|
Re: هل هبط الأمريكان فى المريخ؟؟ (Re: Abureesh)
|
Quote: يعتمـد على مصدر الخبر |
أنا سمعته فى قنوات الأخبار الرئيسية فى السويد وشفت فى كذا صفحة إخباريةعربية وأجنبية فى الفيسبوك.
ونشروا لينا أوديو قالوا ده صوت الرياح تنوح فوق المريخ..
انا محتار فى طريقة التصوير..
| |
|
|
|
|
|
|
Re: هل هبط الأمريكان فى المريخ؟؟ (Re: سيف اليزل سعد عمر)
|
صوت الرياح نعم ونشرته وكالة ناسا.. لكن الغلاف الجوى للمريخ 95.5% تقريبا ثانى اكسيد الكربون.. وهذه نسب الغازات فى المريخ: Carbon dioxide: 95.32 percent Nitrogen: 2.7 percent Argon: 1.6 percent Oxygen: 0.13 percent Carbon monoxide: 0.08 percent
البشر يموت فى لحظات.. ولكن الآن تجرى أبحاث تقنية البلازما لتحويل ثانى اكسيد الكربون الى مكوناته الاصلية.. الأكسجين والكربون.. وحين ممكن نستخلص كميات ضخمة من الأكسجين . ولكن تحتاج تشيل معك جركانات موية عشان ما فى ولا قطرة هناك.
| |
|
|
|
|
|
|
Re: هل هبط الأمريكان فى المريخ؟؟ (Re: Ahmed Yassin)
|
Quote: نستخلص كميات ضخمة من الأكسجين . ولكن تحتاج تشيل معك جركانات موية عشان ما فى ولا قطرة هناك |
ده موضوع صعب يا أبوريش ياخى عشان تصل المريخ داير ليك سفر فى الشارع قريب ستة شهور بسرعة 39600 كيلومتر فى الساعة.. إلا الواحد يشيل معاه برميل موية...
| |
|
|
|
|
|
|
Re: هل هبط الأمريكان فى المريخ؟؟ (Re: سيف اليزل سعد عمر)
|
قلت برميل موية يا سيف اليزل؟..
مع الفياقة كله ممكن.. لكن شوف.. مع الإنبعاثات دى يجى يوم قريب نحصلهم فى ثانى أكسيد الكربون.. أظن فعلا كانت حضارة ولوثوا البيئة بالغاز دا وماتوا كلهم والرملة والعواصف دفنتهم. الحين نحن ماشين فى الدرب نمـد.
| |
|
|
|
|
|
|
Re: هل هبط الأمريكان فى المريخ؟؟ (Re: muntasir)
|
الامريكان ذاتهم شككونا في نزولهم للقمر ...وفي تلفزيونهم الواحد ده جانا واحد وطلع لينا خبر زولهم للقمر خبر كضب...وسال سؤال وقال : اذا كان الامريكي النزل من المركبة الفضائية هو اول من وضع رجله على القمر ...طيب والزول الكان بصور فيه ده يكون شنو!!؟؟ مش هو المفروض يكون اول من وضع رجله على القمر ووقف بعيد وبدأ يصور رجل الفضاء الامريكي النازل من المركبة الفضائية.... وقال ان الموضوع كله تم تصويره في صحراء نيفادا.... والان انتو بديتو تشككونا في هبوط مركبتهم الفضائية فى المريخ.... لكن ما دام مافي زول نزل من المركبة الفضائية ممكن نقبل الكلام ونصدق..
