الجنا دا صغير ما حضر نميري ولا حتى بدتية الانقاذ! سمح جاب الكلام دا من وين؟ نميري احسن رئيس و عهده شهد انفجار التنمية ولا شنو و كتل زعيم الملحدين! يعني عادي بعد سنتين تلاتة يجيك شافع زيه يشبكنا البشير فوقه النبي!
04-23-2021, 09:01 PM
Asim Ali
Asim Ali
تاريخ التسجيل: 01-25-2017
مجموع المشاركات: 13492
الولد دا مقدم تجربه فى (عمةمها) جيده ومتميزه هاصه فى مرحله الانتشار لكن بدا لونو يظهر فى مراحل لاحقه بعد ما اسس قاعده ومتابعين فى اوساط الشباب بسبب اسلوبو الشبيه باسلوب (شيخ قوم ياعاطل) او قول نسخه شبابيه سبور ليهو خارج اطار المباشر فى الدين
04-23-2021, 09:07 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
عنده كم حلقة كدا يا عاصم في نقد اتفاق المبادئ و نقد سيداو و الهجوم على الحكومة الانتقالية كان كسر رقبته دا ما كلامه! وواضح نفس الجماعة في السكريبت! زي ما قلت بعد ما بدا شرامي و ردام و ما براعي الالفاظ و جمع متابعين حاجة من اتنين اما عايز يستثمر القناة و باع لمن يدفع أكثر و المشتري من الكيزان او انه دا خطه الاساسي و كان عامل #################### ساي في الاول لحدي ما جاب متابعين كفاية!
04-23-2021, 09:10 PM
Gafar Bashir
Gafar Bashir
تاريخ التسجيل: 05-02-2005
مجموع المشاركات: 7220
برضو يا دفعة بتكون لاحظت النغمة بتاعة شيطنة الاحزاب عموم دي! وللاسف رايجة وسط الشباب ما عارف عايزين ديمقراطية كيف؟ قال في زمنو انتشرت الاحزاب الدينية الاخوان المسلمين و انصار السنة و الختمية 😀
04-24-2021, 04:08 PM
Asim Ali
Asim Ali
تاريخ التسجيل: 01-25-2017
مجموع المشاركات: 13492
سؤال فى اهميتو اعمق من الارموطى وتاريخو لنميرى . القضيه هى مع انتشار الوسائط واصبحت وسيله توثيق والاعلام وتعليم من دون ضوابط تضبط كل ماينشر من مواد مقروءه او مسموعه او مرئيه حتى يصبح مع الزمن للتاريخ والتوثيق نسخه/نسخ رسميه مضبوطه علميا عبر مؤسسات ودى ربما تكون متاحه لشرائح محدوده من المهتمين .اما السنه الشعبيه للتاريخ والتوثيق حتكون غايه فى التضارب محكومه بسلبيات الجهل والغرض ...الخ الهاجس الاكبر ان النسخ الشعبيه للتاريخ والتوثيق وحتى الاعلام هى السائده والمنتشره مع تراجع دور الاعلام الرسمى والمحترف (حكومى وخاص) فى توجيه وتنوير المجتمعات بعد ان تحولت لقنوات اعلانات واذاعات ونسه ودردشه هاتفيه وغاب عنها النخب وصفوه العلم والثقافه
04-24-2021, 06:58 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
نعم يا عاصم دا السبب الحقيقي للبوست مش الفيديو فقط، في زمن اعلام الوسائط و الكاميرا الامامية الكثير من الشباب وحتى الشيب تركوا التلفزيون نهائي و كذلك الجرائد بلوقات اليوتيوب و فيديوهات التوك توك القصيرة و السنابات وانستقرام صارت اعلام بديل وشامل نعم توجد قنوات محترمة بتقدم محتوى متعوب عليه لكن يعيبه احيانا عدم الدقة او المراجعة الناريخية، و تحيانا كثيرة صاحب القناة يروي التاريخ و الاحداث حسب نظرته و تفسيره لها لا كما جرت فعلا! خلي الناريخ حتى فتاوي رمضان الناس بقت تكوسها في اليوتيوب! نفس الحال عند الحديث عن الصحف و الفيس بوك مثلا!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة