|
Re: هل تصدقو ان الظلامى معتز القريش بقى يمتلك (Re: بدر الدين الأمير)
|
قامت هرشتنى يعنى شنو يهمشنى وكلاهما يعرف عشقى للمفاريك طبعا همشك دى انا كنت قاصدبيها حاجة تناية بس بعد النهرة ونطيط العيون قلت يعنى ناس جودة وصلاح ومنعم البجو وبستطعمو مفاريكك حايمشو مطعم الظلامى معتز القريش قالت عليهم بالعافية وربنا يربحو انا هنا لاعرفت اضحك ولاعرفت ابكى
| |
|
|
|
|
|
|
Re: هل تصدقو ان الظلامى معتز القريش بقى يمتلك (Re: بدر الدين الأمير)
|
Quote: فى قطر لحدى اليوم لايوجد مطعم سودانى يمكن ان تزهب له وبرفقتك إمرأة خليك من الاسرة |
السبب يا بدر عشان العذابة أولا يعاينوا للسطر الأخير من الفاتورة.. و يدفعوا و يتخارجوا بسرعة.. يدوا فرصة لغيرهم.. الأسر عشان يقعدوا بس عاوزين ساعة.. و ساعة عشان يأكلوا و ساعة عشان يقوموا.
| |
|
|
|
|
|
|
Re: هل تصدقو ان الظلامى معتز القريش بقى يمتلك (Re: Abureesh)
|
مرحب بدر الدين الأمير كويس الوغد دا رسل ليك رسالة يكون بعمل كبده حاشي و ام فتفت و كوارع و اقاشي و شنو و شنو هههههه و هو عارف اني ما بحب الحاجات دي انا شفتا الحاجة دي في صفحة معتز في الفيس اتمنى ليهو التوفيق كيكي قال ليهو حافظ لينا على نكهة السمك و كيكي ساكن في آخر الدنيا ما عارفو كيف بجي للحتة دي ههههههه https://www.0zz0.com https://www.0zz0.com https://www.0zz0.com
كت آوت :- رسالة خاصة لمعتز .. اوعا يوم تعزمني في مطعمك دا .. اعزم بدر الدين بجيك اعزم كيكي اعزم منتصر .. انا لا ههههههههه
| |
|
|
|
|
|
|
Re: هل تصدقو ان الظلامى معتز القريش بقى يمتلك (Re: muntasir)
|
Quote: عروس الرمال حق بلة كان عنده أحسن سمك ، ورينا محله وين عشان نربحوا الأيام دي طلبات ورفيق فتروا مني |
سلام منتصر هاك يا حبيب المكان : الريان الجديد مقابل صرافة المدينة 🚖 خدمة التوصيل مقابل مبلغ رمزي حسب المنطقة تلفون 44805860 33426266 77114050
فطور - غداء - عشاء
| |
|
|
|
|
|
|
Re: هل تصدقو ان الظلامى معتز القريش بقى يمتلك (Re: خضر الطيب)
|
Quote: شكرا أستاذ خضر على الصور.. و ألف مبروك لمعتز القريش
وين الكسرة و العصيدة و القراصة و ملاحات التقلية و النعيمية..الخ. طلع إشاعة. |
مرحب باشمهندس ابو الريش الكسرة و القراصة و العصيدة دي خلينا نمشي نشوفا انا و بدر الدين و منتصر حنفيدكم لو ربنا جمعنا مع بعض
| |
|
|
|
|
|
|
Re: هل تصدقو ان الظلامى معتز القريش بقى يمتلك (Re: Elmosley)
