|
|
|
 Re: مَن اغتال بهاء نوري؟ (Re: Mutasim Idris)
|
بكاسي من غير لوحات راكبنها افراد غير معروفين بنفذوا في
اغتيالات لا تقل قيمة عن ااااي (جندي) مات في الفشقة دفاع
عن (الوطن).. الترحم علي (شهدائنا) في الفشقة من عسكر
السيادي دفاعا عن (وطن) قابلها خذلان وجبن من مدنيي
الحكومة للترحم علي (شهيد) ثورة دفاعا برضو عن (وطن).
| |
 
|
|
|
|
|
|
|
|
Re: مَن اغتال بهاء نوري؟ (Re: Mutasim Idris)
|
استخبارات الامن.. استخبارات الجيش واستخبارات الدعامة..
فشلوا وح يفشلوا ودائما فاشلين في معرفة الجناة.
اجهزة امنية تحمي نفسها ودولتها العسكرية فقط ولا تهتم
حتي بمجرد الاشارة عن- سميها- (جريمة) اغتيال في
وضح نهار الخرطوم الغائم خيبة واحباط.
لمتين يرخص دم شباب عاهدوا انفسهم وربهم بالحرية
والسلام والعدالة؟؟
بلدا لم يعد ابدااا طيب.. ورب غفور.
الرحمة والمغفرة لشهدائنا الارتقت ارواحهم او ح ترتقي
للمنتقم الجبار..
الخذي والعار للصامتين عن الحق في الحياة..
هل عادت تستحق الثورة قربان جديد؟؟؟
| |
|
|
|
|
|
|
|
|
|
Re: مَن اغتال بهاء نوري؟ (Re: Mutasim Idris)
|
سلام معتصم
متصل من رقم زين و المرحوم في المستشفى اكيد احضره احد او جماعة يوجد في المستشفى حرس او شرطة و طريقة استلام المريض و التوقيت دي كلها خيوط على الشرطة تتبعها لفك طلاسم الجريمة.
اما حكاية عربات بدون لوحات دي فدي اكبر مشكلة و دليل على الفشل الامني الفظيع
| |
|
|
|
|
|
|
|
|
Re: مَن اغتال بهاء نوري؟ (Re: ABUHUSSEIN)
|
إغتيال بهاء نوري عمل جبان
الأجهزة الأمنية دي مسؤوليتها من مدير عام الشرطة
والاجهزة الأمنية الأخرى
رئيس الوزراء ووالي الخرطوم عليهم مسؤلية
إستيضاح الأجهزة الأمنية تحت صلاحياتهم
حياة الناس ما لعبة في يد مصاصي الدماء الذين لا يعيشون
دون إراقة دم
القصاص لبهاء ولكل الشهداء
موضوع العدالة موضوع معقد ولازم ينتهي
والا لن يتوقف القتل
| |
|
|
|
|
|
|
|
|
|
Re: مَن اغتال بهاء نوري؟ (Re: عبدالعظيم عثمان)
|
عبدالعظيم سلامات..
دا عمل ما جبان.. دي جريمة قتل شاب. جبان دا زي تقول ليك
خطاب كووله دغمسة وتقيف قدام الناس تكضب.
نسمي الاشياء باسمائها ياااخ.. في ام الليلة ما اظن تاني
النوم ح يعرف طريقه لجفونها المليانة دموع دم..
غااايتو..
Quote:
إغتيال بهاء نوري عمل جبان
الأجهزة الأمنية دي مسؤوليتها من مدير عام الشرطة
والاجهزة الأمنية الأخرى
رئيس الوزراء ووالي الخرطوم عليهم مسؤلية
إستيضاح الأجهزة الأمنية تحت صلاحياتهم
حياة الناس ما لعبة في يد مصاصي الدماء الذين لا يعيشون
دون إراقة دم
القصاص لبهاء ولكل الشهداء
موضوع العدالة موضوع معقد ولازم ينتهي
والا لن يتوقف القتل |
بهاء ربنا يرحمه ويجعل الجنة مثواه اصبح رقم جديد يضاف
للجنة جديدة (تقسي) الحقائق ما تستقصي فيها..
| |
|
|
|
|
|
|
|
|
|
Re: مَن اغتال بهاء نوري؟ (Re: ABUHUSSEIN)
|
العزيز ابوحسين تحاياي..
العسكر ديل يعلم الله (سألناهم) ما اقل مما ح يسألوهم منكر ونكير
لكن ماااافي فائدة.. نسأل انفسنا ياااخ. شباب ارواحهم تروح
هدر وفي وضح النهار واسر تاريخها يتغير حاضر ومستقبل بيد
هلافيت..
Quote:
عمل قذر و جبان
يسأل عنه العساكر قبل المدنيين |
| |
|
|
|
|
|
|
|
|
|
Re: مَن اغتال بهاء نوري؟ (Re: محمد البشرى الخضر)
|
| Quote: مَن اغتال بهاء نوري؟ |
إغتاله من فض الاعتصام ، ولن يكون آخر إغتيال
| Quote: اما حكاية عربات بدون لوحات دي فدي اكبر مشكلة و دليل على الفشل الامني الفظيع |
فشل مقصود لشيء في نفس يعقوب ، ولو كنت المرحوم ما كنت حاستجيب لي ناس بعربية
بدون لوحات واللي يحصل يحصل، الناس مفروض تقوم بحملة على العربات بدون لوحات
ويوصلوها معاهم للاخر
| |
|
|
|
|
|
|
|
|
|
Re: مَن اغتال بهاء نوري؟ (Re: ترهاقا)
|
بيوت الأشباح لازالت تقوم بنفس النشاط السابق
بس المره دي تحت إدارة بعض لجان الثورة ...
يعني معروف على نطاق واسع بأن لجنة تفكيك
نظام الكيزان عندها عدد من البيوت في السوق
العربي وحي الأندلس والشجره ...
المضحك بأن من يختفي يذهب أهله إلى إستقبال
جهاز الأمن السابق للسؤال والإجابة دايما ليس
لدينا أي معتقل سياسي او غيرو بعد أخذ معلومات
المتخفي ... ويطلب من أهل المختفي التعاون
لمعرفة مصير المختفي ... هنالك لسته طويله
بأسماء المختفين المبلغ عنهم في إستقبال
جهاز الأمن السابق (المخابرات حاليا) ...
من يدير بيوت الأشباح حاليا بعضهم ثوار
وبعض ميليشيات الثورة المسلحة ...
المعلومات دي متاحه للعامه في مجالس المدينة ...
| |
|
|
|
|
|
|
|
|
|
Re: مَن اغتال بهاء نوري؟ (Re: Salah Zubeir)
|
| Quote: المعلومات دي متاحه للعامه في مجالس المدينة ... |
يا ابو صلاح ياخي اذا المتكلم مجنون - كوز- فا المستمع عاقل!
طالما المعلومة متاحة ومتوفرة في مجالس المدينة يبقى اثباتها ساهل ولا شنو؟
و انت سيد العارفين انو الامن و الشرطة و الجيش مليان بالمغبونين من الثورة وشايلاهم المحنة لايام العز و قلة الادب السابقة فديل لن يعجزوا في ظل معلومة زي دي متاحة في مجالس المدينة ان يثبتوها بالصور و التوثيق و يفصحوا الثورة و اللجنة الحامضة بتاعة ازالة التمكين
| |
|
|
|
|
|
|
|
|
|
Re: مَن اغتال بهاء نوري؟ (Re: محمد البشرى الخضر)
|
| Quote: اللجنة الحامضة بتاعة ازالة التمكين |
تصدق وتامن بالله ... اللجنه دي بالزات لغاية امبارح
كنتا من أشد المناصرين ليها ... وكنتا بفتكر وجدي
صالح دا لقى فرصة العمر عشان يبقى سياسي ذو
ثقل جماهيري واسع بفضل أداءه في هذه اللجنة ...
بفتكر إنو الفترة الإنتقالية دي فرصة عشان تفرز
لينا قيادات جماهيرية قوية ممكن تقود البلد دي
بعد الإنتخابات ... بس للأسف طلع بعثي عربي
اشتراكي ... ياللفضيحة ... دا اولا ...
كلام بيوت أشباح اللجنة دا هم فايت اضانم بي
غادي وما في طريقة ينفوهو لأنو واقع ... والنيابة
والبوليس والمخابرات واستخبارات الجيش هي
أزرع هذه اللجنة في تنفيذ مطلوبات اللجنة للقبض
والتحري وهنا مربط (أماكن خاصة باللجنة)
المعروضات من بشر وملفات ووثائق ...
| |
|
|
|
|
|
|
|
|
|
Re: مَن اغتال بهاء نوري؟ (Re: Salah Zubeir)
|
الاخ صلاح سلامات..
Quote: بيوت الأشباح لازالت تقوم بنفس النشاط السابق
بس المره دي تحت إدارة بعض لجان الثورة ...
يعني معروف على نطاق واسع بأن لجنة تفكيك
نظام الكيزان عندها عدد من البيوت في السوق
العربي وحي الأندلس والشجره ... |
لجان الثورة والتفكيك عندهم بيوت اشباح؟؟ غايتو اتفق معاك
انهم فعلا (بعبع) ما اشباح بس علي الكيزان..
جيب لينا صورة ولة رسمة ولة ااااي حاجة نقرأ او نعرف معاك
شغل الناس ديل.. يمكن نحن موهومين سااااي.
Quote: من يدير بيوت الأشباح حاليا بعضهم ثوار
وبعض ميليشيات الثورة المسلحة ...
المعلومات دي متاحه للعامه في مجالس المدينة ... |
مجالس المدينة دي وين يا صلاح؟ مواصلاتها بركبوا ليها من
وين.. ولومك بي الا كان امشي عليهم..
غااايتو.
| |
|
|
|
|
|
|
|
|
|
Re: مَن اغتال بهاء نوري؟ (Re: ترهاقا)
|
المرهف ترهاقا.. محبتي.
Quote:
فشل مقصود لشيء في نفس يعقوب ، ولو كنت المرحوم ما كنت حاستجيب لي ناس بعربية
بدون لوحات واللي يحصل يحصل، الناس مفروض تقوم بحملة على العربات بدون لوحات
ويوصلوها معاهم للاخر |
العساكر ليهم (دولة كااااملة) فصلوا عيشتهم مننا وااااي حاجة
تهدد او بس تستفزهم زي ماقال مدير مكتب البرهان هم ح يردوا
عليها. الناس قامت يا احمد (بثورة) علي العربات دي وراكبنها
واعتقدت خلاص ح يهكلوهم او يسرحوهم ويمشطوهم ويعود الامن
والامان (سلام وعدالة) لكن وااضح لسسسسة ما سقطت.
| |
|
|
|
|
|
|
|
|
|
Re: مَن اغتال بهاء نوري؟ (Re: محمد البشرى الخضر)
|
ودالبشري سلامات..
قبل كدا مفقودينا كانوا في ثلاجات المستشفيات دي زااااااتها
لاكثر من اربعة شهور بعد جريمة فضل دولة الاعتصام. يعني
مافي زول تسأله ببساطة..
Quote: متصل من رقم زين و المرحوم في المستشفى اكيد احضره احد او جماعة يوجد في المستشفى حرس او شرطة و طريقة استلام المريض و التوقيت دي كلها خيوط على الشرطة تتبعها لفك طلاسم الجريمة.
اما حكاية عربات بدون لوحات دي فدي اكبر مشكلة و دليل على الفشل الامني الفظيع |
الشرطة ما فاضية يا محمد واااضح ودا ما شغلها وما من
اختصاصاتها..
| |
|
|
|
|
|
|
|
|
 Re: مَن اغتال بهاء نوري؟ (Re: Mutasim Idris)
|
يامعتصم الوضع الان وضع تمهيد وتسويه الارض وترتيب البيت لانتاج (كيزان 2) (خارجيا) وداخليا
الكوادر الشبابيه المزروعه تتلمع بقضايا ومحاكمات علنيه كبرى ثم اطلاقهم ابطال تمهيد لدور فى (كيزان 2)
اما الكوادر الشبابيه/الثوريه الراكزه البتشكل خطر يكون مصيرها درجات من الارهاب بين الاعتداء والترهيب الى القتل
.
لا اعتقد انو الثوره تبقى منها شىء (الا ثماله فى قاع الكاس) ويفيق بعدها الشعب و(نحبه) على واقع (كيزان2)
.
ثوره قيادتها لحم راس ووكلاء وادوار مزدوجه وبعضها ثلاثى
.
مليونيه 19ديسمبر محصلتها شنو ؟؟ هل قدمت شىء لصالح الثوره ؟؟؟
كل الشواهد (بدون رتوش وتنظير برالمه سياسه) مجلس مرفوض يثصى الحاضنه الضعيفه وفرض انتخابات مبكره لن تقدم سوى واجهات (كيزان2) ومعارضه من ترلات الاحزاب السودانيه الطائفيه (ولايستبعد حدوث ضربه للشيوعيين وربما الجمهوريين اشبه بما حدث فى 65 ويناير 85)
تحياتى
| |
|
|
|
|
|
|
|
|
|
Re: مَن اغتال بهاء نوري؟ (Re: Asim Ali)
|
Quote: Omwaleed Mohammed
من يدير بيوت الأشباح حاليا بعضهم ثوار
وبعض ميليشيات الثورة المسلحة ...
شوف الكيزان وكذبهم وتلفيقهم الما بدخل عقل طفل |
هههه
(أم وليد) أوعى تكوني الحبشيه بتاعت الهشك بشك حبشي ...
| |
|
|
|
|
|
|
|
|
|
Re: مَن اغتال بهاء نوري؟ (Re: Salah Zubeir)
|
سلام معتصم والجميع
إلى العزيز صلاح الزبير
لماذا تغتال بعض لجان الثورة بهاء نوري؟؟ ما فاهم والله. هل عندك تفسير؟
Quote: بيوت الأشباح لازالت تقوم بنفس النشاط السابق
بس المره دي تحت إدارة بعض لجان الثورة ...
يعني معروف على نطاق واسع بأن لجنة تفكيك
نظام الكيزان عندها عدد من البيوت في السوق
العربي وحي الأندلس والشجره ...
المضحك بأن من يختفي يذهب أهله إلى إستقبال
جهاز الأمن السابق للسؤال والإجابة دايما ليس
لدينا أي معتقل سياسي او غيرو بعد أخذ معلومات
المتخفي ... ويطلب من أهل المختفي التعاون
لمعرفة مصير المختفي ... هنالك لسته طويله
بأسماء المختفين المبلغ عنهم في إستقبال
جهاز الأمن السابق (المخابرات حاليا) ...
من يدير بيوت الأشباح حاليا بعضهم ثوار
وبعض ميليشيات الثورة المسلحة ...
المعلومات دي متاحه للعامه في مجالس المدينة ... |
| |
|
|
|
|
|
|
|
|
|
Re: مَن اغتال بهاء نوري؟ (Re: Yasir Elsharif)
|
| Quote: لماذا تغتال بعض لجان الثورة بهاء نوري؟؟ |
أخونا العزيز ياسر ....
وهل صدر مني تصريح باغتيال بعض لجان الثورة لبهاء نوري ...
ما ذكرته شمار داير في مجالس (كيتن في حاج العوض) الخرطوم
لا أكثر ولا أقل ...
| |
|
|
|
|
|
|
|
|
|
Re: مَن اغتال بهاء نوري؟ (Re: عمر التاج)
|
الراقي ودالتاج.. تحياتي..
