|
|
|
 Re: قضية نواب الأخصائيين و شلة وزارة الصحة,,, (Re: عثمان الأمام)
|
لمعرفة أصل القضية لابد من معرفة الحقائق التالية
الأطباء في المستشفيات يعملون وفق 4 أو 5 مسميات:
1/ أطباء الامتياز:
اول مرحلة بعد التخرج للطبيب فترتها الزمنية كانت سنة ونصف وأصبحت سنة, يعين الطبيب فيها بوظيفة مؤقتة تنتهي بانتهاء فترة الامتياز وبعدها تذهب الى الشارع!
2/الأطباء العموميون:
تبدأ بعد نهاية الامتياز وبعد الانتهاء من الخدمة الوطنية والجلوس لامتحان مزاولة المهنة والتسجيل الدائم كطبيب.
3/ نواب الأخصائيين:
تبدأ بعد الجلوس لإمتحانات الجزء الأول للتخصص والنجاح فيها وتستمر لفترة 5 سنوات مع فروقات بسيطة حسب التخصصات وتنتهي بالنجاح في إمتحان الجزء الثاني للتخصص والتسجيل كأخصائي.
4/ الأخصائيين:
تبدا بعد التسجيل كأخصائي في المجلس الطبي السوداني.
4/ الاستشاريين:
تختلف حسب قوانين المجالس الطبية لكن في العموم تمنح بعد ان تقضي فترة خبرة (خمس سنوات) بعد التخصص.
| |
 
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: عثمان الأمام)
|
الوظائف الثابتة في وزارة الصحة هي وظائف الأطباء العموميين والأخصائيين, أطباء الامتياز وظائفهم مؤقتة ونواب الأخصائيين ليس لديهم وظائف ولا مسمى وظيفي ولا مرتبات بدرجاتهم الوظيفية!!
الأطباء العموميين في المستشفيات الحكومية لا تتعدى نسبتهم ال 10 % والأخصائيين أقل من ذلك!! وال 80% تقريبا" التي تدير المستشفيات هم من فئة الامتياز ونواب الأخصائيين, وحتى العدد القليل من العموميين والأخصائيين أغلب أوقاتهم في المستشفيات والعيادات الخاصة إلا من رحم ربي!
90% من العمل في القطاع الحكومي يقوم به نواب الأخصائيين والامتياز بوظائفهم المؤقتة! فهاتين الفئتين هم جمل شيل القطاع الصحي الحكومي.
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: عثمان الأمام)
|
تخيل عزيزي القارئ
مطلوب من الطبيب نائب الأخصائي بعد أن يصل مرحلة نائب أخصائي ان يعمل لمدة 5 سنة وقد تزيد قليلا بدون مرتب !!
إذا حسبت أقل السنوات المطلوبة للوصول لمرحلة نائب اخصائي:
6 سنة قبل المدرسة
11 سنة مرحلة قبل الجامعية
6 سنوات دراسة جامعية
سنة ونص فترة إمتياز
سنة ونص خدمة وطنية
وتوجد سنة قبل الامتياز وبين الامتياز والخدمة الوطنية
لو إتوفق ولقى وظيفة طبيب عمومي سنتين (خبرة)
حيكون في عمر الثلاثين !! ومطالب ان يعمل مجانا" لفترة 5 سنوات بدون مرتب !!
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: عثمان الأمام)
|
مطالب نواب الأخصائيين منذ زمن الإنقاذ والى الآن مطالب واضحة وبسيطة وبدائية!!
أن تكون هناك وظيفة ثابتة ومرتب ثابت لنائب الأخصائي مقابل الخدمة التى يؤديها طول فترة الروتيشن! وهذا ما يلي وزارة الصحة الجهة التي يخدمون فيها.
هناك مطالب غير متعلقة بالوزارة وهي شئون تدريبية واكاديمية مسؤول عنها مجلس التخصصات الطبية .
فلا يعقل ان تطالب النواب بالعمل في المستشفيات بدون مرتبات, بدون ترحيل, بدون سكن, بدون حتى وجبات ولمدة خمس سنوات!
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: عثمان الأمام)
|
| Quote: دخل نواب الإخصائيين في إضراب مفتوح في جميع مستشفيات الدولة بعد مماطلة وزارة الصحة بإيعاز من لجنة الأطباء (الإتحادية) |
تحياتي دكتور عثمان ...
هل الغرض من البوست هو ابراز قضية مطلبية مهنية
واضح فيها ظلم نواب الأخصائيين من قبل الحكومة
السابقة والحالية واللاحقة؟
ام هل القضية تنافس سياسي حزبي تستهدف فيه حزب
الاتحادي الديمقراطي ممثل في الحكومة ووزارة الصحة
المعروف أن لا علاقة تربطهم وجعله المسؤول عن ظلم
نواب الأخصائيين؟
ام هل الغرض إبراز تضامنك مع نواب الأخصائيين بشرح
قضيتهم في سودانيزاونلاين ...
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: Salah Zubeir)
|
طبعا الشيوعين عندهم منخوليا في رأسهم
من كثرة المهنيين الإتحادين في النقابات
حسب تنميطهم.. الاتحاديين ديل ناس متخلفين ساي
وما عندهم أي عضوية مثقفة ولا يعرفوا النقابات المهنية
المفاجأة كانت كميات موهولة من الشباب الاتحاديين في المعتقلات
ايام الثورة.. ومحل ما الشيوعين يقبلوا يلقوا المهنيين
الاتحاديين متمددين في الأجسام المطلبية والنقابية
طبعا حسب المنخوليا العندهم.. النقابات دي وارثنها وراثة
وما مفروض اي جهة غير الشيوعي ما تسيطر عليها
ودا سبب إختطافهم لتجمع المهنيين
وهسي شغالين سكلبة وكواريك في القطاع الطبي
محل ما تقبلوا حتلقوا عيال الأزهري
إلا تطيروا يا شيوعين
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: Hafiz Bashir)
|
سلام عليكم
نواب الأخصائي وقع عليهم ظلم فادح و مستمر حتى بعد سقوط الإنقاذ.
