|
Re: يا جماعة ناس (أمريكا) .. الكلام ده معناهو ش� (Re: الشيخ سيد أحمد)
|
Quote: لكل ولاية عدد من كبار الناخبين يساوي عدد ممثليها في مجلس النواب (حسب عدد سكان الولاية) وفي مجلس الشيوخ (اثنان لكل ولاية بغض النظر عن الحجم).
لكاليفورنيا مثلا 55 من كبار الناخبين، ولتكساس 38. أما الولايات الأقل كثافة سكانية مثل آلاسكا وديلاوير وفيرمونت ووايومينغ فلكل منها ثلاثة ناخبين كبار. |
كل ولاية عندها عدد من كبار الناخبين حسب الاصوات الممنوحة لكل ولاية في انتخاب الرئيس وده مرجعيته إلى دستور 1787 وتم حسب الكثافة السكانية وأهمية الولاية ومدخولاتها كونها ولاية صناعية و .... و .... فكل ولاية لها عدد من كبار الناخبين حسب الأهمية يعني كالفورنيا 55 من كبار الناخبين وآلاسكا 3 من كبار الناخبين بنسلفانيا 20 من كبار الناخبين كاولينا الشمالية 15 وبيساوي عدد ممثلين الولاية في مجلس النواب يعني كالفورنيا لها 55 ممثل في مجلس النواب طبعا مجلس الشيوخ لكل ولاية ممثلين اثنين غض النظر عن الكثافة السكانية والاهمية كل ده بيصب في خانة الاجمالي المطلوب للرئيس وهي الـ 270 المعروفة ليتم تنصيبك كرئيس لامريكا
Quote: لكن تفاصيل الفوز ليست بهذه السهولة، فوزيرة الخارجية السابقة حصلت على قرابة 3 ملايين صوت أكثر مما حصل عليه منافسها الجمهوري، إلا أنه بفوزه بفارق ضئيل في ولايات حاسمة تخطى ترامب عتبة 270 صوتا الضرورية من أصوات الهيئة الناخبة، للوصول الى البيت الأبيض، ما هي قواعد النظام الانتخابي الأميركي؟
ما الهيئة الناخبة؟ يلتقي أعضاء الهيئة الناخبة وعددهم 538 في عواصم ولاياتهم مرة كل أربع سنوات بعد الانتخابات الرئاسية لتحديد الفائز، ويتعين على مرشح رئاسي أن يحصل على الغالبية المطلقة من اصوات الهيئة، أي 270 من 538 صوتا، للفوز.
ويعود هذا النظام إلى دستور 1787، الذي يحدد قواعد الانتخابات الرئاسية بالاقتراع العام غير المباشر في دورة واحدة.
وكان الآباء المؤسسون للولايات المتحدة يرون في ذلك تسوية بين انتخاب رئيس بالاقتراع العام المباشر وانتخابه من قبل الكونغرس وفق نظام اعتبروه غير ديموقراطي.
ورفعت إلى الكونغرس على مر العقود مئات المقترحات لإجراء تعديلات أو لإلغاء الهيئة الناخبة، إلا أن أيا منها لم يمر.
من هم كبار الناخبين ؟ غالبيتهم مسؤولون منتخبون أو مسؤولون في أحزابهم، لكن أسماءهم لا تظهر في بطاقات الاقتراع، وهوياتهم غالبا غير معروفة للناخبين.
لكل ولاية عدد من كبار الناخبين يساوي عدد ممثليها في مجلس النواب (حسب عدد سكان الولاية) وفي مجلس الشيوخ (اثنان لكل ولاية بغض النظر عن الحجم).
لكاليفورنيا مثلا 55 من كبار الناخبين، ولتكساس 38. أما الولايات الأقل كثافة سكانية مثل آلاسكا وديلاوير وفيرمونت ووايومينغ فلكل منها ثلاثة ناخبين كبار.
ويمنح الدستور الولايات حرية أن تقرر آلية اختيار كبار الناخبين. في كافة الولايات باستثناء نبراسكا وماين، المرشح الذي يفوز بغالبية الأصوات يحصل على أصوات جميع كبار الناخبين.
