لا لا يا منتصر خليهو كدا بي عدتو كلها عايزنو والله اجازة ومأجزين .. سينمات واستادات وقهاوي ما في طريقة ليها مع الكورونا دي .. أها يعنى نقضي وكتنا وين بس.. .......... منتصر بطل الحسادة
اساسا المنبر ده اتفتح من أجل الأفكار الجديدة والمتجددة خاصة في نقد النظام الحاكم.. ولو بكرى خلاهو للزيكم كده حايكون امسخ من ملاح سكينة.. دحين يابكري؛ منصر ده ما تشيل سطره الوحيد داك.. ولكن صغره شوية.
08-02-2020, 07:17 PM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
الحكومة كان ما عندها معارضة قوية ما بتنجح حتكون حكومة ضعيفة اقل حاجة بتجيبها الواطة .. أهمية الأصوات المعارضة وافساح المجال لها بيدل على ثقة واتزان عكس ما يتخيل الكثيرين
في ناس كتار بعارضو يومياً وفي أي حاجة زي الهادي ومعتصم ادريس وغيرهم .. لكن واضح إنه عندهم قضية لكن في تلاتة ما عندهم أي قضية عمر التاج بوستاته عوارة .. عبد العظيم حزبية .. عز الدين الفحل قبلية
البوست بتاع مسجد الخرطوم مافيه لباسات يا منتصر ، انت بتجيب الكلام ده منين؟ قلنا ملابس داخلية يعني ممكن تكون فنائل وأقمصة قصيرة وهلم جرا بس مادام انت بديت ، فقلنا نتمها ليك والبادئ اظلم .. أحمد عمر أنت فهمك شنو لكلمة (قضية)؟ ماعايزين نجرح مشاعرك بنقاش الجملة الثانية امكن يكون فيك خير وناقش معنى القضية .. .. د. اخلاص فيك الخير .. وبارك الله فيمن أعطى وزاد بس في ناس كانوا بجهجوا باكات المنبر بمداخلة واحدة سيبك من 20 .. فتكم بعافية عشان كوتي خلصت ..
08-02-2020, 08:24 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18034
لا لا لباسات نسوان عديل ومعاهن اولويز كمان عليك الله دي مواضيع بضحكوا ويتحرفنوا فيها الله يقرفك ويقرف يومك ما عندك ذرة احساس أدمنت العوارة مالية ليك فراغك جاي عليك الله تعرض بي فيديوهات فض الاعتصام والبنات القلعوهن هدومهن في المسجد!! ياخي ما عندك اخوات انت؟ بس ما فكرت ساي الأولويز دة الدخلوا المسجد شنو؟ عليك الله المرة الجاية جيب واحدة بغتصبوا فيها وهي بتكورك واكتب اسم البوست صوت المرأة عورة
08-02-2020, 08:42 PM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
Quote: البوست بتاع مسجد الخرطوم مافيه لباسات يا منتصر ، انت بتجيب الكلام ده منين؟ قلنا ملابس داخلية يعني ممكن تكون فنائل وأقمصة قصيرة وهلم جرا بس مادام انت بديت ، فقلنا نتمها ليك والبادئ اظلم ..
عمر التاج بعرضك للفيديو الغير لائق لبيت من بيوت الله فى هذا المنبر المحترم طالبت وبشكوى شديدة اللهجه للأخ بكرى بسحب ذلك البوست وكذلك لا بد من إيقافك كليةً .
08-03-2020, 04:38 AM
خضر الطيب
خضر الطيب
تاريخ التسجيل: 06-24-2004
مجموع المشاركات: 10272
Quote: عمر التاج بعرضك للفيديو الغير لائق لبيت من بيوت الله فى هذا المنبر المحترم طالبت وبشكوى شديدة اللهجه للأخ بكرى بسحب ذلك البوست وكذلك لا بد من إيقافك كليةً .
