|
Re: وداللصيل-الخواض-الحاج حمد-محمد المرتضى..و� (Re: دفع الله ود الأصيل)
|
حياك الله وداللصيل.
Quote: الناس في الساعة ديك بتكون قلوبها نايمة. فحذار ثم حذار من تبسم عواقبه و يلات و حصاده ندم.عموماً ، لا بد من دعوة مفتوحة للضحك ، حتى و إن كان تكشماً برا سبب (يخلي الواحد متل نار القصب). |
ههههههههه فعلآ ده اسمو تبسم في مواضع التكشم :) العاقبة فعلآ لا تسر ولا تفرح.
عندي سؤال تاني يا حبيبنا- ليه عندنا فهم انو نحن مفروض نعمل رايحين من مشاعرنا تجاه بعضنا البعض كرجال- وكأن هذا الشعور والمبادرة به هي سلوك غير ذكوري!! وين العيب اذا إشتقنا لبعضنا البعض وأقرينا بهذا الشوق- العيب شنو هنا؟؟ يعني حواء حينما تجاهر بشوقها هذا فهي قد إرتكبت عيبآ؟؟ وعلى حواء أن ترتكب العيب وليس على الرجل ذلك؟؟ ياخي ده فهم بيض ومتخلف جدآ. عشان كده اسمح لي ياخي اني احيي (حواء) ستنا وتاج راسنا وصاحبة الفهم والذوق.
| |
|
|
|
|
|
|
Re: وداللصيل-الخواض-الحاج حمد-محمد المرتضى..و� (Re: دفع الله ود الأصيل)
|
Quote:
●بعدينك منو القال بنات حواء ما بضنن بمشاعرن يا زول والله يسلن الروح عديييل، حتين يبوحن ليك. و برضي كتير بسأل نفسي أقول-على لسان آدم- : وا أسفي.. وواشريري نا لو لو أهل الحارة ما أهلي وحويوة دي زاتا ميها أختي. و لكن عاد شن نسوي في العند و قوة الرأس.
داحنا الاتنين دافنينو سوا نش كِدا و لا إيه!! |
ههههههههه
ياخي فوق عدلن يا وداللصيل. هو بالله الدلال اذا ما كان من جنسنا الأرقى والألطف يكون من منو بالله:) بعدين مافي مقارنة بين إبتسامتنا الشينة وبين إبتسامة حواء. لاحظ انو ممكن يكون في زول مبتسم وهو خاتي ليهو (سفة) قدر عين الجمل:( بينما إبتسامة حواء فيها نكهة:) دي الإبتسامة بس- فما بالك بالحديث عن الشوق وكده. ياخي حواء غالبانا 8 صفر ياوداللصيل :)
| |
|
|
|
|
|
|
Re: وداللصيل-الخواض-الحاج حمد-محمد المرتضى..و� (Re: محمد المرتضى حامد)
|
Quote: ياخي حواء غالبانا 8 صفر يا ود اللصيل
|
● و الله في معاك معاك حق يا شيخي . فعلن بعرفن من وين ياكلن كتوفنا و يودننا البحر و نرجع عُطاش. لأنهن صابرات على بلاوينا من نحن (نطُفات) في بطونهن و قالو: " الصابرات جوابر و إن يجن قُمَّاح ". و أما عن فن الانشراح فتالله لو لا تبسم السماء في وجه الحقط القفر اليباب بلمعان بروقها ، ثم بصبِّ الماء صبَّاً و شقِّ الأرض شقَّاً لما أنبتت لنا حباً، و عنباً و قضباً ، و زيتوناً و نخلاً، و حدائق غلباً ، و فاكهةً و أباً : متاعاً لنا و لأنعامنا، أليس كذلك؟!و التحية و التجلة لأستاذنا محمدا المترضى و حضوره البهي.
| |
|
|
|
|
|
|
Re: وداللصيل-الخواض-الحاج حمد-محمد المرتضى..و� (Re: Ahmed Yassin)
|
Quote: الله يجبر خاطرك ويحفظك شيخنا ود سيداحمد.. بس الدنيا الزي سيرة الجن لا أكثر.. تسلم يا أصيل وصاحبك دفع الله الأصيل وكل الأحباب هنا.. |
الله يحييك يا حبيبنا. طالبنك واحده من قصصك العجيبة ديك:) بركة الشفناك طيب.
وعقبال نشوف اسامه الخواض وحاج حمد (حجوج).
| |
|
|
|
|
|
|
Re: وداللصيل-الخواض-الحاج حمد-محمد المرتضى..و� (Re: الشيخ سيد أحمد)
|
Quote: و الله في معاك معاك حق يا شيخي . فعلن بعرفن من وين ياكلن كتوفنا و يودننا البحر و نرجع عُطاش. لأنهن صابرات على بلاوين |
لا الحكمة مش في انهن يعرفن اكل الكتوف-الحكمة في صبرهن على الوصول للهدف وطريقة التفكير حقتن. يا ابوالدفع شوف ادارة المنازل- شكل التنظيم والترتيب ومتابعة طلبات الأولاد والمطبخ ومتطلبات الزوج البيكون عامل فيها سبع البرمبة وهو مابعرف يسلق بيض. مرات كتيرة تحس انك صغير جدآ لمن تشوف زوجتك قائمة بالأعباء دي كلها بدون تذمر وبدون اي انزعاج وبمحبة خالصة- تصحى اول زول وتمشي تنوم آخر زول.ياخي اي زول مابقدر يقدر العطاء ده معناها زول مجرد من اي حس إنساني. ونحن منفوخين على الفاضي- ماعارف فوق كم:( لا وفي النواع البقول ليك انا الراجل وانا علي القوامة وعلي شنو ماعارف-قوامة بتاعة فنيلتك :( تخيل يا ودللصيل قبل مده في زول زعلان من زوجتو- قال لمن جا داخل البيت ما جابت ليهو موية وهو جايي تعبان من الشغل. اتخيل بس. زول عندو خمسة اطفال- يعني ده زوجتو اذا وقفت بس قصاد المويه عشان تسقي الاولاد ويحصلو دور المويه معناها يكون المغرب اذن. انا المحيرني في حواء - بعد تعبها الكبير ده وإنشغالها بمسؤوليتها تلقاها تبتسم إبتسامه صادقة جدآ تزيح عنك اي نوع من أنواع العناء والزهج. ياخي والله تحية تقدير وإحترام وإجلال ومحبة خالصة إلى حواء ست الذوق والفهم.
كسرة: جاييك راجع لي ملاحظاتك التسعة.
| |
|
|
|
|
|
|
Re: وداللصيل-الخواض-الحاج حمد-محمد المرتضى..و� (Re: ABUHUSSEIN)
|
Quote: شيخي ما تمش بعيد و أدني عضانك العسير ،عمو جقود ما يسمعنا. و هاك الزيت دا .أخوك اللبام دي عزابي خسيت 15 كيلو. والليلة جبرتني (الكوفارة) جبت لي عقلة خدرة و سوبت لها كل الدواشات و التكاوين الممكنة و اللا~ممكنة. بس غلبتني أفرما أعافر فوقا لي ضحوة لامن جازفتها رميتا بطولا و هديك تجقجق لا عند المغرب ما عارفا تطلع طرشي و لا كيف. |
ههههههههههههه
بالغت ياخ- معقول انت ماعندك فكرة في المطبخ للدرجة دي :) انتو زاتك تتشوبر مالك- كان تشوف ليك بيض ولا طماطم ولا اي حاجة من نوع خف وزنه وشرع طبخه.