مؤسسة مثيرة للجدل في نوفمبر 2016 فاز ترامب بـ306 من أصوات كبار الناخبين. ووقع ملايين الأميركيين الساخطين على عريضة تدعو كبار الناخبين الجمهوريين إلى قطع الطريق عليه. لكن المساعي باءت بالفشل في غالبيتها، لأن عضوين فقط في تكساس التزما بالدعوة، ما ترك ترامب مع 304 اصوات.
وندد الجمهوريون بالخطوة بوصفها محاولة بائسة من نشطاء رفضوا الإقرار بالهزيمة.
والوضع الاستثنائي في 2016 المتمثل بخسارة الاقتراع الشعبي ورغم ذلك الفوز بالانتخابات، لم يكن غير مسبوق، فخمسة رؤساء سابقين وصلوا إلى البيت الأبيض بهذه الطريقة، وكان أولهم جون كوينسي آدامز عام 1824 أمام أندرو جاكسون. وقبل فترة غير بعيدة شهدت انتخابات 2000 التباسا كبيرا بين جورج دبليو بوش والديموقراطي آل غور.
وكان غور فاز بفارق 500 ألف صوت عن بوش على المستوى الوطني، لكن عندما فاز بوش بأصوات فلوريدا ارتفع مجموع أصوات الهيئة الناخبة إلى 271 ما حسم الرئاسة لصالحه.
عملية تصويت حقيقية أم مجرد إجراء شكلي؟ لا شيء في الدستور الأميركي يرغم كبار الناخبين على التصويت باتجاه أو بآخر. وإذا كانت بعض الولايات ترغمهم على احترام نتائج التصويت الشعبي وامتنعوا عن ذلك، يمكن معاقبة "غير النزيهين" بغرامة.
لكن في 2020 قضت المحكمة العليا أنه بإمكان الولايات معاقبة كبار الناخبين الذين يمتنعون عن التصويت، بوضع قوانين ترغمهم على الاقتراع بحسب نتيجة التصويت الشعبي في تلك الولاية.
بين 1796 و2016، أعطى 180 من كبار الناخبين أصواتهم إلى غير المرشح الرئاسي أو نائبه الفائز بالولاية. لكن الناخبين الرافضين لنتائج التصويت لم يؤثروا أبدا على النتيجة النهائية لهوية الرئيس المقبل.
موعد اجتماع الهيئة الناخبة يجتمع كبار الناخبين في ولاياتهم في 14 ديسمبر لاختيار رئيس ونائب رئيس.
وذلك التاريخ حدده القانون الأميركي الذي ينص على أن "يجتمعوا ويدلوا بأصواتهم في أول يوم إثنين بعد ثاني يوم أربعاء في كديسمبر".
في 6 يناير 2021 يثبت الكونغرس الفائز بالرئاسة الذي يؤدي اليمين في 20 يناير.
|
دي بتديك الصورة بكل أبعادها تحياتي حبيبنا الشيخ سيد أحمد
| |
|
|
|
|
|
|
Re: يا جماعة ناس (أمريكا) .. الكلام ده معناهو ش� (Re: جمال ود القوز)
|
Quote: دي بتديك الصورة بكل أبعادها تحياتي حبيبنا الشيخ سيد أحمد |
حياك الله حبيبنا (جيمي ود القوز).
شرح وافي ..الكنت فاهمو خليتني افهمو زيادة.
