كتب الكاتب الفاتح جبرا المتوفرة بمعرض الدوحة
|
Re: متى توفى السيد على الميرغنى (Re: Amira Hussien)
|
سلام عليكم يبدو انهم كانو ضمن الضباط الكبار المجيطين بالنعش- حسب وضع المتوفى الاجتماعى والسياسى فى الفتره ديك- زى ماظاهر فى الفيديو وحاجز من تدافع اتباع الطريقه . نميرى ماكان بعيد من المشهد عموما فى الوقت داك بحكم الرتبه وبرضو عندو صوره ايام اكتوبر ايام تكوين حكومه اكتوبر واعتقد كان مسئول منطقه الخرطوم العسكريه فى الايام ديك واتطرق للقصه دى فى كتاب النهج الاسلامى لماذا
| |
|
|
|
|
|
|
Re: متى توفى السيد على الميرغنى (Re: Amira Hussien)
|
سلام أميرة
إنها معلومة مؤكدة أن السيد على الميرغنى توفى عام 1968. ويعتبر هو ومبارك زروق من السودانيين القلائل الذين كانةا فى ساحة العمل العام السياسى ماتا فى عهد ديمقراطى، فكان تشييعهما كبيراً شارك ت فيه جموع غفيرة وحضره شاغلى المناصب العليا بالدولة وكبار رجالات الخدمة المدنية والغسكرية .. وجعفر نمير أصلا أمدرمانى وحتى إبعاده لجبيت لا ينفى إحتمالات حضوره للخرطوم سواء لأسباب شخصية ورسمية.
الغريبة الفريق إبراهيم عبود وجعفر نميرى صادف موتهما من كان يحكم السودان عساكر .. عبود مات فى عهد النميرى، ونميرى مات فى عهد البشير وأقيم لهما تشيع رسمى عسكرى. نميرى لطول فترة حكمه فالأجيال التى عاصرته خرجت فى تشييعه فأيضا وجد تشييعا شعبياً.
بينما ستجد شخصيات مثل السيد عبد الرحمن المهدى، والسيد الصديق المهدى والسيد الهادى المهدى (قتل فى الكرمك) .. والسادة إسماعيل الأزهرى ويحيى الفضلى وحسن عوض الله والسيد أحمد الميرغنى، ماتوا فى عهود أنطمة عسكرية .. الأنظمة عرقلت التشييع الشعبى (لبعضهم) ولكن رغم ذلك كانت الجماهير وفية وتجلى ذلك فى تشييع الزعيم الأزهرى الذى لم تشهد أمدرمان مثيلا له. رغم كل السيطرة وقفل مداخل العاصمة والتعتيم والترهيب.
| |
|
|
|
|
|
|
Re: متى توفى السيد على الميرغنى (Re: Asim Ali)
|
Quote: يجى يحضر التشييع بى زى مدنى لابس فل سوت بعدين اساسا |
قصدك اللابس بدله جواراحمد الميرغنى ؟؟؟ دا ما نميرى يمكن ما اقدر احدد شخصيتو بسبب الصوره غير الواضحه لكن اعتقد نلقى زول يفتينا بالذات لو كن من اهلنا الختميه
| |
|
|
|
|
|
|
Re: متى توفى السيد على الميرغنى (Re: Amira Hussien)
|
يا معاوية صاح فبراير ٧٠ انا برضو مشيت مع امى وجدتى وخالاتى واخواتى وقفنا جنب بيت الازهرى انتظارا لمرور الجثمان قادما من جنينة السيد على بالخرطوم عبر كبر النيل الابيض متجها الى بحرى حيث ورى بمسجده ......بس اى توثيق حتى الختمية كاتبين ٦٨ .....اهلا امتثال ،عاصم جاب الفديو مشكور
| |
|
|
|
|
|
|
Re: متى توفى السيد على الميرغنى (Re: Amira Hussien)
|
بعد انقلاب مايو الصورة ما كانت واضحة للختمية وكان هناك قلق كبير علي سلامة السيد محمد عثمان فهو ليس متمرس بالسياسة كوالدة له الرحمة وكانت مساعيهم منصبة علي تأمين سلامته والسماح له بمغادرة البلاد ( وضع جميع السياسيين في الاقامة الجبرية ) .
