|
Re: ملاحظتين على كلمة الاء صلاح فى مؤتمر باري� (Re: Abureesh)
|
فيما عدا ما سبق.. وقد قدمته مخصوص عشان يكون ليه وقع معين..
فإنها كانت لها ثقة عالية فى النفس وشجاعة أدبية.. وقامت بتحضير جيد للكلمة.. إضافة الى جمال الكلمة well articulated وسمتها بالثوب الأبيض. كل هذا كانت مدعاة لفخر أى سودانى.. الله يحفظها ويغطى عليها.
| |
|
|
|
|
|
|
Re: ملاحظتين على كلمة الاء صلاح فى مؤتمر باري� (Re: منتصر عبد الباسط)
|
يامنتصر المشهد كلو ما راكب عدلو لما تظبط امور بيتك جوا الناس بتجيك براها وتعمل مؤتمراتها عندكوتقيف على فرص الاستثمارات على الارض (استثمارات مش شحده) لكن لسف مثقيفين الشعب دايرين يعوداالشعب انو ايدوو تكون السفلى دائما من مؤتمر لى مؤتمر ولسه لا استعاده اموال او ازاله تمكينمن افاصل الدوله بل وحتى اجسام الحاضنه وتجى تقول لى مؤتمر باريس !!! الايدو فى المويه مازى الايدو فى النار يقضيها ونسه وملء فراغ بالموضوع ويمشى ينوم لاكهربا قاطعه لاصف غيش لا ازمه مواصلات ...الخ ودا كلو سببو فشل اداره وحكم فى المقام الاول
| |
|
|
|
|
|
|
Re: ملاحظتين على كلمة الاء صلاح فى مؤتمر باري� (Re: منتصر عبد الباسط)
|
Quote: سلام يا أبوريش، لا أظن عدم ذكرها للبرهان خطأ بروتوكولي. ببساطة الكلمة مكتوبة وبالتأكيد تمت مراجعتها ... معظم الناس إستحسنوا تجاهلها للبرهان. زي ما تفضلت، أعادت الروح الثورية ... وتجاهلها للبرهان جزء من هذه الروح. |
أتفق معك يا أبو الريش. أولا هى ليست حزبية أو سياسية بمعنى المحاصصات والنفاق الإجتماعى.. بنت صغيرة وغير مسؤولة عما يسأل عنه الكبار.. الحمد لله ما صرفت ليهم بركاوى بس قلت لو الحاجات دى حصرناها داخل السودان يكون كويس..
| |
|
|
|
|
|
|
Re: ملاحظتين على كلمة الاء صلاح فى مؤتمر باري� (Re: Abureesh)
|
من ناحية تانية، تفتكروا الرئيس ماكرون والسفارة الفرنسية المتابعين للشأن السوداني لدرجة إدراج أناشيد أكتوبر وأبريل (ود المكي والفيتوري ومحجوب شريف) في خطاب الرئيس الفرنسي ... حيكون غايب عليهم واقع الحال وعلاقة الشارع بالسلطة العسكرية؟
| |
|
|
|
|
|
|
Re: ملاحظتين على كلمة الاء صلاح فى مؤتمر باري� (Re: Ahmed Yassin)
|
Quote: من ناحية تانية، تفتكروا الرئيس ماكرون والسفارة الفرنسية المتابعين للشأن السوداني لدرجة إدراج أناشيد أكتوبر وأبريل (ود المكي والفيتوري ومحجوب شريف) في خطاب الرئيس الفرنسي ... حيكون غايب عليهم واقع الحال وعلاقة الشارع بالسلطة العسكرية؟ |
الاخ محمد أبو العزائم أبو الريش.
ملاحظتك في محلها تماما.
ياخ الفرنسين ديل عندهم مركز ثقافي في الخرطوم منذ عقود، فهذا هي مهامه الاساسية.
| |
|
|
|
|
|
|
Re: ملاحظتين على كلمة الاء صلاح فى مؤتمر باري� (Re: Deng)
|
Quote: مفروض بروتوكوليا احدكما يضيف الف لام التعريف |
شكراً الأخ أحمد يس، بالنسبة لي الأمر واضح تماماً، فالأخ محمد عثمان أبوريش بيكتب إسمه Aureesh بينما إسمي أنا Aburreesh ... هو آر واحدة وأنا الآر مكررة (دبل) لأن (أبوالريش) فيها اللام شمسية وهو بدون لام.
العزي دينق، نعم ... واضح إنه السفارة والمركز الثقافي يقومان بدورهما تماماً
| |
|
|
|
|
|
|
Re: ملاحظتين على كلمة الاء صلاح فى مؤتمر باري� (Re: Abureesh)
|
نعم يا دينق كلامك صحيح فالفرنسيبن لديهم مركز ثقافي في الخرطوم منذ عقود والملحق الصحفي الفرنسي بيرسل تقارير يومية لوزارة الخارجية عما يدور في كواليس السياسة السودانية ... وانا عملت مترجم في السفارة الفرنسية في الخرطوم لفترة ١٢ عاما وكنت في نفس الوقت مدرسا للغة الفرنسية في المركز الثقافي في المساء ...وذات يوم اراد السفير الفرنسي ان يقيم حفلا في المركز الثفافي بمناسبة العيد الوطني الفرنسي وطلب مني ان اتصل بالفنان الراحل المقيم وردي ان يشارك في الحفل الغنائي ،،ولكن وردي اعتذر لانه كان مرتبطا بحفل اخر في نفس اليوم ،،وهنا اقترح الملحق الصحفي الفرنسي ان نتصل بالفنان عثمان اليمني لانه فنان محبوب من الشعب السوداني وبالفعل جاء الفنان عثمان اليمني واقام الحفل الغنائي .... وبالمناسبة كان الملحق الصحفي يتحدث اللغة العربية وكذلك اللهجة السودانية وكانه سوداني ولد وتربى في السودان..
| |
|
|
|
|
|
|
Re: ملاحظتين على كلمة الاء صلاح فى مؤتمر باري� (Re: امتثال عبدالله)
|
Quote: أعتذر يا عزيزي ... فقد تعاملت على أساس المكتوب "Abureesh" |
يا عمى الشيخ لا تهتم للا شئ.. ما فى أى لازم للإعتذار. بس تصحيح كلمة عادى. وبالمناسبة أبوالريش هو جدنا السادس.. وكان يقول جاء الى الشرق من جهات الشمالية، على ذمة عمنا رحمه الله. يعنى ما بعيدة علاقة دم..
| |
|
|
|
|
|
|
Re: ملاحظتين على كلمة الاء صلاح فى مؤتمر باري� (Re: Hafiz Bashir)
|
Quote: هو نحن شيلنا قرعتنا ومشينا ليهم في بلدهم ونقوم نقول ليهم إنتو بس أدونا القروش وما ليكم دخل بسبب مشكلتنا الشيلتنا القرعة؟
|
لا هذا ولا ذاك.. أنا ضد الإقتراض أساساً.. خلى ان نكتب ليهم عرضحال (عرض حال).. طيب أحسن يسافرمع الوفد مجموعة من الأطفال المعاقين عشان لما الخواجات يجو خاشين القاعات يشوفوهم فى مدخل المبنى ويحنوا عليهم، زى ما تعمل عصابات المتسولين
| |
|
|
|
|
|
|
|