اااي لو بتصدق. ما هم زاااااتم اللي بعملوها ياااخ.
Quote:
البكاسي دي ظهرت في واحدة من المظاهرات الأخيرة في حكومة الثورة
ووثقتها كاميرا العربية مع الاعلامي سعد الدين حسن .
من طريقة وقوف العربة، وركوب احد افرادها من خلال لستك البوكس
اتضح انهم حديثي عهد بهذه المهمة ..
فهل تفتكروا الدولة المدنية بلجانها وشرطتها ونياباتها وأمنها ما قادرة تعرف ديل كانوا منو؟
.. |
بارتياح انا وانت ممكن نسوق لينا عربية (مظللة) بلوحاتها عدييييييل
ونمشي محلية ودالحليو جمب القضارف او التكلة ابشر في الجزيرة
او ام جعيبات في الغرب نعتقل ونسجن ونقلع وان دعي نقيل مسؤولين
ببطاقات مطبوع فيها شعار مجلس الوزراء ومختومة بلجنة التفكيك و
موقعة بالبرهان.. ما عاوز اقوله نحن دخلوا في ادمغتنا من اول يوم
بعد التوقيع انه العسكر شركاء الثورة وما بنقدر عليهم. عشعشت في
امخاخنا نحن لاااازم نفضل نقاوم مع الحكومة المدنية عمايلهم. علينا
نحن كشارع نتحمل عمالتهم وقلة ادبهم وبطشهم لانه ديل (عساكر).
اما لجان حمدوك فاااا ما عارف اقول كضاب ولة ما قادر.
| |
|
|
|
|
|
|
|
|
|
Re: مَن اغتال بهاء نوري؟ (Re: Asim Ali)
|
الحبيب الراكز عاصم.. محبتي.
Quote:
يامعتصم الوضع الان وضع تمهيد وتسويه الارض وترتيب البيت لانتاج (كيزان 2) (خارجيا) وداخليا
الكوادر الشبابيه المزروعه تتلمع بقضايا ومحاكمات علنيه كبرى ثم اطلاقهم ابطال تمهيد لدور فى (كيزان 2)
اما الكوادر الشبابيه/الثوريه الراكزه البتشكل خطر يكون مصيرها درجات من الارهاب بين الاعتداء والترهيب الى القتل
.
لا اعتقد انو الثوره تبقى منها شىء (الا ثماله فى قاع الكاس) ويفيق بعدها الشعب و(نحبه) على واقع (كيزان2)
.
ثوره قيادتها لحم راس ووكلاء وادوار مزدوجه وبعضها ثلاثى |
غايتو من زمااااان لما دقينا جرس انه دا (خريطة الطريق) لاعادة الكيزان2
من خلال دولتهم العسكرية بأمر الوثيقة (الما معروفة) ياتها قالوا نصبر شوية
وح نقدر بحكومتنا المدنية نحجّمهم ونفكفكهم ونعبر من فوقهم وننتصر..
الليلة بقينا نفتش للدرون.. لا تفكيك لنظامهم لا محاكمات لقادتهم ورموزهم
ولاااا هيكلة لا ايادي بطشهم وتنكيلهم.. فاا ما عارف الصبر علي شنو
والعبور كيفن ونحن لا قدامنا بحر لا صحراء.. عايشين في خيالنا,
Quote:
مليونيه 19ديسمبر محصلتها شنو ؟؟ هل قدمت شىء لصالح الثوره ؟؟؟
كل الشواهد (بدون رتوش وتنظير برالمه سياسه) مجلس مرفوض يثصى الحاضنه الضعيفه وفرض انتخابات مبكره لن تقدم سوى واجهات (كيزان2) ومعارضه من ترلات الاحزاب السودانيه الطائفيه (ولايستبعد حدوث ضربه للشيوعيين وربما الجمهوريين اشبه بما حدث فى 65 ويناير 85)
تحياتى |
انت لييييه التشريعي ماعاوز يقوم؟؟ ولييييه اجلوه الزمن دا كوووووووولو
شغالين فينا قطع اخدر وجونا بمجلس الشركاء ههههههههه.
نستاهل ونستاهل. تطلع مليونية بكرة يبقوا هم اسيادها ويسموها
بقوة عين وحمرتها (مليونية الدعم).
| |
|
|
|
|
|
|
|
|
|
Re: مَن اغتال بهاء نوري؟ (Re: Salah Zubeir)
|
وين باقي كلام مونتي كارو يا ابو حسين, قريت انو استخبارات الدعم السريع هي من اعتقلته و الضابط الجابو المستشفى فتح بلاغ انو الراحل توفي لديهم في الوحدة الطبية
طيب كدا الكلام واضح و معروف المتهم منو ودي ما اول قضية تتورط فيها استخبارات الدعم السريع النشوف النائب العام ح يعمل شنو!
قلت لي مجالس المدينة يا ود الزبير!! هههه
| |
|
|
|
|
|
|
|
|
|
Re: مَن اغتال بهاء نوري؟ (Re: محمد البشرى الخضر)
|
| Quote: فتح بلاغ انو الراحل توفي لديهم في الوحدة الطبية |
والله انتو ثوار طيبين خلاس ...