د.أكرم حاول إنصاف النواب ولكن أٌقيل قبل أن تثمر جهوده.فماذا فعل
الوزير الجديد و مسؤلو الإدارات في الوزارة؟ لاشئ في الحقيقة.
مازال مجلس التخصصات يعامل النواب كإنه يستعبدهم .كان
النواب يدفعون للمجلس رغم أنهم يعملون بدون مرتبات ،فيضطر
أغلبهم للعمل في المستشفيات الخاصة بمرتب ألفين جنيه؟؟؟
أقسام المستشفيات لا يتوفر فيها أي شئ من ضروريات العمل
من أدوية و محاليل و أجهزة و معقمات و ماسكات و قفازات رغم
زيادة حالات الكورونا.المسؤولون في الوزارة و المجلس ، لا يملكون
ذرة من الوطنية و لا الأخلاق ولا مخافة الله.
اتمنى ان يستمر د.عثمان في عرض قضية النواب و يتم نقل الجزء
السياسي الى بوست آخر.
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: نعمات عماد)
|
تحياتي يادكتور
| Quote: مطلوب من الطبيب نائب الأخصائي بعد أن يصل مرحلة نائب أخصائي ان يعمل لمدة 5 سنة وقد تزيد قليلا بدون مرتب !! |
دي فعلا فضية كبيرة ومحيرة جعلت مهنة الطب طاردة جدا في بداياتها
اعيش هذه المشكلة ولدي شقيقان حديثي التخرج من الطب ، واحد تخرج ليه 3 سنوات وشوية وماقبض مرتب حقيقي الا قبل شهرين وبعد ما اجتاز نائب الاخصائي
والتاني ليه سنتين كل شهر جادعنه في ولاية امتياز وخدمة واعادة شنو كدة وحتى الان باعتباره طالب ولسه قدامه عشرين امتحان
دي عيشة شنو عليكم الله
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: عمر التاج)
|
Quote: دي فعلا فضية كبيرة ومحيرة جعلت مهنة الطب طاردة جدا في بداياتها
اعيش هذه المشكلة ولدي شقيقان حديثي التخرج من الطب ، واحد تخرج ليه 3 سنوات وشوية وماقبض مرتب حقيقي الا قبل شهرين وبعد ما اجتاز نائب الاخصائي
والتاني ليه سنتين كل شهر جادعنه في ولاية امتياز وخدمة واعادة شنو كدة وحتى الان باعتباره طالب ولسه قدامه عشرين امتحان
دي عيشة شنو عليكم الله |
هلا عمر التاج
الطب فعلا" أصبح مهنة طاردة وغير مرغوبة في السودان !
الناس الشغالين بلا كلل ما عندهم مرتبات والعواطلية راكبين السيارات بالمليارات ومن مكتب فلان لي مكتب علان!
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: نعمات عماد)
|
السؤال المنطقي
قضية النواب وظلمهم مستمرة منذ عهد الانقاذ الجديد شنو؟!
الجديد انو منذ ابريل الماضي اصدر وزير الصحة السابق د أكرم قرار وزاري
والمشهور بالقرار رقم 6 ، وهو أن تكون وزارة الصحة الاتحادية مسئولة عن توفير التمويل
ودفع رسوم التدريب للنواب ودفع مرتبات لهم وفق السلم الوظيفي وبعقودات مؤقتة غير مشروطة.
http://url=https://top4top.io/] [/url" target="_blank">http://url=https://top4top.io/] [/url
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: عثمان الأمام)
|
تخيل انو بعد صدور القرار المنصف للنواب ديل رئيس مجلس التخصصات السابق تقدم باستقالتو
معللا" بانو القرار ده من اسباب استقالتو !! وكذلك لجنة الأخصائيين!!
وطبعا" ناس عظمة وبقية الشلة ماقصرو يشيلو وينشرو وما عارفين الاستقالات الحصلت زمان دي سببا كان شنو !!
بس الغرض عشان يقولو د أكرم كان فاشل وهسه استلموا الوزارة وشغالين مع مطالبات النواب بصورة أسوأ من أيام الكيزان!
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: نعمات عماد)
|
Quote:
سلام عليكم
نواب الأخصائي وقع عليهم ظلم فادح و مستمر حتى بعد سقوط الإنقاذ.
د.أكرم حاول إنصاف النواب ولكن أٌقيل قبل أن تثمر جهوده.فماذا فعل
الوزير الجديد و مسؤلو الإدارات في الوزارة؟ لاشئ في الحقيقة.
مازال مجلس التخصصات يعامل النواب كإنه يستعبدهم .كان
النواب يدفعون للمجلس رغم أنهم يعملون بدون مرتبات ،فيضطر
أغلبهم للعمل في المستشفيات الخاصة بمرتب ألفين جنيه؟؟؟
أقسام المستشفيات لا يتوفر فيها أي شئ من ضروريات العمل
من أدوية و محاليل و أجهزة و معقمات و ماسكات و قفازات رغم
زيادة حالات الكورونا.المسؤولون في الوزارة و المجلس ، لا يملكون
ذرة من الوطنية و لا الأخلاق ولا مخافة الله.
