ما كنت بعرف اعمل غير قهوة النسكافية علاقتي بالمطبخ كانت معدومة لكن الدنيا ياما توري و الدهر ياما يقري
و في سعيي لتغيير مفهوم انو المطبخ ليس حِكراً على فئة معينة , دي طبخة حالية سريعة خلونا نبدا بيها و بعدها ندخل في شغل تاني مكرونة بي الصوص الطريقة .. نسلق المكرونة نختها على الجنب في حلة تانية او طوة كبيرة نعمل الصوص ملعقة صلصة .. بهارات .. توم و شطة خدرا و على الفرن او من غير فرن حتى في الفرن ما بتاخد اكتر من عشرة دقائق قبل العشرة دقائق ممكن تخت فيها طماطماية بالشكل دا
https://top4top.io/
04-02-2020, 01:08 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10380
الطريقة الأمثل و الاسهل لعمل عصير الافوكادو بالحليب و العسل و المسكرات او بغيرها و ممكن يكون خفيف كمشروب و ممكن يكون تقيل ذي الايسكريم و نبتة الافوكادو تصلح للطبخ و للسلطة و كعصير حاجة كده تنفع لأي حاجة , حتى التجميل , في نبتة الافوكادو اكثر من 15 فائدة صحية و تجميلية من خمسة يوم جبتا الأوفوكادو اخضر و بكون محتاج لي اربعة او خمسة يوم عشان يبقى لونو براون و بعدها ببقى جاهز عشان يكون عصير بالحليب و العسل العادي الموجود في البقالات للعصير بنكون محتاجين لداخل القشرة و بي الملعقة عادي ممكن نقشفا و نختها في الخلاطة مع الحليب و العسل .. و بالهناء .. محبتي https://top4top.io/ https://top4top.io/ https://top4top.io/ https://top4top.io/
04-02-2020, 08:05 AM
عمر نملة عمر نملة
تاريخ التسجيل: 11-08-2009
مجموع المشاركات: 2550
سلام ومحبة يا هندسة...بعد سلق المكرونة ويفضل 3/4 استواء.. حمر لحمة مفرومة. . وابشر بصلة.. ثم صلصة.. وطماطم مبشورة. و شمار اخضر . ثم في حلة منفصلة اعمل 5 ملاعق زيت مع 5 ملاعق دقيق وقلبهم وقبل ما يتغير اللون أضف حليب بالتدريج مع استمرار التقليب حتى يصبح القوام زي النشا.... جيب طاسة في قاعها بشميل.. ثم مكرونة ... ثم لحمة مفرومة.. ثم بشمل ثم لحمة ومكرونة مخلوطات ثم بشميل... دخل الفرن. . وبعد ١٥ د أضف الجبنة المبشورة...ويفضل موزرليلا مع برمازان.. وعند يكون اللون ذهبي اقفل... بالهناء
(عدل بواسطة عمر نملة on 04-02-2020, 08:07 AM) (عدل بواسطة عمر نملة on 04-02-2020, 08:11 AM)
04-02-2020, 09:50 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10380
Quote: سلام ومحبة يا هندسة...بعد سلق المكرونة ويفضل 3/4 استواء.. حمر لحمة مفرومة. . وابشر بصلة.. ثم صلصة.. وطماطم مبشورة. و شمار اخضر . ثم في حلة منفصلة اعمل 5 ملاعق زيت مع 5 ملاعق دقيق وقلبهم وقبل ما يتغير اللون أضف حليب بالتدريج مع استمرار التقليب حتى يصبح القوام زي النشا.... جيب طاسة في قاعها بشميل.. ثم مكرونة ... ثم لحمة مفرومة.. ثم بشمل ثم لحمة ومكرونة مخلوطات ثم بشميل... دخل الفرن. . وبعد ١٥ د أضف الجبنة المبشورة...ويفضل موزرليلا مع برمازان.. وعند يكون اللون ذهبي اقفل... بالهناء
