|
Re: قيادات في (الثورية) ترفض مشاركة (ندي القلع� (Re: Arif Nashed)
|
بعض التعليقات
Quote: Black yes: 29 أغسطس، 2020 نعم صحيح ندى القلعة فنانة ليس لها اي علاقة بالثورة السودانية نتمنى ان لا نراها في اي محفل وطني .اتمنى ان يشارك في الحفل فنانين ذو طابع ثوري لهم مساهماتهم الواضحة اثناء الثورة وبعدها ولكم التحية |
Quote: عبدالوهاب البوب: 30 أغسطس، 2020 التحيه لكل من قال لا لهذه القلعه… فهي ليست بحجم الحدث و لا بأهمية الملتقي.. كانت ربيبة النظام الفاسد و لعقت من دماء البؤساء… لم تكن حاضرة للثورة وتعمدت الاختفاء فيجب تجاهلها و العايز يجيبها في مناسبة خاصة فهو حر… السلام اكبر من القلعة |
Quote: Black yes: 29 أغسطس، 2020 الساعة نعم صحيح ندى القلعة فنانة ليس لها اي علاقة بالثورة السودانية نتمنى ان لا نراها في اي محفل وطني .اتمنى ان يشارك في الحفل فنانين ذو طابع ثوري لهم مساهماتهم الواضحة اثناء الثورة وبعدها ولكم التحية |
| |
|
|
|
|
|
|
Re: قيادات في (الثورية) ترفض مشاركة (ندي القلع� (Re: Arif Nashed)
|
عارف امبس تحياتي .. درجة عالية من الحساسية
حسب قراءتي رغم أنني لا أستمع الى اغنيات الفنانات إلا سميرة دنيا
ولكن ندى القلعة حسب رأي سودانية عادية ليس لها عمق سياسي فقط مصلحة المال .. كم من أعتى الفنانين غنوا لنميري وغيرهم
أظن هي فنانة فقط بدون بعد وفهم سياسي ..
تحياتي الحبيب عارف امبس
| |
|
|
|
|
|
|
Re: قيادات في (الثورية) ترفض مشاركة (ندي القلع� (Re: علي عبدالوهاب عثمان)
|
Quote: ولكن ندى القلعة حسب رأي سودانية عادية ليس لها عمق سياسي فقط مصلحة المال .. كم من أعتى الفنانين غنوا لنميري وغيرهم |
عمنا الحبيب على عبدالوهاب نظظام الانقاذ يختلف عن نميرى فى انو الكيزان زول مازولهم وراضخ ليهم مابدوهو فرصه وناس زى ابو عركى بقفلو عليهو ويحاربوهو ندى القلعه اعتقد انها خلاف مشاركتها فى منسبات الانقاذ وغنائها لرموز فيها كانت ضمن جيش الدبلوماسيه الشعبيه من الفنانات للنظام فى نيجيريا وتشاد وتردد دائم على الدول دى منها مشاركتها فى حفل انتخابى لادريس دبى تحياتى
| |
|
|
|
|
|
|
Re: قيادات في (الثورية) ترفض مشاركة (ندي القلع� (Re: Asim Ali)
|
تعليق احد الشباب على تويتر عن دعوه ندى القلعه لاحياء احتفالاات التوقيع
Quote:
@yasin123ah
بلد فيها كوارث وفيضانات ، وحفلة ندي القلعة تكلف اكثر من 5 مليار جنية دفعها وفد السودان المفاوض في جوبا القروش دي توتي وودرملي والقماير ما كان اولي بيها انشاء يشتروا بيها شوالات خيش ، #فيضان_النيل
|
| |
|
|
|
|
|
|
Re: قيادات في (الثورية) ترفض مشاركة (ندي القلع� (Re: Asim Ali)
|
Quote: درجة عالية من الحساسية
حسب قراءتي رغم أنني لا أستمع الى اغنيات الفنانات إلا سميرة دنيا
ولكن ندى القلعة حسب رأي سودانية عادية ليس لها عمق سياسي فقط مصلحة المال .. كم من أعتى الفنانين غنوا لنميري وغيرهم
أظن هي فنانة فقط بدون بعد وفهم سياسي .. |
حبيبنا علي امبس. شخصيا ادعم رأي الإخوة الرافضين. واتفق مع رأي الاخ عاصم.
