|
Re: لماذا يرفع الآذان في اجهزة الاذاعة والتلف (Re: Abureesh)
|
Quote: الناس ديل يا ود الشيخ، من الحكومة و حتى الإعلاميين، فإن السودان عندهم هو الخرطوم.. قلنا الكلام دا كتير هنا. الأقاليم و لا معترفين بيها. الأقاليم لازم تعرف الخرطوم صلت متين وفطرت متين و صامت متين. |
مرحب بالصديق او ريش وشكرا لمرورك. لابد من مراجعة كثير من الثوابت المعشعشة في رؤوسنا وعودة الامور لنصابها تحياتي
| |
|
|
|
|
|
|
Re: لماذا يرفع الآذان في اجهزة الاذاعة والتلف (Re: MOHAMMED ELSHEIKH)
|
ياخي هو القراي قال ما يسمعوا لي شفع الروضة قرآن قامت الدنيا ولم تقعد يشيلوا الآذان من التلفزيون الما بحضروهو دة بجاهدوا فيهم بدايات الثورة لما وقفوا اذاعة القرآن الكريم شفت كمية من الناس البعرفهم بجاهدوا عبر الفيسبوك في الحكومة البتحارب القرآن .. لكن المشكلة أي واحد فيهم بسألوا هل سمع الإذاعة دي في يوم من الأيام بقول لي لأ
جاني رمضان كنت ساكن فيها مع صاحبي في غرفة في سطوح وجمبنا جامع أنصار سنة وأنا أساساً المقعدني في الغرفة دي شغل بقوم ليه من 8 صباحاً ناس المسجد نايمين النهار كلو وانا شغال وما عندي طريقة نوم غير بالليل .. بنوم الساعة حداشر اتناشر يصحوني ليك مخلوع الساعة 2 بالتهجد لحدي يوم الليلة ما فاهم المتعة البلقوها في إنه يصحوا الحي كلو بتهجدهم ومكبرات صوتهم القوية دي العاوز يتهجد بجي المسجد ما بحتاج يتهجد معاهم من سريره والمشكلة إنه بعد ما يصحوني بكون كرهانهم وكرهان حياتي ولو ما قدرت أنوم ممكن اطلع أمشي محلات القهوة والشيشة لحدي ما يخلصوا ولا أوصلهم لأنه العبادة ما بتبقى بالقوة ولا سياسة الأمر الواقع
| |
|
|
|
|
|
|
Re: لماذا يرفع الآذان في اجهزة الاذاعة والتلف (Re: أحمد محمد عمر)
|
والله يا ود الشيخ فعلا تساؤل ما خطر بال كثيرين ، وفعلا رفع الاذان في إذاعة يا تلفزيون أقرب إلى البدعة الاذان يرفع في المساجد ومش في كل المساجد ، لازم تكون بمسافات يسمعوا بي بعض يالله ويامين ، حسع تلقى في كل زاوية خاتين ليك ميكرفون حتى لدرجة إنو بيشوشو على بعض الواحد ما يعرف يتابع منو فيهم . والله غالب
| |
|
|
|
|
|
|
|