واضح انك معلم يا عمر شكراً للوصفة انا عملتها بشرح ليك طريقتي ما بعيدة من طريقتك ح انزلا ليك و قول لي رايك اسعدني مرورك يا حبيب
04-02-2020, 10:52 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10380
الطبخة صينية خضار بالبشاميل على الفرن .. المكونات :- خلطة البشاميل المكونة من حليب , دقيق , سمن , و بيض , فراخ , بقسماط الخضار :- كوسة ,جزر , بطاطس , فلفل رومي الطريقة :- عمل البشاميل في حلة على النار نضيف ملعقتين سمن كبيرة مع إضافة تلاتة ملاعق من الدقيق و بعد التحميص الخفيف يضاف الحليب و يضرب الخليط بمضرب البيض اليدوي ثم يضاف عدد اتنين بيضة واحدة تلو الأخرى , ونستمر بالتقليب حتى تتكون كريمة البشاميل وترفع من على النار... الخطوة الثانية :- نقوم بتقطيع الخضروات بشكل حلقات ثم غليها على الزيت. الخطوة الثالثة :- يتم تقطيع الفراخ على شكل قطع صغيرة مثل قطع الشاورما و تشوح على السمنة بإضافة البهارات ( كسبرة و فلفل اسود و توم ) ... الخطوة الرابعة :- يتم مسح صينية الفرن بالسمنة وتصب عليها نصف كمية كريمة البشاميل كطبقة أولى , و بعدها يتم وضع الخضار كطبقة ثانية ثم يتم وضع الفراخ كطبقة ثالثة و في الطبقة الرابعة يتم سكب النصف المتبقي من البشاميل و الطبقة الخامسة يمسح وجه البشاميل بالبيض المخفوق و من بعدها يتم وضع قليل من البقسماط كمرحلة أخيرة , و تدخل الفرن على درجة حرارة 180 , لمدة 20 دقيقة و بالهناء و الشفاء .. محبتي
المطبخ نفس ونفس... بنفس المواد مع اختلاف الشخوص.. تطلع حاجات مختلفة... وان كانت نفس الوصفة.. في حاجات زي باصات ميسي... مهم بوستك فرصة احاول ادي حاجات مختلفة بمواد خام متوفرة للجميع... احاول اكلة جديدة مع تحليتها
04-02-2020, 01:22 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10380
المطبخ نفس ونفس... بنفس المواد مع اختلاف الشخوص.. تطلع حاجات مختلفة... وان كانت نفس الوصفة.. في حاجات زي باصات ميسي... مهم بوستك فرصة احاول ادي حاجات مختلفة بمواد خام متوفرة للجميع... احاول اكلة جديدة مع تحليتها
نعم الطبخ نفس و ممكن حاجة بسيطة تغير الطبخة انا ما بعرف اعمل حلة الا بالفرن ح انزل ليك حلة بالفرن بعد شوية الحلل و ام فت فت و المرارة و الكبدة النية دي تخصص بدر الدين و معتز القريش ما حصل اكلتها معاهم بسمع بيها بس ديل اتعودو على العزوبية و انا من اسرة محافظة ههههههه تباً لهم اوغاد
عمر نملة خضر الطيب شرح لينا وجبة ساهلة ودي الكنت انا بفتش عليها، وناوي اعملها كل اسبوع للمسنوحات المعاي لكنك جيت عقدتها وبقيتها صعبة وزدت عليها لحمة مفرومة ودقيق ولبن وجبنة ،،، وهسع اذا واحدة من المسنوحات قرات تعليقك ده حتقوم تصر اعمل في المكرونة الحاجات الصعبة دي،،ههههههه ..وبعدين يا خضر انا شايفة في الصورة انك كترت الشطة الخدرا ،،،،ونلقى الشطة الخدرا دي كلها وين!! ولكن نقول ليك شكرا على هذه الوجبة الساهلة ،،،
04-02-2020, 01:59 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10380
