مستشفى معطلة وسجن مشيد

Quote: عايز اقول ليكم لي بقيت اردم حكومة حمدوك بعد كنت مؤيد ليها انا مغترب نزلت اجازة ابوي عندو سرطان. والحمد لله مقتدر ماديا الحمدلله عشان اعالج ابوي أدوية السرطان اتعدمت وبقت عبارة عن سوق اسود كل ما امشي مستشفي الذره بتونس مع ناس مصابي بالسرطان يشهد الله بحكو لي بنفسهم انو ايام الإنقاذ الأدوية متوفرة وشبه مجان والجلسات الكيمائية مجان في واحده مسكينة بتحكي لي قالت كانت بتاخد علاجات الكيماوي مجان حلفت بالله في حقنة كانت بتاخدها مجان.. اسي عشان تشتريها بنص مليار جنية ومااااف زاتو قالو علاجات السرطان بقت سوق اسود عندك قروش تتعالج ما عندك تموت عمك كبير قال لي اتعرف علي مجموعة في مستشفي الزرة مصابين بالسرطان قال بعرف فيهم 9 اتوفو عشان ماعندهم حق العالج وكلهم قالو في عهد البشير بتعالجو مجان وامشي شوفو مراكز غسيل الكلى الكانت مجان واسي بقروش وماتو فيهم كتير ونحن شغالين نصدق في حمدوك ولجنة التخدير اسأل نفسك انت كموطن للان عملو شنووو لا تعليم لا صحة لا معيشة لا أمن لا أمان مخدرين تخدير شديد كل ما يشوفو الشعب زهج يخدرونا بلجنة التفكيك عملت وفعلت.. ونحن ذي الشفع نصدق وننبسط وفرحانين بس لم تقعد مع نفسك الناتج شنو ح تلقي صفر صفر صفر 0 المهم ابوي معاي بره وبعالج فيه مع انو بعالج في بقروشي بس العلاج متوفر وناس قلوبها نضيفة المغتربين امشي اقعد 3 شهور في السودان وتعال ماتصدق السوشل ميديا دي كلها كذب في كذب اقسم بالله بلد منتهي سرقة عينك عينك قتل عينك عينك والشعب يتفرج في البسرق وبقتل وما بتحرك شبر.. لانو شعب جبان شغالين نصدق في حمدوك ولجنة التمكين والوضع ماش للأسواء لعنة الله عليهم ياخ الحكاية كلها مناصب بس ما همهم في موطن يجوع يموت يقتلو عايزين يجرو السودان لحرب اهليه ياخ امشي لبعض شوارع الخرطوم بعض الأسر بقت تتاجر بشرفها عشان تقدر تعيش وبعض الآباء طلعو أبنائهم من المدارس عشان ماقادر يوفر ليهم لقمة العيش خلي القراية وعايزني أقول حمدوك 😡 والله غير البل ماعندي لي شي وما تصدق البدفعو عن حمدوك والحكومة... ديل مؤجرين منتفعين بياخدو رواتب عشان يصرفو نظرك عن الوضع الحاصل

Quote: شوفوا يا جماعة أنا والله كنت مقيم ثابت بميدان الاعتصام ومرقت بقدرة قادر يوم فضه وأنا بكره الكيزان كراهية الموت لكن بعد مرور سنتين من عمر حكومة الثورة المسروقة بدات أعي حبه حبه خرجت في ثورة ٢٠١٣ ضد الزيادات في المحروقات والآن بزيدوها بنسب خيالية. كنت أعتقد أن صرف الإنقاذ على الرئيس ونوابه ومساعديه ومستشاريه والوزراء ووزراء الدولة وأعضاء المجلس الوطني ومجلس الولايات والمجالس التشريعية ب ١٨ ولاية ورؤساء اللجان الاتحادية والولائية والولاة والوزراء والمعتمدين ومكاتبهم والمبالغ الضخمة من التسيير وحرق الوقود بالإضافة للشرطة الشعبية والدفاع الشعبي والخدمة الوطنية والطلاب والشباب والمرأة ووووو.... إلخ بالاضافة للصرف على الدفاع وكل دا والبلد محاصرة وعمالة خارجية كل هذا البذخ مفتكرنو لو وقف أو اتخفض ممكن يحل مشكلات كبيرة للوطن سنتين والصرف دا ثلاث ارباعه وقفت (القروش مشت وين؟) أيام نجاح الثورة كنا نهتف بهستيريا لما يقولو قبضنا دفار يحمل مليارات وخزنة بتفتح ببصمة العين ودولارات في ماليزيا وقروش في المدينة الرياضية وكميات دهب في بيت فلان وعلان ونحن نهتف و لما البنج فكا لقينا الجماعة الكانو بيكتبوا من برا وقاعدين في أوروبا وامريكا وغيرها اتمكنوا في السيادي والوزارات والولايات والمؤسسات ومرقونا ميطي الدولار من ٦٠ ل ٤٦٠ والبنزين من ٢٨ ل ١٥٣٠ والجاز من ٢٠ ل ١٣٢٠ ورطل اللبن من ١٢ ل ١٥٠ وجوال السكر من ٩٥٠ ل ١٥٠٠٠ ووووو .... إلخ ويجو يقولو ليك دا بسبب النظام البائد مش كان ممكن تجروا فرملة اليد. حمدوك طبيب سلمناهو مريض حي لكن في حالة متأخرة وبدل نشوف تحسينات ادخله العناية وقتله سريرياً واي أهل مريض لو زولهم ما اتحسن بغيرو الدكتور وبشوفوا ليهم واحد تاني رغم أنو الفاشل بقول ليهم اصبرو حبة سيتعالج وسينجو وسنعبر لحدي ما نعبر للمقابر والله في رأي أي قحاتي بدافع عن حمدوك وعن السجم الجبناهم ديل إما منافق أو خجلان أو قلبو ميت وأنا اولهم قطوعات كهرباء أثناء العمليات وخلال أيام الامتحانات اولادنا رجعو للمزاكرة بلمبة الجاز وهو ذاتو ماف كنا نهتف لما وجدي يقول قبضنا وصادرنا وفصلنا وقلنا دا البل الصاح لكن اتبلينا كلنا الصادرو وزعو على أحزابهم والفصلوهم كانوا أحسن ناس لكن عشان يمكنوا ناسهم وفي النهاية الحصان الجربان أحسن لينا من الحمار المكادي كرهتونا وخجلتونا مع أهلنا الله لا جاب باقيكم ود الشقلة ٢١يونيو ٢٠٢١ منقول