| |
|
|
|
|
|
|
Re: متى توفى السيد على الميرغنى (Re: اخلاص عبدالرحمن المشرف)
|
سلام كبير ونفعنا الله بجاه الولي ابن الولي سيدي علي
بحسب خطاب المرحوم عمر الحاج موسى هذا فمن الواضح أن السيد علي انتقل للرحاب العلية في او قبيل فبراير ١٩٦٨
رئاسة القوات المسلحة تلفون 72771 الخرطوم في 23/2/68 أخي حسن من الذي قال: نظرت في المودة والإخاء فلم أجد أثبت مودة من ذي أصل؟ قريب قوله من قول زهير فمن يك من خير أتوه فإنما توارثه آباء آبائهم قبل وهل ينبت الخطيّ الا وشيجه وتغرس الا في منابتها النخل يا صديقي لك شكري لخطابك وعلى تمنياتك – يزعجني أنني كنت في أول الدرب بالإدارة وقد بدأت أعرف مشاكل الناس.. أنا مشغول هذه الأيام ومنذ عام تقريبا في عمل قاموس للكلمات العامية – لديّ الآن حوالي الألفين – بدأته بشندي كلما ذكرت شندي ذكرت شندي ذكرت قول أحد السعداب عندما هزمهم الملك جاويش شندي قفّلت بيبانا .. يا حليل جلستنا وديوانا اللطيف في عمل هذا القاموس هو كثرة البحث فإنني أكتب الكلمة ثم معناها ثم مثالا من الأدب الشعبي. تشييع السيد علي الميرغني كان حدثا فريدا – لن يتكرّر. لا أظنك تتخيّل مهما أوتيت من روعة الخيال – الحشد والبكاء (الفلكلور) – كانت تسير بجانبي شايقية عجوز محزّمة وتقول – الليلة يا الأسد .. الليلة يا (أكثر من عشرين نعت وصفة) يا حليلك لي ختميتك .. يا حليلك لي شايقيتك .. ثم الليلة يا ... ما كررت نعتا أو صفة مما سبق أن قالته – لقد كان يوما غريبا .. رحم الله مولانا ليتني أستطيع أن أدخل مكتبته ولو لساعة .. قيل أنه كتب كثيرا – يا لشقائنا إذا ذهبنا عن هذه الدار قبل أن نقرأ بعض ما كتب. انتظر الآن وصول (كلمة غير واضحة لعلها المرتضى) لأرحل للضفة الغربية – في ذهني الكثير مما أود أن أفعل لحاتم وأمه تحيات بدرالدين وأمه فقد توّزع الباقون .. سيف لا يزال بحنتوب ولحقه بابكر فإذا ذهب بدرالدين في العام القادم فسنبقى أنا والحاجة وحدنا ونبدأ الحياة من جديد ... يا لسخرية الحياة! أخوك عمر (نقلا عن مجلة الشباب والرياضة) (لا تاريخ في القصاصة)
| |
|
|
|
|
|
|
Re: متى توفى السيد على الميرغنى (Re: عبدالله عثمان)
|
يا سلام .......جمعت كتير للراحل عمر الحاج موسى وقرأت اكثر ، لكن اول مرة اشاهد هذا المكتوب الرائع ،كانت كلماته وخطبه السياسية تنافس اشهر الاغنيات فى اللهفة والشوق للاستماع ، كان كل حرف ثقافة وعلم وجمال ، فى الفيلم أعلى البوست يظهر الراحل عمر وحين توفى كان السيد محمد عثمان والختمية او المشيعين له الرحمة والمغفرة
| |
|
|
|
|
|
|
Re: متى توفى السيد على الميرغنى (Re: Hafiz Bashir)
|
سلام يا أهلنا،
لا أملك دليل مادي، لكن أذكر تماماً أن وفاته كانت في بداية العهد المايوي (71 - 72 - 73) ... كان التلفزيون ينقل التشييع مباشرة وكانت أمة لا إله إلا الله كلها في الشوارع. تعليق الناس كان إنو نميري وجماعته سمحوا بالموكب وأتاحوا ليهو بإغلاق الشوارع حتى لا يستفزوا طائفة الختمية ويستعدوهم.