اتمنى ان يستمر د.عثمان في عرض قضية النواب و يتم نقل الجزء
السياسي الى بوست آخر. |
سلمت يداك نعمات جبتي النجيضة.
اليك تعليق الوزير على اضراب النواب :
Quote: الصحة: إضراب الطبيب الكامل عن العمل بالطوارئ غير مهني
الخرطوم 5-12-2020 (سونا) - وصف د. أسامة احمد عبدالرحيم وزير الصحة الاتحادي المكلف إضراب الطبيب الكامل عن العمل بالطوارئ بأنه غير مهني وغير أخلاقي .
وكشف الوزير في تصريحات صحفية محدودة "على خلفية الانسحاب الشامل لجميع نواب الاختصاصيين من المستشفيات" عن اتفاق مع نواب الاخصائيين على مسارين، مسار الطبيب والوظيفة الثابتة .
واضاف الوزير ان الوظيفة الثابتة لها اشتراطات والتزامات حسب المجلس القومي للتدريب وهو قانون لا يستطيع الوزير إلغائه.
وقال "نحن في الصحة اوجدنا نظام التعاقدات وهو استثناء النواب بمنحهم تعاقدات باستحقاق مالي على الرغم من ايقاف مجلس الوزراء للتعاقدات في الدولة.
وقال تم التعاقد مع نواب الاختصاصيين مقابل عملهم في المستشفيات، وأضاف قائلا "إن النواب رفضوا التعاقد وطالبوا بوظيفة ثابتة دون اشتراط او التزام" .
وفيما يتعلق بمسار الطبيب قال هناك مشكلة ويحتاج إلى عمل وسيرى النور قريباً .
#سونا #السودان |
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: Hafiz Bashir)
|
Quote: قضية نواب الأخصائيين قضية عادلة جداً.
من المؤسف حقاً أن يكون الموقف منها منبني على أجندة سياسية ليست ذات صلة.
الدولة التي تستغل حاجة أبنائها لتغمطهم حقوقهم دولة ظالمة وتفتقر للأخلاق وغير جديرة بإحترام أبنائها لها. |
القول ما قلت مولانا حافظ
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: عثمان الأمام)
|
Quote: قضية نواب الأخصائيين قضية عادلة جداً.
من المؤسف حقاً أن يكون الموقف منها منبني على أجندة سياسية ليست ذات صلة.
الدولة التي تستغل حاجة أبنائها لتغمطهم حقوقهم دولة ظالمة وتفتقر للأخلاق وغير جديرة بإحترام أبنائها لها. |
دي النجيضة 🙏
علي الدولة رفع الظلم عنهم
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: Salah Zubeir)
|
Quote:
تحياتي دكتور عثمان ...
هل الغرض من البوست هو ابراز قضية مطلبية مهنية
واضح فيها ظلم نواب الأخصائيين من قبل الحكومة
السابقة والحالية واللاحقة؟
ام هل القضية تنافس سياسي حزبي تستهدف فيه حزب
الاتحادي الديمقراطي ممثل في الحكومة ووزارة الصحة
المعروف أن لا علاقة تربطهم وجعله المسؤول عن ظلم
نواب الأخصائيين؟
ام هل الغرض إبراز تضامنك مع نواب الأخصائيين بشرح
قضيتهم في سودانيزاونلاين ... |
هلا صلاح الزبير
البوست حيكون شامل عن قضية النواب والناس العندهم علاقة مباشرة وغير مباشرة بيهو.
خليك متابع
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: عثمان الأمام)
|
طيب نجي للشغل البقومو بيهو النواب في القطاع الصحي في السودان عشان تعرف المستفيدين والمتضررين من قضيتهم.
نظام العمل في المستشفيات السودانية نظام قديم يعمل بنظام الوحدات ! ناخد مثلا" مستشفى كبير كمستشفى الخرطوم أو بحري أو امدرمان، قسم الجراحة مثلا" بكون موزع لي وحدات وحدة مستر فلان أو الوحدة الفلانية في الغالب الوحدات مقسمة على حسب ايام الاسبوع يعني متوسط ٧ وحدات! ده في الاقسام العامة غير الاقسام التخصصية.
الوحدة الواحدة انشطتها بتكون مقسمة على ايام الاسبوع مثلا" نبطشية الحوادث 24 ساعة في الاسبوع اليوم البعدها متابعة العنابر ويوم للعمليات و يوم للعيادات المحولة وهكذا .
الوحدة اذا فيها ١٥ طبيب مثلا" حيكونو اثنين او ثلاثة أخصائيين اثنين اطباء عموميين اربعة نواب و ستة امتياز ، تختلف الاعداد لكن النسبة شبه ثابتة اكثر من ٧٥% هم نواب وامتياز . الشغل الحقيقي أكتر من ٩٠% بقوموا بيهو الفئتين ديل .
الأخصائيين أغلب يومهم بين العيادات والشغل الخاص والمتابعة بالتلفون فقط وما بجيبم الا الشديد القوي والا من رحم ربي منهم!، وكذلك الاطباء العموميين لانو مافي طبيب عمومي حيكون عايش على مرتب الوزارة!
أول المتضررين من اضراب النواب هم الأخصائيين لانهم مضطرين يكونو قاعدين في حالة عدم وجود النواب ويقوموا بشغلهم البياخدو عليهو مرتبات!
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: عثمان الأمام)
|
والمتضرر الكبير من انو النواب ياخدو مرتبات مجزية وثابتة هم اصحاب المستشفيات الخاصة والأخصائيين الفيها!
