|
|
|
 Re: مراسم عسكرية ضخمة لإفتتاح فـرن في السودان (Re: صديق مهدى على)
|
فارس دار جعل، ول أبا عز الدين الفحل
سلام ..
Quote: مراسم عسكرية ضخمة لإفتتاح فرن في السودان ،،،
،،،،، صـــدمــة ،،، |
كلمة صدمة دي .. قلبت فيها الهوبا .. يا أخي ضحكت لما الأولاد قاعدين يسألوا فينى ..!
الشيئ دا ممكن الزول لو أكل منه رغيفة .. أحتمال ما يحتاج يأكل مدي الحياة! .. عشان كده ليه هذه الزيطة والزمبليطة.
يا ول أبا، مرة في نواحي الغرب .. في سوق في الخلا .. سوق أم دفسو .. زول جايب "الباسم" بتاع رأس الجمل .. ووضعه في صينية وغطاه بشوال خيش ..
وينادي في الناس تفرج بجنيه .. الوقت داك الجنيه بسيط ومتوفر .. تسألوا الحاجة المغطيها دي شنو؟ يقول ليك دا سر المهنة ..!!
تدفع جنيه .. يسوقك بالجنبة .. ويفتح ليك الخيشة بالجنبة .. تشوف رأس الجمل الزول أعدمه الثريد .. تشوف هيكل عظمي لرأس الجمل وشلاليف الجمل مشلفطات بالنار .. تضحك لما بطنك توجعك ..
واحد مجنون .. دفع جنيه .. لما وجد الشيئ باسم رأس جمل .. شال الشوال وجري بيه .. الناس أتلموا يتفرجوا .. هيي هيي ما تشوفوا الزول خاتي رأس الجمل .. !
الفرن بتاعهم .. مسخرة أكثر من الباسم بتاع الجمل ..
بريمة
| |
  
|
|
|
|
|
|
|
 Re: مراسم عسكرية ضخمة لإفتتاح فـرن في السودان (Re: Hassan Farah)
|
Quote:
عبدالهادي البلال
الاخ بريمة لو عندك واتساب ارجو شاكرا مراسلتي على المسنجر انا متابع شبه يوميا للمنبر ومن اشد المعجبين بك وفقك الله وهدانا الله واياك الى الحق وان ندور معه متى واين
دار
عبدالهادي البلال
أعجبني · رد · منذ ٢ س
المكون الإضافي للتعليقات من فيسبوك
|
عزالدين عباس الفحل
ابوظبي
| |
|
|
|
|
|
|
|
|
|
Re: مراسم عسكرية ضخمة لإفتتاح فـرن في السودان (Re: عزالدين عباس الفحل)
|
الفيديو لوالى نهر النيل السابق اللواء عبدالمحمود حماد
العرض تم فى عطبرة
نرجو من الأخوة التريث قبل اللفحى والذى يبدو انهم وجدوا ضالتهم فيه لدرجة الإحتفاء لحاجة فى نفس يعقوب
بعض أعضاء هذا المنبر معروف موقفهم من النظام السابق و يبدو أن فترة الإنحناء للعاصفة بعد الثورة وتصوير تأييدهم لها قد إنتهت الان
فبدأوا فى إظهار موقفهم الحقيقى من الثورة و ذلك بالإحتفاء دون تمحيص بكل ما يقدح فى الحكومة سواء كان ذلك أقوال مفبركة أو فيديوهات قديمة
نعلم أن أداء حكومة الثورة يشوبه الكثير من الضعف وقد يرجع ذلك لأداء بعض الوزراء ولكن يظل السبب الرئيسى هو الخراب والتدمير الى حدث طيلة
ال30 سنة الماضية
نعم للنقد الموضوعى الهادف البناء للحكومة
لا للنقد ذا الغرض
| |
|
|
|
|
|
|
|
|
|
Re: مراسم عسكرية ضخمة لإفتتاح فـرن في السودان (Re: Khalid Abbas)
|
بتكلم في منو اسع كده زدنا ليهو المشاركة ربنا يغفر ليك ويغفر لينا
------------------------------------------------------------------------
امرك عجيب يا خالد عباس
جبت نصف كلامى وبتسألنى بتكلم فى منو؟ يعنى ماك شايف ان الحديث موجه لعزالدين الفحل؟
| |
|
|
|
|
|
|
|
|
|
Re: مراسم عسكرية ضخمة لإفتتاح فـرن في السودان (Re: عزالدين عباس الفحل)
|
| Quote: كويس انك بديت تتصدم من العساكر |
لو القحاتة أس البلاء والغباء شايفين شغلم
لما وجد العسكر هذه الفرصو
لسان حال العسكر ها هنا
يقول:
أنكم لم تثقوا بنا واشعلتم نار العراك
ضدنا ثم لما سلمناكم كل السلطات
والحكومة فشلتم وحتى الخبز عجزتم عن
توفيره
فهذه فرصتنا حانت لنقدم ما عجزتم عن تقديمه
قحاتة عطالة فشلة شمتو علينا الكيزان
| |
|
|
|
|
|
|
|
|
|
Re: مراسم عسكرية ضخمة لإفتتاح فـرن في السودان (Re: منتصر عبد الباسط)
|
معقول ما قريت رسالة ابراهيم منعم منصور ؟؟
القصة ما جنرالات
القصة قحت برضه وبعاعيت مايو ناس مدني عباس مدني
والدول المفضوحة الخمسة الناهبة للسودان وادوتها الرخيصة في السودان
دي الانقاذ 3 والهبوط المخذي مش الناعم
يا اخوي بتكون الافران دي كلها قحت المخابرات المصرية والشركة القباضة المصرية ومعها البقاق الجديد بتاع الخليج بن زايد وبن سلملن
عمرو المركز ده ما كان متربط بي الاقاليم والداخل النظيف اطلاقا
مركز مجرم مرتبط بالخارج الاقليمي القذر والدولي القذر ايضا ولايزال
الله يرحم ابراهيم منعم منصور الخبير الاقتصادي الوطني
| |
|
|
|
|
|
|
|
|
|
Re: مراسم عسكرية ضخمة لإفتتاح فـرن في السودان (Re: adil amin)
|
المرة دي يا عز الدين الفحل
خضر فرنبك
الصقر كان وقع كترة البتابت عيب
المهم في الامر
بصرف النظر عن موضوع البوست
السودان بلد منهوب بوقاحة شديدة والشعب يتفرج ومغشوش من ناس غير مجترمين اطلاقا قاعدين في راسو بي المحاصصة ومستمرين في بيع الوهم ليه
| |
|
|
|
|
|
|
|
|
|
Re: مراسم عسكرية ضخمة لإفتتاح فـرن في السودان (Re: عزالدين عباس الفحل)
|
Ali Alkanzi.
حيا الله الأخ الفاضل والصديق العزيز ،
الكنزي
لكن العصور الحجرية 3 أنواع ،
العصر الحجري القديم،
والعصر الحجري الأوسط،
والعصر الحجري الحديث،
أما العصور التاريخية الرئيسية ثلاثة أنواع ،
- العصر الحجري .
- العصر البرونزي.
- العصر الحديدي،
وأكيد ديل رجعونا إلي ،
العصر الحجري القديم،
نسأل الله العافية ،
،،،،
عزالدين عباس الفحل
ابوظبي
| |
|
|
|
|
|
|
|
|
|
Re: مراسم عسكرية ضخمة لإفتتاح فـرن في السودان (Re: عزالدين عباس الفحل)
|
لو دا حصل بالجد أسمحوا لى أن أقول بالفم المليان ( يسقط الشعب السوداني ) ثورة شنو القاموا بيها والوصلتنا للهوان دا ماهو ياثورة تكنس كل الوسخ الفينا أو بلاش لحد ما يفرجها الله ويجينا زول غيور على الوطن ولا يهم ( عسكري ولا مدني ) جاتنا البلاوى كل يوم أخبار تطمم من البلد دي مصائب شنو ياخوانا لا حول ولا قوة إلا بالله
| |
|
|
|
|
|
|
| |
عزالدين عباس الفحل
عمر سعيد علي
صديق مهدى على
Biraima M Adam
Hassan Farah
خضر الطيب
وليد محمود
منتصر عبد الباسط
adil amin
Ali Alkanzi
فيس بوك
تويتر
انستقرام
يوتيوب
بنتيريست