|
|
|
 Re: يا امتثال معزومين وصحباتك صحن هندى رهيب ا� (Re: walid taha)
|
طبعا يا امتثال
| Quote: ولهسع لسعة الشطة بتلسع لسانا. |
النصري عارف انك مستحيل تاكلي البهار الحار.. والشطة (٢٢٠) فولت
دا بدل ما يعزمكم في ( فور سيزونز) او في Next Door Nobu حق( دينيرو)
طبعا ما قلنا مطعم (ماسا) حق السوشي الياباني عشان غالي مع انو قريب من بيتكم.
| |
 
|
|
|
|
|
|
|
|
Re: يا امتثال معزومين وصحباتك صحن هندى رهيب ا� (Re: يحي قباني)
|
والله يا الشريف الكتابة من الجوال عملية صعبة ،تكتب الكلمة في الكيبورد ،الكلمة براها تتغير لي كلمة
ثانية ،،،وطبعا كمان ما ممكن تشيل معاك اللابتوب معاك في كل لحظة ،،،
لكن صلحت الاخطاء ،،،
وشكرا لللفت الانتباه للاخطاء المطبعية ،،،وربنا يبعد عنكم شبح الكرونا ،،،
| |
|
|
|
|
|
|
|
|
|
Re: يا امتثال معزومين وصحباتك صحن هندى رهيب ا� (Re: امتثال عبدالله)
|
والله يا احمد ياسين اظن عندك خبرة بعاصمة العالم ،،،وطبعا مطاعم nobu بيمتلكها الممثل العالمي روبرت دي نيرو
، زي ما قلت انت،وهو طبعا ساكن نيويورك في حي الممثلين في داوتاون ،واظن سلسلة المطاعم دي للاغنياء فقط...نحن حدنا مطاعم
الفلافل والشاورما،،،والمطعم اليمني في بروكلين ،،،واشهر مطعم للفلافل في داونتاون منهاتن هو مطعم لبناني وقبل الكرونا الناس بيقيفوا بالصف
عشان يلقوا تربيزة فاضية في المطعم ،،،
وبالمنسبة معظم المطاعم في نيويورك مغلقة بسبب الكرونا لكن مفتوحة فقط للديلفري والتيك اوت..
| |
|
|
|
|
|
|
|
|
|
Re: يا امتثال معزومين وصحباتك صحن هندى رهيب ا� (Re: امتثال عبدالله)
|
Quote: اظن عندك خبرة بعاصمة العالم ،،،وطبعا مطاعم nobu بيمتلكها الممثل العالمي روبرت دي نيرو
|
طبعا يا امتثال .من بوسطن كنت في استديوهات في (هارفارد سكوير) ومنها لعنديكم في نيويورك
في (ش١٢٧) . لكن لقيتك ماشاءالله عارفة نفس المحلات الشعبية اللذيذة
لكن اميرة دي جنها حلل ..كل مرة ارح نعمل حلة.. زي جمال حسن سعيد في مسرحية في انتظار البترول
عشان تعرفي النصري دا ( كريم ) كيف .ويده طالقة . قال الحساب عند الباشمهندس قباني
| |
|
|
|
|
|
|
|
|
|
Re: يا امتثال معزومين وصحباتك صحن هندى رهيب ا� (Re: Ahmed Yassin)
|
نحن خمسة في الميز...كل يوم على واحدة تعمل الشوبنق وتعمل الحلة..وانا يومي يوم الاحد..
ويومين اكل برة البيت...ولكن من الكرونا بدأت.. حتى اليومين الاكل في البيت..مع حبسة الكرونا.قربت تجينا نفسيات..
وانا بقت طبختي المفضلة وجبة الكضباشي بتاعة خضر ...بدون لحم ...
لكن بنحاول نجرب وجبة النصري ...الغنم الجبلي..ونشوف اذا في مطعم هندي بيعمل الوجبة دي بدون شطة... ..
| |
|
|
|
|
|
|
|
|
|
Re: يا امتثال معزومين وصحباتك صحن هندى رهيب ا� (Re: امتثال عبدالله)
|
| Quote: وبالمنسبة معظم المطاعم في نيويورك مغلقة بسبب الكرونا لكن مفتوحة فقط للديلفري والتيك اوت.. |
طبعا بإستثناء المطاعم السودانية البتكون شغالة كرباوي فاتحة ضلفة واحدة :) يقول ليك (خٌش سريع يا زول )
إمتثال لو حولكم مطاعم سودانية كدي إتاكدى لينا من (السلوك) ده بلاي :) !!
| |
|
|
|
|
|
|
|
|
|
Re: يا امتثال معزومين وصحباتك صحن هندى رهيب ا� (Re: walid taha)
|
ما دام بتاكل فستق وبندق فأنت في السليم ...وما عندك عوجة ..والدكتور البنتعالج عنده يوم قال لينا الفستق والبندق والفول المدمس اكثر حاجة مفيدة للصحة ...وبتديك مناعة ضد جميع الأمراض، وطبعا منها الكرونا ...وسمعت نفس هذا الكلام من دكتور
القلب الشهير، دكتور Oz العنده برنامج في التلفزيون ،قال نفس الكلام ،،.ونفس الكلام قاله دكتور عربي مشهور في بروكلين ويشارك في برنامج "الأطباء "في التلفزيون ، بس نسيت اسمه وهو دكتور مصري،،،
وديل ٣ دكاترة بياكدوا ان اكل الفستق والبندق والفول المدمس مفيد للصحة ...