كونو النايب لا ياخذ راتب بالتالي لازم يعمل في القطاع الخاص في بعد نهاية دوام الحكومة وأحيانا" على حساب زمن المستشفيات الحكومية مع انو عمل النواب في الخاص ممنوع حسب لوائح المجلس الطبي ، فيضطر النواب لعمل نبطشيات اضافية في الخاص بدراهم علهم يقدروا يطلعوا حق المصاريف والمواصلات!
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: عثمان الأمام)
|
قضية النواب قضية عادلة لا تحتاج لمزايدات عليها
إذا أرادت وزارة الصحة ان يقوم النواب بتغطية الطوارئ ومعالجة المرضى عليها أن توفر وظائف ومرتبات للنواب مقابل هذه الخدمة
والا عليها ان تلزم منسوبيها البياخدو مرتبات من الأخصائيين والعموميين بتغطية الطوارئ والقيام بعملهم الذي ياخذون عليه مرتبات.
من المفارقات حتى منسوبي الصحة من الأطباء ليس لديهم تأمين طبي وعليه أن يدفع من جيبه الخاص في حالة المرض وقبل فترة قصيرة
مرضت إحدى الطبيبات وكانت فاتورة علاجها بالمليارات وللأسف تم دفع فاتورة علاجها بالمساهمات عبر قروبات الأطباء بالداخل والخارج!
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: عثمان الأمام)
|
لجنة الأخصائيين:
على مر تاريخ الأطباء وإضراباتهم ومطالباتهم بحقوقهم كان الأخصائيين والاستشاريين او ما يعرف بكبار الأطباء هم اول من يتصدى للأطباء بالتهديد والخذلان وبكونو أول خط دفاع للوزارة ضد الأطباء حتى صارت جملة إضراب صغار الأطباء وحقوق صغار الأطباء موجودة في كل مطالبات الأطباء الشرفاء.
ليس حبا" في الوزارة وليس بغضا" في باقي الأطباء لكنها المصلحة!
عاوزين يكونوا مدراء مستشفيات والشغل ماشي, وعاوزين يأخذوا مرتبات من الوزارة وبقية الأطباء يقوموا ليهم بشغلهم, وعاوزين أغلب يومهم يكونوا في عياداتهم الخاصة والمستشفيات الخاصة يلقطوا القروش والمساكين ديل شغالين ليهم في المستشفى!
عشان كده اول ما يبدأ الإضراب طوالي تسمع لجنة وساطة من الاخصائي فلان والاستشاري علان الا من رحم ربي!
وعاوزين النواب يشتغلوا ليهم ومعاهم في المستشفيات الخاصة بالملاليم وهم يقبضوا في الملايين!
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: عثمان الأمام)
|
أول من رفض إعطاء النواب حقوقهم كان للأسف بروف شاكر الزين بل قدم استقالته من رئاسة مجلس التخصصات الطبية رافضا" للقرار (6) الأصدرو وزير الصحة السابق د أكرم في سابقة تعجب لها أغلب الأطباء والغرض من الاستقالة كانت للضغط على مجلس الوزراء لإقالة دكتور أكرم واهو دكتور أكرم تمت إقالته وقريب الخمسة شهور والوزارة ما عارفة تسدها من وين ولا وين!
سكرتير لجنة الاخصائيين طبعا" هو د علاء نقد أول الناس العملو فتنة في وزارة الصحة لما تمت إقالته! وأول مسؤول في الوزارة كتب مقال مثير للضحك الغرض منو تحميل الوزير السابق فشل الوزارة وبعد نجاح المخطط صار مدير إبن سيناء ومنها مدير مستشفى ام درمان وفي عهده أول مرة يضرب أطباء طوارئ مستشفى أم درمان وتقفل الطوارئ بالضبة والمفتاح (ما حصلت حتى في عهد الكيزان)
وهو مبتدع نظام العقودات المجحفة للأطباء وحتى العقود دي للآن لم يتم تنفيذها!!
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: عثمان الأمام)
|
إصرار نواب الاختصاصيين على الاضراب والتصعيد للانسحاب من الطوارئ غير مبرر!!
جاء ذلك الانسحاب على الرغم من العديد من المفاوضات والاجتماعات بمجموعة مبادرة الاضراب بوجود
وزير الصحة الاتحادي و رئيس مجلس التخصصات الطبية وتوقيع مندوبهم بالامس الخميس 3/12/2020 على
مسودة التفاهم ورفع الاضراب ولكن يبدو ان الاضراب كان غاية وليس وسيلة في أيدي بعض الاخوة الاطباء!!
وسيلة وليس غاية!!
بيان لجنة الاستشاريين والاخصائيين المخزي.
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: عثمان الأمام)
|
تحياتي د. عثمان ...
المضحك والمبكي في البلد دي هو لعفسة الاختصاصات ...
الفهم شنو انو وزير الصحة لازم يكون دكتور ومدير المستشفى
لازم يكون دكتور واي وظيفة إدارية كبيرة لازم يملاها دكتور؟
الطب والإدارة لا رابط بينهما ... إتأكد من سبهليليتك إذا ما عارف
تفرق بين مهمة الدكتور ومهمة الإداري ... المهنية والاحترافية
تحتم التفريق بين الدكتور المهني والإداري المهني ... يعني مدير
او وزير دي حقت خريجين .admin او من تلقوا كورسات كافية
في الإدارة ومن نجح من الدكاترة او المهندسين في وظائف
الإدارة هي محض صدفة ولا تمت للإحترافية بأي صلة ...
