عان البلاوي دي . قاليك : مسؤولو الصحة فى كندا واستراليا وأمريكا وبريطانيا والاتحاد الأوروبي. اكتشفوا انو كل البهارات الهندية مرشوشة ببول وبعر البقر. بي سبب اعتقادات الهنود في علاج بول البقر للأمراض. ... غايتو صادر الهند من البهارات حيدخل في كستبانة.
12-06-2020, 08:31 AM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
من اعتقادات بعضهم انهم بينضفو البيت ويرشو بمويه مخلوطه بروث البقر وحتى لو بلاط يمسحو الارض بمويه مخلوطه بروث البقر اعتقاد منهم انو يجلب البركه والرزق والخير
12-06-2020, 11:26 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
أخونا عاصم سلام يجلب الحظ ويجلب العفنة برضو . يا أخ عاصم داير اسالك من حاجة . ملاحظ كتير جدا من الهنود في سفريات الطيران الطويلة بيطلبوا مع تذاكر الطيران تحضير كرسي متحرك عند النزول في محطة الوصول . السبب شنو ؟ وليه يا عاصم الهنود ديل بكون عندهم وجع كرعين من السفريات الطويلة ؟ في اي احتمال يكون الوجع دا من كثرة شمهم لبول البقر .؟ لاحظ أي هندي أي هندية بعد سن الخمسين تلاقي كرعينو مكعوجات كعوجة من امها.
12-06-2020, 09:54 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
الأخ شاكر سلام قاليك البقرة اكتر حيوان مدلع عند الهنود . يعني البقرة ممكن تنطط في الشارع قدام اجعص وزير . وفي بعض الدراويش منهم لو ما رشالو شوية بول في قميصو مابيمشي الشغل كلوكلو .
12-06-2020, 11:45 AM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9454
مرة في أحدي بلاد المهجر ، واحد من أولاد بمبة ديل ، إتخانق مع واحد هندي هندوسي ، خناقة فظيعة ، قام الهندي إشتكي خصمه الي المدير ، والمدير برضو من اولاد بمبة ، صاحبنا المظلوم داك ، قال الهندي دا كذاب وستين كذاب ، كذاب م كذاب ، قام ود بمبة من شدة الغيظ ، صرح فيهو وصااااااح بأعلي صوته ، - جيبوا ليهو بقرة يحلف عليها ، أنو كلامو صاااااااااح ، وإنفرج الجميع في ضحك هستيري ، آااااااال بقرة ، آل ،
عزالدين عباس الفحل ابوظبي
12-06-2020, 12:55 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
انا غايتو واحد من الناس ما عندي أي علاقة مع المطعم الهندي ولا البهار الهندي ولا الباكستاني . ما انو الباكستان ما عندهم شغلة لا بالبقر لا بي بعر الأرانب.
12-06-2020, 04:59 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5296
سلامات يا عثمان كمتعامل مع محلات الهنود مشيت عملت بحث عن الموضوع ده..لقيت مصادر محايدة قالت انو بول البقر او الروث لا يدخل في اي طعام هندي اطلاقا في الهند نفسها دع عنك ذلك الذي يتم تصديره لبلدان العالم الأول. الموقع الوحيد الذي نشر هذا الكلام هو موقع اسلامي يديره هنود مسلمين ويبدو انه في اطار الحرب النفسية بين الديانتنين او في اطار الحرب التجارية بين محلات الحلال ومحلات الهنود. نعم قيل أن نسبة من الهندوس المتدينين يعتقدون في قدرة بول الابقار وربما روثها له فوائد علاجية وهم يستعملونه لغرض التداوي تماما كبول الجمال لدى بعض المسلمين. هنا رابط الموقع الوحيد الذي يحتوي على هذه الدعاية: https://crescent.icit-digital.org/articles/beware-of-indian-food-products#:~:text=Investigations%20by%20the%20US%20Food,Yes%2C%20you%20read%...rapeutic%20qualities.
12-06-2020, 08:37 PM
Shinteer Shinteer
تاريخ التسجيل: 09-04-2002
مجموع المشاركات: 2525
غايتو يا عثمان أنا أكل الهنود الطاعم دا، وبهاراتهم البديعة دي، ما بقنع منهن حتى لو فيهن بعر غراب. أتاريه الطعم السمح دا جايي من بعر البقر وبولو؟؟؟ ليهم حق يعبدوا البقر أكان بعرو وبولو طاعمات كدي. من باكر دي بقنع من بول البعير وبمشي على بول البقر وبعر البقر. الشيء دا طاعم خلاس. لكن فعلاً بكعوج الكرعين ويمكن يعمل ليك كريشة وباقي جسمك ضعيييف. المهم الطعم، والباقي على الله. يبدو لي دا كلو إشاعات. الغربيين حريصين يا زول. ممكن الخدعة تمشي فيهم شهر أو سنة لكن ما ممكن تستمر لعقود، والبريطانيين أسياد الهند.
12-06-2020, 08:47 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 9469
Quote: يبدو لي دا كلو إشاعات. الغربيين حريصين يا زول. ممكن الخدعة تمشي فيهم شهر أو سنة لكن ما ممكن تستمر لعقود، والبريطانيين أسياد الهند.
الغريبة, المحلات البندخل فيها دائما محلات المسلمين الهنود و الباكستانيين و الغرض الاساسى لدخوله هذه المحلات لشراء اللحوم و من ثم نعرج الي قسم البهارات. لو كانت بهارات مخلوطة ما كان جابوها و هم اكثر ناس بشتروها.
12-06-2020, 10:18 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5296
أخونا سيف النصر سلام يا أخ سيف ياخ الشعب دا شعب جنو بهار حتي في الحلويات بيخلط البهار . وعندهم ألف نوع من البهارات المبلولة ببول البقر . وعندهم معرفة شديدة وباع طويل في التصدير للعالم كلو . وخبرة في السوق العالم .
12-07-2020, 08:52 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
مرحب حباب أخونا البقاري بريمة. حياك الله . قلت لي شنو رايك في كلونيا البقر . قاليك البقاري الهندي راجي كومار ساريندي لو استعمل بخاخة بول العجلة ما بمشي مكتب الشركة . شايف كيف ؟
12-07-2020, 03:17 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
نحن برضه بناكل بعر وبول الغنم .. لكن بطريقة غير مباشرة زريبة البهائم بقت بالشي الفلاني .. والجماعة يحفروا ويكبوا وفي النهاية تجيك الريحة من جوة الخضار والفاكهة .. بس للأمانة أطعم واكرم من بتاعة المصريين.
12-08-2020, 05:24 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
حملة المقاطعة الاكتر شدة حيقوموا بيها الانجليز بعد انكشاف المدسوس من أخبار البعر التي فاحت وعمت الإمبراطورية التي لا تغيب عنها رائحة الكاري والكوركم والهيل.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Osman Musa
نعمات عماد
Shaker Hamid
Asim Ali
عزالدين عباس الفحل
Salah Zubeir
Biraima M Adam
سيف النصر محي الدين
Shinteer
Mahjob Abdalla
عمر التاج
فيس بوك
تويتر
انستقرام
يوتيوب
بنتيريست