يا وداللصيل - النسوان عندنا من كترة تقديرنا ليهن كتبنا فيهن من زمنا طويل - ولسه ح نكتب:) جقود عندو نفس الفهم ده- لأنو ما ممكن يشذ عن ثقافة منطقتنا بإعتبارنا من ثقافة واحده. وما تستبعد انو يكون بيكتب قصاصات شعرية لكن عامل بيها ميت:) فما تخاف من جقود -هو زاتو بيكون مابعرف يعمل اي شئ في المطبخ :)
| |
|
|
|
|
|
|
Re: وداللصيل-الخواض-الحاج حمد-محمد المرتضى..و� (Re: الشيخ سيد أحمد)
|
Quote: [} لذلكك فلتستوصوا بدموع نساء العالمين خيراً، يا معاشر الذكور، حتى لو كانت بلا سببٍ يذكر. ألم ترَ يا صغيري لمَّا قطعوا منك حبلك السُرِّي يوم خروجك من رحم أمك إلى خضم هذا العالم الخَرِف؛ ثم تركوا له أثراً بعد عينٍ في بطنك، لعلك تتذكر به دوراً عظيماً لمخلوقةٍ كم تفانت لتسقيك عبره من شريان حياتها ، و من بين فرثٍ و دمٍ لبناً خالصاً سائغاً للشاربين.
[} فيارب ، إني أرفع أكف ضراعتي إليك بالدعاء، و بقدرما يخفق لي قلبٌ، و ينبض لي عِرْقٌ بالحياة بأن تهيئَ لأمهاتنا و سائر أمهات المؤمنين (الحيَّات) منهنَّ و الميتات ‚ متكأَ في فسيح جنة نعيمك التي وضعتها لنا تحت أقدامهِنَّ، اللهم آمين. |
يا سلاااااام. المحيرني قصة دموع المراة دي يا وداللصيل. مرات تتكلم في التلفون وبعد شوية تلقاها تبكي. تتكلم مع صديقتها وفي نص الونسه تلقاها تبكي. تكون مشتاقة لي زول برضو تبكي. والغريبة بعد ده تقوم بواجبها كامل ومكمل- وبرضو بتكوت بتبكي. انت في الوقت ده بتكون محتار في انك لازم تحترم خصوصيتها في الحتة دي وماتقوم تتشالق. وبين انك ماعايز انها تبكي. الحقيقة المسألة دي مربكة جدآ لأنو مابتكون عارف تعمل شنو:(
برضو ياوداللصيل في زول زعلان من زوجتو قال رفعت صوتها عليهو. والموضوع بقى كبير والزول خلاص لبس عباية تأبط شرآ. في راجل كبير من الجيران قال ليهو يا ولدي الفي شنو. قال ليهو بالله شوف المرة دي رفعت صوتها علي- انا يعني ما راجل وانا مش عارف شنو والنفخة الذكورية الكضابة حقتنا ديك. عمك خلاهو لمن ارغى وازبد- وقال ليهو ياولدي كدي براحة كده.
مرتك با ولدي من صباح الرحمن حايمة من (التكل) لي الاوضة لي اوضة وليداتك لي بتاع الخضار- اها كان رفعت صوتها يعني شنو- وبعدين النسألك يا ولدي المرة دي لمن رفعت صوتها عليك الكان في منو في البيت. قال ليهو كنا انا والاولاد بس. عمك قال ليهو: اها هسه الحلة كلها عرفت انو مرتك رفعت صوتها عليك:)
الزيت انو نحن بتاعين نفخة ياوداللصيل ونصفنا الآخر هو الأجمل.
| |
|
|
|
|
|
|
Re: وداللصيل-الخواض-الحاج حمد-محمد المرتضى..و� (Re: دفع الله ود الأصيل)
|
Quote: ♧ الزيت يا شيخي ما كملت لك درامة حلة الخدرة العنيدة. و اللي جبرني عليها إني زول بلدي للنخاع و ما بطيق التماطيق . فلامن خلاس ركبيني ساحن من وقفة الفرم كبيتا و لحقتها بكاتولة (كربونات) و خليتا، قلت أخلص. يلا بعد شوية أشوفا ليك فايرة طامحة لافوق الشي تقول: ركبا جناوي؛ سالت على سطح البوتاجاز عن بكرة أبيها و قعدت أقرع في سن الندامة و أضرب كفاً بكفٍ . ☆ علا قايلني عاد بخليها و لا برقد بي مغستا؟! كلا و الله و أنا أخوك الراسية. بالعكس، أخدت الموضوع شخصي ربطت ليها راسي بعصابة حمراء حقت الدبابين ديك ، عملت ليك فبها عملة نجار في عود ما يسوبها تخلي إبليس اللعين واقف يريل: جبت لي فُرتان رغيف عطنتو ليك في (الملاح المراق) و يلا بوسبتها ليك فتة بوش بي خدرة سايلة من عين الفرن مباشرتن ، تاكل أصابعينك وراها و ما تدي ااجنبك. ياخ ما قنالكم نحن ترابلة و"ما بتحير علا مغير" |
هههههههههههه ياخي ضحكتني ضحك- قاعد اتخيل في شكل الحلة الفايرة دي وانت قاعد تلاوي فيها :) شخصيآ يا ابوالدفاع بكون عامل حسابي جدآ لمن ادخل المطبخ. حاجتي محددة فيهو - القهوة في وقت معين- موضوع بياخد بالكتير تلاته دقلئق. بتخجل عديل لمن تشوف تعب النساء في ترتيب المطبخ. مابتشالق خالص - مع انو فكرتي بتكون احسن من (ابوحسين ) في المطبخ لكن عندي عاده سيئة جدآ في المطبخ- يعني ممكن اقطع البصل واللحمة واطلع ليك علب البهارات - والموضوع ده كلو مابكون ملاحظ لي انو المطبخ بقى زي سوق ام دفسو. وببدأ في مسالة النظافة بعد خلاص الحلة بتكوت بدأت تجقجق. اها الموضوع ده النساء ما بقبلوهو ابدآ - والله صبورات صبر ماشاء الله- اول باول نظافة ولمن تجي داخل المطبخ مابتحس بي انو في اي جوطه ونحن ممكن الجيران يسمعو الكركبة. ياخي نحن جايطين جوطه عجيبة - ولولا حواء كان الترابة في خشم اللزول القاعد يتلفت داك:)
| |
|
|
|
|
|
|
Re: وداللصيل-الخواض-الحاج حمد-محمد المرتضى..و� (Re: الشيخ سيد أحمد)
|
Quote: يلا جيناكم يا حبايبنا لمطبات النواعم. فهناك تسعُ آياتٍ فاضحاتٍ لغمزة الصنارة بين حسن و نعيمة》 1) تحيُّن الصدف المحضة للقيا مصطنعة؛ 2) إطالة أمد الحنك على طريقة: "هي عصاي أتوكؤ عليها ، و أهش بها على غنمي، و لي فيها مآرب أخرى" ( و لله ولأولي ااعزم من أنبيائه المُثُل العليا)؛ 3)سقوط وريقة توتٍ خربفيةٍ عند أخمص قدميك، على أن تكون يابسة، إلا من رقم أو حساب فيس مع نظرة حنانٍ، فغمزة لزوم الرغبة بلقاءٍ موعودٍ قريباً و لو خاطف(فيس 2 فيس)؛
4) تقديم الهدف بمناسبة أو بدونها ، للتعرف بعائلة أو أصدقاء (الصاروخ)؛
5) استنساخُ دقيقً لحركات و سكنات الهدف في الهينة و القاسية؛
6) بلَّيع الريق تاسف دُرابة مع الشوفة؛ و التكشم برا سبب متل نار القصب؛ و قد يتطور الأمر إلى ضكك لآخر ضرس لأبيخ نكاتك؛
7) اختلاس جرات نور إعجاب طويلة مع الغفَلات؛ حيثما يستباح النهب المصلح تحت جنح خسوف القمر ؛
8) أشد نوبات انفعال الوحوش الضارية، لكي تعقبها أرق و ألطف نسمات اعتذار الحملان الوديعة؛
9) رسم خططٍ كفافيةٍ على رمال مستقبلٍ بنفسجي فاتح "فرايحي االلون .. لأبو عيون أحباااب..ما بدري من عمرك"، مع تعمد حشر الصاروخ حشراً في أنف الهدف ، غصب حسنة، متل بياكم خرائط الكنتور.
