قيد الحياة ...
اذن ما العمل؟؟
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
Quote: ولكن في نفس الوقت فان الجانب العسكري في مجلس السيادة كان ولا زال
يرى التطبيع مع اسرائيل ضروري من اجل تحسين معيشة المواطن السوداني والخروج من الضائقة |
قرار ذكي جدا من الشق المدني، التطبيع ما مرفوض ولكن يعني فوز ترمب في الانتخابات واستيلاء الجيش السلطة في السودان
هذا الجيش الذي أصبح تحت إمرة بن زايد وبن سلمان ، ولنسعى للتطبيع بعد الانتخابات الامريكية
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
ركبت عربية مع احد اقربائي ليوصلني من امتداد ناصر الى المعمورة وفي السكة لقينا صف طويل من سيارات منتظرة تملأ البنزين
وقريبي قال لي بتعرفي تسوقي عربية قلت ليها حتى كان بعرف اسوق ما بقدر اسوق في شوارع الخرطوم ،ولكنه قال لي ما دايرنك
تسوقي في شوارع الخرطوم لكن سوقي لغاية الطرمبة دي وكبي البنزين عشان النسوان ما بقيفن في الصف ...ونهرته وقلت ليه مش
حرام عليك تستغل هذه الميزة وتستغلني عشان اكب ليك البنزين في عربيتك ..وين الشهامة ووين المروءة السودانية ووين الرجالة السودانية
والعجيب انه قال لي المبادئ الانتي بتتكلمي عنها دي قريناها في كتب التاريخ لكن هسع مافي ...
قلت ليه يمكن هنا في الخرطوم بس لكن في قرانا وبوادينا ومدنا البعيدة من الخرطوم المبادئ دي موجودة ....
وعرفت انه حتى في صفوف الرغيف فان بعض الرجال بيوقفوا بناتهم في الصف لان صف الرجال طويل وصف النسوان قصير ..
بالله دي حالة دي!!!؟؟؟
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
نرجو من الزميل الصحفي زهير ، ابو الزهور، ان ينزل لينا هنا مقال الصحفية الجريئة الشجاعة سهير عبد الرحيم بعنوان "كيف نبني وطننا"،
كي تعرفوا حجم الفساد في السودان ....اليوم ...
وانا زمان لمن كنت بقول توقعوا انقلابا عسكريا من جندي نفر او ملازم بدبورة واحدة كانوا نلس ابو حسين ومحمد البشرى بيستغربوا وبيقولوا
مستحيل يكون في انقلاب ...ولكن هؤلاء الذين يعيشون هنا في السودان وخاصة في الخرطوم لا يستغربون ،فهم يتوقعون كل صباح المارشات
العسكرية ...ولكن لا تظنوا ان الكيزان سيعودوون،،لا فهذا مستحيل، ولكن الذين سياتون سياتون لتصحيح مسار الثورة التي انحرفت ،او قل مسار
هذه الحكومة الانتقالية الضعيفة التي انحرفت ولم تحقق ابسط متطلبات الثورة ..
فربما كان راي الذين يعارضون فكرة ان جندي او ملازم سيقود انقلابا عسكريا صحيحا ، واعترف اني مخطئة لان الذي سيقود الانقلاب ربما البرهان
نفسه او احد القادة العسكريين من الرتب الكبيرة ،،لانهم يخافون على مصيرهم اذا قاد احد اخر من الرتب الصغيرة ذاك الانقلاب ،،،
واقراوا بتمعن مقال سهير عبد الرحيم "،كيف نبني وطننا"،لتعرفوا كيف تحكم الحكومة الانتقالية السودانية ...
سواق ترحال قال لي :والله من الله خلق هذا الكون ما شفنا حكومة اضعف من هذه الحكومة الانتقالية ،،اخير يحكمنا الشيطان ذاته بس الحكومة دي
تغور في ستين داهية،،،بس برضه الكيزان ما يجونا راجعين لانهم كانوا لصوص بيسرقوا اموال الشعب...
