كتب الكاتب الفاتح جبرا المتوفرة بمعرض الدوحة
|
Re: هل انا وحدي ولا هناك حالات مشابه ,, ناس الر� (Re: ترهاقا)
|
هههههههههههههههههه اهن استاذنا تهراقا جاوبك كولنا ف الهوا سوا والله نحن قدر ما نضغط على لسانا و نتكلم عربى طوالى يسالونا : انت من وين لو ما عايز يحرجك .. او انت رطانى؟ هههه انال اكريت العربى زاتو اما التذكير و التانيث دة خليه ساكت ... ( واحد من عندينا ف ونسة .. قالو فلانة (و جمالها ناطق ) جبهة اسلامية زولنا قال ليهم بالله فلانة اخو مسلم ؟ واحد رد عليه انت لو ما انثت فلانة حتانث منو الله يحرقك ..) .. احونا عمار انت ف الطريق الصحيح .. و قاعد يرجع ليك شبابك .. هنيئا .. ... و بالمناسبة دى يا حبيب يا ريت لو افردت بوست عن ناوا و حكاوى ناوا .. مودتى و تقديرى عمار انقا ..
| |
|
|
|
|
|
|
Re: هل انا وحدي ولا هناك حالات مشابه ,, ناس الر� (Re: muntasir)
|
عمار أمبس تحياتي دي حاجة عادية جداً بالنسبة لينا ناوا فيها ناس متحدثين بالعربية تعال عندنا في ارتقاشا ( جزيرة ) ما كان فيها واحد يتحدث العربية كلغة إلى اليوم نتكلم ( عربي دنقلا ) ولكن اصبح عادي حتى في القصر الجمهوري اليوم مجموعة كبيرة جداً على نفس طريقة كلامنا جزاهم الله خير أولهم الهادي ادريس عضو السيادة ده على نفس طريقتنا سبحان الله أو مرة ازور الخرطوم كان عمري 19 سنة وأكثر تقريبا .. أي كمساري كان يفتكرني اريتري
الاسبوع الفات كنت في المكتب أغني لزيدان ( وسط الزهور ) كنت أردد ( سايقاني فيهو ابتسامة ) .. زميلي في المكتب قرشي من ابناء الجزيرة ( يا دنقلاوي شايقاني مش سايقاني ) شرح لي معنى الكلمة انها مشتقة من ( الشوق ) ومن قبل بنفس الطريقة مدحة الشيخ البرعي .. كنت أرددها اذكر الهك يوم .. قال لي ما تلخبط ( اذكر الهك يوت ) رغم سنين العمر أول مرة اسمع بكلمة ( يوت )
اتفاقية السلام منحت المنابر لناس ضواحي الدنيا شرقا وغربا وشمالاً التحية للدكتور الهادي إدريس وباقي الجماعة .. لغة ناس ضواحي الدنيا اصبحت لغة سونا والقصر الجمهوري ..
تحياتي الحبيب عمار امبس أنا عندي تواصل مع جمعية ناوا بليغين في العربية
| |
|
|
|
|
|
|
Re: هل انا وحدي ولا هناك حالات مشابه ,, ناس الر� (Re: علي عبدالوهاب عثمان)
|
العــزيز على عبدالوهاب حبابك الف ,,
Quote: الاسبوع الفات كنت في المكتب أغني لزيدان ( وسط الزهور ) كنت أردد ( سايقاني فيهو ابتسامة ) .. زميلي في المكتب قرشي من ابناء الجزيرة ( يا دنقلاوي شايقاني مش سايقاني ) شرح لي معنى الكلمة انها مشتقة من ( الشوق ) |
نفس المسالة دي مرة بي (انا اذني غير موسيقية) يعنى اشتر ممكن تقول ,, مرات بتجين دندنات كدة اذكر مرة في الجامعة كنت بدندن (يا قلبي الله يسلمك من حالتك الفوق) لكن بدلا من حالتك بقول حوبتك الفوقه , فصديقي يموت بالضحك و هو بصحح لي وانا بغالط ان انا سمعتها الصباح في الراديو اما اكتشف اني اصلي من غير الناطقين بها ونحن في الجامعة كانت زميلتي (بدور محمد حمزة) لها الرحمة والمغفرة كتبت اسمها بدور محمد همزة (قالت لي يعرفوك دنقلاوي كيف) بدور محمد حمزة (سبحان الله لاول مرة كنت انتبه الى ان همزة يا حمزة , بس اللكنة قلبت الهاء حاء ,, يا ريت قبل مغادرتي المملكة اقمت في الغربية فترة (وحظي العاثر لم يتح لنا فرصة مقابلتك تحياتي لك ولكل جدة)
| |
|
|
|
|
|
|
Re: هل انا وحدي ولا هناك حالات مشابه ,, ناس الر� (Re: muntasir)
|
حباب منتصر
Quote: يا عمار داير أهظر هنا لكن انتوا ناس اللغات الأصلية حساسين شوية ( لو ما كنت منهم كان ردموك في عنوانك البتقول فيه الرطانة ) لكن الكوزانوسترا بتشفع ليك 😂
|
بين وبينك وانا بكتب في العنوان قلت بشاشا بجي يقطع لي في راسي ,, لكن عارف لو هبشني بطلعوا عربي وبسحب من الهوية النوبية ويقعد امفكو بس ,,, رطانة هنا ,, ليس بمعنى التقليل منها ولكنها اسهل لتوصيل المعنى
| |
|
|
|
|
|
|
Re: هل انا وحدي ولا هناك حالات مشابه ,, ناس الر� (Re: محمد بدرالدين)
|
محمد بدرالدين عساك طيب ,,
Quote: احونا عمار انت ف الطريق الصحيح .. و قاعد يرجع ليك شبابك .. هنيئا .. |
يا ليت الشباب يعود عزيزي (الله يطمنك) بس المشكلة من وين جاتني خلفية الرطانة دي ,, انا ما بعرف ارطن و الرطانة و لا إخواني الكبار ,, حتى الوالدين يستخدمونها في مواضع ضيقة جدا لما يكون عاوزين يسطحوا بينا (او يقول كلام ناس كبار) فانا المستغرب لي من اي لي بهذا المخزون في عقلي الباطني ,,
Quote: و بالمناسبة دى يا حبيب يا ريت لو افردت بوست عن ناوا و حكاوى ناوا .. |
باذن الله في اليومين القادمين اذا بقى في العمر بقية أكتب عن ناوا (ما اعرفه وما سمعته وما يمكن ان اسمعه)
دم بخير وعافية
| |
|
|
|
|
|
|
|