في مثل هكذا حالات، تقول لنفسك، و قد طارت شعاعاً: انفد بجلدك يا سعد ، فقد طاح الحبيب سعيدٌ. |
مع إحترامنا للنقاط الجبتها دي- لكن برضو الضوء الأخضر يكون من نصفنا الأجمل. شفت المكانة الرفيعة دي كيف!! يعني مهما أوتيت من جاه ومال ومنجهة- برضو بتكون منتظر أن تؤتى سؤلك:) وبعد كده الواحد تلقاهو منفوخ وعامل ليك فيها ليمونه في بلد قرفانه -ويتناسى انو كان واقف منتظر يتعطفو عليهو بالقبول.
| |
|
|
|
|
|
|
Re: وداللصيل-الخواض-الحاج حمد-محمد المرتضى..و� (Re: الشيخ سيد أحمد)
|
Quote: رباعي صادح صعب جدا الكلام عن اصحاب العقل والقلم والاحساس الجميل
|
☆ شكلك يا شيخي من رافعي شعار شركة سابتكو: "خليك نقهب في مناظر الطريق و دع القيادة لنا"شايفك شايف هبوط ناعم مع الجنس اللطيف وكيير تلج دقاقة. ☆طبعن عارف أخوك وهن متل الكديس و الفار ، حتى لا نقول: الشحمة و النار . كتبت عنهم الكتير المثير بما لهن و عليهن ؛ و آخر انتاجي كان: "الحاج يريد تفريح ثم تسريح المُدام" و اللي انتهى مصيرو إلى مكب نفايات الأرشفة في خور المايقوما. عممون ، شكلنا أنا و أنت حنعمل ثنائي اتجاه معاكس حول القضية دي . بس هسي خلني أولن احتفي بهذا الدبور الرشيق و ربنا إن شاء يرفع قدم النحلة لا عندنا هنا؛ فاقدين دفء أنفاسا شدييد كانت مالية البورد حيوبة ، و لعو المانع خير. أحمد ياسين إنزبك ياخي الجابك يجيب لينا عقابك سعدنا جدن و الله بمرورك و لسة عندي معاك باقي كلام عن نوادر أهل الفن؛ فيا ريت تجيني نواصل ما انقطع.
| |
|
|
|
|
|
|
Re: وداللصيل-الخواض-الحاج حمد-محمد المرتضى..و� (Re: دفع الله ود الأصيل)
|
Quote: ☆ شكلك يا شيخي من رافعي شعار شركة سابتكو: "خليك نقهب في مناظر الطريق و دع القيادة لنا"شايفك شايف هبوط ناعم مع الجنس اللطيف وكيير تلج دقاقة.
|
هههههههه بالله ده اسمو كسير تلج:) لكن بالله حواء مش تستاهل التلج والعصير كمان:)
Quote: طبعن عارف أخوك وهن متل الكديس و الفار ، حتى لا نقول: الشحمة و النار . كتبت عنهم الكتير المثير بما لهن و عليهن ؛ و آخر انتاجي كان: "الحاج يريد تفريح ثم تسريح المُدام" و اللي انتهى مصيرو إلى مكب نفايات الأرشفة في خور المايقوما. عممون ، شكلنا أنا و أنت حنعمل ثنائي اتجاه معاكس حول القضية دي . |
برضو فهم. النشوف انت الفار ولا الكديسTom and Jerry:) انا غايتو من هسه مع جنسنا الالطف اعلن انحيازي التام لهن. الله يستر عليك من ناس (ليلى) ساعة الليل يبقى صباح:)
Quote: . بس هسي خلني أولن احتفي بهذا الدبور الرشيق و ربنا إن شاء يرفع قدم النحلة لا عندنا هنا؛ فاقدين دفء أنفاسا شدييد كانت مالية البورد حيوبة ، و لعو المانع خير. أحمد ياسين إنزبك ياخي الجابك يجيب لينا عقابك سعدنا جدن و الله بمرورك و لسة عندي معاك باقي كلام عن نوادر أهل الفن؛ فيا ريت تجيني نواصل ما انقطع. |
ايوه بالله إحتفي بيهو وانا زاتي بحتفي معاك-يستاهل (أحمد ياسين) زول الحلو . لكن بالله ما تنسى -إحتفي بي انا برضو:).
| |
|
|
|
|
|
|
Re: وداللصيل-الخواض-الحاج حمد-محمد المرتضى..و� (Re: دفع الله ود الأصيل)
|
Quote: ☆ محتفين بيك يا شيخي و أنت سيد الجلد و الراس. و بالمناسبة نسيت أقولك إنو (الحاج يريد تسريح المُدام) ورونا العين الحمرا وشرارة فأضطررنا قلبناه: " الحاج يضرب تعظيم سلام للمُدام". زي برضو زمانك في الراكوبة كان هبشناليك المرة النكدية؛ و لامن عصرونا لحسنا كلامنا و عملناها كندية. عشان قالو في كندا من قلة الرجال تعرس واحدة بلصقولك معاها تلاتة ملحوتي، نظام عرض( 4In One) شفت جنس الرخا هناك؟! |
هههههههههه بالغت في موضوع كندا ده.. قلت لي كيف- اها الOffer بتاع الأربعة ديل بي شهادة بحث ولا تسجيل مجالس:) ياخي شكلك ح تمتعنا في البوست ده. هادي قعدة يا عمك. كسرة اخيرة: لازلنا في انتظار ظهور الخواض وحجوج- ودالمرتضى منتظرين اندياحك.
| |
|
|
|
|
|
|
Re: وداللصيل-الخواض-الحاج حمد-محمد المرتضى..و� (Re: دفع الله ود الأصيل)
|
Quote:
برضو فهم. النشوف انت الفار ولا الكديسTom and Jerry
|
●أففوو آشيخي أنا التوم طبعن لكن (Jerry) كيفن عاد ؛ و نحن لا بنجر و لا بنعرف (الجري) و كان كشكش كديس تلقانا قايمين(عِري) ؛ لكن مفطومين بي لُماصة عجين مُر و مكحلين بي شطة قبانبت لامن كافرة كلو كلو. ☆ يلا تعال نوريك مواقفنا الحازمة من جنسنا اللطيف. ● ففي وِفقةٍ من وَقَفات تأملنا الإيحائي على حافة الفراغ ، ابتدينا نشك في من خطَّط فعلاً لتطوير هذه الكرونا من كائنٍّ تاجيٍّ غير حيٍّ ، أُحادي الخلية و شبة خاملٍ، إلى شبح بعبعٍ قاتلٍ. ▪ ثم بعد إجراءنا تحقيقاتٍ صحفيةٍ استقصائيةٍ دقيقةٍ، لفد ثبت لدينا بما لا يدع مجالاً للشك ، براءة القِوى العظمى من جريرة اللعب بالنار . بينما تكشفت لنا بما لا يدع أدنى مجالٍ للف و الدوران حقيقةٌ صادمةٌ بأن من دبَّر و خطَّط لكل ذلك هنَّ حريم الجن هؤلاء اللاتي بين ظهرانينا. فانتبهوا أيها السادة. و إليكم في ما يلي كافة البراهين الدامغة ضدهنَّ : 1} السواد الأعظم من الوفيات من بني جلدتنا الذكور ؛ 2} فرض حظر التجول و (التبَوُّل) خارج أسوار المنازل؛ 3} إلغاء كافة الفاعاليات و المناشط السغافية بحوش (السمك)؛ 4} غلق النوادي و المطاعم و المقاهي مع فتح باب(التيك أوي) 5} سقوط (القوامة) بغانون سيداو؛ وعاد تاني ما فضل للسادة (البغول) شغلة غير الرقاد و التبطح من سرير لسرير!! لحدت ما بقت تتصاعد شكاوينا من وجع الصِّفقات !! 6} مصادرة ريموت تسيير كافة الأمور بأيدي (سبأ)
| |
|
|
|
|
|
|
Re: وداللصيل-الخواض-الحاج حمد-محمد المرتضى..و� (Re: دفع الله ود الأصيل)
|
Quote: 5} سقوط (القوامة) بغانون سيداو؛ وعاد تاني ما فضل للسادة (البغول) شغلة غير الرقاد و التبطح من سرير لسرير!! لحدت ما بقت تتصاعد شكاوينا من وجع الصِّفقات !! |
لكن دي لقطة لذيذة جدآ. اسمو بند (القطع الناشف)- ما اظن حواء تقول هيا للتفعيل. ننتظر رد الجهة المصدرة للقرار على تحفظات جانبنا القانوني.