..يا الله يا زهير نزل لينا مقال سهير عبد الرحيم :كيف نبني وطننا"
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
الشارع السوداني اصبح مثير للغثيان والاشمئزاز...فقد انتهت المروءة والنخوة السودانية للابد ...واقراوا معي هذا المشهد ...
بينما كنا نسير في شارع مهم وملئ بالبشر شاهدنا شابين يتعاركان مع فتاة في مقتبل العمر ولم نكن نعرف سبب العراك لاننا سمعنا
عند اقترابنا منهم هذا الحوار بينهم :"-
احد الشابين:هوي يا بت اخير ليكي تختاني انتي حتندمي..
الفتاة:لا ما بختاك ..يعني حتعمل لي شنو يا ####################.
الشاب:،انا ####################..يا ما مربية ..انتي امك ما ربتك ..يا ش.....ة...(كلمة بذيئة)..
الفتاة:انت الما مربى ..اذا انت عندك اخلاق ما كنت حتقيف في الشارع وتعاكس بنات الناس..
ما خلاص الدنيا بقت فوضى وبقيتو تعملوا على كيفكم..
الشاب:للمرة الالف اخير ليكي تختاني ولا حاقوم اكسرك هنا واخلي الناس يتفرجو عليكي..
...
كل ذلك لم يؤثر في مشاعري ولكن الغاظني والفقع مرارتي ان الناس الواقفة تتفرج على هذا المشهد
لم يتحرك احدهم ليفض المشاجرة او يزجر الشاب او يعرف ماذا يدور...
وانا وقريبتي حاولنا نتدخل ونفض المشاجرة لكن هذا الشاب اللديح نهرنا بشدة وغلظة وقال :ما تتدخلوا
بيناتنا دي بت قليلة ادب ولازم تتربى...لكننا ردينا عليه بكلام زي السم...
وسالنا البنت ما المشكلة فقالت الاثنين الصعاليك ديل جيت ما شة بجنبهم هنا وبداوا يعاكسوني بكلام جارح...
..وطلبنا منها ان تسير معنا حتى نبتعد منهم ..ففعلت...
لكن السؤال هو ..لماذا تغير الشارع السوداني..اين النخوة السودانية ..اين الشهامة السودانية !!!؟؟؟
لا رد ......
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: خضر الطيب)
|
السودان اليوم:
كيف يبنى السودان و ما لايقل عن ٣٠٪ من الشعب فاسدون..؟؟
كم عدد تجار العملة الكبار في السودان..!!
كم عدد السريحة في ..؟؟
كم عدد المضاربين في الدولار والذين يعملون موسمياً ..؟؟
كم عدد الذين يعملون في تهريب الذهب..!!
كم عدد الذين يتلقون رشاوى في مطار الخرطوم ويتواطئون ليعبر من خلالهم الذهب ..!!
كم عدد الذين يغضون بصرهم في مطار الخرطوم عن شحنات الذهب والعملة المهربة..!!
كم عدد الذين يعملون في تهريب الآثار..!!
كم عدد الذين يهربون حصائل الصادر..؟؟
كم عدد الذين يدخلون المخدرات ..؟ وكم عدد الذين يعملون في الموانيء والمطارات والمعابر ويساعدون في تنفيذ تلك العمليات ..؟؟
كم عدد الذين باعوا أراضي الولايات والميادين والمتنزهات ..؟؟
كم عدد الذين ساهموا وعملوا على استيراد التقاوى الفاسدة والقمح الفاسد ..؟؟؟
كم عدد الشركات والأفراد الذين يتجارون في اسعار الدواء ويضاربون بالدولار في السوق السوداء ثم لا يستوردون إلا أدوات التجميل ..!!
