|
Re: فهيمة عبدالله موهبة ضخمة تستحق الرعاية (Re: Osman Musa)
|
الأخ عثمان. أداء رائع كالعادة.. وصوت جميل.. أما كلمات الأغنية فحدث ولا حرج، وارجو ألا تغنيها فهيمة مرة أخرى.. فالأغنية لا تستاهل فهمية.. يدوها أى واحد من البرينسات. كلامات ركيكة.. مافيها روح.. رص طوب فقط. وإيقاع الكلمات مشاتر. والمعانى متواضعة ومسطحة بدون أى عمق.
| |
|
|
|
|
|
|
Re: فهيمة عبدالله موهبة ضخمة تستحق الرعاية (Re: Abureesh)
|
الأخ ابوالريش سلام عنوان البوست فهيمة موهبة جبارة تستحق الرعاية. نعم . فهيمة بتمتلك صوت دهب وتحتاج رعاية ومجهود من الفنانين الملحنين والشعراء الكبار . زي ما شايف في برامج رعاية المواهب في القنوات الامريكية. الف شكر على المشاركة .
| |
|
|
|
|
|
|
Re: فهيمة عبدالله موهبة ضخمة تستحق الرعاية (Re: الزبير بشير)
|
أخونا وخليفتنا الزبير سلام وعيدك مبارك . ما تزعل لو قلتيك يا اخوي انو اضانك محتاجة ( رفريش) نياصة شنو يا شيخنا؟ بلاي حاول عيد الإستماع .،ويكون كويس لو شاركوك الاستماع الإخوان المعاك. كتير مرات تستمع لفنان وما تديهو إهتمام من المره الأولي. وبعد شوية تكتشف انو انت محتاج تسمعوا . الف شكر على المشاركة .
| |
|
|
|
|
|
|
Re: فهيمة عبدالله موهبة ضخمة تستحق الرعاية (Re: Osman Musa)
|
Quote: عنوان البوست فهيمة موهبة جبارة تستحق الرعاية. |
الأخ عثمان ما أظن أنا طلعت من موضوع البوست.. فأنت قلت تستحق الرعاية..ثم طلبت من الناس ينزله الأغنية.. وهذا يعنى (حسب رأيى المتواضع) رأيك فى الأغنية .. وأرى من رعاية السيدة فهيمـة حمايتها من أدعياء الشعر.. لا تهمنى الأسماء حتى لو الناس أعطوا جائزة أوسكار لشاعر الأغنية.. وكما تعلم لا أنظر للأسماء ولكن لما تكتبه الأسماء ولما أقرأ (أبيات شعر) مثل هذه (أدناه) طوالى أخت مخلايتى فوق كتفى واتخارج.
Quote: انت بالذات حقو تسكت الزمان ألمنا منك - تانى كيف نرجع نحبك |
أنت بالذات حقو تسكت.. اللهم لا إعتراض على حكمك.. تذكرت اركان النقاش فى السبعينات..
| |
|
|
|
|
|
|
Re: فهيمة عبدالله موهبة ضخمة تستحق الرعاية (Re: Osman Musa)
|
Quote: الأخ أستاذ علاء سلام اظن انو شاعرة الأغنية هي الشاعرة الجميلة نضال الحاج ... وبتخيل لي أنها من المديرية الشمالية ترعرعت بين الجزيرة وامدرمان . |
سلمات يا ابوعفان
انا قصدي فى نغمة ايقاع السيرة المصاحبة للاغنية من منطقة البطانة والفنانة اصلاً ليست من منطقة البطانة - ( والآلة دى بيسموها فى منطقة البطانة وفى سهول كردفان الربابة وفى الشمالية فى مناطق الشايقية والنوبة بيسموها طمبور )
Quote: يا أخ أستاذ علاء شنو السبب المانع الموهبة فهيمة أنها تتعاون مع ملحنين وشعراء كبار ؟ مع التحية |
الاجابة عند فهيمة يا ابوعفان .
| |
|
|
|
|
|
|
Re: فهيمة عبدالله موهبة ضخمة تستحق الرعاية (Re: علاء سيداحمد)
|
الأخ ابوذر سلام بلاي شوف ضخامة الإمكانيات في برامج غناء،المواهب في أمريكا و UK و استراليا استديوهات عجيبة ورعاية من فنانين ليهم مكانة في قلوب العالمين. متين أمثال فهيمة تلاقي دي يد تمسكها الطريق الارحب. وبتخيل لي موهبة فهيمة أكبر كتير من أنها تقيف في حد الربابة .
| |
|
|
|
|
|
|
Re: فهيمة عبدالله موهبة ضخمة تستحق الرعاية (Re: Osman Musa)
|
تحياتي الحبيب عثمان و كل المشاركين
لأخينا كباشي الصافي (كانتونا) عليه الرحمة و المغفرة، له مقولة مشهورة "العوج راي و العديل راي"
أنا رأيي من رأي الأخ الزبير انو امكاناتها ضعيفة جدا و نياصة و تغني دائما في خط مستقيم يشبه تلحين أناشيد المدارس
تحياتي مجددا ...
| |
|
|
|
|
|
|
|