يقال انو في قانون تاني- يمنح للزوجة حق السفر بالأولاد بدون اذن الزوج يقال - ما متأكد- يعني ممكن تصحى الصباح تلقى الأولاد وامهم في (كايرو) وانت تكابس في البوتجاز عشان تعمل شاي الصباح- وتمشي تصبح على اولادك تلقى البلد خلا. تتصل عليهم -يقولو ليك نحن في (القناطر) وراكبين (الحنطور) شفت كيفن-
| |
|
|
|
|
|
|
Re: وداللصيل-الخواض-الحاج حمد-محمد المرتضى..و� (Re: دفع الله ود الأصيل)
|
Quote: يا ريت لو نستأنس برضو بإفاضة من بعض الأقلام. منهم أسناذنا الموسيقار Kabar (كَبَّر) ، أديبٌ نحريرٌ و ذو باعٍ طويلٍ. فلو سامعنا ليُشرفنا و ليُدلي معنا دلوه. |
كبر - رافع القزاز ليهو مده وماشغال بينا الشغلة- والغريبة عارف انو ليهو وحشة وكده:)
حبيبنا محمد المرتضى ممكن يدينا طلة ويفت معانا ال سيداو :) - وبرضو طالبنو اندياح من اندياحاتو العجيبة.
| |
|
|
|
|
|
|
Re: وداللصيل-الخواض-الحاج حمد-محمد المرتضى..و� (Re: دفع الله ود الأصيل)
|
Quote: هاك ياشيخي حاجة بسيطة من رحاب لحري مدينتكم تلك التي أخببتُ و عشت بها طرفاً من مراتع طفولتي وبراتطع صباي ،،، و تحديداً نواحي الختمية وجامع محمزد بكري قال أمرؤ القيس الكندي حينما التقى صديقه عثمان المتلتل.. فجادت قريحته بأبياتٍ مرتجلةٍ: |
يا سلام ياوداللصيل
بحري مدينة يكسوها الجمال والمحبة. معناها طعامة النضم مش من الجزيرة وبس زادت عليها طعامة بحري:)
لكن القصيدة روعة- خصوصا الزول اللقمتو زي نافوخ الطفلة:) معناها الصحن تلاتة لقم - بينو وبين لقم الفرامل بنط واحد :)
عليك الله يا ابوالدفاع ما شفناك ليه مع جماعة (حلمنتيش) كدي حاول جيب لينا من نوع القصائد دي- اكيد مدكن ليك كم واحده.
| |
|
|
|
|
|
|
Re: وداللصيل-الخواض-الحاج حمد-محمد المرتضى..و� (Re: Osman Musa)
|
Quote: الأخ كابتن البوست . الأخ الكريم ود الاصيل . والفرقة الذهبية . سلامات . وهاك يا ود الاصيل التمامة لمعلقتك الفارهة دي . ... و كم لقمةٍ في حجم نافوخ طفلةٍ؛ تصير بشلضوم فيه مثل حبة خردلِ ثم ينقر للبص السريع مكوركن . والاسهال في الجلباب نازلي . وسائق البص يا ابو الدفاع على عجل . والراكب ينح تحت الشجرة والاسهال ك سد النهضة يمتلي . يا حظ مصر الشقيقة يا اخي فحجم البطيخ فيها تتندلي . والخيار مترين راقد في ضهر الجدولي . والخير باسط والعصيدة مثل عطر الصندلي.
|
ههههههههه حياك الله اخونا عثمان موسى. الابيات دي ح نعمل ليها دراسة نقدية طبية- لأنو شكل المشهيات والعضة كانت كتيرة الشطة والبهارات. وبعدين سواق البص ده يا عثمان مفروض يتعمل ليهو مخالفة إنتظار (نداء الطبيعة) طبعا الغرامة دي بتسدد في ادارة الصرف الصحي:)
| |
|
|
|
|
|
|
Re: وداللصيل-الخواض-الحاج حمد-محمد المرتضى..و� (Re: الشيخ سيد أحمد)
|
Quote: 5) و هذه للسادة فقط، أن تجنبوا ما أمكن: جعل نونات النسوة و تاءات التأنيث الساكنة منها و المتحركة ، دوما مبتدآت لضمائر مستترة (تقديرها يعلمه الله) ، |
الحقيقة يا وداللصيل التعامل مع النون ليس مثل التعامل مع الواو. يعني ماممكن تتكلم بنفس اللغة الخشنه مع حواء.
في مرة من المرات الغير قليلة كنت بشاهد في قناة السودان-إستضافو الممثل والمخرج (محمد نعيم سعد) قال انو ما عندو مشكلة اذا زوجتو (نهرتو) او رفعت صوتها عليهو. طبعا هو حر ودي وجهة نظرو. اها في نوع من الناس بيكون واقف ألف أحمر- يعني زوجتو دي ما تقول بغم- تكون زي العسكري في المؤسسة العسكرية- تقول حاضر بس. يعني زيها وزي (البهيمة) اعزك الله والقراء- وما يتعامل معاها كإنسان إلا في (مخدعه) وبعد ده يكون عايز زوجتو تربي ليها زول سوي وناجح- عرجت بيك شوية من الموضوع- لكن كدي خلينا نشوف ناس زمان كيف بيتعاملو مع الجنس اللذيذ:)
كسرة: ناس زمان مش انت ياوداللصيل:)
| |
|
|
|
|
|
|
Re: وداللصيل-الخواض-الحاج حمد-محمد المرتضى..و� (Re: الشيخ سيد أحمد)
|
Quote: الأخ كابتن البوست . الأخ الكريم ود الاصيل . والفرقة الذهبية . سلامات . وهاك يا ود الاصيل التمامة لمعلقتك الفارهة دي . ... و كم لقمةٍ في حجم نافوخ طفلةٍ؛ تصير بشلضوم فيه مثل حبة خردلِ ثم ينقر للبص السريع مكوركن . والاسهال في الجلباب نازلي . وسائق البص يا ابو الدفاع على عجل . والراكب ينح تحت الشجرة والاسهال ك سد النهضة يمتلي . يا حظ مصر الشقيقة يا اخي فحجم البطيخ فيها تتندلي . والخيار مترين راقد في ضهر الجدولي . والخير باسط والعصيدة مثل عطر الصندلي. غايتو لو المعلقة دي تمت أخونا بكرى ابو بكر حيرفدكم كلكم
|
●ميبين! عصمان موسى بتاع الملايات الملتحفة العمركانية.ياخ قسمبلاي ليكم وحشةكميات.و وين ود أبارو؟ علا بالغت . عملتني " سايق الفيات عديل" و روحت لشيخي حقوق ملكيتو الفكرية . لكن زولي جناين كلس بلحيل ، هسي يجي يقوللي: جزلانا واحد. ياخ كان كفاني مساعدي ياي صاجات و إتا تركب معانا في (التندة) مساعدي حَلة، بتاع (بعدين..كراع جادين). باخ و الله تمامتك أطعم من خربشتي الفوق ديكا زاتا. ● شكلك لسة فاكر زولنا بتاع بص مدني اللي لامن بطنو كركلت وقف البص و نزلوه تحتو ، ملص ملط متخلصاً من كل متعلاقته، هدوم على حجبات اتعمعم بهن و قبض في أقرب لعوتة و قعد ( يدعم ) و يرمي في القرايص؛ لامن في النهاية شاف الشغلانة جارة قال للسواق خلاس أنتو أتوكلو ما تعطل سفر الجماعة.