حلة بالفرن بامية و معاها خضروات تانية و لحمة صافية بدون عظم بسيطة و ساهلة تدخل الفرن لمدة 40 دقيقة و بعدها بتطلع ظابطة و بالهناء و الشفاء https://top4top.io/
Quote: عمر نملة خضر الطيب شرح لينا وجبة ساهلة ودي الكنت انا بفتش عليها، وناوي اعملها كل اسبوع للمسنوحات المعاي لكنك جيت عقدتها وبقيتها صعبة وزدت عليها لحمة مفرومة ودقيق ولبن وجبنة ،،، وهسع اذا واحدة من المسنوحات قرات تعليقك ده حتقوم تصر اعمل في المكرونة الحاجات الصعبة دي،،ههههههه ..وبعدين يا خضر انا شايفة في الصورة انك كترت الشطة الخدرا ،،،،ونلقى الشطة الخدرا دي كلها وين!! ولكن نقول ليك شكرا على هذه الوجبة الساهلة ،،،
عمر ما عقدا هو عندو طريقتو البعملا بيها و انا عندي طريقتي لكن ما بعيدة من طريقة عمر بالنسبة للمكرونة الفوق ما محتاجة لي البشاميل تتسلق و تدخل الفرن مع البهارات و الشطة و الشطة الخدرا بتلقيها في دكاكين العرب لكن اليومين دي مع الكرونا في نيويورك صعبة الحاجة دي ربنا يكون في عونكم حاولو جيبو مكرونة و شعيرية و رز و دجاج و سمك و بنزل ليكم طبخات للمتوفر عندكم بحاول ابسطا ليكم بقدر المستطاع
04-02-2020, 04:13 PM
عمر سعيد علي عمر سعيد علي
تاريخ التسجيل: 08-20-2015
مجموع المشاركات: 885
Quote: خضر الطيب الراجل الفنان . . ياخي انت لميت كل الطيبات في حلة . . جوّعتنا .
صينية البامية بالفرن طلعت رهيبة فعلاً و الطريقة بسيطة ما معقدة ذي ما شرحتها فوق استغلو الحبسة دي و اطبخو يا عمر لو بديت بالمكرونة الفوق دي امورك حتظبط و بعدها حتبتكر وجبات مختلفة حتى لو باظت الطبخة الاولى المرة التانية حتعرف السبب و حتظبط عموماً مافي طبخة بتبوظ و لا من الساهل تحرق لو ركزتا معاها تحياتي يا ملك
04-02-2020, 08:16 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10380
Quote: شنو يا جماعة بشمل وفرتكان نحنا ناس امرقيقة وتقلية وام فتفت وملاح امبقبق وكول بس عليكم الله ورونا سوات المصقع وسلطة اسود سودانية وتحياتى
حاجاتك القلتها دي امشي للطوربيد بعلمك ليها لكن التقلية عملتها بالقراصة اول أمس الساعة اربعة صباحاً معاها شطة خدرا .. غايتو بي ليلك دا الا تمشي بني مالك حتلقاها
https://top4top.io/
04-03-2020, 05:24 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10380
اكلة خفيفة و ظريفة عاوز ادخل بيها التوب شيف .. الوصفة في التفاصيل لو حبيتو تعملوها و عجبتكم اعملوها و نزلوها هنا في البوست دا او في بوست منفصل بتتعمل بي طوة اللابتوب ولازم الطوة تكون اصلية .. طوتي دي ايطالية التتبيلة : ينقع الدجاج في خل لمدة 3 ساعات او قبل يوم يكون في التلاجة وبعد كده نضيف البهارات : 4 م ك صلصة الصويا ، م ص ملح ، م ص فلفل ، م ص باربيكا، م ص ثوم باودر م ك بهار دجاج . تترك لمدة لا تقل عن تلاته ساعات ، بعد كده ينزل علي طوة اللابتوب مع اضافة م ص من زيت الزيتون وتقفل بعد 10دقايق نضيف باقي الصوص ونضيف نص كباية موية وتقفل الطوة حتي الاستواء ، يقدم مع الرز بالخضار . و الرز عادي بتعمل مع خضار مسلوق على حسب الرغبة . وبالهناء https://www.0zz0.com https://www.0zz0.com https://www.0zz0.com