هسع اللخبطة الحاصلة في البلد دي سببها الرئيسي هو عدم
الإحترافية دي واللي حصل في وزارة الصحة مثال صارخ
جدا ... وعلى ذلك قس كل الخيبات الحاصله في البلد ...
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: Salah Zubeir)
|
النديك الملاحظه دي يا دكتور ...
في سنة ١٩٥٦ خرج المستعمر وترك إنجازات
رئيسية في البلد مثال ذلك عدد ٢ كبري حديد
بين الخرطوم - امدرمان والخرطوم - بحري
وترك مقترح ودراسة لكبري بين امدرمان - بحري ..
اليوم في ١١ كبري تم إنجازها جميعا في عهود
عسكرية ... عبود (بدأ العمل في كبري شمبات)
نميري (بري او كوبر) وما تبقي في عهد البشير ...
الفترات التي حكم فيها ديمقراطيا كان الإنجاز
صفر كبير جدا ... بعيدا عن السياسة ماهو سبب
نجاح العساكر في الإنجاز وعدم نجاح السياسيين؟
الضباط العسكريين تلقوا جرعات إدارية مكثفة
جدا ابتداء من الكلية الحربية وحتي وصوله
لكلية القادة والأركان ... عشان كدا (كل)
الإنجازات الحصلت في جميع أنحاء السودان
تمت في عهود عسكرية (او شمولية للمناضلين)
دا السبب (الفني) لهذه الإنجازات تاني بعيدا
عن السياسة ...
قبل سنة او اقل وبعد قيام حكومة الثورة
جمعتني الظروف بأحد العسكريين الكبار
خارج مستشفى علياء في جلسة ونسة
وسألته عن مشروع بناء غرب المستشفى
وخارجه وبه كمية من الونشات ... قال لي
دا مشروع المفروض يفتتح في بداية ٢٠٢١
تعال بعد ١٠ سنوات سوف تلقى نفس
المنظر ... وتابع الملكية ديل ناس نضم بس ...
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: Salah Zubeir)
|
Quote: الطب والإدارة لا رابط بينهما ...إتأكد من سبهليليتك إذا ما عارف
تفرق بين مهمة الدكتور ومهمة الإداري ... المهنية والاحترافية
تحتم التفريق بين الدكتور المهني والإداري المهني
|
هلا صلاح الزبير
كلامك فيهو شيء من الصحة لكن ما كلو !
طبعا" من غير المنطقي ومن السبهللية مثلا" تجيب ليك أخصائي جراحة ولا أخصائي أطفال وتتوقع يكونو بعرفو في الادارة! لكن زي ما قال مولانا حافظ حاليا" في تخصصات طبية ادارية وادارة العمل الصحي من صميم التخصصات دي
فما ممكن تقارنم بنفس درجة اداري عادي!
ده غير انو النظام الصحي عندنا محتاج عشرات السنين عشان يكون في نظام واستدامة و ميزانية وقوانين واضحة بعد داك التسيير زي ما قال احمد محمد عمر يمكن ما يحتاج الا لي روبوت أو برنامج على الكومبيوتر.
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: Salah Zubeir)
|
Quote: الطب والإدارة لا رابط بينهما ...إتأكد من سبهليليتك إذا ما عارف
تفرق بين مهمة الدكتور ومهمة الإداري ... المهنية والاحترافية
تحتم التفريق بين الدكتور المهني والإداري المهني |
يا باشمهندس ما تبني أحكامك على الأشياء من منطلق جهلك بها.
القيادة والإدارة واحدة من الكفاءات التي يستهدفها أي منهج تعليمي طبي من مستوى البكلاريوس إلى مستوى التخصص.
فالقيادة والإدارة في مجال الصحة واحدة من مهام الدكتور المهني المحترف.
وطبعاً مهنيتك وإحترافيتك كباشمهندس تحتم عليك إنك ما تغالطني في الموضوع دا😝.
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: Hafiz Bashir)
|
| Quote: فالقيادة والإدارة في مجال الصحة واحدة من مهام الدكتور المهني المحترف. |
اوف بوينت يا مولانا ...
مافي مقارنة بين إداري محترف ودكتور او مهندس إداري ...
هسع في أمريكا دي كم دكتور شغال مدير مستشفى وكم
دكتور وزير صحة؟ أي زول مرق بره وشايل نفس فهم ناس
جوا فليعيد النظر تاني ... وعموما المهندس مهندس والدكتور
دكتور والإداري إداري ... ما المفروض أي واحد فيهم يلبس
جبة التاني ... وكلو زول ينجض شغلتو عشان نطلع من الحفره
النحنا فيها دي ...
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: Salah Zubeir)
|
Quote: إداري محترف ودكتور...ورجغ ورجغ ورغ... وعموما المهندس مهندس والدكتور
دكتور والإداري إداري |
الدكتور ذاتو إداري محترف والإدارة جزء من مهنته كطبيب
في تخصص إسمو Health Administration او Healthcare Administration او Healthcare Management
صحي التخصصات دي ما للأطباء فقط ولكنها تخصصات تتطلب دراسة سابقة ذات علاقة بالصحة بشكل عام وهي بدأت كجزء من ال Public health.
التخصصات دي شحيحة جداً في السودان وما موجودة.
لو المفاضلة بقت بين المتخصص في إدارة الأعمال العامة والطبيب في إدارة المستشفى او الوزارة فأكيد الأقرب هو الطبيب.