| |
|
|
|
|
|
|
Re: وداللصيل-الخواض-الحاج حمد-محمد المرتضى..و� (Re: دفع الله ود الأصيل)
|
Quote: ههههههههه حياك الله اخونا عثمان موسى. الابيات دي ح نعمل ليها دراسة نقدية طبية- لأنو شكل المشهيات والعضة كانت كتيرة الشطة والبهارات. وبعدين سواق البص ده يا عثمان مفروض يتعمل ليهو مخالفة إنتظار (نداء الطبيعة) طبعا الغرامة دي بتسدد في ادارة الصرف الصحي:)
|
☆ يا شيخي عصمان دا ماك خابرو ساه. دو زول دِقَق ود لزينة و عندو وصفات عجيبة عجيبة (منقة بي شطة قبانيت،ما تخلس) دواء كديس للكرونة و فاتح لهن محلين في ميدان جاكسون و سوق ليبيا هسي دعايتو شغالة. ترا ديل دايرات مواصفات و ضبط جودة.
| |
|
|
|
|
|
|
Re: وداللصيل-الخواض-الحاج حمد-محمد المرتضى..و� (Re: دفع الله ود الأصيل)
|
Quote: عرجت بيك شوية من الموضوع- لكن كدي خلينا نشوف ناس زمان كيف بيتعاملو مع الجنس اللذيذ:)
كسرة: ناس زمان مش انت يا ود اللصيل:)
|
☆ ممكن تعتبرني منهم دايناصور منقرض السلالة. ☆ ثم لا عرجت بي لا شيتين يا شيخي؛ و أريتن ناس زمان جاهليتنا الأولى (الجميل) كانو واقفين بس على اللغة الخشبية مع الجنس الطاعم اللذيذ.ياخ ديلك كانوا، عدا من رحم ربك؛ حدس عنهم ولا حرج: الواحد من يوم يقبضا يمامة كسيرة الجناح بعتبرا، ولا مؤاخذة كجرد شق ضب لشخ (إراقة) البول وكطع الجُمار》 ثم لتمضي بقية عمرها نهاراً بين (دادةٍ) رؤومٍ جليسة أطفال ،طباخة، هاوس ميد ؛ ثم ما أن يعم المساء و يسدل ظلام الليل رموشه، كان عليها أن تأتي في كامل غنجنها و دلكتها و خمرتها لكي تؤي إلى فراش(بغلها) و سيدها مدلكجيةً ، ثم بقرةً حلوباً!! و لمزبد من التوثيق هاك لمحات: من روائعِ و منمنمات (قِلَّة) أدبِ عمِّنا الطيب صالح (Re: دفع الله ود الأصيل) ▪ قبل الذهاب للخوض في سرديات النص، وجب علينا التنويه استباقاً، إلى أننا إنما أقدمنا على نشره لطرحه للنقد و التفكيكة في هذا المقام ، لا لشيء سوى لإعجابنا بنفش غنمه في تبن المسكوت و متغاضى عنه كثيراً و طريف جرأة استخداماته السهلة الممتنعة للإسقاطات، و شفافية رؤاه في التوثيق لعاداتٍ و تقاليدَ و طقوسٍ كانت قد سادت ثم بادت أو تكاد ؛ حتى و إن كانت سالبةً ، و لكنها على أية حالٍ قد تروي لنا غليلاً من قصص من كان قبلنا. و هذا هو واقع حال الأهالي في حِقَبٍ و بيئاتٍ سالفةٍ و الإنسان عامةً و الأديب خاصةً ابنٌ شرعيُّ لبيئة طفولته ، و لا سيما مراتع صباه و براطع عنفوان صبابته. و لعله لم تكن لتندثر تلك الظواهر بما لها و ما عليها، إلا بظهور ما نسميه منصات و وسائل التناصل اللا-اجتماعي المتطورة و التي أغرقت أسواقنا للصبية و المراهقين بما يصبون إليه من مغريات نجحت بحرف سلوكهم 180درجة شطر (البورنو). ذلك مع ملاحظة أن منظمي المهرجانات و الجوائز العالمية و حتى محكميها درجت عادتهم على ألا يمنحوا فلا يقلدوا أوسكاراتهم أديباً أو مبدعاً كائناً من كان إلا أن يكون قد كسر أنف أو قفز فوق حواجز صمتهم الصاخب تجاه ما يحضهه عليه أو ينهاه عنه وازعٌ من دينٍ أو عُرْفٍ و خُلُق و مروءةٍ.
| |
|
|
|
|
|
|
Re: وداللصيل-الخواض-الحاج حمد-محمد المرتضى..و� (Re: دفع الله ود الأصيل)
|
Quote: ☆ ممكن تعتبرني منهم دايناصور منقرض السلالة. ☆ ثم لا عرجت بي لا شيتين يا شيخي؛ و أريتن ناس زمان جاهليتنا الأولى (الجميل) كانو واقفين بس على اللغة الخشبية مع الجنس الطاعم اللذيذ.ياخ ديلك كانوا، عدا من رحم ربك؛ حدس عنهم ولا حرج: الواحد من يوم يقبضا يمامة كسيرة الجناح بعتبرا، ولا مؤاخذة كجرد شق ضب لشخ (إراقة) البول وكطع الجُمار》 ثم لتمضي بقية عمرها نهاراً بين (دادةٍ) رؤومٍ جليسة أطفال ،طباخة، هاوس ميد ؛ ثم ما أن يعم المساء و يسدل ظلام الليل رموشه، كان عليها أن تأتي في كامل غنجنها و دلكتها و خمرتها لكي تؤي إلى فراش(بغلها) و سيدها مدلكجيةً ، ثم بقرةً حلوباً!! |
هههههههه لسه شباب ياحبيبنا-
متفقين انا وانت في انو شكل التعامل مع الأنثى مفترض مايقتصر على المخدع فقط-لأن عطائها كأنثى سيكون مرتبط فقط بالمخدع.