Quote: سودانى طافش: 29 أغسطس، 2020 لايمكن واحدة مثل ندى القلعة ومستوى الشريف مبسوط منى أن تحييى حفل ثورى ومناسبة قومية لها دلالاتها القومية ! |
| |
|
|
|
|
|
|
Re: قيادات في (الثورية) ترفض مشاركة (ندي القلع� (Re: muntasir)
|
Quote: اعلنت قيادات في الجبهة الثورية عن رفضهم مشاركة الفنانة ندي القلعة في الاحتفال بتوقيع السلام في جوبا |
دي شنو حركات الكيزان دي احتفال شنو وغنا شنو كمان دي مصاريف في الفاضي وطنقعة فارغة يصرفوا تكاليف الاحتفالات والغناء على المتضررين من الحرب والناس الغرقانين وما لاقين مأوى حاجة تفقع المرارة الناس في شنو وديل في شنو ..
| |
|
|
|
|
|
|
Re: قيادات في (الثورية) ترفض مشاركة (ندي القلع� (Re: جمال ود القوز)
|
Quote: يه أصلاً حفلة بي فنانة العداد وتكلفة السفر لها ولفرقتها ده يا عارف أولى بيه لقمة في بطن طفل في معسكر كلما ولا دايرين كوين بي |
يا منتصر ديل انطبق عليهم المثل البقول. عريان من ط ي ز و ولابس سديري. الحكومة هي من تتكفل بالتكاليف وكله من ضهر الشعب. يا زول بكره تغني ليهم حميدتي مبسوط مني...
| |
|
|
|
|
|
|
Re: قيادات في (الثورية) ترفض مشاركة (ندي القلع� (Re: Arif Nashed)
|
Quote: دي شنو حركات الكيزان دي احتفال شنو وغنا شنو كمان دي مصاريف في الفاضي وطنقعة فارغة يصرفوا تكاليف الاحتفالات والغناء على المتضررين من الحرب والناس الغرقانين وما لاقين مأوى حاجة تفقع المرارة الناس في شنو وديل في شنو .. |
يا جيمي تكاليف هذه المفاوضات يقال بانها فاقت ال 5 مليون دولار. الشعب ينتظر هذا السلام بفارغ الصبر لكن الظروف التي تمر بها البلاد عصيبة. يااااخي سلفاكير يكون شرط عليهم بت القلعة تحيي حفل التوقيع. عالم فارغة. حكومتنا الرشيدة متكفلة بكافة المصاريف وكله من قوت الشعب.
| |
|
|
|
|
|
|
Re: قيادات في (الثورية) ترفض مشاركة (ندي القلع� (Re: اخلاص عبدالرحمن المشرف)
|
منقول من بوست الاخ عبد الله عثمان
Quote: منقول شبكة السودان نيوز 🇸🇩📢
كادت ندى القلعة ان تنسف اتفاق جوبا..
رفض عميد الأسرى السودانيين العقيد نمر عبد الرحمن مشاركة الفنانة المحسوبة على نظام المخلوع البشير و الشهيرة بندى القلعة في حفل توقيع اتفاق السلام المزمع توقيعه بين الحكومة السودانية والحركات المسلحة في مدينة جوبا ، وبرر العقيد نمر رفضه بانها لا تناسب الحدث الذي مهرته دماء الشهداء ، و قد أصر كل من وكباشي وحميدتي على حضورها المناسبة ، وقد قامت طائرة خاصة بنقلها هي وفرقتها من الخرطوم الي جوبا، ويعتبر هذا اول خلاف بين الطرفين والاتفاق لم يرى النور بعد.. وقد اشتهرت الفنانة ندى القلعة بدعمها لنظام المخلوع البشير والذي له الفضل في تقديمه لها في الساحة الفنية وفتح أبواب الفضائيات في وجهها ، ولم تكن تخفي دعمها للنظام السابق ولم تقدم اي عمل فني يمجد الثورة السودانية وينتصر لارادة الشباب ، ويقال انها اسمها كان من ضمن مجموعة ال ١٥ فنان والذين عملوا في جهاز أمن البشير. |
معقولة يحدث إختلاف علي قونة. لتنعكس المقولة >>ندوية مبسوطة مني<<. فعلا أثبتوا أنهم أقزام.
| |
|
|
|
|
|
|
Re: قيادات في (الثورية) ترفض مشاركة (ندي القلع� (Re: Arif Nashed)
|
مش غنت ايام الاعتصام : الشهيد ولدي وبتي كنداكة؟ الناس منكن تتكلم في موضوع تبذير الاموال لو لم تكن هي شخصيا قد تبرعت مع فرقتها بكل المنصرفات وهذا ما ارجحه. اما ان كان الموضوع مشاركة النظام البائد في تلفزيوناته وحفلاته لس امرق ابو عركي ومعاه نفرين تلاتة .
الاخوة الجنوبيون وكثير من جيراننا بحبو ندى القلعة والاذواق تختلف؟
اقول قولي هذا وانتظر ود البشري يا رشاني يا رشاكم
| |
|
|
|
|
|
|
Re: قيادات في (الثورية) ترفض مشاركة (ندي القلع� (Re: MOHAMMED ELSHEIKH)
|
Quote: كادت ندى القلعة ان تنسف اتفاق جوبا.. |
بالمناسبة دي مفروض يتوجه صوت شكر وتقدير للفنانة ندى القلعة .. لانها بتنازلها عن تقديم الحفل حسماً للخلاف عملت على استقرار وبقاء فرص الإتفاق .. الحمد لله الماعنقدت وأصرت كان الليلة ما شفنا توقيع .. ودا غير إحراجنا مع الضيوف..