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: Hafiz Bashir)
|
يا صلاح أنا زمان اتناقشت مع عميد كلية الحاسب قلت ليه الإدارة دي تصاديق وتوقيعات وشغل ورقي ما شايف إنه بحتاج لدكتور كمبيوتر عشان يعمله
وتعيين الفنيين في الوظائف الإدارية بخصم من الكلية كفاءات هي محتاجة ليها في حين إنه في ناس تخصصهم الإدارة وهم أقدر على التنظيم والعمل الورقي
فرد لي لو عميدك خريج إدارة هنا وجبت ليه طلب جهاز موقع من رئيس القسم تفكير العميد الإداري حيكون في مبلغ الفاتورة وإنه ممكن نجيب حاجة أرخص
تقول ليه دة لي مشروع تخرج بقول ليك خلاص خلي الطالب يشتغل مشروع تاني
ما حتتوقع منه نهائياً إنه يفهم القيمة العلمية للجهاز لأنه دة ما تخصصه ولا حاجة بيقراها في مقال .. وحيناقشك بعقلية السوق وليس العلم
عشان كدة وجود المؤهل أكاديمياً بخصم من الساعات التدريسية لكن بيضمن القيمة الأكاديمية لكل الساعات البدرسوها باقي الأساتذة.
هل كلامك دة ممكن؟ إنه يكون مدير المستشفى ما طبيب؟
نعم ممكن .. لكن ما في السودان
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: أحمد محمد عمر)
|
Quote: ورجغ ورجغ ورجغ ورجغ ورجغ ورجغ ورجغ ورجغ .......
Health Administration او Healthcare Administration او Healthcare Management
صحي التخصصات دي ما للأطباء. |
Quote: لكنها تخصصات تتطلب دراسة سابقة ذات علاقة
بالصحة بشكل عام وهي بدأت كجزء من ال Public health.
التخصصات دي شحيحة جداً في السودان وما موجودة.. |
حتى لو عمل MBO بعد الطب برضو ما ممكن تقارنو
بالمتخصص في الإدارة. الإلتزام بالتخصص في أي
مؤسسة هو اقصر الطرق للنجاح ...
Quote: ورجغ ورجغ ورجغ بين المتخصص في إدارة الأعمال العامة
والطبيب في إدارة المستشفى او الوزارة ورجغ ورجغ ورجغ |
يا احمد
اشتغلت في مؤسسة فيها قريب ١٠ ألف موظف من جميع
التخصصات نوع مديرا بسموهو CEO ودا هو الإداري (المدير)
المعين من قبل الملاك ... تحتو في مدراء متخصصون
في كل ما يهم إنتاج الشركة من جميع التخصصات وديل هم
البحددو ميزانيات المؤسسة بتنصرف وين ...
Quote: هل كلامك دة ممكن؟ إنه يكون مدير المستشفى ما طبيب؟
نعم ممكن .. لكن ما في السودان |
والله يا احمد سنة ١٩٨٥ مستشفى الرويس في إمارة
أبوظبي والتي كانت تشغل من قبل شركة بريطانية
اسمها Allied Medical كان مديرا خواجا عنقالي
إداري لغاية ١٩٩٥ ... المستشفى في تلك الفترة يضرب
به المثل في كل الإمارات السبعة ....
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: Hafiz Bashir)
|
أيوة يا صلاح الكلام دة ممكن يحصل في أي بلد فيها مؤسسية بحيث إنه المدير يشرف على إدارة نظام موجود مسبقاً
نحن في السودان أي مدير بيجي بيشرع براهو وأهم حاجة يلغي قرارات المدير اللي قبله ويستبدل الطاقم بالكامل بشلة فاسدة جديدة غير الفاسدة القديمة ويعمل سياسات فاسدة جديدة كتصحيح لفساد المدير القبلو وشلته
يا صلاح أنا اشتغلت في السودان كتير .. والله العظيم مدير خدمات ممكن يوقف ليك الشغل سااااااي كدة مزاج .. يركن ليك الورقة وكل ما يتصلوا بيه يقول شغال في ترتيبات
فالمدير يا عزيزي عندنا بتصرف بي مزاجه وأفضل حاجة يكون من نفس المجال وعارف تبعات مزاجه كويس
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: أحمد محمد عمر)
|
| Quote: ويستبدل الطاقم بالكامل بشلة فاسدة جديدة غير الفاسدة القديمة |
حكى لي أحد وزراء الإنقاذ السابقين والذي قضى حوالي
٦ أشهر كوزير أن كل الوزارات والمصالح الحكومية لا
تعبأ كثيرا بما يسمى هيكل وظيفي او توصيف وظيفي
وان كل علوم الإدارة والخدمة المدنية تم الاستغناء
عنها بي بعض الموظفين او مراكز قوة تعمل جميعها
لمصلحة الوزير او المدير الذي يجلس على قمة تلة
الكوشة ... وحين حاول تصحيح هذه الأوضاع تم
التخلص منه بمعاونة عدة جهات وعلى رأسهم
رئاسة الجمهورية ... ومن ضمن ما قال أن الخدمة
المدنية في السودان لن تقوم لها قايمة إلا بانتداب
خبراء HR من خارج السودان لهيكلة الوزارات وتعليم
الموظفين التراتيبية الوظيفية ووضع التوصيف
الوظيفي لكل وظيفة ووضع القوانين الملزمة
للمحافظة على تشغيل ديوان الدولة ... إلخ
هسع شوفو الفهم المعكوس لمجلس التخصصات الطبية
والذي من المفترض تكون جهة مسؤولة فقط عن منهج
تدريب الأطباء وتحرص على أن يتم التدريب في جو
صحي ومعافى لفايدة متدربيها ... وهي ليست جهة
مخدمة للنواب فماذا يضيرها لو تم تسكين النواب في
وظائف وزارة الصحة للدرجة التي يتحدى فيها رئيس
التخصصات بالاستقالة إذا تم التسكين ... وقد فعل ...
