في اي مكان في الدنيا اقالة الوزراء او إستقالتهم حاجة طبيعية وصحية وتصحيحية لي في السودان موضوع اقالة وزير يعمل الضجة دي كلها ما يمشي أكرم وين المصيبة هنا؟ يمشي أكرم ويجي الأكثر كفاءة منه
شغل المنظمات الثورية والتهديد بالشارع ما حيبني دولة تمجيد الأشخاص وصناعة الاصنام ما حيبني لينا البلد دي اي وزير ممكن يعمل ليه شله وجوغة من الغوغاء وكلما عاوزين يقيلوه يطلعوا الناس الشارع ويعمل زي الجوطه الحاصلة دي
يمشي أكرم لانه غير جدير بأن يستمر وزيرا في حكومة الثورة وحواء السودانية ولادة ما تربطوا لينا الكفاءة بأسماء محددة وتقدسوها وتجبروا الناس على عبادة وتقديس الناس ديل
05-14-2020, 10:27 AM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
هل السودان بطوله وعرضه لا يوجد فيه من أكثر كفاءة من وزير الصحة ؟ وهل اقالة وزير الصحة تعني ضياع الثورة معقول يا ناس ثورة ديسمبر المجيدة دي تكون معلقة في طرف لابكوت دكتور أكرم يمشي ويجي الأفضل منه يمشي أكرم ويجي وزير مهني وفني وغير منحاز لي شلة او جماعة او حزب الثورة دي ما قامت عشان نسلم الوزارات دي صرة في خيط لشخصيات حزبية تعوس في الوزارات وتمارس التمكين أكرم غير مؤتمن على وزارة الصحة لازم يمشي ويجي الأفضل منه
الثورة قامت ضد التمكين ما ممكن الناس تطنش وتفض الطرف عن التمكين الجدبد
معقولة البلد دي ما فيها زول وطني في قطاع الصحة غير الشيوعين يمشي أكرم ويجي زول تكنوقراط بحق وحقيقة
05-14-2020, 10:32 AM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
عندو مشروع صحّى كبير يتمثل فى حاجات كتيرة من ضمنها مجانية العلاج و تصنيع الدواء و رفع كفاءة الكادر الصحى و المستشفيات لامن يكتمل ان شاءالله بعد كم سنة كده الثوار بشيلوهو من الوزارة و يجيبوهو رئيس وزراء ده برنامج الشارع الجاب الثورة
05-14-2020, 10:35 AM
Arif Nashed
Arif Nashed
تاريخ التسجيل: 05-12-2014
مجموع المشاركات: 12692
كلها أهداف ممتازة بس السؤال هل وزارة الصحة دي وقعت للشيوعين في كرتلة عشان أكرم يقفلها علي راش يمشي أكرم ويجي وزير مهني غير منحاز يمشي أكرم وتمشي معاو سياسة التمكين
مافي مجال تاني لي تمكين جديد وهل الثورة قامت عشان نشيل الكيزان ونسلمها لي حزب واحد يعمل الدايرو في جهاز الدولة بدون إنتخابات
الكلام دا ما معقول
أكرم يمشي ويجي بالانتخابات إذا صندوق الإنتخابات جابه بطريقة ديمقراطية اليعمل العاوزه وبينا وبينه الصندوق
لكن يجي علي ضهر الثورة ودماء الشهداء ويمارس التمكين.. الكلام دا غير مقبول
05-14-2020, 10:40 AM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
الملك رمضان كريم صدقني أكرم اذا كان اتحادي وبيعمل في العمايل دي كان حاكون اول من يتصدى له وبنفس هذه الطريقة الثورة دي اذا ما كلنا كنا صاحيين حتضيع وحنندم.. قاتل الله الشلليلة والأفق الضيق
05-14-2020, 10:45 AM
عبدالمنعم الطيب حسن
عبدالمنعم الطيب حسن
تاريخ التسجيل: 11-15-2012
مجموع المشاركات: 4468
خلي أكرم يعيد النظر في طريقته في إدارة وزارة الصحة ويترك التحيز لي شلته وحزبه حيكسب تعاطف كل قوى الثورة وكل الناس معاو في محاربة مافيا الدواء
لكن يستعدل ويصحح مساره ويقيل مدراء الصحة العينهم حسب معايره الخاصة ويفتح الوظائف لابناء الشعب السوداني من الكفاءات الوطنية دون تحيز دي مشكلتي الرئيسية مع أكرم
إذا راكب رأس ومصر يستمر بي طريقته الغبية بتاعة التمكين دي يبقى يسقط ويتخارج وينتظر الإنتخابات
القصة دي ما فيها لعب دي ثورة أبقى قدر تضحيات الشهداء وخليك زول مهني وتكنوقراط وغير حزبي في الوزارة
05-14-2020, 10:55 AM
احمد حمودى
احمد حمودى
تاريخ التسجيل: 01-11-2013
مجموع المشاركات: 4364
كنت في الامدادات الطبية قبل قليل لم اجد منظم سكري ميتفورمين مخفض سكري سولفيان يوريا مضاد روماتويد هيدروكسي كلوريوريا قطرات للعيون
بسبب يقولون انه توقف شركات الادوية التي تريد رفع الاسعار وبحثت عن صيدلية في المنطقة بين شارع المك نمر وشارع القصر في الخرطوم فوجدتها كلها مغلقة او ليست لديها ادوية
من يتعمد صنع الازمة ولماذا
05-14-2020, 04:16 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12475
حبيبنا هاني تحياتي ده كلام خطير انتحار عديل طبعاً الكيزان هم المتحكمين في كل المؤسسات التجارية كل شركات الادوية والمصانع
بصراحة ده اجرام وقتل عمد بل ابادة استغفر الله .. مستوى متدني من الانسانية حتى من السعودية ما قادرين نرسل دواء للاهل لتوقف الرحلات هذا لم يحدث في أي دولة في التاريخ عدم انسانية اللهم فرج كربنا
05-14-2020, 10:43 PM
Hani Arabi Mohamed
Hani Arabi Mohamed
تاريخ التسجيل: 06-25-2005
مجموع المشاركات: 3515
Quote: حبيبنا هاني تحياتي ده كلام خطير انتحار عديل طبعاً الكيزان هم المتحكمين في كل المؤسسات التجارية كل شركات الادوية والمصانع
بصراحة ده اجرام وقتل عمد بل ابادة استغفر الله .. مستوى متدني من الانسانية حتى من السعودية ما قادرين نرسل دواء للاهل لتوقف الرحلات هذا لم يحدث في أي دولة في التاريخ عدم انسانية اللهم فرج كربنا
عمنا علي عبد الوهاب عثمان ربنا يكون في العون
05-14-2020, 05:38 PM
احمد حمودى
احمد حمودى
تاريخ التسجيل: 01-11-2013
مجموع المشاركات: 4364
عبد العظيم عندك شركة دواء والا سمسار ساااااي. قوم لف. ------------------------------------------------------------ يا ابوالشباب صاحبك دا اتحادى وما داسيها يعنى زول عميل للحلب بالوراثة وبلاخجلة لسع مكنكش فى عمالته تتوقع منو شنو؟؟؟؟
05-14-2020, 11:07 AM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
المعلومات الفوق واضحة للزول العاوز يفهم سبب دعمي لإقالة أكرم انا ضد اي وزير جابته الثورة ويستغل جهاز الدولة في التمكين لي حزب او شلة دي نقطتي الوحيدة... اي كلام فارغ تاني انا غير معني حتي بقراءته
