|
Re: يا اهل المنبر، انصفوا الكنزي واعيدوا قراء (Re: Ali Alkanzi)
|
حبيبنا الكنزي .. تحياتي شخصياً أنا أحب أقرأ للذين عايشوا الحياة في الغرب وكذلك أراء اخواننا واحبابنا في المهاجر الغربية عموماً قراءتك للواقع كانت صحيحة لأن أي تغيير لم يحدث في الوضع الاقتصادي بل ازداد سوءاً
الدنيا كلها اصبحت وعود كاذبة
أحرف رئيس في الوطن العربي هو ( السيسي ) رغم خلافنا معه ولا أطيقه ولكن بصراحة زول حريف يعرف يلعب على الحبال ويجلب المليارات لمصر ويستر حال شعبه
عايزين رئيس خطير .. زول لف ودوران المهم يا كنزي أهلنا الغلابا خاصة في ضواحي الدنيا حتى علاج ملاريا معدوم .. نحن نرسل لهم من الخليج وغيره من المهاجر ولكن المهم المهم المهم عندي الادوية وهي غير موجودة كنا حنرسل من السعودية ولكن ما في سفر .. وبعدين السكري والضغط كمان انتشر .. والمشكلة في الدواء الاعمار بيد الله لكن أهلنا عندهم مصطلح ( الموت الجميل ) وهو ان يأتي الموت والادوية والغذاء والعلاج يكون متوفر للمريض .. ولكن الموت لعدم العلاج يؤلم الأهل الى الابد
صدقني الأكل هين وملحوق المشكلة في الدواء
الموسم الشتوي قادم وهو الركيزة لأهلنا .. يا رب
رئيس داهية .. مكر ودهاء ووعود ولو كاذبة لعب على الحبال ده الرئيس المطلوب ( نموذج السيسي ) بعدما ما نشبع نشوف الموضوع
معليش طولت عليك أنا بتكتب بعد استلام مكالمة من البلد شيء مؤلم قاتل الله الكيزان .. والغريبة البشير يتلقى العلاج في أرقي المستشفيات في الخرطوم
تحياتي الكنزي .. معليش صدقني اكتب بإحساس غريب .. لن اعيد قراءة ما كتبت لأنني كنت بإحساس صادق مع نفسي آسف للاخطاء الاملائية .. بدون مراجعة
| |
|
|
|
|
|
|
Re: يا اهل المنبر، انصفوا الكنزي واعيدوا قراء (Re: علي عبدالوهاب عثمان)
|
الاخ محمد البشرى سلام وشكرا لحضورك واعتذر لتأخير الرد على تعليقك وانت تقول:
Quote: يا كنزي مافي مقاطعة اقتصادية على السودان, اترفعت من 2017 |
يا ود البشرى انت رجل يغلب عليك العقل والمنطق في مداخلاتك وهذا ما لاحظته ولكن دعني اسألك وانا اطرح عليك حكمة العرب القديمة والتي تقول: الأثر يدل على المسير والبعرة تدل على البعير. وهل من بعرة او اثر يدل على ان المقاطعة الاقتصادية قد رفعت؟ ولتعلم حتى يومنا هذا غير مسموح للبنوك العالمية ان تتعامل مع السودان بالدلار عارف دا زي حكاية الزول تديهو عربيتك يقضي بها مشاويرو ولكن مفتاح السوتش عندك من عيوبنا اننا لا نتعامل بالواقع ومع الواقع وبواقعية
| |
|
|
|
|
|
|
Re: يا اهل المنبر، انصفوا الكنزي واعيدوا قراء (Re: Ali Alkanzi)
|
النظرية الكنزية في الاقتصاد.. النظرية الكنزية في السياسة.. نظريتان لا يعلى عليهما لمعرفة اتجاهات السودان المستقبلية.. الكنزي عندما تشجع وقال قولته الشهيرة (حمدوك ماسورة) كان كتاب المنبر يتلفتون كالبلهاء ويقولون ماذا يقول هذا المتخطرف حتى اثبت الواقع ماقاله الكنزي وعندما يتحدث في الاقتصاد فهو حديث خبير ملم بالسياسة الدولية امريكا وكل الغرب لا يعطي بمقابل.. و الحكومات الديمقراطية لا تعطي الحكومة المؤقتة الا الوعود والاماني والنظم الراسمالية لاتدعم النظم الاشتراكية حقيقة وان كان على رأسها ربيب صهيوني رفعت الكيبوردات وجفت الهارديسكات
| |
|
|
|
|
|
|
Re: يا اهل المنبر، انصفوا الكنزي واعيدوا قراء (Re: Ali Alkanzi)
|
Quote: وهل من بعرة او اثر يدل على ان المقاطعة الاقتصادية قد رفعت؟ |
بالحيل يا كنزي و بعير عديل مش بعرة أو اثر أصبر لي بجيب ليك ما يفيدك
Quote: ولتعلم حتى يومنا هذا غير مسموح للبنوك العالمية ان تتعامل مع السودان بالدلار |
الكلام دا خطأ! ما في حاجة اسمها غير مسموح للبنوك, في بنك ما عايز يتعامل وبنك عايز يتعامل, الجهة الكانت بتمنع التعامل و توقع العقوبات على البنوك و الشركات العالمية هي نفسها اصدرت خطاب واضح يشير الى ان جميع العقوبات الاقتصادية و المقاطعة على السودان اترفعت منذ اكتوبر 2017 و حتى للأسف بعض اللفحابة شالوا الخطاب و حاموا بيه على اساس انه رفع للسودان من قائمة الارهاب في خلط مريع.
| |
|
|
|
|
|
|
Re: يا اهل المنبر، انصفوا الكنزي واعيدوا قراء (Re: علي عبدالوهاب عثمان)
|
اخ علي عبدالوهاب شكرا لحضورك واقتطع من ردك بعضه وفيه تقول:
Quote: حبيبنا الكنزي .. تحياتي شخصياً أنا أحب أقرأ للذين عايشوا الحياة في الغرب وكذلك أراء اخواننا واحبابنا في المهاجر الغربية عموماً قراءتك للواقع كانت صحيحة لأن أي تغيير لم يحدث في الوضع الاقتصادي بل ازداد سوءاً
الدنيا كلها اصبحت وعود كاذبة
عايزين رئيس خطير .. زول لف ودوران المهم يا كنزي أهلنا الغلابا خاصة في ضواحي الدنيا حتى علاج ملاريا معدوم .. نحن نرسل لهم من الخليج وغيره من المهاجر ولكن المهم المهم المهم عندي الادوية وهي غير موجودة كنا حنرسل من السعودية ولكن ما في سفر .. وبعدين السكري والضغط كمان انتشر .. والمشكلة في الدواء الاعمار بيد الله لكن أهلنا عندهم مصطلح ( الموت الجميل ) وهو ان يأتي الموت والادوية والغذاء والعلاج يكون متوفر للمريض .. ولكن الموت لعدم العلاج يؤلم الأهل الى الابد
صدقني الأكل هين وملحوق المشكلة في الدواء
الموسم الشتوي قادم وهو الركيزة لأهلنا .. يا رب
|
اخي علي لكلامك مرارة في الفم واللسان، والمرارة ناتجة عن الحديث عن واقع هو امر سمعت خبر ليته كذب ان الاسمدة لن تغطي العروة الشتوية الله يستر اهل السودان ان شاء الله جميعهم الى الجنة جزاء صبرهم الله يستر وشكرا لحضورك البهي
| |
|
|
|
|
|
|
Re: يا اهل المنبر، انصفوا الكنزي واعيدوا قراء (Re: Ali Alkanzi)
|
تقديرا للتعليقات التي ترد في الفيسبوك فمن هنا وقابلا ساهتم بعرضها ثم الرد عليها في وقت لاحق فالشكر لكل من يدخل من نافذة الفيسبوك معلقا برأي حر وليس بالضرورة ان يتماشى مع رأي صاحب الطرح ونبدأ بعمر الامين وهو يقولك
Quote: Omar Alameen يا الكنزي ما تنتظر تأييد من ديل. أي زول ما يكون شيوعي وينتقد حمدوك أو أي من رموز نظامه سيوصم بالكوز والدولة العميقة والزواحف وهلمجرا. قول الفي رأسك وما عليك من زول. عذبونا ياخي عاجزين الحيل والحيلة كل فشل ينسبوهو للدولة العميقة. ماني عارف الشماعة دي بتنهري متين، مفروض يحددوا لينا عمر افتراضي لشماعة السجم دي. أعجبني · رد · يوم واحد
|
| |
|
|
|
|
|
|
Re: يا اهل المنبر، انصفوا الكنزي واعيدوا قراء (Re: Ali Alkanzi)
|
يا ود البشرى ساتعجل بالرد عليك لعك ترضى وتترك المجادلة لما هو افيد وذلك قبل قبل الاخوين الكريمين العمرين نملة والتاج اراك تقول:
Quote: بالحيل يا كنزي و بعير عديل مش بعرة أو اثر أصبر لي بجيب ليك ما يفيدك Quote: ولتعلم حتى يومنا هذا غير مسموح للبنوك العالمية ان تتعامل مع السودان بالدلار الكلام دا خطأ! ما في حاجة اسمها غير مسموح للبنوك, في بنك ما عايز يتعامل وبنك عايز يتعامل, الجهة الكانت بتمنع التعامل و توقع العقوبات على البنوك و الشركات العالمية هي نفسها اصدرت خطاب واضح يشير الى ان جميع العقوبات الاقتصادية و المقاطعة على السودان اترفعت منذ اكتوبر 2017 و حتى للأسف بعض اللفحابة شالوا الخطاب و حاموا بيه على اساس انه رفع للسودان من قائمة الارهاب في خلط مريع. |
يا اخ ود البشرى دعني اعيد ما حدث لي شخصيا عند قيامي في ابريل ٢٠١٨ لاحظ ابريل ٢٠١٨ بتحويل مبلغ بسيط من حسابي ببنك الاتحاد السويسري بجنيف لحسابي في بنك سويسري آخر بمدينة لوقانو السويسرية وليس السودانية واروي لك ما وقع لي علك تؤمن بأنك تعيش في خيال واحلام وردية إلى ان تدلني بالبعر او الاثر:
أنا موظف اممي بالمعاش اتقاضى راتبي من صندوق معاشات موظفي الامم المتحدة بنيويورك ويودع المعاش الشهري في حسابي في بنك سويسري بجنيف كل نهاية شهر عشان اجيب قروشي السودان لازم احولا لشخص آخر يقوم بتحويلها لاحد البلدان التي يتردد عليها السودانيين وعندما يقوم بالاستلام خارج السودان يعطيني المقابل هنا تصدقي حسابي عاملو بالفرنك السويسري عشان الامريكان ما يقبضهوه ويجمدوه في ابريل ٢٠١٨ قمت مليت الاورنيك اللكتروني بطلب تحويل معاشي لشهر ابريل لبنك سويسري آخر يعني من سويسرا لسويسرا بس ما تنبهت وضغطت على العملة التي يختارها الجهاز بصورة تلقائية ولم اتنبه لذلك وكانت لسوء طالعي هي (الدولار) وعيونك ما تشوف النور بعد مرور شهر التحويل لم يصل للحساب الأخر وعندما استفسرت من البنك قال لي أن التحويل تم حجزه بواسطة OFAC واليكي نبذة عنه:
Office of Foreign Assets Control www.treasury.gov/about/organizational-structure/... The Office of Foreign Assets Control (OFAC) of the US Department of the Treasury administers and enforces economic and trade sanctions based on US foreign policy and national security goals against targeted foreign countries and regimes, terrorists, international narcotics traffickers, those engaged in activities related to the proliferation of weapons of mass destruction, and other threats to the national security, foreign policy or economy of the United States.
وحتى تاريخ اليوم لم يصلني التحويل أو يعاد للبنك المرسل رويت هذه الواقعة الشخصية حتى يعي الناس إلى اي حد هي المقاطعة الاقتصادية مع السودان والسودانين وواقعة آخرى أبنائي من المرحومة سماح يدرسون في المدرسة الفرنسية بالخرطوم وهي الوحيدة في السودان وتابعة للسفارة الفرنسسية ولكن المصروفات المدرسية تدفع باليرو حولت مصروفات العام الدراسي لأبنائي الثلاث من حسابي في بنك سويسري بجنيف لحساب المدرسة في بنك فرنسي في باريس باليرو اعيد المبلغ لحسابي بتعليق من البنك أن لا يسمح بالتحويل المالي إذا المستفيد في السودان مما اضطرني أن اوقف ابنائي من الدراسة بعد قضاء اربعة سنوات وهم الآن يعانون كثيرا لانهم يدرسون باللغة الانجليزية والعربية في مدارس خاصة وحظهم في اللغتين قليل والكلام دا مستنداتو عندي وكنتَ عايز ارفع دعوى في باريس للحفاظ على حقوق الطفل بس البعد والغربة حبستني شفتي المقاطعة مشت لوين يا عالم اصحو وافهمو واعملوا
| |
|
|
|
|
|
|
Re: يا اهل المنبر، انصفوا الكنزي واعيدوا قراء (Re: Ali Alkanzi)
|
اخ عمر الامين شكرا لك وانت تؤازرني في الرأي وتقول:
Quote: : Omar Alameen يا الكنزي ما تنتظر تأييد من ديل. أي زول ما يكون شيوعي وينتقد حمدوك أو أي من رموز نظامه سيوصم بالكوز والدولة العميقة والزواحف وهلمجرا. قول الفي رأسك وما عليك من زول. عذبونا ياخي عاجزين الحيل والحيلة كل فشل ينسبوهو للدولة العميقة. ماني عارف الشماعة دي بتنهري متين، مفروض يحددوا لينا عمر افتراضي لشماعة السجم دي. أعجبني · رد · يوم واحد |
شكرا مرة ثالثة وسأمضي في ما اعتقد بانه الحق وهذه ذرة في جبل ضخم اسمه السودان نعزه ونعتز به يؤلمني ما يؤلم اهله ويفرحني ما يفرحهم
| |
|
|
|
|
|
|