|
Quote: معتز المرة الجاية لمن أجي ما بمزل مع بدر الدين بنزل معاك في المطعم طوالي ان شاء الله في أوضة غسيل العدة اصلي بحب الرمرمة في باقي الحلل ٣ صباحا قال بدر الدين قال |
ياموصلى امانا مادعمت الظلامى معتز القريش بس اوعك تفكر تجى كاس العالم في قطر
| |
|
|
|
|
|
|
Re: هل تصدقو ان الظلامى معتز القريش بقى يمتلك (Re: بدر الدين الأمير)
|
بسم الله الرحمن الرحيم الحمد لله الذي بنعمته تتم الصالحات اخوكم معتز القريش يرحب بكم في مطعم عروس الرمال في ثوبه الجديد وأكلاته السودانية المتنوعة اعتبارا من يوم غدٍ الخميس ٩ يوليو ٢٠٢٠ المكان : معيذر الشمالي مقابل صرافة المدينة 🚖 خدمة التوصيل مقابل مبلغ رمزي حسب المنطقة تلفون 44805860 33426266 77114050 فطور - غداء - عشاء
| |
|
|
|
|
|
|
Re: هل تصدقو ان الظلامى معتز القريش بقى يمتلك (Re: معتز القريش)
|
جاهزين لاستقبالكم واستقبال طلباتكم وجبات اليوم ١-سمك مقلي ٢- تقلية ٣- رحلة ٤- ملوخية مفروكة ٥- قيمة ٦- سلطة أسود ٧- كوارع ٨- فول ٩- طعمية ١٠- سلطة بالجبنة ١١- سلطة بالدكوة ١٢- مشكل ١٣- شية ١٣- كبدة جمل (مساءً) تسرنا خدمتكم تلفونات 44805860 33426266 77114050 مطعم عروس الرمال
| |
|
|
|
|
|
|
Re: هل تصدقو ان الظلامى معتز القريش بقى يمتلك (Re: معتز القريش)
|
يا عربي RBG جربنا المطعم الليلة وبنديه أربعة ونص نجمة من خمسة نجوم ونص النجمة دي بنحتفظ بيها لحدي ما نجرب كبدة الإبل ، بالتوفيق يا معتز وللإمام وحاول تدخله في برنامج طلبات أو رفيق عشان تريح نفسك من وجع راس التوصيل وان شاء الله حنكون زباين دايمين ليك
| |
|
|
|
|
|
|
Re: هل تصدقو ان الظلامى معتز القريش بقى يمتلك (Re: معتز القريش)
|
في زيارة مع الوليدات للكويت ذهبنا للعشاء في مطعم قريب من الابراج وما لفت نظري من ضمن الديكور وفي رف من الاعلى خاتين اكورديون ! عديل وانا منعمني مرضان بالحاجات دي خليت العشاء وطلعت في الكراسي الاوي في الاكورديون عشان انزلوا وتاريهم مربطنو بقفل زي حق العجلة. المهم انا بعمتىوجلابيتي اعافر والمطعم كلو يتفرج واولادي يصورو! عليك الله يا معتز لو في طريقة تعلق لك واحد. وكمان لو فتح الطريق بجيب لك واحد معاي كمان
| |
|
|
|
|
|
|
Re: هل تصدقو ان الظلامى معتز القريش بقى يمتلك (Re: خضر الطيب)
|
Quote: الحقوا يا خضر الطيب وبدر الدين.
منتصر باع القضية.
الظاهر عليهو اكل مجاني في مطعم الظلامي!