كم عدد الرؤساء السودانيين الذين أدخلونا وأدخلوا الوطن في سلسلة للبيع والتنازل من دون مقابل حالهم كعبيط القرية ..؟؟
جميعهم لعنة الله عليهم بدون فرز الذين أغرقوا حلفا والذين فصلوا الجنوب والذين باعوا حلايب …؟؟
كم عدد الصعاليك الذين حمل كل منهم سلاحاً وقال أنا حركة مسلحة ..؟؟
كم عدد الذين يتجارون بقضايا البسطاء في جوبا..؟؟
كم عدد أفراد القوات النظامية الذين مارسوا القتل والترويع والتهديد واستغلال السلطة …؟
كم عدد الذين يتلقون الرشاوى وسط موظفي الحكومة والنظاميين و أصحاب القرار …؟؟
كم عدد الوزراء والمسؤولين الذين استغلوا مناصبهم و نفوذهم في خدمة قضايا خاصة و تعيين أقاربهم .. ؟؟
كم عدد الذين يضاربون في القمح و في الوقود ويهربون ويسرقون ولا يشبعون …؟؟
كم عدد الشركات التي نمت من العدم كالنبت الشيطاني واكتنزت الأموال وأثرت في غفلة من عين الزمان و تاجرت في كل ماهو غير مشروع …؟؟
كم عدد المحتالين و السارقين وآكلي أموال اليتامى والزكاة …؟
كم عدد الذين يمثلونا خارج السودان و كم عدد الذين يمثلون بنا ..؟؟
كم عدد المهندسين الذين نفذوا طرق و مباني و كباري أقل من المواصفات .. ؟؟
كم عدد الاساتذة و المعلمين الذين (يكلفتون ) حصصهم و (يخلصون) في الدروس الخصوصية …!!
كم عدد الأطباء والعاملين في القطاع الصحي و الصيادلة الذين لا يعملون بصدق ولاتجرد وإنسانية …؟؟
كم عدد التجار في كل المجالات الذين يضاعفون اسعار بضاعتهم حسب مزاجهم … والذين يغشون في المواصفات والكميات ..؟؟
كم عدد العاملين في مجال القانون والذين يعصبون أعينهم عن الحقيقة ويطعنون ظهر العدالة ….؟؟
كم عدد العاملون في مجال الإعلام الذين يبعيون مداد قلمهم لمن يدفع أكثر ويرتدون ثوباً لكل حدث ويزيفون وينافقون ..!!
خارج السور :
كم عدد الذين يفكرون في أنفسهم و كم عدد الذين يفكرون في الوطن..؟؟ وكم عدد الذين يرفعون من قدرهم و كم عدد الذين يحطمون من قدر الوطن ….؟؟
كت آوت :-
بالمناسبة اما ما قريت المقال و مستحيل اقرا ليها سطر
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: خضر الطيب)
|
خضر ود الطيب
شكرا ليك لانزالك هذا المقال الهام ...ولكن سهير عبد الرحيم ،على الرغم من
جراءتها في توضيح الحقائق بتجرد وشفافية الا انها هذه المرة لم تكتب عن كل
الفساد الذي يعم البلاد الان ،وقد اخفت الكثير من الحقائق المعروفة للشارع العام..
تلفساد يا خضر في الوزارات اصبح يزكم الانوف الان ...
قرأت في احدى الصحف ان الوضع الان في السودان يذكرنا بالشهور القليلة الماضية
التي سبقت تاريخ ٣٠ يونيو ١٩٨٩م..بل اسوأ...وان الوضع اصبح لا يحتمل..
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
اقتراح جديد امام المجلس السياسي بمط الفترة الانتقالية لفترة ٤٥ شهرا يسري مفعولها ابتداء من يوم غد
الاول من سبتمبر ...
ال فترة انتقالية ال...
المسكين الصادق المهدي منتظر انتخابات حرة نزيهة قال...ههههه
ومفتكر لمن قال امام البلاد ٣ خيارات: الفوضى، الانقلاب، او انتخابات مبكرة. هو مفتكر
الناس حتخرج مظاهرات وتطالب بالانتخابات المبكرة ....وهو ما عارف العساكر كنكشوا في السلطة
وحيمطوا الفترة الانتقالية ٣٠ سنة....هو في حد احسن من حد....
...والرقيب ينتظر ويترقب ..
