https://www.facebook.com/100010370945877/videos/1373441809678171https://www.facebook.com/100010370945877/videos/1373441809678171 يا خضر, لو بالامكان تنزل الفيديو
01-20-2021, 10:57 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8943
هم حرقو السوق كلو و قتلو من قتلو لكن مصدر الاندهاش انه يقول كان شرب شاى هبهان عند نورا و يشمت في انها جرت. مجرد السؤال عن امرأة و الشماته في هروبها (دى لو هربت حقيقة و لم تقتل) يمكن القول انهم علي استعداد لفعل جرم اكبر ان وجدوها.
01-21-2021, 02:45 AM
ترهاقا ترهاقا
تاريخ التسجيل: 07-04-2003
مجموع المشاركات: 8414
والله يا أخ محجوب ما إتوقعت اسمع كلام زي ده من شباب مفروض يكونوا أكتر تفتيحة مننا هو كان بيتكلم باسم قبيلة ، قال التعايشة ، هنا بيجي وقت المثقف التعايشي عشان يصلح الاعوجاج ويقوموا بحملة توعية للشباب دييل عشان ما يروحوا في الرجلين ويبقى مستوى فهمهم محصور في الثأر والقتل وحرق حتى مصادر دخل نسوان مكافحات
01-21-2021, 02:49 AM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8943
القبيلتين متجاورات عبر السنين و هذه المنطقة تقع في حدود التماس الادارية بين القبيلتين, فـ الى اى مرحلة وصلو الناس بحيث صارت الحروبات بين القبائل المتجاورة اصلا عبر التاريخ, فما بالك مع الدخيلين؟
01-21-2021, 02:52 AM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8943
الغريبة يا ترهاقا حتي طريقة كلامو يدل انو بندراوى و طريقة كلامو و لبسو كلو بيدل علي انه تلقى تعليم لكن كيف عادو الي الوراء بهذه الطريقة.الاخطر كمية المعدات العسكرية من عربات و مواتر و سلاح و رخيرة. هل نقدر نقول بأتمرو بأمر القبيلة لانو لا يبدو عليهم تبع الدعم السريع.
طيب دا اعتراف موثق النشوف العساكر الاصروا على المشاركة في السلطة بحجة حفظ الامن ح يتصرفوا كيف شابكننا الشنة كلها فشل وفشل اهو قدامهم الفرصة لاثبات نجاحهم في مهمتهم الوحيدة
01-21-2021, 02:52 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8943
Quote: طيب دا اعتراف موثق النشوف العساكر الاصروا على المشاركة في السلطة بحجة حفظ الامن ح يتصرفوا كيف شابكننا الشنة كلها فشل وفشل اهو قدامهم الفرصة لاثبات نجاحهم في مهمتهم الوحيدة
سلام ود البشرى كمية السلاح الوزعتو حكومة البشير في دارفور و ربما في اماكن اخرى في السودان فوق مما تتخيلون. المشكلة في المليشيات دى لو سألتهم في الوضع العادى حيقولو دعم سريع و هو جهاز مقنين بواسطة الدولة اسميا و لكن افرادها غير محصورين و لذلك اى شخص ممكن يكون لابس وجهين في اى لحظة.
الوضع خارج السيطرة و الجيش برضو ما فضل فيها غير الاسم. اما الشرطة, حسب الاخبار حتى في العاصمة بقولو قاعدين يتقاعسو في موضوع السواطير الحايمة هذه الايام. بقولو لما يشتكى مواطن, بقولو ليه "مش دى المدنية!".
01-21-2021, 03:15 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8943
Quote: الغريبة يا ترهاقا حتي طريقة كلامو يدل انو بندراوى و طريقة كلامو و لبسو كلو بيدل علي انه تلقى تعليم لكن كيف عادو الي الوراء بهذه الطريقة. الاخطر كمية المعدات العسكرية من عربات و مواتر و سلاح و رخيرة. هل نقدر نقول بأتمرو بأمر القبيلة لانو يبدو عليهم تبع الدعم السريع.