معقولة يا منتصر تدي مطعم الظلامي 4 ونص من خمسة؟؟ |
هسه بعد كبدة الإبل الفوق دي بكون منتصر اداهو عشرة من عشرة و الظلامي عادي ممكن يخليهو ياكل مجاناً الدعاية برضو عندها تمن مونتي و بدر الدين ديل بحبو كبدة الإبل و عندهم جمهور كبير في الدوحة بختك يا معتز عرفتا تختار المروجين :)
| |
|
|
|
|
|
|
Re: هل تصدقو ان الظلامى معتز القريش بقى يمتلك (Re: بدر الدين الأمير)
|
الظلامي دا قصة رضاعتو دي بحكي لينا فيها من الابتدائي و مروراً بالثانوي العام و حتى الثانوي العالي ما فكتو مننا الا الجامعة لكن رغم كدا ما بلحق ابو الخير دا .. ابو الخير دا عالمي فظيع فظيع ابو الخير دا كان السبب في اني اطفش من مطعمو و عندي صاحبي كمان طفش انا اصلاً لغاويس النيباليين ديل ما بتنفع معاي كنت بجي بشيل فول سادة و بهارات سودانية و زيت سمسم لما عرفتا البيت السوداني تاني نهائي ما مشيت ليهو يشبكك مما كان في الجنوب و كان صاحبو النميري في الجنوب و اتزوج هندية و نيبالية و شيشانية و نفس القصص كلو مرة يكون الفول الشايلو برد و حيلك برد و كلما تقول ليهو ماشي يقول ليك دقيقة اسمع دي ... شييت ياخ
| |
|
|
|
|
|
|
Re: هل تصدقو ان الظلامى معتز القريش بقى يمتلك (Re: Deng)
|
Quote: ربس يا بدر الملحق الاعلامي بتاع الظلامي خدر خرب الفول بالفتوش الخاتي بي فوق ده |
وحاتك يا مونتي الفتوش و لا الجرجير دا ما عملتو انا الظاهر الزبون عندو ايمان بالمثل بتاع الجرجير تحت السرير بالنسبة للبصل الفي كبدة الإبل دا ما عندي عنه فكرة و ما عارف اذا بعملو ليها بصل و لا لا لاني ما حصل اكلته في زول بياكل جمل .. الجمل دا ما بياكلوهو بركبوهو عشان كده سموهو سفينة الصحراء في زول بياكل ليهو سفينة ؟:)
| |
|
|
|
|
|
|
Re: هل تصدقو ان الظلامى معتز القريش بقى يمتلك (Re: Mohammed Alhasan Mohammed)
|
Quote: تحياتي الامير .. موفق ان شاء الله حبيبنا معتز بوست نموذج رائع للاخوانيات الاحباب خضر والامير وباقي الاحباب
تدوم الاخوة هكذا تمنياتنا للحبيب معتز بالتوفيق مع التحية |
على يا ود عبدالوهاب الظلامى قال وهو فى طريقه لمنافسة كنتاكى حايعمل قسم خاص باجبان الدويم وقسم اخر لاسماك بحر ابيض كما انه سوف يخص الرطانة بقسم خاص بالتركين والملوحة والفسيخ وعجبى
| |
|
|
|
|
|
|
Re: هل تصدقو ان الظلامى معتز القريش بقى يمتلك (Re: بدر الدين الأمير)
|
تبدأ المطاعم السودانية في الخارج كبيرة جدا ومنظمة ونظيفة ومرتبة جدا لكن سرعان ما تصغر وتتقزم وتضعف خدماتها وفي مطاعم باب شريف والكرنتينة بجدة نادرا ما تستقطب هذه المطاعم اجانب بل يعدون على الاصابع إن كانوا من زبائنها وتظل متطرفة في المحلية حتى تفقد بريقها ووهجها وبحكم عملي بالبلدية فإن اكثر ما اسمعه من المراقبين في صحة البيئة ان الاكل السوداني طاعم جدا ولكن يوجد سوء في النظافة في بعض المطاعم وسوء في طريقة التقديم من قبل النادل السوداني بالطبع ليس كلهم واكثر الملاحظات على مقدم الطعام هو تقديم بعضهم للخبز باليد اليسرى وكذلك عدم وجود زي موحد يجمع فيما بينهم لدرجة انك لاتميز بين الذي يعمل من الذي لا يعمل وهذا ذكرني بسواكن حيث اخذ احدهم جوازي وبدات ابحث عنه لمدة ساعة كاملة حيث انهم يتشابهون مثل الارانب!!!
هجمة مرتدة التقيت بثلاثة شباب من اهل العوض بجدة يبدو انهم اتوا عمرة للتو من السودان وجدتهم وقوفا في صف مطعم كنتاكي بجدة والوجبات يتم عرضها على شاشة إلكترونية بالانجليزي وحينما وصلوا للكاشير الهندي قالوا له وبصوت واحد ( عندك بلدي) !!! طبعا الهندي قعد يلولح في راسه ويهز فيه بطريقة كأنه دخلت ليه موية في اضنينو وكلما يهز يكررون له بلدي يا ود الحلال اتلفت عليهم وقلت ليهم ارفعوا روسينكم وعاينوا فوق للشاشة دي عاينوا كلهم طبعا قلت ليهم عليكم الله شايفين ليكم بامية مفروكة حايمة هنا ؟؟ تعالوا معاي اخذتهم معي واتيت بهم لمطعم في باب شريف والله الجماعة ماصدقوا وجدوا هنا كل ما يشتهون قال كنتاكي قال !!!!
