|
|
|
 Re: فى إحصائيات دقيقة :: اكتر من نصف الشعب ضد ا� (Re: النصرى أمين)
|
طبب جبت النسب دى وين يا نصرى؟
سؤال ممتاز نشكرك عليه ،
هناك عدد مقدر من الحسابات فى فيسبوك و تويتر عملت استبيان بهذا
الخصوص ؛ بعضها وصل عدد المشاركين بضع آلاف،
اى استبيان وقع فى عينى شاركت فيه بغرض معرفة النتيجة
دائما دائما نسبة المعارضين للخروج اكبر من المؤيدين..
و لو ربنا قدرنا ممكن نجيب اسكرين شوط من هذه الاستبيانات
| |
  
|
|
|
|
|
|
|
|
Re: فى إحصائيات دقيقة :: اكتر من نصف الشعب ضد ا� (Re: النصرى أمين)
|
مافي أي دقة هنا
اولاً مجتمع البحث هو رواد الفيسبوك وليس الشعب السوداني
ثانياً طريقة إختيار العينة هي طريقة غير إحتمالية وبالتالي لا تمثل مجتمع البحث لأنها معرضة لخطأ الإنحياز.
أقترح تفيير عنوان البوست إلى "في تقديرات غير دقيقة :: أكثر من نصف رواد الفيسبوك ضد الخروج يوم تلاتين"
😀😀😀
| |
|
|
|
|
|
|
|
|
|
Re: فى إحصائيات دقيقة :: اكتر من نصف الشعب ضد ا� (Re: Hafiz Bashir)
|
يا مولانا بالله ما تشكك فى هذا
العمل العلمى المحض.
النسب دى ما أهواء و لا مزاجات ،
بالمناسبة ؛؛هناك ملاحظة بخصوص التعبيرات بين الشعوب
نحن بنقول (الحاجة دى قلبى اباها)
الخواجات بدل القلب يستعملو مصطلح غريب و هو ال guts
وهو الكمونية ووالكرشه و الأمعاء. يعنى يقول كمونيتى و جلافيط بطنى ابت الحاجة دى
شكرا للمرور ولا للخروج فى تلاتين يونيو مع الكيزان
| |
|
|
|
|
|
|
|
|
 Re: فى إحصائيات دقيقة :: اكتر من نصف الشعب ضد ا� (Re: أحمد محمد عمر)
|
سلام عليكم
الكورونا اصلا وضعها سيىء وفى محاولات خرمجه وكلفته لتطبيع الحياه رغم توصيات وزاره الصحه فى خطاب بتاريخ 16 يونيو باجراءات اكثر تشدد. اضف لذلك اخر تقرير عن الحاله الصحيه كان ليوم الاربعاء التاخير فوق كم لو كامن حاله كويسه كان طلع بدرى بدرى ونقل العالقين توقف يعنى المعامل مششغوله فقط بما يرد اليها من حالات اشتباه .....هل الحالات عددها كبير ؟ هل مختلفين عن ابراز الحقيقه بين ضغوط السياسيين فى اللجنه العليا وبين الضمير واخلاقيات المهنه ؟؟ حتى قرار تمديد اسبوع وتطبيع الحياه دائر من فتره اسبوع تقريبا يعنى القصه ماقصه تقدير موقف (انيا) وانما قرار حيتنفذ كسر رقبه ولاعزاء للشعب الفضل وببساطه بعيد عن الموقف من الخروج فهى اصلا بائظه بايظه فاحسن الداير يطلع يطلع اصلو كان موت كورونا فهو بسبب فرض امر واقع بقرار حيجيب الموت للناس فى بيوتهم بعد تجوط اكتر من هى جايطه
.