لكن يا ابوالدفاع شكل الحياة الزوجية مختلفة في الريف. حتى حالات الطلاق بتكون قليلة جدآ. ماعارف السبب في اواصر القربى البتربط الناس مع بعض ولا لأنو مساحة الزوجة في المشاركة اكبر.
| |
|
|
|
|
|
|
Re: وداللصيل-الخواض-الحاج حمد-محمد المرتضى..و� (Re: دفع الله ود الأصيل)
|
Quote: خلينا مع التعريجة دي- يا فنحت انت يا فتحت انا:)
افصح ياوداللصيل.]
|
لا أحسن نفتح ليك نحن بجاي بس خليك معرج فوق بجوكرين *شماعة بني كوزان 《يا فيها را نبول فيها》. ☆دب قحطاوية مشت لدكتور النساء و الولادة كايسة الجنا و علاج تأخر الحمل. و الدكتور قاللها عندك مشكلة في الأنابيب مسدودة . زولتك نطت و قالت أجي يا بنات أمي عاد! نان دا ما شغل دولة(عميكة) راسو عديل.الزواحف" هؤلاء" خربوا أنابيب البترول و جونا كمان بجاي يبعبصو لينا في أنبوب قناة فالوب¿ ثم طالبت لجنة إزالة التأصيل و التمكين بالبل والقصاص من (بغلها) الكوز المندس المعفن ، حرقاً حتى العطرابة. ☆ تقوللي يا شيخي ، برضو رفغاً بالغوارير!! ديل يلقو فيك ملكةيرموك عضم مُشاش.
| |
|
|
|
|
|
|
Re: وداللصيل-الخواض-الحاج حمد-محمد المرتضى..و� (Re: دفع الله ود الأصيل)
|
Quote: ☆ يا شيخي عصمان دا ماك خابرو ساه. دو زول دِقَق ود لزينة و عندو وصفات عجيبة عجيبة (منقة بي شطة قبانيت،ما تخلس) دواء كديس للكرونة و فاتح لهن محلين في ميدان جاكسون و سوق ليبيا هسي دعايتو شغالة. ترا ديل دايرات مواصفات و ضبط جودة. |
هههههههه
عثمان موسى - معذبنا عذاب في البوستات ياوداللصيل هههههههه. هسه فاتح ليهو بوست عن الصور وصورة واحده مافيهو:) الا لكن والله المنطقة الفاتح عنها البوست تستاهل- خضرة وماء وبالتأكيد ح يكون في وجه حسن. لكن يا وداللصيل ما قلت لي عن شعر (حلمنتيش)- عليك الله ماعندك شئ مدكن في الأدراج.
| |
|
|
|
|
|
|
Re: وداللصيل-الخواض-الحاج حمد-محمد المرتضى..و (Re: دفع الله ود الأصيل)
|
Quote: هذا مع ملاحظة أنه في تقديرنا المتواضع فإن أنثى نصف قطر خصرها لا يزيد على نصف سنتمترٍ، لا بد و أن تعاني ويلات سوء التغذية و مشرفة على الهلاك جوعاً أو هي في عداد الموتى سلفاً.وقد سبق و نوهنا لأن تشبيه خشم الجكلس بالحنبكة زي«النبزة» لأ ن فماً بهذه الدقة لا بد و أن يكون ضحية تشوهات خلقية..كما يوحي تشبيه الحبيبة بالليمونة بأنها مثيرةٌ لكثافة «الحموضة» |
ههههههههه
تقديرك ده يا وداللصيل بيتوافق مع (عمر بن كلثوم) لمن قال:
وساريتي بلنط أو رخام يرن خشاش حليهما رنينآ ومأكمة يضيق الباب عنها وكشحآ قد جننت به حنونآ.
بالرغم من الحسية الكبيرة في البيتين لكن يا وداللصيل مقاييس الجمال عند العرب مرتبطة ب (السمنة). لكن ما تكون قدر دي ياخي ما تبالغو كمان :)
القطعة الحلمنتيشية لذيذة يا حبيبنا وتشكر عليها كتير.
جاييك صاد.
| |
|
|
|
|
|
|
Re: وداللصيل-الخواض-الحاج حمد-محمد المرتضى..و (Re: الشيخ سيد أحمد)
|
طيب يا ابوالدفاع
نحن كده وصلنا لي مقاييس الجمال.مش كده. كلو زول عندو فهم ومقياس معين للجمال. لكن في حاجات بتتفق عليها الناس كلها- اها الحاجات البتفقو عليها الناس ممكن برضو يكون في زول (شايت ضفاري :) الخواجات عندهم الزولة تكون عاملة زي الريشة والعرب عندهم تكون غالبا المشي من السمن :)
يا وداللصيل هل الرجل برضو بيخضع لي المعايير دي؟؟ يعني ممكن يقولو ده رجل جميل وده رجل شين :)
| |
|
|
|
|
|
|
Re: وداللصيل-الخواض-الحاج حمد-محمد المرتضى..و (Re: الشيخ سيد أحمد)
|
شوف راي علماء النفس في الحتة دي:
Quote: اليوم السابع أكرم القصاص
الرئيسية صحة وطب الأطباء النفسيون: ليس كل رجل يقوى على تحمل جمال امرأة الخميس، 20 سبتمبر 2012 01:02 ص الأطباء النفسيون: ليس كل رجل يقوى على تحمل جمال امرأة اضف تعليقاً واقرأ تعليقات القراء الجمال لدى السيدات هو غاية كل امرأة وكل رجل أيضا، فكل رجل يتمنى أن يختار شريكة حياته فى أجمل صور ومن السيدات اللاتى يطلق عليهن "امرأة جميلة"، ولكن الأطباء النفسيين يؤكدون فى حقيقة علمية أن هذا الأمر يختلف عند الرجال، فليس كل الرجال يمكن أن يتحملوا جمال المرأة التى تشاركهم حياتهم، فمثلما يوجد الرجل الذى يتحمل الجميلة هناك من يكرهها ولا يقوى على العيش معها وهناك من يحب الارتباط بها ولكن لا يستطيع تقبل فكرة جمالها، فما رأى الطب النفسى فى هذا الأمر؟.
وعن هذا الموضوع النفسى ونفسية الرجل وكيف ينظر إلى المرأة يتحدث الدكتور أمجد العجرودى استشارى الطب النفسى بالمجلس الإقليمى للطب النفسى، مشيراً إلى أن الرجال تختلف وتتنوع وتتشكل وليس من الطبيعى أن نطلق حكما بأن الرجل يحب دوما ربط حياته بشريكة تكون جميلة، فالمرأة الجميلة يعتقد بعض الرجال أنها خطأ كبير قد يرتكبونه فى حياتهم.
وعن نفسية الرجل وكيف يرى المرأة يقول الدكتور أمجد، إن بعض الرجال يرون المرأة ذات الجمال الأخاذ فرصة لا تعوض ويريدون الارتباط بها، لأن أغلبهم يريد الجمال بين يديه لتزيد ثقته فى نفسه، وفى اختياراته وفى رؤية ونظرة الناس له.
وهناك بعض الرجال الذين لا يستطيعون الارتباط بسيدة ذات جمال، بل إنها تصل فى بعض الأحيان إلى الخوف من الارتباط بالسيدات الجميلات ويبحثن خصيصاً عن السيدات المتواضعات فى الجمال، وذلك لأنهم إما لغيرتهم الشديدة أو لحبهم لأن يكونوا أكثر جمالاً من شريكة حياتهم أو نفسياً يشعرون بالضعف والصغر بجانب المرأة الجميلة أو لا يشعرون بكامل الثقة فى حضور امرأة ذات حسن.