| |
|
|
|
|
|
|
Re: هل تصدقو ان الظلامى معتز القريش بقى يمتلك (Re: ابوحراز)
|
Quote: غايتو يامعتز الدعاية العملها ليك بدر الدين بالبوست دا ما كنت تحلم بيها .. عشان كدة بقترح تدية عضوية عضة مجانية يومية ....سنة على الاقل و بالتوفيق وبنجى نشوف موضوع السمك دا انشاء الله .. |
دعاية شنو يامحمد الحسن ياخى انا بس خايف على صحة الرفاق لذا كان لازم التنبيه
| |
|
|
|
|
|
|
Re: هل تصدقو ان الظلامى معتز القريش بقى يمتلك (Re: ابوحراز)
|
Quote: تبدأ المطاعم السودانية في الخارج كبيرة جدا ومنظمة ونظيفة ومرتبة جدا لكن سرعان ما تصغر وتتقزم وتضعف خدماتها وفي مطاعم باب شريف والكرنتينة بجدة نادرا ما تستقطب هذه المطاعم اجانب بل يعدون على الاصابع إن كانوا من زبائنها وتظل متطرفة في المحلية حتى تفقد بريقها ووهجها وبحكم عملي بالبلدية فإن اكثر ما اسمعه من المراقبين في صحة البيئة ان الاكل السوداني طاعم جدا ولكن يوجد سوء في النظافة في بعض المطاعم وسوء في طريقة التقديم من قبل النادل السوداني بالطبع ليس كلهم واكثر الملاحظات على مقدم الطعام هو تقديم بعضهم للخبز باليد اليسرى وكذلك عدم وجود زي موحد يجمع فيما بينهم لدرجة انك لاتميز بين الذي يعمل من الذي لا يعمل وهذا ذكرني بسواكن حيث اخذ احدهم جوازي وبدات ابحث عنه لمدة ساعة كاملة حيث انهم يتشابهون مثل الارانب!!!
هجمة مرتدة التقيت بثلاثة شباب من اهل العوض بجدة يبدو انهم اتوا عمرة للتو من السودان وجدتهم وقوفا في صف مطعم كنتاكي بجدة والوجبات يتم عرضها على شاشة إلكترونية بالانجليزي وحينما وصلوا للكاشير الهندي قالوا له وبصوت واحد ( عندك بلدي) !!! طبعا الهندي قعد يلولح في راسه ويهز فيه بطريقة كأنه دخلت ليه موية في اضنينو وكلما يهز يكررون له بلدي يا ود الحلال اتلفت عليهم وقلت ليهم ارفعوا روسينكم وعاينوا فوق للشاشة دي عاينوا كلهم طبعا قلت ليهم عليكم الله شايفين ليكم بامية مفروكة حايمة هنا ؟؟ تعالوا معاي اخذتهم معي واتيت بهم لمطعم في باب شريف والله الجماعة ماصدقوا وجدوا هنا كل ما يشتهون قال كنتاكي قال !!!!