سلامات الحبيب..
خطابه هو والقوة المعاهو بتحمل نكهة ميليشيا كيزانية ..!
Quote: كيف يستطيع انسان ان يقتل ويحرق املاك اخر فقط لاختلاف قبيلته؟؟؟
سلام هيثم غالي صدفة جمعتني مع واحد عسكرى سابق في بلاد الفرنجة هذه اثناء انتظارنا في محل ميكانيكى. الونسة جابت ونسة فحكى انه كان عسكرى. خلاصة كلامو انو اول كتلة هى الاصعب علي نفسية العسكرى و لكن بعد ذاك زى شراب الموية. و لذلك ترى الشباب في قمة الابتهاج بعد كل الدمار الذى احدثوه.
01-21-2021, 09:59 AM
Asim Ali Asim Ali
تاريخ التسجيل: 01-25-2017
مجموع المشاركات: 13492
يا محجوب الفيديو حرايق و اعترافات لكن الصور شى تانى فصل رؤوس نساء ذبحا و تشويه جثث ياخى فى صورة مع الصبح فى تقطيع لى صدر امرأة بصورة يعجز عن وصفها اللسان و الامّر من الامّر تصويرها عارية الصدر ممزقة الاثداء و خيوط حليب تختلط بالدماء
01-21-2021, 02:38 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8943
Quote: لدي سؤال: هل هذه أحداث جديدة غير أحداث الجنينة؟
سلام بريمه نعم هذه احداث اليوم التالى لحادثة الجنينة و في منطقة بعيدة نسبيا عن الجنينة. في هجومين في منطقة الفلاتة, الاولى في الاتجاه الاخر (بحكم انى غير ملم بالاتجاهات, نفترض الهجوم في الناحية الغربية) و الهجوم الاخر هو هذا في الحدود الحاكورية بين الفلاته و التعايشة.
01-21-2021, 02:41 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8943
Quote: 27 قتيلاً في هجوم مسلح قرب نيالا 19 يناير 2021
نيالا: محمد المختار عبد الرحمن قتل 27 شخصاً بينهم رجال ونساء وأطفال, في مسلسل عنف دام انتقل من مدينة الجنينة, هذه المرة إلى جنوب دارفور بمنطقة «الطويل». وهاجم مسلحون على متن عربات دفع رباعي ومواتر, منطقة «الطويل» التي تبعد عن نيالا, أقل من 90 كلم, التابعة لوحدة «سعدون الإدارية» الواقعة شرقي مدينة «قريضة». وقال شهود عيان بالمنطقة لـ»الانتباهة» أمس, إن الهجوم المباغت للمجموعات المسلحة, شهد إطلاق وابل كثيف من الرصاص بشكل عشوائي, ما يؤكد أنه بغرض الانتقام. وسرد الشهود, تفاصيل مقتل شخص قبل يومين بذات المنطقة بعد مشادة حول تغول ماشيته على مزارع بالمنطقة, لكن الوساطات الأهلية نجحت في احتواء الأزمة واتفقت على دفع دية كاملة لأهل القتيل وتسوية الأمر. على صعيد متصل, قالت مصادر بالمنطقة لـ»الانتباهة» إن القوات المشتركة انسحبت قبل يومين من نقطة ارتكاز بالمنطقة وتوجهت إلى مدينة «قريضة», وبحسب مصادر أخرى بالمنطقة بعد الحادثة, عادت القوات فوراً للمنطقة بعد الهجوم وقامت بالتدخل.
