|
|
|
 Re: منتجو البان يذبحون ابقارهم المنتجة لسوء ا (Re: Asim Ali)
|
ليه ما يسرحوا بالبقر؟ هو فى أكثر علف من البطانة أو جنوب النيل الأبيض.. عاوين يقعدوا فى الخرطوم ويأكلوا البقر الأعلاف المعلبة ويمكن كمان البسكويت.
زمان كان عندنا مراح بقر.. فى الصيف يطلعوا القاش وفى الخريف فى شهر سبتمبر الرعاة ينزلوا البحر الأحمر.. اللبن كان يكفى الحلة ويزيد.. والله أذكر كانوا
يملوا كل مواعين البيت حتى القربة والسعن والكورية والقدح.. وبعد دا يفكوا العجول وتشبع.. مرض العاصمة دا يعالجوه بشنو؟
| |
 
|
|
|
|
|
|
|
|
Re: منتجو البان يذبحون ابقارهم المنتجة لسوء ا (Re: سيف اليزل سعد عمر)
|
| Quote: ليه ما يسرحوا بالبقر؟ هو فى أكثر علف من البطانة أو جنوب النيل الأبيض.. عاوين يقعدوا فى الخرطوم ويأكلوا البقر الأعلاف المعلبة ويمكن كمان البسكويت |
إنت جادي يا أبو الريش في سؤالك دا؟
لأنو ببساطة في البطانة وفي جنوب النيل الأبيض اللبن متوفر ولا يوجد من يشتريه.
والحاجة التانية البقر البتربى في مزارع الخرطوم لا يحتمل السرحة في البطانة وجنوب النيل الأبيض لأنه مهجن ولا يتحمل بيئة السرحة وفي مقابل ذلك يتميز بإنتاج عالي للألبان.
مرض العاصمة مشكلة لكن كمان ما تدخلوا في أي حاجة تلاقيك.
| |
|
|
|
|
|
|
|
|
|
Re: منتجو البان يذبحون ابقارهم المنتجة لسوء ا (Re: Hafiz Bashir)
|
Quote: زمان كان عندنا مراح بقر.. فى الصيف يطلعوا القاش وفى الخريف فى شهر سبتمبر الرعاة ينزلوا البحر الأحمر.. اللبن كان يكفى الحلة ويزيد.. والله أذكر كانوا
يملوا كل مواعين البيت حتى القربة والسعن والكورية والقدح.. وبعد دا يفكوا العجول وتشبع.. مرض العاصمة دا يعالجوه بشنو؟ |
ابو الريش
دائما بترجعنا للزمن الجميل
زمان برضو كان عندنا خور اللبن. الناس بجمعو اللبن و يروبوه عشان يطلعو السمن و بعد داك بدفقو الروب لانو فائض و لا حاجة له.
| |
|
|
|
|
|
|
|
|
|
Re: منتجو البان يذبحون ابقارهم المنتجة لسوء ا (Re: Abureesh)
|
Quote:
ليه ما يسرحوا بالبقر؟ هو فى أكثر علف من البطانة أو جنوب النيل الأبيض.. عاوين يقعدوا فى الخرطوم ويأكلوا البقر الأعلاف المعلبة ويمكن كمان البسكويت.
|
اضافه لكلام الاخ حافظ
برضو الناس ديل راسمال (جبان حسب وصف الاقتصاد) وقطاع خاص يبحث عن جعل الانتاج -وصناعه منتجات حيوانيه مشتقه بكميه اقتصاديهمنافسه - قرب اسواق الاستهلاك - لو بقى البقر كلو فى الخلا جمع وترجيل الانتاج للاسواق حيكون مكلف ويعرض المنتج للتلف .
الهجره العكسيه وتنميه الاطراف يكون بمبادرات فرديه او جماعيه (نقد عملى وبناء لظاهره تركز الانتاج والصناعه حول المدن الكبيره خاصه العاصمه )
| |
|
|
|
|
|
|
| |
Asim Ali
Abureesh
سيف اليزل سعد عمر
Hafiz Bashir
Mahjob Abdalla
فيس بوك
تويتر
انستقرام
يوتيوب
بنتيريست