دي ثورة ما لعب عشان يجوا سياسين غير ناضحين يمارسوا الفوضى والتمكين جوة جهاز الدولة انتوا قايلننا ريالتنا سايلة ولا شنو
05-14-2020, 11:12 AM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
الكلام دا انا كتبته عن أكرم من قبل 6 شهور في المنبر دا.. لكن أكرم ضارب الطناش و شغال يعين في الشيوعين في وزارة الصحة.. ومستمر على النعمة يستمر أكرم حتى نهاية الفترة الإنتقالية وزير للصحة حتكتشفوا حقائق مخيفة عن التمكين الأخطر من الكيزان الزول دا لازم يمشي وتتم إقالته بسرعة جهاز الدولة ليس ملكا لحزب او جماعة او شلة
انا ما لايم أكرم على موضوع الكورونا غير معقول يتحمل خراب النظام الصحي المنهار ممكن يتم تقيمه من المختصين في موضوع كورونا
دا ما موضوعي ولا موضوع البوست ولا سياسته الصحية ولا موضوع الدواء
انا موضوعي مع أكرم أخطر من كورونا موضوعي معاه شغل تمكين الشيوعين في وزارة الصحة والكلام دا خطأ كبير وعدم أمانة منه وعدم التزام تجاه الثورة وأهداف الثورة في العدالة عدالة فرص الوظائف أمام كل السودانين دون تحيز لحزب او شلة او منظمة
05-14-2020, 11:24 AM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: أكرم يمشي ويجي بالانتخابات إذا صندوق الإنتخابات جابه بطريقة ديمقراطية اليعمل العاوزه وبينا وبينه الصندوق
كلهم جو بي محاصصة انت من الاول حدد لينا ما وظيفة الحكومة الانتقالية تصلح ما افسده الدهر والكيزان والانقلابات كلها عبر 50 سنة انقلابات ولي تهيكل البلد لي احسن فترة دستور 1974 والحكم الاقليمي للامركزي باسس جديدة وتعمل انتخابات باشراف دولي اقليمية ثم مركزية ثم راسية وينسو قصة الشعب بنتخب كيزان واللف والدوران بتاع الشيوعيين والناصريين والبعثيين المحكمة الدستورية والطشت قاعد قبل الانتخابات الاعلام الحر وكل حزب في السودان علي الاقل اذاعة FM يسمعوها كل السودانيين في كل السودان وما فيش حد احسن من حد الثورة توصلنا الانتخابات بس اصلاح البلد عايز يروسس طويل وتغير استراتيجات الانقاذ 180درجة وبصورة جزيرة هسة انا وزيرة الخارجية دي عاملة لي حرق روح وما مستعوبة المتغيرات الدولية الاقليمية والعالمية والجواز الالكنروني واوضاع السودانيين في الخارج عاملة لي كركم اقوم املا الاسافير عشان يطردوها انت كان تطرح خارطة طريق واضحة زينا من الاول وترفض سياسة شالو السيدة وخلو حرم بعد ده انت يربطوك في بربند واكرم قااااعد واقالته ما دستورية من الاطلاق لحدي نسمع حمدوك يقيلو بعد داك لكل حداث حديث
05-14-2020, 11:28 AM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
يا عادل امين أكرم يقعد مافي مشكلة بس يرفد الشيوعين العينهم في وزارة الصحة ويفتح الوظائف لكل الكفاءات الوطنية دون تحيز ويقيف على مسافة واحدة من كل الموظفين الوطنيين
خليه يعمل كدا
05-14-2020, 11:53 AM
adil amin
adil amin
تاريخ التسجيل: 08-01-2002