نحن طبعا بنجيب الفول المدمس من السودان، لان الفول المدمس هنا غالي شديد ...كيس صغير فيه كم حبة بي 7.99.......
| |
|
|
|
|
|
|
|
|
|
Re: يا امتثال معزومين وصحباتك صحن هندى رهيب ا� (Re: امتثال عبدالله)
|
يا سلام يا ويلي ياخ
| Quote: لا لا يا قباني ياخ لبن مطمبج كيف ؟! إنت تكون اكلتها فى أمريكا . الفالودا يا سيدي تأكلها فى الفاونتين قلب بومباي |
ياخي انت دولي ... عمم يحي دا اصلا قاعد في بلد متلجة شن عرفو بالفالودا الهندية دي
مافي طعم زي حقت بومباي .. لا تقول لي نيويورك ولا رودآيلاند.. ..حيث ابطعم ياخذك الى هناك
| |
|
|
|
|
|
|
|
|
|
Re: يا امتثال معزومين وصحباتك صحن هندى رهيب ا� (Re: Ahmed Yassin)
|
| Quote: ما دام بتاكل فستق وبندق فأنت في السليم ...وما عندك عوجة ..والدكتور البنتعالج عنده يوم قال لينا الفستق والبندق والفول المدمس اكثر حاجة مفيدة للصحة . |
شكلك سطحتي يا بتنا
انا اقصد جيلاتو بالفستق و البندق
بتعرفي الجيلاتو ؟ ايسكريم الطلاينه Gelato
دسم معمول بي heavy cream
يعني لا في السليم لا من يحزنون .. هههه
امشي جربيهو ... نيويورك مليانه محلات جيلاتو
اي Italian Bakery عندها
و كان دايره الابداع امشي نيوجيرسي و زوري محل Carlo's Bake Shop
ده سيدو الاسمه buddy عنده برامج فى التلفزيون
و انتي هناك بعد ما تاكلي الجيلاتو اشتري معاك Cannoli و ادعي ليا ...
| |
|
|
|
|
|
|
|
|
Re: يا امتثال معزومين وصحباتك صحن هندى رهيب ا� (Re: امتثال عبدالله)
|
Quote: لا ..لا..ما دام دخلت الجيلاتو في الفستق والبندق فأحسن ليك تبعد عنه....أو تقلل منه على الأقل...
والله قال ولا ترموا انفسكم إلى التهلكة ... |
لا و الله ...
once in a blue moon يا بتنا ...
و كمان في الصيف فقط ... و صيفنا قصير زي ما فاهمة ...
و العمر ليهو حاجاته كمان ... انتهى زمن الدواس ...
الكيلو بزيد من اكله و ما بنزل بي اخوي و اخوك ...
| |
|
|
|
|
|
|
|
|
|
Re: يا امتثال معزومين وصحباتك صحن هندى رهيب ا� (Re: يحي قباني)
|
أحبابنا الجميلين
يا جماعة انتو في العالم الأول ما شاء الله
يا ريت نمشي كده على ناس شارع الله أكبر
نحن ناس ضواحي الدنيا .. تركينج
بعدين أنا مرة معاي البنت وأمها .. ما كنت عارف ستاربوكس
البنت ورطتني بمبلغ معتبر أنا كنت فاكر ا لاسعار عادية
من اليوم داك أشوف ستاربوكس أصاب بالدوران
مودتي واصلوا البوست جميل ..
| |
|
|
|
|
|
|
|
|
|
Re: يا امتثال معزومين وصحباتك صحن هندى رهيب ا� (Re: علي عبدالوهاب عثمان)
|
استاذنا علي عبد الوهاب
اوعك من التركينج ،،الأميرة النوبية اخبرتنا انه بيعملوهو بطن ملح ...يعني بيرفع ضغط الدم
الى الف ....
أما استاربكس،،نحن اذا ما شفنا استاربكس كل يوم بنصاب بالدوران ووجع الراس ...بس الآن المشكلة
معظم المحلات مقفولة ...فقط ديلفري ..وتاخد حاجتك وتطلع...
وربنا يبعد عنكم شر الكرونا..
| |
|
|
|
|
|
|
| |
يحي قباني
Ahmed Yassin
elsharief
walid taha
Amira Hussien
Yasir Elsharif
علي عبدالوهاب عثمان
فيس بوك
تويتر
انستقرام
يوتيوب
بنتيريست