نظراً لڪمية (الإستهتار واللامُبالاة) شكلو دا آخر منشور لي في موضوع إنتشار فيروس كورونا #COVID_2019 .. Mohammed Adil قبل كل حاجة ، أنا (#طبيب) ؛ يعني لا ناشط ولا سياسي ولا غيرو ، بس عاوز أوريڪم النظام الصحي في السودان مُنهار قدر شنو .. عشان #الإنقاذ ورثتنا قطاع صحي مُتهالِك ومنتهي رسمياً ، ومستشفيات مُنهارة تماماً بتعاني من مشاكل «على شاڪلة» ؛ الموية قطعت ، والكهرباء ما جات وجاز ماف للبابور ، والحقن قصرت والشاش كمل ومعقمات مافي ، ودربات بتقطع على مستوى الإمدادات الطبية والبلد كووولها (قادر تتخيل) .. يعني (outbreak) بتاع #ملاريا ولا #إسهال ولا #كوليرا ، ممكن عادي يعمل عجز كامل و (collapse) في النظام الصحي ؛ من إنعدام العلاجات والمحاليل الوريدية ، حتى قِلة الكوادر الصحية ، دا غير سوء البيئة وضعف الإمكانيات والمُعدات والوسائل .. - يعني نظامنا الصحي في السودان (30 سنة) شغال يتدمر وينهار ويُجفف ويعاني ويتسرق ويتنهِب ويتملطش ، لدرجة إنو مستشفيات في ولايات كاملة تعجز عن توفير صورة أشعة مقطعية ورنين مغنطيسي ، ومعظم الفحوصات متوفرة فقط في مستشفى او مستشفتين حكوميات والباقي قطاع خااااااااااص .. - نحن يادوووب بنعاني عشان نقدر نوفر "كمامات" و "جونتات" و "مطهرات" للكوادر بالمستشفيات ، وبغض النظر عن إنعدام غرف العناية المكثفة والعناية الوسيطة والحاجات الكبيرة دي ، ياخي يعني إمكااااااانيات مااااااااااااااااافي اقسم بالله .. - إتخيلوا وباء بي سببوا الإقتصاد العالمي إتأثر وصندوق النقد الدولي إنهار والدول العُظمى مثل "ألمانيا" و "أمريكا" و "إيطاليا" و "روسيا" و "هولندا" و "فرنسا" إستسلمت تماماً وأعلنت عجزها قصادو وقالت تاني (ﷲ) بس ينقذنا .. - قادر تتخيل دولة عظيمة ؛ إقتصاد ضخم وإمكانياتها عالية ، والبنى التحتية فيها كاااااملة "والكمال لله" ؛ بالرغم من دا كلو ماااااااا قدرت تنتصر على الوباء وناشدت .. - نحن بي عدم الجونتات ، ونقصان الكمامات ، وإنعدام الحقن والمطهرات ، وإنقطاع المحاليل الوريدية ، الكهرباء والموية المافي ؛ حنقدر نقيف (ساعة) بس قدام الوباء دا ..؟؟؟؟؟؟! - عموماً نصحنا وحذرنا ونبهنا وأعلنا وما خلينا حاجة ، إنتوا واصلوا الإستهتار واللامبالاة بتاعكم ، وزي ما قال دڪتور (سامر) ؛ نحن قادرين نفرض سُلطتنا على بيوتنا واسرنا ونمنعهم من الطلوع ونتحكم في توعيتهم ، وحنقفل علينا أبوابنا ، ونصلي لي ربنا يلطف بينا وبي بلدنا .. ✅ #تعديل ؛ شوفوا إستهتار ولامُبالاة الشعب السوداني وصلت وين ، في الرابط دا : [https://m.facebook.com/story.php؟story_fbid=2277482559222225andid=100008815094020https://m.facebook.com/story.php؟story_fbid=2277482559222225andid=100008815094020] ✅ #تعديل_ثاني ؛ لو عاوز تعرف بالضبط مصيرنا شنو خلال الفترة دي وتفهم (موقعنا من الإعراب) ؛ ادخل الرابط دا : [https://m.facebook.com/story.php؟story_fbid=2277470382556776andid=100008815094020https://m.facebook.com/story.php؟story_fbid=2277470382556776andid=100008815094020 ] ✅ #تعديل_ثالث ؛ في الرابط دا حتلقى تجهيزات نظامنا الصحي وشكلها ، مقارنة بالنظام العالمي ؛ [https://m.facebook.com/story.php؟story_fbid=2276745365962611andid=100008815094020https://m.facebook.com/story.php؟story_fbid=2276745365962611andid=100008815094020 ] ✅ #آخر_رابط : [https://m.facebook.com/story.php؟story_fbid=2276317786005369andid=100008815094020https://m.facebook.com/story.php؟story_fbid=2276317786005369andid=100008815094020 ] 🔴 وعلى الرغم من ذلك التحيّة لمجهود السيِّد وزير الصحة الدكتور "أكرم" ، وكل الاطباء والكوادر الطبية ؛ المجتهدين على الرغم من الإنهيار التام للقطاع الصحي والبتقطعوا عديل عشان نتفادى الكارثة .. وياريت المواطن يقدِر (ويراعِي) الجهد العظيم دا ، ويلتزم بالتوجيهات والارشادات ويبطل إستهتار وفوضى (وركوب راس) . #كورونا_في_السودان #اللهم_احفظ_السودان_من_كورونا #احتياطات_السودان_لمنع_كورونا #ابوعادل . https://upload.latest.facebook.com/mohammed.adil.140193/posts/2277527812551033https://upload.latest.facebook.com/mohammed.adil.140193/posts/2277527812551033
03-23-2020, 09:51 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
نعم... خيارنا الاوحد التوعية ثم التوعية تصميم برامج توعوية تناسب جميع شرائح المجتمع لا يكلفنا الكثير قياسا بما تكلفنا الرعاية الطبية (المفقودة) اذا وقعت الفاس في الراس لا قدر الله.
03-23-2020, 12:56 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
الاطباء من ضحايا كورونا فى ايران ناهيك عن الاصابات والضحايا من الشعب ربما بسبب الحصار الاقتصادى رغم حاله من التقدم فى الدوله دى. فما بالنا فى السودان وخشاشه بينته قطاع الصحه
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Hassan Farah
محمد البشرى الخضر
walid taha
Asim Ali
فيس بوك
تويتر
انستقرام
يوتيوب
بنتيريست