شكراً ندى#
| |
|
|
|
|
|
|
Re: قيادات في (الثورية) ترفض مشاركة (ندي القلع� (Re: HAIDER ALZAIN)
|
سلام عليكم
Quote: مش غنت ايام الاعتصام : الشهيد ولدي وبتي كنداكة؟ الناس منكن تتكلم في موضوع تبذير الاموال لو لم تكن هي شخصيا قد تبرعت مع فرقتها بكل المنصرفات وهذا ما ارجحه. |
نوعها دا لازم يتلون مع كل وضع ويلحق السوق عشان امور وتمشى ويمكن اغنيه زى دى تكون مطلوبه منها فى الاعراس زى ايام انتفاضه ابريل لما كان مثلا صلاح مصطفى بيطلبو منو يغنى (جددناك يا اكتوبر فى ابريل) شخصيا مابنسى -وذكرتها قبل كدا- لما غنت ل (على عثمان) فى احتفال فى قاعه الصداقه اغنيه حماسيه وتعمدت ترديد (يا على ) ,.على الاقل لو فنانه مضطره تؤدى واجب ومجبوره عليهو ماكان خشت فى اغنيه زى دى .
Quote: بالمناسبة دي مفروض يتوجه صوت شكر وتقدير للفنانة ندى القلعة .. لانها بتنازلها عن تقديم الحفل حسماً للخلاف عملت على استقرار وبقاء فرص الإتفاق .. الحمد لله الماعنقدت وأصرت كان الليلة ما شفنا توقيع .. ودا غير إحراجنا مع الضيوف.. |
هل فى تاكيد انها ما استلمت قروشها كامله حسب الاتفاق مع لجنه الاحتفال (خاصه انها حفله ناشفه مافيها نقطه زى حفلات الكبار وحفلات نيجيريا وتشاد) ولازم يكون الاجر كبير (شايف البعض قال 5 مليار (5 مليون بالجديد). . الغريب انو قبل الثوره بشهور فى زول فى المنبر هنا كان من رايو انها مناضله وماعارف نضالها دا كان فى شنو ؟
| |
|
|
|
|
|
|
Re: قيادات في (الثورية) ترفض مشاركة (ندي القلع� (Re: Asim Ali)
|
لا اله الا الله محمد رسول الله ...حسبي الله ونعم الوكيل... بالله عليكم ظي حكومة دي ...ودي كمان حركات ثورية قالت بتدافع عن مواطني الهامش !!!!!! الناس بتغرق في توتي وفي احياء الخرطوم ويدفعوا ٥ مليار جنيه لفنانة تغني ليهم في حفلة؟؟؟!!!!@@@ يخسي عليكم يا انتهازيين يا انانيين عديمي الوطنية ... بالله ديل هم البحكمونا والعاوزين يحكمونا ... الله غالب ....
| |
|
|
|
|
|
|
Re: قيادات في (الثورية) ترفض مشاركة (ندي القلع� (Re: Arif Nashed)
|
بالفيديو : المطربة ندي القلعة ترد على الجدل الذي صاحب مشاركتها باحتفالات توقيع اتفاقية السلام.
نشرت الفنانة السودانية ندى القلعة على صفحتها الشخصية مقطع فيديو من داخل القصر الرئاسي بعاصمة جنوب السودان جوبا ردا على الجدل الكثيف الذي صاحب مشاركتها بالاحتفال وكانت مشاركة ندى بحفل التوقيع النهائي لاتفاقية السلام قد أثار جدلا واسعا اعتراضا على مشاركتها حيث رأى عدد من المتابعين والحاضرين للتوقيع أحقية فنانات غيرها بإحياء الاحتفالية فاطمة بادي _صحيفة القيادة
| |
|
|
|
|
|
|
Re: قيادات في (الثورية) ترفض مشاركة (ندي القلع� (Re: Ahmed Yassin)
|
هسّي اذا اتضح انو الموضوع دا ما بالتفاصيل المذكورة دي, مثلا لم يدعوها وفد التفاوض السوداني او لم يصر عليها كباشي و حميدتي ول تأخذ 5 مليار بل ولم يعترض عليها احد من الاساس! و الموضوع لا يعدو ان يكون هجايص نت على شاكلة ناس عاجل نيوز وسري نيوز وسري للغاية نيوز وما الى ذلك من هرتلة! موقف الزملاء الارغوا وازبدوا و افتوا و اتقطعوا حتة حتة في البوست دا حيكون شكله كيف!!
ياخوانا كقاعدة كدا في زمن التأليف و النجر و الهبتلي المدور دا, الواحد ياخد ليه ثواني يجر فيها نفس نفسين قبل يمتشق حسام الوطنية و يسرج خيل النضال و هاك يا لعن و تخوين ومزايدة!
| |
|
|
|
|
|
|
|