|
Re: مقتطفات من كتاب جون بولتون ،،وماذا يقول ع� (Re: امتثال عبدالله)
|
WASHINGTON (AP) — A New York City judge has dismissed a claim by Donald Trump’s brother that sought to halt the publication of a tell-all book by the president’s niece.
In a ruling handed down on Thursday, Judge Peter Kelly said the Surrogates Court lacked jurisdiction in the case.
Mary Trump is the daughter of Fred Trump Jr., the president’s elder brother, who died in 1981. An online description of her book, “Too Much and Never Enough: How My Family Created the World’s Most Dangerous Man,” says it reveals “a nightmare of traumas, destructive relationships, and a tragic combination of neglect and abuse.”
The motion seeks an injunction to prevent Mary Trump and the book’s publisher, Simon and Schuster, from releasing it, as scheduled, in July.
Robert Trump’s lawyers filed court papers earlier this week arguing that Mary Trump and others had signed a settlement agreement that would prohibit her from writing the book. The settlement decades ago included a confidentially clause explicitly saying they would not “publish any account concerning the litigation or their relationship,” unless they all agreed.
The agreement related to the will of Donald Trump’s father, New York real estate developer Fred Trump.
| |
|
|
|
|
|
|
Re: مقتطفات من كتاب جون بولتون ،،وماذا يقول ع� (Re: Ahmed Yassin)
|
بدأ بولتون انتقاده اللاذع الرئيس الأمريكي ترامب ابتداء ا من الصفحة الأولى في الفصل الأول من الكتاب ويقول ان ترامب كانت تصرفاته غريبة عند دخوله البيت الأبيض نسبة لان المكان جديد عليه ولم يكن واثقا من نفسه ،إذ أنه لم يكن يتوقع أن يفوز في الانتخابات الرئاسية، فقد كانت تصرفاته تتسم بالصبيانية وذلك خلال ال ١٥ شهرا الأولى من ولايته، ولكن بمرور الوقت أصبح واثقا من نفسه حيث أنه احاط نفسه برجال يقولون له نعم فقط وليس غير نعم .. وفيما يتعلق بالأمن القومي فإنه لم يكن يعتمد على مستشاريه بل كان يعول كثيرا على صداقاته القديمة مع رؤساء الدول .. ويقول بولتون ان عضو مجلس الشيوخ السابق عن ولاية نيفادا له مقولة يرددها وهي:"لا توجد في السياسة مفاهيم طاهرة ونقية ""..ويقول المؤلف أنه عند دخوله مكتبه الذي يقع في الجناح الغربي من البيت الأبيض أدرك الفرق الكبير بين العمل مع ترامب والعمل مع الرؤساء الأمريكيين السابقين ... ويقول ان هناك تحديات كثيرة كانت تواجه الإدارة الأمريكية وتشكل خطرا على الأمن القومي الامريكي ومنها على المستوى الاستراتيجي الصين وروسيا ،وكذلك إيران وكوريا الشمالية وطموحاتهم النووية وكذلك التهديدات التي تأتي من المتطرفين الإسلاميين في سوريا ولبنان والعراق واليمن وأفغانستان، إضافة إلى التهديدات التي تأتي من جيراننا في مثل كوبا وفنزويلا ونيكاراجوا ... وفي يوم ١٧ نوفمبر اتصل بي الرئيس ترامب، وهناته بالفوز ،،وأخبرني عن المكالمات الأخيرة التي أجراها مع الرئيس الروسي بوتين ومع الرئيس الصيني ورئيس الوزراء الياباني...وقال لي إنه يريد أن يراني بجانبه قريبا... ...في خلال يومين .... ....
| |
|
|
|
|
|
|
Re: مقتطفات من كتاب جون بولتون ،،وماذا يقول ع� (Re: Biraima M Adam)
|
جارتنا في السكن وزميلة حذرتني من ان اترجم او انقل اي سطر من كتاب جون بولتون لان هذا الكتاب كان فيه مشكلة امام القضاء وان الادارة الامريكية لا زالت تسعى لعدم توزيع نسخ الكتاب على نطاق واسع الى جانب ان الناشر له حقوق محفوظة ،،،،وان هذا الكتاب ليس كالكتب الاخرى ،،،، وقد كان بودي ان استمر في ترجمة مقتطفات هامة من فصول مثيرة جدا من الكتاب وخاصة وان الزميلات هنا تبرعن بالمساعدة في الترجمة ، ولكن للاسف سوف اتوقف هنا ،،،،ولا استطيع الاستمرار ،،،، واساسا اسماءنا مكتوبة بقلم الرصاص ، وخاصة تحت هذه الادارة التي ترغب في طرد من هو غير امريكي ابا عن جد.... وقلنا اخير نسكت ،،،،، والمهم انا لم اقرا كل الكتاب ولكن تصفحت فصول هامة ،،،والكتاب جدير بالقراءة وبه معلومات فعلا مثيرة ومفيدة جدا ،،،،
| |
|
|
|
|
|
|
Re: مقتطفات من كتاب جون بولتون ،،وماذا يقول ع� (Re: امتثال عبدالله)
|
والله يا نعومي كان رغبتي البي طلبك ،والزميلات هنا اظهرن رغبة شديدة في المساعدة في الترجمة اضافة الى ان ود الامير في الدوحة وجعفر محي الدين في الرياض وود الاصيل في ابخرطوم ما كانوا حيقصروا في ترجمة الاجزاء الصعبة من المصطلحات السياسية العويصة ،،،، ولكت ما باليد حيلة ،،،، واكرر اسفي مرة ثانية ،،، وربنا يلمنا دائما في ساعات الخير ،،،
| |
|
|
|
|
|
|
Re: مقتطفات من كتاب جون بولتون ،،وماذا يقول ع� (Re: امتثال عبدالله)
|
●》معليش وال أبا بريمة و يا ريت تسمح بتثبيتة لأول مرة. إنك أنت الجاي ناطي من فوق قبال ما تقرأ. فرجاء تظبط وزنة عبَّارك و تركز شوية. نحن فعلناها و لا نرجو جزاءً و لا شكوراً.
●》شخصياً ترجمت فقط جزئيةً من صلب متن البوست عن كتاب ميري طرمبة"Too Much And Never Enough" أي : 《 كثيرٌ جداً و ليس كافياً 》. و ربما سوف يأتي الدور لاحقاً حول كتاب مستشا ر الأمن القومي المعزول سابقاً / جون بولتون بعنوان :《 الحجرة التي حدس فيها ما حدس 》 " The Room Where It Happened". هذا و متى عُدتُم بصحي ليك عمو جقود دانفنشي ، عاد يشوف شغلو معاك . عارفو براك ما بحب اللولوة و الليَّامات دي سمو فاير !!!
(عدل بواسطة دفع الله ود الأصيل on 06-26-2020, 08:16 AM)
| |
|
|
|
|
|
|
Re: مقتطفات من كتاب جون بولتون ،،وماذا يقول ع� (Re: دفع الله ود الأصيل)
|
ول أبا ود الأصيل، دا كلام شنو؟ .. دخل كتاب ميري ترامب .. بكتاب جون بولتون شنو؟ .. أم لأن الإدارة الأمريكية منعت كتاب ميري ترامب .. وح تمنع كتاب بولتون؟ كتاب بولتون أستلم فيه 2 مليون دولار .. دا كتاب من العيار التقيل .. والانتخابات علي الأبواب والمسألة حرية نشر في الولايات المتحدة .. ينشروا الكتاب ينشروه.
أمتثال، ليس عليك أي حرج في نقد الكتاب .. هناك أناس أنتقدوا الكتاب بشده منهم مسؤول الأمن الكوري .. والكاتب الألماني المشهور كلوس برنكبومر .. والكاتب الأخير مسح بالكتاب الواطا عديل ..
بريمة
| |
|
|
|
|
|
|
Re: مقتطفات من كتاب جون بولتون ،،وماذا يقول ع� (Re: نعمات عماد)
|
Quote: ول أبا ود الأصيل، دا كلام شنو؟ .. دخل كتاب ميري ترامب .. بكتاب جون بولتون شنو؟ .. أم لأن الإدارة الأمريكية منعت كتاب ميري ترامب .. وح تمنع كتاب بولتون؟ كتاب بولتون أستلم فيه 2 مليون دولار .. دا كتاب من العيار التقيل .. والانتخابات علي الأبواب والمسألة حرية نشر في الولايات المتحدة .. ينشروا الكتاب ينشروه.أمتثال، ليس عليك أي حرج في نقد الكتاب .. هناك أناس أنتقدوا الكتاب بشده منهم مسؤول الأمن الكوري .. والكاتب الألماني المشهور كلوس برنكبومر .. والكاتب الأخير مسح بالكتاب الواطا عديل ..بريمة |
●》يا بريمة للمرة التانية كتاب ميري مذكور في البوست هنا.ارجع اقرأ ياخ و تعال. مالك الليلة ماكا ياكا ؛ شارب غُباشة متقل ليها الدواشات. أوصيك تفكها بملاح أصحى يا نعسان ويكاب (Wake~Up) . و أما بولطون على طرمبة ديل و من حذى حذوهم ما ماليين لينا صرة عين واحدة ؛ كلهم في نظرنا علوج أنجاس مناكيد بشتتو بولم فوق ركبينم . بعدين شايف بتنا جابتتي الخرتوم . لكن نحنا غنامة ناس خلا و صي ؛ شغلتنا قنيص و شرابنا حفاير و حمَّيض .و لمحل بلهان بنوم دا ما يجيبنا علا شديدن قوي و لا مزاج ساي نجي نشيل زوادتنا من غادي و بالمرة نغشى قندهار ، سوق الناقة.
| |
|
|
|
|
|
|
Re: مقتطفات من كتاب جون بولتون ،،وماذا يقول ع� (Re: tabaldy)
|
انا برضو زيك يا نعمات كنت جهزت ملخص للفصل العاشر عن الصين ولمن رجعت للبوست ما لقيته وقلت خلاص ديل ناس الاف بي اي هكروا البوست ومسحوهو ،،وكمان لمن جات زميلتنا دي وخوفتنا قلت خلاص الناقصة كملت وهم يكونوا جايين في السكة لهنا ،والمسنوحات يسخرن مني ويقولن لي انتي قايلة نفسك وين ، عاوزة تشتهري ولا شنو ،،هم فاضين ليكي،،ههههههههه.... وربنا يبعد عننا النقمة الترامبية والنقمة الكورونية ... والله يديك الصحة والعافية
| |
|
|
|
|
|
|
Re: مقتطفات من كتاب جون بولتون ،،وماذا يقول ع� (Re: امتثال عبدالله)
|
سلام نعمات كتاب ميري عن أسرتها اسرة ترمب والاحتيال القامو ا بيه لتكوين والحفاظ على الثروة وهي السربت تهرب واحتيال ترمب الضريبي ايام الانتخابات وبالمناسبة بولتون ذاته دافعه الكسب الشخصي والمادي ولا كان تبرع بالشهادة من البداية في قضية التدخل الروسي وشهد عند المدعي الخاص لكن حسب مصلحته الشخصية اولاً ، يا امتثال انا ما محامي لكن اعتقد الممنوع هو ترجمة الكتاب ونشره وذلك لانتهاك حقوق الملكية الفكرية لكن مناقشة الكتاب ما ممنوعة لكن المشكلة في أمريكا لو زول عنده قروش ممكن يدور فيك بالمحاكم وهو بتهمة ان كتحته في البحر وفي النهاية ما بيفوز ولا بتم ادانتك ولكن بيكون فلس بيك برسوم المحاميين والتقاضي
| |
|
|
|
|
|
|
Re: مقتطفات من كتاب جون بولتون ،،وماذا يقول ع� (Re: محمد على طه الملك)
|
Quote: بعد ما تخلصوا عرض و نقد وتحليل الكتاب حاولوا شوفوا بصارة وترجمة للوارد في المقتبس أعلاه
تحياتي
|
●》حياك الله تبلدي قونقليس السوق الكان قسَّموه ما بحوق. ياخي ما بتجيش ليه. تعال ساي ياخي شاهد الله بتعجبني دخلاتك الرزينة. شكلو البوست زاتو انفتل و بقت فيه حقوق ملكية فكرية للتأليف و النشر ، و حقوق سلبطة في الترجمات و كدي. ●》عمومن أطمنك و أبشرك : المقتبس داك ، موش هنا، دا لو كبيتو لعمك الحنكوش غوغل في عبو ، ليك علي ،إلا يقعد يتلفت و يتحكحك، و أخيرن يسألك يقولك: تحين دا مو الواو الضكر؟!!
| |
|
|
|
|
|
|
Re: مقتطفات من كتاب جون بولتون ،،وماذا يقول ع� (Re: دفع الله ود الأصيل)
|
الاخت امتثال لغاية ما قصرت والناس طبعا قدرت موقفها ارسلوا لي الفصل المطلوب ترجمته وانا على استعداد لترجمته ترامب مع اردوغان او الرئيس الاوكراني او الصيني او الكوري او سحب قواته من سوريا وخلي دار النشر و البيت الابيض وطرمبة وال(فدرال برو اوف انفستغيشن) يلقاني للمعلومية توجد لدينا خبرة طويلة في ال( سملتنيوس انتربريتيشن) الترجمة الفورية وبكري ابصلعة عارف كدة..
| |
|
|
|
|
|
|
Re: مقتطفات من كتاب جون بولتون ،،وماذا يقول ع� (Re: Ahmed Yassin)
|
يعني يا مولانا محمد علي انت عاوزنا نمشي لعش الدبابير برجلينا... ..الله يكفينا شرهم...وشر الكرونا ... ومع أنني مغرمة بالترجمة...ووجدت استعداد كبير من المسنوحات المعاي للمساعدة وترجمة كل الفصول الهامة في ظرف أسبوع واحد لانهن قاعدات عاطلات في الحبس الإجباري....لكن الحذر واجب ....لكن وجدت كتاب مفيد جدا عن تاريخ السودان الحديث كاتبه واحد اجنبي وفيه معلومات وافرة عن الشخصيات السودانية التي لم نسمع بها وشاركوا في استقلال السودان...وانوي ترجمة بعض المعلومات.. لكن كتاب الزول ده الشرس الاسمه بولتون ده ،،الله يكفينا شره...ده الدول بتخاف منه ..خلينا نحن ...ههههه ... والله يبعد عنكم شر الكرونا ويبعد عننا الشر الترامبي والشر الكروني ..
| |
|
|
|
|
|
|
Re: مقتطفات من كتاب جون بولتون ،،وماذا يقول ع� (Re: امتثال عبدالله)
|
احمد ياسين ترجم لينا الفصل البيخص الصين ....واذا قبضوا عليك الامريكان قول ليهم ودوني سجن في نيويورك عشان ممكن نجي نزورك ونجيب ليك معانا قراصة بدمعة جداد من يد الأميرة النوبية .. ديل جابوا رئيس بنما وأظنه مسجون لهسع في سجن في ميامي. يعني ما يقدروا عليك ..ههههه والله يكفيك شرهم ..وشر الكرونا
| |
|
|
|
|
|
|
Re: مقتطفات من كتاب جون بولتون ،،وماذا يقول ع� (Re: امتثال عبدالله)
|
يا امتثال أحمد فلوت يبقى زي القرصان الصومالي الخطف السفينة الأمريكية لمن جابوه للمحكمة في نيويورك الصحفين راجين القرصان الجهامة الرابط بتاعت مناحيم بيجن في عينه وبغبغاء في كتفه ورجل جون سيلڤر الخشبية لمن ظهر محاوطنه العساكر صومالي صقيطان وكملان من لحم الدنيا ويضحك مبسوط من جيبتو لي نيويورك ( قوقلي صورته)
| |
|
|
|
|
|
|
Re: مقتطفات من كتاب جون بولتون ،،وماذا يقول ع� (Re: امتثال عبدالله)
|
امتثال عبدالله مع اني افضل سجون ماساتشوستس ( بوسطن) على نيويورك لكن لو اقنعتي الاميرة النوبية تعمل لي القوراصة خمسة بوصة بى دمعة ديك رومي احسن لي من الجداد.. ممكن اجي جنبكم. الفصل دا اهم شىء فيهو انه ترامب طلب من الرئيس الصيني المساعدة في اللينتخابات وشجعه على انه يقرض المسلمين الايغور في الصين. انا حاترجم بالدارجي عشان ما يفهموا وكدة
| |
|
|
|
|
|
|
Re: مقتطفات من كتاب جون بولتون ،،وماذا يقول ع� (Re: Ahmed Yassin)
|
منتصر دا قرصان شنو دا؟! دا قرص اسبرين .. وعنده سوء تغذية وعيان باليرقان
Quote: لمن جابوه للمحكمة في نيويورك الصحفين راجين القرصان الجهامة الرابط بتاعت مناحيم بيجن في عينه |
انا حاجي رابط البتاعة حقت موشي ديان واي سؤال حاقول ( نو كومنت) وما تنسى انا في الانجليزي دا خطر شديد وحاطلع منها زي(hair from dough)
| |
|
|
|
|
|
|
Re: مقتطفات من كتاب جون بولتون ،،وماذا يقول ع� (Re: Gafar Bashir)
|
جعفر بشير يا صاحب اجمل بروفايل في المنبر (رمز الثورة والثوار والثائرات).. وطبعا لمن يعرضوك للتعذيب ، وخاصة البنشوفو في الأفلام بتاعة الايهام بالغرق طوالي حتعترف وتقول شوفو واحدة اسمها امتثال ومعاكم هنا في نيويورك وفتشوا عليها هي الرسلت لي الترجمة ..ههههههههوالمصيبة علينا .....
| |
|
|
|
|
|
|
|