|
مرحب باشمهندس عثمان ود ابو حراز كاتبي المفضل و حمد الله على السلامة طولتا الغيبة و اتمنى انك كنت بخير الحديث عن المطاعم السودانية يطول حبيبنا الظلامي معتز مجتهد و مثابر و كتير بهتم بالتفاصيل اللي انت ذكرتها و يا ريت انت بحكم عملك في مجال مراقبة المطاعم من خلال زملائك تديهو بعض الملاحظات و بالمناسبة البلدية في قطر عندها قوانين صارمة جداً و ما بتساهلو مع المطاعم
| |
|
|
|
|
|
|
Re: هل تصدقو ان الظلامى معتز القريش بقى يمتلك (Re: معاذ حسن)
|
تعرف يا دينق أمبارح طلبت منه للمرة التانية من ضمنها كبدة الإبل فعلا وجبة (تضرب لها أكباد الإبل) غايتو الظلامي قطع شك في عهد سحيق في الجاهلية كان ود كاس بدرالدين وانا لولا توبة سبقت كان دورت عربيتي ومشيت ابوهامور لقارورة من البلو ليبل بس استغفرت
| |
|
|
|
|
|
|
Re: هل تصدقو ان الظلامى معتز القريش بقى يمتلك (Re: muntasir)
|
Quote: تعرف يا دينق أمبارح طلبت منه للمرة التانية من ضمنها كبدة الإبل فعلا وجبة (تضرب لها أكباد الإبل) غايتو الظلامي قطع شك في عهد سحيق في الجاهلية كان ود كاس بدرالدين وانا لولا توبة سبقت كان دورت عربيتي ومشيت ابوهامور لقارورة من البلو ليبل بس استغفرت |
منتصر شيخك الظلامى يسير على تطريقة شجاع له الرحمة شجاع ذالك الايرانى كان عندو مطعم مشاوى على الهواء الطلق فى منطقة النجمة بشتغل ليلا فقط ومشهور جدا للقطرين والاجانب الكلام دا فى التسعينات والظلامى كان يسكن فى نفس المنطقة شجاع عندو طريقتين لونزل من سيارتك وجلست على الطاولا والمطعم عبارة عن كشك فاتح على ساحة كبيرة طوالى بجيب ليك الجرجير قبل ماتطلب طلبك ولو ناديتو وانت فى السيارة عشان تطلب بناولك كاس قبل ماتطلب وقتها الظلامى كان بسوقنا لهناك ويقول خليكم في السيارة بعد مانلبع كاسات شجاع يقول انزولو نجلس فى طاولا عشان الشية بالجرجير لذيذة يعنى الظلامى كان الشخص الوحيد البعرف يدقس شجاع كدى انت يامنتصر امش لشيخك الظلامى بعد الساعة تسعة قطع شك حايناولك كبياية شربوت مكسور بهناى حلال بلال
| |
|
|
|
|
|
|
Re: هل تصدقو ان الظلامى معتز القريش بقى يمتلك (Re: خضر الطيب)
|
سلام ابو الأمير مسألة انك تمشي مطعم كفيلي الظلامي دا شرف عظيم بالنسبة لينا لانو انت في البلد دي اقدم من الأمير الوالد لكن الاستنكاح مافي داعي ليهو .. تاكل و ما تدفع دي صعبة جداً المرة الأولى سامحناك .. لكن تلاتة مرات تجي تاكل مجاناً ؟ انت فاكر دي تكية جدك اربجي ؟ و طلباتك كلها غالية و بتتشهى كمان مرة كبدة إبل و مرة كبدة ضان انت مشكلتك شنو مع الأكباد دي ياخ هرتدتا كبدتنا و المصيبة الاكبر انك بقيت تشيل معاك للبيت المرة الجاية بطل الوغدنة و ادفع عشان ما نقفل المحل دا بالمناسبة منتصر سطر طلب دليفري و دفع كاااش
هاك https://www.0zz0.com https://www.0zz0.com
| |
|
|
|
|
|
|
Re: هل تصدقو ان الظلامى معتز القريش بقى يمتلك (Re: Deng)
|
Quote: بالله المطعم ده لسه فاتح وما قفل؟ |
ابشرك يا دينق طالما بدر الدين اتلحنا بكرة حنعلن الإفلاس و نقفل المطبخ و كان الله يحب المحسنين لو قاعد في الدوحة ادينا طلة يا دينق الوجبة الأولى علينا جيب مريستك معاك لسه ما اتطورنا ههههه
