Quote: يا دينق أسمعها عند رمضان زايد ودبل بي أبو داؤود عشان تمخمخ
منتصر
ازيك.
سمعت الاغنية للفنان الفلتة والذي لم يعيش كثيار ويطربنا بفنه رمضان زايد. رمضان زايد صوته مميز جدا ويؤدي الاغنية بطريقة جميلة، ولكني سوف أنحاز الى تامر خضر لأنه قد أغنية مكتملة، لحن جميل وموسيقى مرتبة وتسجي في أستديو بطريقة إحترافية بالاضافة الى صوت الفنان نفسه وكيف وظف صوته مع مخارج الاغنية.
02-17-2020, 09:41 PM
ABDALLAH ABDALLAH ABDALLAH ABDALLAH
تاريخ التسجيل: 08-26-2007
مجموع المشاركات: 7628
كت آوت :- بالمناسبة صاحبك بدر الدين الوغد السنة دي ما جابو ليهو حاجات رمضان الموضوع دا محتاج لي بوست بالمناسبة او على اقل تقدير اتصال منك عشان تعزيهو في حاجات رمضانو حاجات رمضان دي الا تكون حاجات رمضان زايد قبيل و انحنا جايين من المطار اتصل عليهو معتز قال ليهو للأسف الحاجات ما وصلتني معتز الوغد ضحك قال ليهو رمضان شنو كمان ليك قلتا ليهم انتو بتتصلو على بدر الدين و لا الشيخ الزنداني غايتو لولا الاوغاد الفي حياتنا ديل كنا انجلطنا هههههههه
02-17-2020, 11:41 PM
Kostawi Kostawi
تاريخ التسجيل: 02-04-2002
مجموع المشاركات: 39980
الأغنية بدون شك طبعاً من عيون الغناء الأصيل ،،،،، لكن أنا بالنسبة لي الأغنية ليست فقط كلمات ولحن وموسيقى ،،،، ولكنه ترتبط ببعد زمني وعاطفي ، فلكل أغنية لها حكاية ومواقف مع أشخاص أحباء الى قلبي وفترة زمنية محددة وصور وخيالات تعود تلقائياً بك الى تلك النقطة عندما تسمعها ،،، بعض الأغاني تذكرني بالوالدة وبعضها بالوالد عليهم الرحمة وبعضها بالأخوان وحتى زملاء الصبا والجيران وشوارع الدويم ومدارسها وشمسها ونيلها وكورة الشارع مع الأصحاب وكثير من أعمامنا الين فارقوا هذه الدنيا ،،،، مثلاً أغنية زمان الناس تعيدني الى سوق الدويم قبل المغرب وحركة الناس ومقاهيها ومكتبة غانم و و ،،، لأنها كل يوم تسمعها من مايكرفون السينما فبل بدء الفيلم، وبعضها تذكرني بأستديو الجامعة وزملاء الدراسة ، وبعضها وبعضها كل أغنية لها نفس ورح يمتزج باللحن وصوت الفنان ،،، لذلك مثلا مثلا يعني ،، لما أسمع (الله يخليك) سيد خليفة من نانسي عجاج رغم إستلطافي لأداءها ولكني أعود سريعاً لأسمعها من سيد خليفة حتى أعيد التوازن لنفسي .
02-19-2020, 10:01 AM
Deng Deng
تاريخ التسجيل: 11-28-2002
مجموع المشاركات: 52568
كان قد أرسلها لقروب في الفيسبوك اسمه جيل السبعينات والثمانينات ...
اغنية قمة السلطنة .... وفعلا عند أبو داؤود غير ...
لكن بالله اسمع من أبو داؤود زرعوك في قلبي يا من كساني شجون
كلمات محمد علي عبدالله الأمي ... وألحان العبقري برعي محمد دفع الله
عبد الباقي الجيلي مرحبا.
الاغنية دي فعلا تستحق مزاج رايق.
أهم الاشياء التي لفتت نظري الى الاغنية هي أن الاغنية تم تسجيلهافي أستديو، ومثل هذا التسجيل يقوم بفرز صوت الفنان من أصوات الالات الموسيقية المختلفة. وبيطلع صوت وموسيقى في غاية النقاء
02-19-2020, 09:28 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: يا سلااام يا دينق ياخي فن راقي واذن موسيقية راقية
مع تحياتي
الزعيم ابو جيهنة
سلامات.
شكرا لك كتير على المدح الزائد
بالمناسبة.
بما أنك من زعماء بوارداب الرياض، ياخ أسئل لنا عن أخونا عمر ود الباوقة. إنشالله ما تكون جاتو عوجة بعد سقوط نظامهم الفاشي. أنا عارف ناس ود الموج ما مقصرين معاهو، ولكن قلنا برضوا نطمئن على الرجل.
Kostawi أبو داؤود نمبر 1 في أي حاجة غناها ،،، ويتفوق على نفسه بتغيير التون مرات ،،، ومرات سرعة الأغنية ،،، التسجيل الإنت جبته فوق ممكن عزف العود فيه ضعيف ،، لكن أسمع الأغنية بتسجيل أوركسترا الإذاعة عشان تحس بالإمكانيات الهائلة لأبو داؤود ،،، مرفق التسجيل
02-21-2020, 02:32 PM
النعمان اسحاق النعمان اسحاق
تاريخ التسجيل: 02-18-2020
مجموع المشاركات: 231
رمضان زايد ما فيهو كلام وله إمكانيات صوتية هائلة لم تجد حظها الكامل في الفن. لكن أداء تامر خضر لهذه الاغنية أداء ممتاز جدا من حيث الموسيقى والتسجيل في أستديو ممكن نقول حديث، لأننا نستمع الى موسيقى مرتبة ومنظمة جدا مع اللحن والاداء خصوصا تناسقها مع صوت الفنان.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Deng
Osama Mirghani
Ahlalawad
احمد حمودى
Kamal Alalla
حيدر حسن ميرغني
عبد الباقي الجيلي
ابو جهينة
بدر الدين الأمير
ABDALLAH ABDALLAH
خضر الطيب
Kostawi
Mohamed Doudi
Emad Ahmed
حسام الدين حمودة
يحي قباني
النعمان اسحاق
Zakaria Fadel
فيس بوك
تويتر
انستقرام
يوتيوب
بنتيريست