كتب الكاتب الفاتح جبرا المتوفرة بمعرض الدوحة
|
Re: هل فعلا كتب سليمان قنودة في الاصم مالم يكت (Re: عمر التاج)
|
مافي حد سمع .. طيب هذا ما وصلني عنه ..
Quote: لم اكن أنوي مهاجمة الأصم،لكني لمحت في تغريدة على تويتر ان أمره مكشوف وانه قبض من الامارات مع مريم الصادق للإجهاز على اعتصام القياده العامه ،وهو من وقع على فض اعتصام القياده العامه مع المجلس العسكري عن تجمع المهنيين..واعتقد انكم تذكرون رفضه لعودة الثوار لإعتصام القياده العامه في بث مباشر ،حتى ولو كانت عودة لقراءة الفاتحه على ارواح الشهداء..
ثم كوفيء على موقفه المخجل من قبل العسكر بقراءة خطاب التوقيع على الاتفاق المشؤوم الذي يحكم العسكر بموجبه السودان للان.
ثم كوفيء بتكاليف رحلته الى أمريكا لإعداده للمرحله القادمه كسياسي محسوبا على الثورة..
وتماشى مع العسكر في كل المحطات الحرجه التي تعرضوا لها نتيجة لمواكب الثوار وضغطهم،وكان دائما يمثل دور المخدر المتواطيء الذي انحاز للمصالح والوعود على حساب دماء الشهداء واهداف الثورة.
والان وبعد ان استعاد تجمع المهنيين بريقه واعاد تنظيمه وخرج علينا ببيانات قويه ضد العسكر خرج علينا الاصم برفض الانتخابات الأخيرة لتجمع المهنيين ،تلك الانتخابات التي نظفته واعادت لحمته والتفاف الثوار حوله وابعاد المتسلقين عنه وأولهم محمد ناجي الأصم (الذي استقال من العمل السياسي كما صرح ذلك بنفسه!!) لكنهم اعادوه الان للواجهه لأنهم يعتقدوا ان له رصيد عند الثوار او كلمة مسموعه.
ان الهدف المرحلي السريع الان للعسكر هو تقسيم المقسم وتجزئة المجزء وشق تجمع المهنيين ووجدوا وكالعادة الاصم كحصان طروادة لهذه المهمه القذره التي لن تنطلي على ثوار السودان واحراره . تحيا الثورة وهي مستمره ويحيا تجمع المهنيين السودانيين الشرفاء.
سليمان قنوده |
| |
|
|
|
|
|
|
Re: هل فعلا كتب سليمان قنودة في الاصم مالم يكت (Re: علاء سيداحمد)
|
Quote: المقتبس اعلاه كلام غير صحيح جملة وتفصيلاً لان حكاية استعادة تجمع المهنيين بريقة كلام فارغ ياتو بريق !؟ بريق الناس ما شايفنو !؟ ومتين الثوار التفوا حوله !؟ ياتو يوم دعوا الثوار للخروج للشارع واستجاب لهم الثوار !؟ ياتوا انتخابات مش شويتين الشيوعيين الاتلموا وقاموا بالسطو على الشرعية .!؟ أنا لا ادافع عن الاصم فهو اقدر على الدفاع عن نفسه اكثر منى ولكننى ادافع عن الثورة وافكارها والتى خرج عليها الشيوعى !!! نعامل الشيوعيين تماما مثل الكيزان . |
من أنتم ؟
بالله عليك وبحق السماء
ما الذي سيحدث إذا عاملتهم مثل الكيزان أم لم تعاملهم ؟
هل سينشرق السمك في الأنهار والمحيطات ؟
أم سيسقط العالم في حفرة ؟
!Nothing will happen
...!!Keep "good" work
| |
|
|
|
|
|
|
Re: هل فعلا كتب سليمان قنودة في الاصم مالم يكت (Re: علاء سيداحمد)
|
Quote: وهو من وقع على فض اعتصام القياده العامه مع المجلس العسكري عن تجمع المهنيين |
والمجلس العسكري كان داير توقيع الأصم على فض الإعتصام يعمل بيهو شنو؟ يعني فايدة توقيع الأصم على قرار فض الإعتصام يالنسبة للعساكر شنو؟
Quote: وانه قبض من الامارات مع مريم الصادق للإجهاز على اعتصام القياده العامه |
الأمارات تدفع للأصم ومريم الصادق عشان شنو؟ الإعتصام فضته قوات عسكرية، دور الأصم ومريم الصادق شنو في تحريك القوات دي؟
الحتة بتاعة الإعتصام دي عمك سليمان قنوده ما حبكها كويس يا عمر التاج. وإذا الحتة دي ما ظبطت باقي المقال كلو ببقى هردبيس.
الأصم سقط في أول تجربة ديمقراطية وقد أسهم بشكل كبير في تفكيك تجمع المهنيين وتقزيم دوره بعد الثورة، لكن حكاية وقع على فض الإعتصام دي كلام ما بقولوا زول عندو مخيخ ولو سفلى.
| |
|
|
|
|
|
|
Re: هل فعلا كتب سليمان قنودة في الاصم مالم يكت (Re: عبد الله حسين)
|
Quote: سليمان قنودة كوز أممي بيكتب كلام فارغ وهو لسان حال الدولة العميقة |
سليمان قنوة .. الداعم الاجنبي الوحيد للثورة والذي كان يكتب كل يوم عشرات البوستات في دعم الثوار اليوم بقى كوز يا عبد العظيم .. قلتم ذو النون كوز وأحمد الضي كوز وعلي هباني كوز وتراجي مصطفى كوز واليوم سليمان قنودة كوز .. عجبي .. والله يعجل باليوم البيكون فيه أحمد المصطفى كوز..
| |
|
|
|
|
|
|
Re: هل فعلا كتب سليمان قنودة في الاصم مالم يكت (Re: علاء سيداحمد)
|
Quote: بيحصل كتير اذا عاملناهم مثل الكيزان فى انهم من الثورة المضادة . |
وبعدين ؟.
Quote: ليس اسوأ من الكيزان الا الشيوعى . |
ومافي أسوأ من الكيزان إلا علاء سيد أحمد.
هو الكلام بقروش.
Quote: قصر نظر فى شنو يا عبدالله محمدوالشيوعى شغال عكس تطلعات الشارع .!! - الخروج على ميثاق قوى الحرية والتغيير . - الانقلاب على شرعية تجمع المهنيين . - الوقوف الى جانب الثورة المضادة . لو فى قصر نظر فالشيوعى هو قصير النظر .
سؤال غير برئ :طالما خرج الشيوعى من قوى الحرية والتغيير لماذا لايزال فى تجمع المهنيين !؟
|
الحزب الشيوعي شغال عكس تطلعات الشارع
وخرج من الحرية والتغيير
وباق في تجمع المهنيين
فماذا أنت فاعل ؟.
| |
|
|
|
|
|
|
Re: هل فعلا كتب سليمان قنودة في الاصم مالم يكت (Re: عبد الله حسين)
|
Quote: وأنت لا تستطيع فعل أي شيء غير الفصاحة أون لاين |
القال ليك الكلام دا منو !؟
الشارع ما كان متماسك اكثر مما هو اليوم وانتا جاى تقول لا تستطيع فعل اى شئ !؟
Quote: الحزب الشيوعي خرج من الحرية والتغيير وباق في تجمع المهنيين |
القاعدين ليهو شنو ؟ طالما خرج من الحرية والتغيير اكرم ليكم تخرجوا من تجمع المهنيين كمان دا اسمو ( رجل جوا ورجل برا ) ودا ما بيأكلم عيش فى سوق السياسة . حزب ديناصورى متكلس .
| |
|
|
|
|
|
|
Re: هل فعلا كتب سليمان قنودة في الاصم مالم يكت (Re: علاء سيداحمد)
|
Quote: القال ليك الكلام دا منو !؟
الشارع ما كان متماسك اكثر مما هو اليوم وانتا جاى تقول لا تستطيع فعل اى شئ !؟
|
هههه
وهل أنت الشارع ؟!!
أنت مجرد ظاهرة صوتية إسفيرية.
Quote: القاعدين ليهو شنو ؟ طالما خرج من الحرية والتغيير اكرم ليكم تخرجوا من تجمع المهنيين كمان دا اسمو ( رجل جوا ورجل برا ) ودا ما بيأكلم عيش فى سوق السياسة .
|
لا تعرض بجهلك في الأسافير يا رجل. تجمع المهنيين أسسه الشيوعيون عام 2012، بل أسسوا كل النقابات في السودان، التي كانت دوماً رأس الرمح في كل الثورات السودانية.
Quote: حزب ديناصورى متكلس . |
عضوات وأعضاء هذا الحزب الديناصوري المتكلس تشهد لهم السجون والمعتقلات وبيوت الأشباح وحبال المشانق والدروات، فماذا فعلت أنت غير الصياح الإسفيري في الأزمنة الباردة، وغير الوقوف الأبدي في خانة ردود الأفعال، الحزب الشيوعي فعل والحزب الشيوعي ترك، الحزب الشيوعي نام والحزب الشيوعي قام، الحزب اتسوك والحزب الشيوعي بصق!!.
| |
|
|
|
|
|
|
Re: هل فعلا كتب سليمان قنودة في الاصم مالم يكت (Re: محمد البشرى الخضر)
|
عمر التاج كدي تعال فهمنا قنوده ده يطلع منو ووزنو شنَو وبتكلم باسم منو وبمثل منو؟ زول ساي ماعندو اي موضوع ظهر ايام الثورة عمل ليهو حيران ومتابعين لما الناس بقت بتفتح بيهو بوستات😁🤲🏼😁 الزول ده لا صحفي ولا محلل سياسي ولا مؤرخ ولا سوداني ولا اي حاجة، يبقا شنو أهمية كتابتو من عدما إذا في الأصم ولا غيرو..
| |
|
|
|
|
|
|
|