البداية بي إنك تختار طوتك المفضلة وطبعاً ما محتاجين تخمنوا طوتي ياتها
شغل رائع و التونة هي ممكن تكون البداية لكن وصفك و تفاصيلك بتخليك تعبر لحتات عميقة في الطبخ عجبتني طريقة التونة انا كنت بجيب سمك تونة كبير و بعملو بالصينية و على الفرن بطلع رهيب طبعاً مع البهارات لكن ح اجرب طبختك دي لانها عجبتني و اضحة تسلم يا حبيب
04-04-2020, 02:24 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10380
Quote: بالمناسبة عشان الصور ما تفتل ليك البوست جرب الكود دة
دائماً بكون حريص على عدم فتل البوست حتى لو كانت الصورة كبيرة بعمل ليها تعديل في برنامج معين لكن ما عارف دي جات كيف واضح انها صينية البامية غالباً دي ادوني فيها عين اصحابي الاوغاد لما اتعشينا سوا ههههههه
04-04-2020, 07:04 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10380
طبخة دجاج بالخضار على الفرن المكونات : تلاتة ارباع كيلو دجاج بدون عظم يفضل طازج لانو المجمد بكون دجاج كبير و بياخد وقت اكثر في الفرن بهاراتنا العادية بالإضافة لعصير الليمون تلاتة حبات , الخضار على حسب رغبتكم بالإضافة لإكليل الجبل و الريحان ( يفضّل و ليس ضروري اذا لم يتوفر ) بدي نكهة بالإضافة للزنجبيل الطازج الطريقة : تتبيل الدجاج و وضعه في التلاجة لمدة ساعة او ساعتين , تسخين الفرن على درجة حرارة 180 درجة مسح الصينية بزيت زيتون أو أي زيت متوفر , تقطيع البطاطس و الجزر في شكل دوائر ووضعهم تحت الدجاج و على الفرن تحت و بعد ما يستوي البطاطس و الجزر نطلع الصينية لإضافة الخضروات و نرجعا للفرن و المرة دي بتكون فوق ليستوي الدجاج اكثر و الخضروات المضافة لاحقاً, و بالهناء و الشفاء .. محبتي
سي سي: شيخي بدر الدين الأمير ، وقريبي معتز القريش..!
نكتة حايمة في الواتساب يا خضر: قالوا واحد ، عرقان ، نفسو قايم ، يسأل: يا جماعة الشعيرية ممكن يكبوا فيها ملح؟ واحدة قالت ليهو: انت في الشعيرية..الرجال وصلوا المحشي..!
غايتو دهر كروونا ده لمن ينقشع..كتار ح يكونوا: ارحموا عزيز قوم..!
والسلام..
طبعا الدوسة في محلها يا عمك..
فاذا رأيت انياب الليث بارزة..فلا تظنن ان الليث يبتسم..!
كبر
ـــــــــــــــــــ * العكودابي: اسألوا منها عيال الدويم ، الحاضرين الآن معتز القريش وحسام حمودة وهشام هباني..والنموذج الأوضح هو اخونا الكوميدان عبد الله عبد السلام (فضيل) بس يا خسارة طلع من الجماعة اياهم..!
04-06-2020, 01:26 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10380
سي سي: شيخي بدر الدين الأمير ، وقريبي معتز القريش..!
نكتة حايمة في الواتساب يا خضر: قالوا واحد ، عرقان ، نفسو قايم ، يسأل: يا جماعة الشعيرية ممكن يكبوا فيها ملح؟ واحدة قالت ليهو: انت في الشعيرية..الرجال وصلوا المحشي..!