مجموع المشاركات: 36834
Quote: يا عادل امين أكرم يقعد مافي مشكلة بس يرفد الشيوعين العينهم في وزارة الصحة ويفتح الوظائف لكل الكفاءات الوطنية دون تحيز ويقيف على مسافة واحدة من كل الموظفين الوطنيين
خليه يعمل كدا
شوف ما نقعد نلف وندور دي تنظيمات وليست احزاب الشيوعيين والبعثيين والناصريين ودي شكلة اصلا بين الشيوعي اكرم والبعثي تاور ولا عندها علاقة بالسودان والسودانيين وايضا الاخوان المسلمين تنظيم وكلهم ما احسن من احزاب السودان الوطنية التي تاسست من 1938 والحركة الشعبية المحترمة المحاصصة انتهازية وسخة من الاساس ده موقف ثابت الهيكلة والانتخابات بس نحن في الاقاليم اصلو ما عندنا مصلحة في الدولة المركزية ولا فضاها العالقين فيه ده 64 سنة احسن بعد ده نفكر بطريقة استراجية بس وليس انفعالية وشخصية برضه البعثيين ملو الوظائف بنفس الطريقة الخلا دي رجل وديك كراع منو ياخ ده عبث صبياني مثير للغثيان والشباب في الاسافير رجع تاني يبحث عن ثورة حقيقية يا عبدالعظيم والامر ليس شخصي ليس البعثيين والناصريين والشيوعيين انقلاب 1969 او الكيزان والسلفيين انقلاب 1989 هم الاذكي والاوعي والانظف في السودان اطلاقا يتحررو من الوهمة دي اول حاجة وينزلو لي المشورة الشعبية اول حاجة ويشوف الناس عايزة شنو في كل الاطر الاقليمية والمركزية والاقتصادية الثورة ليس ابالتفاهة دي والتتار وصلو ليبيا والحسانية في شنو وفي تصفية الحسابات غير المجدية https://top4top.io/
05-14-2020, 12:17 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
الأصوات التي كانت تطالب بعدم تولي السياسين للوزارات كانوا على حق لأنه ببساطة اذا الوزير أخفق، حزبه حيحشد كل أدوات الثورة وتهييج الشارع عبر الخطاب العاطفي لمنع تنفيذ قرار الإحالة نفس الكلام هسي حاصل مع موضوع أكرم
إذا كان الوزير تكنوقراط واخطأ أو تجاوز كان حيشيل شنطته ويمشي.. مش ام المعارك الشغالة هسي دي
05-14-2020, 12:33 PM
Arif Nashed
Arif Nashed
تاريخ التسجيل: 05-12-2014
مجموع المشاركات: 12692
Quote: آخر زول عينه أكرم خلال الأسبوع دا هو دكتور حمدان عمر حمدان شيوعي قرأ في روسيا
اولا :
Quote: الخرطوم 13-5-2020(سونا)-اصدر وزير الصحة الاتحادي د. اكرم التوم القرار الوزاري رقم (19) لسنة 2020 بإعفاء دكتور الفاتح عثمان فتح الرحمن من مهامه كمدير العام لوزارة الصحة ولاية الخرطوم وتكليف دكتور حمدان مصطفى حمدان بمهام مدير عام وزارة الصحة بالخرطوم وذلك الى حين الاعلان عن الوظيفة عبر وسائل الاعلام تماشيا مع موجهات التغيير المطلوب
ثانيا :
د. حمدان مكلف الى حين الاعلان عن الوظيفة عبر وسائل الاعلام ( و تعيينه غير صحيح كما حاولت اظهاره )
ثالثا :
هل لديك دليلا يثبت على ان حمدان شيوعى غير الكلام المتهافت والبينة الضعيفة فى انه درس فى روسيا !؟
ام انه من اساليب الكيد السياسى فقط !؟
05-14-2020, 01:09 PM
علاء سيداحمد
