|
كتب الكاتب الفاتح جبرا المتوفرة بمعرض الدوحة
|
|
 Re: نقلا عن الأحداث أونلاين: وفاة د. علي الكوب� (Re: Yasir Elsharif)
|
*وداعا علي الكوباني: رحل عنا ود حلتنا الحلو*
فقدنا في هذا الزمن المرير جوهرة أخرى ظلت تشع نورا وتضيء حياتنا الكئيبة بالكلمة الحلوة واللحن الطروب وطلاته على الشاشة مستضيفا لاصحاب الفن والطرب وفتح المجال للشباب الواعد.
د. على الكوباني ود حلتنا في الخرطوم *تلاتة*، نشأ وترعرع تحيطه مودة الاسرة ويغمره حب الصحاب والاصدقاء. شق طريق الدراسة والتحصيل العلمي حتى اصبح طبيبا ماهرا، فوهب حياته لخدمة اهله في السودان وفي خارج حدوده فوجد الاحترام والتقدير ولم يصادف تقصيرا منهم ساعة معاناته من المرض الذي قاومه ولم ينقطع عن عمله ولا عن إشاعة البهجة في نفوسنا. وحتى بعد أن فقد صوته لم يفتر أو تلين شوكته فوجه قلمه للكتابة التي تفرح وتسر القلوب *حبا وكرامة*. لم التق به لسنوات طويلة، كل منا في مهجره، ولكنه ظل يحتفظ بذاكراته وحكايات زمان و *طراني بالخير* حبا وكرامة.
رحم الله علي الكوباني وتقبله قبولا حسنا والدوام لله والبقاء له وحده. العزاء الحار لرفيقة دربه وعياله وكل أسرته وجميع اهله ولاصدقائه وصحابه وكافة مريديه ومحبيه. وهذا هو حال الدنيا.
*حبا وكرامة*
*علي الكوباني*
*عاد لكن انا مااا خزنة ومفتاحها رايح*😄
اها في انتظار البل الجد للجماعة السووا ليهم رويشات تاني ديل..قلت النفاقق معاكم يا أحباب في الفارغة والمقدودة..😅
وفي الايام الفاتت تلقيت هجوم جوي تقيل من احبابنا الكانوا معانا في الجامعة ..وقالوا لي يا زول انت باين عليك (سلخت سلك🐸) ولسانك بقى فالت وعايز تفك آخرنا وتوري الناس الاخد شاكوش في صنقوعو منو.. وتكشف حال الناس الكان بسفوا تمباك..وكمان منو الكان مبهدل (الجماعة السرقونا وغِنوا بالحرام وكانوا زمان بلبسوا الشبشب التيبر مع البنطلون القصير)😂.. المهم قلت ليهم اطمنوا ..انا لسه ما زهمرت شديد وما بجيب اسم زول ..الا الناس الكانوا معلنين سفهم للسعوط على رؤوس الاشهاد..
والحقيقة نحن لمن دخلنا الجامعة وكنا في البرلم..كان *ود حلتنا* العلامة دكتور الواثق كمير محاضر بكلية الاقتصاد وكان مشهور جدا بأنو من (العشرة المبشرين.. البسفوا التمباك عيان وبيان🤪)..لكن د.الواثق كان مثال للوسامة والوجاهة والاناقة..يعني بإختصار كان (الأصم بتاع الجامعة كلها🤪😅).. اها بعد ما يطلع من المحاضرة كان بتلم فيهو الجكس بتاع اقتصاد الرهيييب داااك(وفيهم حتى من غير اقتصاد🙈)..ويقوموا يسألوه اسئلة كتيرة وهو بجاوب بكل الصبر والعلم ..لكن قال ليك كان بطلع كيس التمباك ويدردم السفة ويختها في كلينكس ويقشطها في خشمو عااادي قدام حور الجنان🙊🙈..ورغم كده لم ينفرن منو ابدا كما كانوا دوما ينفرون من باقي الخناشير 🤪😅..
بالعكس يحكى انو واحدة كانت مقهيه مع د.الواثق وحديثو وعلمو (وأصميتو🙊)..ولمن شنق السفة..البت انداحت وقالت (ياااا حلاة السفة في دكتور الواثق🙊🙈😂😂).. المهم يا احباب اصلا(في ناس افراحا زيادة) مهما عملوا برضو الناس ما بتشوف فيهم عيب او عوج او قرف...وفي ناس حكمة الله حتى لو ما عملوا حاجة برضو(يتألموا😰)😅
وزي ما قال الامام الشافعي (عين الرضا عن كل عيب كليلة ..وعين السخط تبدي المساويا😂😂) ..
تحياتنا لدكتورنا العالم والسياسي الفذ الواثق كمير ..الله يديهو العافية وهو مستقر في كندا حاليا (وطبعا ما بكون خلى التمباك بالكلينكس 😅)..ويا ريت يجي لأنو السودان احوج ما يكون لعلمه وخبرته..✌
بعدين (الواحد كمان يقول النصيحة يا احباب ..الكيزان ديل رغم انهم بسفوا اي شي ..الا انهم ما بسفوا السعوط اصلا..🤔..بس عشان تعرفوا التمباك ده عظيم كيف..اصلو ما اتوافق مع الحرامية ديل😅)..
زمان قالوا حبيبنا د.كمال شداد استاذ الفلسفة في جامعة الخرطوم والخبير العالمي في كرة القدم..الله يديهو العافية كان مجتمع مع مجموعة من الرياضيين ..اها واحد اظنو استئذن داير يطلع يبزق السفه ويجي..قام البروف قال ليهو: يااخي ما تبزقا هنا قبلك..! رد الزول بكل الدهشة: معقوول يا دكتور ..كده بوسخ البلاط..😲 طوالي البروف قال ليهو: طيب حاجة بتوسخ البلاط تختها في خشمك..؟ يعني ما عايز توسخ البلاط لكن عادي توسخ خشمك😏😰 ااخخ ضربو يا حكم😂
على العموم الما جرب سفة الصباح..وسفة بعد الفطور في رمضان ما ينضم ساااكت 😅😅 ..وقديما اهلكم قالوا : راساً ما فيهو كيف ..اولى بيهو السيف🤪😂
جدعة اخيرة: اكيد اغلبكم شفتوا السخف الفي الفيديو بتاع البت البتشرب سجارة..وصوت واحد قدا راسنا بالكواريك بأنو..(يااها دي المدنية يا ناس ..؟) واليوم اتضح انها تمثيلية كيزانية سيئة الاخراج..😡
والكيزان قايلين الناس ممكن تنسى ما كان في عهدهم من عفن وفساد في كل شي..حكومي واخلاقي واجتماعي واسري ومالي وكلو.. ياااخ حاويات المخدرات الدخلت السودان بحراً وبراً وجواً حيرت اسكوبار ذااتو وكل كارتيلات المخدرات ومعلمي الخانات في المكسيك وكولومبيا لمن قالوا(كيزانو سودانيستا ناركو موتشيسمو🤪😂)..وهسه جايين يتباكوا من بنسلين المدنية..بِسس😏..😅
*21 نوفمبر 2019*
| |
  
|
|
|
|
|
|
|
|
Re: نقلا عن الأحداث أونلاين: وفاة د. علي الكوب� (Re: عبدالله عثمان)
|
ﺃﺧﺮ ﻣﺎ ﻛﺘﺐ ﺩﻛﺘﻮﺭ ﻋﻠﻲ ﺍﻟﻜﻮﺑﺎﻧﻲ ﻭﻫﻮ ﻣﺮﻳﺾ:
ﻗﻮﻝ ﺳﻮﻳﺘﺎ ﻣﻠﻴﺎﺭﺍﺕ ﻭﻛﻢ ﻋﺮﺑﻴﺔ
ﻭﻗﻮﻝ ﻋﻨﺪﻙ ﻋﻤﺎﺭﺍﺕ ﻭﺍﻟﺒﻴﻮﺕ ﻛﻤﻴﺔ
ﻗﻮﻝ ﺍﺻﺒﺤﺖ ﺍﻧﺴﺎﻥ ﻋﺎﻟﻲ ﺫﻭ ﻫﻤﻴﺔ
ﻫﻞ ﻗﺎﻳﻞ ﺩﺍ ﺑﻨﺠﻴﻚ ﻳﻮﻡ ﺗﻜﻮﻥ ﻓﻲ ﻫﻮﻳﻪ؟
ﻗﻮﻝ ﻋﺮﺑﻴﺘﻚ ﺍﻟﻤﻮﺩﻳﻞ ﻭﺣﺎﺟﺗﻦ ﻓﺎﺧﺮﺓ
ﻭﻗﻮﻝ ﺍﻟﻤﻴﻨﺎﺀ ﻋﻨﺪﻙ ﻓﻴﻬﻮ ﻣﻠﻴﻮﻥ ﺑﺎﺧﺮﺓ
ﻗﻮﻝ ﺳﻴﺮﺗﻚ ﺑﻘﺖ ﺑﻴﻦ ﺍﻟﺨﻼﻳﻖ ﺯﺍﺧﺮﺓ
ﻫﻞ ﻇﻨﻚ ﺩﺍ ﺑﻨﺠﻴﻚ ﻣﻦ ﺣﺴﺎﺏ ﺍﻻﺧﺮﺓ؟
ﻗﻮﻝ ﺑﻴﻦ ﺍﻟﻤﺠﺎﻟﺲ ﻛﻠﻤﺘﻚ ﻣﺴﻤﻮﻋﻪ
ﻭﻗﻮﻝ ﺍﻟﺸﻌﺮﺍﺀ ﻣﺪﺣﻮﻙ ﺳﻮﻭ ﻛﻢ ﻣﺮﺑﻮﻋﻪ
ﻛﻮﻧﻮ ﻭﺻﻠﺖ ﻗﻤﺔ ﻭﻗﺎﺳﻲ ﺿﻭﻭﻭﻤﻪ ﻃﻠﻮﻋﻪ
ﻣﺎ ﺑﺘﻨﺠﻴﻚ ﻳﻮﻡ ﺍﻟﻨﺎﺱ ﺗﻜﻮﻥ ﻣﻬﻠﻮﻋﻪ .