| |
|
|
|
|
|
|
Re: هل تصدقو ان الظلامى معتز القريش بقى يمتلك (Re: خضر الطيب)
|
خضر الطيب يا صديقي وعديلي ياخ انا رسلت ليك الصور للعلم بس ما كان في داعي تقول المسكين بدر الدين ما بدفع وذلك للأسباب التالية :- الرجل يتيم اب وأم الرجل مفلس كورونا قفلت ليهو الشركة الرجل ليهو أفضال علي شغلني لمن رافكو فنشتني
والأهم العشرة القديمة من ٣٠ سنة
بعدين الدكتورة دي اختي وامير ولدي ما برضى يموتوا بالجوع 😀
غايتو ربنا يأجرني لانه دي لقمة في بطن جائع
| |
|
|
|
|
|
|
Re: هل تصدقو ان الظلامى معتز القريش بقى يمتلك (Re: معتز القريش)
|
كيفك يا بدر؟ دا بوست لذيذ، لأني مدمن مفاريك ... ملوخية بامية سلج أم بقبق أم رقيقة أم أي حاجة مفروكة. وحصل صادفت مطاعم سودانية أكلت فيها مفروكة بامية وشالني فيها شك، لأن اللايوق بقى لي زي السلسيون وقمت ناديت الولد الجاب لي الأكل وقلت ليه ياخي دا ما لايوق بامية طبيعية. انتو أضفتوا ليها مصيبة ما أياها. ياخي لا يوق ما ممكن تقطعو مهما هزيت إيدك أو لولحتها ... غايتو إلا تستعين بإيدك الشمال عشان تقطع خيط اللايوق اللواييق دا. هسه انت جبت سيرة مطعم سواه معتز القريش ... وهذا المعتز أذكر تماماً لما كنا صغار هنا في البورد طلّع ليه دعاية إنه بيتعالج بالصمغ السوداني الواحد دا ... وعمل منه شربات يشربها وكل أمراضه الباطنية زالت وحتى أمراضه الما معروفة. أها أنا بقول لك قطع شك حتلاقوا مفاريكو كلها مخلوطة بصمغ عشان تبقى متماسكة ولايوقة لدرجة اللواييق. أعملوا حسابكم لو مشيتوا لمطعم ود القريش ... ما تطلبوا مفاريك ... عليكم بالعدس والرجلة أو اكتفوا بشوية شاي ومعاه رغفتين قروض، أو أطلبوا كسرة ناشفة وطمبجوها موية.
يا ود القريش لو ربنا وداني لأبوظبي بزور مطعمك تب وأتمنى أشوف مطعم سوداني يشبه المطاعم.
ربنا يوفقك ... ولا تلتفت لكلام الحاسدين من أمثال بدر الدين وجماعته ... وأمثالي أنا. بالتوفيق.
| |
|
|
|
|
|
|
Re: هل تصدقو ان الظلامى معتز القريش بقى يمتلك (Re: muntasir)
|
يا منتصر أنا كل ما تجي سيرة كبدة ألبل (الإبل) بدمّع وبريِّل. ياما قرشناها قرش لا يعلم به ود القريش. ود قريش شنو البعرف كبدة ألبل!. لكن ما دام هي عندو قطع شك لو زرت الدوحة بجيهو ومعاي مرافعين كبار لا يقنعهم أكل غير كبدة النوق. بس إن شاء الله يكون عندو شيتن آخر نهضم بيه. بعني شيء زي نبيذ كدي ... لأنه قالوا النبيذ حلال زيو وزي التمباك. أنا ناسي ناس كبدة إبل ومرايس أياً نوع المريسة.
| |
|
|
|
|
|
|
Re: هل تصدقو ان الظلامى معتز القريش بقى يمتلك (Re: Shinteer)
|
يادينق وشانتير هذا الظلامى اظلم من ظلم ورباطى على طريقته اخر زيارة قمت بها لمطعم الظلامى عشان الخوة القديمة قام ادنى النجيضة قال لى انت طبعا صاحباتك واصاحابك لبنانين انا داير اعمل ليهم يوم مفتوح في مطعمى وأردف برضو داير يكون معاهم تيم الجزيرة هذا الصباح لمن شافنى نطط عيونى قال لى ماتشغل بالك دينق والامريكان لمن يشوفو صور اليوم المفتوح لللبننة بعمل يوم مفتوح للامركة ام الطريقة الاكل بيها عقل نجمة وبقت شغالة تعمليهو دعاية واعلان دى قصة اخرى
| |
|
|
|
|
|
|
|