الحاجة الوحيدة الاكلت معاي (جمبة) انو ناس (بكري اب صلعه) و (اسامة الخواض) ..يكونو فاهمين اكتر مني في الحتة دي :)
تحياتي (جيمي)
| |
|
|
|
|
|
|
Re: يا جماعة ناس (أمريكا) .. الكلام ده معناهو ش� (Re: osama elkhawad)
|
(بشة) يا لذيذ يا رايق. شفت كيفن.. (بكري اب صلعة_ من الحلفايا) و (اسامة الخواض_ من كبوشية)...الإتنين سمعنا بيهم في التاريخ القديم :) انت عارف يا (بشة) ناس( بكري اب صلعة) مواصلاتهم حدها (بحري_ جنب المستشفى) يعني اذا ماشين (الخرطوم) الا يركبوا مواصلتين...وفي رواية اخرى ينتظروا قطر (كريمة) :). ناس (الخواض) الا يركبوا قطر عدييييييل عشان يجوا المدينة :). تخيل ناس التاريخ ديل يكونو فاهمين موضوع الانتخابات اكتر من ناس بحري الشعبية. مش لي حق تأكل معاي (جمبة) :)
كسرة: يا (بشة) اذا انت زول بتحب الكوارع...ناس (بكري) في الحلفايا عندهم كوارع مبالغة...كوارع (اب صلعة) حاجة في (السلك)...مع انو انا ماقعد اكل كوارع ..لكن الشوربة بتخليك عيونك ( تكنتك).
| |
|
|
|
|
|
|
Re: يا جماعة ناس (أمريكا) .. الكلام ده معناهو ش� (Re: الشيخ سيد أحمد)
|
Quote: الشيخ* "قوقل" رضي الكلّ عنه، جعل كل المعلومات تقريباً متاحة.
*هو شيخ "الطريقة الرقمية الاسفيرية الافتراضية" . هههههه |
هههههههههههه
تعليق لذيذ يا خواض. عجبتني شيخ الطريقة دي:) لكن بامانه انت وناس بكري اب صلعة تاني مابترجعو السودان...خلعكم (التلج) ولا البيبسي ماعارف:( الواحد فيكم نسى زمااااان لمن يجيبوا ليهو قزازة البيبسي ....يرفع القزازة بي يد وباليد التانية يكون ماسك نخرتو :) هسه بقيتو تناقشو في الانتخابات الامريكية..غايتو الموضوع ده مسخن بي سخانة شديدة:)
| |
|
|
|
|
|
|
Re: يا جماعة ناس (أمريكا) .. الكلام ده معناهو ش� (Re: الشيخ سيد أحمد)
|
الشيخ،
هبشتا حتة حساسة جدا!!
ناس عقلية الانبهار في المنبر ده كلام زي ده مابفهو تب! اما المصلحجية فما بهوو بي عندو زاتو!!
هازول، هبشتا عرق حساس جدا، لو تعلم!
المسعلة، ما انتخابات ديمقراطية، او حريات او بتيخ ومااليه كما يتوهم الجميع!!
موضةع غريق جدا جدا، لدرجة الفرد العادي هنا لايفقه عن هذا شئ، وهذا ملعوب بذكاء، ككل شئ في امريكا!
لو لي، انا محظوظ الانتبهتا لي موضوع البوست ده، وانا طالب في جامعة الخرطوم!!!
نعم، اخدتا مادة "علوم سياسية" الاصلا كانت تابعة لي كلية الاقتصاد في زمنا، والمادة دي كانت بتدرسا واحدة دكتورة ايرلندية في زمنا!
زمن عجيب بحق، زمن التدريس بالانجليزي في جامعة الخرطوم اللي فعلا طلابا كانو بحق افذاذ!
اها الايرلندية دي، راحت معلقة شديد خالص، في موضوع ال Electoral College ده في امريكا او فتتو فت!!!
اها لما جيت امريكا بديت ايام الانتخابات اعمل استطلاع في الراي لي زبايني!!
يازول في 235 لقيت زول واحد سمع بالشي، او عندو فكرة!!!
ده موضوع بحرو غريق تب!!!!!!!!!!!! شلوووووووم! طبعووووووو، ياسودانيين!!!!!!!!!!!
| |
|
|
|
|
|
|
Re: يا جماعة ناس (أمريكا) .. الكلام ده معناهو ش� (Re: Bashasha)
|
Quote: كن بامانه انت وناس بكري اب صلعة تاني مابترجعو السودان...خلعكم (التلج) ولا البيبسي ماعارف:( |
اهلا الشيخ
قلت لاحد اصدقائي الامدرمانيين عن اننا في كبوشية في رمضان نبّرد البطيخة بي موية النقّاع.
