|
|
|
 Re: كاسات ابو الزهور اهدأ لعبداللطيف حسن على (Re: عبداللطيف حسن علي)
|
ود الامير تحياتي ومساء الخير انت وضيفك
تعال شنو حكاية الاماسي الجميلة حقتي ليه انت عامل بيها موضوع فاتح ليك بوست كمان انت حسي فرقك شنو من ابوحسين الشهواني وجلادونا المونساتي
بالله الفوضي حقت ناس الخليج خليها خليك زول جاد وموضوعي معاي أستر أخوك في ليالي البهجة
والشيء الحرقني أنو عبد اللطيف كمان قام نزل أغنية لمصطفي مع عشقي لمصطفي لكين هي ما كدا يا ابواللطف ما تعوم مع ود الامير العروب دا ضليل
تعرف يا عبد اللطيف في اللحظة أنا عايز اسمع أغنية أجراس المعبد لأبوداود
دقت الاجراس في معبد الحب ونادت
أنا ما عاشق قديم وأهديكم كلام الشعراء العشاق دا
كيف لي أن أنسى قلباً
حيا نبضات قلبـــــــــــــي كيف لي أن أنسى روحا ً
أصبحت هى روحـــــــــــــى كيف لي أن أنسى عينيك
وهى ســر لــــــــــ غ ــــــــتي فيا حبيب العمر سأعيش مع حبــــــــــــك مهما مر الزمــــان
فلــــن أنساك يوماً وإن بعــــــــــــــد المكــان
فبدونــــــك قلبــــــــي تائـــه بـــــــلا عنـــوان
وشرايينــي تنفجــر بحبك كما البركــــــــــــان
وعيناى ستظل تذكرك يا ارق إنســــــــــــــــان
الي اللقاء أحبابي
| |
  
|
|
|
|
|
|
|
|
Re: كاسات ابو الزهور اهدأ لعبداللطيف حسن على (Re: زهير عثمان حمد)
|
| Quote: هي ما كدا يا ابواللطف ما تعوم مع ود الامير العروب دا ضليل |
ود الامير دا يكتب زي مايكتب ، ياخ فترنا تبحيت بين السطور
مباشرة الظاهر افضل من التبحيت
المهم ينقصني شئ ما اجده في كتابات الاخرين وبخاصة المونساتية
اصحاب السهل الممتنع
في ناس ممتعين وماعارفين نفسهم زي ود الامير دا مثلا
| |
|
|
|
|
|
|
|
|
|
Re: كاسات ابو الزهور اهدأ لعبداللطيف حسن على (Re: جلالدونا)
|
| Quote: يا اخوى بدرنا ده ما مضمون |
في دي انا معاك ، هسي شوف كاساتو كيف
واحد منعش والبعدو داشر
زمان ناس امدرمان القدام لما يكونوا عايزين يطردوا واحد من القعدة
بيمدوا ليهو كاس فاضي زي كاس بدر التالت
والما عايز كاس بخت الكباية مقلوبة زي ماعملت انا لما ارسلت الفيديو
طبعا انا مافديم لدرجة احضر الحاجات دي كلها
| |
|
|
|
|
|
|
|
|
|
Re: كاسات ابو الزهور اهدأ لعبداللطيف حسن على (Re: زهير عثمان حمد)
|
يا عبد اللطيف
انا ماشاعر لكين بحس بالكلام وبرضو منبهر بمحمود درويش زيك
هاك كتاباتي الاليمة جدا اللي لا شعر ولا كلام موزن بس حفيف روحي في الريده
يا قلبي أبكي روحك
