|
|
|
 Re: قرار والي الخرطوم بمنع تزويد الوقود لسيار (Re: محمد البشرى الخضر)
|
طيب عزيزي البنبرجي المعلم, هل طالعت نص القرار؟ هل لجأت لمنصات ولاية الخرطوم الاعلامية الرسمية لقراءة نص القرار وفهمه, أم اكتفيت بما جاء في الواتس و الفيس و طفقت تبنبر!
عزيز بشاشا قارئ البوست و قبل ان تبنبر انت برضو! و تنعل سنسفيل بلادة القرار ما رأيك أن تقرأ نص القرار كما صدر:
هل لاحظت الفرق عزيز بشاشا القارئ!
نص القرار يقول بدون لوحات - كدا على اطلاقها - دون تحديد اسم اي ولاية
وهذا القرار بصورته الحالية قرار سليم و إن كان الأصح ليس منع تزويد من لا يحمل لوحة بالوقود بل منعه حركته اصلا و تغريمه وتفعيل المتابعة
مركبة بلا لوحة هذه مخالفة جسيمة لأي من الانظمة المعروفة بل مشروع جريمة
| |
  
|
|
|
|
|
|
|
|
Re: قرار والي الخرطوم بمنع تزويد الوقود لسيار (Re: محمد البشرى الخضر)
|
أها احد الخبثاء سبق نشر صورة القرار و كتبه كنص و اضاف عبارة ولاية الخرطوم بعد كلمة لوحات!
و القصد طبعا معروف اثارة المشاعر والفتنة و تهييج الناس على الوالي المدني بل وعلى كامل الحكومة المدنية!
و طبعا معشر البنابرة لا وقت للتأكد أو حيل قبل ممارسة البنبرة المجيدة
و خاصة أن الأمر نشر في الواتساب حيث المصادر المطلعة و المأذونة كالمصدر الشهير أدناه
| |
|
|
|
|
|
|
|
|
|
Re: قرار والي الخرطوم بمنع تزويد الوقود لسيار (Re: عبدالحفيظ ابوسن)
|
| Quote: قريتو في اقوال الصحف زي عنوانك |
بالله يا قريبك هو اتكتب كدا في الصحف! أكان كدا البنابرة ليهم حق!
صراحة مستوى مهنية الصحف فيه جلطات تحيرك, صحيفة التيار كتبت على لسان صديق يوسف ترشيح سلك و الاصم لوزارات, صديق يوسف نفى و الاصم نفى و الاصم طالب الصحيفة بتوضيح من اين اتوا بهذا التصريح و عكلت رايحة او كتلوا الموضوع بيناتهم دون احترام لعزيز بشاشا القارئ!
و طبعا اللايفاب يعجبوك عرضوا زيييين في الموضوع و نزلوا شلفطة في سلك و الاصم و تشريح و تبيان عدم اهليتهم للمناصب المزعومة!
لكن الطامة الكبرى كانت في نشر سونا لبيان منشوب لاعلام القضائية على لسان رئيسة القضاء في موضوع تأخير تنفيذ الحكم الصادر بحق قتلة الشهيد بإذن الله احمد الخير, وصدر بيان من اعلام القضائية ينفي لكن للأسف الموضوع وقف على كدا! - أو برضو لم ينشر للعامة ما ذا جرى فيه
جهتين حكوميتتين احداهما تكذب الأخرى و الموضوع يمر عادي, زي بيانات الصحة و المالية على عهد الوزيران السابقان برضو اخدولهم كيتة كدي كذبا فيها بعضهما و انتهى الموضوع و يظل القارئ في حيرة
مصيبتنا في المصدافية و اللفحي يعزوا فيها و الله, و الأدهى ان بعض من يتسمون و يصفون انفسهم بالاعلاميين يفتقدون الحس المهني تماما في تحري الاخبار او وزن منطقيتها قبل اللحاق بسوق السبق الصحفي و الاثارة
و الأمصب - من مصيبة - عدم مراعاتهم لأصول المهنية من مراجعة و اعتذار حين يتبين الخطأ أو عدم دقة الخبر.
| |
|
|
|
|
|
|
|
|
|
Re: قرار والي الخرطوم بمنع تزويد الوقود لسيار (Re: معاوية المدير)
|
ياخي النصيحة لله قرار غبي
كان العديل ولا كان المفبرك
ما دام عربية بدون لوحات حايمة البلد تفتش لي بنزين من شارع لي شارع في بلد قاعدة في السهلة لافيها مرور لا شرطة لا امن اقتصادي لا حرس حدود
ياخي ده كلام يمشي الوالي ده يجيب مرور الولاية ديل كلهم ويقول ليهم لو لقيت عربية حايمة بدون لوحات كلكم اعادة تاهيل مرة تاني
شنو المحطة ما تدي بنزين لعربية من غير لوحات
طيب لو المحطة ادت بنزين لي عربية من غير لوحات منو البعرف
ياخ اقول ليك حاجة
بنمشي نجيبو بي جردل
كمان بقول عايز لوحات للجردل
دي مصيبة شنو دي
| |
|
|
|
|
|
|
| |
محمد البشرى الخضر
ABUHUSSEIN
Hani Arabi Mohamed
عبدالحفيظ ابوسن
Ali Alkanzi
معاوية المدير
فيس بوك
تويتر
انستقرام
يوتيوب
بنتيريست