|
|
|
 Re: من الذى يُصدر مثْل هذه القرارات ...؟؟!!! (Re: ANWAR SAYED IBRAHIM)
|
السلام عليكم ورحمة الله
قفل الكباري وتتريس الشوارع مبدئيا يعتبر خطأ فادح يجب أن يعاقب عليه القانون..
وبغض النظر عن حالة الدكتور أعلاه؛ يفترض محاسبة من أصدر قرار الاغلاق بالامس وترك امر التنفيذ لعساكر لا يفهمون الاستثناءات الا لاصحاب الرتب العسكرية..
موت رجل في إسعاف بسبب إغلاق الكباري جريمة يجب أن يحاسب عليها كل المسؤولين.
| |
 
|
|
|
|
|
|
|
|
Re: من الذى يُصدر مثْل هذه القرارات ...؟؟!!! (Re: عمر التاج)
|
الاخ الاستاذ / عمر التاج
لك التحايا والتقدير
كما قلت يجب ان تتم المحاسبة ولكن :
ألا غدرت بنو أعلى قديما *** وأنعم إنها ودق المزاد
ومن يشرب بماء العبل يغدر *** على ما كان من حمى وراد
وكنتم أعبدا أولاد غيل *** بني آمرن على الفساد
لقد أسمعت لو ناديت حيا *** ولكن لا حياة لمن تنادي
ولو نار نفخت بها أضاءت *** ولكن أنت تنفخ في رماد
......
لك مودتى
| |
|
|
|
|
|
|
|
|
|
Re: من الذى يُصدر مثْل هذه القرارات ...؟؟!!! (Re: ABUHUSSEIN)
|
حبيبنا أنور تحياتي ياجميل
قبل قليل كنت أقرأ في مقال لقريبتنا الحلفاوية بنت قرناص
تتحدث عن منع الجازولين عن السيارات الخاصة وحصرها على الشاحنات
ولم تعرف القرار الا بعدما ذهبت الى محطة البنزين ..
نفس الطريقة مع المغتربين في موضوع السيارات
المقال ولكني سأختار الجزء الساخر منه وهو :
((لذلك اود معكم مشاركة الفكرة التي تلح علي هذه الايام وهي تكوين حزب باسم (المتردية والنطيحة وما اكل السبع ) ..حزب يجمع كل المتأثرين بالقرارات الفجائية غير المدروسة ..الناس الذين كتب عليهم ان يكونوا دائما في ظل المطر ..الجماعة الذين لملموا اوراقهم وعادوا ادراجهم وهم يقبضون الريح بعد طول (مساسقة ) بين دواوين الحكومة ودهاليزها ..اجمعوا هنا ..تعالوا نعمل تجمع و اعتصام وتظاهرات …ونرفع عقيرتنا مطالبين بأمر واحد فقط لا غير .. ..رجاء (الدراسة قبل العواسة)
الجريدة
ناهد قرناص
======================
تحياتي الحبيب أنور كلنا اعضاء في الحزب ( المتردية والنطيحة وما أكل السبع )
| |
|
|
|
|
|
|
|
|
|
Re: من الذى يُصدر مثْل هذه القرارات ...؟؟!!! (Re: محمد البشرى الخضر)
|
دكتور قناة طيبة الكوز دة مفروض يتحاسب قانونيا ومهنياً في المجلس الطبي
لأنه بلعب بحياة المرضى
قدر ما تقول وصلت نهاية قاع سوء الظن بالكيزان تلقاهم لسة نازلين لي تحت
أتفه أنواع المتاجرة
________
كمية ضخمة من الناس البتلمني بيهم وسائل التواصل الاجتماعي مدورين اعتراض على القوانين الكفرية بتاع نصر الدين
أقسم بالله سألتهم كلهم واحد واحد انتو قريتو القوانين .. والله العظيم ولا واحد فيهم ما شافها بي عينه ولا سمعها إلا كواريك شيوخهم .. سايقهم عبد الحي زي الغنم
| |
|
|
|
|
|
|
|
|
|
Re: من الذى يُصدر مثْل هذه القرارات ...؟؟!!! (Re: أحمد محمد عمر)
|
الجزء الأخير من فيديو الدكتور اعلاه بالله التقول قاصد سودانيز!
اي واحد بفتي في اي حاجة وكل حاجة و بجرأة غريبة كمان
يومتها واحد في قروب منزل تسجيلات صوتية لمهندسين في جامعة الخرطوم وفي الري في اللجان المشكلاها الوزارة لدراسة و اتخاذ القرار في شأن سد النهضة
فيهم بروفات عديل في مجال الهيدرولوجي و الانشاءات وغيرها , منزل تسجيلاتهم وبرد عليها و بشكل مضحك ومثير للسخرية حجة بالحجة
سالتو عن خلفيته الاكاديمية و خبرته العملية! قال خريج اقتصاد دفعة منو ومنو وكان بجنن انس عمر في الاركان و اشتغل مدرس في السعودية!!
غلني الأقولو والله!
| |
|
|
|
|
|
|
|
|
Re: من الذى يُصدر مثْل هذه القرارات ...؟؟!!! (Re: عزالدين عباس الفحل)
|
بروفات الري شن فهمهم في الري كمان! 
الليلة الصباح بدري عملت لي فيلم مضحك خلاص لكن لي هسة ضميري مؤنبني وكايس الشافع أراضيهو
في قروب فيسبوك كوز بنتقد في تعديلات القوانين وجيت كتبت مداخلة من سطر واحد ما عندها أي علاقة بالدين جاء شافع من المتحمسين الشايلين سيوفهم حارسين البوست قال لي خلاص جيت يا ملحد تدافع عن الملحدين الزيك؟
شيكت على بروفايله لقيت شنب ما عندو بقرأ في أولى جامعة جيت كتبت ليه ما بنفع هنا بعمل ليك بوست مخصوص
جاء راكب حصانه تاني وشغال لي نحن والله كلنا فداء الدين وما بتخوفونا يا علمانيين يا كفرة وما عارف شنو
عملت اسكرين شوت لمادة التكفير في القانون الجديد بتاعة السجن 10 سنوات وعملت اسكرين شوت لتعليقه مع مربعات حمر في عبارات ملحد وكفرة بالإضافة لصورة بروفايله الشخصي لميتهن كلهن في صورة واحدة وفتحت لي منشور جديد عملت ليه تاق وكتبت فيه (معليش يا أخونا فلان نزعجك شوية المحامي قال البيانات في البروفايل ما كافية لفتح البلاغ فلو أمكن اسمك الرباعي مع تفاصيل سكنك الحالي ولو ما فيها إزعاج الرقم الوطني)
وطبعاً بعديها الناس الممعوطة من المنشور الأول جات اتكبت في دة :)
جاء الشافع كتب لي المعذرة ياخ ما قصدي بس الموضوع غيرة على الدين
جاء واحد كتب لي أنا المحامي فلان الفلاني ودة رقم تلفوني ومتبرع بكل اجراءات التقاضي وبنشر البوست في قروب المحامين حقنا متأكد كلهم ما بقصروا وبتلقانا قدام باب المحكمة 8 شوكة بس هو يحدد لينا سكنه عشان نعرف نفتح البلاغ وين
بعد تعليقه طوالي رسل لي رسالة خاصة قال لي أنا ما محامي ولا قاعد في السودان ذاتو بس داير اقطع قلب الشافع
رديت ليه يعني أنا الفي السودان ولا خلاص شايفني فاضي لبلاغات!
بعديها عملت تعديل للمنشور كتبت فيه شكراً لمولانا فلان الفلاني وللستة محامين الراسلوني بالخاص وأعلنوا تكفلهم بالقضية وبالنسبة لاعتذارك يا أخونا فلان ممكن نتكلم فيه لاحقاً لكن معليش أنا قررت أجرب القانون الجديد أشوفه شغال ولا ما شغال فلو ما فيها إزعاج ياريت بياناتك عشان نحاول ننتهي من الإجراءات قبل الساعة 9
وحاتك دقيقتين ما تمن لقينا الشافغ غادر القروب .. فتشت الهستوري بتاع المتصفح دخلت بروفايله لقيتو مسحه .. جيت حذفت المنشور وبقيت أضحك براي زي المجنون لمن صحيت ناس البيت
| |
|
|
|
|
|
|
|
|
|
Re: من الذى يُصدر مثْل هذه القرارات ...؟؟!!! (Re: نعمات عماد)
|
استاذتنا واختنا نعمات حماد
سلام
انا معاك انّه كوز درجة اولى
ولا علاقة لى حتى بالمتوفى رحمه الله
ولكنى قد هزّنى الموقف
الذى مُنعت به سيارة الاسعاف
فى النهاية قرار منع الكوادر الطبية
وغيرهم من الاجهزة الضرورية والملحة فهذا غير مقبول
لك التحايا ودمت بخير
| |
|
|
|
|
|
|
| |
ANWAR SAYED IBRAHIM
علي عبدالوهاب عثمان
عمر التاج
نعمات عماد
ABUHUSSEIN
محمد البشرى الخضر
قلقو
عزالدين عباس الفحل
طلحة عبدالله
فيس بوك
تويتر
انستقرام
يوتيوب
بنتيريست