فى استطلاع عاملاهو سونا للانباء موجود فى يويتيوب
| |
|
|
|
|
|
|
|
|
|
Re: فى إحصائيات دقيقة :: اكتر من نصف الشعب ضد ا� (Re: أحمد محمد عمر)
|
عندنا صاحبنا في قروب الدفعة كان ركاني أيام الجامعة
زول جهامة كدة طول في عرض وصوت عالي النوع البشتغل الأركان رجالة رجالة داك .. رغم إنه كادر مؤهل والله
أها لمن النقاش يجوط يفك ليك تسجيل بي صوته الجهوري داك مبين وجهة نظره بالأرقام الفردية الدقيقة وكلها بعبارة هل تعلم إنه عدد الاتحاديين في لجنة الصيادلة 27 نفر؟ وهل تعلم إنه روسيا لما انفصلت من الاتحاد السوفيتي سنة 1981 حرقو مقر الحزب الشيوعي في سيبيريا التقاطع؟ وهكذا
طبعاً هو زول حناك مع الثقة البتكلم بيها مافي زول براجع وراهو
أها أنا طوالي بشب ليه في حلقه بالأرقام القوقلية  ياخوي دقيقة ما تسوقنا بالخلا الأرقام دي كذا وكذا والتواريخ دي كذا والحادثة دي مافي زول مؤرخها قبل تسجيلك دة
مرة عمل لي تسجيل مخصوص حكى لي فيه نكتة الحنستو مرتو يسكر في البيت بدل يسكر مع اصحابه وقال ليها ديلك بونسوني قالت ليه بونسك أول ما كتح الكاس التاني قال ليها تتذكري أيام كنا في لندن؟ قالت ليه يا راجل انت من ولدوك ما طلعت من الحلة قال ليها ما قلت ليك ما بتعرفي تتونسي!
قال لي يا خوي نحن سنين الجامعة دي كلها شغالينها أركان نقاش بي حنكنا السنين دة فدحين داير تتحداني ما تقوقل .. انت أنجر ارقام من راسك وانا بنجر من راسي نشوف البصدقوهو منو
| |
|
|
|
|
|
|
|
|
|
Re: فى إحصائيات دقيقة :: اكتر من نصف الشعب ضد ا� (Re: أحمد محمد عمر)
|
هل تم تخصيص الإستطلاع للسودانيين فقط أم أنه كان مفتوح لكل الفياسة؟
السؤال للنصري
يا أبو حميد نوع العينة دي إسمها العينة الصدفية وهي نوع من العينات الغير إحتمالية (غير عشوائية)
عشان كدا أنا قلت أنها معرضة لخطأ الإنحياز.
أمسك في قصة الفيسبوك والسودانيين ديك قوي
أي حاجة تانية بوديك الكونية في نص البحر
| |
|
|
|
|
|
|
|
|
|
Re: فى إحصائيات دقيقة :: اكتر من نصف الشعب ضد ا� (Re: أحمد محمد عمر)
|
أنا حكيت ليكم بالترابزويِد؟
أيام الماجستير عندنا زميلنا قدامنا بدفع كتيرة كدة بعد التخرج مسك معامل كلية الدراسات التجارية وبقى حدو في الكمبيوتر كورس المقدمة والطباعة وهو مستكين للوضع دة لحدي ما دخل معانا الماستر
كنا بنمشي كلنا نقرأ في معامله هناك عشان بتكون فاضية بالعصر وهو طبعاً زول حناك وشراح دايماً بتولى الشرح
كان عندنا دروس حقة رياضيات بنشرح فيها وجاني تلفون .. طلعت من المعمل جيت بعد التلفون لقيتو ماسك الماركر وشغال يشرح ليهم في السبورة: ودة طبعاً فايروس خطير شديد ضرب أجهزة الجمارك الاسبوع الفات و....
قاطعتو طوالي قلت ليه انتو خليتو الرياضيات ولا شنو؟
قال لي لا لا بس الشباب ديل لاقاهم فايروس الترابزويد وما عرفوهو قلت أشرحه ليهم
قلت ليه يخييييييبك trapezoid يعني شكل شبه منحرف 
طبعاً الجماعة فقعوها ضحكة وهو ضحك أكتر منهم قال لي ياخي تدريس ناس التجارة دة بخليك أصلو ما تقول ما عارف تنجر أقرب حاجة من راسك وبتمشي فيهم
| |
|
|
|
|
|
|
|
|
 Re: فى إحصائيات دقيقة :: اكتر من نصف الشعب ضد ا� (Re: Asim Ali)
|
بكرة مع ابنائى وبناتى فى الشارع.