علاء سيداحمد
تاريخ التسجيل: 03-28-2013
مجموع المشاركات: 17162
وباقي مدراء الصحة الشيوعين الوزعهم في الولايات الحل معاهم شنو يا زول الوزير دا يمشي لانه إستمراره في الوزارة يعني مزيد من التمكين الحزبي ما في ضمان.. المارس التمكين والإنحياز الحزبي غير مؤتمن على الوزارة خلال فترة الإنتقال دي
الزول دا يلحق يكمل الفترة الإنتقالية حتشوفوا العجب ياهو قدامكم خبر صغيرون في الفيس، طوالي فوضى ولساتك محروقة وتهديد ب المتاريس.. ياهو دا الاختطاف للوزارات يعني يا تخلوا لينا وزيرنا قاعد او نجوط ليكم أم الخرطوم ب اللساتك والمتاريس
05-14-2020, 04:10 PM
كمال عباس
كمال عباس
تاريخ التسجيل: 03-06-2009
مجموع المشاركات: 17130
Quote: معقولة البلد دي ما فيها زول وطني في قطاع الصحة غير الشيوعين يمشي أكرم ويجي زول تكنوقراط بحق وحقيقة
إنت بتناقض نفسك --قبل كدة إنت ذكرت إنو الشيوعيين مادايرن حكومة وضد الإتفاق السياسي وإنهم بناكفو الحكومة نكاية في مجموعة الشفيع ! - إنت من كنت تمجد في هذه الحكومة وهذا الإتفاق ! - أبدأ عالج الخلل من" تالك" الإرتجال في التوقيع علي الإتفاق السياسي وتفويض أحمد الربيع وخلل الوثيقة الدستورية -ودخول المكون العسكري في السيادة بعد المجزرة وضعف بعض أعضاء المكون المدني في السيادة ! مامعقول تجي تنعي علي أكرم تعيين شيوعي - سابق مستقيل قبل الثورة وإنت بذات نفسك بتقول أنو الحزب الشيوعي -رفض الحكومة بسبب هولاء! ماتفعله هنا ياعبد العظيم لا يشبه علي محمود حسنين ولا حاج مضوي ولا أبوحريرة-أو الشريف حسين .. يا أخي أمشو أبنو حزبكم وأعملو مؤتمراتكم وأطرحو برنامجكم بدلا من التشرزم والتمزق دا...عشرات الفصائل والتيارات ودا ماراضي بدا ..توحدوا أولا ففاقد الشئ لايعطيه!
05-14-2020, 04:37 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
يا كمال يعني مفروض نعمل شنو مع تجاوزات وزير الصحة زول شغال يعين في الشيوعين دون أن يرمش له جفن وضاوشغال يمارس التمكين الحزبي وتسكين الكادر في جهاز الدولة زي دا نعمل معاه شنو من وجهة نظرك؟ إذا رفعنا صوتنا بالنقد واحدين مهاويس طلعونا كيزان وانا هسي بتقول الحاجات ما تبتشبه علي محمود وحاج مضوي عشان نكسب رضاكم مفروض نشتغل جداد مع أكرم ولا شنو يا ناس
الغلط غلط.. الثورة دي أكبر من الخرمجة البيعمل فيها وزير الصحة الكلام دا انا كتبته هنا في البورد في شهر 12 ومن وجهة مفروض الحكومة ما تتأخر في اقالة أكرم الكلام لا عنده علاقة بي الجوطة الحاصلة الايام دي ولا بي معارك الكيزان ارجع البورد شهر ديسمبر مع الأرشفة الفاتت.. حتلقاني انتقدت أكرم بصورة مباشرة.. لكنه لم يرعوي... اها عاد نعمل شنو
اقالة أكرم تصحح مسار باقي الوزراء واي وزير شغال تمكين يتخارج طوالي
05-14-2020, 05:57 PM
كمال عباس
كمال عباس
تاريخ التسجيل: 03-06-2009
مجموع المشاركات: 17130