فقال لي مندهشاً ومستغرباً: "انتو البلد دي المقعّدكم فيها شنو"؟؟
فأجبته: "بالعكس، كنّا في غاية السعادة"!!
فتعجّب، حتى انه فارقني دون ان يقول "مع السلامة" !!
هههه
| |
|
|
|
|
|
|
Re: يا جماعة ناس (أمريكا) .. الكلام ده معناهو ش� (Re: Bashasha)
|
شالوم يا بشة
انا طبعا بعجبني جدآ الزول البقرأ بي ذكاء. يعني شوف انت فسرت بي فهمك كيف . و حبيبنا خواض رده الذكي في ان المعلومة متاحة في (قوقل). يعز علي قول هذا لكن الخواض (طلع اذكى مني في رده ) مع انو حبيبنا (جيمي) زول ذكي ولماح واظنو برضو فهم الموضوع.
لكن بأمانه يا بشة...الموضوع فيهو (وهمة في شكل خلعة) كيف؟؟ لأنو فعلآ في ناس ما فاهمة.
Quote: المسعلة، ما انتخابات ديمقراطية، او حريات او بتيخ ومااليه كما يتوهم الجميع!!
موضةع غريق جدا جدا، لدرجة الفرد العادي هنا لايفقه عن هذا شئ، وهذا ملعوب بذكاء، ككل شئ في امريكا
|
يا سلام عليك يا بشة ياخي. بالصورة دي ح تكون صاحبي وفي رواية اخرى كاتبي المفضل .. ليه ؟؟ لانو انت بتعمل (تعرية) كاملة لي مفهوم متبع من فترة طويلة جدآ. بالله حاول اسهب عشان الناس الراكبة غلط دي ..تخلينا نقول للكمساري يخليهم ينزلوا ويديهم بالباقي (فول حاجات).
كسرة: برضو مزعلني موضوع (خواض) انو طلع اذكى مني في اجابتو ..وطلع فاهم اكتر مني:(
| |
|
|
|
|
|
|
Re: يا جماعة ناس (أمريكا) .. الكلام ده معناهو ش� (Re: الشيخ سيد أحمد)
|
Quote: اهلا الشيخ
قلت لاحد اصدقائي الامدرمانيين عن اننا في كبوشية في رمضان نبّرد البطيخة بي موية النقّاع.
فقال لي مندهشاً ومستغرباً: "انتو البلد دي المقعّدكم فيها شنو"؟؟
فأجبته: "بالعكس، كنّا في غاية السعادة"!!
فتعجّب، حتى انه فارقني دون ان يقول "مع السلامة" !!
هههه |
بمناسبة البطيخ يا خواض هل تعلم ان هناك مناطق في السودان (تشرب البطيخ)!!! كنت ماشي على (الميرم) في جنوب كردفان ...سواق البص عمل (تكلة) في حتة مابتذكر كويس (اظنها "بقراية" اسمها)...الهم الجو فيهو شوية سخانة كده..لقيت ناس قاعدين تحت ضل تبلدية وقدامهم بطيخة اكبر من راس (جنكيز خان :)..مقطوعة من فوق حتة بس...الناس دي قاعدة وكل زول يدخل يدو ويوديها على خشمو ويشفط ...شراب راسو عديييييل... انا الحقيقة الموضوع عجبني ...وقلت اعمل تطبيق للموضوع ده..في النهاية مشيت شربت مويه :) لأنو غلبني خالص اعمل العملية دي ..ياخي الناس يدينها تنزل وتطلع زي (البستم) والغريبة اليد مابتطلع الا وشايلة معاها (خمشة ) من البطيخة. البني ادم يتكيف مع بيئتو ويشرب وياكل بأدواتو...شايف الصينيين كيف...الواحد شايل ليهو عصايتين و (يجضم) ليك الرز تجضيم صاح. الشاهد في القصة دي انو البطيخ الحلو في (سنار) و(المنقة) الطاعمة في الباوقة والتمر الذيذ في الشمالية .. والبوست جاب (بشاشا) واظنو ح يرشكم رش تقيل و ح يفت لينا موضوع الانتخابات دي فت شديد ونحن قاعدين فراجة. بوكيرتوف ادون (بشة) و (كل هاكافود) ومتظرنك تجي ترش الجماعة. الترجمة: بوكيرتوف : صباح الخير كل هاكافود : كل الإحترام.