ومن ناحية وزارة الصحة التي تعي تماما مدى أهمية
هؤلاء النواب للتشغيل اليومي لكل مستشفياتها ...
أليس من أوجب واجباتها تسكين هؤلاء النواب في
وظائف محترمة للمحافظة علي تشغيل هذه المستشفيات ...
بعدين منو في السودان او برا السودان بيطالب بدفع
تكاليف تدريب المتدربين ما لم تكن الجهة التي تستفيد
منهم بعد التدريب ... مع إنو البيعملو فيهو النواب ليس
تدريبا فقط وإنما تحمل كامل مسؤولية المرضى ومن النادر
جدا تدخل الأخصائي (المدرب) ...
#البلد ما عندها وجيع#
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: Salah Zubeir)
|
Quote: كل الوزارات والمصالح الحكومية لا
تعبأ كثيرا بما يسمى هيكل وظيفي او توصيف وظيفي
وان كل علوم الإدارة والخدمة المدنية تم الاستغناء
عنها |
سلام
قوام نسيت ان أمير الجماعة المتحكم فيهم قد يكون هو غفير المنشأة؟
و أن مامون حميدة و أبوقردة أغلقوا أقسام المستشفيات الحكومية لمصلحة
مستشفياتهم الخاصة التي يعمل بها الأطباء بملاليم؟
علماً بأن النواب يدفعون معظم تكاليف علاج المرضى الفقراء في المستشفيات
الحكومية؟ و إذاا أغترب أو هاجر النائب/ة فهو يرسل مساهمته سنوياً في علاج
المرضى. و مع ذلك يتعرض الطبيب للعنف بسبب قصور النظام ،كل دا بدأ ايام الكيزان طبعاً.
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: نعمات عماد)
|
زمان كنت شغال عملي مع طلاب مشيت المعمل لقيت الطلاب برة ومدير المعامل خاتي كراسي قدام المعمل بتونس فيها مع أصحابه وطابل 3 معامل قال فيها صيانة!
سألته الشغال صيانة منو قال لي بنشتغل أنحن لما نلقى زمن
طيب ممكن نشتغل في الأجهزة الما مفكوكة؟ قال لي مافي طريقة لمن تنتهي صيانتنا بنكلمكم
مدير المعامل خريج مدرسة صناعية ماخد كورس كم شهر في معهد كمبيوتر
مؤهلاته إنه أخو زوجة العميد .. والعميد المؤهل بتاعه إنه منتمي لحركة مسلحة اتصالحت معاها الحكومة وسكنته في التعليم العالي في الوظيفة دي
لما كلمنا رئيس القسم بإنه الطلاب كدة ما حياخدوا المعامل مشى اشتكى للعميد واتصل بسعادة مدير المعامل ثم ببساطة قال ليه لما تنتهي الصيانة اشتغلوا معاملكم هسة اشتغلوا نظري!
مدير المعامل سكرجي كل ما يلقى نفسه مفلس وما عندو حق الشربة يرفع ليه هارديسك ولا كيس كامل يمشي يفكو في السوق يسكر بيه
بعد حن علينا قريب نهاية الفصل وفتح المعامل اكتشفنا إنه المعمل الكان فيه 30 جهاز بقى فيه 10 والباقي أسلاك ساي
الوضع البتكلم ليك عنه دة استمر زيادة من سنة .. الفني الما فاهم ألف باء الصيانة دة كل ما يحكم مزاجه بقفل المعامل ويمشي وزول واحد بقدر يتكلم مافي
عارف انتهى الوضع متين؟ بعد الحركة المسلحة رجعت الغابة تاني
فجأة كدة ناس الأمن الاقتصادي اكتشفوا إنه العميد فاسد مالياً وسجنوهو .. وكل الفريق الجايبه معاهو من حلته واللي كانوا ماسكين كل الموارد قدموا استقالاتهم ورجعوا أهلهم حتى ياداب أعلنا استقلال الكلية من داخل البرلمان أقصد المعامل .. والله جد
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: أحمد محمد عمر)
|
لينا أجر المناوله ونتعشم تنقلب ل المديده حرقتني ...
يالا يا حمودي أكشنها ... يا شبح ...
Quote: Abubakar Ahmed Abbas
ما في زول تعبني في المنبر دا زي الشبح أحمد محمد أحمد عمر أحمد دا!
تقول جيت بالمواصلات والحافلة تعطلت، ينط ليك نحن برضو زمان ركبنا حافلة الشاسي بتاعها انكسر جنب كبري حاجة عشة ونزلنا ربطناها بحبل
وبعد طلعت الشارع الحافلة عفصت ليها قمرية، سيد القمرية اشتكانا لناس لجان المقاومة، وست الشاي قالت إلا تدفعوا، دفع لينا ولد لابس سيستم
|
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: Salah Zubeir)
|
أبوبكر أحمد عباس
أوسكار
كان تكتب :
كنا ماشين جنوب الجزيرة
وسير المروحة بتاع البص إتقطع
وقام سواق البص قال أي زول عنده تكة يدينا ليها
نربط بيها المروحة لغاية ما نصل المدينة عرب
وبعدين نتصرف....
يقوم أحمد ينط و يقول ليك
الخريف الفات كنا ماشين سنار
التنك بتاع الغربية طار
قام سواق اللوري قال جيبو لباساتكم
نسد بيها فتحة التنك لغاية مانصل سنار ونتصرف
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: Salah Zubeir)
|
Quote: يا عثمان، سلام،
ليش نواب الاخصائيين ما ياخدوا قروض من البنوك يتموا بيها دراستهم دي؟
كيف يعني الدولة تدفع ليهم مرتين؟ مرّة لدراسة الطب؟ وتاني تدفع ليهم للتخصص؟!