غايتو دهر كروونا ده لمن ينقشع..كتار ح يكونوا: ارحموا عزيز قوم..!
والسلام..
طبعا الدوسة في محلها يا عمك..
فاذا رأيت انياب الليث بارزة..فلا تظنن ان الليث يبتسم..!
كبر
ـــــــــــــــــــ * العكودابي: اسألوا منها عيال الدويم ، الحاضرين الآن معتز القريش وحسام حمودة وهشام هباني..والنموذج الأوضح هو اخونا الكوميدان عبد الله عبد السلام (فضيل) بس يا خسارة طلع من الجماعة اياهم..!
واضح يا كبر انك ما بتعرف تسلق بيض لكن ما مشكلة لو تابعتا البوست دا مع حبسة الكرونا دي حتستفيد و الصوص دا هو سر الطبيخ متوقع هسي تشيلك الهاشمية تقوم تعمل لينا ملاح مرس او كول او ابديب او ام شعيفة .. يا مشعف هههههه بالنسبة لاخوان الصفاء معتز و بدر الدين ..الناس ديل بتاعين ام فت فت و كبدة ابل و مرارة و كوارع و حلل بتاعة القطر قام و انا الحاجات دي كلها ما بتنفع معاي عجبي صعب انا اتجاوزتا حتى مرحلة المحشي و الضلع ياخ دي اسهل حاجة بت الكلب الشعيرية انت لو تابعتني حتبقى زول كويس يا حبيب انا عندي معجبين يغطو عين الشمس بشرح ليهم وصفات عن طريق كتير من الوسائل و الآن اصبحو من امهر الطباخين و هاك ابو داؤود . العجب حبيبي
04-06-2020, 03:59 AM
Kabar Kabar
تاريخ التسجيل: 11-26-2002
مجموع المشاركات: 18537
بقيت معلم يا استاذ خضر ممكن بعد تظبط الخبرات كويس تبدا بفتح اول مطعم لك و اهو حتى المطاعم البراند تبدا بطبخة و تتطور لشركات ملا السمع و البصر
اول امس كنت عملت فيديو عائلي لطريقة تحضير عصير الافوكادو وحاحجول انزله هنا لو قدرت لانه بيدعم طريقة تحضير الافوكادو اللي قدمتها انت مع اختلاف الطريقة تحياتي
04-06-2020, 08:41 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10380
كيف ما بتزكر بخت الرضا بدت كيف كنت تلميذ فيها لمدة ستة سنوات و بعدها كنت مدرس فيها لمدة سنة دراسية كاملة و فرقتنا الايام و حزنت جداً لما اصحابك الكيزان حولوها لجامعة لانها هي اصلاً كانت جامعة حوت فأوعت بالمناسبة انا ما عكودابي و التحية عبرك للعكوداب
و منهم الشاعر الفذ هو الدكتور محمد بادي العكودابي في قصيدة له يرثي الشاعر اسماعيل حسن قال فيها : وداك اليوم.. وداع الهودج المتهادي.. كان جامع رجالات الحضر..والريف.. طيور السافل المحزونه.. جات بي ليلا.. تاركه جناها..للريح..والمطر ..والزيف.. وروح ابواتنا..والعباس.. وروح ياات من ملك..روحاني.. روحو شفيف.. ولا صيد الفلا الناجع.. من (أب ريحان..)1 ومن (بوحات)..2 ومن وادي الخلا..اب علليف.. ملوك شايق.. وقف (شاويش.)3. منككس في ترابو حراب.. وواقف تابعو.. شايل بي قفاهو السيف.. ده ..غير الفقرا..والشععاار.. وناس مجهوله.. مامعروفه..جات من وين.. ووصلت..كيف!!!.. وله ايضا قصيدة اسمها(حواء)..يصف فيها حياة القرية..بكل بساطتها..وجمالها..ويعتب على الذين آثروا الإغتراب..