وعدد مناقب
قبل ما يبيك هول القصيد
لا دمع سايل
ولا جعر وجيع
أخ جرحاتي كتار
ما تبعيدي
بلاك يتيم
صدقيني
لمشاعرك تخفت
ضيءعيوني بيخبو
ما روحي معلقة بيك
ما كفاني أسي ونحيب
وانت حاسه وعارفه
بقيت شمعه
ذابت
ما بتدفن
لي رمثها الضاع
وأبكي روحك
وكمان عدد مسالب
| |
|
|
|
|
|
|
|
|
|
Re: كاسات ابو الزهور اهدأ لعبداللطيف حسن على (Re: زهير عثمان حمد)
|
ابوالزهور وعبداللطيف
شكلكم طولتو الكاسات لجلادونا
لانو وصل بسرعة واتحكر تب
لوكو الصبر انا بظبط في ام فتفت
وعامل ليكم شطة بالاتى تخليك تمسك
الباب تقول دا الشباك
تحذير رسمى
العبار بريمة بلل تفضل غادرنا
انت مطرود دى قعدة مغلقة للجلابة فقط
الاجنبى دينق مرحب به لانو بجيب الطشمة
النضيفة من شيفاذ وبلاك ليبل والمزز الصاح
من الكافيار طبعا انت لم تسمع بالكافيار بس
دينق عندو مشكلة بعد الكاس التانى ونستو
بالانجليزى وداير يسمع بت هوفن وبمنع التدخين
والتمباك
| |
|
|
|
|
|
|
|
|
|
Re: كاسات ابو الزهور اهدأ لعبداللطيف حسن على (Re: بدر الدين الأمير)
|
Quote: في البداية يا بريمه
اسمع انت زح من البوست امشي العب مع اولاد حلتكم ديل اولا د حلتي وحينا عشان ما تقول عنصري وسجم رماد |
يا أبو الزوز، أخلاق ناس الأنداية في السودان ما عندكم؟ ..
أنا غيرت رأي وحاييكم بواحدة من الأتي: ﻟﺪﻛﺎﻯ ، ﺃﻡ ﺗﻒ ، ﺃﻡ ﺑﻠﺒﻞ ، ﺍﻟﻌﺴﻠﻴﺔ ،ﺍﻟﺒﻘﻨﻴﺔ ، ﺍﻟﺤﺴﻮﺓ ، ﻛﺒﺲ ﺍﻟﺘﻮﺭ ، ﺍﻟﺒﻐﻮ ، و ﻗﺪﻭ ﻗﺪﻭ ..
ولأهل الكاسات .. عشرة نصائح صاغها أستاذنا الطيب محمد الطيب .. أورد لكم واحدة منها .. وبقية العشرة بعد السماح لي بالمجالسة
النصيحة نمرة 5:
- عكازك فوق كرعيك – إتقاءاً للضرب الذي قد يقع تحت أي لحظة.
بريمة
| |
|
|
|
|
|
|
|
|
|
Re: كاسات ابو الزهور اهدأ لعبداللطيف حسن على (Re: Biraima M Adam)
|
ود الأمير،
Quote: تحذير رسمى
العبار بريمة بلل تفضل غادرنا
انت مطرود دى قعدة مغلقة للجلابة فقط
الاجنبى دينق مرحب به لانو بجيب الطشمة
النضيفة من شيفاذ وبلاك ليبل والمزز الصاح
من الكافيار طبعا انت لم تسمع بالكافيار بس
دينق عندو مشكلة بعد الكاس التانى ونستو
بالانجليزى وداير يسمع بت هوفن وبمنع التدخين
والتمباك |
دي ما المحرية فيكم .. تقبلوا الأجنبي العبار دينق .. وتطردوا زول ود بلد مثلي .. !!
----------------------------
أها نديكم بخرة .. أنا متزوج جلابية .. وبوستات الجلابة لها وقع داخل حوش العبار .. والمعالجات والترضيات تتم بورود حمراء .. وتقضية نهاية الأسبوع في هوتيل 5 نجوم.