الناشط حامد يعقوب من أبناء الفلاتة .. في الحركات غير الموقعة .. تنبأ بالهجوم في مناطق الفلاتة قبل أسبوع أو أقلها يومين .. والناس هناك لم تحرك ساكت .. أين السلطات هناك؟
بريمة
01-21-2021, 03:24 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8943
محجوب الفيديو الأخير .. أدخلنا في حجر ضب .. كنا نظن أن الأمر قبلي .. ومن ثم يمكن ضبطه من خلال نظار وعمد ومشايخ وشراتي القبائل في المنطقة .. الفيديو يشير إلي أعتداء أصحابه مجهولي الهوية لأهل المنطقة .. غير الكاكي الذي يقولون أنه لناس الدعم السريع ..
دا شغل ناس الأمن والمباحث .. مفروض يكون في المنطقة ..
ما زلت أرفق في فيديوهات الأخ حامد يعقوب ..
صار الأنسان السوداني دمه رخيص جداً .. قرفنا الحياة ذاتو ..
بريمة
01-21-2021, 05:56 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8943
Quote: زول قال هو تعايشي تقولو كوز وبندر؟ لا دس وشو لا شئ
سلام دكتورة اخلاص نعم احيان كثيرة بنفتش تبريرات عشان نقدر ننوم مرتاحين (يا اخى ده ما كوز و الموضوع انتهى) و احيانا برضو مهم نوسع خيالنا. شخصيا عايز اقرأ ما بين السطور: - قبيلتين متجاورات عبر التاريخ - معروفين بالتسامح لحد ما و لم يشتركو في قوات الجنجويد خلال فترة حروب دافور. طبعا ربما يكون في افراد و لكن علي مستوى اخدو الحيادية رغم الاغراءات من حكومة الخرطوم - هول الدمار في هذا السوق - اللهجة فقط جزء صغير و احساسى انو بتكلم بلهجة ناس نيالا المدينة. بعرف اللهجات المحلية و بقدر بفرز بين كثير من المكونات
عشان كدا جاء التفكير في انو في طبقات داخل البصلة عايزين نقشرها ربما نشوف تفاصيل اكثر
01-21-2021, 07:21 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8943
Quote: حسبنا الله و نعم الوكيل ديل جنجويد اخوي مهجوب جنجويد عادت حليمة لعادتها القديمة حميدتي في القصر و جنجويدو شغالين في الناس
سلام اخ عماد الوضع فعلا بقى مأزوم شديد حيث ملابس الدعم السريع اصبحت متاحة لاى شخص و كذلك السلاح و هذه المواثر و سيارات الدفع الرباعى. بتذكر في مرة من المرات تحدث حسنى مبارك الي البشير في خصوص تمكين السلاح في ايدى المواطنين و كان من ضمن ما نصح به البشير انو هذا الطريق خطير جدا. بديهى لكل صاحب عقل ان يستوعب هذا عدا صنف البشير طبعا.
01-21-2021, 07:34 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8943
Quote: الفيديو الأخير .. أدخلنا في حجر ضب .. كنا نظن أن الأمر قبلي .. ومن ثم يمكن ضبطه من خلال نظار وعمد ومشايخ وشراتي القبائل في المنطقة .. الفيديو يشير إلي أعتداء أصحابه مجهولي الهوية لأهل المنطقة .. غير الكاكي الذي يقولون أنه لناس الدعم السريع ..
سلام بريمه تعرف في المقولة بتاعة الخواجات اللي كلنا عايشناها في الغرب هنا. ليس كل المسلمين ارهابيين و كل الارهابيين مسلمين. و هذا ينطبق في حالنا هناك, نحن نعرف ليس كل القبائل العربية مشاركة في الجنجدة و لكن كل الجنجدة من العرب. حرب قبلية معناها لم تشوف الطرف الاخر طوالى تشيل بيهو النقع و هذا غير موجود في اى من الايام. و حتي حوادث الزراعة, فالكثيرون يبقون في الامكنة وسط المزارعين لشهور و لا تحدث مشكلة الا عند الاعتداء علي الزراعة. يعنى لو واحد فيهم ما اعتدى علي الزراعة ببهائمه, لا احد ينتبه لوجودهم. الناس في حياتهم اليومية يتعاملون مع بعض و يتجاورون في المسكن و مع ذلك في دخلاء و مشحونين بكمية من الحقد و ليس في مقدورهم الاعتراف حتي بأدمية الاخر و هم من يقومون بكل هذه الجرائم. هم مجهولون لانهم اغلبهم اتو فزعة من مسافات بعيدة و خططو لهذا الخراب و ليست مصادفة. الله يهون.