كلامك سليم خاصة و أن القضية بالغة الحساسية بالنسبة للضحايا و أسرهن تصرف هذا الكوز غير لائق على الاطلاق خاصة و ان المنبر مقروء و متابع من اعداد كبيرة و فيهم اجانب لا أحد يقبل مثل هذا التصرف الأرعن يجب ايقافه و الى الأبد
08-03-2020, 05:01 AM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
كويس انها جات منك يا عبد الله عبد الله انا زاتي منبر بيكتب فيه الهوام مابشرفني ومنبر فاقد للحرية يطبلوا فيه البوستات ما بكون سعيد وانا بكتب فيه.. مش دايرين شمولية وكتابة من اتجاه واحد؛ اها اشبعوا فيها.. بس لمن تنعكس عليكم ما تقعدوا تبطبطوا.. انا عمري ما طلبت قفل بوست أو سحبه؛ لاني مؤمن بافق الحريات الواسعة الما بتقدروا عليها وان حرصتم.. نجي للفيديو البتقول عليه قذر.. اولا؛ الفيديو ليس فاضحا وهو موجود في النت قبل فض الاعتصام؛ بس كان بدون صوت وثانيا مافيه حاجة قذزة؛ لباسات البنات والستيانات موجودة في بيت اي زول؛ وعادي بنشتريهم لنسوانا بدون خجلة والحمد لله؛ الشى الغير لائق هو وجودها في المسجد بسبب لايعلمه الا الله؛ ومحاربة هذه الممارسة كانت سببا في فتح البوست؛ وجيت انت طبلت البوست عشان تغطغط على هذه الممارسات وتتطمسها. ثالثا: الفيديو ماعنده علاقة ابدا باغتصاب الكنداكات؛ وكل ماقيل فيه كذب وافتراء وما بنيتم عليه شكواكم لبكري مجرد تضليل باطل. ولقد بينت ذلك في مداخلة في بوست احمد عمر لم اوفق في رفعها وملخصها الاتي؛ .. عمر التاج فرحان ولا زعلان يا احمد عمر؟ كدي اول شئ شوف أيقونة البوست بتاعي شنو عشان ما تتهابل ساكت.. تاني شي لا البوست ولا الفيديو الأنت بتتحدث عنها عندها علاقة بفض الاعتصام.. اسه انت سامع أصوات رصاص ولا شايف آثار دخاخين؟، يوم فض الاعتصام كان الرصاص بتسمع في الكلاكلة خليك من مسجد الجامعة في نص ساحة الاعتصام.. وعشان تبرد أكثر.. الفيديو ده يوم أتصور ماكان في اي بنت اغتصبوها.. الشئ الثالث انا قريت عشرات الافادات عن اغتصاب الكنداكات.. اغلب الافادات ان الاغتصاب كان في دفار شرطة أو خيمة اعتصام أو تحت الكبري او في داخل مباني جامعة الخرطوم، ولم أسمع باغتصاب تم في مسجد.. لو عندك تسجيل بنت قالت كده جيبوه ومنك نستفيد.. وحتى الجندي الكان بتكلم في الفيديو كان بيتحدث عن انتهاكات بيت الله ويتعوذ بالله من هذه الانتهاكات؛ فكيف يتحدث كذلك من يغتصب النساء؟ الشى الرابع المكان المعروض في المسجد هو مكان الصلاة وليست غرف خاصة؛ والمعروضات في الصورة فيها ستيانات وفنائل داخلية؛ فهل بالمنطق كده وفي ظروف مثل هذه؛ يوجد للمغتصب الوقت والراحة لتجريد الفتاة من هذه الأشياء ليغتصبها؟ العايز يغتصب مايحتاج يطلع ده كله والبغتصبوها ما بتجرد نفسها من الثياب؛ ولو في اغتصاب كان بتظهر آثار دماء وفوضى ولكن في الفيديو مافي؛ فهل كان اغتصاب ابيض؟ كان ممكن تبرر وجود الملابس بأن الجنجويد اشتروها وبعثروها أو لقوها في الشنط وأخرجوها؛ والسؤال هنا ما هو لزوم وجود الشنط في المسجد؟ الشي الخامس كان ممكن تناقش الفيديو وتسب المغتصبين بدون ما تذكر اسمي في رأس البوست؛ اذا عندك دليل على من اغتصب الكنداكات من هذا الفيديو أو غيره فالأولي لك ان تتوجه بنفسك نحو لجنة أديب؛ وتقبض على من صور الفيديو وعلى من نفذ الدخول إلى المسجد وعلي كل الجنجويد وقائدهم حميدتي؛ ولكنك ومن خلال ردودك وكتاباتك في المنبر تبدو كمن يغطي شاربه بطرحته؛ ولن تجرؤ على ذلك ابدا يا احمد عمر.. هذا واي نقاش لي لاحقا؛ سأجعله في البوست الأصلي.. البتحدث فيه عن الغيرة على بيوت الله ولا علاقة له بالمغتصبات. هذا وبالله التوفيق؛ وبحمد الله انتهي عهد الكتابة المجانية.