|
وشوف راي المنفلوطي هنا :
https://top4top.io/
ولسه سؤالنا قائم - هل ممكن نقول ده رجل جميل وده رجل ما جميل؟
| |
|
|
|
|
|
|
Re: وداللصيل-الخواض-الحاج حمد-محمد المرتضى..و (Re: الشيخ سيد أحمد)
|
Quote: يا وداللصيل هل الرجل برضو بيخضع لي المعايير دي؟؟ يعني ممكن يقولو ده رجل جميل وده رجل شين :)
|
☆حِمدله على السلامة شيخي . أنت استشرتني و المستشار مؤتمن. فمضكر أديك جواب بكون صادم شديد لناس بت هباني لامن يرفع كثافتم ظاطو . ☆ بالانسبة لمعايير الجاذبية عند الضكور دي حاجة تانية خالس غير الأناتي تمامن.و حأديك ياها في شكل حكاية قديمة رايحة مني لكن بجازفا ليك و أنا ما بفسرو إتا عاد كمان حتك بعدينك ما بتقصر : ☆ فدا واحد تربالي زي حلاتنا كدي مسكين على باب الله و متربي يتيم مع أمو عيشة كفاف رزق اليوم باليوم . لاكين بنوت البلد مظللات القزاز و رافعاتنو في السما؛ فكلما يتقدم لواحدة قال داير يكمل نص دينو الحلو يابنو و يعيرنو بأنو شين دميم الخلقة لامن يكطع الخميرة من بيت النمل و مفلس ؛ و يرجع لأمو حانف وشو قمحان بي خُفَّي حُنين. لاكين في يوم أمو موجعاها نبزة شين، انفجرت و قامت سايقاه من يد و شاقو بيه البيوت تدقدق في البيبان وهو مباربها (شادَّي) الرحال و تكورك فيهم بأنو "ولدا سماحتو لابدة تحت سروالو ، مافي وشو و لا في جيبو"و توري فيهم بيان بالنظر والعينة بينة عشان يآمنو ظاطو :أدلات تبش أروق بامبَي!!
| |
|
|
|
|
|
|
Re: وداللصيل-الخواض-الحاج حمد-محمد المرتضى..و (Re: osama elkhawad)
|
Quote: ☆حِمدله على السلامة شيخي . أنت استشرتني و المستشار مؤتمن. فمضكر أديك جواب بكون صادم شديد لناس بت هباني لامن يرفع كثافتم ظاطو . ☆ بالانسبة لمعايير الجاذبية عند الضكور دي حاجة تانية خالس غير الأناتي تمامن.و حأديك ياها في شكل حكاية قديمة رايحة مني لكن بجازفا ليك و أنا ما بفسرو إتا عاد كمان حتك بعدينك ما بتقصر : ☆ فدا واحد تربالي زي حلاتنا كدي مسكين على باب الله و متربي يتيم مع أمو عيشة كفاف رزق اليوم باليوم . لاكين بنوت البلد مظللات القزاز و رافعاتنو في السما؛ فكلما يتقدم لواحدة قال داير يكمل نص دينو الحلو يابنو و يعيرنو بأنو شين دميم الخلقة لامن يكطع الخميرة من بيت النمل و مفلس ؛ و يرجع لأمو حانف وشو قمحان بي خُفَّي حُنين. لاكين في يوم أمو موجعاها نبزة شين، انفجرت و قامت سايقاه من يد و شاقو بيه البيوت تدقدق في البيبان وهو مباربها (شادَّي) الرحال و تكورك فيهم بأنو "ولدا سماحتو لابدة تحت سروالو ، مافي وشو و لا في جيبو"و توري فيهم بيان بالنظر والعينة بينة عشان يآمنو ظاطو :أدلات تبش أروق بامبَي!! |
الله يسلمك يا ابوالدفاع.
لكن أم الولد (الشين) بالغت- ربطت الموضوع بما تحت (التكك :)
لكن انت عارف- الزول الشين ده محتاج لي غطسة كاربة في النيل. الخوف يكون (ورل:) طبعا يا ابوالدفاع من أماكن الأنس والحوارات الجميلة (ضفاف النيل). وارجع ليك لي مناطق الترابلة شوية- صفارة القطر المتحرك للخرطوم وصوت (بوري) الباخرة المتحركة على (دنقلا) -هذين الصوتين عندهم وقع خاص في نفوس الناس لأنهما مرتبطين بالسفر والرحيل. لمن تكون قاعد على الضفاف بتشعر بالأسى على الراحلين من تلك البقاع. على النقيض صوت صفارة القطار عند وصوله وصت (بوري) الباخرة عند وصولها احساس مختلف تماما. وفي كلا الحالتين الأنس والحوارات الجميلة مستمرة على الضفاف.
كسرة: برضو عرجت بيك- ما عارف قصة التعريجة دي شنو:)
| |
|
|
|
|
|
|
Re: وداللصيل-الخواض-الحاج حمد-محمد المرتضى..و (Re: دفع الله ود الأصيل)
|
Quote: هناك بقينا ليك ممحنين. قلنا : ياخوانا هسة بس شن نسوي؟! يعني ننزل نواجب الناس ديل نرفع معاهم الفاتحة و لا نفضل ماسكين لباساتنا بخشومنا كدي لامن نرجع مِقَبِّلين شايلين أهلنا؟! |
هههههههههههه
قاعد اتخيل فيكم وانتو ماسكين تحت و (فاكين) فوق هههههههه ياخي ده موقف عجيب- هسه فيكم زول اتذكر يقرا الفاتحة ولا يدعو للميت :) والمشكلة الكبيرة في الرجعة لي بيتكم- الا شترو (تكك) - والسؤال ح تشتروها لي منو - للعربية ولا لي نفسكم هههههههههه. مبالغة ياوداللصيل :)
كسرة: الخواض - يكون عندو امتحانات نهاية سمستر. بعدين بقى يشرب البيبسي بدون مايمسك نخرتو :) خواض ده حبة يا ابوالدفاع - منتظرو يوم يدينا من شعرو الحلمنتيشي حاجه كده.
| |
|
|
|
|
|
|
Re: وداللصيل-الخواض-الحاج حمد-محمد المرتضى..و (Re: دفع الله ود الأصيل)
|
ابوالدفاع
شايفك مواصل في (المحاسن) وبقيت عشوقه :)
من مقاييس الجمال عند العرب (طول الرقبة) يقال (فلانه بعيدة مهوى القرط)- وللناطقين بغيرها -القرط هو زينة المرأة على الأذن(الحلق)- (مهوى) بعني المسافة بين الأذن والكتف. وماتنسى (تمشي الهوينى كما يمشي الوجي الوحل) دي معناها محتاجة لي (صاجة) عشان تمشي :) مع انو العرب دي مقاييس الجمال عندهم-لكن لمن تشوف عارضات الازياء الأجانب بتلقى مشيتهم فيها حاجه من الحاجات دي - مع انو مشيتهم معاها (نطة :) ما عارف النطة دي لزوم شنو-
بعدين الحسية في شعر العرب احيانا بتكون صارخة جدا وفيها جرأة شديدة. برضو في الشعر الدارجي السوداني في حاجات الواحد يستحي من ذكرها. وحتى بعض غناء (القونات) فيه إشارات جريئة جدآ.
| |
|
|
|
|
|
|
Re: وداللصيل-الخواض-الحاج حمد-محمد المرتضى..و (Re: الشيخ سيد أحمد)
|
Quote: فإليك بأبياتٍ حلمنتيش من : الغزل النحوي البريء: (ارفع) فؤادي يا حبيبو خشوعا و (انصب) عيوني في هواك خضوعا
واكتُب ب(أسلوب التعجب) قصةً عنا و(اسكن) خافقاً وضلوعا.
هذا (نداء) الحب يغسل ظلمة ال (نفي) العقيم و(يصرف الممنوعا)
أنعش ب(أسماء) الغرام شبابنا و امسح ب(أفعال) الوصال دموعا
واحذِف حروف (الجزم) واستبدل بها (عطفاً) وفجر حبنا ينبوعا.
سأكون (متصلاً) سأصبح تارةً (حالاً) وأغدو (سالماً مجموعا)
و أصير (توكيداً) و(ظرفاً) للزمان مع المكان إذا تشاء جميعا.