| |
|
|
|
|
|
|
Re: متى توفى السيد على الميرغنى (Re: MOHAMMED ELSHEIKH)
|
سؤال الاخت اميره وخاله الاختلاف دى بتنبه لشى مهم وهو انو حدث زى دا مرتبط بشخصيه ليها وزنها فى المجنمع ومافى مصادر توثيق لعى الاقل على النت ودا مهم كتير من التساؤلات او المعلومات عن السودان مابلقاها فى النت واغلب مايوجد كلام فيس ومنتديات من غير توثسق لمصادر المعلومه حتى احيانا لايمكن تعول على صوره نسحه من صحيفه (المتنشيت) لانو ممكن يكون مفتشب.اضافه لفقر شديد فى النسخ الالكترونيه للكتب القديمه (طبعا دى مفروض تكون مجهود منظم حتى لاتضيع حقوق الناشر او المؤلف/الورثه) موضوع اعتقد يحتاج لبوست يناقش فقر المكتبه السودانيه للمحتوى الالكترونى للكتب والمنشورات القديمه
| |
|
|
|
|
|
|
Re: متى توفى السيد على الميرغنى (Re: Amira Hussien)
|
يا Asim Ali تبقى مصيبة ، وهسه أغلب الناس البتغالط يا اما معتمدة على المكتوب فى المنابر والاخرين معتمدين على الذاكرة ،اها انا حتة الذاكرة دى عندى مهمة داير اثبت لى نفسى قبل الآخرين انو ذاكرتي حديد
| |
|
|
|
|
|
|
Re: متى توفى السيد على الميرغنى (Re: Amira Hussien)
|
السيد علي الميرغني توفي عام 1968 دي معلومة مؤكدة توفي في الديموقراطية الثانية وقبل وفاة الرئيس الأزهري الذي توفي عام 1969 بعد إنقلاب ببضعة شهور وصلي عليه إي (علي الأزهري )السيد محمد عثمان وخطب في تشيعه بصفته مرشد الختمية ...
| |
|
|
|
|
|
|
Re: متى توفى السيد على الميرغنى (Re: Amira Hussien)
|
الأزهري توفي في أغسطس 1969 ياعاصم -- عموما أرشيف الصحف السودانية - والإذاعة والتلفزيون يوثق للأحداث الكبيرة - خصوضا الوفيات بدقة 23 فبراير 1968 - تشييع جنازة زعيم طائفة الختمية في السودان السيد على الميرغني بحضور 100 الف من المشيعين تدفقوا على الخرطوم من مناطق البلاد المختلفة على متن القطارات. تم إغلاق جميع المصالح الحكومية والمتاجر في العاصمة واتشحت المباني باللون الأسود حدادا.
Sudanhistory
2/ جاء نعش الميرغني محمولا على أكتاف ضباط من الجيش السوداني في جنازة لم تشهد الخرطوم مثلها في تاريخها واضطر المسؤولون لاتخاذ إجراءات للحيلولة دون وجود نقص في الطعام نتيحة للاعداد الضخمة من المشيعين.
حضر الجنازة الرئيس اسماعيل الأزهري وخليفة الميرغني السيد محمد عثمان. https://twitter.com/sudanhistory280/status/1081033173960667136؟lang=enhttps://twitter.com/sudanhistory280/status/1081033173960667136؟lang=en
| |
|
|
|
|
|
|
Re: متى توفى السيد على الميرغنى (Re: كمال عباس)
|
في اواخر عام ١٩٦٧ كان يركب سيارته وفجأة توقفت دون سابق انذار فضحك وعرف انه قبره سيكون هنا في ذات المكان وكان ميدان في بحري حلة خوجلي فاشترى الميدان من حر ماله وبدأ فورا في بناء مسجده وقام بوضع الخرطة ولم تمر اشهر حتى دفن فيه وتم تشييعه يوم الجمعة ٢٣ /٢ / ١٩٦٨ مكتوب على ضريحه ..( قبر الحبيب النسيب السيد/ على الميرغني كان لا ياكل الا حلالا ولا يشرب الا حلالا ولا ينام الا فوق ( عنقريب) صغير جدا
| |
|
|
|
|
|
|
Re: متى توفى السيد على الميرغنى (Re: Ahmed Yassin)
|
https://top4top.io/
جماعة جوروج ارويل ورواية تسمي 1984 خطيرة تحكي كيف يصيب نظام الدولة البوليسية الشعب بالزهامير السياسي ويزيف التاريخ ويغيب الشخصيات المهمة من وجدان الشعب باعلام فج ورخيص ومنع للاجتفاء بالشخص ويغيب عن الاجيال المعاصرة او تشوه سيرته واستخدمها ال################ عبدالناصر ضد محمد نحيب واستالين ايضا في تزوير حتي الوثائق في التاريخ وايضا اسقطت مصر حكم الاسرة25 الفراعنة السودان
واستخدمها نظان نميري الحقير والبشير الاكثر حقارة في تغيب رموز السودان الحقيقيين والوجدان الديني السوداني السليم باعلام البوق الغبي المستمر لحدي الليلة 2020 ناس ما عارفين السيد عبدالرحمن والسيد علي اتوفي بتين بدل يكون جيل2000 ده عارف الناس ديل منو ومت هم ناس جيل الاستقلال الذهبي وايضا لم يقرا الشباب كتب برومثويس خاطف النار الدكتور منصور خالد لتربطهم بالحقائق الموثقة واتبعو كل دع الي امر نكر ولازلنا في متاه شعب اسود مع المختنقة والموقوذة والنطيحة والمتردية وما اكل السبع والنجوم المزيفة ناس بابكر عوض الله وبعاعيت مايو 1969 وشيخ جهاد الفطايس الترابي 1989 ادوات الخارج الرخيصة لحدي الليلة https://top4top.io/
والعيب في اعلام الختمية لو كانو بحتلفو بيه سنويا وبصورة قوية وفي الاعلام ما كانت الاجيال الجديدة نست حتي متي توفي واين ولد وماذا فعل العايز يعرف اخر نسخة من الاتحادي الديمقراطي الاصل2020 الصورة دي تكفي https://top4top.io/ عاش ابو هاشم وووويييييي
| |
|
|
|
|
|
|
Re: متى توفى السيد على الميرغنى (Re: Amira Hussien)
|
يا اميرة اربطي الذاكرة بأكثر من حدث انا اعرف اني دخلت المدرسة الوسطى في 4-7-1969 وبعد أيام قلية توفي الفنان الكاشف
وقبل فتح المدرسة بحوالي أسبوعين توفيت جدة امي اسمها نفيسة ابن ادريس
لذا هذا العام مربوط جدا في ذاكرتي ومعه طبعا انقلاب نميري
| |
|
|
|
|
|
|
Re: متى توفى السيد على الميرغنى (Re: نادر الفضلى)
|
Quote: أنا ختمي على السكين ولكن حدود معرفتي من محمد عثمان وسيدي الحسن ابجلابية، وانت ماشة جاي على جعفوري وراجل تسابيح.. |
إنت وقت معرفتك ممتدة لغاية دابي رندة سيدي الحسن اب ريش، السيد علي القريب دا مالك ما قادر تتذكر يوم وفاته؟
جنس ختميتك دي يا عمر التاج ما بتأهلك تقرأ لوح واحد من البراق
.
| |
|
|
|
|
|
|
Re: متى توفى السيد على الميرغنى (Re: Hafiz Bashir)
|
غايتو اميرة دي
Quote: صاح فبراير ٧٠ انا برضو مشيت مع امى وجدتى وخالاتى واخواتى وقفنا جنب بيت الازهرى انتظارا لمرور الجثمان قادما من جنينة السيد على بالخرطوم عبر كبر النيل الابيض ذاكرتي حديد |
غالاطة خلاص.. وكمان فبراير ؟؟!! انا ساكن بحري والمسجد دا انا حافظه حفظ الا بس انتي الزهايمر اليومين ديل شغال معاك كويس فبراير ٧٠ قال
| |
|
|
|
|
|
|
Re: متى توفى السيد على الميرغنى (Re: Amira Hussien)
|
يا أخت أميرة بالمنطق الأزهري توفي في أغسطس 1969 - صلي عليه السيد محمد عثمان مرشدالختمية وخطب في تشيعه 2- السيد محمد عثمان أبرق مجلس إنقلاب مايو بصفته مرشد الختمية في الإسبوع الأول لأنقلاب مايو 3- طيب ننزل بالجوكر ; التالي كلمة الزعيم الأزهري في الذكري السنوية لوفاة السيد علي الميرغني خطاب اﻟﺮﺋﻴﺲ ﺍﺳﻤﺎﻋﻴﻞ ﺍﻻﺯﻫﺮﻱ في تأبين ﻣﻮﻻﻧﺎ ﺍﻟﺴﻴﺪ ﻋﻠﻲ ﺍﻟﻤﻴﺮﻏﻨﻲ* *ﻭﻗﺪ ﻧﺸﺮﺗﻪ ﺻﺤﻴﻔﺔ ﺍﻟﺠﻤﺎﻫﻴﺮ ﻳﻮﻡ ﺍﻻﺣﺪ 26 ﻓﺒﺮﺍﻳﺮ 1969 ﻡ :-* ﻭﻛﺎﻥ ﻓﻘﻴﺪ ﺍﻟﺴﻮﺩﺍﻥ ﻭﻓﻘﻴﺪ ﺍﻟﻌﺮﻭﺑﺔ ﻭﺍﻻﺳﻼﻡ ﺑﺤﺮﺍ ﻓﻴﺎﺿﺎ ﺑﺎﻟﻌﻠﻮﻡ ﻭﻗﺪ ﺑﻬﺮ ﺑﺜﻘﺎﻓﺘﻪ ﺍﻟﻮﺍﺳﻌﺔ ﻭﺣﺪﻳﺜﻪ ﺍﻟﻘﻴّﻢ ﻛﻞ ﻣﻦ ﺗﺸﺮﻑ ﺑﻤﻘﺎﺑﻠﻠﺘﻪ ﻣﻦ ﺍﻟﻜﺒﺎﺭ ﻭﺍﻟﺼﻐﺎﺭ ﻣﻦ ﺍﻟﺤﻜﺎﻡ ﻭﺍﻟﻤﺤﻜﻮﻣﻴﻦ ﺍلأﺟﺎﻧﺐ ﻭﺍﻟﻤﻮﺍﻃﻨﻴﻦ ﻭﺍﻟﺬﻳﻦ ﻋﺮﻓﻮﻩ ﻋﻦ ﻗﺮﺏ ..ﻋﺮﻓﻮﺍ ﻓﻲ ﺍﻟﺤﻘﻴﻘﺔ ﺗﺎﺭﻳﺦ ﺍﻟﺴﻮﺩﺍﻥ ﺍﻟﺤﺪﻳﺚ ، ﻓﻘﺪ ﻛﺎﻥ ﺭﺿﻲ ﺍﻟﻠﻪ ﻋﻨﻪ ﻋﻠﻲ ﺭﺃﺱ ﺻﻨّﺎﻉ ﺗﺎﺭﻳﺦ ﻫﺬﻩ ﺍﻟﺒﻼﺩ ، ﻭﻗﺪ ﻛﺎﻥ ﺍﻟﺮﻛﻴﺰﺓ ﺍﻟﺘﻲ ﺍﺳﺘﻨﺪﺕ ﻋﻠﻴﻬﺎ ﺍﻟﺤﺮﻛﺔ ﺍﻟﻮﻃﻨﻴﺔ ﻓﻲ ﺃﺣﻠﻚ ﺍﻟﻈﺮﻭﻑ ﻭﺃﻗﺴﺎﻫﺎ ﺣﺘﻲ ﺧﺮﺟﺖ ﺳﻔﻴﻨﺘﻬﺎ ﺳﺎﻟﻤﺔ ﺇﻟﻲ ﺑﺮّ ﺍﻷﻣﺎﻥ ، ﻭﻧﺤﻦ ﻣﻦ ﺑﻴﻦ ﺍﻟﺴﻮﺩﺍﻧﻴﻴﻦ ﻗﺎﻃﺒﺔ ﻗﺪ ﺍﺳﺘﺄﺛﺮﻧﺎ ﺑﺎﻟﻜﺜﻴﺮ ﻣﻦ ﻧﺼﺤﻪ ﻭﺗﻮﺟﻴﻬﻪ ﻭﺣﺰﺑﻨﺎ ﺍﻟﻌﻤﻼﻕ ﺍﻟﺤﺰﺏ ﺍﻻﺗﺤﺎﺩﻱ ﺍﻟﺪﻳﻤﻘﺮﺍﻃﻲ ﺛﻤﺮﺓ ﻣﻦ ﺛﻤﺮﺍﺕ ﺣﻜﻤﺘﻪ ﻭﺭﻋﺎﻳﺘﻪ ﻟﻠﺠﺒﻬﺔ ﺍﻟﻮﻃﻨﻴﺔ ﺍﻟﺤﻘﻴﻘﻴﺔ ﻓﻲ ﺟﻤﻬﻮﺭﻳﺔ ﺍﻟﺴﻮﺩﺍﻥ . ﻓﻠﺌﻦ ﻓﺠﻊ ﻓﻴﻪ ﺍﻟﺴﻮﺩﺍﻧﻴوﻦ ﺟﻤﻴﻌﺎ ، ﻭﻋﺒّﺮﻭﺍ ﻋﻦ ﻣﺸﺎﻋﺮﻫﻢ ﺍﻟﻤﺨﻠﺼﺔ ﺍﻟﻮﻓﻴﺔ ، ﺑﺬﻟﻚ ﺍﻟﻤﻮﻛﺐ ﺍﻟﺠﺒﺎﺭ ﺍﻟﺬﻱ ﺗﺰﺍﺣﻢ ﻓﻴﻪ ﺍﻟﺮﺟﺎﻝ ﻭﺍﻟﻨﺴﺎﺀ ﻳﻮﺩﻋﻮﻥ ﺍﺑﺎ ﺍﻟﻮﻃﻨﻴﺔ ﺍﻟﺴﻮﺩﺍﻧﻴﺔ ﺇﻟﻲ ﻣﺜﻮﺍﻩ ﺍﻻﺧﻴﺮ ، ﻓﻲ ﻣﺸﻬﺪ ﻟﻢ ﻳﺴﺒﻖ ﻟﻪ ﻣﺜﻴﻞ ﻓﻲ ﺗﺎﺭﻳﺦ ﺍﻟﺴﻮﺩﺍﻥ ﺍﻟﻘﺪﻳﻢ ﻭﺍﻟﺤﺪﻳﺚ ، ﻭﻟﺌﻦ ﻓﺠﻌﻨﺎ ﺟﻤﻴﻌﺎ ﺑﻐﻘﺪﻩ ، ﻓﻘﺪ ﻫﻴﺄ ﺍﻟﻠﻪ ﻟﻠﺴﻮﺩﺍﻥ ﺧﻠﻔﻪ ﺍﻟﻌﻈﻴﻢ ﺳﻴﺎﺩﺓ ﺍﻟﺤﺴﻴﺐ ﺍﻟﻨﺴﻴﺐ ﺍﻟﺴﻴﺪ ﻣﺤﻤﺪ ﻋﺜﻤﺎﻥ ﺍﻟﻤﻴﺮﻏﻨﻲ ﺣﻔﻈﻪ اﻠﻠﻪ ﻭﻗﻮﺍﻩ ﻓﻘﺪ ﻣﻸ ﺍﻟﻔﺮﺍﻍ ﺑﻤﺎ ﺗﺸﺒّﻊ ﺑﻪ ﻣﻦ ﺻﻔﺎﺕ ﺍﻟﻤﺠﺪ ، ﻭﻣﺎﺯﻟﻨﺎ ﻧﺠﺪ ﻣﻦ ﺳﻴﺎﺩﺗﻪ ، ﻣﺎﻭﺟﺪﻧﺎﻩ ﻣﻦ ﻭﺍﻟﺪﻩ ﺍﻟﺮﺍﺣﻞ ﺍﻟﻌﻈﻴﻢ ﺍﻟﺮﻋﺎﻳﺔ ﻭﺍﻟﺤﻠﻢ ﻭﺍﻟﻔﻜﺮ ﺍﻟﺜﺎﻗﺐ ﻭﺍﻟﺮﺃﻱ ﺍﻟﺼﺎﺋﺐ ﻭﺍﻟﻌﺰﻡ ﺍﻟﺼﺎﺩﻕ ، ﻭﻟﺌﻦ ﺍﻧﺘﺼﺮﺕ ﺍﻟﺤﺮﻛﺔ ﺍﻟﻮﻃﻨﻴﺔ ﻓﻲ ﻋﻬﺪ ﻭﺍﻟﺪﻩ ﺍﻟﺮﺍﺣﻞ ﺍﻟﻜﺮﻳﻢ ﻓﺈﻧﻬﺎ ﺗﻘﻮﻱ ﻭﺗﺰﺩﻫﺮ ﻋﻠﻲ ﻧﺤﻮ ﻣﺎ ﻧﺮﻱ ﻓﻲ ﻋﻬﺪﻩ ﺍﻟﻤﻴﻤﻮﻥ..
| |
|
|
|
|
|
|
Re: متى توفى السيد على الميرغنى (Re: كمال عباس)
|
Quote: وانت ماشة جاي على جعفوري |
سمعت قالوا قريب دا لما كان صغير .. وكان يقود سيارة .. لما تناديه جعفوري .. يرد عليك بالبوري .. تيت تيت تيت .. ذي عربية االسيرة.
والعهده في بعض جوانب الرواية علي حبيبنا الحبشي معاوية عبيد الصائم ..
بريمة
| |
|
|
|
|
|
|
Re: متى توفى السيد على الميرغنى (Re: Amira Hussien)
|
Quote: طالما الجامع قريب البس الكمامة وامشي اقرأ التاريخ المكتوب |
بسبب وجودي خارج السودان.لكن جبت ليك المعلومة من السادة المراغنة امعانا في التاكيد.
Quote: أختاره الله تعالى لقربه وجواره في يوم الأربعاء الثالث والعشرون من ذوالقعدة عام 1387 هجرية ألف وثلاثمائة وسبعة وثمانين الموافق للحادي والعشرين من فبراير عام 1968 م |
| |
|
|
|
|
|
|
Re: متى توفى السيد على الميرغنى (Re: الزبير بشير)
|
يا العربي بريمه
فكيت شوط دينق
عاوز تمسك شوط سيدك جعفر الميرغني
يا عربي انت زول خلاء و عارف البمشي لي مكان الاسود بكون جاهز حربه و كوكاب ، ما تبقي جاهل و تابع اولاد البندر
الزبير الختمي
| |
|
|
|
|
|
|
Re: متى توفى السيد على الميرغنى (Re: الزبير بشير)
|
شكراً يا الختمي في تلك الايام كانت اعداد المشيعين والحضور كثيفة لدرجة مذهلة وقد قام الشريف الهندي واحبابه باطعام الالوف طوال ايام العزاء ..
مطر الخريف و لمام الضعيف ود الهندي ال في بري الشريف .
| |
|
|
|
|
|
|
Re: متى توفى السيد على الميرغنى (Re: الزبير بشير)
|
شكراً يا الختمي في تلك الايام كانت اعداد المشيعين والحضور كثيفة لدرجة مذهلة وقد قام الشريف الهندي واحبابه باطعام الالوف طوال ايام العزاء ..
مطر الخريف و لمام الضعيف ود الهندي ال في بري الشريف .
| |
|
|
|
|
|
|
Re: متى توفى السيد على الميرغنى (Re: نادر الفضلى)
|
يا ريت الزبير الختمي يختف رجله ويصل قبر المرحوم علي الميرغني ويقرأ على شاهد الخبر تاريخ وفاته ولا شك أن التاريخ مكتوب على الشاهد ، وذلك بعد أن يترحم على المرحوم ،وبعد ذلك يجي المنبر ويؤكد لينا تاريخ الوفاة ... وذلك لحسم الخلاف حول تاريخ وفاته ...
| |
|
|
|
|
|
|
Re: متى توفى السيد على الميرغنى (Re: muntasir)
|
عاينوا امتثال دي
Quote: ياريت الزبير يختف رجله ويمشي قبر المرحوم علي الميرغني ويقرا لينا تاربخ وفاته |
اول شىء ضريح السيد علي ..تعظيما لمقامه.وليس هناك شاهد زي ما انتي متخيلة انما الضريح محاط بسياج اخضر وداخله ( ٣) اضرحة جنب بعض وتوجد لوحة كبيرة معلقة على الجدار بها سطور مضيئة ( مخطوطة)عن حياته الكريمة والتواريخ مع خلفية لصورة السيد علي الميرغني
| |
|
|
|
|
|
|
Re: متى توفى السيد على الميرغنى (Re: امتثال عبدالله)
|
الشكلية لى الله ......تانى سنتين ؟ دى عوجة كبيرة ، ربنا يحفظ الجميع ويمد فى الايام ، انا فى بحرى باذن الله بمشى اشوف الحاصل ، انا بزور الضريح دائما لكن ما قريت اللوحة المضئة ...... تروق الدنيا وتفتح المساجد باذن الله
| |
|
|
|
|
|
|
Re: متى توفى السيد على الميرغنى (Re: Amira Hussien)
|
الحبيبة اميرة العقل البشري يدهشك ، في الفترة دي وتحديداً في 70 كان النميري رئيس وبابكر عوض الله رئيس وزراء ، توفي عبدالناصر واقيمت له جنازة ، اخرج طلاب المدارس والموظفين وتعطل جهاز الدولة باكمله ، غالباً دي هي الجنازة ال انتي حضرتيها . ليس وحماً بالغيب ولكن اقرب الحقائق .
ذاكرتك جيدة ولا تحتاج الا تركيز تعيش انت ويدوم خيرك ( اهداء لود محجوب )
| |
|
|
|
|
|
|
Re: متى توفى السيد على الميرغنى (Re: اخلاص عبدالرحمن المشرف)
|
Quote: ذاكرتك جيدة ولا تحتاج الا تركيز |
بت المشرف اههههههههههه قالت ليك مشت وقفت قدام بيت الازهري والنعش جاء من كبري النيل الابيض باتجاه بحري تقولي ليها جمال عبدالناصر !!؟ انتي الظاهر لحقتيها توفى عبدالناصر واقيمت له جنازة قال.. .يعني الجاء من الكبري دا هو؟
| |
|
|
|
|
|
|
Re: متى توفى السيد على الميرغنى (Re: اخلاص عبدالرحمن المشرف)
|
تلفزيون السودان اذاع خبر وفاة عبدالناصر قرب نهاية الارسال ، المذيع احمد سليمان ضو البيت انفجر بالبكاء ، لم يستطيع اتمام الخبر ، الاستلاب كان يعجبك ، و طبعاً المسيرات الجنائزية من كل العاصمة ، والخروج اجباري ، مدارس حتي الابتدائي . خلي عزيز القارئ بشاشا يجيك .
| |
|
|
|
|
|
|
Re: متى توفى السيد على الميرغنى (Re: اخلاص عبدالرحمن المشرف)
|
الحمد لله ......اذكر ليلة وفاة عبدالناصر جيدا وصدى بعيد لكلمات الرحل عمر الحاج موسى ينعى الراحل الكبير بطريقتو المختصرة المعبرة ......قد تحدث الربكة واللخبطة فى أحداث بسبب او بدون سبب المهم انا سعيدة بالجميع هنا منعشين للذاكرة وباعثين للتذكر والذكريات .......استمرى يا اخلاص حكى جميل
| |
|
|
|
|
|
|
Re: متى توفى السيد على الميرغنى (Re: Amira Hussien)
|
حته ذكريات الاحداث دى ابعد ذكرياتى ايام انقلاب 19 يوليو بتذكر كان بيعيد عرض صور شهداء بيت الضيافه ولسه فى البيت متذكرين لى موقف لما جو نيفتشو البيت (كان الحى-برى اللاماب اظن مكرتن كلو وبفتش) تانى حادثه موكب زياره رئيس الغابون عمر بونقو وكنا راكبين البص المخطط داك ووقفونا لغايه الموكب يمر
| |
|
|
|
|
|
|
Re: متى توفى السيد على الميرغنى (Re: Amira Hussien)
|
الاخت امتثال
الحكايه ما عاوزه ختفت رجل ، انتقال السيد علي قدس سره محفور في شواهد الوجدان ، الاربعاء 21 فبراير 1968 م .
ما زلنا منذ ان وعينا علي الدنيا ان تقيم الاسره مأتم في شهر شوال حزنا علي انتقال سلطان الاولياء بان حرمت الدنيا من الاستمتاع بوجود احد شجار الدوحه النبويه الشريفه .
الزبير الختمي
| |
|
|
|
|
|
|
Re: متى توفى السيد على الميرغنى (Re: Amira Hussien)
|
الاخ نادر الفضلي
اخوك من مواليد مارس 1963 م
بس اقول ليك حاجه لما الولحد فينا يلدوه في الأذن اليمين آذان و في الأذن اقامه . و تقرأ مناقب الساده المراغنه علي طول .
يعني من ولدونا نحن عارفين مناقب الساده المراغنه .
الزبير الختمي
| |
|
|
|
|
|
|
Re: متى توفى السيد على الميرغنى (Re: الزبير بشير)
|
الزبير الختمي ما دام ذكرت عبارة ؛"حرمت الدنيا من احد اشجا الدوحة النبوية الشريفة "" يا دوبك صدقت انك ختمي صحي صحي ،،، والله بالجد انت مفروض تكون نائب رئيس حزب الاتحادي الديمقراطي او على الاقل في اللجنة التنفيذية للحزب،،، وشكرا كتير لتاكيد المعلومة التي كانت غائبة عنا ،،، ونسال الله ان يبعد عنكم وعن اهل السودان جميعا وعن العالم اجمع وباء وبلاء الكرونا،،
| |
|
|
|
|
|
|
Re: متى توفى السيد على الميرغنى (Re: امتثال عبدالله)
|
Quote: ولسه فى البيت متذكرين لى موقف لما جو نيفتشو البيت |
و طلعت اغنية وقتها الفها احد اعضاء الحزب الشيوعي بتقول: ناس فيرناندو سانشو .. دخلوا بيتنا و فتشو .. و صوت رصاصهم يسوي شَوْ ..
تحياتي يا اميره و ضيوفك ..
يا امتثال خلي الزبير الختمي و نادر الفضلي يوروك منو فرناندو سانشو الحقيقي و المشبه به ...
| |
|
|
|
|
|
|
|