اااااي نعم الدليفري للجثمان تم في الوحدة الطبية
في قاعدة شمبات ... ثم تم فتح البلاغ ...
هل التحقيق والموت تم في القاعدة؟
والله مجالس الخرطوم خيالم واسع خلاس ...
| |
|
|
|
|
|
|
|
|
|
Re: مَن اغتال بهاء نوري؟ (Re: Mutasim Idris)
|
اعتصام أمام مستشفى أم درمان بعد مقتل شباب “تحت التعذيب“
الخرطوم ـ عماد النظيف
لقي “عز الدين حامد علي“ – 22 عاماً- مصرعه مثاثراً “بالتعذيب والضرب وظهور كدمات بالغة في جسده“، بعد أن اقتادته مباحث الشرطة الفيدرالية قبل عشرة أيام، على حلفية اتهامه بسرقة عربة.
وتعود تفاصيل القضية بحسب “حسين حامد“ من أسرة المتوفي، إلى أن شرطة المباحث الفيدرالية بأمبدة الحارة (15)، اعتقلت عزالدين قبل عشرة أيام على خليفة تهمة مواجهة إليه بسرقة سيارة، ونوه إلى أن عز الدين تعرض للتعذيب والضرب.
وقال حسين لـ“حكايات“، انه وبعد تدهور حالته الصحية جراء التعذيب، اطلق سراحه بالضمانة أمس الجمعة، ووصل للمنزل واثار الضرب تبدو ظاهرة على جسده، مما استدعى نقله إلى مستشفى شفاء العليل الطبي الحديث بأمبدة الحارة 20، لكنه تتوفى فيها صباح اليوم السبت.
وعلى إثر ذلك، أعلن أهالي القتيل الاعتصام أمام مستشفى أمدرمان في الناحية الجنوبية الشرقية، واشترطوا تسليم الجناة للعدالة، وتسليمهم تقرير التشريح، بعد إن قالت إدارة المستشفى، إن تسليم التقرير الطبي – نتيجة التشريح- بعد عشرة أيام، مطالبين بتسليم الجناة للقضاء
| |
|
|
|
|
|
|
|
|
|
Re: مَن اغتال بهاء نوري؟ (Re: Maawya Hussein)
|
اكد المتحدث الرسمي باسم الحكومة، وزير الإعلام؛ فيصل محمد صالح صحة الخبر الذي انفردت به مونتي كاروو ان وفاة بهاء الدين حدثت بأحد مراكز قوات الدعم السريع أثناء التحقيق معه ونُقل الجثمان إلى قسم الصافية بالخرطوم بحري ومن ثم تم تحويله لمشرحة أم درمان.
وأوضح فيصل في تصريحات خاصة لـدارفور24 إن النيابة العامة استجابت لطلب الأسرة بإعادة تشريح الجثمان وتكليف لجنة طبية من الطب العدلي برئاسة دكتور عقيل سوار الدهب.
وعلمت “دارفور24” إن تقرير التشريح الأول استبعد الشبهة الجنائية، وأشار إلى أن سبب الوفاة نزيف في المخ بسبب ارتفاع مفاجئ في ضغط الدم.
#مونتي_كاروو
| |
|
|
|
|
|
|
|
|
|
Re: مَن اغتال بهاء نوري؟ (Re: Maawya Hussein)
|
الخرطوم- دارفور24
في أول تعليق رسمي على قضية قتيل الكلاكلة “بهاء الدين نوري”، قال المتحدث الرسمي باسم الحكومة، وزير الإعلام؛ فيصل محمد صالح إن وفاة بهاء الدين حدثت بأحد مراكز قوات الدعم السريع أثناء التحقيق معه ونُقل الجثمان إلى قسم الصافية بالخرطوم بحري ومن ثم تم تحويله لمشرحة أم درمان.
وأوضح فيصل في تصريحات خاصة لـدارفور24 إن النيابة العامة استجابت لطلب الأسرة بإعادة تشريح الجثمان وتكليف لجنة طبية من الطب العدلي برئاسة دكتور عقيل سوار الدهب.
وعلمت “دارفور24” إن تقرير التشريح الأول استبعد الشبهة الجنائية، وأشار إلى أن سبب الوفاة نزيف في المخ بسبب ارتفاع مفاجئ في ضغط الدم.
وأُعتقل بهاء الدين يوم الأربعاء 16 ديسمبر من سوق الكلاكلة جنوبي الخرطوم بواسطة فردين يرتديان زياً مدنياً ويستقلان سيارة بدون لوحات، وتلقت الأسرة يوم الاثنين 21 ديسمبر اتصالاً من مجهول يفيد بوفاة بهاء الدين، ورفضت الأسرة استلام الجثمان واشترطت إعادة التشريح.
