|
|
|
 Re: مجلس الوزراء (اليساري) ما عارف (كوع) الهجرة (Re: Ali Alkanzi)
|
والله دي فضيحة مدوية
وتخرج من اعلى مؤسسة في الدولة
اقسم بالله ناظر مدرسة ابتدائية ما يقع في خطأ زي دا
مؤسف ان يحكمنا رجال لا يعرفوننا ولا نعرفعم
جهلاء حتى باعظم ما نقدس
تبا لهم
وصدق شاعر القصيدة ادناه والذي اجهل اسمه وهو يقول:
جيتو يا خيبة رجانا جيتو يا وجع المنافي
يوم طلعنا
كنا قايلين بكرة أجمل
وكنا فاكرين
انو بالتغيير حنوصل
يوم طلعنا
كنا شايلين الاماني
للوطن مستقبل افضل
واعتصمنا
وما انهزمنا
ولا انقسمنا
وقلنا يرحل
الا يرحل الا يرحل!
وقام رحل
جيتونا انتو
جيتو يا خيبة رجانا
جيتو من وين لي اذانا
ولي عذابنا ولي شقانا؟
وين كلامك
يا (سنعبر)؟
يا (سنصمد)
يا (سنصبر)؟
ووين وعودك بالتقدم
ولا قاصد بالتأخر؟
ووين (حنبني)
وما (حنشحد)؟
وبكرة يا سودانا تكبر؟
وموية مافي
وغازنا مافي
وكهربتنا الجيت لقيتها
هسة مافي
وجازنا مافي
لا في بنزين في الطلمبات
لا المصافي
عيشنا مافي
امنِ مافي
وانت شغال لينا سينات
(سوف نفعل)
و(سوف نترك)
ياخي قوم لف
وانت اصلاً كنت لافي
يا الخبير الاحترافي!
كنا عايشين نعمة قبلك
كهربا وموية ومشافي
مواصلاتنا كتيرة وافرة
وكلو بالدعم الاضافي
وجيتو يا وجع المنافي
جيتو يا الوجع الخرافي
وزدتو وجعتنا العلينا
جيتو جوعتونا اكتر
وما قدرتو على البدينا
جيتو خربتو اللقيتو
ويا شماتة الناس علينا
https://sudaneseonline.com/board/510/msg/جيتو-يا-خيبة-رجانا-جيتو-يا-وجع-المنافي-1597821080.html
EmailProfileEditرد على الموضوع
| |
 
|
|
|
|
|
|
|
 Re: مجلس الوزراء (اليساري) ما عارف (كوع) الهجرة (Re: طلحة عبدالله)
|
الرسول صلى الله عليه وسلم هاجر في شهر ربيع أول
اصلا بداية السنة عند العرب كانت تبدأ بشهر محرم
من قبل مجيء الإسلام فما في داعي للاحتفال
براس السنة عند العرب في الجاهلية !!
الاصول الاحتفال بهجرة الرسول في شهر ربيع الأول
( المولد ) ويكتبوها صاح مش كده ..
ويعرفوا هم محتفلين بي شنو اولن بالتبادي
ـــــــــــــــــــــــــــــــــــــــــــــــــــــــــــــــــ
ثم العاصر الجماعة ديل على الاحتفال اصلا شنو ؟ ..
ده شهر ما عندهم فيهو نفقة ......
ولاّّّ كايسين الاجازة وكده .. خخخخخخخخخ
أو (ربما) دايرين يفطسوا إضراب البنوك ..
فرق طبعا بين راس السنة الهجرية أو سنة العرب قبل مجيء الاسلام
وهجرة المصطفى صلى الله عليه وسلم بعد الاسلام ..
ده براهو - وداك براهو ..
ندي الجماعة ديل مرّاقة هل الاحتفال براس السنة الميلادية
يعني المسيح كان مولد في أول يناير ؟
أأأأأأأأأأأيه دنيا - حتى في زي دا فاشلين ..
تبا لحظنا الضكر الجاب لينا زي ديل في غفلة من الثوار ..
| |
|
|
|
|
|
|
|
|
|
Re: مجلس الوزراء (اليساري) ما عارف (كوع) الهجرة (Re: جمال ود القوز)
|
أصلا التقويم القمرى نسب لهجرة الرسول .. قصاد التقويم الميلادى النسوب لميلاد المسيح
هجرى
ميلادى
جهبوذ رئاسة الجمهورية إعتقد same same >> بداية السنة الهجرية يوم هجرة الرسول/ مقابلها بداية الميلادية ميلاد المسيح
وكما قال الشباب .. ما فى لزوم الإحتفال ببداية السنة الهجرية وإعتباره عيد وعطلة رسمية، ما عنده أى رمزية دينية ولا وطنية ولا مرتبط بأمور مالية
الإحتفاء يكون بذكرى يوم هجرة الرسول (ص) .. يوم مبلاده (المولد) .. عيدى الفطر والأضحى ...
دا ما (يسارى) .ز دا بصرج بالإتنين اليسرى واليمنى!
| |
|
|
|
|
|
|
|
|
|
Re: مجلس الوزراء (اليساري) ما عارف (كوع) الهجرة (Re: نادر الفضلى)
|
يجوز الاحتفال بالهجرة النبوية في غرة شهر المحرم
ذلك يتوافق مع كلام الحافظ ابن حجر العسقلاني بأن العزم والنية للهجرة كان
مع بذوق هلال المحرم
يقول الحافظ ابن حجر في "فتح الباري" (7/ 268، ط. دار المعرفة): [وَإِنَّمَا أَخَّرُوهُ -
أي التأريخ بالهجرة- مِنْ رَبِيعٍ الْأَوَّلِ إِلَى الْمُحَرَّمِ لِأَنَّ ابْتِدَاءَ الْعَزْمِ عَلَى الْهِجْرَةِ كَانَ فِي
الْمُحَرَّمِ؛ إِذِ الْبَيْعَةُ وَقَعَتْ فِي أَثْنَاءِ ذِي الْحِجَّةِ وَهِيَ مُقَدِّمَةُ الْهِجْرَةِ، فَكَانَ أَوَّلُ هِلَالٍ اسْتَهَلَّ
بَعْدَ الْبَيْعَةِ وَالْعَزْمِ عَلَى الْهِجْرَةِ هِلَالُ الْمُحَرَّمِ، فَنَاسَبَ أَنْ يُجْعَلَ مُبْتَدَأً. وَهَذَا أَقْوَى مَا وَقَفْتُ
عَلَيْهِ مِنْ مُنَاسَبَةِ الِابْتِدَاءِ بِالْمُحَرَّمِ]
من كتاب فتح الباري في شرح البخاري لابن حجر العسقلاني
| |
|
|
|
|
|
|
|
|
|
Re: مجلس الوزراء (اليساري) ما عارف (كوع) الهجرة (Re: منتصر عبد الباسط)
|
التحيات الزاكيات للأخوة الاكارم:
طلحة
علاء
مجيدو
علي الكنزي
جمال القوز
نادر الفضلي
عبد الباسط
وجميع القراء الكرام...
والقول ماقاله الكنزي وجمال ونادر..
فشرعية الاحتفال باي عبد غير الأعياد التي اباحها الله (الفطر والاضحي)
محسومة بإجماع علماء المسلمين..
وأما كون الاحتفال في شهر المحرم فهو احتفال برأس السنة وليس ذكرى الهجرة
ولو كان الأمر على تاريخ العزم لكان في شهر ذي الحجة..
وهذه باختصار قصة البدء بشهر محرم كراس للسنة الهجرية..
Quote: هجرة النبى صلى الله عليه وسلم إلى المدينة المنورة لم تكن في بداية شهر محرم الحرام، بل كانت بعد شهرين، أي في بداية شهر ربيع الأوّل وبالتحديد 22 ربيع الأول، (24 سبتمبر عام 622م).
وحول بداية السنة الهجرية، كان هناك عدد من الآراء في ذلك، حيث رأى البعض أن يكون شهر رمضان بداية للعام الهجري، واعتمد الخليفة عمر بن الخطاب «محرم»، لأنه منصرف الناس من حجهم فاتفقوا عليه تكون بداية السنة الهجرية من محرم وتنتهي بذي الحجة. |
| |
|
|
|
|
|
|
| |
عمر التاج
طلحة عبدالله
محمد مجيدو
علاء سيداحمد
Ali Alkanzi
جمال ود القوز
نادر الفضلى
منتصر عبد الباسط
فيس بوك
تويتر
انستقرام
يوتيوب
بنتيريست