Quote: زول شغال يعين في الشيوعين دون أن يرمش له جفن وضاوشغال يمارس التمكين الحزبي وتسكين الكادر في جهاز الدولة
منو الشيوعيين ديل؟ اللي إنت هم أصلا ضد الحكومة ومختلفيين لأسباب عددتها أنت أم تقصد شيوعيين سابقيين إستقالو عن الحزب المعني وقطعو علاقتهم به وإنتقدوه؟
Quote: إذا رفعنا صوتنا بالنقد واحدين مهاويس طلعونا كيزان وانا هسي بتقول الحاجات ما تبتشبه علي محمود وحاج مضوي عشان نكسب رضاكم مفروض نشتغل جداد مع أكرم ولا شنو يا ناس
* كونو المجلس التشريعي ليراقب الأداء الوزاري ويحاسب الحكومة ويستفسر ويسآئل الوزير عن أسس تعيناته وكيفيتها وضرورتها ! كونو المجلس التشريعي ليجيز قانون الإنتخابات ويعدل ويصيغ القوانين ويضبط إيقاعالسلطات الثلاثة _* الوزير أكرم يمارس سلطاته في تعيين من يثق بهم وفي قدراتهم في إنفاذ سياساته-ويمكن وفي ظل غياب برلمان أن تقوم قوي الحرية بإستفسار الوزير عن هذا ومعالجة إي خلل إن وجد *أنا شخصيا لي رأي ناقد حول الوثيقة الدستورية والإتفاق ومشاركة العسكر بعد المجزرة -ومع إختلفت مع رفض الشيوعي للدخول في المجلس التشريعي * نعم هناك خلل وقصور في إنفاذ أهداف الثورة والأستجابة لمطالب الجماهير هناك سلبيات تستوجب النقد .. مايهمني هنا هو الوصول لمحطة قيام إنتخابات حرة ونزيهة ومايعنيني أكثر هو مواجهة مؤامرات الفلول والسلفية المتكوزنة وأعداء التغيير - إشعال الفتن والتناحر القبلي والجهوي وإفتعال فوضي وعدم إستقرار -إفتعال أزمات إقتصادية أو إستغلالها -قطع إي دعم مادي غير مشروط من الخارج - اللعب علي وتر الدين وإستخدامه كسلاح لتحقيق أجندة سياسية - اللعب بالفريق الرديف عبد الحي والجزولي أفندي والبي محمد عبد الكريم مطعما بأنس بك الدفتردار -والإستعانة بقناة طيبة خانة العميلة - واللايفات المشبوهة والأقلام المسمومة....... *شخصيا أن أركز علي هذه الجبهة لأني أري شجرا يسير..
05-14-2020, 08:54 PM
adil amin
adil amin
تاريخ التسجيل: 08-01-2002
مجموع المشاركات: 36834
Quote: *أنا شخصيا لي رأي ناقد حول الوثيقة الدستورية والإتفاق ومشاركة العسكر بعد المجزرة -ومع إختلفت مع رفض الشيوعي للدخول في المجلس التشريعي * نعم هناك خلل وقصور في إنفاذ أهداف الثورة والأستجابة لمطالب الجماهير هناك سلبيات تستوجب النقد .. مايهمني هنا هو الوصول لمحطة قيام إنتخابات حرة ونزيهة ومايعنيني أكثر هو مواجهة مؤامرات الفلول والسلفية المتكوزنة وأعداء التغيير - إشعال الفتن والتناحر القبلي والجهوي وإفتعال فوضي وعدم إستقرار -إفتعال أزمات إقتصادية أو إستغلالها -قطع إي دعم مادي غير مشروط من الخارج - اللعب علي وتر الدين وإستخدامه كسلاح لتحقيق أجندة سياسية - اللعب بالفريق الرديف عبد الحي والجزولي أفندي والبي محمد عبد الكريم مطعما بأنس بك الدفتردار -والإستعانة بقناة طيبة خانة العميلة - واللايفات المشبوهة والأقلام المسمومة....... *شخصيا أن أركز علي هذه الجبهة لأني أري شجرا يسير.