وقالت الأسرة في بيان صحفي أمس الأول إن جثمان بهاء الدين وٌجد مضرجاً بالدماء وعليه آثار تعذيب، ويعمل بهاء الدين “41” فني كهرباء.
| |
|
|
|
|
|
|
|
|
|
Re: مَن اغتال بهاء نوري؟ (Re: Asim Ali)
|
Quote: الخرطوم: السوداني
اعلنت قوات الدعم السريع بحسب الناطق الرسمي باسمها العميد جمال جمعة، عن إحالة كل من رئيس دائرة الاستخبارات بقوات الدعم السريع وضباطٍ، إلى التحقيق والتحفظ على جميع الأفراد الذين شاركوا في القبض على الراحل بهاء الدين نوري، الذي حدثت وفاته بعد القبض عليه بواسطة استخبارات الدعم السريع، وذلك إلى حين الانتهاء من إجراءات التحقيق في القضية وفقاً للقانون والعدالة.
وترحّمت قوات الدعم السريع على روح الشاب بهاء الدين نوري
|
Quote: دا شغل جرجره لن يفوت على فطنة القاريء ...
قتا لي ابو الزوز وKL وكارو ... هههههه
اصبر الحله حا تستوي يومين تلاته ... |
اها يا المكابرابي! حلّتك اخبارها شنو؟
| |
|
|
|
|
|
|
|
|
|
Re: مَن اغتال بهاء نوري؟ (Re: محمد البشرى الخضر)
|
Quote: من يدير بيوت الأشباح حاليا بعضهم ثوار
وبعض ميليشيات الثورة المسلحة ... |
يا زول الكلام دا اتقال في أول مداخله لي ...
حدد الغلط وين ونشوف إذا متاح تفاصيل اكتر ...
| Quote: اها يا المكابرابي! حلّتك اخبارها شنو؟ |
ودا كلام حلتي حق امس ...
| Quote: اصبر الحله حا تستوي يومين تلاته ... |
بغض النظر عن اليومين تلاته ... خبرك الجبتو دا
غولاش الحله ... ولا مو كدي؟؟؟
| |
|
|
|
|
|
|
|
|
|
Re: مَن اغتال بهاء نوري؟ (Re: Maawya Hussein)
|
الاخ معاوية سلامات..
حميدتي فاتح دفتر شيكاته من زمان رش رش تقيل ودفع
مرتبات شهور في بداية ايام السقوط الا انه استحااااااال
عليه شراء دم الشهداء من اسرهم..
اكيد ح يحاول..
Quote:
خبر الغد
صوره لي عبد الرحيم دقلو ( مدفوعه الاجر ) مع اسره المرحوم بهاء الدين وخلف الصوره مساومات ماديه بنسيان القضيه |
| |
|
|
|
|
|
|
|
|
|
Re: مَن اغتال بهاء نوري؟ (Re: Mutasim Idris)
|
الوثيقة الدستورية لثورة ديسمبر المجيدة (دستور البلد)
تصنف وتعترف بأن قوات الدعم السريع أحد الشركاء
الأصليين للثورة ... واي كلام غير ذلك يعتبر مناتلة طواحين
هواء ساكت وتهريج ... وإذا ما عاجبك الكلام دا افتح دستور البلد
فيما يخص الأجهزة النظامية في الفصل الحادي عشر :-
Quote: القوات المسلحة :-
١ :- القوات المسلحة وقوات الدعم السريع مؤسسة
عسكرية وطنية حامية لوحدة الوطن وسيادته تتبع
للقائد العام للقوات المسلحة وخاضعة للسلطة السيادية ...
٢ :- ينظم قانون القوات المسلحة وقانون الدعم السريع
علاقة المؤسسة العسكرية بالسلطة التنفيذية ... |
الدعم السريع أحد مليشيات الثورة وانضما ليها حديثا
عدد مقدر من مليشيات شركاء السلام ... وكلهم ثوار
والما عاجبو بحرنا مويتو عذبة ...
في الوثيقة الدستورية وفي الفصل الحادي عشر وتحت
Quote: المحاكم العسكرية:-
علي الرغم من الولاية العامة للقضاء يجوز إنشاء محاكم عسكرية
للقوات المسلحة وقوات الدعم السريع وقوات الشرطة وجهاز
المخابرات العامة لمحاكمة منسوبيهم فيما يتعلق بمخالفتهم
للقوانين العسكرية ويستثنى من ذلك الجرائم الواقعة على
المدنيين او المتعلقة بحقوق المدنيين والتي تختص بها محاكم
القضاء العادية. |
اهو فرصة للنايب العام يفرض وجودة بالتحقيق والتحري
في الجريمة وتقديم الجناة للمحكمة الجنائية المدنية السودانية ...
وعلى قوى الثورة دعمه في مسعاهو ...
| |
|
|
|
|
|
|
|
|
|
Re: مَن اغتال بهاء نوري؟ (Re: Salah Zubeir)
|
الرد على سؤالك
جاوب عليه الناس ...وقالوا ناس الدعم السريع...وسالوهم ما هو دليلكم
قالوا الدليل ان الناطق الرسمي باسم الدعم السريع اعترف صراحة بانهم هم
الذين اعتقلوا بهاء...وانهم احالوا المسؤول عن الاستخبارات واخرين للتحقيق..
وايضا وزير الاعلام صرح ان ناس الدعم السريع هم القتلوا بهاء...
طيب ومنتظرين شنو تاني...!!!؟؟؟؟
القاتل اصبح معروف ....لكن للاسف نحن في دولة بدون قانون ....دولة القوي ياكل
الضعيف....
| |
|
|
|
|
|
|
|
|
|
Re: مَن اغتال بهاء نوري؟ (Re: Salah Zubeir)
|
صلاح سلامات..
متفق تماما معاك انه الدعم السريع بالوثيقة (المعروفة لدينا) انه حامي
تراب الوطن زيه وزي الجيش واااااحد. وانا من اول الناس اللي دقيت
جرس وقلت الكلام دا بعدين ح ندفع ثمنه.. ولما تم تحديد اضلاع المثلث
ضلع عسكر السيادي مع ضلعي الداخلية والدفاع كنت اول من سماها
(دولة داخل دولة)..
لكن دي غلبتني.. كيف الدعم السريع من مليشيات الثورة.. ياريت توضح
اكثر او افهم وجهة نظرك مع انتظار (الطبخة) المزمعة ..
Quote:
الدعم السريع أحد مليشيات الثورة وانضما ليها حديثا
عدد مقدر من مليشيات شركاء السلام ... وكلهم ثوار
والما عاجبو بحرنا مويتو عذبة ... |
| |
|
|
|
|
|
|
|
|
|
Re: مَن اغتال بهاء نوري؟ (Re: Mutasim Idris)
|
امتثال سلامات..
القاتل معروف قبل كتابة البوست.. (زراع امني) تابع للدولة العسكرية دي.
لا نائب عام لا خاص قادر او ح يقدر علي المؤسسة القمعية دي. توافق تام
بين الشريكين للتكتم علي ااي انفلات امني سواء كان تصَيد نشطاء اغتيال
او اعتقال و جماعات في الغرب والشرق كاحداث نيالا بورتسودان كسلا نيرتتي
والقائمة تطول..
الدعم السريع ح يفضل (جلابية) لاي منفلت يلبسها ويمارس قتل, اغتصاب او
سرقات طالما لا عندها كليه تخرج لا مدارس تعلم لا هدف معروف لوجودها..
غاايتو..
Quote: القاتل اصبح معروف ....لكن للاسف نحن في دولة بدون قانون ....دولة القوي ياكل
الضعيف.... |
| |
|
|
|
|
|
|
|
|
|
Re: مَن اغتال بهاء نوري؟ (Re: Mutasim Idris)
|
Quote: d
ما تستهبل يا كوز انت قلت مجالس المدينة قالت الثوار ولجنة ازالة التمكين
وانهم عندهم بيوت اشباح في الشجرة ووين ما عارفة وهسي تجي تقول انك من البدابة قاصد جنجويد الدعم السريع
ده👇 جزء من كلامك يا كوز
يعني معروف على نطاق واسع بأن لجنة تفكيك
نظام الكيزان عندها عدد من البيوت في السوق
العربي وحي الأندلس والشجره
كمان باستهبالها وكذبها الواضح قال( يعني معروف على نطاق واسع) وين النطاق الواسع المعروف فيهو ده؟؟؟
اعوذ بالله من جبن وكذب الكيزان |
تحياتي ام وليد..
| |
|
|
|
|
|
|
|
|
|
Re: مَن اغتال بهاء نوري؟ (Re: Mutasim Idris)
|
سلام للجميع
ما حدث لبهاء ممكن يحدث لاى سودانى او اى واحد موجود داخل الاراضى السودانية..
..لانو ببساطة ما قادرين نقيم دولة القانون
الوثيقة ما قادرين ننفذ بنودو..
و مليشيا الدعم السريع يتدخل فى كل كبيرة و صغيرة
و قائده يصرح دائما باننا تجار ... طيب وكت انت تاجر م تمارس تجارتك باصولو و تخلى الرتبة الانت فيهو دة
..
اعتقد ان الريس حمدوك سيظهر بقوة اكثر ف 2021 و بعد دخول ناس المادة 6
..
هناك تقرير من مكتب النائب العام عن نتيجة التشريح يؤكد اثبات تعرض المجنى عليه الى اصابات متعددة ادت الى وفاته
https://scontent.fruh5-2.fna.fbcdn.net/v/t1.0-9/133732698_3676919292351245_6057530247587643888_n.jpg؟_nc_cat=109andccb=2and_nc_sid=730e14and_nc_ohc=IYJ7KzJuwO0AX9qqsATand_nc_ht=scontent.fruh5-2.fnaandoh=8c2a4b5ae750f160ce358a190b08b6a8andoe=601228F6https://scontent.fruh5-2.fna.fbcdn.net/v/t1.0-9/133732698_3676919292351245_6057530247587643888_n.jpg؟_nc_cat=109andccb=2and_nc_sid=730e14and_nc_oh...0b08b6a8andoe=601228F6
| |
|
|
|
|
|
|
|
|
|
Re: مَن اغتال بهاء نوري؟ (Re: محمد بدرالدين)
|
| Quote: كيف الدعم السريع من مليشيات الثورة |
https://youtu.be/DvoPpZ5xlE4انحنا انتا وانتا انحنا ... بعد الدقيقة ٨
جني وجن القرايه بالركب ...
اولا بنص دستور الثورة الجيش والدعم السريع شريك أصيل في
الثورة ... أحمدو الله لولا القوات المسلحة والدعم السريع كان
السيناريو السوري مدور لي الآن ولي سنين قادمات ... العدالة
كلمة ملزمة لصاحبها ...
ثانيا ... بيوت أشباح لجنة التفكيك موجودة في الأماكن التي
حددتها سابقا ولن يستطيعو نفيها ...
ثالثا ... استخبارات الدعم السريع لها العديد من بيوت الأشباح
المنتشرة في أنحاء العاصمة والجريمة تمت في أحد هذه البيوت ...
رابعا :-
اب جضوم دا خليهو يقلع النقاب دا ويجي يداوس زي الرجال ...
وبعدين واضح من ردودو كمية البلادة التي يمارسها مع كل محاوريه ...
| |
|
|
|
|
|
|
|
|
|
Re: مَن اغتال بهاء نوري؟ (Re: Salah Zubeir)
|
تمت إقالة دكتور جمال يوسف، مدير مشرحة أمدرمان وتحويله إلى مجلس محاسبة ..#العنكبوت
علي اسره الشهيد ( بعد الانتهاء من الاجراءات القانونيه) ارسال رساله شكر للصحفي ناصف مالك ومحرر صفحه مونت كاروو فالفضل بعد الله تعالي يرجع للصحفي النشط
ناصف لكشفه ملابسات القضيه بعد ان حاول الدعم السريع دفنها سريعا بتقرير مدفوع من المشرحه
| |
|
|
|
|
|
|
|
|
|
Re: مَن اغتال بهاء نوري؟ (Re: Salah Zubeir)
|
غايتو قراية الركب اخير من الكتابة بالاضالفين..
هسي يعني كدا الدعم بقي مليشيا الثورة؟ سمح..
بعدين لجنة التفكيك عندها بيوت اشباح للتحقيقات يعني؟
ما سمعنا بزول قال حققه معاه هناك.. اللهم الا البيوت اللي
قلعوها دي كانت حقت اشباح..هههههههه.
Quote: جني وجن القرايه بالركب ...
اولا بنص دستور الثورة الجيش والدعم السريع شريك أصيل في
الثورة ... أحمدو الله لولا القوات المسلحة والدعم السريع كان
السيناريو السوري مدور لي الآن ولي سنين قادمات ... العدالة
كلمة ملزمة لصاحبها ...
ثانيا ... بيوت أشباح لجنة التفكيك موجودة في الأماكن التي
حددتها سابقا ولن يستطيعو نفيها ...
ثالثا ... استخبارات الدعم السريع لها العديد من بيوت الأشباح
المنتشرة في أنحاء العاصمة والجريمة تمت في أحد هذه البيوت ...
رابعا :- |
الدعم السريع فعلا عنده استخبارات وبيوت تحقيق شبحية..
| |
|
|
|
|
|
|
|
|
|
Re: مَن اغتال بهاء نوري؟ (Re: Mutasim Idris)
|
رحم الله الفقيد بهاء رحمة واسعة واللهم ذويه الصبر والسلوان وعموم الشعب السوداني .
يظل جبناء العسكر بمختلف مسمياتهم مستمرون في إغتيال الشعب لإرهابهم وتخويف
الناس لكي يظلوا حماة لقوادهم أصحاب المراتب العليا وقد لا يهمهم حماية الوطن .
إلى متى سيظل حالنا بهذا البؤس والقهر ، فعلا كما علق أحد الزملاء ( لا مدنية آمنتنا من جوع ولا عسكرية آمنتنا من خوف)
نسأل الله العلي القدير أن ينتقم من ظالم جبار في الدنيا قبل الآخرة .
| |
|
|
|
|
|
|
|
|
|
Re: مَن اغتال بهاء نوري؟ (Re: ولياب)
|
* مقر الدعم السريع بسوبا هنا تم تعذيب بهاء او ما يعرف ب(الحفلة) وفق مصطلح الاجهزة الامنية
* المبنى كان يتبع في السابق لهيئة العمليات بجهاز الامن والغريب ان معظم مقار الهيئة آلت للدعم السريع وكأنها ارادت ان ترث المبنى والمعنى تعذيب المعتقلين
* وهو نفس المكان الذي اقتيد اليه وثاب عمر عضو لجنة مقاومة الحتانة حيث وجد به خمسة شباب آخرين معتقلين (احدهم شاب من بُري الدرايسة يُدعى أحمد قال أنه معتقل منذ بسبب شجار مع عسكري يتبع للدعم سريع منذ شهرين )، اطلق سراح وثاب عمر في يوم 28 نوفمبر الماضي. بينما فارق بهاء الحياة متأثرا بالتعذيب رغم محاولة اسعافة للوحدة الطبية للدعم السريع بمبني سلاح المظلات سابقا
* قضية مقتل بهاء ستكشف تورط شخصيات عديدة من جهات امنية نافذة
نتابع
ww.facebook.com/1394010163987869/posts/3512906898764841/؟d=n
| |
|
|
|
|
|
|
| |
Mutasim Idris
محمد البشرى الخضر
ABUHUSSEIN
عبدالعظيم عثمان
ترهاقا
Salah Zubeir
Asim Ali
Yasir Elsharif
عمر التاج
Maawya Hussein
محمد بدرالدين
ولياب
فيس بوك
تويتر
انستقرام
يوتيوب
بنتيريست