Quote: هل في زول فيكم شاف الفنان الكبير الاستاذ الدكتور عبدالقادر سالم لابس بدلة لونها ما ( بيجي )؟ اي جاكيت او بنطلون لابسه الدكتور لازم لونه بيج.. تقول مافي الوان تانية بس ياهو البيج دا هو في الزي السوداني مافيهو كلام.... لكن هو ما بشتري غير البيج
|
☆ما يمكن يابو حميد، لأنو الخُدرة السمحة الرويانة
دي ما في لون(يكسر ) حداقتا، إلا البيجي . فيبدو لي
و الله أعلم العبرة بلامن تكون مقتنع بإنك بتعمل في
شنو و كدا أبلغ و أهم مما لو فضلت رافع لافتة على
كتفيك بها خارطة طريق توضح إلى أين هي وجهتُك.
☆ ياخي لدرجة عندي شك زاتو في إنو مقولة :
" كُل ما يعجبك و ألبس ما يعجب الناس" دي زاتا
كضباشية طالقاها بيوتات الموضة و تصميم الأزياء
ناس كرستيان ديور و إيف سان لوران. ما لأنو ببساطة
-و دا من واقع خبرتنا بمجال المواصفات و صبط الجودة-
موفاتنا لما يأكل خلق الله، فيه و لو حد أدني من التزام
المعايير الصحية الماشية مع فطرة الله التي فطر الناس
علبها. بخلاف ما لو لبسنا ما يسر او لا يسر الناظرين؛ كلا
بل وقد يغيظ بعض الناس، فليس في ذلك من يضر ولا
ضرار بحق المارة في شيء يُذكر. و برضو نرحع تاني
نقول: "العديل رأي و اللعوج كُنجارة حتو رأي".