| |
|
|
|
|
|
|
Re: هل هبط الأمريكان فى المريخ؟؟ (Re: Abureesh)
|
أنا ما مصدقهم لكن ما فارقة كتير هبطوا أم لم بس مزعلني القروش الراحت ساكت دي لوس أنجلس فيها أكثر من أربعين ألف متشرد ينامون في الشارع ويبحثون في صناديق القمامة عن رزقهم وبعض السفهاء يصرف مليارات الدولارات عشان يمشوا المريح ليه التعب دا كلوا والأرض دي بتشيلنا لمئات السنين القادمة وفيها خير كثير لم ننقب عنه بعد بس تعمل شنو مع السفهاء لمن يحكموا
| |
|
|
|
|
|
|
Re: هل هبط الأمريكان فى المريخ؟؟ (Re: Ahmed Yassin)
|
مشهد الهبوط جميل جدا والاجمل منه مشهد العلماء وهم يحققون هذا الانجاز والله نفس المشهد حدث لنا يوم الخميس فقد كان الرجال يصفقون بحرارة والنساء تصدح اصواتهن بالزغاريد للجان المقاومة طبعا عشان هبط عندنا الغاز من مستودعات.الشجرة بعد صراع مع الفحم دام لشهر كامل والله الواحد لمن يقارن بين المشهدين يصيبه احباط وشد في العضلات ويمكن كوفيد ١٩ وانفلونزا الطبور ذاتا
الرحلات السابقة للقمر لم تكن ذات مخاطر كثيرة وان سبق وان تحطمت المركبة الفولاذية القوية جالنجر وعلى متنها سبعة رواد فضاء وكما تقول الدراسات ان يوري قاقرين مشى على سطح القمر بل واحضر عينات من تربة القمر كما ان الكلبة لايكا هبطت بسلام صراحة لو صدق الامريكان سابقا والان فان هذا يعد انجازا كبيرا للبشرية
هجمة مرتدة قبل ايام تم القبض على نيجيري ببيع تذاكر لدخول الجنة التذكرة ب ٥٠٠ دولار وقبل عشرين عاما ادعى احد اليمنيين ملكية جده لكوكب المريخ بل وبدا في بيع قطع اراضي مميزة بالكوكب الاحمر لبعض اعضاء البرلمان وفي حج السنة قبل الماضية تم القبض على مصري وكان يبيع مخلفات دروع الصحابة في غزوة بدر ويبيعها بالاسم طبعا درع سعد بن ابي وقاص ب ٥٠٠ ريال درع ابوعبيدة بن الجراح ب ٤٠٠ ريال والمدهش انه باع كمية كبيرة منها في يوم وقوف عرفة ليتضح لاحقا انها (طاسات قديمة لكفرات كريسيدا ٨١) فال ليك الباكستاني يقبل الدرع ومن ثم يدخل في نوبة بكاء هستيري !!! طبعا جماعة الله اكبر الجدبدة ايضا كانوا يشطحون كثيرا في كوكب الارض واكثر ما اضحكني تلك المجاهدة التي كانت تقوم بتقطيع البصل للمجاهدين فجرحتها السكين طوالي جماعة هي لله شموا ريحة المسك بتاع الجنة غايتو ما شاء الله الجماعة بيكونوا شاربين الاصلي هجمة ثانية كتبت مقالا بمجلة الشرق الاوسط عام ١٩٩٩ على ما اذكر كان عن غزو الفضاء وفاز بالجايزة الاولى على مستوى الشرق الاوسط ولازلت اطلب المجلة مبلغ ٥٠٠ دولار نظير هذا الفوز وقد داعبت مرة ساخرا المرحوم هشام علي حافظ والعم محمد علي حافظ وقلت لهم انا طالبكم ٥٠٠ دولار لقد سالت في هذا المفال الى متى نغزو الفضاء ؟؟؟؟؟ والان اعيد السؤال مرة اخرى الى متى نغزو الغضاء ونحن لازلنا بعقلية تذاكر دخول الجنة ؟؟ وغزالة اسحق احمد فضل الله ؟؟؟
| |
|
|
|
|
|
|
Re: هل هبط الأمريكان فى المريخ؟؟ (Re: سيف اليزل سعد عمر)
|
Quote: مع الإنبعاثات دى يجى يوم قريب نحصلهم فى ثانى أكسيد الكربون.. أظن فعلا كانت حضارة ولوثوا البيئة بالغاز دا وماتوا كلهم والرملة والعواصف |
دى نظرية برضو يا ابوريش ومقاربة ذكية لمستقبل كوكب الأرض كمصير المريخ بسبب زيادة ثانى اكسيد الكربون.
