|
|
|
 Re: وجدي صالح .. حميرتي اشتراك بي كم ؟ ( فيديو) (Re: HAIDER ALZAIN)
|
منتهى الارتزاق والتزلّف ..
وما هو براهو بالمناسبة ..
كتاااااار زيه في قحت من المنتفعين ..
والأرزقية وسماسرة السياسة .
قبيل كانوا بيتكلموا باسم الثوار
فكان حميدتي في نظرهم جنجويد
وقاطع طريق وحرامي دهب وتاجر حمير
الآن البدل والكرفتات اتلبست ..
والجماعة اتمنجهوا بالسلطة والنفوذ والقروش ..
والمخصصات والمنح وهلم جرا ..
فاصبح حميدتي بقدرة قادر حامي الحمى ..
وانتفت كل التهم عنه ..
البيسويهو جدي صالح ده ..
اسمه دهنسة وارتزاق وبيع الاوهام للمساكين ..
وسرقة ثورة من أصحابها الحقيقين
الشباب الاستشهدوا والجابوا الثورة بي ضراعهم ..
وبي دماءهم واشلاءهم الآن بقوا فرّاجة ونافلة قول ..
في ثورة هم صنّاعها وروادها
مرقوا بي قد القفة
وجوا ناس قحت من شاكلة وجدي وبقوا اصحاب الحق
يمنحوا الشرعية لمن لايستحقها ويجمّلوا صورته ..
ويمسحوا حذاءه .....
وبرضو لاقين البدافع عنهم رغم كل هذا الخبوب ....
عشنا وشفنا عندما تُباع المباديء في سوق النخاسة ..
| |
 
|
|
|
|
|
|
|
|
Re: وجدي صالح .. حميرتي اشتراك بي كم ؟ ( فيديو) (Re: جمال ود القوز)
|
في زمن الغفلة وتغيب القيادات الحقيقية المهمومة
بنبض الشعب....
والمنسجمة مع ايقاع الشارع؛ الشارع العام
يصعد اشباه المناضلين الهابطين ناعما
القابضين على زيف الدولارات.
يتصدروا المشهد
يبدلون مواقفهم كما يبدلون بالي القميص بزاهي البدل
والنعومة المفاجاة...
....
بعدين انت متوقع شنو من زول ما زال يعتقد بفكر امة عربية واحدة
ومازال يرى صدام حسين ثوري ومفكر ومناضل
........
ودا كلو كلو بنتهي
من فجر الثورة ما زال حارسا لها
.......
الثورة مستمرة وسننتصر
نحن الشعب
| |
|
|
|
|
|
|
|
|
|
Re: وجدي صالح .. حميرتي اشتراك بي كم ؟ ( فيديو) (Re: عبدالمنعم الطيب حسن)
|
سلام خضر
الإشاعة الطالعة بتقول أنه تكون قاعد مع حميدتي في نقاش في بيته يجو اتنين دافرين درداقتين مليانات دولارات ويورو ، يمروا بقدامك كأنهم شغالين نقل نقود من مكان لآخر ( نظام عاوز كم بس ) الساعة ديك الجماعة الوزنهم ريشة يبدلوا وشهم عدييل خليك من مواقفهم ..
عاوز لي فرقة في الزول ده ياخ ما عندي ما اخسره :)
معاي صاحبي حيدر الزين طبعا :)
| |
|
|
|
|
|
|
|
|
Re: وجدي صالح .. حميرتي اشتراك بي كم ؟ ( فيديو) (Re: عبدالعظيم عثمان)
|
خضر امبس .. تحياتي يا جميل
أهم حاجة يا رائع فيديوهاتك بدون سماعة
طبيب قالي ما استعمل سماعة الا عند ضرورة
قريبي الحلفاوي ( وجدي ) غايتو أفصح واحد ( لسان عربي مبين )
في البداية كنت مفتكره من أهل العوض .. أول مرة اشوف واحد من عندينا بالفصاحة دي
صدقني السياسة ما عندها دين كل حسب المصلحة
حبيبنا خضر المشكلة كل المحاور الخارجية واحزاب الداخل تحاول
التقرب من حميدتي .. تحياتي خضر امبس .. الايامات دي القوة هي الجاذبة
مودتي
| |
|
|
|
|
|
|
|
|
|
Re: وجدي صالح .. حميرتي اشتراك بي كم ؟ ( فيديو) (Re: عبدالعظيم عثمان)
|
Quote: في حملة منظمة وممنهجة تستهدف الأستاذ وجدي صالح
لو لم يكن وجدي في لجنة تفكيك التمكين ومحاربة الفساد وإسترداد الأموال المنهوبة
لما طارده الفلول والأمنجية |
منو هم الفلول والأمنجية ديل يا عظمة ؟ ..
برضو داير تشغّل زي غيرك اسطوانة الدولة العميقة والكيزان وماعارف شنو ! ..
يا عظمة ما تخذلنا فيك انت جيت وفتحت الجراح المتخثرة والمتقيحة ..
ونكأت الكثير من الجراح المحتاجة تنضيف دون أي اكتراث لزيد أو عبيد ..
أو النظر من منظار فردي أو زوايا شخصية ما خفي منها وما ظهر ..
فما تجي هسه وتبحث عن تبريرات والبحث عن أعذار للبعض
لا أحد فوق النقد أو تناول سالب مواقفه ..
لأنها بترتكز عليها وتنبنبي عليها مواقف قادمة ولاحقة ..
ولا أظن شيء زي ده بيخفى عليك ..
فمافي جدار فاصل أو انتقاء للمواقف كله اتساق مترابط يشد بعضه ..
ثم مايبقى مسؤول عن لجنة تفكيك نظام أو غيره هل ده بيعني انه فوق النقد ؟ ..
أو حتى إنه يكون فوق التنقيب عن مسالب مواقفه أو انتهازيتها؟! ..
يا عظمة تابع في خطك البديتو وماتحيد ..
الشغلة مترابطة كان ليك ولا كان لي وجدي أو أياً كان ..
ماتجي تنقّي وتختار هسه مافي خيار وفقوس ..
عليك الله الجاب البلاوي شنو للحكومة دي غير المواقف الزي دي ..
عموما نعتبرها عتره تصلح مشيك ..
ووالله ما كنت متخيلها تجي منك الحكاية دي ..
ربما كان من غيرك أو من أصحاب معاهم معاهم عليهم عليهم ..
أو أصحاب العواطف وأنصر أخاك
والله كان الزول مشّاها لكن منك إنت بالذات ..
عيب تحصل ..
احترامي لمواقفك الكنت متابعها فيما سابق وحتى عودتك القريبة ..
لكن نقطتك دي طاش فيها سهمك ..
طبعا مراعي لحكاية البّعد الايدلوجي بينك ووجدي صالح ..
لكن شوف لي موقفك ده تخريج مقنع ليك قبل المتابعين
ــــــــــــــــــــــــــــــــــــــــــــــــــ
انت مقتنع بي تبريرك الجبتو ده ؟!! ....
من شاكلة دي حملة وما حملة منظمة تستهدف وجدي أو غيره ..
عود مافيهو شق .. كيفن يقول طق ..
بالمناسبة محور الدفاع عن حميدتي ده أنا شخصيا بعتبره امتحان رهيب ..
البيفشل فيهو طوالي يودوهو الضل ..
ويرفعوا عليهو الفاتحة ..
المواقف لا تتجزأ ياباشا .........
| |
|
|
|
|
|
|
|
|
|
Re: وجدي صالح .. حميرتي اشتراك بي كم ؟ ( فيديو) (Re: جمال ود القوز)
|
عارف يا عظمة وده مش من باب تطييب الخواطر .. أبدا
لكن من باب العلم بالشيء أو لربط ما كتبت آنفا
لي فترة ليست بالقليلة مستاء جدا من بعض الناس ..
البدافعوا عن مواقف حاصلة من شخوص أو جهات ..
رغم إنه العوج بيكون واضح وباااين وما محتاج ليهو كثير تفكير ..
وحتى الزول الجاي يدافع ده بيكون في قرارة نفسه ..
شايف وعارف الحاصل ورغما عن كده برضو
بيجي يدافع ويغالط ما تعرف الهدف شنو ؟
ثم ليه البعض متخيل إنه الزول لامن يجي يدافع عن زول بيحبه ..
أو عن موقف من مواقفه أو بيعتقد إنه بيعبّر عن شي جواهو ..
أو أمنية بيتمنى تحقيقها عكس الواقع ..
ليه بيفتكر إنه هو بيدعمه أو انه بيقديم ليهو شي فيهو مصلحته ..
أو حتى يتوهم إنه موقفه ده فيهو مصلحة عامة للجميع ...
مجرد فضفضة جات فيك ..
لكن وحاة الله الزول بيحترم مواقفك كما البعض هنا ..
فلا شيء شخصي دي مجرد مصادفة ليس إلا ......
| |
|
|
|
|
|
|
|
|
|
Re: وجدي صالح .. حميرتي اشتراك بي كم ؟ ( فيديو) (Re: جمال ود القوز)
|
سلامات يا جمال
توضيح ما بيني وبين وجدي اي رابط أيدلوجي
تعليقي بنيته على ملاحظة، الفيديو دا تحديدا
يتم نشره بطريقة الجداد الإلكتروني المعروفة
رصدته منشور في صفحات ميزانية في وقت واحد
وفي نفس الوقت وجدي يتعرض لحملة تشويه سمعة
وإغتيال شخصية.. من وجهة نظري دي حملة منظمة
وجود وجدي في لجنة تفكيك التمكين واحد من أهم أسباب
هذه الحملة ، الرجل يقوم بمجهود جبار في أهم لجنة
من لجان الثورة... دي النقطة الإرتكزت عليها مداخلتي
تحياتي
| |
|
|
|
|
|
|
|
|
|
Re: وجدي صالح .. حميرتي اشتراك بي كم ؟ ( فيديو) (Re: عبدالعظيم عثمان)
|
مرحب كابتن جمال
انا ما بعرف وجدي صالح شخصياً و لا ارغب في معرفته
شاهدتا ليهو اكثر من لقاء في بعض القنوات وهو متحدث لبق
و مرتب و مقنع
لكن بجد صدمتا لما شفتا الفيديو و كمية النفاق الفيهو و التطبيل
لجنجويدي هو مجرد فاقد تربوي ذي حميدتي ما بعرف يربط جملة واحدة مفيدة
سقط في نظري هذا الوجدي و لن استمع له بعد الآن فهو قد اصبح عندي من الساقطين
لا فرق بينه و ذو النون و اولاد الضي
اصبحت المسألة سوق نخاسة و الولاء لمن يدفع اكثر
تباً لهم مجرد متسلقين لا قيمة لهم
| |
|
|
|
|
|
|
|
|
|
Re: وجدي صالح .. حميرتي اشتراك بي كم ؟ ( فيديو) (Re: خضر الطيب)
|
مرحب ود الطيب
Quote: في زمن الغفلة وتغيب القيادات الحقيقية المهمومة
بنبض الشعب....
والمنسجمة مع ايقاع الشارع؛ الشارع العام
يصعد اشباه المناضلين الهابطين ناعما
القابضين على زيف الدولارات.
يتصدروا المشهد
يبدلون مواقفهم كما يبدلون بالي القميص بزاهي البدل
والنعومة المفاجاة...
....
بعدين انت متوقع شنو من زول ما زال يعتقد بفكر امة عربية واحدة
ومازال يرى صدام حسين ثوري ومفكر ومناضل
........
ودا كلو كلو بنتهي
من فجر الثورة ما زال حارسا لها
.......
الثورة مستمرة وسننتصر
نحن الشعب |
موقف وجدي غريب و مريب و يشئ بأن هناك عدد من اعضاء تجمع المهنيين يمكن شراؤهم
اصبحت اشكك في كل هذا المكون ما لم يثبتو العكس .. كدا بس
هذا الجزء من هؤلاء الطفابيع و ان تكاثروا فلن يستطيعو تلميع الجاهل حميدتي و لن يستطيعوا ايقاف قطار الثورة
فالثورة مستمرة و ستحقق اهدافها و بعدها سيذهب هؤلاء المنبطحون الى مزبلة التاريخ غير ماسوف عليهم
| |
|
|
|
|
|
|
|
|
|
Re: وجدي صالح .. حميرتي اشتراك بي كم ؟ ( فيديو) (Re: خضر الطيب)
|
مرحب حبيبنا حيدر
Quote:
سلام خضر
الإشاعة الطالعة بتقول أنه تكون قاعد مع حميدتي في نقاش في بيته يجو اتنين دافرين درداقتين مليانات دولارات ويورو ، يمروا بقدامك كأنهم شغالين نقل نقود من مكان لآخر
( نظام عاوز كم بس ) الساعة ديك الجماعة الوزنهم ريشة يبدلوا وشهم عدييل خليك من مواقفهم ..