| |
|
|
|
|
|
|
Re: يا جماعة ناس (أمريكا) .. الكلام ده معناهو ش� (Re: osama elkhawad)
|
حياك الله خواض
Quote: اهلا الشيخ قصدت من حكايتي الماساوية مع الصديق الامدرماني التنبيه الى الديمقراطية الاجتماعية.. وحتى الديمقراطية السياسية كان اهلي فيها قطيعا باختيارهم؟؟؟ خلف راجل كسلا واولاده: المراغنة
|
. الخوف يسمعك (عادل امين) :) السادة المراغنة يا خواض ماشفنا منهم غير كل خير..ما حصل زل مشى وقاصدهم في شئ ورجع زعلان تسامح وتفاعل عجيب مع قضايا الناس. لذلك حتى كيفية الدخول في ركبهم لم يكن فيها فرض...كانت بمحض اختيار اهلنا. حبوبتنا (رحمة الله عليها) اذا واحد فينا قام بتعليق ولو بسيط عن السادة المراغنة كانت تزعل بحق ..وكل الاهل كبار السن في ذلك المكان...واعتقد انهم محقين في إحترامهم للسادة المراغنة.
Quote: أفلتنا من تلك الورطة الطائفية بقليل من التعليم الجيد مع قلة الامكانيات ، الذي فتح علينا بركات الحداثة واخواتها، على الاقل في الجانب الشعري |
اكاد استشف نبرة حنين الى ديارك وتلك البساطة التي تغلف مجتمع الشمال .. لا يا خواض الشعر لم يفتحه لك التعليم بقدر ما شكلته البيئة في دواخلك...ربما إزدادت حصيلتك من اللغة و مفرداتها ولكن البذرة تم بناؤها عطفآ على معطيات ذلك المكان... .فالتحية لي اهلنا في الشمال وتحية خاصة الى الختمية واتباعهم.
Quote: أعتقد ان التعليم مهم جدا في اي تغيير حقيقي .
وهو سلاح ذو حدي
|
أتفق معك تمامآ.
Quote: . فقد يفرخ كائنات سلفية متوحشة كما في السعودية، وقد يفرّغ الطلاب من الداخل،
|
ذكرتني حادثة حدثت لي مع واحد ملتزم جدآ ...مؤمن بالدعوة ويتبع منهجها ويسافر داخل السودان وخارجه في سبيل الدعوة ...في مرة سألته عن السلفيين فأجابني بإستفهام غريب قال لي ( هو السلفي زول)..لك ان تتخيل النظرة التي ينظر بها الآخرون الى السلفية المتشددة.
Quote: امريكا ديمة مشاترة: ربما رغبة في التميز، وهي البلد الاحدث في العالم الحديث ، حين دخلها الغزاة والمهاجرون والمضطهدون والحالمون والمنبوذون إلخ الوحيدة التي تتبنىّ نظام المجمّع الانتخابي
|
هذا النظام محتاجين الى تشريحه ..بشاشا دائمآ يأتي بأدلته وبراهينه ...ونحن ننتظره ليتناول الأمر من وجهة نظره حتى نتمكن من المتابعة ومن ثم التعقيب.
| |
|
|
|
|
|
|
Re: يا جماعة ناس (أمريكا) .. الكلام ده معناهو ش� (Re: الشيخ سيد أحمد)
|
إذا إفترضنا أن المرشح لمنصب الرئيس حصل على 270 صوت قبل إكتمال الترشيح من باقي الولايات...كما هو حادث الآن.. كيف ستكون هناك مشاركة حقيقية من كافة مواطني أمريكا في الإنتخاب؟؟ من الواضح ان هناك فئة كبيرة لن يكون لصوتها الإنتخابي تاثير كبير. بينما الواضح هو ان كبار الناخبين يمثل صوتهم ثقل أكبر من الشعب !! في شئ ما مفهوم ويحتاج لتوضيح...
| |
|
|
|
|
|
|
|