Re: يا اهل المنبر، انصفوا الكنزي واعيدوا قراء (Re: Ali Alkanzi)
|
الاخ عمر نملة شكرا لحضورك واستشهادك بواقع معاش نَحِبُ نحن اهل السودان ان لا نراه ولكن عليهم ان يقرأوا ما قلت وهو كلام لا لبس فيه
Quote: سلام و محبة وهل من بعرة او اثر يدل على ان المقاطعة الاقتصادية قد رفعت؟
امس عندي تعامل مع البنك طلب من ان اتجنب التعامل مع اربع دول السودان...كوبا...سوريا...ايران |
| |
|
|
|
|
|
|
Re: يا اهل المنبر، انصفوا الكنزي واعيدوا قراء (Re: Ali Alkanzi)
|
شكرا لك اخ عمر التاج وانت تلبسني ثوبا ليته لي ولكن حبنا لهذا الوطن يفرض علينا الامانة والجهر بالحق ولو على انفسنا فقولك:
Quote: النظرية الكنزية في الاقتصاد.. النظرية الكنزية في السياسة.. نظريتان لا يعلى عليهما لمعرفة اتجاهات السودان المستقبلية.. الكنزي عندما تشجع وقال قولته الشهيرة (حمدوك ماسورة) كان كتاب المنبر يتلفتون كالبلهاء ويقولون ماذا يقول هذا المتخطرف حتى اثبت الواقع ماقاله الكنزي وعندما يتحدث في الاقتصاد فهو حديث خبير ملم بالسياسة الدولية امريكا وكل الغرب لا يعطي بمقابل.. و الحكومات الديمقراطية لا تعطي الحكومة المؤقتة الا الوعود والاماني والنظم الراسمالية لاتدعم النظم الاشتراكية حقيقة وان كان على رأسها ربيب صهيوني رفعت الكيبوردات وجفت الهارديسكات |
واحب ان ازيدك من الشعر بيتا كما يقول ظرفاء القوم بانه فات عليك أن تشير إلى ان الكنزي تنبأ بأن الدولار سيصل سقف المئة جنيه وقامت القيامة عليه ولم تقعد وقعد الجنيه ذليلاً تحت الحفر حاسر الراس مكسور الجناح ومكسوف الخاطر
وصعد الدولار على اكتاف امة يقودها اجهلها واقلها احساسا بحاجاتها كل شكري وودي اخ عمر
| |
|
|
|
|
|
|
Re: يا اهل المنبر، انصفوا الكنزي واعيدوا قراء (Re: Ali Alkanzi)
|
يا كنزي الله يرضى عليك انت اترك المجادلة, قلت ليك فرق بين بنك ما عايز يتعامل و بين بنك ممنوع, في اللحظة دي البنك الاهلي السعودي مثلا ممكن تحول منه اي مبلغ باي عملة لبنك فيصل في السودان لو عندك حساب فيه! و بنك الخرطوم فيه نفس الامكانية ومن بنوك معينة بيناتهم اتفاقات ومراسلين وغيره, بعض البنوك السودانية اعلنت حصولها على رخصة تقديم خدمات الفيزا الامريكية! القصة ما غلاط و تجربتك ليست مركز الكون حتى عممها و تعتبرها مقياس هاك طيب أقرا
الكلام واضح وما عايز اترجمه ليك اكيد أمّت عن سبب عرقلة التحاويل المالية و التعامل البنكي مع السودان فلعدة اسباب, منها ان السودان لازال على قائمة الارهاب - وارجو ان تفرق بين الموضوعين ولا تخلط - و الثاني ان النظام المصرفي السوداني بعيد عن استيفاء معايير الشفافية العالمية التي اصبحت احد المطلوبات بعد حداشر سبتمبر و الاتجاه العالمي لمحاربة غسيل الاموال و الارهاب و امكانية تتبع الاموال فبنوك عديدة حتى لو رفع اسم السودان من القائمة ستتردد قبل ان تتعامل مع بنوكنا ما لم نستوفي شروط عديدة و يتطور النظام المصرفي السوداني
دلائل اخرى على رفع العقوبات الاقتصادية أكيد سمعت بافتتاح مطعم كنتاكي في الخرطوم وفي الطريق بقية الفرانشايز الامريكية الممنوعة كانت بالمقاطعة و سمعت بالسماح لشركة بدر للطيران بشراء قطع غيار لطائرات البوينج و لو صبرت شوية ح تسمع بزيارة شركة جنرال الكترك للسودان و دخولها في مجالات الاستثمار و تطوير النى التحتية وخاصة السكة حديد! ودا كلو ما كان ممكن في ظل المقاطعة!