01-21-2021, 07:47 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
البشيل سلاح يهدد بيه اعزل دا جبان البشيل سلاح يهدد بيه إمرأة او طفل دا انسان مريض و غير سوي زايد انو جبان مآسي مخزية جدا بتحصل كل يوم لي ناس بريئة من حقها تعيش في امان و طمأنينة ....
محجوب سلام ليك و لي ضيوفك
01-21-2021, 08:27 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27321
Quote: سلام بريمه تعرف في المقولة بتاعة الخواجات اللي كلنا عايشناها في الغرب هنا. ليس كل المسلمين ارهابيين و كل الارهابيين مسلمين. و هذا ينطبق في حالنا هناك, نحن نعرف ليس كل القبائل العربية مشاركة في الجنجدة و لكن كل الجنجدة من العرب. حرب قبلية معناها لم تشوف الطرف الاخر طوالى تشيل بيهو النقع و هذا غير موجود في اى من الايام. و حتي حوادث الزراعة, فالكثيرون يبقون في الامكنة وسط المزارعين لشهور و لا تحدث مشكلة الا عند الاعتداء علي الزراعة. يعنى لو واحد فيهم ما اعتدى علي الزراعة ببهائمه, لا احد ينتبه لوجودهم. الناس في حياتهم اليومية يتعاملون مع بعض و يتجاورون في المسكن و مع ذلك في دخلاء و مشحونين بكمية من الحقد و ليس في مقدورهم الاعتراف حتي بأدمية الاخر و هم من يقومون بكل هذه الجرائم. هم مجهولون لانهم اغلبهم اتو فزعة من مسافات بعيدة و خططو لهذا الخراب و ليست مصادفة. الله يهون.
أنا عملت وسط القبائل .. أهم حاجة تحدد شيئين .. من هو الجاني ومن المجني عليه .. إذا لم تستطع يعنى لن تستطيع درأ الفتنة .. مثلاً أحداث كسلا .. عرفنا الطرفين .. النوبة والبني عامر .. وكذلك في بورتسودان .. في كادقلي مثلاً عرفنا المشكلة الأخيرة بين النوبة في الحركة و الحوازمة دار نعيلة ..
أهل دارفور منوط بهم تحديد الجاني ..حتى يتم درأ الفتنة أولاً ... الناس في الفيديو قالوا الجناة خليط من قبائل عدة .. وبالنص ليس العرب وحدهم ..
الأخ حامد يعقوب أشار في الفيديو الأول أن الجناة ليس قبائل عربية وحدها ..
أنا هنا لا أدافع عن أحد ولا أريد تبرئة مجرم .. لكن الأمر هنا مربك .. وسوف يسقط مزيد من الضحايا بهذه الصورة .. لازم يُعرف الجناة لكي يتم "صفهم" أي عزلهم بعيداً عن الضحايا ..
بريمة
01-21-2021, 08:33 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
لا حول ولا قوة الا بالله دا منتهى البؤس ومنتهى الاجرام الزول البيتكلم فى المقطع وما ظاهر ويقول بكل بجاحة : والله ح نحرق كل حاجة وناس النقطة ( بيقصد الشرطة ) ناس خاينين وما عايزنهم مفروض ما يقيفوا مع الفلاتة يقيفوا معانا مع المواطن . ( وكأنّ الفلاتى ما مواطن ) والزول الظاهر فى المقطع وبيتكلم مفروض الآن يكون فى الحراسة على ذمة التحقيق
الفوضى ليها قرون بهناك وحميدتى يهرى فى الكلام ساكت : نحنا البنحرس البلد دى واليد الواحدة ما بتصفق ولولا نحنا البلد دى كان ضاعت " ومع العلم ان حميدتى وجنجويده هم السبب الاساسى فى كل المصائب الحصلت ولا زالت تحصل منذ انتصار الثورة . حميدتى هو السبب فى كل المشاكل فى السودان الآن . دمج الجنجويد فى الجيش اصبح ضرورة قصوى .
01-21-2021, 09:34 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8943
Quote: أهم حاجة تحدد شيئين .. من هو الجاني ومن المجني عليه .. إذا لم تستطع يعنى لن تستطيع درأ الفتنة .. مثلاً أحداث كسلا .. عرفنا الطرفين .. النوبة والبني عامر .. وكذلك في بورتسودان .. في كادقلي مثلاً عرفنا المشكلة الأخيرة بين النوبة في الحركة و الحوازمة دار نعيلة .
سلام بريمة تحدد افراد ام قبيلة؟ كيف تحدد النوباوى في الحركة من النوباوى ليس في الحركة؟ هل الواحد منهم بعلن عن شخصه انه تبع الحركة و كل ما يكتل ليهو زول بقول كتلتو بأسم الحركة؟ الزول هنا بقول ليك جارو العربى اواهو في بيتو و كثر مثل ذلك, فليس من الحق تصنيف كل الناس بجريرة بعض. الاعلام دائما عايزين الاجابة الاسهل عشان يعملو تقاريرهم و لو هذا الشخص قال بأنو المعركة بين كل المساليت و كل العرب يكون قد جنى علي الكل. قول الحقيقة في لحظات كهذه مهمة جدا.
01-21-2021, 09:40 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8943
Quote: البشيل سلاح يهدد بيه اعزل دا جبان البشيل سلاح يهدد بيه إمرأة او طفل دا انسان مريض و غير سوي زايد انو جبان مآسي مخزية جدا بتحصل كل يوم لي ناس بريئة من حقها تعيش في امان و طمأنينة ....
سلام ابو الحسين التهديد بالسلاح حاصل خلال الـ 18 سنة الفاتو و كذلك القتل بحصانة الدولة.
شوف الفيديو ده مع ادخال الجمال في المزارع قبل الحصاد و الراعى بكون واقف بسلاحو علي مسافة 100 متر و بصوب رصاصة بدم بارد علي مزارع مسكين الحاصل اسوأ و الحمدلله الموبايلات بقت تفضح الواقع بطريقة مباشرة https://www.facebook.com/100010370945877/videos/1356070788081940/https://www.facebook.com/100010370945877/videos/1356070788081940/
01-21-2021, 09:49 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8943
Quote: والزول الظاهر فى المقطع وبيتكلم مفروض الآن يكون فى الحراسة على ذمة التحقيق
سلام علاء هذا يؤكد عدم وجود دولة و لذلك لا يتردد احدهم في ابراز هويته و تحدى للدولة. اما لانو الدولة غير موجودة او هذا ما انتجته دولة عمر البشير منذ تأسيس الدفاع الشعبى, فهؤلاء الشباب لم يعلمو بوجود قانون يمنع المواطن حمل السلاح, فهم ولدو في عهد تقلصت فيه هذه الممنوعات.
01-22-2021, 04:36 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27321
Quote: سلام بريمة تحدد افراد ام قبيلة؟ كيف تحدد النوباوى في الحركة من النوباوى ليس في الحركة؟ هل الواحد منهم بعلن عن شخصه انه تبع الحركة و كل ما يكتل ليهو زول بقول كتلتو بأسم الحركة؟ الزول هنا بقول ليك جارو العربى اواهو في بيتو و كثر مثل ذلك, فليس من الحق تصنيف كل الناس بجريرة بعض. الاعلام دائما عايزين الاجابة الاسهل عشان يعملو تقاريرهم و لو هذا الشخص قال بأنو المعركة بين كل المساليت و كل العرب يكون قد جنى علي الكل. قول الحقيقة في لحظات كهذه مهمة جدا.