حيكومة ، لو كانت تخشى علينا من كوفيد ١٩ ، لكنت قد وفرت لنا دقيق الخبز حتى لا نزدحم امام المخابز مثل المتسولين.
ولكانت قد مشت خطوات فى تحقيق برنامج ثورة ديسمبر المجيدة من حق دماء الشهداء ، وهياكل الحكم الخ.
حيكومة ، تهددنا باندساس الكيزان وهى ببساطة لم تقرأ تاريخ الحراك الشعبى لثورة ديسمبر المجيدة جيدا ، متى بدأ ، كم شهر استمر ، وكم فعالية تظاهر حدثت فيه ، وكم عدد المدن التى شاركت ؟ ، وكيف اجبرنا ابن عوف على التنحى بعد البشير ؟ ، وكم استمر اعتصام القيادة ؟ ، فلماذا وبعد كل هذا يعنى يندسون ؟ ، وبالمصادفة فقط عند المطالبة بالجدية فى محاسبة انصار نظامهم وتحقيق شعارات الثورة ، ولا يندسون عندما خرجت الناس لاسقاط نظامهم شهور طويلة ويقومون بالتخريب وتفليق الحجارة وحرق المبانى الحكومية والخاصة ؟.
حيكومة ، حنينة ، خائفة علينا من كوفيد ١٩ ، وكوفيد الكيزان ، وهى لا تعلم اننا شهدنا عبر القنوات الفضائية تلك الحشود الضخمة ضد العنصرية فى دول معدلات الاصابة فيها والموت بالوباء ، اكثر عشرات المرات من بلدنا المنكوب.
فلا يمكن ان يكون ما حدث فى المدن الامريكية وفى باريس ولندن وفى ذروة البلاء ، رجل (بكسر الراء) ، وما سيحدث عندنا غدا ، كراع (بدون كسر او رفع).
لو المكون العسكرى اساسا ، لديه قلب وخوف على حيواتنا ، لكن قد تصدى لمجزرة تحدث امام بوابات قياداته العامة بالذات ولمدة نصف يوم كاملة ، لكنه حتى لم يعرف المنفذين (تأمل !).
نشكرهم ، محبى الثوار ، وما محبة الا من بعد عداوة ، نشكر اذاعة امدرمان الرسمية والتصريحات الرسمية الابوية ، والتى حذرتنا ان لا نترك للفلول فرصة خداعنا غدا بشراء حلوى والمضى بنا نحو خرابة ، حفاظا لو مؤاخذة على شرفنا الثورى ، والذى هو شرف العائلة بالضرورة.
والله ، والله ، والله ، والله .. هذا جيل راكب راسو ، هذه ال ٤% من الشعب سوف تقوم اعوجاجكم بحد تظاهراتها ، لا كوليرا .. لا كوفيد .. لا ايدز .. لا اغتصاب .. لا رصاص .. لا رمى فى النيل.
فهل تخافون على الثوار من فلول سقطت ، ام تخافون من الثوار على فلول لم تسقط بعد ؟.
غدا ، ضعوا اسلحتكم ورصاصكم (يا من تعرفكم ال ٤% جيدا ، وتعرفونهم) ، فلا تنتهى ثورة بانتهاء مراسم دفن الجثث ، بل تتقد.
اتركوا اليوم يعدى بسلام.
التحية للشهداء.
وغدا معكم فى الشوارع يا ابنائي وبناتى.
_ ان الذين احبوا روحهم ضيعوك
وبيعوك ، اعز ما ملكت يداك
اوعك تخاف
قوم اصحا ، قوم اصحا ، قوم اصحا
قوم اصحا ، فك الريق هتاف.
يا ربى لسه العصايات المكهربة ديك شغالة ؟ ، ولا مع ازمات قطع التيار الكهربائى وسد النهضة يكونوا باعوها ؟.