| |
|
|
|
|
|
|
Re: يا اهل المنبر، انصفوا الكنزي واعيدوا قراء (Re: محمد البشرى الخضر)
|
اولا شكرا كتير يا ود البشرى على تصوير الرسالة والتي ربما تفيدني على المستوى الشخصي لفك اسر معاشي الذي حجزه الاوفاك لا اكرر نفسي فهذه رسالة قد لا تداوي عليلا ما دام لا اثر للبعير ولا للسير شكرا اخ ود البشرى لجهودك وفهمك ولكن عايزين مفتاح العربية عشان نحصل المشوار والمفتاح ما زال بيد امريكا وليس بيد البنوك كما قلتَ
| |
|
|
|
|
|
|
Re: يا اهل المنبر، انصفوا الكنزي واعيدوا قراء (Re: محمد البشرى الخضر)
|
اخ محمد ودالبشرى لك شكري على مداخلتك التي هي اضافة للطرح ولكن يبقى الواقع واقعاً ولو كره ود البشرى وما قلته في صدر طرحي هو الماثل امامنا اليوم وهو استشهادي ب
Quote: الرئيس الفرنسي في مؤتمره مع حمدوك بباريس وضع الامور على بلاطة وقال مافي قرش بدخل السودان لاي غرض غير الاعانات المالية القادمة من دول الغرب إن كانت هناك اعانات مالية وهو ما فعلته فرنسا بتبرعها بستين مليون يرو لا تسمن ولا تغني من جوع ولم تدفعها بعد وستدفع منها ١٥ مليون في وقت قصير واشترطت ان تخصص هذه الاموال للفئات الضعيفة دون تفصيل منها لهذا فليعلم أهل السودان بأنه لن يكون هناك أي تعامل مع الغرب وبشمل امريكا وكندا واستراليا ونيوزليندا اولاً: إلا بعد اسقاط اسم السودان من قائمة الدول الراعية للارهاب ثانياً: رفع المقاطعة الاقتصادية المفروضة من امريكا على السودان إذا لم يتم هذان الشرطان فلا فلس حيدخل السودان ما تسمعوا ان السعودية والامارات اودعت مليار ونصف دولار في بنك السودان هذه احلام ظلوط أو احلام وردية
لأنه ممنوع للدول والبنوك التعامل مع السودان والسودانيين بالدولار او اليورو بامر امريكا
|
| |
|
|
|
|
|
|
Re: يا اهل المنبر، انصفوا الكنزي واعيدوا قراء (Re: nour tawir)
|
الاخت الاستاذة نور سرني تواجدك هنا والصادقون قليلون في زماننا هذا وان شاء الله انت منهم واراك تقولين:
Quote: يا الكنزى دا المكان الوحيد الما ممكن تلقى فيه العدل او الانصاف.. بيهاجمو الزول هجوم شديد و لما يتضح انه كلامو صاح كلهم بيفروا منه وبيخلوه فى النقعة.. لا اعتراف بانك كنت صاح و لا اعتراف بانهم كانوا خطأ فشنو؟ شوف ليك يا اخوى حاجة تانية |
استاذة نور هذا اضعف ما نستطيع تقديمه لوطن نحبه ونعتز بانتمائنا له وليس بالضرورة ان يكون كلما نقول هو الاصوب ولكن ما دفعنا للقول هو حبنا وانتماؤنا لهذا الوطن والتقييم متروك للقارئ والمشارك في هذا المنبر وسبق ان قلتُ في طرح آخر بأن الدولار سيقفز للمئة جنيه وكان بودي ان اقول للمأئتي جنيه فلم يعجب القول قومي وتهكم بشخصي بعض من اصحاب هذا المنبر وسخروا من قولي ولكن واقعنا اليوم القمهم حجراً فانقلبوا خاسرين ناسين ان الخسران الاعظم لحق بانسان السودان ولكن هل هناك من يعمل لرفعته؟ هذا هو السؤال
| |
|
|
|
|
|
|
|