ليس ناقل الكفر بي كافر يا ناس المليس هو صورو ولي اخرجو اي حاجة حلصت في السودان تظهر عشان البلد تنظف منتصر المخستك البوست ده يدل علي سطحيتك وجهلك البورد ده ما غرزة شيوعيين ولي نجلت الخرطوم بس عشات كده زعلت واعبر عن شعور كده https://top4top.io/
يا عمر التاج دارفور من زمن مستر مور والادارة الاهلية وحتي قبلو عبدالله التعيشي دواس رجال وقبائل ما شفنا في حاجة زي دي حصلت في السودان في الخرطوم وفي دارفور وتصدق الشفرة فكيناها من اين اتي هؤلاء وقالو شنو سلام حرية عدالة والثورة خيار الشعب ما عرفناها بي الوادي ولي الشنقطي افتح ملف مناع عليك الله وصلاح قوش وناس ق حت عارفين
انت يا عمر راسك دة ما فيه مخ؟ الجنجويد البدخلهم مسجد الجامعة شنو؟ شايلين عصيهم وحايمين في طابق النسوان لشنو؟ تقدر تقول مناسبته شنو؟ والنزلو شنو زمان مع فيديوهات فض الاعتصام؟ وبالله عليك هسة وجود الملابس الداخلية في المسجد بس خلاص طوالي نسبته لسبب لا يعلمه إلا الله وبعديها بديت تكيل للنسوان القلعن هدومهن ولباساتهن وستياناتهن براهن كدة في المسجد؟ غيران شديد على الدين والمسجد زي الجنجويد الداخلين بي جزمهم وعصاياتهم للجامع وشنو أصوات الرصاص الداير تسمعها تاني يوم بعد ما كتلوا الناس واغتصبوا البنات بالليل !!! وبالمناسبة عشرات الإفادات السمعتها دي ما فيها كل الحصل هسة في إفاداتك دي جبت سيرة كلية الأشعة جامعة السودان؟ أها دي أشهر إفادة موثقة بالفيديو فما تعمل لي فيها فاهم أي حاجة
عليك دينك فكر قبل تكتب إدانة الملابس الداخلية الموجودة في المسجد قال!! ياخي عليك الله فكر الجاب الملابس الداخلية شنو قبل ما تدينها هسة عليك الله كلامك عن الاغتصاب دة قريتو قبل تكتبه ولا بتلخ ساي؟ شنو المغتصب ما بقلع الملابس الداخلية دي!! هسة دي جات في نافوخك كيف عليك الله! غايتو بس بتكتب ساي بدافع العوارة لكن ما عندك أي علاقة بالمنطق
08-03-2020, 08:11 AM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
الاشتراك الجنائي ل ق حت لمن يستمر مناع في كشف الثورة المزيفة دي ومعرفة ناس قح ت بي الفلم الامريكي المدبلج في القيادة وده بسمو الاشتراك الجنائي عشان كده غتست قضية القيادة يتسلو بي انقلاب 1989 وعمر والبشير ورهطه المفسدين وللقصة بقية وعندما تاتي المحاكمات الحقيقية اي شريط فيدو بطلع للناس وللمحكمة ذى ما حصل لي نظام صدام حسين وتاني زول رخيص برقص ويغطي دقنو ما في لا في البورد ولا في السودان
08-03-2020, 08:41 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11826
Quote: ساسا المنبر ده اتفتح من أجل الأفكار الجديدة والمتجددة خاصة في نقد النظام الحاكم..