ﻗﻮﻝ ﺍﺻﺒﺤﺖ ﻣﺸﻬﻮﺭ ﻭﺍﻟﺨﻠﻖ ﺭﺍﻳﺪﺍﻙ
ﺷﻴﺦ ﻭﺍﻟﻨﺎﺱ ﺗﺄﺷﺮ ﻟﻴﻚ ﺗﻘﻮﻝ ﻫﻨﺪﺍﺍﺍﻙ
ﻗﻮﻝ ﻧﺎﺳﻚ ﻣﻼﻳﻴﻦ ﻛﺎﻟﺸﻤﺲ ﻋﺎﺩﺍﻙ
ﻫﻞ ﻇﻨﻚ ﺣﻮﺍﺭﻙ ﻓﻲ ﺍﻟﺤﺴﺎﺏ ﺑﻔﺪﺍﻙ؟
ﻗﻮﻝ ﻳﺎ ﺍﺧﻴﻨﺎ ﺑﻘﻮﻙ ﺍﻟﺰﻋﻴﻢ ﻭﺍﻟﻘﺎﺋﺪ
ﻭﻗﻮﻝ ﻓﻲ ﺍﻟﻴﻮﻡ ﻣﻼﻳﻴﻦ ﺩﻱ ﺑﺘﺠﻴﻚ ﻋﻮﺍﻳﺪ
ﻳﻮﻡ ﺍﻟﺤﺸﺮ ﻭﺍﻟﻨﺎﺱ ﺑﻴﻨﻬﻢ ﺍﻟﺨﻮﻑ ﺳﺎﺋﺪ
ﻣﻘﺎﻣﻚ ﻭﻣﺎﻟﻚ ﺁﺁ ﺍﻟﺤﺒﻮﺏ ﻫﻨﺎﻙ ﻣﻮ ﻓﺎﻳﺪ .
ﻗﻮﻝ ﻋﻨﺪﻙ ﺭﻓﺎﻗﺔ ﺑﺴﺪﻭ ﻋﻴﻦ ﺍﻟﺸﻤﺲ
ﻭﺷُـﻐـﻠﻚ ﻛـﻠـﻮ ﺑﺘﻘـﻀـﻴﻬـﻮ ﺍﺯﺭﺍﺭ ﻟﻤﺲ
ﻋﻤﻠﻚ ﻛﺎﻥ ﺩﻧﻲ ﻭﻓﺭﻃﺖ ﻓﻮﻕ ﺍﻟﺨﻤﺲ
ﺍﻟﻨــﺎﺭ ﺍﻟﻤـﺘـﻘَّـﺒـﺔ ﻓﻴــﻬﺎ ﺗُﻐْـﻤَـﺲ ﻏﻤﺲ .