كااااك كاااك انت كمان بديت تتحفظ ثورتكم دي دايرة ثورة من جديد ليه جدعتو دستور 2005 ونيفااشا والمحكمة الدستورية وكانت اختصرت الكثير وجات للكيزان في حنانهم عارفنكم اغبياء تلهثو ورا المناصب بس حتقول لي الساقط بن عوف جزء من الثورة مش كده ؟؟ ده جرا مصر ليه وخلاكم مع اللجنة الامنية بعد جدع الدستور المرتبط بي اتفاقيات مهمة جدا كانت وفرت 6 شهور سيرك جوبا والحوار مع 80 حركة عدل ومساوى ومستهبلين كثار وحركة شعبية شمال متشظية جابوكم في الوحل بتاعهم والله من الاول لو جدعتو ال18 ولاية دي رجعتو الاقاليم كانت الانقاذ دي انتهت من راسا لي ساسا ومن 30 يونيو 1989
05-14-2020, 09:32 PM
عبدالقادر محمد
عبدالقادر محمد
تاريخ التسجيل: 07-09-2018
مجموع المشاركات: 2780
بوست خبيث فلا غرابة ان يكون صاحبه من اتباع (السيد) حال الكيزان منذ ان ظهروا علي ساحة السياسة في السودان باستخدام فزاعة الشيوعيين ليستدروا بها عطف البسطاء نحن لا يهمنا ان كان شيوعياً او جده مباشرةً لينين فاكرم رجل ناجح جداً ولديه بصمته ولا يوجد وزير في حكومة الثورة بحماسه يجب بعد هذه الواقعة ان يلتفت الوزير لتجارة الادوية ويخلصها من ايدي هلاء الذين لا يهمهم شيئ غير ان يكونوا محتكرين لها
05-14-2020, 09:38 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
العجيب في موضوع أكرم بقى عنده جداد من الكيزان كمية الكيزان الشغالين استغلال لي موضوع اقالة وزير الصحة وتهييج الناس ودفعهم للخروج للشارع موضوع يحتاج نتوقف عنده... أسوأ حاجة حتحصل للثورة دي هو تقديس الاسماء وصناعة رموز فوق النقد..
05-14-2020, 09:42 PM
عبدالقادر محمد
عبدالقادر محمد
تاريخ التسجيل: 07-09-2018
مجموع المشاركات: 2780
Quote: العجيب في موضوع أكرم بقى عنده جداد من الكيزان كمية الكيزان الشغالين استغلال لي موضوع اقالة وزير الصحة وتهييج الناس ودفعهم للخروج للشارع موضوع يحتاج نتوقف عنده... أسوأ حاجة حتحصل للثورة دي هو تقديس الاسماء وصناعة رموز فوق النقد..
لا يقدس الاشخاص في السودان الا اتباع الحرباء المحنن دقنو واتباع ال السربوت الميرغني ولا يوجد دجاج للدفاع عن اكرم او بلابل ولكن لا يعرف قدر الرجال الا الرجال نجاح اكرم عامل شطة تقيلة للبعض كيزان وحلفاء
05-14-2020, 10:02 PM
كمال عباس
كمال عباس
تاريخ التسجيل: 03-06-2009
مجموع المشاركات: 17130
Quote: العجيب في موضوع أكرم بقى عنده جداد من الكيزانكمية الكيزان الشغالين استغلال لي موضوع اقالة وزير الصحة وتهييج الناس ودفعهم للخروج للشارع موضوع يحتاجنتوقف عنده... أسوأ حاجة حتحصل للثورة دي هو تقديس الاسماءوصناعة رموز فوق النقد..
ا الكيزان هم من بدأ هذه المنظمة ضد دكتور أكرم -وتابعهم في هذا الفريق الرديف المتمثل في السلفية المتكوزنة وتناغم معهم أبواق اللايفات -أولاد الضي وذو النون..... كل هذا موثق ومحفوظ ...* الجماهير الواعية وتجمع المهنين وقوي الحرية والتغيير ولجان المقاومة ومجلس الوزراء وقفو مع الوزير,* أها بكرة لو أُقيل الوزير أو إستقال لأنقلب الفلول 180 درجة وزرفو دموع التماسيح بكاء عليه -ولهاجموا قحت وأتهموها بالتآمر عليه ! - الموضوع ماتقديس لأكرم وإنما تقديرا لجهوده في مواجهة الوباء ومافيا الدواء وتجار العلاج -دا رغما م ن أن قرارات أكرم حول الكرونا دواء مُر وقرارات صعبة ومقيدة للحركة والعملوهي ( إذا لم يتم تفهمها) أدعي لإثارة السخط منه للإعجاب قلنا
Quote: قرارات دكتور أكرم الصحية والطبية صائبة -ولكن يجب يقوم مجلس الوزراء والمنظمات لخيرية بإحتواء الأثار الإقتصادية والمعيشية للحظر وتحديد الحركة - فالشعب الذي يواجهه خطرالكرونا خارج أبواب بيوته يواجه أغلبه الحوع وشح الموارد داخل إسوار مساكنه في ظل الحظر -لذا يتوجب مخاطبة الجانب المعيشي ووضع حلول له !-ومن ناحية أخري يجب أن تواكب قرارات السلطات الصحية الرسمية -حملة توعية عامة بمشاركة- العامليين في الحقل الصحي وعلماء الأديان ومشائخ الطرق الصوفية ونجوم الكرةوالفنانين والإعلاميين والمثقفيين حتي تتكامل أركان رسالة التوعية ! .