القروش دي أحسن تزيد بيها مرتبات الاطباء العموميين والامتياز عشان ما يمشوا يفتشوا شغل إضافي.
ما عندك مقدرة مالية، ما تتخصص، دي ما شغلة الدولة، تتعلم في مرضانا وتشيل قروش كمان؟!!
بعدين لمان تبقى أخصائي قاعد ترحم المرضانين ديل؟!
تدفع بس |
هلا بالمستنير
أنا ناوي في البوست ده اتناول كل ما يخص قضية النواب وفي طرف تالت وهو مجلس التخصصات وده حأتكلم فيهو بعد
نخلص من شلة وزارة الصحة .
للمعلومية النواب بدفعوا رسوم سنوية لمجلس التخصصات حوالي 20 مليون في السنة وقابلة للزيادة طبعا" ده بالاضافة لرسوم الامتحانات ورسوم بعض الكورسات المطلوبة ومصاريف البحوث للتخرج!
أما بالنسبة لوزارة الصحة الاطباء العموميون الأخصائيين ما بيقدروا يغطوا شغل النواب ولو أدوهم 10 اضعاف مرتباتم الحالية لانها ما بتعمل حاجة لو ما اشتغلوا في القطاع الخاص لانهم ما مجبورين أقرب تذكرة ويعيش معزز و مكرم في أي دولة تانية. الفئتين المجبورين يضحوا هم الامتياز والنواب و وجودم في المستشفيات الحكومية مضمون لو اديتم حقوقم .
| |
|
|
|
|
|
|
|
|
|
Re: قضية نواب الأخصائيين و شلة وزارة الصحة,,, (Re: أحمد محمد عمر)
|
الحمد لله
انا ساكن مقابل طوارئ الامتياز (الاكاديمي)
اصبح الموت بالنسبة لي عاديا جدا , يوميا اشاهد مرضى يموتون امام البوابة لان المستشفى مقلق ,,
افكر في اطباء متطوعين ياتون من بقاع الدنيا لعلاج الناس في بلدنا تطوعا (قبل اقرء البوست ده كنت فاكر دكاترة ما انسانين)
اها نحكي ليكم عن البحثل قدام عيني يوميا ,,, دكاترة ما عندهم كافتريا ولا استراحة بجوا يتجمعوا قدام ستات الشاي (حتى في زمن الكرونا)
وبيجوا ياكلوا سندوتشات طعمية ومرات بعضهم بشربوا عصير ,, اغلبهم بدين من طبليات السجائر سجائر رصيد نقدية بسيطة ,,
(طبعا في نوعية بتجي بعربات فارهة ولبس فخيم ,, طلبة مامون حميدة) ,,,,
ده حال الدكاترة البشوفهم ,,
الملاحظ الثانية المستشفى ده فيه كمية من الامن كبيرة (اقصد حماية المستشفى) يعنى في الباب بكون 5 اقل شي
الماسك النظافة كانت شركة لكن الان ماسك مقاول اثيوبي ,,, اها النظافة دي كوم براهو لم يغسلوا صالة الطواري
الموية تمشي الشارع مباشرة للخور القدام بيوتنا ليه (لان المقاول ما عمل مصرف داخل الصالات لتصرف في البيارات)
ام بيارة الصرف الصحي فهي دائما طافحة رغم انها غير مرتبطة بالصرف الصحي (بيارات نظام شفط )
نجي لمصيبة تانية ,,, مع تقفيل المستششفيات والاسعاف الخصوصي (بتاجر اقل مشوار ب نصف مليون)
المستشفى مقفولة ورغم ذلك كل نص ساعة تاتي عربات الاسعاف لتوصيل مرضى (ليخبروا بان المستشفى مقفولة)
بتاع الاسعاف ما قرب الطواري يرفع صوت المنبه لاعلى سواء كان ليلا ام نهارا (نظام وصلنا) مع ان في قانون المرور ممنوع استعمال (البوري جنب المدارس والمستشفيات)
اها المستشفى لم كانت فاتحة تنزل مريضك من الاسعاف بنفسك (التخصص الاساسي هنا عظام) تكوم في يدينك او تشحت كرسي من ستات الشاي او تشيل سرير (باجر سرائر جنب المستشفى للمرافقين ينوم فيها)
لا بجيك ممرض ولا واحد من الحارسين بوابة المستشفى ,يوريك الطريق الصحيح لحمل المريض ,,
اها ده كوم والحاقول ده كوم ,,,
قبل يومين بحكوا لي ان 3 من اولاد الحي (لجان مقاوم وخدمات) تم اضافتهم في مجلس امناء المستشفى ,, استغربت
قلت ليهم مجلس امناء عديل كده اكدوا لي ما صدقت سالتهم شخصيا اكدوا لي ,,,
ما عرفت اقول شنو (التم اضافتهم لمجلس الامناء ديل شباب وليس لهم سابقة عمل في مؤسسة حكومية او خاصة)
اها دي يا ها الادارة في السودان ,,,,
| |
|
|
|
|
|
|
| |
محمد الأمين موسى
عبدالعظيم عثمان
Salah Zubeir
Hafiz Bashir
نعمات عماد
عمر التاج
محمد المسلمي
عمار عبدالله عبدالرحمن
فيس بوك
تويتر
انستقرام
يوتيوب
بنتيريست