ربنا معاكم يا اجمل جيل مر على السودان ، ومن القائل ان البمبان ادمنوا صعب علاجو ، فقد صدق.
| |
|
|
|
|
|
|
|
|
|
Re: فى إحصائيات دقيقة :: اكتر من نصف الشعب ضد ا� (Re: shaheen shaheen)
|
أها اتفاجأتوا ولا لسة؟
من أمس المساء المسيرات مدورة
شارع الجزار مغلّق للآخر
ناس الفيسبوك أغلبهم مغتربين ما مكتويين بنار الأسعار وندرة السلع يعني يدهم في الموية
لكن ما بتقدر تقنع المواطن الما لاقي عيش ولا غاز ولا وقود وكل يوم بلقى الأسعار مدبلة ما بتقدر تقنعه بإنه يصبر لحدي نهاية الفترة الانتقالية وهو شايف الشغلة بقت تقسيم سلطة ومافي أي معالجة للمشاكل الحقيقية اللي من أجلها طلعوا الناس
| |
|
|
|
|
|
|
|
|
|
Re: فى إحصائيات دقيقة :: اكتر من نصف الشعب ضد ا� (Re: أحمد محمد عمر)
|
البدوي زاد مرتبات الحكومة
دة كل البعملوا وكأنه الشعب كلو موظفين في القطاع العام
القروش القدر يزيد بيها المرتبات 5 ولا 7 أضعاف دي لو حل بيها مشكلة القمح بس كان أفضل
وزير الزراعة كان عندو فترة كافية عشان ينتج قمح يكفي السودان ويتصدر ذاتو .. دة إذا كان عندو خطة اصلاحية جاهزة وما اتفاجأ بالوزارة
الناس حالياً بتشتري كيس العيش فيه 20 عيشة بي 100 جنيه .. دة إذا اتلقى
| |
|
|
|
|
|
|
|
|
|
Re: فى إحصائيات دقيقة :: اكتر من نصف الشعب ضد ا� (Re: shaheen shaheen)
|
الشارع يقول كلمته مجددا :يتمسك بتصحيح مسار ثورته ودحر الفلول!
ر غم الضنك وشظف العيش والنكسات وجائحة الكرونا , والتخويف ودعايات
أبواق الثورة المضادة !
رغم التحريض للإنقلابات والتخويف من الإنفلات الأمني - ومليشيات الكيزان
يخرج الشعب السوداني مجددا العهد للشهداء ومتمسكا بأهدافه ومطالب ثورته
وإستكمال مسارها مطلقا رسائل عدة :
- للشهداء سنقتص لكم ونحقق مطالبكم
-للحكومة المدنية أمامكم فرصة للمراجعة وتصحيح المسار والإنطلاق للأمام
- للمكون العسكري لن ننسي -نحن هنا -
- للفلول ومن يحلم بإنقلاب : جربوا الإنتحار وستجدو أضعاف هذه الجماهير
في مواجهتكم وسحقكم ومحوكم من خريطة الوطن
- إن أخفقت الحكومة فنحن بديلها ولاعزاء للفلول وربائب إنقرأ وإستانبول !
- للدول الإقليمية -راهنوا علي هذا الشعب وقواه الثورية وأنسوا القوي
المهزوزة وأهل الكهف الذين فقدوا السند والظهر الجماهيري
- للأصابع المرتعشة والأصوات المبحوحة الذين يقفون دوما في المكان والتوقيت الخطأ من حركة التاريخ - إذهبوا لكهوفكم ولمتاحف التاريخ فقد فقدتم
البوصلة والقدرة علي التواصل مع نبض الشارع !
| |
|
|
|
|
|
|
|
|
|
Re: فى إحصائيات دقيقة :: اكتر من نصف الشعب ضد ا� (Re: كمال عباس)
|
الطلعوا ديل جزء (متوسط) من الجموع التى يمكن ان تخرج اذا استدعى داع يهدد الثورة.
ملايين (ثورية) اخرى لم تخرج.(خطين تحت كلمة يمكن)
اعتقد الرسالة بهذه الطريقة اقوى و مباشرة خاصة للمكون العسكري.
مئات الآلاف خرجت امس و الملايين يمكن ان تخرج اذا استدعى داع.
| |
|
|
|
|
|
|
| |
Hafiz Bashir
Asim Ali
shaheen shaheen
Abureesh
كمال عباس
فيس بوك
تويتر
انستقرام
يوتيوب
بنتيريست