أنتم بوستات الجلابة قايلين خسارتها ساهلة، أكتر من خسارة العبابير .. لكن لازم نكتبها .. ولها سر .. ليس مكايدة لأحد .. لكن لزوم ضبط المصنع كما يقول اللدود الكوكو كلكس كلان .. الحوثي.
بريمة
| |
|
|
|
|
|
|
|
|
|
Re: كاسات ابو الزهور اهدأ لعبداللطيف حسن على (Re: بدر الدين الأمير)
|
نرجع لابوزهور الخرق الدستور
بعد الكاس الرابع
طبعا فى ظل الكرونا جلسات الشراب
بقت بالتباعد وعبر التطبيقات المهم
جهزت ملعبى واتصلت مع ابو الزهور
يلا تعال قال انا جاهز المهم شغلنا الكمرات
المهم بدت الجلسة وونست اخوان ببثو همومهم
لبعض والغربة الطويلة التى طالت كثيرا وصلنا الكاس الرابع
سألت زهير عشاك شنو قام وجهة الكمرا على المزة قلت طيب
والعشا شنو قال بطلبه دلفرى قال وانت قلت المدام جهزت العشاء
وساقت ولدا ومشو نامو
قام لمح انى بشرب فى عرق لبنانى سالنى انت بتشرب العرق اللبنانى
قلت نعم وحكيت له عن العرق اللبنانى وكيف يعد وكيف يشرب ثم عن
زكرياتى في بيروت وصديقتى اللبنانية وعينكم ماتشوف غير النور
ابو الزهور قام على جنس قومة ياعريبى يامستلب ياناكر اصلك وفصلك لمن
بقيت في حيرة من امرى ياربى انا بسكر مع ابوالزهور ولابشاشة.....
وبجيكم للكاس السادس وتفاصيل ماحدث
| |
|
|
|
|
|
|
|
|
|
Re: كاسات ابو الزهور اهدأ لعبداللطيف حسن على (Re: عبداللطيف حسن علي)
|
اسمع الكلام دا بعد جرعة من رحيق البهجة متوسطة المقدر بالتلج والتونك الفعال وانعم بها شربة تمجد الفوضي وتستدعي الجمال
يا ناس هووي
بعد الكاسات الطوال
لا بشكي الحياة
و لا حالا
وتغوري يا هموم البشاعة عديل مني
دي ما ساعة الفرحة
ولمة الاحباب
وانا فوق ملوك
قبض الجو
رقيص وهجيج
معلون ابوك يا دنيا
يا كضابه
سعيد انا
وقادر العب
بس وحيد
راحال
بس انت ياالحنينه
اللي بقولينا من الزعل
ما كفنا خلاص #
انا خلاص بقيت دلقان
بااااي
| |
|
|
|
|
|
|
|
|
|
Re: كاسات ابو الزهور اهدأ لعبداللطيف حسن على (Re: بابكر قدور)
|
Quote: أيي أيي .. ود الأمير، لو الزول زعلت منه تتناوله بعكاز ككيف؟
إلا تبخ الشاشة بشدوقك ..
بريمة |
عكاز ؟!
ياخي عنف رمزي بياثر فينا
ولو سكرة بالواتس
حليل زمان السكر البفرتق حفلة بالكراسي
تاني وين ، سنين ماشفا زول سكران مبهدل في الشارع
ــــــــــــــــــ
شخصيا ضد السكر للطيش ، مافيهو حاجة بتتشكر ويتلف الاعصاب ويدمر مستقبل الاسرة
| |
|
|
|
|
|
|
|
|
|
Re: كاسات ابو الزهور اهدأ لعبداللطيف حسن على (Re: عبداللطيف حسن علي)
|
بى مناسبة العكاكيز دى يا بريمة
فى حلتنا ناس الليل مقسمين شلليات وصعب شديد انك تخترق شلّةو تقعد معاها
اها شلة ناس سعيد الجزّار دن عندهم حاجة غريبة
اول حاجة يدوّرو الشكلة خاصة فى حتة الشير دى حتى بعد داك يبدو الشراب
شعارن فى الحتة دى
الف شكلة قبل السكر احسن من شكلة واخدة بعدو
واعين تلقاهم متشاكلين
سكرانين الصحك و الفرفشة ما تديك الدرب
| |
|
|
|
|
|
|
|
|
|
Re: كاسات ابو الزهور اهدأ لعبداللطيف حسن على (Re: جلالدونا)
|
جلادونا،
عندنا واحد من أولاد الأبيض .. طشوا بالليل في النيل الأبيض جنوب كوستي ..