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
نعود مرة اخرى لموضوع السفر بالطائرات وعذاب السفر ببعض خطوط الطيران كتلك التي سافرت بها ،وان شاء الله
عند عودتي خلال الاسبوع الاخير من سبتمبر ساخبركم باسم تلك الخطوط التي فقعت مرارتنا..مع انه في ناس بشكروها..
...ويبدو ان الخطوط التركية تريد ان تلحق بالخطوط القطرية من حيث الخدمات ورفاهية السفر فقد اتصلت بي اليوم صديقتنا
التي حضرت للسودان على الخطوط التركية ، وهي طبعا تعرف ما حصل لنا. وقالت انها الان تتصل من اسطنبول من فندق ٥ نجوم
وقلت ليها يعني حبسوكم في الفندق ، فقالت لا ...عندنا ترانزيت اكثر من ١٦ ساعة واستضافتنا الخطوط التركية في فندق ٥ نجوم
على حسابها...مع الوجبات المجانية ...واتفسحنا ...واخر ابهة وفخامة واستقبال ملوكي...
فحسدناها. وقالت انها الان متوجهة للمطار ببص تابع للخطوط التركية ...
...يعني التركية قربت تحصل القطرية ...
ونواصل لحين مسرة في مشاكل السودان...السياسية في المقام الاول ...حيث كل شخص يحتل منصبا غير منصبه ، ولا عزاء للاكفاء والمؤهلين
من التكنوقراط الذين يجلسون على مقاعد المتفرجين ،وهم يتعجبون من الذين يسيرون دولاب العمل ...ويضعون المتاريس امام دولاب العمل حتى
لا يسير العمل للامام ...
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
في الحقيقة بجملة ،:،يحتل منصب غير منصبه:،قاصدة بيه الشخص غير المناسب
في المكان المناسب ،،،واذا عاينا لوزراء الحكومة المدنيااااوووو الانتقالية ما بنلقى
ولا وزير في مكانه المناسب....
بل ان بعض الناس يتحدثون ان منهم من وقع في وحل الفساد وان لجنة التمكين تريد
اذن من قحت للتحقيق معهم ...
تصوروا تريد اذن !!!؟؟؟
والنائب العام الذي يمثل الحكومة في كل جرائم الفساد نائم ....
ووزير الداخلية نايم ، لكن اظن مدير شرطة الخرطوم صحا ...
...وسؤال من هو المسؤول عن تصليح وترميم شوارع الخرطوم !!؟؟
لمن يعرفوهو هو منو يجيبوهو ويربطوهو بحبل ويجروهو في شوارع
الاحياء الشعبية لمدة ساعتين بس ،نشوفو حيستحمل ولا لا !!!؟؟
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
ممكن واحد من الخبراء السياسيين يجاوب لي على السؤالين ديل::"
-ليه رؤساء الحركات المسلحة التي وقعت على اتفاق السلام ما اقنعوا عبد العزيز الحلو
وعبد الواحد محمد نور عشان ينضموا لمسيرة السلام !!؟؟
-قالوا واحد من الاثنين ديل مقيم في باريس ،عاصمة النور والثقافة!!
وفي فندق فخم!! من الذي يدفع منصرفات اقامته ، هل هي حكومة فرنسا !!!؟
ولماذا يقيم فرنسا وهو يدعي انه يقاتل من اجل المهمشين ...
ونحن نقول له بالصوت العالي :انت تقاتل من اجل نفسك فقط...
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
سالت احد سكان عاصمة الحديد والنار ومدينة انطلاق الثورات عن رأيه في الحكومة الانتقالية فقال :"
الثورة جابت حمدوك عشان هو اقتصادي دولي وممكن يصلح لينا الاقتصاد والمعيشة ترخص لكن للاسف
الشديد الحالة الان اصعب من زمان والحكومة ما حققت ابسط مطالب الثوار ..