ول أبا محجوب، الفرق بيننا هنا . أنا أتكلم كرجل إدارة أهلية .. أنت بتتكلم كمثقف ..وإذا جكة المثقفين جايبة تمن ما كان وصل هذا الحال لهذا الدرك الأسفل .. رجل الأدارة لا يهمه غير شيئين كما قلت .. معرفة الجاني والمجني عليه .. لو قلنا الحرب والموت وقع بين المساليت والعرب ..لا يهمنى غير أعرف الجاني فيهم لأني في هذه الحالة عرفت الطرفان المقتتلان .. ومن ثم أصف (أي أجلي) العرب أو المساليت إلي مكانين مختلفين وأجعل بينهم طرف ثالث .. وهذا الصف يكون فيه الجاني وغير الجاني من العرب .. وفي الطرف الأخر أصف المساليت الجاني وغير الجاني (نعم حكم أب تكو لكن هى الأعراف) .. إلي أن أحسم ترتيب الأوضاع .. الناس في جنوب كردفان كانت علي أستعداد لأبعاد فرع القبيلة بأكمله من كل مناطق تواجد الحركة وتحمل كل الأعباء في الترحيل وإعادة توفيق أوضاعهم حتى تحسم القضية .. وتتم المصالحة .. تحمل الأعباء تدخل فيها الدولة والقبائل نفسها ..
مسألة وقوع دماء في مجتمع قبلي لا يمكن حلها بالساهل .. وتحتاج تحدي للوضع القائم .. وأختراقه .. وأرغام الجاني ومن ينتسب إليه غصباً عنهم بأبعادهم وإلا أنت تقف مع المجني عليه سواء كرجل إدارة أو رجل دولة .. إذا فشلت الإدارة الأهلية وفشلت الدولة في مسؤولياتهما .. يبقي الناس تموت حتى يخلي إحد الطرفين المكان .. وفي مثل هذه الحالة تقع الإبادة ..
Quote: هذا يؤكد عدم وجود دولة و لذلك لا يتردد احدهم في ابراز هويته و تحدى للدولة.
إذا ثبت فشل الدولة .. محتاجين اللبند السابع .. وبسرعة .. إذا فشلت الإدارة الأهلية وفشلت الدولة .. علي المجتمع الدولي تحمل مسؤولية .. لكن المسألة ما تكون كيدية ضد الحكومة القائمة .. أراهكم ندفع في أن الدولة تتحمل مسؤوليتها تجاه محاسبة الجناة ومنع تكرار الجريمة .. أو الناس تحرك القضية في الأمم المتحدة ومجلس الأمن الدولي ومنظمات حقوق الأنسان ..
this is a call for action الناس ما تتفرج والناس يموتون .. يجب أن تتحرك جموع النشطاء .. أخروا كل اللوم والأدانات إلي ما بعد ضبط الأمن والأنفلات .. ويا هو داك كوشيب يأخذ في جزاءه وح نودوا أخرين سواء من ملة كوشيب أو من غير ملته.
ركزوا .. ونتحرك متضامنين لا لون لا جنس ولا هوية قبلية ..
بريمة
01-22-2021, 11:44 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8943
سلام بريمه اخوك برضو من اسرة سلطنة و بعد داك ضيف لقب (افندى).
المسألة الحاصلة في دارفور انو في ناس ماخدين حصانة من الدولة خلال الـ 18 سنة الماضية بأعتبارهم قوات تابعة اللحكومة, ما في مسائلة تجاه اى جريمة بأعتبارهم من زرية التمرد (و لا يلدو الا فاجرا كفارا). ف خطوط الادارة الاهلية ذابت زمان.
الشاب ده لقيت سيرتو الذاتية في الفيس بوك, مواليد 97 و كان مجند في الاحتياطى المركزى جبل اولياء. لو في دولة مفترض يكون الان في الحراسة.
01-23-2021, 06:07 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27321
Quote: الشاب ده لقيت سيرتو الذاتية في الفيس بوك, مواليد 97 و كان مجند في الاحتياطى المركزى جبل اولياء. لو في دولة مفترض يكون الان في الحراسة.
لكن النقطة دي ما شغل إدارة أهلية .. دا شغل أفندية .. والسبب الفتنة مشتعلة وأنت عايز تقبض الجاني وسط أهله وعشيرته وهم في تحدي مع الوضع القائم .. شغل الإدارة، مفروض الزول دا وأهله الجناة وغيرهم يتم أبعادهم .. مثلاً من الكركر إلي رهيد البردي .. وبعد داك في أثناء مداولات الصلح يتم التعامل مع مثل هذا الشخص الخارج عن القانون .. تسليم المطلوبين للحكم .. أو معالجة الأمر من خلال الديات والعرف. أنت لازم تتجنب خلق فتنة أخري ومازالت الفتنة الكبيرة مشتعلة.
دارفور منذ عهد السلطات فيها أفضل أنواع الأعراف في أفريقيا بكاملها .. وتدرس أعراف أهل دارفور في جامعات مرموقة .. هذه مشكلة سوف تحلها الإدارات الأهلية .. والمثقفين والحكومة والشباب لازم يصطفوا خلف المنظومات الأهلية .. ودا ما عيب أبداً بل الحكمة تقتضي ذلك ومن الأمثال هنا: "حل بالأيد ولا حل بالسنون".
أنتم أهل دارفور عارفين مثل الكلام .. وهو ديدنكم دا .. وما بتحتاجوا لأي زول يدرأ الفتنة بينكم .. وأنا واحد من الناس خيبتي في الأدارة الأهلية في دارفور كبيرة ..
------------------------------------ الخلاصة: نقيت فيك كتير .. المهم .. لو الناس محتاجين لوفود الأدارات الأهلية من كردفان .. ممكن تحريكهم للمشاركة في الحلول .. مثل تكون مجلس قومي للادارات الأهلية لكي يساعد في تهدئة الأوضاع حتى يجري القانون مجراه ..
بريمة
01-23-2021, 10:34 AM
بابكر قدور بابكر قدور
تاريخ التسجيل: 02-26-2013
مجموع المشاركات: 1561
أخي محجوب عبدالله وضيوفه الكرام لكم الود والتحايا الطيبات مايحدث في السودان سواء شرقه أو غربه أو في جهة أخرى وماسيحدث في المستقبل هو حلقات في سلسلة واحدة مسؤول عن وجودها نظام الإخوان المسلمين وفهمهم الأرعن وعلاجه ليس البحث في هل هو نزاع قبلي أم بين مزارع وراعي أم عرب وزرقة .... أم ..أم ..إلخ كل ذلك هو مسؤولية النظام البائد والحل هو قيام دولة وطنية تغير وتبدل كل شئ إبتداءً من وضع الحلول الأمنية مروراً بإعادة صياغة حياة الإنسان السوداني سيرته الأولى التي كانت سائدة قبل حكومة الإخوان ثم تخطيط مستقبل حياة الإنسان السوداني ليعيش حياة مثيله الإنسان من بني البشر .... وذلك عبر ثورة ثانية ؟؟؟؟
01-23-2021, 10:44 AM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Mahjob Abdalla
Asim Ali
خضر الطيب
ترهاقا
محمد البشرى الخضر
HAIDER ALZAIN
Biraima M Adam
جلالدونا
ABUHUSSEIN
علاء سيداحمد
بابكر قدور
عبدالعظيم عثمان
فيس بوك
تويتر
انستقرام
يوتيوب
بنتيريست