ﻗـﻮﻝ ﻓـﻲ ﺍﻟﺪﻧﻴـﺎ ﻋـﻤّـﺮﺕ ﻭﺑﻘﻴـﺖ ﺟﻼﺑﻲ
ﻛــﺎﻥ ﻋـﻨـﺪﻙ ﺗــﺠــﺎﺭﺍﺕ ﻭ ﻻ ﻛــﺎﻥ ﺩﻫـﺎﺑﻲ
ﺑﻜﺮﺓ ﺍﻟﻤﻮﺕ ﺑﺠﻴﻚ ﺍﻥ ﺭﺍﺿﻲ ﻭﻻ ﺍﻥ ﻛﺎﻥ ﻣﺎﺑﻲ
ﻭ ﻣـﺎ ﺑﺘﻘﺪﺭ ﺗﻘﻮﻝ ﺧـﻠـﻮﻧﻲ ﺍﻗـﻀـﻲ ﻋﻘﺎﺑﻲ
ﻟـــﻮ ﺍﻟﺪﻧﻴﺎ ﻣﺎﺑﻴﺎﻙَ ﻭﻛﺪﻱ ﺑﺘﺼﻔﻌﻠﻚ
ﺣﺴﻦ ﻓﻴﻬﺎ ﻋﻤﻠﻚ ﻭﺳﻮﻱ ﻣﺎ ﻳﻨﻔﻌﻠﻚ
ﺍﻟﻤـﺎﻝ ﺍﻟﺒﺘـﺠـﻤـﻌـﻮ ﻛـﻠـﻮ ﻣـﺎ ﺑﺸﻔﻌﻠﻚ
ﺍﻻ ﺍﻟﺼﺪﻗﺔ ﻳﺎ ﺍﻟﺴﺎﻣﻌﻨﻲ ﻫﻲ ﺑﺘﺮﻓﻌﻠﻚ
ﻗﻮﻝ ﺍﻟﺪﻧﻴﺎ ﺑﺴﻤـﺖ ﻟﻴـﻚ ﺗـﺮﺍﻫﺎ ﻭﻟﻮﻓﺔ
ﺍﻻ ﻣﺼﻴﺮﻧﺎ ﻧﺤﻦ ﺍﻟﻤﻮﺕ ﻭﻳﺎﻧﺎ ﺿﻴﻮﻓﺔ
ﺍﺧﺮ ﺍﻟﺪﻧﻴﺎ ﻣـﻮ ﻛﻴﻤﺎﻥ ﺗـﺮﺍﺏ ﺑﺘﺸﻮﻓﺔ
ﺍﺧﺮﺍ ﻳـﺎ ﻋﺬﺍﺏ ... ﻳﺎ ﺟﻨﻪ ﺩﺍﻧﻴﻪ ﻗﻄﻮﻓﺔ
| |
|
|
|
|
|
|
|
|
|
Re: نقلا عن الأحداث أونلاين: وفاة د. علي الكوب� (Re: عبدالله عثمان)
|
كتب العميد الحديدي من شرطة رأس الخيمة عن الفقيد د. كوباني
: لا ندري كيف نوفي هذا الرجل حقه .. فحقه أكبر من أن تسعه مقدرتنا على الوفاء .. أخلص لهذا البلد .. حتى ظننا أن الإخلاص لم يخلق إلا له ..نافسنا في حب الإمارات حتى تيقنا أننا لسنا أهلا لمنافسته .. لله دره فقد كان يسبقنا دوما ليتقدم الركب في خدمة الناس ..يسألنا الناس لماذا يحبكم ويحب الإمارات الى هذا الحد .. ليكون الجواب الحاضر أن من يملك قلبا كقلب على الكوباني .. ووفاءا كوفائة .. فلا تملك القلوب إلا أن تذعن لحبه .. فيقابلها بحب ووفاء يطوق الأعناق .. ويأخذ بشغاف القلب .. فالوفاء طحن وعجن لينتج بشرا يسير على قدمين ندعوه على الكوباني ..إنسانيته طغت على علمه وطبه .. وكانت ذاته تتمحور حول الإنسان .. أعمال الطب الشرعي تنتهي بإعداد التقارير وتسليمها لجهات الإختصاص .. أما على الإنسان فلا ينتهي عمله .. حتى يطهر مسكن الضحية ويتأكد أن أهله وذويه سيكونون في منأى عن ذكريات تنغص حياتهم .. ولا يتركهم حتى يوارى فقيدهم التراب أو يرحل لموطنه .. اليوم غرقت المحاجر بالدموع وغصت الحناجر .. رأيت ذلك في من زاملوه وصادقوه .. منهم من اتخذه أبا ومنهم من صار له أخا .. اليوم نفقد أبانا وأخانا وصديقنا وزميلنا ومعلمنا وأستاذ ومؤسس الطب الشرعي في رأس الخيمة وعالمه بلا منازع ..اليوم تفقد الإمارات قامة عملاقة خدمت الأمن والعدل والقانون لربع قرن .. فقدنا محبا متفردا لهذا الوطن وأهله .. اللهم ونحن شهودك في الأرض نشهد أن على السيد النجار الكوباني كان طيب الأخلاق .. رفيع السجايا ..يحمل الخير لكل البشر .. أحسن في صنعته وأخلص فيها خدمة للحق والعدل والقانون ..طيبا محبا .. نقي القلب طاهر السريرة .. لم نجرب عليه عيبا قط .. فاللهم كما طيبت سمعته في الدنيا فطيبها عندك في الآخرة .. وارفع قدره واقبله في الفردوس الأعلى من الجنة ...
العميد شرطه / عبدالله الحديدي نائب قائد شرطة راس الخيمة
| |
|
|
|
|
|
|
| |
عبدالله عثمان
يحي قباني
اسماعيل عبد الله محمد
زهير عثمان حمد
Nasr
Yasir Elsharif
فيس بوك
تويتر
انستقرام
يوتيوب
بنتيريست