عاوز لي فرقة في الزول ده ياخ ما عندي ما اخسره :)
معاي صاحبي حيدر الزين طبعا :) |
الموضوع ما محتاج اشاعة حميدتي دا ما بفهم في اي حاجة غير تجارة البشر
و البيع و الشراء عندو شئ عادي
تعرف يا حيدر اكبر امكانيات حميدتي دا يكون عندو دكان في حارة مجهولة
مع احترامي لاصحاب الدكاكين
تباً له جاهل تسلق على اكتاف الشهداء بلا حياء
و استرزق على حساب الجنجويد الماتو في اليمن
| |
|
|
|
|
|
|
|
|
|
Re: وجدي صالح .. حميرتي اشتراك بي كم ؟ ( فيديو) (Re: Deng)
|
سلامات خضر
محتاجين الفيديو كامل
المقطع المقتطع ما كافي
قوات الدعم السريع الآن واقع معاش وجزء من النظام مافي مجال لنكران دة رسمياً
ولا ممكن واحد ماسك وظيفة رسمية يقول حميدتي مجرم
فرق بين الكلام الثوري المبني على أنا شفت بي عيني في الفيديوهات، والكلام الرسمي المحتاج إثبات قضائي
| |
|
|
|
|
|
|
|
|
|
Re: وجدي صالح .. حميرتي اشتراك بي كم ؟ ( فيديو) (Re: أحمد محمد عمر)
|
مرحب بيك اخ عبد العظيم عثمان
Quote: في حملة منظمة وممنهجة تستهدف الأستاذ وجدي صالح
لو لم يكن وجدي في لجنة تفكيك التمكين ومحاربة الفساد وإسترداد الأموال المنهوبة
لما طارده الفول والأمنجية |
حملة منظمة دي انا ما عندي فكرة عنها عشان نمشي صاح
و انا من اكتر الناس حرصاً و دعما لتجمع المهنيين و قوى الحرية و التغيير
انا ذي ما قلت فوق في مداخلة سابقة اني ما بعرف وجدي صالح شخصياً
و لا عندي ضغينة مع الرجل , كون انو حزب بعث او شيوعي دا خيارو و انا بحترم خيارات الناس
الفيديو القدامك دا بوضح بجلاء انقلاب مواقف وجدي 180 درجة
استغربتا جداً في انو بمجد مواقف الجنجويدي الفاقد التربوي حميدتي
انت رائك شنو؟
| |
|
|
|
|
|
|
|
|
|
Re: وجدي صالح .. حميرتي اشتراك بي كم ؟ ( فيديو) (Re: خضر الطيب)
|
طبعا الواحد مطمئن على موقف جميع المعلقين وصاحب البوست من الثورة ..
وعارف غرض البوست اظهار تباين موقف وجدي من الدعم السريع ..
والتباين واضح لكن السؤال الأوضح ..
توقيت تركيب الفيديو وتسريبه الآن ؟؟
افتكر دي الحتة البنبهنا ليها عبد العظيم ..
في كل الاحوال ما يهم هو تقييم اداءه في اللجنة ومدى نجاحه في تفكيك النظام ..
دي هي النقطة المفروض نهتم بيها دون ان ننجر وراء اشياء اخرى مقصود بها ارباك اعضاء اللجنة و ابتزازهم ..
لجنة التفكيك اذا اخلصت واجتهدت في عملها ..
بتدخل جحور كثيرة وح تقابلها مطبات وربما تفجيرات..
أهونها اعتيال الشخصية اعلاميا وإشانة السمعة..
نقلا عن صحيفة الراكوبة تجدون بقية الوثائق هناك.
| |
|
|
|
|
|
|
| |
خضر الطيب
HAIDER ALZAIN
جمال ود القوز
عبدالمنعم الطيب حسن
حيدر حسن ميرغني
عبدالعظيم عثمان
علي عبدالوهاب عثمان
Kostawi
Deng
محمد على طه الملك
فيس بوك
تويتر
انستقرام
يوتيوب
بنتيريست