كل سنة وانتو طيبين
لم افهم ما هي الرسالة التي اراد ان يوصلها الاخ عمر التاج للقاري من الاشارة للفديو؟ * هل هي ادانة لمن قام بمداهمة الفتيات المعتصمات بالمسجد في مصلى النساء ومعهن اغراضهن الخاصة داخل شنطهن وفعل مافعل ثم قام بالتصوير * ام هي ايصال معلومة ان هؤلاء بنات ناشذات اخترن المسجد في تلك الظروف المعروفة لتدنيسه وممارسة الرذيلة بداخلة؟
08-03-2020, 08:43 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11826
أصلاً عمر ناكر علاقة الفيديو باعتصام القيادة العامة هو ما عارفه متين ومناسبته شنو لكن بس ما حق القيادة العامة .. كدة ساي بس جنجويد لابسين رسمي شايلين عصايات وبتكلموا عن (القيادة) وبعد دة ما عندو علاقة باعتصام القيادة من متين مسجد جامعة الخرطوم بوصفوهو بالقيادة؟ وهل في سبب غير فض الاعتصام بخلى الجنجويد يدخلوا مسجد الجامعة سابقاً أو لاحقاً ؟ ياخي الشئ الطبيعي لمن زول يلقى ملابس نسوان داخلية يسأل نفسه أولاً شنو الجاب الملابس دي هنا! ومن متين النسوان بقلعوا لباساتهم في المساجد؟ دة الزول الطبيعي لكن ما ممكن طوالي يبدأ في الشجب والإدانة للنسوان الما شايفهم ديل ويمجد في الجنجويد أبين عصايات المحافظين على الشرف والدين! ياخي دي أصلو ما ممكن تجي في تفكير الشخص الطبيعي كلو كلو
08-03-2020, 08:57 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
كتب عمر التاج من نافذة الفيس : لحسن الحظ لا استطيع الرد!! ليه لحسن الحظ؟ عموما الموضوع ابدا ما عن ايقافك من الكتابة من عدمه انت تدعي انو الفيديو منشور من قبل تاريخ فض الاعتصام, وانا بقول ليك انه دا ادعاء كاذب, عليك فقط ان تجلب الرابط فيه الفيديو منشور قبل هذا التاريخ المشؤوم وتاني بقول ليك هذا إن كانت مصداقيتك تعني لك شيئا! أقول مصداقيتك لأن انسانيتك عرفنا ما قيمتها عندك وعند كل اطرش يستغل هذا الجرح الغائر للتكسب!
08-03-2020, 10:40 AM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
Quote: فقط اقول للكذبة الذين قالوا ان فيديو مسجد الخرطوم كان من ضمن فيديوهات فض الاعتصام
يعني انت ما عندك أي معلومة عن الفيديو ولا عارفه جاء من وين لكن بس ما تبع الاعتصام!!!! أديتني إحساس إنه فيديوهات الاعتصام دي مصورة بواسطة التلفزيون القومي وموجودة داخل مكتبته ومعروفة للجميع! علماً بإنه كل فترة بتظهر فيديوهات جديدة لو ما عندك توثيق واضح معتمد للفيديو يبقى تقبل بمنطق الأشياء شنو البدخل الجنجويد قسم النساء في مسجد الجامعة شايلين العصايات الشفناها في فض الاعتصام وبتكلموا عن الشيوعيات؟ ومن متين زول بلقى حاجة في الجامع يقول عملها شيوعي؟!!! علماً بإنه الشيوعي في مخيلتكم انتو البتتكلموا ديل ما عندو علاقة بالمساجد
Quote: ولذا عليهم أن يكفوا عن محاولة البحث عن حوار
مافي زول بحاور فيك يا عمر ولا في وجهة نظر هنا عشان نتناقش فيها هنا في تعظيم للمغتصبين البستعرضوا في غنائم جريمتهم وانت بتكبر وراهم وتدين في الضحايا القلعوهم هدومهم مافي زول راجيك توريهو كيف إنه المغتصب ممكن يكون حريص على دين الله والمغتصبة شيوعية تستاهل عشان داخلة المسجد بي أولويز هنا إنت استهنت بآلام الناس وبآلاف المصابين والقتلى والمغتصبين في أحداث فض الاعتصام محتاجين منك اعتذار واضح وصريح إنك غلطت وأخطأت التقدير وتغبش وعيك ولم تنتبه لارتباط الفيديو بفض الاعتصام أو تجيب ما يثبت إنه القيادة المذكورة في الفيديو دي ما ياها القيادة بتاعة الاعتصام لأنه لم يحدث أن تم توصيف مكان مسجد الجامعة بالقيادة إلا خلال فترة الاعتصام مافي حوار مع القاتل ولا توجد حرية في مساندة القاتل .. مافي حاجة اسمها وجهة نظري إنه المغتصبين ناس كويسين وغيورين على الدين .. دي ما وجهة نظر دة انتهاك لحقوق الضحايا واستهانة بأوجاعهم لا يمكن لشخص طبيعي إنه يتسامح معاهو
08-03-2020, 11:28 AM
adil amin
adil amin
تاريخ التسجيل: 08-01-2002
مجموع المشاركات: 37000
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة