|
Re: ليه فى السودان مافى دكاترة Chiropractors ؟ (Re: النصرى أمين)
|
عرفنى بنفسه دكتور فلان physiotherapist و دكتور chiropractor طلب منى ان اعمل مواعيد للكشف ، سأل السكرتيرة متى مواعيده مع ال patient التانى ؛ قالت بعد 45 دقيقة ، سالنى داير تكشف الآن؟ قلت ليه بمزاج قال لى عندك ضمان صحى يغطى هذه الخدمة؟ قلت نعم (معلومة كرت الصحة الكندى لا يغطى الأسنان و عمليات التجميل و علاج العضلات عند ال physiotherapist وال chiropractor
دخلت مع الدكتور غرفة الكشف ، كانت اول مرة اقابل chiropractor بعد معاينة وأسئلة استمرت ربع ساعه و توقيع على فورم اذا حدثت اى مفاجآت اثناء العلاج الطبيب غير مسؤول) الفورم مخيف شوية و عند السؤال كانت الاجابة أن بعض الناس اجسامهم لم تتعرض لطقطقه من قبل ، اول مرة قد تكون مؤلمة شوية.
اتوكلت على الله و وقعت الفورم و قلت للدكتور اشتغل طقطق المنقه دى.
بدا اول حاجة بالرقبة (التى لم تتطقطق من قبل) ، مسك الراس بيدين الاثنين و قال لى ما تخاف اذا سمعت صوت .
وفجاة لوى الرقبة نحو اليمين طاااااااخ صرخت طبعا.
قال لى يلا نعمل الجهة التانية برضه نفس الشء ..طاااااخ
| |
|
|
|
|
|
|
Re: ليه فى السودان مافى دكاترة Chiropractors ؟ (Re: النصرى أمين)
|
=
Quote: : ليه فى السودان مافى دكاترة Chiropractors ؟ |
عيادات "الطقطقة" و "رفع البلابيط" في السودان موجودة وعديدة وقديمة تديرها في الغالب نساءعركتهن التجربة: كبيرات في السٍن وخبيرات في المهنة وتتواجد تلك العيادات في الضواحي كما في قلب المدائن أشهرهن على الإطلاق تلك العيادة التي كانت تُديرها الراحلة الأمدرمانية (بِت بَتي).
وأذكر في منتصف ثمانينات القرن الماضي أنني كنت أذهب برفقة والدي (مريض الروماتويد) إلى عيادة جيدة التكييف وحسنة التنظيم ومجهزة بأحدث المعدات العلاجية والرياضية إضافة إلى أريج العطور الباريسية. العيادة تقع تقريباً عند منتصف شارع القصر، مباشرة غرب سينماء كلوزيوم.
كان الوالد (رحمه الله) يمضي جلسات أسبوعية (ساعة في الصباح، وساعة في المساء) داخل غرف والصالات المختلطة في عيادة الدكتور سمير فرنسيس، وكنت يومياً أتساءل بيني ونفسي هل هذه عيادة، أم ساحة رياضة، أم ورشة حدادة؟
.... .. .
| |
|
|
|
|
|
|
Re: ليه فى السودان مافى دكاترة Chiropractors ؟ (Re: muntasir)
|
الاشياء دى موجودة لكن اغلب الناس ما بتسمع بيها او تعتبر من انواع الترف يستهلكه المترفون في سرهم.
___________ جاء في خاطرى كثيرا مسألة وجود ال Dental Hygiene رغم وجود كلية طب الاسنان منذ قيام جامعة الخرطوم و لكن لا اذكر طيلة وجودى في السودان ان سمعت بوجود كليات او معاهد بتخرج الـ Dental Hygienists
| |
|
|
|
|
|
|
Re: ليه فى السودان مافى دكاترة Chiropractors ؟ (Re: Mohd Ibrahim)
|
اهلا الصادق
حاولت اجد ترجمة لمصطلح chiropractor بالعربى ، لم اجد معنى او مصطلح متعارف عليه او شائع. عمنا قووقل اقترح (طبيب مقوم عظام) اعتقد انها ترجمة غير دقيقه .
حاولت اتذكر فى السودان يافطه لدكتور كايروبراكتر لم اجد . هناك عيادات كثيرة للعلاج الطبيعي لكن لاتوجد عيادات لأطباء متخصصين فى تقوية العظام.
هناك خلط حاصل بين ال chiropractor و ال physiotherapist الفرق كبير بين الاثنين ، مثل الفرق ببن الدكتور و التمرجى الكايروبراكتر ممكن يكون فيسوثرابيست وليس العكس
| |
|
|
|
|
|
|
Re: ليه فى السودان مافى دكاترة Chiropractors ؟ (Re: النصرى أمين)
|
والله يا محجوب ندمان ضيعت ثلاثين سنة و انا اتجنب خدمة الكايروبراكتر دى
الجلسة الثانية كانت يوم الثلاثاء ، قال لى يلا نعمل ليك وخز بالابر ، طلبت اشوفها ؛ قال لى يفضل ما تشوفها ، رقدت على بطنى و بدا الوخز فى اعلى الظهر ؛ يضغط بيده بعد كل وخزة .
بعدها اشتغل على منطقة تفصل عظام الاباط مع الكتف ، سخنه شوية لكن شعرت بمرونه عجيبة بعدها .
خدمات زى دى السودانيين كلهم محتاحين ليها بالأخص اخوانى واهلى فى السودان لانى لاحظت كلهم عندهم مشاكل فى وضعية العظام فى اجسامهم. لو لاحظت ، لو ماشى فى شوارع تورنتو ؛ ممكن تميز و من بعيد السودانى من مشيته ، تلقاه مفتول يمين او شمال ، السبب لانه يرقد غلط و يقعد غلط و يمشى غلط .
خدمات مثل الكايروبراكتر و أخصائي نظافة الاسنان dental hygienist كما ذكرت ، تخصصات الناس فى السودان overlook تحت نظرية اصغر منك دوسو
| |
|
|
|
|
|
|
|