والنزوح من القرى ..والهجرة الى المدن..وأولئك الذين غادروا السودان..مغتربين في بلاد أخرى..رغبة في حياة أفضل.. يقول.. أقطعي الزند.. ال بقوودك من فلاة الخير.. على بلد الدراهم.. واقلبي الطوف.. إن كسح بك.. من جروف النيل.. على جزر المراهم.. ياديار حووا..ال مراقدك في رويس(عبد الله)4.. ويييينك!! يا المشاوير.. ال مشيتك.. يا المشارع السالكه..وينك!!. بالي فيكي.. إلا درب العيشه.. باعد بيني..بينك.. يا لبينة المغربيه.. الننازه..من أطراف..سعينك.. يا النخيل... السابي شيلك.. ولا طويرة الجنه.. تسكر..من مدينك... يا السراب ..الحبلى.. كل الناس ..تعاين.. لى جنينك.. يا السواقي.. النايحه زييك.. زي حنين..أمماتنا.. في حرقة حنينك.. يابنييه..طرييه.. طامره كنوزا.. بي طرف الطريحه.. يابسيمه.. رششه باارده.. تجيني ساعة أشييلك.. موية الصفيحه.. ياملييييحه.. يا العقيد ال نام.. موسسد راسو.. جببات السبيحه.. يا صباح الرحمه.. يا الروح.. ال بتلفى حواره.. تمرق ..من ضريحه.. ياحبيبات القمح.. منشررا..في زمن الحصاد.. قبل السراديب.. يارياح الشتوي.. هاااابه..على مساجين المشال.. بالسرور..والفرحه.. والفرج القريب.. يانفير قمر التمام.. ال حششو في شيلتو.. السناجك..والأرابيب.. يااااولد.. نقرات (تقيك).. ال في الحصاد.. عاقباها..بعد( المسره).. نقرات الدليب...
و شكراً على الاغنية الجميلة وعالية التطريب و المعاني و برضها لخليل فرح من اقاصي الدنيا ذي ما بقول استاذنا علي عبد الوهاب اما العميري انا بتحاشا اجيب سيرتو يا كبر كانت وفاة العميري حسرة كبيرة بالنسبة لينا اتوفى بعد خمسة ايام من انقلاب الكيزان و انا كنت آخر شخص قابل العميري الساعة 2 ضهر في الجمعية التعاونية في التلفزيون الساعة 3 العصر كان اتوفى .. له الرحمة و المغفرة بعدين يا كبر الصوص ما الصلصة بس بتكون معاها بهارات و حاجات تانية انت بس خليك في الكجيك مالك و مال الحاجات الحنكوشة دي مرة يا كبر وانا صغير مشيت لي اخوالي في المجلد خالتي رسلتني السوق و ادتني الريال الزمان داك قالت لي امشي جيب لينا سمك مشيت السوق لفيتو كلو ما شايف سمك واحد صاحب اخوالي قال لي يا جني بتدور شنو قلتا ليهو بدور سمك قال لي دياهو قدامك و كان الكجيك قلتا ليهو يعني خالتي مرسلاني اجيبا ليها دا قال لي هو في غيرو قلتا ليهو انتو ما عندكم بحر هنا فيهو سمك ؟ عاين لي كدا قال لي انت يا كافي البلاء لا بتعرف جغرافيا و لا تاريخ قلتا ليهو يا عمي انا اتجاهي علمي مالي و مال الجغرافيا و التاريخ هههههه غايتو اشتريت الكجيك و بقيت مارق
Quote: متذكر بخت الرضا بدت كيف يا خضر؟؟
كتر خيرك على ابو داود..يا خضر..ولكن..!
كلام عالي..فوق الفوق يا قريبي..!!
ثمة مساحة تانية يا عمك..مساحة العميري وناس محمد عبد الله محمد توم..ميل وعرج يا عمك..!!
Quote: واضح يا كبر انك ما بتعرف تسلق بيض
يخرب مطن ابو اهلك يا العكودابي..!!
سلاق بيض يا خضر!!..ياااااخ..بركاوي..الباقي العينة بتاعة ناس كبر لو تذكر..!
بريمة حنكوش يا خدر..والله صحي..!
ومش مهم..المهم ، وانت زول بتاع اعلام..خلي بالك من المنجوه عضو المنبر ، سيدنا خور جهنم..!
سلق البيض يا خضر ، حاجة غريبة في ثقافة البقارة..!!..ولكن..
بنعرف العبود التكارو (فطائر ، اكلة تصنع على البخار..
Made on steam
بنعرف النصيص (فكرة الباربيكو)..
Made on virgin flames
لحم مشوي على اللهب.. لو مشيت رهيد البردي ح تشوفها عيانا بيانا..!!
ايام الشباب ، يا خضر ، كنا بنسل الفول السوداني ، اخضر، وبندفنو تحت الجمر..!!
غايتو يا ظلامي..بنعرف البوسيك..!!
والتحذير من اكل اللحم والعسل..لأنو العطش ح يطلع دين اهلك..!
وتلك تجربة حية يا خضر..اكلت اللحم والعسل، وتاني يوم كاد العطش يسقط حجري..وكتر خير..بنات المسيرية سقني الموية بالطين ..ثم الرووب النادر..!!..ومرقت منها..تقول لي كروونا..!!!!!!!!
اتابعك فوق كم يا وهم..؟؟؟!!!
تعال ابقى راعي زينا ، وح تهدي العالم معارف ليس من بينها (مكرونة بالصوص)..!
هي المكرونة دي شنو يا خضر ، والصوص (الصلصلة) شنو..؟؟ ؟
كبر
04-08-2020, 02:07 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10380
Quote: بقيت معلم يا استاذ خضر ممكن بعد تظبط الخبرات كويس تبدا بفتح اول مطعم لك و اهو حتى المطاعم البراند تبدا بطبخة و تتطور لشركات ملا السمع و البصر
اول امس كنت عملت فيديو عائلي لطريقة تحضير عصير الافوكادو وحاحجول انزله هنا لو قدرت لانه بيدعم طريقة تحضير الافوكادو اللي قدمتها انت مع اختلاف الطريقة تحياتي
و الله يا حبيب علمتني الأيام في بريطانيا مطاعم الهنود و الباكستان بقولو ليك حلال لكن شغلهم لا حلال و لا نضيف .. كان الحل في اني اطبخ ما كان في اي خيار تاني شوية شوية الامور مشت رغم انو ما بكون عندي وكت كافي طوال ايام الاسبوع الا في الويكند بخصص تلاتة الى اربعة ساعات و بعمل اكتر من طبخة و جيراني الانقليز كمان كانو اول ما تجيهم ريحة الأكل بجو طايرين لكن الأكل كان بكفيني لمدة خمسة يوم و ما بحتاج لأكل المطاعم بعدها الطبخ اصبح بالنسبة لي رغبة ياريت تنزل الفيديو و طبعاً معروف اي طبخة ممكن تتعمل بطرق مختلفة من خلال تجربتي و في الجامعة في بريطانيا كان في طلاب بتاعين التغذية ديل بشتغلو شغل عجيب الشيف بديهم يعملو وجبة و بوصف ليهم الطريقة اي واحد بعملا بي نكهة مختلفة و بطريقتو و بتطلع رائعة كنا في البريك بنعاين ليهم من ورا القزاز عشان يعزمونا فعلاً كانو بعزمونا و بجيبو لينا الأكل في الكافتريا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خضر الطيب
عمر نملة
عمر سعيد علي
احمد حمودى
Kabar
احمد عمر محمد
فيس بوك
تويتر
انستقرام
يوتيوب
بنتيريست