قلت ليه انتو صبرتو ٣٠ سنة على عهد اللصوص والحرامية كمان اصبروا سنتين ثلاثة على حمدوك ،فقال ؛
لا ما بنصبر ، كفاية سنة واحدة...اذا صبرنا اكثر من كده الدولار حيصل الف جنيه، وما في زول بيقدر يشتري
ولا قزازة موية وحنموت بالجوع...وانا شايف ان الحكومة دي حكومة ضعيفة ووزراءها ما مؤهلين لقيادة الشعب
نحو بر الامان ،
قلت ليه :طلباتك شنو!!
قال: الحكومة دي تتغير الان ويجيبوا ناس مؤهلين يقدروا يحلوا مشاكلنا ...والمصيبة ان الفساد بدا ينتشر بينهم...
وذكرونا بعهد بشة...
واهة رايك شنو في المجلس السيادي ،،،!؟
فقال فيهم ما لم يقله مالك في الخمر...
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
قرأت بوست كتبه الصحفي زهير زميل المنبر بعنوان:بنك السودان يصدر عملة جديدة من فئة الالف جنيه
وكنت اود ان تكتب التعليق هنا في هذا البوست ، ولكن اخترت ان اكتب التعليق على هذا القرار العجيب في
نفس بوست ابو الزهور ، فنرجو قراءة التعليق هناك..
..ولكن لي سؤال طارئ وهو ان عهد اللصوص والحرامية كانوا يطلقون على مبلغ الالف جنيه ، مليون جنيه
واذا عندك ٥ الف جنيه يقولوا عندك ٥ مليون جنيه، مع ان الورقة المالية واضحة مكتوب فيها
القيمة ..فلماذا نستمر ونصر ونلح بان نطلق على مبلغ ٥ الف جنيه ونقول ٥ مليون جنيه !!!؟؟.؟
افتونا يا ناس بنك السودان اذا كان في واحد فيكم اقتصادي ...
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
معظم الذين استشرتهم في الخرطوم ،بما في ذلك سكان الاحياء البرجوازية زي المنشية والطائف والرياض والرياض واحياء المطحونين في الحاج يوسف
والكلاكلات وما جاورها على الرغم من ان بعض المباني في تلك الاحياء التي يسمونها فقيرة لا تجد مثلها في جنيف او نيويورك
وكذلك سكان مدن كوستي وعطبرة يقولون ان العساكر لن يتركوا الحكم وليست هناك فترة انتقالية وان هذه الفترة الانتقالية سوف تمتد الى ما لا نهاية..
ونأتي للتفاصيل ..
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
وقبل ما نواصل حكايتنا عن رأى الناس في العساكر وفي حكومة حمدوك الضعيفة ،نقول بان اسوأ خطوط طيران
هي flydubai والاماراتية ...اختوا الاثنين ديل...تنعموا بسفر مريح وجميل والا حيصدق عليكم قول ان السفر قطعة من جهنم..
وانا غيرت خط الرجعة ....وحاسافر بالتركية ....وكنت افضل الاثيوبية على حسب نصيحتكم لكن الخطوط الاثيوبية مافي حجز..
ونواصل لحين ميسرة
| |
|
|
|
|
|
|
|
|
|
Re: يا حليلك يا الخطوط القطرية..افخم واروع خطو (Re: امتثال عبدالله)
|
اذا كان الدولار وصل في اتبرا اليوم ٢٧٥ جنيه فان توقعات ايمن نواي بان الدولار سيصل ٥٠٠ جنيه مع بداية العام
الجديد سوف تتحقق...
والله يكضب الشينة لان الشعب المغلوب على امره سوف يعاني اكثر واكثر ...
ومدينة الثورات ومعقل الابطال جاهزة للثورة وتصحيح المسار الى الافضل ..
| |
|
|
|
|
|
|
| |
بدر الدين الأمير
Abureesh
احمد عمر محمد
ابو جهينة
ترهاقا
Mahjob Abdalla
نعمات عماد
عزالدين عباس الفحل
Deng
خضر الطيب
Ahmed Yassin
السر عبدالله
دفع الله ود الأصيل
علي عبدالوهاب عثمان
يحي قباني
Ali Alkanzi
Arif Nashed
فيس بوك
تويتر
انستقرام
يوتيوب
بنتيريست