لو صرتَ (مبتدأً) لصرتُ أنا إذن (خبراً) بقربكمو لا يطيق رجوعا.
فاجعل (ضمير) الشوق عِنواناً لنا و ارسم بحبر غرامنا التوقيعا.
سأظلُّ أعشقُ فيك(إعراب) الهوى الغلاب و من الجمال(بلاغةً) و(بديعا).
و تظلُّ (تمييزاً) و جملة عاشقٍ وسط الفؤاد و(فاعلاً) مرفوعا!! |
يا سلام يا ابوالدفاع.
ما ممكن نصنف القصيدة دي (حلمنتيش)- يا زول دي شعر من بيت الكلاوي. التمييز ده شنو ماعرفتو يا ابوالدفاع؟؟ في حاجة في النحو اسمها التمييز ولا انت جبتها لزوم الوزن والروي؟؟ حاجة لذيذة خالص وبتأكد إحساسنا نحنو (سميعة الشعر) انو عندك حاجات مدكنة :)
| |
|
|
|
|
|
|
Re: وداللصيل-الخواض-الحاج حمد-محمد المرتضى..و (Re: دفع الله ود الأصيل)
|
هههههههههه
ياخي ده ردحي زي الردحي :) لسانا متبري منها :)
بمناسبة الاساتذة يا وداللصيل يقال انو في استاذ كلو مايجي داخل الفصل الطلبة يقيفو على حيلهم. عندو جملة واحده كل ما يدخل الفصل او زي بيت شعر يقول ليهم:
أراكم قد زدتم إفتخارا هل بينكم من يشبه الحمارا.
كده الكلام دخل (الغرف المغلقة) وليس الحوش. شكلنا برضو ح ناخد لينا (تكيه) هنا- لانو الموضوع ده فيهو طاخ طراخ كتيرة جدآ- وفيهو مقصات عجيبة خصوصآ اذا كان البيت واحد والمطبخ واحد- زيادة الملح في حلة الملاح بعد ماتنتهي (التسبيكة) من الضرة واثارة سبع البرمبة عليها :)- ودلق الماء على حفرة (التحميص) وقص أطراف (النطع) حتى لا تسطيع (الضرة) الصبر على الجلوس لفترة طويلة :)
قصص وحكاوي بين الزوجتين وسبع البرمبة نايم يشخر :(
| |
|
|
|
|
|
|
Re: وداللصيل-الخواض-الحاج حمد-محمد المرتضى..و (Re: دفع الله ود الأصيل)
|
ههههههههه ياخي ديل كيدهن كيد من النوع السمج. بالغن لكن- لا والزولة القالت حاجة بيت الله. اها ده نوع النسوان الواحد بيجفل منهن جفلة بي صحها وصحيحها:)
قالو يا وداللصيل عمك متزوج اتنين وكل واحده عندها مطبخ منفصل. عمك يمشي الصباح لي بتاع الخضار وبتاع اللحمة يشتري منهم ويقول لي بتاع الخضار يعمل اربعه كيمان- ويقول لي بتاع اللحمة يعمل اربعه كيمان. لمن يجي البيت بيكون قاعد في (برش- سجاده) وبيكون خاتي قدامو تلاته كيمان والكوم الرابع بيكون داسيهو تحت رجلو (فخدو). اول زوجاتو لمن تجيهو يقول ليها شيلي كومك وشيلي التاني ده- طبعا زولتك بتكون حست بانو وضعها خاص-وتتخارج تمشي. وهو لسه رجلو مغطي بيها الكوم الرابع. اها لمن تجي الزوجة التانية تلقى كوم واحد ظاهر يقوم عمك يرفع رجلو ويقول ليها شيلي الكوم ده وهنا برضو بتحس انها وضعها خاص. عمك عايش ملك بين الضرة وضرتها بي موضوع بسيط:) الدقسه اذا جوهو الاتنين في وقت واحد :)
| |
|
|
|
|
|
|
Re: وداللصيل-الخواض-الحاج حمد-محمد المرتضى..و (Re: دفع الله ود الأصيل)
|
Quote: وداللصيل-الخواض-(الشيخ سيد أحمد) طيب يا ابوالدفاع نحن كده وصلنا لي مقاييس الجمال.مش كده. كلو زول عندو فهم ومقياس معين للجمال. لكن في حاجات بتتفق عليها الناس كلها- اها الحاجات البتفقو عليها الناس ممكن برضو يكون في زول (شايت ضفاري :) الخواجات عندهم الزولة تكون عاملة زي الريشة والعرب عندهم تكون غالبا المشي من السمن :) يا وداللصيل هل الرجل برضو بيخضع لي المعايير دي؟؟ يعني ممكن يقولو ده رجل جميل وده رجل شين :)
|
+ ياشيخي العملية ما في اللون ، كلا ، "بل" في (الكيلون) و تحت النملية باللختسار بكي:الراجل سماحتو تحت سروالو!! فا شنو ، كدي صحصح معانا شوية و أديني عضانك العسرا و سد اللمنا، ونعتذر للطيش عن أية تفلتات لفظية أو عبارات حامضة لأنو معانا قوارير و عوايل، و يلا هاك جواب من "بيض" الكلاوي تظبط تمامن لهذه الموناصبة، يلا نحكي و تنقد الرغيفة: أها قالليك: + عمتك دي عندها ليهاولدن ويحيد، و بتريدو زي موية عينيها، تربي و تتاتي فوقو من هو شويفع لامن شبَّ عن الطوق و تداري فوقو زي شمعة نعسانة في هوج الرياح، و لامن بقى راجل و حكَّ للعرس يكمل نص دينو . و يلا قامت تختب ليه في بنيات الناس . وهن رافعا القزاز. + علا لاكين بصراحة زي ما تقول القرد عند أمو غزالة و أبو الجعران دبابة مجنزرة و الدبور اللي هو أبو الدنان الواحد داعبارة عن مروحية أباتشي كافية براها تدك حصون الدم الصريع ؛ المعنى إنو الجنا طالع عليه جنس دمامة و شنات خلقة تكطعالخميرة من بيت النمل ، يعني كان عاينت ليه متعت ناظريك فيه مرة تاني ما بتتنيها كانسقوق لُمَّاصة عجين مسورج. + الشاهد عمتك ساقت ولدا و قامت تحوم بيه الحلة و الحلالالمجاورات عشان تلفي ليه شريكة حياة ، و يلا يات من يطلبو يدها للقرب من أهلا ـ تقول بري يا يمه ، و دا كيفن "يعيشو معاه الحب يعيشو ماهو حنانو" بي خلقتو دي ما رومانسية نوهائي ، و لَّا راحات كرعينو المشققات يبلعن ورل و خُشُن متل كدارات كرستيانو رونالدو، خليهو يمش يكمل نص دينو مع واحدة بايريكس و أنا دايرة أكمل قرايتي علي راحتي. + المهم لامن عمتك الحاجة خلاس كطعت عشم و أخلاقا جاتا هنا في راس مناخيرا، جبدت الجنا ساقتو من إيدو و مرقت بيه وقفت في وسط الدارة و قعدت تكورك في البنات الرفضنو، و قعدت تقول ليهن : اسمعني نا هنا هيييي يا بنات(أم زقدة) بتعيبن وليدي تقولن عنو شين؟! و الراجل شن بدور بالسماحة كمان , و هو كان ماهو "قلب أم قلب و اللرنببقت تسك الكلب" ، سماحة الراجل متين بقت في وشو! و لكزت الجنا اشرت ليه يحل "تكتو"، و رمت ليهن آخر آتو : الصبي سماحتو هنا، تحت سروالو!!
| |
|
|
|
|
|
|
|