شافوا لهم نور بعيد .. وجروا بالعربة لما وصلوه .. كان فيه جوطة كبيرة ..
نزلوا .. قالوا لقوهم مراسا سكرانين لط .. وسطهم خواجة لابس سكين طويلة في ضراعه .. ومصطف مع طرف ضد الأخرين.
صاحبنا سأل صحبه .. قال ديل ما عرفناهم ناس بلد ومتشاكلين .. والخواجة حارق رزه في شنو؟
طلع الخواجه .. جايباه منظمة .. وصاحب الشلة .. وبشاكل معهم ليطردوا المجموعة الأخري من الأنداية.
هنا النصحية 3:
– اقعد فوق سرجك – الجلوس على السرج يضمن لك السلامة لان بعض السكارى عندما يشربون يختلط عليهم الأمر فيحسب كل سرج سرجه وهذا سبب كافي للشجار.
بريمة
| |
|
|
|
|
|
|
|
|
|
Re: كاسات ابو الزهور اهدأ لعبداللطيف حسن على (Re: عبداللطيف حسن علي)
|
الأخ عبد اللطيف،
سلامات ..
Quote: دا ماياهو نفس الخواجة القال لمحمود ود احمد لماذا تخرب بلدي
قطع شك الخواجة كان شارب مريسة فهي الوحيدة المسؤولة عن
الحالة الزي دي |
أنت عارف، الخواجات بساطهم أحمدي شديد، بسرعة الواحد يدخل في المجتمع ..
ولدنا قال الخواجة لابس عراقي وسروال أب تكة .. والسكين للكوع .. وعاصب رأسه بشال يشبه القطرة الفلسطينية .. قال ما فضل للحواجة إلا يلبس الحجات .. وقال لسانه حاد جداً في المنابذة.
جابوا لينا واحد خواجة في كلية الزراعة أسمه دنكان .. والبنات كن حابات يقشرن بالخواجة .. هناك زميلة أنتهجت أسلوب تتقرب به من الخواجة .. لكن لا تدري ثقافة الخواجة تخبأ لها ماذ؟
ظلت الزميلة كلما جاءت المكتبة .. تذهب وتشحد دنكان الأستيكة .. مرة وأخري وثالثة .. الخواجة زهج .. قال ليها You are messy girl .. قالها بنبرة حادة .. من تأريخها لما تخرجت مسمينها "ميسي غيرل" .. البنت المبهدلة!
دنكان الخواجة .. سافر في مناطق عدة من السودان .. قال أجود مريسة لقاها في الشرق .. وأحسن ضيافة في المريسة لقاها في شرق كردفان ..
الوصية نمرة 4: من وصايا المراسة
– ضهرك يكون على الحيطة – لان الشجار وشيك تحت أي لحظة.
---------------------------------
أنا برضو الخواجة دنكان لقني درس .. كلما أجده أصافحه .. مرة زعل من السلام الكتير .. قال لي .. why we always shake hands .. قلت للخواجة حسناً تاني "خمساتي مع خمساتك ما أتلاقن!".
بريمة
| |
|
|
|
|
|
|
| |
بدر الدين الأمير
عبداللطيف حسن علي
زهير عثمان حمد
جلالدونا
Biraima M Adam
بابكر قدور
فيس بوك
تويتر
انستقرام
يوتيوب
بنتيريست