| |
|
|
|
|
|
|
Re: هل هبط الأمريكان فى المريخ؟؟ (Re: سيف اليزل سعد عمر)
|
وناس الامارات ديل ذاتهم ما عندهم شغلة،،، هم مالهم ومال المريخ ولا عطارد ولا القمر،،،،مش كان اولى يشتروا بملايين الدولارات الصرفوها في الShow ده ، يشتروا بيها اسلحة يستردوا بيها الجزر المحتلة من قبل ايران، او ينفقوها في تحسين معيشة المواطنين ،،،وبعدين يعملوا وكالة فضائية زي ناسا ويمشوا القمر والمريخ وان شاء الله يهبطوا في سطح الشمس ويورونا سخانة الشمس دي مصدرها من وين!!!؟
| |
|
|
|
|
|
|
Re: هل هبط الأمريكان فى المريخ؟؟ (Re: امتثال عبدالله)
|
ابوحراز دا الامتاع والمؤانسة
Quote: وقبل عشرين عاما ادعى احد اليمنيين ملكية جده لكوكب المريخ بل وبدا في بيع قطع اراضي مميزة بالكوكب الاحمر لبعض اعضاء البرلمان |
والحقيقة ارتكز في مطالبته الرسمية دي وقال ان اول رحلة فضائية قامت من اليمن في اشارة لـ (عرش بلقيس) والقرآن اثبت الكلام دا وكل الكتب السماوية اقرت الرحلة دي وقال انه العرش دا قبل ما يصل القدس الشريف مر بالمريخ ..
| |
|
|
|
|
|
|
Re: هل هبط الأمريكان فى المريخ؟؟ (Re: سيف اليزل سعد عمر)
|
الأمريكان يصلوا القمر، ويرسلوا ليموزين للمريخ، والروس يصلوا الفضاء الخارجى من الستينات وعربية الصينيين تنزل فى الوجه المظلم من القمر، واليابانيين والهنود والأوربيون..
أما نحن.. نتعارك فى المحاصصة وناس قحط والجماعات المسلحة عوزين خمسة مقاعد.. لا خمسة ما كفاية.. وعشان ما يشعروا بصداع التخطيط والإنتاج باعوا الأراضى للأجانب يزرعوها ليهم.. وهم يقعدوا بس، موش أدوهم مقاعد؟
| |
|
|
|
|
|
|
Re: هل هبط الأمريكان فى المريخ؟؟ (Re: سيف النصر محي الدين)
|
Quote: بس مزعلني القروش الراحت ساكت دي لوس أنجلس فيها أكثر من أربعين ألف متشرد ينامون في الشارع ويبحثون في صناديق القمامة عن رزقهم وبعض السفهاء يصرف مليارات الدولارات عشان يمشوا المريح |
وماذا عن القروش الرايحة في شراء الخمور في البارات وفي الأكل في المطاعم الفاخرة وفي السفر لمجرد الاستلقاء تحت اشعة الشمس في الشواطئ وفي المنتجعات او للتزلج على الثلج في الجبال والمرتفعات. وماذا عن المليارات التي تصرف على كرة القدم وعلى التنس وكرة السلة..الخ؟ وماذا عن الملايين التي تصرف على الراقصات وعلى النغنين والمغنيات؟ ماذا عن المليارات الرايحة في صناعة الترفيه وفي الافلام والمسلسلات وعلى اعلانات السلع التافهة التي لا يحتاجها احد؟ وماذا عن الترليونات التي تصرف على الاسلحة والتسلح وفي الحروب؟ على الأقل قروش ناسا دي معمول فيها حساب الاجيال القادمة ومستقبل الحياة عموما.
| |
|
|
|
|
|
|
Re: هل هبط الأمريكان فى المريخ؟؟ (Re: سيف النصر محي الدين)
|
Quote: هبط عندنا الغاز من مستودعات.الشجرة بعد صراع مع الفحم دام لشهر كامل والله الواحد لمن يقارن بين المشهدين يصيبه احباط وشد في العضلات |
مؤسف والله ما يحدث فى السودان.. مؤسف كل هذا الرهق من أجل أبسط مقومات العيش الكريم للملايين من المواطنين.
| |
|
|
|
|
|
|
Re: هل هبط الأمريكان فى المريخ؟؟ (Re: سيف اليزل سعد عمر)
|
في ترليونات ضائعة ساكت يا سيف النصر ما هي دي الرأسمالية ودي طبعها بس قروش ناسا من أموال دافع الضرائب فما معقول دولة يتشرد فيها قدامي المحاربين من من أفنوا زهرة شبابهم في أرض المعارك في فيتنام وكوريا والعراق وأفغانستان وبتصرف قروش قدر دا عشان تصل المريخ ما في إزدراء للعلم ولا للعلماء وطموحاتهم المعرفية وما في إنكار لحقوق الأجيال القادمة بس علي الدولة أن توازن بين حقوق الأجيال المشردة هسع دي مع أجيال المستقبل الحايفين عليها إنه الأرض ما تشيلهم !!!!
| |
|
|
|
|
|
|
|