صحيح عشان شغال بدون راتب! ونااااادر يظهر في التلفزيون ! لأنو ما فاضي من متابعة المستشفيات ومراكز العزل بي نفسو! وما عامل شو لي نفسو كأنو نجم النجوم! راجل عملي وما بتاع مظاهر وشوفينية! وبعدين ما تسمعوا كلام الحاقدين الجايبين صور لصبيان بدردقوا في اللساتك عشان يحرقوها ويلوثوا البيئة الصحية !!!!لا لا أبداً الصورة الحقيقية إنو الناس البناضلوا عشان بقاء البطل أكرم التوم ينوون التعبير عن غضبهم لمن يسعون لإقالته بزراعة آلاف الأشجار في الشوارع لإصحاح البيئة لتكون صحية! ما تصدقوا الصور المفبركة للساتك وتقولوا محبي البطل أكرم بعلموا الأطفال حرق اللساتك وتلويث البيئة لا لا ههههههه وأهم حاجة إنو كلامو بطمئن الناس وما بخوفهم لغاية ما يكادوا يعملو حرب بين القرى خوفا من الكورونا ويطلعوا الشوارع بالسواطير هلعا وذعرا من كورونا ! دا كلو كضب! ولا حصل هدد بتاعين الركشات المساكين بمصادرة الرقشات!!! ولا المتضرر من قراراته بشكل أكبر هم الفقراء لمنعهم من ممارسة عملهم ! .................................... مجانية العلاج دي قضية بتاعة وزارة مالية ودي مفروض هي ومجانية التعليم سياسات عامة غير مرتبطة بالأشخاص وذات الشيء يقال في صناعة الدواء
Quote: العجيب في موضوع أكرم بقى عنده جداد من الكيزان كمية الكيزان الشغالين استغلال لي موضوع اقالة وزير الصحة وتهييج الناس ودفعهم للخروج للشارع موضوع يحتاج نتوقف عنده... أسوأ حاجة حتحصل للثورة دي هو تقديس الاسماء وصناعة رموز فوق النقد..
05-16-2020, 04:31 PM
طلعت الطيب
طلعت الطيب
تاريخ التسجيل: 12-22-2005
مجموع المشاركات: 5826
اري ان الدعوه لاستقاله السيد وزير الصحه د. اكرم علي التوم غير موفقه ليس معني ذلك خلو الوزاره من الأخطاء في الأداء فقد سمعت عدد من الشكاوي المسؤوله من أطباء. لكن إصلاح الأمر هو المدخل المناسب لأن التدهور فيها بعد كل هذه السنوات امر غير مسبوق. شعبنا يواجه كارثه الوباء ويحتاج الوزير للدعم والتشاور قبل أن ينهار نظامنا الصحي تماما .
05-16-2020, 04:33 PM
طلعت الطيب
طلعت الطيب
تاريخ التسجيل: 12-22-2005
مجموع المشاركات: 5826
سلام صاحب البوست الاخ عبد العظيم عثمان اعتذر عن عدم تقديم التحيه والسبب في ذلك يرجع الي ضيق وقت الكتابه ل واللخمه التي تصاحب مثل هكذا استعجال في تسجيل الموقف
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة